yow sgayan na alang（部落遷徙）｜口語語料

kuying heya ga naki ku qalang yatux ku Kinyang,

我曾居住在舊金洋落過，

ey aring ku cipik laga maki ku kya la,

從小就居住在這裡，

shotow ku kya ro ey mkyanux saku kya,

在舊部落出生也生長在那裡，

ro mpuw pitu kawas mu laga, mwah ku biyaq la,

17歲的時候，隨族人遷徙到這裡，

biyaq ku sʼutux qalang misuq qani.

來到新金洋部落居住。

ro sraral maki saku sku rgyax heya ga,

之前，在舊部落時，

bakun maku ga kbalay knxan myan camin Tayal maki kya ga.

了解到我們泰雅族人生活智慧及部落故事。

tuliq sasan laga, thapuy ngahi,

清晨起床就要煮地瓜，

tugan tmucing laga thapuy ngahi la,

清晨三點就要起床煮地瓜，

baha mswa ga mgibuw musa kmayah ku mgkis myan.

因為，長輩們一大早就要去旱地耕作。

ey mqwas ku biru kya kuying na,

在我唸書的時候，

mqwas ku biru laga, ana maha qlyan naha pgbyan hayi laga,

念書之後呢!接近傍晚時刻的時候，

musa ku lmwah yaya mu panga ngahi la,

放學回家時會去等候母親協助揹地瓜，

baha mswa prkyas mpanga ngahi mʼowi,

因為，上坡揹地瓜非常的辛苦，

ngahi niqun maki yatux ro lmyun ro sehuy,

在舊部落的主食是地瓜、小米及芋頭，

yasa ku niqun myan.

這些是我們平時食用的主食。

nanu musa ku lmwah yaya maku ro,

所以，放學後我就要去等候母親，

skan maku panga ngahi nya laga,

揹起一半地瓜的數量之後，

lhbow cikey pnanga nya la ro ryax ryax maha kasa.

減輕媽媽揹負地瓜的重量，日復一日皆如此。

ro ungat ku gasu(日) uy,

當時，也沒有瓦斯，

musa samin sku kmut khoniq.

我們都要分擔砍木材的責任。

ro masuq ku mqwas biru laga, musa ku khmut khoniq la,

所以，學校放學之後我就會去砍木材，

panga maku pa la ro rasun ngasal,

放在揹薪架上然後揹回家當材燒，

ro ini uy ga maki ku pqwasan biru cipuq kani laga,

在我念國民小學的時候，

baq ku musa therang la!

我就已經會去市集以物易物了!

baha muswa ga mpanga samin abow ngahi,

因為，我們會揹地瓜葉，

panga samin sehuy, panga samin ngahi,

揹芋頭、揹地瓜等，

ro panga samin layan,

也會揹綠豆，

halan myan pʼeyu niqun ey therang.

我們會揹到市集去換其他的食物。

su maki kya kwara ku Kahat ga, Kmukan,

市集那裏有很多做買賣的平地人、平埔族，

halan myan pʼyu kya ga, pira bey biqan samin nya uy!

我們會去換其他食物，但換得的食物卻非常的少!

cipik bikan samin nya nku Kmukan uy.

買賣的平地人對等換得的確實不多。

ana ga pkasun myan maha kya uy la,

雖然如此，我們卻已經很滿足開心了，

ey ryax ryax maha samin kyaca.

我們天天做這樣的事情。

baha mswa ga maniq samin ngahi ro lmyun kryax,

因為，我們每天吃的都是地瓜和小米，

ini myan ey sey maha yaqeh niqun uy!

我們也不會嫌棄每天都吃這些食物!

nyu myan sku luhay maniq kryax la ru.

我們也習慣吃地瓜和小米了。

ro ktey laga knxan samin maki kya ga,

在舊部落的生活模式就是這樣，

ungat pmilow, ungat tokiy toruy, si samin pkhani.

