我的一生

knxan mu

小時候-在7歲時是個很好動的孩子，有次跑步到鐵牛車那裏就跌倒了，鐵牛車壓到了胸部與腳，使得腳斷掉了，以至於在治療過程中要到在花蓮及南澳地方來回。青年-國中畢業後就去新竹、台北工作，幾年後因父母年紀老邁了，回到部落幫忙老人家喔分擔工作，有跑遠洋、種香菇一直到最後就做水泥工。婚姻-與同部落的少女結婚，婚後生了3個孩子，在生活都是共同一起努力養家餬口。

口語類型：訪談

內容類別：教育與傳承

語言別：宜蘭澤敖利泰雅語

關鍵字：壓到 / 陀螺遊戲 / 橡皮筋 / 很準 / 醃 / 放棄 / 角 / 烤 / 包(東西) / 提親 / 沾 / 應允

查看更多採訪地點：宜蘭縣南澳鄉碧候村自治巷29號

受訪者縣市：宜蘭縣

記錄日期：2022-10-26

影片網址：https://youtu.be/GZof-qn_emU

受訪者(發音者)：黃長育

採訪者：梁秀蘭 Bengah Sige

字幕列表

kinang heya ga kahun caku Pyahaw.lalu maku ga Pelan Toli

我來自碧候部落，名字叫背浪.豆力(黃長育)。
stagan maku heya ga spatun magan kawas.pitu pgan pitu byacing pusan saʼing stagan mu.

我出生的時間是45年7月22日。
ｍaki cami nah caku sotaw beh alang hani kinang iya caku naki haca ga alang lela iya caku sotaw kya nah caku sotaw kwani.

我出生在現在的部落，不是在舊部落出生的。
nanu kinang heya ga sotaw cu cahay lga.laʼi cu kya nya.ini cu hay kba nya.

我出生在這裡，我還小什麼都不懂。
aring caku san say(日)lga kba caku la.san say ga kba cikah khani la ru beta pitu kawas lga. mno caku calay kinang.mno caki ci.

我從3歲就知道了，在3歲的時候就會走路了，到了7歲時我真的很好玩。
nanu kyalun maku yaw na lela lga.pitu kawas nkyan mu alang hay lga.mno caku ci.

我現在要說以前的故事，我在部落生長到7歲時，我真的很好動。
Yawiy maku ga sima suyan maku ha.rasun caku nya beh tuʼi tyaba．

我的哥哥亞崴帶我去大馬路那裏。
kyalun caku nya siʼay siʼay cpung tʼenah saʼing mamu cʼoli haca ma. ima cimu lokah tʼenah ma.

他告訴我說:你跟那個人比賽跑步，看誰會跑得贏。
tʼenah cami lga.kiang siyan thok toruy gyusa kacing haca.toruy gyusa kacing.

我們跑了，我先跑到鐵牛車那裡。
wan caku tmring gyusa gyusa haca lga.karaw caku loyi.karaw caku lga byung caku nya cyu maras kacing cʼoli haca ga.

我摸到鐵牛車了，我又爬上去，在爬的當中，帶著牛的那個人打我。
cyu moluy kacing cʼoli haca ha byung caku nya.toruy caku la ru pxan ca nya gyusa la. gyusa kacing ga.

牽著牛的那個人打我，我就跌倒了，就被鐵牛車壓了。
pxan nya aring kutaw ru beh kakay.nanu kakay lga phuw la.kutaw heya ga nyu ngayu ga pok pok pok..

壓倒在我的胸到腳，以至於我的腳就斷了，我的胸部就有聲音碰碰碰...... ..
tuli haca ga suyan maku neril ga mayan nyu su mcwa ma.wan caku pxan gyusa san mu.halan nya smuy yaya maku beh mayah la.

我的姊姊就過來問我:你怎麼了?我說我被鐵牛車壓了，她要去田地那裏叫爸爸媽媽。
halan smuy lga nyan yaya mu la.ncwa su Pelan san caku nya.wan cami pxan gyusa cʼoli san mu.

過去叫了，我媽媽就來了，就問我說:背浪你怎麼了?我說:我被別人的鐵牛車壓到了。
aw.. cyu mcwa heʼ su ma gaʼing kutaw ru gaʼing kakay san mu.rasun cu nya Berong la Karinko.byoʼing Karinko ga.

