荒野部落─kanasol 之緣由｜口語語料

荒野部落--kanasol 之緣由

林秀葉Nayo

O ngangan nona niyaroʼ niyam, o Anasol,

我們部落的名字叫Anasol，

haykaen, o ngangan nona niyaroʼ i, o tatodong ira i,

不清楚，他命名由來，而真正的呢，

o Mamola, caka nga,

是Mamola才是真正的名稱，

nano mamangan niyam i, o mikaenan niyam i, o mamola a foting, o podaw,

從小我們吃的食物就是mamola 魚、吻仔魚，

ana pangangan sa, o Anasol to, samamaanay koni malitengay.

為何取地名時，就稱為Anasol 了，不清楚老人家們為何這麼說。

O wama ako i, o Kaningafal, mikadafoay tayni,

我的父親，是從新昌入婚到這裡來，

maolahay tayra riyal mifoting.

很喜歡到海邊捕魚，

O mikaenan niyam, o mimaan, i lotok i,

我們所吃食物，做甚麼，在山上呢，

paloma kami to hana, losenhowa

我們種花，洛神花

hato o cihowa, hatiraay ko demak nona niyaroʼ tonini.

和菊花，這個部落的工作都是這樣。

O kadafo no Farangaw kako,

我是馬蘭部落的媳婦，

itira i Matang, iraay ko mira iya a kilomaʼan,

在馬當部落，他們有豐年祭，

ona niyaroʼ niyam, awaay ko kilomaʼan,

我們的部落，沒有辦豐年祭，

hayken, ana caka pitool to no litengan a demak,

不清楚，為什麼沒有遵循祖先的事情，

tayra kako i Matang, misakaay kako to kilomaʼan,

我去馬當部落，我會參與部落豐年祭，

tayni kako tona niyaroʼ i, caay kangaʼay misakaay to kilomaʼan,

我到了荒野這個部落，不可以參加豐年祭，

mitoolay kita to no mitaay a pakalaan saan,

我們要遵循我們的信仰這樣說，

hatira sa to ko harateng ako.

因此我遵從部落的決定。

Itini i tokos, palomaan to malitengay,

在山上，老人家所種的，

o konga, o tali, hatira ko demak niyam.

有地瓜、芋頭等，我們的工作是這樣子的。

Awa ko lalan, rakat sa kami tayra i tokos,

沒有道路我們用走的去山上，

paloma to ariray, o maamaan.

種植玉米，各式各樣的植物。

Hatiraay ko damak no iya, mitoolan ko no litelitengan a demak,

當時的工作是這樣的，我們遵循古法，

ano tahanini hatiraay ho ko demak niyam tona niyaroʼ.

直到現在我們的部落依然這樣遵行著。

O no kaemangay anini, no miraay , samaanay kaemangay harateng,

現在的年輕人，有他們的想法，也不知道他們的想法，

kami malingay, todongan ho niyam,

我老一輩的的，還是依照傳統，

mialaan ho niyam ko demak no malitengay,

我們還是遵循其祖先的習俗生活著，

edengan ora kilomaʼan ko awa,

只有豐祭典沒有舉行，

mako harlateng i, tooleng to ko no litelitengan,

我的想法呢，還是要遵循者傳統的生活文化，

aniniay satapang, hayken, kami atek, malitengay pasowalay,

最近才開始，不清楚，我們也許，要老一輩的來告知，

toolen to ita, todoen to ita ko no litengan a demak sanay, satapang sa to hatini.

我們應該遵從並恢復傳統習俗，現在才開始有了這些。

Iraay to ko iya no litengan a demak, midodoay to kami o kaemangay,

祖先們的傳統祭儀文化，年輕一代的有在遵循者，

tool sa to anini to no malitengay,

追隨著祖先的足跡，

aka tawalen ko no litelitengan a demak

不要記得祖先古老傳統的文化祭儀

hanay no malitengay sa, mitool to ko kaemangay.

老人家這樣的說，所以，年輕人也就遵循著。

misanga to kami to rikoʼ

我們開始製作傳統服飾

tono ʼAmis, mitool kami to ira ko iya sa ko

阿美族的，我們開始遵從著

o siyang-cang, todongen ko no won-howa sa, misanga to kami to

鄉長也鼓勵我們要遵循文化，我們製作

alofo, cirikoʼ to kami to no ʼAmis.

情人袋、穿著阿美族的傳統服飾。

hatira, haiken, samaan ko mata no tao minengneng kamiyanan.

這樣子，不知道，別人的眼光如何看待我們，

pakomira han niyam, toolen niyam, kilimeng ho niyam ko demak no litelitengan sa kami,

我們隨他去，我們要遵循，要找回我們固有的傳統文化我們這樣認為，

hatira aca ko mako a halateng.

