原住民族語言資料庫 - 族語書面/口語語料保存、應用、推廣

sasan soni qani ga, nyux mwah i hmkangi magal cikay squ

今天早上,有個為了尋找獲取

gaga na qu lluhuw na qu itaʼ Tayal ka Syobhong qa ga

秀鳳為了泰雅古調吟唱的傳統,

nanu yasa qu ka kira qani ga ,

所以在今天，

musa maku i sqtuxun mwah i gmbang kmal cikay squ,

我將要為這個主題來說一些，

kwara ka zyaw na gaga lmuhuw ka lluhuw ka itaʼ Tayal ga,

所有有關泰雅族古調吟唱的所有傳統，

aringan nya ga anay maku i sʼaring squ rʼtung balay nqu linhogan ga

一開始，我來簡短的吟唱一段，

keʼ bnkis hya ga ini naha say ma

祖先流傳的話，是不會說成

anay maku sʼagal cikay squ rʼtung na lmhuw iyat yasa qu kkal hya ki

我來拿一段簡短的古調，說法是這樣，

kkal hya ga anay maku sʼagal squ rʼtung nqu linhogan ga,

說的時候，會說我要取簡短的一段旋律，

imi i keʼ theluw hya ga, anay maku sagal squ rʼtung nqu linghogan ga

中文的意思是說我取一小段的吟唱的這個旋律，

anay maku i saring squ ryax soni qani ,

作為今天的這個採集的所有的開始，

qwas qani hya ga qwas nqu nisan mkitaʼ mkkitaʼ ga,

這首吟唱的歌謠是剛認識的，

baha hmswa itaʼ Tayal hya ga,

因為我們泰雅族人，

nisan mkkitaʼ ga ini mtnaq kwara qu keʼ kkal ka bbyaqan ga

剛剛認識，每一個地方的口音不同，

hmswa gi te qutux maha ni kinbaq su ga

因為首先若是你所熟悉的

gluw su qutux qalang qani ga

在同一個部落裡，

ana su ini anay i krahuʼ kmhkuy ga

即是沒有鉅細爢遺的

kmhquy i mlamuʼ squ son maka giwan ka nyux su mosa uwah i

繞著圈圈來講述

pcbaq squ lpyung i laluʼ nqu squliq ka mosa su spqwas qani ga,

藉吟唱來向親介紹你所要說的名字

qani qu te qutux te sazing hya ga te sazing ga ,

這是第一個第二個是...第二個是，

nanu yaqu ka kinbaq su,

就是你所知道的，

iyat su kinbaq, te sazing ga iyat su kinbaq ga,

不是你不知道的，第二個是你不認識的，

keʼ theluw ga iyat su kinbaq ga, minkitaʼ simu mqutux ru sazing , ru...

中文的意思是,不認識的但是或許有一兩次的見的機會但是...

iyat yasa son mha ka baqun maku iyal ay squliq qasa, iyat rwa,

不是指說我非常的認識的人,不是喔，

iyat yasa qu puqing nya ga,

不是這麼說的，

ana su kinbaq ga iyat simu i phzinays i mopuw qaraʼ ka keʼ ka pincisal mamu ga,

就算認識但是你們所聊的話沒有超過10句的意思

anay makuʼ sluhuw cikay

這個聊天沒有聊出10句的這種是生又是陌生的這個這樣的歌意

o ~~~~kiya sasan soni i ~

喔～～在今天早上～～

kin ~na~~ bin~lloqan~ wagi~~

在太陽剛剛升起的時候

o ~~pin ~na ~holan ~cintngan su roziq su ka

在這個你所看見的,

sinsyaqan wagi sasan ki

早上燦爛的太陽下

nyux taʼ galan pspung sa kwara

有我們所取得的

ta qu ~~rawin ~~~maku ka Syobhong soni ~~~nyux tehuk

看到我的妹妹秀鳳到來，

sa uwan nya mamuʼ squ keʼ na Tayal soni qani wah~

來到這裡採集我們泰雅語，

kin na bilan ~~~sa qoyat sinbilan bkis taʼ Tayal

泰雅族祖先所留下來的

in_ngugan squ sa huway yabaʼ taʼ utux ki wiy ~

來承襲祖靈的遺留下來的聲音

o ~~nanu sa ga~~~asiy taʼ siy pmmuʼ pmnglung squ kwara,

喔～～所以～我們要將想法連結在一起，

huway sinbilan na bnkisan taʼ Tayal

感謝泰雅族祖先所留下來的，

qwas qani hya ga nyux kmal maha nyux sqani rawin ga, rawin maku i Syobhong baha hmswa gi

