- 29
- 0
- 字幕列表
-
Maza naka tama habasang hai mais namapu-asu hai manaingkal mas taisahat我爸爸以前要打獵前，等夢占
-
Umum hai macingmut manaingkal mas hazam mais masiala hazam hai mudan mapuasu一早注意聽鳥群叫聲悅耳的話就去打獵
-
Mais mapuasua nai-ian hai malainunua sia luduna maza minduduaz打獵時年輕人在山上圍著
-
Mais anatanpapat hai kudaiza cia tasat kutasipal cia tasat kudaiza cia tasa malas sung假設有四個人一起去狩獵時就四周圍堵
-
Maza namapu-asua bunun hai makamishang adasuna maza asuat makamisang mapu-asu帶著獵犬的獵人從中間打獵
-
Malavi mas bunun cia asuat hulmulunin hulmulina sias minduduaz malainunu hulmul獵犬也跟著一起圍著的年輕人打獵
-
Aiza tu tacini madas asu mabiskav mudan mapu-asu會有一個人飛快的帶著獵犬去追動物
-
Hai kamais isna mishangin hai pusbaiuinina cici到了中間時就趕動物
-
Pusbai-iunina hangvang mais nitu babuat sidi hai ngausina nai-ia kudi malashung趕山鹿山豬山羊趕去圍堵的獵人
-
Mais minsumina maipu asua hai minsumina cicia anpusdakun hai panahunin naicia獵犬一來'動物會分散圍堵了獵人就圍捕動物
-
Maupacia mabananaz mapu-asu hai mais mapu-asu hai zinbiunina asu mapisialat男人是這樣打獵的打獵前會先把獵犬準備好
-
Zinbiuna busul zinbiuna singhaili zinbiun amina iskaupakaupa haimangsut獵槍開山刀所有的東西都準備好
-
Mais mapu-asu hai ka mapasinapin makasia ludun cia madas mas asu打獵時就帶著獵犬飛快式的去山上
-
Mazana hulmul hai idipin nai-ia islunghu mastatala mas asu tu namasinap mas cici cia那些守獵的人會先在那邊休息等著要帶獵犬追動物
-
Maupa cia iskusia mais mapuasu nitu ka mikmang asatuka mapisial打獵的過程是這樣不能隨便的要很慎重
-
Aina hanup amin namapu-asu asatu ka zinbi mapisial mas taisahat mapisal mas busul mas singhaili不管是守獵還是打獵都要等夢占獵槍開山刀都要先準備好
-
Makua habas asua pikuna sai-ia iatu hai-iap tu masial tu以前獵犬怎麼篩選好壞
-
Paisiklisuna sai-ia masnava mas tausluhia maza madaingaz tama cina hai mahansiap sadu mas asu從小訓練剛幼狗爸媽老人家很會篩選獵犬
-
Maza makunga asu nitu masinap hai ka-aunat獵犬不懂撂捕動物就遭淘汰
-
maza masinapa hai pisi-aluna sai-ia mapakaun mapismuhat mapisial mapakaunat會撂捕動物的獵犬餵食好又胖
-
Paisi kamaikit adadasun kusia halimudung palinsiun palinsiun mas uvat tu miduduaz從小帶到森林裡訓練由小男孩帶去訓練
-
At mais minhansiapina sai-ia hai kantanin ispu-asu訓練好的獵犬到獵場就懂得追趕動物
-
Maupacia habasa mapu-asuan nitu mahtu mais nitu saipuk asu所以早期打獵要有獵犬一定要養狗
-
Mazakata bunun hai maisiklis ukanga lipun misuma ukang amina tauluan misuma hai nautu saipukin我們布農族在日本人漢人還沒來時就養了
-
Maupacia imita iskusia mais hanupani masa niang mapu-asu hai ka-unis dangal布農族打獵就是這樣 還沒帶狗捕獵時就做大的陷阱
-
Hai maza dangalan hai maszang mas taluhan ikitai ana isain ta ludun hai anais navakuas ka-unis dangal這大陷阱像小房子般的大小如果在深山我就教你製作大陷阱
-
Nitu ahu maza ahu hai vaivi vaivi ahuat vaivia dangal maza dai-ikai ka-unias bunu hai dangal不是用鐵繩做的陷阱兩種不一樣像小房子大的陷阱最原始的
-