沒有電燈、沒有交通工具，只能走路的方式。

ey ana kltuw balay kayal ga,

就算天氣在怎麼寒冷，

mkhani samin musa smin sku therang,

還是使用走路的去市集，

ro musa kyan cikey pila laga, bayi samin cikah cimu,

稍有些錢的話，就會買鹽巴，

bayi samin cikah sku ey bwah,

也會買一些白米，

ro bayi samin cikeh sku wayey,

也會買一些麵條，

ey baha mswa ungat niqun myan pi!

因為，深山裡沒有這些食物可以吃啊!

ngahi nak niqun myan kya ga,

舊部落只有地瓜等為主食，

ana ga wan samin blaq mkyanux ey maki kya,

以這些主食，族人一樣在深山裡平安度日，

nanak pmilow ungat ro yey ungat ka tokiy toruy.

沒有電燈也沒有交通工具。

yaba myan keya ro suyan myan likuy ga muasa rgyax,

父執輩及兄長們會去深山狩獵，

maniq samin qsinu kryax na,

所以，我們常常可以吃到獵獲物，

nanu yasa lokah baley he myan,

因此，族人們的身體都很強壯，

ga ini samin nbuw ey,

也不常生病，

ey mxan cikah nbwas laga blak nanak lwey.

就算肚子有點疼也很快的能恢復。

ana kutan cikah qba ga sʼagan na nku tbaku ga,

若手指被割傷了，會拿香菸葉，

tutox tbaku, psan masan na tbaku kasa laga blaq la,

香菸絲，放置在傷口處包紮就會痊癒了，

ro kyan yani liluw no kyan ngahuq ngahuq kyasa ga,

若身上有那個膿瘡的話，

syu kya qutux kʼman yani kwe, wan mu yingayan kʼman yasa la!

也會使用一種植物，我忘記那個葉子叫什麼了?

ey kyayan puniq ro si sey kyasa kʼpah laga,

以火來烘乾之後，貼在膿瘡處，

galun laga mhtuw kwara ngahuq nya la ga blaq la.

乾葉子拿起來之後，膿就會隨之流出膿瘡就會痊癒了。

nanu yasa maki samin yatux heya ga,

所以，我們在舊部落呢，

baha mswa ramat ga ini psiy nku iyu noyaku(日)!

種植任何菜蔬時，是不會噴灑農藥的，

ro ini psiy ey hiro(日), nanak sku kmuhi laga,

也不會放置生長激素或營養劑，

ungat kuy, ini niqi kuy kwara ku niqun uy, myasa baley.

所有的菜蔬都不會被蟲吃掉，非常的好。

ro qmlox laga yani nu cmyan la ey,

收成的時候，好像在過新年一樣，

shekin ro phapuy layan ro maki tmmyan quleh,

家家戶戶會準備打年糕、煮綠豆湯及醃魚等豐盛菜餚，

tmmyan ey syang, tmmyan piyit,

醃豬肉及醃山產等，

yasa niqun myan ey ʼra blaq baley yasa heya la!

族人大家一起享用，豐盛的菜餚非常的棒呢!

yani nu cmyan na musa qmlox.

收成時好像在過新年一樣!

baha mswa ga bkis ga yani nu ey 比賽啦，

長輩們不吝嗇地招待，好像在比賽一樣啦，

yani nu ey san nanu kmayal ke Tayal ha, nu mu yingan la.

族語要以甚麼形容詞來比喻，我忘記該怎麼說了。

ey ro yani nu kesay(日) muhi tmubux, ro muhi layan.

好像在比賽種植及撒小米以及種植綠豆。

kho, kbaley kho hopa ga siq ku msoʼon baley kho ga,

穀倉，會製作很大的穀倉，將收成物品放置穀倉裡，

blaq bey ksliq naha.

