- 200
- 0
1.早期泰雅族人的生活，在鄭成功還未到時，荷蘭人就已經在台南了，鄭成功來的時期剛好甲午年時代，泰雅族人也已在山上居住生活了。
2.日本人來管理泰雅族之前，生活都是一個家族聚在一起的，連打獵、耕種都在一起，從日本人的管理之下，就把部落聚集居住在一起囉!
3.泰雅文化-紋面，隨著時間過去，在管理之下就阻止泰雅族人紋面。
- 字幕列表
-
taring cu kmayan yaw na cyami Tayal.我要開始說我們泰雅的故事
-
cyami alang Mʼlaʼala我們M'la'ala部落 就是現在的武塔部落
-
kahun nku aring lela se no zitay(日).從以前的時代
-
Teseku naring mwah miyuk alang Taywan hey.鄭成功剛開始來進入台灣這裡
-
ini wah kno ku Teseko no szitay ga rima mwah maki Taynan ku 荷蘭 no cyoli ma.鄭成功的時代還沒來時 荷蘭的人就先已經在台南了
-
mwah Taywan ku Tenseko ga tʼran ci nku se no zitay.甲午年(清朝時代)鄭成功來台灣時 剛剛好是甲午年時代
-
mwah Taywan Tenseko ga cyami Tayal ga rima nya maki rgyax kwara la.鄭成功來台灣時 我們全部的泰雅族已經先在山上了
-
cyami Buta son na alang heya ga mkahun myan nku byanux kuTaycyu.
-
mwah miray hnyasun Sinciku、 Toyeng、Byoricu、Sinciku Toyeng.彎過來經過新竹、桃園、苗栗
-
ru mwah myan miray mwah maki nku byanux ku Giran no byanux hey.我們彎過來就在宜蘭平原這裡
-
maki byanux ku Giran ga kya obeh hay nihyaku sen(日) cyami Giran no cyami Buta Son no buraku(日).在宜蘭平原大概有200年 我們武塔部落
-
kwara kno ku Ryoheng ru Hakaparis san na no Pyahaw、Nango全部的金岳和哈卡巴力斯(武塔) 碧候 南澳
-
mgluw rgyax ru mwah maki nku knkyan na lela.Pyahaw、 Kinngyan、Ryoheng ga.跟著山來到以前所生活居住的 碧候 金洋 金岳
-
cyami Buta Son no buraku ga mkahun Taycyu ru miray hminas Byoricu ru Sinciku、Toyeng.我們武塔部落 從台中彎過來經過苗栗和新竹 桃園
-
miray mwah beh bita nku byanux ku Giran hey.彎過來到宜蘭平原這裡
-
ini kbsya lga mwah kno ku Nipun la.過沒多久了日本來了
-
nanu Nipun ku mwah mlahan cyami Taywan no kwara cyoli ga.所以由日本來管理我們台灣泰雅族的人
-
rima myan mosa nku maki alang Buta Son rgyax.我們已經在以前的舊武塔部落
-
nanu Nipun heya ga gozyu nen(日)langan kno ku Taywan cyami Tayal uy.所以日本他們有50年也管理台灣泰雅族
-
maki myan rgyax ga ini wah Nipun ga rima mosa myan maki nku nkyan myan maki lela Buta Son no buraku.我們在山上時 日本人還沒來 我們就先住在以前生活的舊武塔部落
-
llahuy haca heya ga saʼing llyung mkahun kya.叢山它那裏是有2個流域從那裏的
-
utux ga 南溪 hey utux ga 北溪.一個是南溪(武塔)這裡 一個是北溪(碧候)
-
pu'ing ga mkahun nku Buta Son no alang kno ku pu'ing 'sya hey水泉源頭是從武塔部落這裡
-
nanu ana myan maki nku mwah maki rgyax Buta Son buraku(日) ga.所以不論我們在山上的舊武塔部落
-
nanu mgluw llyung ku cyami Buta Son ru matu myan Nango Cbalan Nango no byanux hey.所以我們武塔部落是隨著流域 我們都在南澳 宜蘭平原這裡
-