Ka-unis dangal ka-unis civalan cia aupa palas hungana andianat做大陷阱用一個放東西來擋住
-
Sauzana mishang mas adu tai adu utan maza dadazan hai padangias batu mas mazmazmazat中間種地瓜或芋頭上面放石頭種種
-
Aupa mais kungazahina sai-ia maun hai cisdangalin動物進去吃就中陷阱了
-
masa ukanga maza paklis hai ukanga lipung ukang minuniuni ukanga paklis ung hai ka-unis dangal當時沒有鐵繩日本人也還沒來沒鐵繩用就做小房子般大小的陷阱
-
Dangal hai maimaza sai-ia大陷阱是用什麼做的
-
Lukis padangias cis basan palahuan mapipacinat ka-ilavan用木頭做的也做開關也做門的陷阱
-
Kaungadahina cici hai cis dangalin sika unis isu tu anuhuan tani madaing sinaduangik itu tama tu kai-unian動物一來就中陷阱這陷阱跟你現在坐的椅子一樣大我看過爸爸所做的
-
Antang haidipa itu bununa hai maza dangalan hai ispahais這種大陷阱也用來做邊的界線
-
Sikainunuana imita dia luduna ka-unis dangal hai-iapina bunun tu katu kusain cin沿著自己的田邊做大陷阱大家就知道不要越線
-
Inaicia si-ia tu hanupan ninmukmang mukmang kudip hai mapahaungunat人家的獵場是不進入不然會起衝突的
-
Tas tu bulaku makamasialai adasun ku kasun una-una taki tasipal cia bunun同部落比較親近要好的會互邀
-
Mazas kusia inak tu hanupan tan hanupan帶到自己的獵場打獵
-
Mais muhnin hai adasuna saikin kusia imutu hanupan palas kanan會輪流互邀去別人家的獵場釣魚場
-
Maupacia bunun habas mapatan a-ali tupaun tu mapakasial ninmapa hahaungun這是布農族以前相處模式互相分享像這樣和睦相處沒有在吵架了
-
Masahabas ukanga Paklistan sian hai Kai is dangal以前沒有鐵絲時做大陷阱
-
Masa habasang ukanga maza paklisan hai kaunis dangalat kaunis hatup以前沒有鐵絲時做小房子般的陷阱跟大石頭做的陷阱
-
Maza ispapanah hai busulkavi makasasaicina babuai以前都是用弓箭如有山豬經過
-
Talansuduk mas batakan ciat aupa palansungun patsusukun paucin paldailazun竹子削尖像這樣圍著排排插著
-
Aupa mais makadia babu hai cisliunga itu babua huthut mais ni hai ka-unis dangal這樣山豬經過時就會刺到脖子 不然就是做房子般的陷阱
-
Cisliung nitu panahun是刺到不是用箭射的
-
Cisliung mais ni tu kaknuan panahunin makubusal kavi刺到如果沒死就用弓箭射了
-
Mahtubin busul kavia satausuki弓箭可以射穿山豬嗎
-
Mahtu ais pihulpiahun aupahai nibis siaka taiszunguni taisdunguna cici ais可以啊弓箭都做得很粗弓箭 一射動物都會受重傷
-
Nisia kantana maza dia busulkavia kaiunianai做的弓箭是非利市特做的
-
Maza mazaingaz habas minunis tama hai mahansiap sadu tu adia hai supahas cici adia hai ukan以前老一輩的男人爸爸們都很會看有沒有獵物的地方
-
Mais nahanupta hai nakusianta sia supahas cici tan如果要打獵就知道要去有很多獵物的 地方
-
Pikun sadu怎麼看呢
-
Sadus kainadan mais supah kainadan hai supaha binung tu sidi ai看腳印看羊的排泄物
-
Aiza itu sidi cia maza sinunata mazuzumua hai sadus saicia有那些羊圓圓的排泄物就看那些
-
Kusia kalapat sadu tu u andian hai asabahas sidi asabahan dian mas tumaz adian hai asabahas hanvang去懸崖看就知道是羊還是熊鹿睡的地方
-
hai-iapa madaingaz sadu maza hanvang mais na-uvaivas ngabula bunguai老人家知道鹿要換鹿茸時
-
Ispalalainglaing sia lukis kuvahlas hut danum鹿會用鹿茸在樹上輕撞刮傷樹皮然後到河流喝水