豐收的話，心情也特別的愉快。

nanu samin laqi uy laga,

至於，小孩子們也沒有閒著，

sasan gbuq laga, mssyu samin phapuy ga,

清晨時，兄弟姊妹們輪流煮地瓜，

nu mʼowi ku yaba ro yaya ru,

因為，爸爸媽媽很累啊，

samin laqi laga mʼeyu samin phapuy,

孩子們就輪流煮早餐了，

kira ga kung phapuy, suxan ga qsuyan mu phapuy,

今天是我，明天是長兄煮早餐，

no maha samin...maha kasa kryax knxan myan maki kya,

我們在舊金洋部落的生活日常就是這樣，

ini samin kusa kaca mrrow uy laga,

如果，孩子們不這樣互相幫忙的話，

ey aki yaqeh knxan myan uy la.

我們家的生活也會非常的辛苦。

mita ku yaba mu ru yaya mu ga, mʼowi baley mtiyow,

心疼爸爸媽媽每天都非常辛苦的工作，

baha mswa, utux ngasal myan ga mpu msyow squliq myan,

因為，家裡總共有10幾位成員，

kwara yaki mu ru kwara irah mu ru ksuyan mu,

祖父、祖母及所有兄嫂們齊聚一堂，

kwara yaba yaya lagi ey yani mpu tugan,

包括我的爸爸媽媽及孩子們總共13位成員，

ey laqi nanak yaya mu nanak laga qeru la!

單單我們家孩子就總共九位，

ro nanu wayal mʼowi baley yaba yaya mu.

所以，我的父母親非常辛苦的養活一家大小。

ktey qutux ryax laga, nyan ku mrhouw gocyo Nang_ngo go laga,

有一天，有一位南澳鄉的鄉長來舊部落，

ey ʼmwah kmayal maha, ey nu ungat tuqi toruy mamu,

來舊部落這裡大力的宣導說:這裡沒有道路及交通工具，

ʼwah mbiyaq hogan la maha ku mrhow ma!

請族人們遷徙到現在南澳鄉行政區域居住!

mpira mwah smiyey laga,

鄉長來了好幾次遊說，

ey ryax kasa ga yaba mu ga rayhyo(日),

當時，我父親擔任南澳鄉代表，

no mwah smiyey kryax ku mrhow laga,

鄉長來跟部落族人遊說了數次之後，

yaba maku ro soncyo(日),

我父親偕同村長，

ey ʼmwah lama mkhani kiʼan myan ro,

下山先來勘查族人適合居住的地點，

pucing laga mulu skey la.

之後，族人們相繼的遷到徙新部落。

ey nanu ʼmwah lama smalaq la ro,

先遣的族人先來開墾，

malaq ro pbunga ngahi,

耕作及種植地瓜等食物，

no kung uy laga, bakaw ta miman qutux kawas tokini(日)wan ku mbiyaq uy la.

我呢!大約在民國51年時也跟著家人遷徙下來。

ro musa ku sikeng mspung msikeng nku Bnka,

我也到花蓮芥菜種會辦理的保姆學校考試，

ro wa ku magan sku nku halan benkyo(日) nku kyokay(日) no gako(日) ga,

也順利地考上了芥菜種會辦理的學校就讀，

nwah ku kya saʼing kawas ku kya laga,

在那裡就學二年之後，

ey ʼmwah ku la ro ʼmwah ku psbaq ku laqi cipiq ku qalang mu kani la!

回到部落教幼兒園小朋友們唱、歌跳舞及學習神的話語!

knaki mamu skani ga ini bey tna maki yatux,

在新部落與舊部落的生活模式是完全不同的，

ʼmwah skani laga, bsyaq bsyaq mkiʼan myan mkani ga,

遷徙並居住在這裡一段時間後，

maki llamu mnbuw la, yaqeh yaba bahaq,

許多的疾病相繼的罹患痼疾，

yaqeh ey sigit ro yaqeh ku yurun,

族人罹患了肝及腎臟的疾病，

piyux baley mnbuw maki la.