Buta Son buraku heya ga mwah maki nku knkyan myan lela Buta Son no buraku no toki ga ini mwah Nipun na ga.武塔部落是在以前舊部落的地方生活 那時日本還沒來
-
inu ku nku ngasal mayah si pgluw mgluw kwara kyoray.家和旱地在哪裡 所有的親戚就會一同跟隨在那裏
-
kyoray to ana 舅舅 mgluw kwara ru hmkani utux ku myasa rgyax ru no maki maki kya.親戚不論是舅舅的都會在一起和找一個很好的山上就會住在那裏
-
utux utux ngasal ga kyoray kwara.在那裏的每一個家庭全部都是親戚
-
yaba yaya laʼiy ru 舅舅 kyoray na 舅舅.爸爸媽媽孩子及舅舅的一家人
-
mgluw utux maki utux rgyax ru maki kya ku ngasal na uy.一同跟著在一個山上及家也會在那裏
-
lalu ga Nipun ini wah no toki no cyami Buta Son heya ga.所以日本那時還沒來 我們武塔部落的呢
-
inu ku mayah ga inu ku ngasal pgluw maki.哪裡是旱地(土地)那裏就是家 都是會跟著在一起
-
no aring mwah kno ku Nipun lga.Nipun heya ga psoʼnun nya maki utux ku uraw kwara ku nku Buta Son no burako la.自從日本來了 日本他們把武塔部落都聚在一個地方了
-
ini wah Nipun ga nanu maki inu ku ngasal ga yunan ga kura kya kwara kno ku uyunan nya.日本還沒有來時 那麼家裡在哪裡 獵場也都往那裏
-
kwara kno ku yunan uy ga mkayan nanak uy kwara kno ku bkis ga.全部的獵場呢 由全部年長者自己在討論
-
inu ku yunan ta ga ini ta usa mkura yunan cyoli ma.我們的獵場在那裏 我們就不往別人的獵場去了
-
yunan heya ga yaca ka halan nya tmʼoya halan nya mluyak.獵場那個是要去耕種及要去打獵的
-
thiya ku nku yunan ga mgluw mgluw mosa tmʼoya kya kwara ku nku utux gluw.遠的獵場是所有的一個親戚 大家在那裏一起去耕種的
-
yaba no kyoray no yaba no sswe. hey ga mgluw utux rgyax.爸爸的親戚 爸爸的兄弟姊妹 這是一個親戚是在一樣的山上
-
maki nku alang kyu Buta no nku knyanux myan ga Tayal no nku knyanux ga smlyat ru mnayan.在武塔部落我們泰雅的生存生活是砍草和墾地
-
no si pgluw kwara ku kyoray ga.所有的親戚都是在一起的
-
kyoray nisan(日) no mayah sakini halan nya mnayan ha.親戚哥哥的旱地先要去整理墾地
-
masu lga.sswe no nku mayah sina glgiy nku musa msʼun nayan.整理好了 就換弟弟的旱地就共同一起去墾地
-
masu nayan lga no utux nanak ngasal lga.整理完了 另外自己家了呢
-
naha nanak yani srhyu ku pnangan ru tekun utux ryax lga tmubux la.lmyun ru trakis ru bilung.他們自己就整理及背 到了一個日子就撒種了 有小米(lmyun trakis 、bilung)
-
bilung heya ga kblyan na rhakay kaca heya bilung ga.bilung是拿來製麻糬 那是用bilung做的
-
spayat kno ku yani tbugan na.有四種(小米)可撒種
-
tmubux ga masu mnayan kya obeh hay ni gacu(日) ata lga halan na tmubux la.撒種是要在那裏整理墾地 快要到2月了呢 就要去撒種了
-
tekun nku nana gacu(日) atari lga.suʼun na kmloh la.knloh nanu ku niʼun ga bleʼun na ci bmgay.到7月份了 就用好收成了 所收成的食物會好好地曬