嗯...你的身體有怎樣嗎?我說胸部痛和絞痛，就帶我去花蓮美崙醫院。
rasun cu nya pkita kya.nanu utux byacing nkyan maku Berong.

帶我去那裏看病，以致我在花蓮美崙住院一個月。
ru mayan isya(日) haca ga renwan nya sali mu la.hay magan laʼi su la.masuw la say nya.utux byacing nkyan mu kya ha ru.

醫生就打電話到我家說:可以接你的孩子了，已經好了，因為我住院有一個月。
mwah caku sali lga kakay ga ini kleʼiy nya.kakay lga leʼun Nango hay la. nahan mu ciryo nahan kita Nango hay.

我就到家了，但是腳是還沒有治療，就在南澳這裡治療腳，我就去南澳看病。
Nango heya wa ciryo kble kakay mu hani.aring kya lga mno caku ci loyi.

我的腳就是在南澳這裡醫好的，從那時候我又剛始好玩。
mno caku ci loyi ga ana caku ana caku waya pxan gyusa ga ini kusa ma yagay uy ga.

我真的很好玩，就算有被鐵牛車壓捯過也不會說痛。
yani ma ota kya laʼi ga ini kba si kusa ma nyu ta lokah lga.yngyan mu kwara gaʼing haca la ru.

可能是因為小孩子認為我很健康，連痛都忘記了!
aring aring kya miyuk caku aring kya mosa caku benkyo(日)lga.kba caku la nah cu mʼwas biru la.

從這個時候我就進入學校讀書了。
nanu kahun mosa mʼwas biru lga kahun nwasan mu biru mwah sali lga.mosa mno ra loyi hengah.

從要去學校讀書到放學回家，還會去玩彈珠。
piyux calay nogung cu laʼi ga.hngah kya umok supan kay ru nta nanak khoni haca ga nogung koma san myan kaca.koma.

小時候玩的遊戲很多，有彈珠、瓶蓋還有自己削的木頭做成的，我們叫它陀螺。
siʼay cami kya.mno cʼla kwara haca ga lukus mno cami.gomu loyi tisan cami gomu loyi.

我們在那裏比賽，在那裏玩連衣服都非常的髒，我們還有玩橡皮筋。
nanu mecyoh caku ci ga muʼ gomu.iy kay caku mno lga piyux ci galun mu gomu haca.

我射橡皮筋真的很準，我玩一次就會拿到很多橡皮筋。
nanu kinang ga yani hay ma nyu ta kba calay gomu kwara yubing maku. ana hngah uy meʼ cyoh caku calay ga.

所以我就自己認為我很會，我的口袋都是橡皮筋，連玩彈珠我也是很準的。
wa cami kaci lga piyux haru cyan utux utux cʼoli ga go hengah cyan myan kya.magan he lga nizyugo la hengah maki kya.

我們贏了，我們放很多，一個人放5顆彈珠，5個人放就有25顆。
utux wa ta bung henagh haca ga galun ta kwara la nizyugo haca ita magan.

我們射到一顆就可以全部拿走25顆了。
aring kya lga masu caku mʼwas biru lga si caku usa ra la tiyaw beh Sinciku.

從我讀完書之後，我就去新竹工作。
kle renki.renki haca ga cikuy ha pcyah pcyah pcyuh ma renki cikuy haca.nyan caku ble kya saʼing kawas nkyan mu kya.

製作小燈泡，一閃一閃亮的小燈泡，我在那裏工作有兩年。
ru kahun kya lga mwah caku mgay Nka la.mwah caku mgay Bnka tiyaw caku Bnka lga. tʼaring ci mwah Nka ga lahan cu welung.

從那裏我就跑去台北了，跑到了台北就在這裡工作，一開始的工作是養雞。
lahan welung ru agiru piyux calay welung piyux ci agiru naki kya.

養雞和養鴨，那裏有非常多的雞和鴨。
utux byacing bʼan cu nya mrhuw haca ga san byaku gozyu ci.

我一個月的工資老闆只給350元。一個月的工資老闆只給350元。
nanu si say yanay maku lga yanay maku likuy Ipay mu.likuy Ipay mu.