族人罹患了許多的疾病了!

ey mnglung ku bkis myan,

長輩們想了又想，

swalux ʼmwah ta biyaq skani laga, swa piyux baley mnbuw la ma?

為什麼族人遷徙下來後，罹患了這麼多的疾病呢?

san mu san mita ga, baq maha ramat niqun maki bʼnux hani heya ga,

我自己也思考著這個問題，是因為所食用的菜蔬有關係，

nyu psan ku iyu pi! no niqun ta qasa laga, maki llamu nbuw la.

平地所種植的菜蔬，不是在灑農藥嘛!所以，才會有許多疾病產生。

ulung su uy, nyu maki misu hani nyu maki isya(日),

還好，現在有醫生可以看診，

maki byoʼing(日) halan pkita mnbuw.

也有醫院可以去就診。

nanu ini ptnaq, maki rgyax heya ga ana ingat toruy ga,

所以，完全不一樣，住在深山雖然沒有交通工具，

anak ungat pmilow ga, lokah baley he, ungat mnbuw,

也沒有電燈照名設備，但身體很健康也比較不會生病，

ungat isya(日) pi!

也沒有醫生啊!

nanu ʼmwah skey heya laga, ʼmwah biyaq kani laga,

遷徙到新部落居住之後，

ey ulung su nu rmaw cikah ku mrhow uy sehuw(日) ga,

還好有政府的協助，

maki cikah ku rnaw samin na.

也有一些社會福利的補助。

ey thoyey samin mqyanux misuq kani,

才有現在小康的生活環境，

baley bey ga iyat kani knxan kani ga,

這也不是坐享其成且不勞而獲的事，

ini tnaq lokah mtiyow uy ga,

還是要努力勤勞的工作，

ungat nanu blaq uy,

才會有好的生活環境，

ungat nanu ggalan uy.

且能夠自給自足，相互協助。

ey nanu si ta klokah ta nanak mtiyow,

所以，族人們還是要辛勤努力的工作，

ro ey ulung su kwara ku Yecumin ga,

原民會也非常顧念原住民的生活，

cyu rmow sku kura Tayal ga,

給予族人各樣的技能學習與部落的發展，

blaq baley sku knxan kani la,

促進原住民族的生活改善與發展，

mhowey ita kwara sku Yencumin ga,

非常的感謝原民會的遠觀與協助，

nyu smi inlungan Tayal.

對於全國原住民族的盡心協助與付出。

maki smuran na qalang ta raral ga ro qalang ta micu ha ru, (訪問者)

您住在舊部落及在新的部落，

knita su ga maha kenu? lungan su nanak ga, (訪問者)

您的看法是如何? 您自己的想法。

myasa maki su smuran no qalang ga, (訪問者)

住在舊部落比較好，

myasa maki ey gikas no qalang hani? knita su.(訪問者)

還是住在新的部落較佳?您的看法如何。

ey lungan mu heya ga lungun maku baley,

我還是比較思念舊部落的情景，

因為，qalang haca ga mhotaw ku kya,

因為，那是我出生之處，

no mkyaqnux saku kya,

也是我生長的地方，

beta ku mpuw pitu kawas laga, wa ku mwah mbiyaq la.

直到17歲時，跟著族人一起遷徙到新部落這裡。

syan bey inlungan uy blaq baley,

舊部落的點滴常駐心頭，

ey balq behuy nya, blaq kayan nya,

微風輕拂、天氣也很好，

ey ana tltuw ga malah camin puniq,

就算天氣非常寒冷，也會圍著三石造起火取暖，

wa ungat yani misu kyan yani rekin no malah kyasa,

沒有像現在有電暖爐可以取暖，

si palah puniq kyan khoniq kya heya ru,

舊部落是燒材起火模式取暖，

ey blaq maki kya uy.