-
bleʼun na ci mogiy pgyan na wagi ga.很好地曬 讓太陽曬乾
-
mkiya ku nku pnkya lga sʼoto na kho所曬的已乾了 就一起放進倉庫
-
kho heya ga pyangun na mutu kya kwara nku knahong nniʼun ga.倉庫它是把所有的食物都放在一起的
-
ru leʼun nya ci kble ku nku kho ga ana olit ga ini usa miyuk uy.會把倉庫製作的很好 連老鼠就不會進去
-
klhon na ga ruma ga piyux knhon na ga ana utux kawas ku yaca niʼun na.採收時有的會有很多的收成 不論在一年的時間都吃那個(吃不完)
-
maki rgyax ku cyami Buta Son burako heya ga ana ini pgluw ga.在山上的我們武塔部落 就算沒有一起
-
kyan ku utux ku ryax ga mʼoto mwah mʼoto nku utux yani byanux hay ngasal ga.在有一天的日子會來一起聚集 聚集在好像一個比較平坦(寬)家
-
mwah mkayan utux ryax.utux ryax hayi ga yunan heya ga leʼun na ci cmka.來討論一天的時間 把獵場好好地分一分
-
yaca ku yunan ga yaca ku yunan nya.kwara thiya nku rgyax ga psoʼnun na mosa mluyak.分好的那個獵場 就是他的獵場 所有在遠的山上裡是要一起去打獵的
-
sotomo(日) halan na tmoya ga. mosa tmoya rgyax ga wanux ga.那時要去放陷阱 去山上放陷阱是要獵水鹿
-
wanux ku yaca ku triʼun na wanux hey ga tyaba he nya ga.要獵那個水鹿 水鹿的身體是大的
-
ana knwan ga llingay mayah ga yaca ku tyaʼan na biyak nhyun biyak nhyun ga maki rgyax biyak nhyun.不論何時在周邊的旱地都有陷阱 山豬都在山上裡
-
maki rgyax biyak nhyun mwah rmuhuw na tuʼi yani ngahi.yaca ka tiʼan nya.在山上的山豬會來挖翻所種的地瓜 就是在那裏翻土
-
kyan utux ryax ga masu ci knloh lga mʼoto kwara kna ku utux buraku.有一日都已完成收成了 一個部落就會聚集在一起
-
anotoki ga kble uwaw kno ku yaya ga.那時候媽媽已製作的小米酒
-
rasun na no ku utux han mʼoto kya ru no ble ci yani mtyugi kya ku kwara buraku nya kwara cyoli.就會帶去聚集的地方 所有部落的人在在哪裡慶興地跳舞
-
cyami Tayal no tyugi ga wah....wah...wah ...tyugi na ga wah....ma kaca.我們泰雅族的跳舞會發出 哇哇哇聲 跳舞會哇哇是這個樣子
-
balay mskotun mskotun mʼes ci mskotun mtyugi kwara.甚至跳起來了 大家都很開心地跳起舞來
-
yaca kno ku masu knloh na ato la.si ta san ma yani pʼasun ta kwe yaba kamisama ma.那是全部收成完的時候 就像是我們說的讚美天上的 神(為之高興而舉行的歌舞慶祝)
-
utux ryax ga myasa ci kwara ku knuhiy.所種植的都非常地好
-
ana ngahi ana trakis bilung、llmyu kwara ga myasa ci ku knloh na piyux ci ku knloh na.不論是地瓜小米(trakis 、bilung、llmyun)所有的都有非常好非常多的豐收
-
nanu mʼoto utux ryax ga yani sesan nanak ku yaba kamisama ma.ma kaca ku syukan nya cyami Buta son na buraku.所以我們聚集的一天就像在感謝天上的 神 這就是我們武塔部落所分享的節慶
-
Nango go na Tayan nku yani ma kaca mʼoto ga mtna kwara.ini pgluw ryax.南澳鄉的泰雅族就是這樣聚集都是一樣的 但聚集的時間會不同的