-
Sadus madaingaz tu au kusasaintana hangvang huhut danumat aupa mapalalaislais nama-uman mas isaicia tu vaha ai老人家看到就知道鹿有來喝水樹上有刮痕知道有鹿要換鹿茸了
-
Sias tatuntu vaha hai isluslusunat aupa ciskala sai-ia aupa mainsumina ngabula水鹿要換鹿殼時會把鹿茸在樹上衝撞這樣才會把可把舊殼換新的鹿茸
-
Aiza lukisa pahaishaisan saicia kuvahlassa sai-ia huzdanum hai-iapa madaingaz tu有一種樹他會去衝刮掉舊殼也會去也會去喝溪流喝水
-
Hai-iapa madangaz tu andian hai itu hanvang tu kainadan andian hai itu tumaz tu kainadan itu sidi babu hai-iapa madaingaz sadu老人看得懂是水鹿還是熊羊豬的腳印
-
Sias kaidapanan cia hai-iapun tu maz是看腳印去辨識嗎
-
Ung kaidapanan cia mais tun vahlas cia hai ai itu hanvang dian tu kainadan是的去溪流時會知道這是水鹿的腳印
-
kuvavahlas tan hangsia naisaintanta malas hung他們知道有水鹿的腳印就在地守獵
-
NItu tupatu maz saicia kakaunun不是從食物辯視
-
Itu havanga kakaunun hai supah水鹿的吃的東西很多
-
Mais itu tumaz tu kakaununi熊是吃什麼
-
Maz itu tumaza kakaunun hai mastan mais maus cici熊是大致上肉食的
-
Mauna sian mas dubucui mauna sian mas sakut mas sidi mas mazmaz tu kakaununai有吃山狼山羌山羊什麼都吃
-
Kaumana ismut ta kakaunus tumaz mauna sian mas takisia libus tan不怎麼吃草都是肉食較多
-
Aizanga tasa tupaun sinapsakut maupa tu asu ikit simung masinap sakut cia有一種類式小狗的動物專門追山羌
-
Mungabin maupa tu kukung cia ka mavaiviang vaivivaivi aupa dubucu tan ngan hai有點像狐狸因是動物種類多名稱都不同
-
Aiza tupaun tu pilapatunat nautuka supaha lukis mais undazas saicia hai kalusun amin有一種叫鐵杉還有很多樹只要爬上去抓痕必定很多
-
Hai-iapunnin sian tu masu tumaz tu luduni supaha kailusanan括狠很多就知道這座山有很多熊出沒的地方
-
Maza sia tai-uan tana sia dubucuan hai kaupacia hanvang mas tumaz台灣的動物大概就這麼多熊跟水鹿
-
Mais makavah las hai aizanga tasa tupaun tu cisah maza sias kau-uamuku hai azas cisah從溪流時有種動物叫水獺 只有我們高山島有
-
Maza isaicia kaung hai mungabin maupa tu halum cia kaku ka manau-uaza kaung他的皮有點像穿山甲但是皮非常漂亮
-
Minsumina lipung hai mapataz saicia balivun dau minuni mas kabang日據時被日本人殺死要賣去做袋子
-
tupaun tu cisha takisiana sian danum vahlas動物叫做cisha是水裡的動物
-
mahtu kaunun ha可以吃嗎
-
Nia sai-ia kakaunun sidauna kaung不行只有皮可用
-
Kakalat sian bunun會咬人嗎
-
Atunau kalat mais damun asa si-ia tu kunias iu mapataz你抓他會咬你要用藥物才能殺死他
-
Aizabin habas iu i以前有藥嗎
-
Masa bunun tuda hai uka minsumina lipung hai sadu tu supah aiza hai madasa lipung mas iu早期沒有藥日本統治後他們就帶藥
-
Pakaunan sai-iat izauna saicia kaungat minunis kabang masial nitu minkukung tupaun tu cisah殺死後就拿他們的皮做袋子非常好都不會壞掉叫做 cisha
-
Maza mais maipu-asu hai itu hanvangat itu sidiat itu tumaz hai idaun amin打獵時水鹿熊羊的皮都可以用
-
ka-uniana sai-ia mas painukus mabananaz tu maupatu habangai mais hanup hai painukas saicia他們做成男人穿的衣服去山上打獵時可穿
-