在舊部落比較好。

no ʼmwah skani heya laga,

遷徙下來之後，

piyux baley yow na qalang misuq qani ga,

在新部落發生了許多意想不到的各樣事情發生，

ana laqi misu no misu qani la ey,

現在新世代部落的孩子們，

ana laqi ga nu mita ktan ta nku syasing ga,

孩子們從雜誌圖書裡，可以接觸到許多的資訊，

ktan ta kaca ro mita ta terebi laga,

從書本及電視得知更多的相關資訊，

mlamu yow ana nanu yaqeh yow maki la,

無法阻擋不好的訊息在部落間傳揚及模仿，

maki rgyax ga ini kusa kya!

在舊部落是不會有這樣的憂慮產生!

ey baha mswa mgluw Gaga nku nbkis raral uy,

因為，舊部落族人們是依循泰雅Gaga為圭臬，

ro babow babow nya snhe Yaba Utux Kayan laga,

之後，基督信仰進入扎根於部落間及族人心，

mluw samin Gaga nya kya lwey.

族人即以聖經的教導為準則了。

ey ʼmwah skani heya laga,

來到這裡之後，

nu mita babow urow misu la,

部落孩子們也跟著新世代的腳步學習了，

mnanak nanak ana laqi uy la.

孩子們跟舊部落時代也很不一樣了。

ro nu utux ga ktan maku balay ga,

還有一件事情讓我非常難以苟同，

ini bey tnaq Gaga na sku bkis raral,

與早期泰雅先祖們的Gaga已經今非比昔了，

inu bey maki maha knerin ru knerin skun?

沒有女生跟女生一起?

likuy ru mlikuy mskun?

也沒有男生跟男生在一起的事情?

raral heya ga maha Gaga Tayal maha kaca laga,

以先祖的Gaga來規範的話，是觸犯禁忌的事情，

yaqeh la, miriq Gaga key heya la!

大逆不道，犯禁忌了!

ro ana snhe Yaba Utux Kayan uy ga,

雖然，已經歸入基督信仰於心，

iyet pswan Yaba uy ga,

也不容於這樣的事情，

baha mswa Yaba heya ga,

因為，祂是天父，

kbalay ga qutux knerin ro qutux mlikuy klayun nya.

是按著三位一體神的形象，創造一男一女，

ey sisey nanu mita kani ga, aki blaq ru?

怎麼去看同性戀、同婚事宜?

ey ana ita kwara ku Yencumin nu maki sku Bnka kani ga?

很多的原住民族人也在都市居住，怎麼看這樣的事情?

sun nak mita uy, sun nanak ktan uy.

也目睹這樣的事情在周遭發生。

nanu mhowey baley!

非常的感恩!

mqas camin maha nyu mgaluw Tayal ku Yencumin qani,

原民會非常關心部落的發展與族人的福利，

a...mhowey simu baley!

對原民會的協助無也感恩至極!

ey knita su nanak ga, raral maki smuran no qalang ga, (訪問者)

在舊部落時，依您自己的看法，

knita su yow na Gaga ga, giwan ga, (訪問者)

您怎麼看泰雅族的Gaga，舉個例子，

ey wa cu mhmut khani likuy, (訪問者)

若我不守婦道犯姦淫的話，

ro wa maha kenu ku pchot ku phokan ta ha ru ga, (訪問者)

要如何賠罪或是怎樣的方式處置，

Gaga ga Gaga nanu? (訪問者)

是要使用甚麼樣的Gaga 來處置?

yani kwohe yow ga wa maha kenu ku mlahang Gaga ta ga?(訪問者)

犯姦淫的事情，守護Gaga者要如何處理這這件事情?

wa na san kenu mtiyow yow hani? tatweba(日) ga.(訪問者)

如何妥善的處理事情?舉個例子。

ey ini ini balay heriq Gaga ey!

族人是絕對不能犯禁忌且謹守Gaga!

wa balay mhitiq Gaga laga,

若觸犯了禁忌的話，

ʼra su la, hmow su biyoq la,

你就要行賠罪儀式遮羞了，

ini ga ngta, ini ga biyoq!