我姊姊伊拜的先生，我的姊夫。姊伊拜的先生，我的姊夫。
wahan caku nya smuy si caku nya kyali ma sswe.sswe san caku nya.hata beh sali mu kwe ma.

就過來叫我，會直接叫我弟弟，就叫我說去他家裡。
mwah caku sali nya la ru mwah maku tiyaw tencuko tencu kozyo kya la. tencu koba ga.mwah tiyaw kya.

我就回他的家了，我就去做電子公司工作，在電子工廠工作。
kyaca heya ga utux byacing ga yonbya ku yonzyu. piyux hay gyaku yen kyaca heya.

在那裏一個月的工資是450元，多了100元。
tiyaw cu kya kya san nen kan hay tugan kawas.

在那裏工作有三年多的時間。
tugan kawas tyawan mu kya ru waya toruy la koyzo haca.toruy la ru won mgay binah la.

我在那裏工作有三年公司就倒閉了，倒閉了就跑去別的地方了。
kahun kya lga wa caku mwah sali la.kahun cu sali ru ungat tyagun sali ha lela.

從那裏我就回家了，回到家了這裡以前也沒有什麼工作。
nanu mosa caku tiyaw Tahoko Nka loyi tiyaw Nka.kwaca heya la kmut ʼcyux.

所以我又去台北工作，這次是殺魚的工作。
mpu pitu kawas maku.

我的年紀是17歲。
kmut ʼcyux ru tiyaw cu kya.kya tugan kawas mka.

在那裏做殺魚的工作，有三年半的時間。
pyaran maku la.bkis yaba yaya mu uy la.hata rmaw tiyaw bkis macu.

我就離開了，我的爸爸媽媽年紀也老了，就想去幫忙他們。
kahun cu Nka lga mwah sali la.mwah rmaw tiyaw yaba yaya mu.

我就從台北回家了，我就去幫爸爸媽媽工作。
ru tyagun cahay uy ga ini hay piyux uy tyagun nya cikuy tyagun nya.

這裡的工作沒有很多，工作比較少。
nanu nyan haca ka kahun cka Bokuto cʼoli ga nyan kani tiyaw.

有從澎湖來的人到這裡，來找工人。
hata huwne san caku nya.nanu angu san maku mosa cu hune ka.

他就跟我說去做跑船的工作，我就回答說:好，我就去跑船了。
mosa cu huwne la ru mosa huwne nah haca ga yonkay(日)

我就去跑船了，我去跑船這裡有四次。
yikay mosa ga cmka kawas.yonkay lga si say ma saʼing kawas la ha ru

一次去就是半年，去了四次就是2年了。
nah cami huwne haca ga alagan tyaba ci nami nya.tokun nami nya.aw mosa ta la ga ma cu nglung.

我們跑船時，哇~風浪真的很大，風浪真的很高，我想說我要死了嗎?
zyu nana kiy nami nya bawiy ci.kya zyokay tate(日)bawiy nya ga.zyokay tate bawiy nya.

有17級的風浪而且很高，有像四層樓高的高度。
nanu mwah cami sali la.mwah sali lga.ray gokay lga nyan smuy loyi.hata loyi ma iyat la san mu.

我們回到家了，第五次又來叫了說我們再去，我說:我不要了。
kngung tyaba ci nami nya.laxan maku la.

風浪很大很可怕我就放棄了。
nanu aring kya lga muhiy sitake (日)la.muhiy sitake (日)lga.mlu caku yaba yaya maku tiyaw.

從這時候開始就種香菇，跟著我的爸爸媽媽一起種香菇。
muhiy muhiy muhiy ru si beta haca ga obeh caku bkis hani ga miman kawas maku lga malax cami muhiy la.

一直種到我50歲了我們就不種了。。
san ling ka ga mwah byaw haru iya puhiy lahuy lma.muhiy cimu kyapun cimu baysyo cimu loyi ma.

山林警察會來巡邏，說不能在山上種，如果再種的話就會抓你們及還要罰款。
nanu ini puhiy kwara cʼoli la.malax cami muhiy la ru maki sali la.

所以全部的人就沒有再種了，我們放棄種香菇就在家了。
maki sali lga tiyaw caku cikah ra la senento lga.senento ru kayzen sali kayzen sali.