我也堅信著這個信念。

Oya nona niyaroʼ niyam i, iraay ko iya tini o ʼorip DipoDipongan ho o pongkang,

在我們的部落，還有日據時代所留下來的山洞，

o mikaenan niyam a nanom, itiraay i o onsing,

我們所飲用的水源，來自溫泉，

onsing nani tini kaminan maraayay,

溫泉從我們這裡很遠的，

no Dipongan ho, ofang hannanay ira ko tokos,

日本時期，他們直接開山䥣洞，

sakairla no nanom niyam itini mianip mipanay.

才使得我們有水得以插秧、種稻。

o romaay i, atek , haykeng, caka fanaʼ kako tona i kaliay a nanom ana

另外，也許，不太清楚，我不知道這個水圳的水為甚麼

iraay ko nanom saan, caay kafanaʼ nanicowaay kora nanom toninian

會有水，不知道這個水源來自哪裡?

o romaay kaemangay milicaayay,

有的孩子會詢問，

ana ira ko nanom? Awa ko maan, o tokos tilra, na

為甚麼會有水?甚麼都沒有，那邊是山上，

taʼangay kona a kali itini saan? nga sowal to niyam, kitohen to niyam ko kaemangay,

為甚麼這裡有水溝這麼大呢這樣問?這時我們就告訴他，解釋給小孩子聽，

hatiray hatiray sakaira no nanom, nga ira ko kakaen ita.