賠隻雞或是山豬!

maki kya kngun nya Gaga Tayal qani! kngun na balay.

先祖們是非常謹守Gaga且不會觸犯禁忌。

ana ta nyu mskun qutux sakaw ga,

雖然，睡在同一張通鋪，

ana mlikuy knerin maha kasa mabi ga,

無論男女生都是這樣睡(傳統屋的格局)，

ini bey khmut! baha mswa nu mngungu Gaga pi!

不會越矩!因為，大家都害怕並謹守Gaga!

wa bey mhiri Gaga laga, musa su ʼra la,

若觸犯禁忌的話，就一定要行賠罪禮了，

kmut biyoq knikan su squliq mGaga laga,

要殺豬宴請族人們享用並行賠罪儀式，

halan naha smyus uy ey,

也會去行賠罪儀式，請示先祖是否願意赦罪，

halan na smyus maha swali ku ʼra qani ma, nyu kmut biyoq ru,

請示先祖是否可以行賠罪儀式並殺豬，

psyusan naha psan na rima la,

行儀式並準備竹子掛上賠罪的牲禮，

ro skuyun hasa ku biyoq syang kasa ha,

豬肉包起來掛在竹子上，

skuyun ha nku talak, talak ngasal.

包好即掛在家裡的屋簷處，

pisa kawas wa su biya gikasa no qalang hani?(訪問者)

您幾歲的時候，遷徙下來新部落的?

mpu pitu kawas ʼmwah ku biyaq ga, (受訪者)

17歲的時候遷徙下來的，

ey betaq misu laga pitu pgan magan kawas mu la,

到現在我已經75歲了，

kya pira kawas hayi la?

差不多幾年了遷徙下來?

mpu pitu ga sisey ma laʼiy krkyas uy la ru ga, (訪問者)

17歲也是成長中的少女囉，

nyu su kba yow uy la ha ru ga, (訪問者)

也稍稍了解舊部落的點滴事，

no maki maki nku smuran no qalang haca ga, (訪問者)

您在舊部落的時候，

ey maha kenu ku sbayux hani? maha kenu?(訪問者)

舊部落的換工模式是如何?

sbayux musa ta tiyow ga!(訪問者)

換工模式?

sbayux ga?(受訪者)...aw(訪問者)

換工模式嗎?...是的。

yasa heya ga ey kira ga musa ku mayah squliq ga,

那是這樣，若我要去別人家的旱地工作，

khmey musa ey khmay, mrrow mtiyow ga,

很多人會一起去喔，互相協助工作，

musa rmow kya ro skun qani laga,

會去那一家幫忙，完工了之後，

ey kwara qani laga musa rmow squliq binah binah,

這一組人馬就會去其他族人的旱地協助了，

no maha kya, mnayang ro kmulah,

就是這樣，無論開墾或整地，

ro tmubux, ro beta kmlox, mrrow kwara, sbayux ha.

撒小米種一直到收成，都會互相幫忙，這就是換工模式。

ini smohon tatweba(日) maha kaca ga!(訪問者)

族人們不會有怨言嗎?舉個例子，

ey ngasal mu ga utux he ci, (訪問者)

若我家只有一個人，

ngasal su ga tugan he, maha kaca ga!(訪問者)

您家有三位可以參予，若是這樣的話!

mosa cu sbayux sali su laga, ngasal su laga, (訪問者)

若輪到要去您家換工時，

waw, ini smohon ma aw ca utux he ci Iwan heya ga?(訪問者)

哇烏!不會有怨言說:怎麼只有Iwan一個人來換工?

mata kaca kmayal ini kusa kaca mnglung?(訪問者)

族人不會有這樣的想法和怨言嗎?

ini, ini! blaq lungan maki kya heya,

不會!不會!族人們都有愛心且謹守Gaga，

ini yaqeh inlungan ga, mrraw.