在家時我就做一些水泥的工作，做水泥工及蓋房子。
tiyaw tiyaw tiyaw ru si beta haca ga miman obeh haca ga tiyaw caku ga tiup pgan kawas tiuy pgan kawas mu lga malax caku tiyaw la

我一直工作到我60歲，到了60歲我就不做了。
aring kya lga gaʼing cu la ha ru gaʼing ci.

從這個時候我就生病了，
nanu beta micyu hani ga heʼ mu hani ga gaʼing la ru malax cu tiyaw.tateba ini gaʼing heʼ mu ga ota aki caku tiyaw loyi.

所以一直到現在我的身體就生病了，我不工作了，如果我的身體沒有生病，我想我到現在應該還是會工作。
kwara cka nya yaw hey lga nyu mu ini suʼiy mayan ga nyu mu ckan ckan mayan.

所有在中短的故事我沒有全部說，我就一段一段地說。
kyalun cikah cami neril mu kekong cami ga.ini cami kekong nya ga cami nyu snhe kamisama ga.

我要說一些我跟太太結婚的故事，我們是信神的人，在還沒有結婚之前，
ini cami hmut haca ga tkba ga ini cami tkba si ka kahun kyokay mosa syokay cami.

我們不會隨便去認識，只有從教會來給我們介紹。
kyokay no reneosya ru sekin nisa rasun caku nya. hata smiye utux neril ma anguw san mu.

教會的傳道和負責人會帶我去，說我們去提親一位姊妹我就說好。
mwah cami smiye lga wa si kusa aw uy.wa si kusa aw.

就去提親了，對方就直接答應說好。
wa cami kekong ga zikan nya ga tiyu pgan spat kawas mpu saʼing byacing pusa magan ryax.kekong cami ga.

我們結婚的日期是在68年12月25日是我們的結婚日。
aring cami kekong ga be ta micyu hani. ini cami kkat uy ini cami cayu sble cami calay cami neril mu.

我們從結婚開始到現在，我們沒有吵架及打架，我跟我太太相處的非常好。
neril mu hani ga sali nya ga cyu suruw sali maku. cyu suruw sali mu.

我太太的家就在我家後面而已，就在我家後面。
heya uy ga myasa ci uy lungan nya ga. myasa ci uy lungan nya ini psaʼan ini saʼan ru ini pcayu.

她是個心地善良的人，不會生氣也不會無理取鬧。
ana caku ma kenu ga si kayan cka utux calay keʼ kyalun nya.

不管我怎樣就只說一句話你怎麼了?
nyu su mcwa san su nya.haca nanak utux. masuw la ini kayan la.

只會說這一句就不說了。
myasa ci baʼ calay mnglung neril hay.

這個太太很好又很會想。
nanu ana kinang uy ga mʼes caku ci mlu heya uy ga mʼes caku ci mlu heya.

所以連我跟她在一起很快樂，真的很高興跟她在一起。
calux myasa lungan nya ha ru baʼ calay cka kmayan keʼ. ini sbkan mayan uy.

為什麼?她心地善良，很會說和氣的話，也不會大聲的說話，
tateba sbali kmayan lga ruma kneril cʼoli lga sbka mayan lga.aki kkat krryax la.

如果大聲(帶有怒氣)說話了，有的別人的太太說話很大聲，可能常常都會吵架了。
nanu ini cami say kkat ga ini sbali kmayan nwaʼ nya ha ru thway calay kmayan nwaʼ nya.

所以我們不吵架是因為不會從口裡說怒氣的話，她都是慢慢地說。
kyan nanu yaw nya heya lga ini kayan keʼ si lama ngilis la heya.

她有什麼事情都不說話就直接先哭。
nanu kanro calay ga mita caku heya kanro ci lungan maku.

所以我看到她真的很感動，我的心真的很感動。
ini kayan keʼ lga cyu si nanak ngilis beh ʼpa la.nyu su mcwa san maku. texiy nanak isu ma.

就不會說話了，就會在房間裡一個人哭，我問她:妳怎麼了?她說:你自己看看吧。
texiy nanak isu ma.haca nanak keʼ nya masuw la ini kayan.