這首歌，是因為講述我的親人秀鳳在這裡,

nyux mtzyaw rmruw squ laluʼ na Tayal ru rmuruw keʼ ka kkal nqu bnkis ta,

在從事推動泰雅族語及語料的採集工作

ru soni qani ga singusan nqu puqing qu sasan soni ga,

及在今天一開始的語料採集中

nyux mwah hmkani cikay squ a...gluq nqu hkuy ka lluhuw na bnkis taʼ Tayal ga,

今天來是為了採集傳承泰雅族古調，

nanu yasa qu wal maku i sagaw i sluhuw cikay ,

所以我先開始吟唱了一小段

ru~kahul squ gaga taʼ Tayal ga lmhuw qani hya ga iyat kinqeri ga qani ,

從我們泰雅族的古調的傳統不是可以小看的

qani hya ga mtnaq squ keʼ ga

這個就像是說話一樣

mtnaq squ keʼ ka nyux mosa i kkal squ bnkis ga

就是像話一向祖先訴說

qani mtnaq nqu keʼ ga ana naha sluhuw ga

這跟說話一樣，雖然是用吟唱的方式，

giwan nqu keʼ ka nyux naha i spqyuʼ iyat ga nyux naha skal ,

就像他們在敘述或者是所訴說的

ana naha skahul squ lmuhuw ga

即是他們是用吟唱的，

Tayal hya ga iniʼ kbsyaq ga,

泰雅族人 (講話)是不會很長

maha siy ktukiʼ kmal keʼ Tayal nanu yan knan nyux maha qani pqyuʼ ga

如果一直說著族語的話就像是我現在這樣的敘述

iniʼ kbsyaq ga, ini kbsyaq qu zikang ka pinsalan nyaʼ

聊天的時間不會很長

ga~lmuhuw qani ga nyux qutux qu puqing nya ga

但是吟唱是會有一個主題的開始

keʼ myan Tayal kmal hya ga, insunaʼ maha,

在泰雅語所說的是氣息的意思

baqun taʼ lmuhuw iyat ga, mqwas iyat ga hmwaw ga

我們所知道的吟唱或者是歌謠或者是吶喊

qani ga nyux mras insunaʼ qu nyux maras,

這些是氣息在帶著的

不管是古調或者是呼喊或者是唱任何一首歌曲

insunaʼ ga

泰雅族會講說氣吼

rʼtung isunaʼ su ga mosa rʼroq rgyax ʼsan su ga,

你的氣息很短，你所到達的山是很矮小的

iniʼ klokah isunaʼ su iyat su pttaʼ katuʼ maga,

你的氣不長你無法到達山頂

nanu yasa qu bnkis ga mqwas ga son naha sluhuw ga

所以祖先唱的時候他們為什麼用吟唱

son naha ini kahul squ keʼ ga

為什麼不是從說話

qani hya ga nyux pspung nanu sa la pspung squ insunaʼ ga,

這個是為了要比這個氣息啊

mtnaq squ nyux mkaraw rgyax

就好比是在比爬山一樣，

lokah su ga pgleng su ru plaqux suʼ

你很強就會領先就會贏

ru pttaʼ su katuʼ su hya

你就會到達山頂了

ga iniʼ klokah insunaʼ suʼ ga aw i qutux balay lxyux ka babaw llyung gong ga

如果你的氣不夠強當然如果只是一座河邊的山丘

pttaʼ su kya lga ini su thozyay isu hya la

你的能力只能到達那裡就已經沒氣了

nanu yasa qu ka pqzyuʼ kin kmal qani hya ga ini ktwa hinriqan qu insunaʼ sa

所以在敘述還有說話不會花費多大的氣息

pqzyuʼ kin kmal qani hya ga, ini ktwa hinriqan qu insunaʼ sa,

談天聊天或者是純粹講話這種語氣呢他花盡這個內在身體的那個氣吼

isuna qani hya ga, ini pira wal su hinriqan,

這個氣吼,可能...用不到多少,可是...