族人不會有這樣的心啦!會互助合作。

yasa ku ke bkis raral ey bkis ta Kbuta ru,

這是先祖KButa的遺訓，

kmayal ma, ana simu musa inu ga?

曾說過:無論族人到哪裡?

prrow mtiyow, laxiy psyaqeh maha!

要互助合作，千萬不要兄弟鬩牆!

no yasa su na baqun ru bkis.

長輩們都銘記於心並謹守。

ey lungan su ga, knita su nanak!(訪問者)

依照您自己的看法!

ey raral ga skura ta Gaga ha ru ga, (訪問者)

從泰雅Gaga的原則去思考，

micu laga nyu ta snhe Yaba Utux Kayal, (訪問者)

族人現在也都已經都歸入基督信仰，

raral maki su kya ga mpu pitu mpu pitu kawas biya su che ru ga, (訪問者)

您17歲遷徙下來之前在舊部落，

no wa su mita cikey ro Gaga kura smuran raral ga, (訪問者)

也曾經歷並見過泰雅Gaga的洗禮，

giwan yani ku 寡婦ga, aw ungat likuy la ha ru, (訪問者)

舉個例子:如寡婦，沒有丈夫的婦女，

san ta kenu ku klahang ku 寡婦, (訪問者)

怎麼去照顧她們，

utux ci utux ngasal naha ku alang ta hani?(訪問者)

部落如何去照顧寡婦一家大小?

knita su uy yani kwe?(訪問者)

您了解這樣的事情嗎?

maki ku kya laga, wa ku mita ʼra la ey!

我在舊部落時，就已經遇見過這樣的事情!

thmuluy knerin ga, 搶婚，

搶婚，搶婚事宜，

mhuluy knerin wa ku mita ey,

搶婚事宜我也親眼見過，

maki ku kirah samin ʼrah mu, musa camin qmayah ga,

有一天，我跟我的表姊一起去旱地，

panga samin ngahi ʼmwah ro prkyas ey,

我們揹著地瓜往高處回部落，

maki samin tuqi bnux laga, stnaq myan saʼing likuy,

我們走到了較平坦的路時，遇見二位男子，

ʼnya maras qwow ey qwow Tayal ro lalaw a,

帶著泰雅小米酒和泰雅刀，

kyalun samin nya, ini mamu ktey knerin kasa cyu kmayah ma?

他們問我們說:有見到二位女子在那裏的旱地嗎?

ungat mlikuy ma? ini myan baki musa mhswa uy!

沒有男生嗎?我們也不知道他們二位男子有什麼企圖!

ungat likuy ma? ungat likuy ey, saʼing knerin baley sukyan san myan.

沒有男生嗎?我們回:沒有男人喔，只有二位女生。

siy samin nya rganiy la ro obeh samin ptakuy samin heya la!

二位男子推了我們也差一點跌倒!

mkryas ku na ru samin ʼrah mu mrkyas hayi ʼrah mu uy na,

我也是少女，我的表姊也是青春年華之齡，

laxan myan pnaga myan, halan myan tpcing mita laga,

我們也把背籃卸下，跟在二位男子身後，

maxa kaca bnux la ro maki myan bnux, wa myan biyaq la,

到了平坦的道路後，隨即往下坡處去，

ʼnyan ku knerin hasa la, ʼnyu panga ngahi ga,

二位女子也揹著地瓜從對面過來，

cyu na stnaq ka cyu na galun pnanga knerin haca ro wa nya pbyakan,

遇見那二位男子把女子的背地瓜的背籃卸下，

wa na hluyun wa na kron hogan wa na hmuluy ku knerin,

拉著其中一位女子往下方處跑，

wiy! cyu mswa la irah san mu?

威!我對著表姊說:這是甚麼情況啊?

wa nya rasun kura hogan lwey knerin hasa,

拉著女子往下坡處跑，

kbaq ka nyu mhuluy knerin!ini mu baki.