你自己看看，她只會說這句就不說了。
nglung caku ga tala myasa neril hani.ana caku wa macigay ga ini saʼan uy ru ini hmut ma cka mayan uy.

我自己在想..哇.這個太太那麼好，不管我怎麼樣(生活上小事)也不會生氣和不會隨便說話。
ini usa sbaho yaba yaya nya uy.nanu heya nanak si sku lungan.

也不會跟她的爸爸媽媽去傳(抱怨)話，她只會放在心上。
tala myasa neril hani macu.ma cu nanak nglung kinang ga.ana kinang nglung lga kanro ci sli maku.

哇....這個太太那麼好，我自己這樣想，所以連我心裡就很感動。
nanu hani ga cami saʼing wa cami kekong ga maha kya.

所以這就是我們兩個結婚是這樣的，
aring saʼing kawas lga kya laʼi myan utux la.utux laʼi myan.

從第二年就生一個孩子了，我們的第一個孩子。
ru tugan laʼi maku tugan laʼi mu hani ga saʼing saʼimg kawas ayra nya.

我有3個孩子，這3個孩子都相差2年。
nanu si san ma saʼing heya ..glan ga saʼing kneril puting ga laʼi mlikuy ga.

前面是有兩個女孩子，後面是男孩子。
nanu mhway calay neril maku.wa cu nya tagan tugan laʼi.

所以很謝謝我的太太幫我生了三個孩子。
hani ga neril mu cami neril mu wa kekong ma haca yaw myan.

這就是我跟太太結婚的故事。
utux loyi ga pʼasun mu ci heya ga yaba yaya mu ga.yaba yaya

還有值得稱讚(感到歡樂)的是我的爸爸媽媽。
ana cami mosa mayeh ga mosa cami tiyaw ga.

不論我們去田地去工作。
ini cga kusa ma ita ga nyu bnkis aki ta mani kwara mono hani ini kusa ma kaca nglung.

不會說我們是長輩就應該把全部的食物吃完，他們不會這樣想。
mita laʼi lga smbing knani lga.mayan ma Pilan mwah mani san caku nya.

看到孩子就會留著食物，就會說:背浪你過來吃。
tixan ga biyak kahun niri yaba maku.puyun nya beh mayeh haca.

原來是山豬肉是我爸爸獵到，他就在田地那裏煮。
lela ga ini baʼiy biyak ha ru ini baʼiy.nanak si kani kani.piyuk lga sruxan nya la skaru ga.

以前是不買賣豬肉的，只有拿來吃多的就拿來醃製。
mahan nya cimu ru buxan nya.tehok ryax lga galun nya.kniʼan nya cami laʼi la.

沾鹽巴及醃起來，醃製的時間到了就拿起來給我們孩子吃了。
nanu ma kwaca yaba yaya mu heya.

我的爸爸媽媽是這樣子的。
ru ana ima kyoray maku ga sleʼun nya mita kwara yaba yaya mu.

不論是我的親戚，我的爸爸媽媽都對他們照顧得很好。
ana yaʼeh haca ga suyan mu likuy ga sleʼun ci loyi.

不論我的哥哥是壞的，還是會對他很好。
ana busuk ru mwah cga smaya sali ga ini kusa ma cyu su yaʼeh.ini kusa kya.

不論是喝酒醉來家鬧事，也不會說你很壞，不會這樣做。
binah sleʼun nya loyi sgalu nya ci loyi.

回頭又對他很好也很疼愛他。
nanu kinang heya lga leʼun caku nya yaba yaya mu kinang heya la.ana utux musi ga nagan nya Kasito.

至於我我的爸爸就真的對我非常地好，不論他在山上(就近部落)拿到一個蝸牛。
lingun nya ru rasun nya sali halan cu nya pkani kinang.

烤起來後帶回家，帶來給我吃。
musi a kya ihuy haca musi.

有角的蝸牛。
ana utux ci nagan nya momah nya ga clingun nya ru sagan nya sali halan cu nya pkani.

雖然只有拿到一個，在上山就給它烤起來帶回家拿來給我吃。
Pilan niʼ lalu kwe san mu musi nyu ckuyung abaw gaci a.kuyun abaw gaci.