maha su nyux pqzyu ini ga lmuhuw ga,

可是你在敘述或者是用吟唱得過程當中

maki qu rʼusu hngyang 、hbaw na hngyang ru kinhelaw nya,

他就有分那個重音輕音包刮那個唱歌的速度

kin hlawan nqu qwas ga,

歌謠所包含的

qani hya ga, pqing ggalan qu spngan ,

這些是拿來作為依據的

ru teʼ sazing lozi ga nanu qu son maha lmuhuw qani ga

第二個是什麼是吟唱

lmuhuw qani ga, cingay qu lamuʼ nya ga,

至於吟唱含有很多的意義

nanu qu llamuʼ nya ga

它有哪些意義呢

wayal qutux qu bbyaqan keʼ ga

他是有一種說法的，

nyux makuʼ sʼagal binbrwan maku ga, baha blaq mkkariʼ lga

我是引用我所寫的怕萬一說錯了

maki teʼ qutux qu nanu son maka qwas ga,

有一種我們叫歌謠到底什麼叫做歌謠啦

te qutux hiya ga iyat qwas Tayal

一種是非族語歌謠

te sazing ga nanu qu son maka llamu qu qwas lmuhuw qani hya ga

第二是我們為何會說吟唱代表許多意義

teʼ qutux hya ga kahul squ min i benkyoʼ nqu son maka si te siy say hmkasay squ qani ga,

第一種是是從所謂的學者的研究

payat qu llamuʼ nya ga, qwas ka iyat i nyux naha ssyun kkyalan ga,

在他們的研究中他們分別舉出四個類別

teʼ qutux hya ga, nanu sarwa iyat qwas Tayal ma nanu qu son iyat qwas Tayal qani hya

第一他們說不是屬於歌謠類為何說不是泰雅族語歌謠

qwas qani hya ga swaʼ naha ison mha iyat qwas Tayal ga

這類別的歌謠為何不算是泰雅族語歌謠

piyang nya ga spiyang nya ga, nyux i kblazyun lozi ga

主要是他們會再重製

siy naha gariʼ sa rʼtung balay nqu hkuy hngyang tayal ru twangan naha lozi suruw nya lozi

他們只有截取一小段的族語聲音然後加入到他們的歌曲

nanu yasa son maka iyat qwas Tayal ,

所以說這不是族語歌謠，

te sazing hya ga binkgan qu zyow ka minkenkyu ga

第二是是從研究中來分類

qwas Tayal qwas Tayal qani hya ga, maki lozi qu son maha qwas bnkis,

族語歌謠這種的族語歌謠，有一種又是他們所謂的祖先的歌謠，

ru qwas Tayal son naha misu qani ga kinbalay uzi, tnwang uzi

他們所謂的族語歌謠是現代新創的是現代加以創作的

ru qenu qu qwas balay nqu bnkis hya ga nanu yaqu ka wal maku i stakuy mqwas qu ʼringan ga,

什麼才是真正的古調就是我剛開始所吟唱的

ru qutux lozi ga nyux naha i cinbcyan lozi kmal maha

然後又有一種是他們又有另一種的說法

qwas lmuhuw qwas bnkis ki qwas lmuhuw qani ga, qenu nyux iniʼ ptnaq ga

古調吟唱，祖先的所吟唱的它們不同的地方是什麼

kun mitaʼ ga, mtnaq kwara

在我的看法都是一樣的，

siy naha siy say maha qwas bnkis ini naha baqiy qu imi nqu qwas ka nyux spqwas bnkis ga