ka-unias tibukulu pa-iani nakalusus valu hai panhabangas saiciat padangias tibukulu cia還作袖 套防止被有莿的草刮傷穿獸衣再帶袖套
-
kunias itu sidi tu kaung hai kiskisunat pizau-umunat kaunias tibukuluat kaunias sivahunat把羊皮的毛刮乾淨用軟做成袖套跟褲子
-
Painukas maupa tu habang cia pansia tuhutan ung hai masial ninkalusunat做外套式的做成外套到臀部很好就不會被刮傷
-
Maza itu sidi hai sapa ka-unias kucuat ka-unias ulus minsupah tu iskauni羊皮可做鞋子跟衣服也可做別的
-
Mahtu amin pinau-uadun kauniat minunis itu uvaz tu tavuk也可做漂亮一點做成小孩子的背袋
-
Habas hai uka-aupas tavuk hai kaunias tavuk isa-amas uvaz以前沒有背小孩子的背袋
-
Piku-isuna isaicia kaungat is tahis uka habas sinisi hai以前沒有線皮就用細一點來縫製
-
Pizau-umun istahis itu mabananaz tu sisvahunat istahis itu babananaz tu habangai皮用軟可縫製男人的衣褲
-
Mais panahusu sidiat umanuna maku-a-ngant maupa tu mahai-iav tu paktuan mapisial mapipacinat打到山羊時會先把不規則的拿掉量成四方形
-
Aupa mais cin halivhliv ai kiskisan mapipacinat mu-umanin saicia huspilai快乾時就把羊毛刮掉之後
-
Baduanat tanama mapipacia laupaku i manau-uaza sapa捣軟現在可試做看看羊皮真的很漂亮
-
Mais masanina kai-unian hai masmuav tu masiali maduhlasa kaungai tupauna sai-ia tu sapa如果做十組就很漂亮是白色的羊皮
-
Tupaun mais naping hlivuna sai-ia hai tupaun tu patuan已用乾已整理好的叫做 八段
-
Mais matuka sidi hai kasuan mapatu如果殺羊會立刻整理好
-
Tudi mapacipciah mais aiza hanvangat supah pinanah打獵回來會先鳴槍是因獵到山鹿或獵到很多山產
-
Mais manah tumaz hai mais makakaskas hai palaunang sia ludun cia nitu pulumahun maza tumaz播種時期如有獵到熊時會先放在山上不能帶到家裡
-
Mais laupang maikaskasat kaimaduh hai asa tu lusanangat napulumahunina maitumaza剛種小米或剛採收如獵到熊時必須先進行祈福儀式熊肉才能帶回家
-
Ungat piahanvang hai mapacipciah mais aiza sidi hai nitu mapacipciah獵人回來如獵到水鹿會先鳴槍獵到山羊不鳴槍
-
Mais kauman hai nitu mapacipciah asa tu supahat aiza hanvang如果很少不會鳴槍要獵很多又有水鹿回部落才可先鳴槍
-
Malis tapang palngangausun mais mapikua-ai像這樣的獵人報戰功或做什麼都放在前面
-
Mais nitu sasandui如果都獵不到的呢
-
Mazahabas minduduaz hai kaumana nitu sasandu sasandu amin早期獵人很少獵不到的都會獵到
-
mamananu amin tu minduduaz年輕人都很強
-
Mais taptapaz tu sumaldip hai haiapin amin bunun maza sain tu bunun hai nitu usizas pingaz如果是不正經不老實的話很快就傳遍這樣的人娶不到老婆
-
Mais paitazanin hai mahtuin siza mais binanau-uaz hai nitu sizaus sumaldip只能娶寡婦不然沒人會讓家裡的女兒嫁這種人
-
Masusumal bununat ibalubaluai masmuav makuniv-vai asatu nitu makuniv這種人平常對人只誇大不正經做人是不能這樣的誇大
-
Bununa sadu mais mamananuas bununa saduat pacingananas masial tu ngan好壞能力強的是別人認定的很好的會被取好名
-
Pahasia mais kananak tupatu mamananua saikin mikui ukanga sadu tu mamananuas如果自認很強但沒看到有所作為
-
Nias mamanunu sia bulakutan nias saipuk mas madadaingaztan nias mahtu maping humis bulaku tan hai在部落表現不好也不孝順也沒貢獻
-
Namikuas tupaun tu mamananuat paci naisana sai-ia tu sumaldip要怎麼稱讚所以取名字叫不正經