這樣子的，這樣子的，之所以我們有了水，我們才有食物。

Awaay ko nanom, ano awaay kona kali toninian, awa ko mipalomaan a losay ta

如果沒有水，如果沒有這個水圳也就沒有我們種植的農作物

hannanay kona kaemangay nga sakafanaʼ noni kaemangay,

這樣告訴孩子們，因此孩子們才才了解的，

ira ho ko nanom niyam i tokos, tahanini,

我們還有山上的水，一直到現在，

o mikaenan niyam i, o no tokos a nanom, o malitengay

我們吃的呢，還是山上的水，老人家

caay kakahih miʼaca to no Taywan a nanom,

不願意買外面的水，

miladom ho ko malitengay, tangtangen ira,

老人家還是挑水，他會將它煮沸，

hatiraay kita i mamang ho, aka

我們在小時候也是一樣，不要買人家賣的東西這樣。

Miladom ho kami tora no tokos a nanom,

我們還是挑山上的水，

a malitengay ano tahira ho

只要老人家到了

singciliw, papidadomay to,

星期六時，叫人去挑水了，

fohaten to han ira ko kakitaan, fohaten to niyam kora nanom,

交代部落主席開啟水源，

sa miladom to, saopoopo sa ko malitengay,

然後就挑水了，耆老人家就開始聚集在一起，

ya matakonokonolay, o malitengay miala to to pitisiwan,

有駝著背的，老人家們提著水壺、

to fintang, ira to to micada to no tokos a nanom,

臉盆，來裝山上的水，

sapitangtang to holo, sapitangtang to mamaan sa,

要拿來煮飯，煮任何食物，

matawa kako, nengnengen ako kora malitengay,

我笑著，我看著那些老人家，

aya kona malitengay, ira ko pafeli no siyfo a no kokka a nanom,

哎呀!這些老人家們，政府國家有裝置自來水，

aka ca kaenen namo kona nanom han i,

問他們為什麼不用自來水，

ira ko sowal i na mira

他們的回答是

malikayay ko malitengay mikiling tona nanom ʼayaw, no litengan ho koni nanom,

以前這些水源是祖先耆老們辛苦開鑿的，這些是古時候的水，

dodoen ita, aka palakisawen kona nanom toninian saan,

我們要繼續遵循著，不要荒廢掉這些水這樣說，

salaw, tala ho i toyofi, singciliw,

因此，一到(土曜日)星期六，

matawa to kako, tayra to kako minengnengen tora malitengay,

我就很開心，到那邊看著那些老人家們，

paytoy sa kora, sakonokonol sa ko malitengay miladom,

老人家們依序排者隊、鴕著鴕著背的要挑水，

kahemekan a minengneng, hatiraay kona niyaroʼ niyam toninian,

看著就很開心了，我們的部落就是這樣子,

edengan na tokos niyam kalimlaan,

比較遺憾的是我們的山上，

ma:kapahay koni tokos niyam i ʼayaw,

早期我們的山非常的漂亮，

palomaay to hana to losenhowa,

種植很多花、洛神花，

anini sa i, awaay ko lalan,

如今，沒有路，

salaw ca to katayra ko malitengay misa maomah tora tokos, misakokokokoh,

所以老人家不再耕作他山上的農地、養雞等等，

tini sa to i lalan, sarakarakat sa,

就在這個路上，走來走去，

minengnengen to nipalomaan no tao,

去看看別人種植的農作物，

sakatayraaw i tokos sa i, awa ko lalan,

想要到山上去，沒有路，

nengneng han ako, aya soelinay haw,

就依我所看到的，唉，確實是這樣的喔，

makapahay kona niyaroʼ tona niyam tonini, ya tayni ho tona niyaroʼ,

我們這個部落非常漂亮，當時的部落

o niyaroʼ niyam, o no Minkok a ngangan ira, howangye hannanay,

我們的部落，他的中文名字叫荒野，

ya rekalrekal howangye hannanay, caay ho ka iya kakayken han,

是當時待開墾的土地就叫荒野，是待開墾的土地，

tayni to ko litengan i, iraay ko Kaningafal, no Tolan,

祖先們到了這裡，有來自新昌、都蘭的，

icowacowaay a malitengay tayniay, saka:pah sanay kona niyaroʼ,

還有來自各地區的老人家都來了，部落就變得非常漂亮，

ora lotok awaay to ko palomaay.

那山已經經沒有人在種植農作物了。

Harateng ako, ira ho kako,

我有一個想法，只要我還在，

naʼicelan ako, eminen ako ko iya ko sangaen ko lalan han ako i,

我要盡我所能，我要全力用上申請開闢道路，

han ako i, miiya ko tapatapang saan ko harateng ako nga,

向機關首長等才可以，

ira ko nga, matool aca ko no ʼayaʼayaway aca a demak, nga

才可以，遵循著祖先們以前的做事方法，才可以

paloma to to hana, to cihowa, aririray sa, hatiraa ko no mako miharatengan, haiken,

在種植花、或者菊花、玉米這是我的心願，不知道，

hay, matool ako hanima? Saan ko harateng ako,

可是呢，也不知道我能做到嗎 ?我的想法是這樣，

nanay matool, nanay ira ko siyfo patado kamiyanan toni niyaroʼ,

但願我能夠完成，希望政府能幫助我們部落，

tikolen ho ko no ʼayaʼayaway a demak, kalimlaan sa kako,

回復到以前的傳統生活方式，我覺得非常的可惜，

adahay kora sasowalen ako, awa sanay hatini ko maharateng ako.

我有很多話想要說，但我現在想不起來任何的，

O maan? ʼAyaw i, tayni ko malitengay tona niyaroʼ

是甚麼? 早期老人家遷徙到部落

matengil ako ko sowal no malitengay i,

我聽過老人家說過，

tatayni ho ko no i cowacowaay a malitengay, milikolong ho,

要遷徙到本部落的各地來的人，都要繳交一頭牛，

ano tayni kiso tini i, tayni toni niyaroʼ ci lomaʼ i, ngaʼayay to,

如果你要來，要在這個部落蓋房子，是可以的，

pafeli ho kiso to pina a kolong saan,

你要給幾頭牛這樣規定，

nga, pafeli to ko malitengay, nga, itini to ci mira tini cilomaʼ.

後來老人家給了，他就可在這裡蓋房子。

harateng ako, ha!

我的想法是，啊!

ana misaeli ho to kolong sa?

為什麼還要討要牛呢?

O sowal no malitengay, "Saʼayaway kami i tini,

耆老們的解釋是說，"我們最早開發這裡，

masaopo:ay niyam ko ʼAmiAmis itini,

我們把很多的阿美族人聚集在這裡辛勤的開墾，

ngaʼay tayni sa kamo,

你們就很輕鬆的就這樣來這裡住，

awa ko, litefocen ho kamo caka nga,

沒有貢獻，所以需要你們繳稅交換土地才可以呀，

ano caka litefocem tayni sa kamo sa,

如果沒有向你們抽稅，你們就來了可以這樣嗎?這樣說，

Mangengen nora iya ya tayniay itini mafolaw ca mira tayni i,

那些想要遷徙的人看到之後他們遷徙到這裡，

nengneng han nira koni niyaroʼ,

他們看到了這個部落，

soelinay, ira ko nanom, ira ko maan

是真的，這裡有水源寬闊的土地

makapahay kona niyaroʼ tini,

這是非常漂亮的部落、

siʼayaw han ko ira riyal,

面向前面就有海，

ira ko pifotingan no ʼAmis, mipodaw, ira ko mamola,

有阿美族人的漁場，撈捕吻仔魚，有mamola魚，

ira ho ko onsing, o pikofongan,

還有溫泉，可以甕魚簍抓魚，

hayken ko no tao i, mikofongay han nima,

不清楚別人，也不知道有沒有用魚簍抓魚，

maaraw no tao ko piala niyam to iya dadingoan,

別人有看過我們用蛙鏡，

iraay mamangay kora kofong niyam,

我們的魚簍小小的，

teli han nananoman i, ngaʼay to piala to, ira to ko foting.