他們把它歸類為古調是因為他們不知道老人們所唱的是什麼意義

yasa siy naha say mha qwqas bnkis la

就只好說是古調

ru balay balay nya qani qu son maha ka qwas lmuhuw qu Tayal

然而這才是真正的泰雅古調

baha hmswa lmuhuw qani ga, iniʼ naha hmciʼ mwah mqwas ga

因此吟唱這件事呢是不隨便來唱

nanu siy ki baq su mqwas,

必須你會唱

ru siy ki baq su mwah i kayket squ zyawow ga zyaw ka pikatan ga,

而且你必須是會處理相關爭執的事情

iniʼ su qbaq mwah kayket qu zyaw ga iyat su nbah thuyay lmuhuw uzi

你不會調解處理事情那你也不會是會吟唱的人

ru qutux lozi hya ga qwas mzyugiʼ son naha ga

還有一種就跳舞時候的歌謠

qani hya ga qwas qu ppziʼan nqu llaqiʼ meʼa su yan ni zywuaw na smye

這一種是孩子在遊戲的歌謠就如在提親的時

ru smqas qu zyuwaw smiʼ laluʼ nqu llaqiʼ ga gani,

還有慶祝孩子要取名字的時候

ru lozi ga, qwas spiyang lhugan hiya ga,

另外在吟唱最重要的是

nanu qu ka te qutux hya ga, zyuwaw nqu psqzyuʼ ga,

就是在教導事情

nanu qu son Tayal psqzyuʼ hiya ga,

泰雅族稱教導事情是什麼

laqiʼ ka iniʼ ktuqiʼ ru siy giway mrye squ skaʼ nqu tuqi qnxan ga,

孩子不循正途在人生道路上蹉跎

yan nani qu lelaqiʼ mutux naha sʼagal squ qwas ru wahan naha psqzyuʼ uzi

像這樣的年輕人就會用教導的口吻來糾正他

nanu yasa qu ka cinbcyan nqu qwas lmuhuw qani ga, cingay balay,

所以吟唱的類真的很多

maki uzi qwas kneril ay ga~iyat kneril mqwas ay

也有一種是屬於女生的歌但不是女孩子唱喔

sqqwas naha ga, spqwas naha sa kneril ga

是為女生來唱的歌

meʼa su yan ni myangi mnbuʼ yaki ru laqiʼ ka musa oyomay ngasal squliq ga

像是長輩長久臥病或是女孩要嫁人時

ru iyat ga laqi nanak wal oyomay squ ngasal squliq ru~

或者自己的女兒要嫁到夫家時

trang i trang squ mosa mwah i nanu sa rwa melaqiʼ ga

當女兒分勉後

aring a mosa i zik pumaʼ ga, zik pumaʼ ga pqwas naha uzi,

回娘家求祝福前也會吟唱

nanu yani qu son maka qwas lhhugan nqu Tayal

這就是泰雅族古調吟唱的範疇

ru~qutux lozi ga, puqing nqu sinyusan na lmuhuw qani ga

還有古調吟唱最主要的因素是

te qutux hya ga inlungan, nanu qu son inlungan hya ga

第一種是心境為什麼會說是心境呢

te qutux ga, zyuwaw na smye nanu qu qwas ka puqing uwah naha te qutux ga smye

第一是有關於提親的事來提親時拿來溝通的根本就是吟唱

ru~te sazing hya ga nanu pqwas naha ga melaqiʼ ,

其次所吟唱就是有後代(生孩子)的時候

ru~te cyugal hya ga smiʼ laluʼ iyat ga sinlaluʼ ga

第三是取名字或者是命名的時候

ru ~te payat hya ga smyus gi mgaga

第四是祭儀時

iyat ga qani ga, puqing ka sluhuw naha uzi

這也是拿來主要吟唱的事項

ru~te magan hya ga nanu nqu ka mwah i sinbalay ka cinʼqwan ga,

第五種是發生爭端尋求和解時

keʼ Tayal maha cinʼqwan hya ga ssaxa squliq ki squliq ka nyux i mssayuʼ ga yasa qu son mha cinʼqwan ga

在泰雅語說得罪是人是人與人之間有了爭執的時候這就是所謂結仇

ru~qutux lozi hya ga qwas qani ga, piyang balay na pqing nya ga

還有一個主要的原因是

nyux mwah i kmal squ puqing ka kinhulan nya, te qutux,

是要說明他的祖居地這是其一

te sazing hya ga, mwah i ...mwah akasiy squ bnkis ga, pqing qu bnkis naha

第二個是來...來尋親的尋找祖先的根源

mwah akasiy squ puqing nqu kinhulan naha ga iyat ga puqing bnkis naha

來尋找祖居地或者是他們的祖先

mutux maki qu keʼ Tayal kkal naha maha , sami ga qutux niqan

泰雅人會說我們是一個家族

sami ga qutux llyung iyat ga, sani ga qutux kyoray son naha ga

我們是一個流域的或者說我們是兄弟姊妹

kyoray keʼ gipun hya ga, mtsswe ga, mtsswe sami nanak, qani squ uwah naha mqwas uzi

kyoray是日文兄弟姐妹的意思是會以自家兄弟稱來吟唱

ru qutux lozi hya ga, nanu sa rwa mwah i pngsaʼ squ qpzing

另一種是來分享他們的能力

kya qu bnkis baq iyal lmuhuw ru baq iyal hmkani ka kkyalan ga

有些老人很會吟唱很會找主題來吟唱

qani son naha a~ iyat kiinqeri na bnkis bnkis qani ga baq balay

這就是所謂的有智慧的長輩很棒的人

muluw iyal kkyalan ru muluw iyal keʼ ga, muluw iyal bbyaqan qu kkal nya ga

很會論述及敍述的事情頭頭是道

ya qani son mha iyat kinqeri na squliq ay ima ima ...mamaʼ qani ga, baq balay lmuhuw