原來那位男子是要搶婚!我不知道。

gbyan laga, rasun ku knerin la ro rasun mabi beh kho,

夜深人靜，這位男子帶著女子到穀倉睡覺，

kho nku san na knahun kaca ga,

穀倉是放置收成物的建築物，

ana ini kusa nanu qutux bengi maki mgluw su maki kya laga,

雖然，一對男女經過一夜的相處，也沒有越矩的事情發生，

squliq mu la ma!knerin mu la ma.

男子說:這是我的人了!我的女人了。

cuxan ktan laga, cyu mcriq, cyu msayu la, obeh pkkut la!

明天早上，二位男子在打架懲兇，差點發生命案了!

nanu yasa bakun maku ma baq nyu mhuluy knerin.

我才確認這是搶婚事件。

ey maki ku yatux beta ku mpuw pitu kawas maku ga,

我在舊金洋部落是到17歲的時光，

khmey hayi wa mu ktan maha kya nhuluy knerin.

我遇到很多搶婚的事件發生，

baha maha kyaca gaga raral, wa ku smhnga!

原來早期舊部落搶婚事件是這樣，我也趕上了!

ana ga baley balay ga Gaga Tayal ga ini kusa kya pi,

但是，泰雅族的Gaga是沒有搶婚之規範的，

kya pucing pucing ga maki ku maha kasa mhuluy knerin kani la.

可能是後期才有搶婚的事件發生吧。

a ana ga nyu ku lokah msyaq kun ey,

但是，我看到搶婚事件發生覺得很好笑，

seneng(日) mrkyas hayi uy la ru,

我也正值青少年之齡，

lokah ku balay msyaq ka!

我把它當作是開玩笑的事情看待!

ga wayal kekong(日) ey, wa nya lhuyun kyaca wa kekong(日),

搶婚的對象最終是都有結連理，有步入禮堂的，

wa siy pskun la ro maha kasa Gaga raral.

成為結髮夫妻，這是當時的儀式。

ey qalang raral ga kyan ku rikong(日)nya uy?(訪問者)

在舊部落時，如何處理離婚事宜?

rikong(日) laga, san ta kenu ku tiyow ku yow hani?(訪問者)

離婚之後，部落領袖及族人如何處理離婚事件?

kawas maku toki(日) laga, kawas maku laga,

當時，我的年齡世代時，

ini baha mswa raral ga bkis ga,

關於，長輩們對於婚姻觀的概念，

lga ga skun laqi pi!

婚姻觀的概念!

lga ga knihun skun laqi ga,

會決定孩子們的婚姻，

laqi ga ini ksliq ga mgey la,

介紹不喜歡的對象的話就會離家出走，

laqi knerin ga mgey la, musa Bnka la,

女子就會離家，

musa Girang la, musa Lutung la,

會逃到宜蘭或是羅東，

ro pira kawas bsyaq bsyaq laga,

過了數年之後，

sʼalax la!maha kya, maki yani kya.

分開了!並解除婚姻，有這樣的事情發生。

sʼalax laga ungat ku yani ku psaniq ku ʼra yani ku gaga?maki alang?(訪問者)

在部落，沒有對於解除婚姻的事件規範，賠償或是如何處理?

wa su kutan biyoq ga psyukan su squliq ru!(受訪者)

要殺豬賠禮並給族人們享用!

maha kaca uy ga?(訪問者)

也會這樣是嗎?

aw, psyugan su squliq lwey wa su kutan biyoq!

是的，要以殺豬為賠罪禮!

raral ga ungat nanu pila heya la ru ga,

早期，是以物易物模式沒有錢，

biyoq ro qwow Tayal klayun naha,

以豬及泰雅小米酒為賠罪禮，

ro kwara ksisinu tmmyan yasa ku thgun kwara ru,

還有醃製的山肉及醃肉宴請族人享用，

yani kekong(日) ga, ungat yani pila heya!

就像婚宴一樣模式，宴請族人享用並陪罪!