將它放入水中，就可以拿，就有魚了。

Maan han to kora foting tora matawal to ako,

那種魚叫什麼魚了我忘記了，

ya milingatay i fafakedohan a foting.

那種黏在石頭石頭上的魚。

Iira ko maamaan, ira ko kakaen, tayni toni a niyaroʼ

這裡有各式各樣的，有食物，到這個部落，

caay kacahiw ko tiyad sa, salaw tayni ca mira toni a niyaroʼ i,

肚子絕對不會餓的，所以他們願意來到部落，

ngaʼay to, patefoc kita, pafeli to kolong, pafeli to diyong,

很划算的，我們繳稅，給牛隻或者是給豬，

itini kita cilomaʼ sa,

我們要在這裡建立家園他們這麼說，

salaw aloma sa to ko tandaw,

所以人就越來越多了，

itiraay Kanifangal, i cowacowaay tayni to tini

從新昌部落或來自各地方來到這裡，

masaopo to tini, makapah koni a niyaroʼ,

到這裡聚集，這個部落很漂亮，

ira ho itira i Imeng, itila i meyhecon,

還有這個Imeng地方，這個美和村那裏，

o sera niyam tona niyaroʼ tonini,

是我們部落的傳統領域，

tayni to ko taywan, o Paylang, mafolaw ca mira,

(台灣)閩南人來了之後，他們遷徙來，

awa ko kakaenen na mira itira tora mira a niyaroʼ i,

在他們原來居住的地方沒有食物呢，

tayni to tini, o mipalomaan niyam ʼAmis i,

於是來到這裡，我們阿美族人所種植的農作物，

makapah kora kongakonga,

地瓜都非常的茂盛,

awa sa to ko konga,

地瓜都沒有了，

takawen no Paylang, nenengen niyam makapahay kora konga,

被閩南人偷，我們明明看地瓜非常的茂盛，

papacem nenengen, ira, misiwkakaw sa to i,

早上去看，還在，當想要收成時，

awa ko heci,

果實沒有了，

lafii kona Paylang mitakaw,

閩南人是利用半夜偷的，

salaw, sawad han to no ʼAmis ko sera,

所以，阿美族人就放棄了土地，

kakahaday ko sera no ʼAmis i tira meyhecon,

阿族人在美和的土地非常寬闊，

sawaden to, i tokos to maomah,

就放棄了，到山上耕種了，

ya sera itira kalimlaan to,

那裏的土地非常可惜，

ano o tefos to ko mipalomaan hatira,

就算種植甘蔗也一樣，

masamsam no Paylang kami ʼAmis,

我們阿美族人被閩南人欺負，

ngaʼayay malikecay kami ʼAmis tini,

還好我們阿美族人在這裡非常的團結，

ira ko misamsamay kamiyanan a Paylang i,

當有閩南人欺負我們的時候，

malikec kami, masaopo kami, o faʼinayan, o fafahiyan，

我們很團結，我們聚在一起，不論男、女，

milood kami to Paylang, miala kami to fafahiyan sa, miala to pingci,

我們對抗閩南人，我們拿，女生呢，就拿螺絲起子，

miala to kowkow, milood kami to Paylang,

有的拿鐮刀，我們與閩南人戰爭，

hatira, hay samanen, awa aca ko siwkak,

就這樣，也沒辦法，因為沒有收成，

sawad han to koya omah itira i

放棄了Imengan地區的土地了。

Ano ma maiya ma mafaliyos sa maiya,

當遇到刮颱風的時候，

maan han ko soycay? Adihay ko kilakilang,

水災要怎麼說了?

miala kami to kilang, o ʼAmis sa, siniadaan to ʼAmis,

我們撿拾木材，阿美族人呢，阿美族人非常可憐，

miala kami to kilang, pacakayen niyam, caayay ko niyam a payci kora,

我們撿木材，我們拿去賣，那個不是我們自己的錢，

o no finawlan a payci, komod hannanay

是村人的錢，全部彙總起來

kora payci toranan, miala kami tora kasoy,

那些錢，都是我們撿拾木材得來的，

padadaya ho kami tayra, caka talaw kami ʼAmis,

我們趁著晚上去，我們阿美族人不怕，

caka talaw kana niyaroʼ to iya to nanom,

這個部落的人不怕水，

tayra miiya, no niyamay niyamay koni sa,

去到現場時，這是我們的，這是我們的這樣說，

alaen ko powtaw, powtawen teliteli han ko fakeloh,

去拿刨刀，刨起來把石頭放上去註記，

mialaw to kami sa, awa to, maala to no Palang,

當我們想要去拿時，又沒有了，被閩南人拿走了，

hatiraay ko Paylang, o riang ira kamiyanan.

閩南人就是如此，這是他們對我們使壞的情形。