這就是所謂的不同凡響的人是哪一個哪一個叔叔很會吟唱

ru~qutux lozi ga mbbiq lmuhuw ga nanu qu son maha mbbiq lmuhuw qani hiya ga

還有就是相彑吟唱什麼叫相互吟唱呢

mqwas ga mkal squ zyaw pinkatan ga nanu qani puqing ka son mha ʼwah nha smbalay

若是雙方有爭端吟唱就是來調解雙方爭執的基礎

mzʼa su mwah smye ga,

就如要去提親時

maha saku musa smye ngasal squ squliq ga,

如果我要去向那一家去說媒時

maha kya qu laqiʼ naha krakis ga,

如果他們家有年輕的孩子，

nanu qu uwah maku mqwas kun hya ga

我會這樣吟唱的，

mwah ku mqwas qu laqiʼ myan mlikuy sami hya,

我所要唱的是我家的男孩子，

nanu qu skal maku ay blaq balay laqiʼ myan mlikuy qani,

我所要說的是哎～我家有一個男孩子非常的好

lmotux balay qnzyat mtyzyuwaw ru cingay qinbahuw nyaʼ

很勇敢也非常的勤勞有很多的莊稼

qani qu uwah maku lmuhuw squ kya qu krakis ka nyux mosa szyon ka aki galan inaʼ ga,

這個是我到那個女孩家或者是想要將她娶回來當媳婦時所吟唱的，

ru yabaʼ nqu kneril qani iyat nya yutas ga smyuk,

然後女方的爸爸或是爺爺會回應

maha naha i ngisan maha ay maha naha baqun cinngasal maku qutux squ kisit balay qu ngasal ga

如果他們很捨不得或是他們知道我的家庭是一個非常窮困的家庭

iniʼ naha swaliʼ i pʼuwah squ ngasal myan qu laqiʼ naha kneril lga

他們不同意讓他們的女兒嫁給我們家時

mutux naha sqhut nanu qu spqwas naha qa ga laqiʼ kneril qani ga, iniʼ naha biqi blaq squ keʼ,