背浪給你，我說:那是什麼?是包在芋頭葉裡面的蝸牛，用芋頭葉包起來。
kani musi san caku nya.ble ci niʼun kwani san caku nya.

他說:你吃這個蝸牛，又說:這個非常地好吃喔!
a ika ika san mu niʼun maku calay ci ble niʼun heya.wa na cmwan cikah cimu a.ble ci niʼun ru.

我說:給我給我，是真的很好吃，他有沾一些鹽巴，真的好吃。
ana nanu maki mano ga ini su nya ra ini biʼiy wahan cu nya neʼ kwara yaba yaya mu ga.

不論有什麼食物(東西)不會說不給我的，我的爸爸媽媽都會拿來給我。
kwaca heya ga yaw na mosa nya mayah ru wa nya pita kinang.

這是他去山上的故事，找到的蝸牛就會給我。
utux loyi ga wa cu nya pgan gyusa haca ha wa cu nya pgan gyusa haca ga.

還有一次就是我被鐵牛車壓到，我被鐵牛車壓到。
mosa ciro Nango ga yaba maku panga kryax.

去南澳治療都是我爸爸常常背我去的。
aring Pyahaw ru beta Nango.ungat pila lela ini baʼiy riteng.

從碧候到南澳，以前沒什麼錢買腳踏車。
kani kryax pngan caku nya ini piyiy kakay mu ha ru.

常常都背著我走路，因為我的腳不會動。
kani kryax mosa ciro gbyan ru mwah sali la.

每次在晚上治療都是用走路的，治療完就回家了。
mosa tiyaw mayah ʼlyan ha ru gbyan haca kya nanazi lga rasun cu nya Nango la giryo kakay mu.

因為白天(下午)要去山上工作，到了晚上7點就帶我去南澳治療我的腳。
rasun cu nya ciryo Nango kryax yaba mu ga sgalu ci uy yaba mu.tyaba caku la ha ru kya caku kyu say la.

我的爸爸常常帶我去南澳治療，我的爸爸也很可憐，因為我長大了應該有9歲了。
tyaba caku rʼsuw caku uy pngan caku nya kryax.nyanang caku nya cikah lga gaʼing ci kakay maku.

我長大了也變重了，每次都背著我，只要他動一下下我的腳就會很痛。
miyiy cikah ga kyalun maku uba iya yani kakay maku gaʼing san mu.nanu anguw anguw anguw.

只要動一下下，我就問他說:爸爸不要動我的腳我會痛，就說:好，我知道了。
thway ci kani ru thway ci mwah loyi ru yaba mu heya ga mhway calay ga wa cu nya leʼun ci lahan.

慢慢地走去慢慢地回來，我真的非常謝謝我的爸爸，把我照顧得非常好。
tateba ini cu nya leʼiy klahan ga ota kana cu khani uy beta micu hani.

如果他沒有把我照顧得很好，可能我到現在也就不能走路了，
ota aki caku tkay tkay khani ulus su mhway yaba uy ru ini cu nya laxiy mosa ciryo.

可能我走路都會一拐一拐的，還好我的爸爸沒有放棄帶我去治療，我很謝謝他。
iy kay mosa ciryo ga yani hay tiyu kbhon. iy kay mosa ciryo ga tiyu kbhon.

一次治療好像是700元，一次治療好像是700元。
kya caku zyu nan kay mosa ciryo lga tiyu sen msyaw la tiyu sen msyaw.

我有十幾次去治療了，就花了7千多元。
nanu mhway calay yaba mu ga lahan kinang. kwara cga knita nya kinang ru langan caku nya.

所以真的謝謝我的爸爸照顧我，所有的治療及無微不至的照顧我。
ulus su kahun nalu nya cmi lungan kinang.hani heya ga wa mu kyalun aring caku laʼi ru beta kbkis hani ga san kwaca mayan cika

是從他的愛及心疼我，這是我講述我從小一直到年長時所說的一些故事。
tateba baʼun mamu mung keʼ mu hani ga mosa myasa.ini mamu baʼi mung ga swali caku cikah ga.puting skwe nayan mu keʼ hay la.

如果有聽得清楚(懂)我所說的就很好，你們聽不清楚就請應允我，最後我說的就到這裡了，謝謝你們。