-
kisa ga yani Buta son ga mwah mʼoto Buta son kwara ku lpyung.Ryoheng、Kinngyan、pyahaw ga.如果今天是武塔部落 所有的朋友就會去武塔部落聚集 有金岳、金洋、碧候
-
ana toki ga Kinus maki hogan hay la.那時候博愛(現屬金洋村博愛路) 在底下一點了
-
no ma kaca nku Tayal.mʼes ci piyux ci knahon nya ga.泰雅族就是很高興有非常多的東西(收成的食物)
-
aring mwah Nipun lga.從日本來的開始了
-
lela ga tmapas rʼyas knku ana kneril ana mlikuy ga.以前不論是女生男生臉上都會紋面
-
neril ga iya kinga mosa magan likuy.no mayeni tpasan na kwara ku nku rʼyas ga.女生是快要嫁人 全部臉就要紋面了(上額與臉頰)
-
ana likuy uy ga tmapas cikah uy.連男生的也會紋面一些(上額與下額)
-
ini pasiy ku roku rʼyas ga ini usa magan likuy ku kneril.如果沒有紋面也不會去嫁男生及娶女生
-
ma kaca ku nku knyanux na mtna kwara ku Tayal ga.這就是泰雅族一樣的生活
-
cyami nku Buta son ga lela maki Buta son buraku no knyanux ga maha kaca.我們武塔部落以前在舊部落的生活是這個樣子的
-
mwah Nipun ga naring ga ini htuy ma ini htuy ku Nipun.日本剛開始來的時候不會阻止
-
ini kusa ma iyat tpasiy kno ku rʼyas mamu.不會說你們的臉不要紋面
-
gozyu nenkan(日) maki chey Nipun sno ato lga hmtuy la.iyat tpasiy nku laʼiy mamu kneril lma.日本在這裡50年了就會阻止 就說你們女兒的臉不要再紋面了
-
naring kya ku cyami Tayal ana micu ga. nanak bkis ga texan kyan nku tpasan na rʼyas.我們泰雅族從那時開始一直到現在 只有老人家看的到臉上有紋面
-
nku krakis ga ini hay tegiy ga.hay ga Nipun mwah mtuy ma iyat tpasiy rʼyas mamu la.beta micyu ga.年輕小姐不會看到 這是日本來阻止說臉上不要再紋面了 所以一直到現在
-
baʼun nyu ta snhe yaba lga.我們現在有信仰信基督了
-
ana ku syukan ta lela ga nya ta ini glgiy kya uy la.但是我們以前的分享 我們也已經沒有再隨從了
-
knyanux ta micu ga yani maki byanux ku knyanux micu uy.我們現在也生活住在平地
-
ini kryani lela kno ku utux ryax ga ma ta nanu ma yanux ini tʼna uy la.不會跟以前 我們一天的生活是怎麼樣的生存 現在不一樣了
-
micu lga kwara kno ku niʼun lga nya ta bisun pila kwara.現在所有吃的都要用錢買的
-
bwax ga mosa ta baʼiy nku Minse(日).han ta tahapuy.米要到商店裡去買 我們要拿去煮
-
kwara ku rami ngahi ga ngiyat kmuhiy ga kyan ku rami.knuhiy ta nanak ru niʼun ta.所有的菜、地瓜是要認真地去種才有菜 我們自己所種的所吃的
-
ini ta baʼiy nku Minse.nya ma kaca nku knyanux na micu ita Buta son uy.沒有在商店買 現在我們武塔部落的生活也是這樣
-
no iriy beta caku nku knayan mu la.我所說的就到這裡結束了
-
lalu mu Tayal ga Yawiy Hayung.waya cu msotaw minkoku nizyu yiyci nen(日) zyu yiyci gacyu no zyu nana nici(日).我的泰雅名字叫Yawiy Hayung我出生在民國21年11月17日