會阻止在吟唱的內容就不會給女孩子好聽的話了

nanu mqwas ga, qutux squ qilang iyal laqiʼ myan qani

所以在唱時會說我們的女孩是一個非常懶惰的小孩

ana i mkaraw wagi ka nyux i psyax kcyan yasa trakaʼ tukah nay mʼabi naʼ

即使太陽都曬到她的屁股她還是屁股朝天的睡覺

mutux maha kya mqwas ga

他們會這樣唱

iniʼ naha biqi squ blaq nqu keʼ ga

不會給很好聽的話

imiʼ nya qani ga te i mgye qu nyux aki mwah smyay qani maha

意思是希望來求婚的能夠知難而退

ru ~maha naha szyon qu laqiʼ maku mlikuy ga,

如果他們很喜我們家的兒子，

maki uzi qu muci ka sinyukal maha aw ay yan qani balaq mamu mlikuy ga

又會有另一種的回應說好像這麼好的男孩子

laqiʼ myan kneril qani ga, blaq balay uzi

我們家的女兒也是非常的乖巧

baq iyal tminun baq iyal kbalay qwo Tayal baq balay smiʼ tmmyan

會織布很會釀山地酒也很會做醃肉

ru ~baq babaly i sayri squ ngasal ru~

很會整理家務

baq balay qnzyat balay ana musa i tmubux i trkis ga,

非常的勤勞也會種植小米

ungat i kneril qalang myan qani qu hmzinas hya

部落的女孩沒有一個可以超越他的

mutux naha i strahu iyal qu kneril qani ga

他們會很稱讚這個女孩子

yan qani lga, nanu mosa blaq qu pinkyalan myan rru

像這樣我們會談的非常的順利

snaga squ sazing sinnyaqan qu wagiʼ lga, ru musa i spkal txal lozi

等到再過了兩天會再去拜訪一次，

kmal txal qani lozi lga smyay qani lga mwah kmal pʼaras la

談完這一次了之後這個親事就會談到嫁妝了

nanu qu paras ga nanu yaqu naha ay ~musa oyome ngasal qu laqiʼ kneril ga

嫁妝會有些什麼就是,要出嫁之前女方的家裡

simu ka kneril ka nyux ngasal yayaʼ yakiʼ ru swagi ru inaʼ ga,

你們女方的媽媽、奶奶或者是弟妹或媳婦，

laxi zngi ki aring sqani ru tehuk squ ʼʼosaʼ ngasal squliq qu laqiʼ kneril qani ga

不要忘了從現在開始到女子出嫁前

ʼragi mwah i tminun qani ka rasun nyaʼ ngasal squliq ga,

要幫忙織布這是要帶去對方家裡的

ragiʼ i tminun palaʼ ru lukus ka iyat ...iyat ssyaqan nqu lpyung squ ʼsan nya maha,

幫忙織布匹還有衣服不會讓親家笑話

kwara qani ga mosa naha skahul squ rinnuhuw kwara,

所有的這些都是來自於吟唱

nanu yasa squ ka lmuhuw son maha ka Tayal qani ga ini ptnaq

所以泰雅族的吟唱是不一樣的

pucing nya qutux lga nanu qu sinngusan muhuw qani ga

還有吟唱最後的目的是

mwah i ʼmyu inlungan ga

是來改變人的心

nanu qu ʼmyu inlungan qani ga nunu yaqu ka maha kya qu cinʼqwan ru cmi nya

什麼叫做改變心態就是如果他們有了罪過

keʼ ni Gipun ga cmi ga maki qu cmi nya ga

日文裡所謂的罪就是有了罪

aki nya wahan qmwax ru aki mtasaw ilungan nya maha

就應該將它洗滌或者是讓心清淨

qani uzi qu teʼ mtzyuʼ ka iwan i puqing ka iwan i puqing ta uwah lmuhuw nqu son maha bnkis qu itaʼ ka Tayal

這個是第六個也是泰雅族長輩吟唱的主要原因，

ru ~yunyow nqu qwas lmuhuw qani tʼaring balay ga tʼaring su lmuhuw ga

這些古調吟唱的程序在當你要當你要吟唱的時候

te qutux ga musa naha phtgun ga, minkahul saku inu, nunu sa ga

第一個先要講的是我是來自於哪裡為什麼呢

pinsbkan nqu bnkis maku ga kahul inuʼ qani qu qsʼun naha

我的祖先的發源地來自哪裡這個是要先的說的

te sazing hya ga, puqing kinhulan

第二是我故鄉的根源

yunyow nqu lmuhuw qani qutux hya ga minkahul saku inuʼ sami ga ulah nqu ima

吟唱的先後順序我從哪裡來我們誰的系統血源

te sazing lga, puqing nqu kinhulan ima laluʼ yutas maku qani squ pqwas naha ru~

第二個我祖居地我的祖父叫什麼名字先會來吟唱

qutux hya ga ...qutux lozi ga sami hya ga Mrqwang iyat ga sami hya ga Knaziʼ

另一種是我們是馬里光或者是基納吉，

sami hya ga Klesan, qani squ yunyow nqu qwas maha lmuhuw qani,

我們是南澳地區這個就是所謂吟唱的順序

ru~te payat hya lga, qenu qu puqing krahuʼ nqu burak myan ga, burak myan qani spqwas naha,

第四種什麼是在我們部落裡最重要的他們就拿來會吟唱

pucing nya lga yasa qu kmal maha bnkis maku ga, ima mzeʼa su lalu maku ga, Tinting Payan

最後的時候就會講到我的祖先就如我的名字Tinting Payan，

yutas maku ga Tahus rwa Payan Tahus qani qu pucing ka spqwas ru ~

我的爺爺是Tahus Payan Tahus 這個就會是吟唱的最後主題

pucing balay pucing lga nanu yaqu ka mwah i sinbalay la mqwas qwas sinbalay

最後最後的吟唱就是談和解的事了

qani qu piyang puqnig yunyow nqu lmuhuw nqu Tayal, mhway simu kwara

這就是泰雅族古調吟唱的先後順序謝謝你們

述說古調吟唱