Madotacay to to'as no pangcah akamay（承襲阿美族傳統技藝的手）｜口語語料

O awaayay ko nipasifanaʼay to saka fana

一個在無師自通

misangaʼ to no toʼas a losid no Pangcah,

承襲了創作阿美族傳統服飾技藝，

i kamay ni Fahan a mapahapinang.

我們發現在Fahan(徐月英)的手中展現了。

Sawad han ningra ko sakatadamaan to kacingangan i macikayay a ontoing,

她放棄了足以可能有機會耀武揚威在體壇上的國手，

renok sa i niyaroʼ, nidotoc to nano toʼas no Pangcah

寧願留在故鄉，執著承襲於阿美族的文化傳統服飾

misangaʼay mikawit to fodoy ko tayal, anini,

創作的工作裡

anini, matoʼasay to cingra,

如今，年歲漸老

awaay ko midoʼedoay to fanaʼ ningra a misangaʼay to losid no toʼas,

卻不見下一代阿美族人來承襲最具文化意義的技藝，

nanay ira ko midoʼedoay a kaemangay no Pangcah.

期待發現新人出現。

Misisiw tinian hana i, pakaʼaraw ci ina ako,

當我在做（刺繡）這事，我的媽媽在旁觀看

maolah ni hining

欣賞又很喜歡

pinasisiw ako to…, tina ngara nga:ra a sasangaʼen.

我的所做和完成的作品。

Mafokil to romadiw,

不擅於唱歌

caay ko romadiway kako

我不是很會唱歌的人

misangaʼ tinian misisiw

只專注在

tinian hana nira

花樣的刺繡上

moraraw haw.

免得會分心。

Ngaʼay ho kiso kaka? Ngaʼay ho.

姐姐！你好嗎？你好。

Ci Rengos kako.

我名叫Rengos.

Anini haw, malipahak falocoʼ ako

今天，我的心裡很歡喜

o pilicay ako anini mihecaan,

在今年

o tayal no mako haw.

在我的工作裡

Nanay ma…opi…mi… pakafanaʼ takowanan to

有機會訪問到你。

o maan ko tayal no miso.

你現在的工作是什麼。

Anini haw, anini miheca, E…

在現在，今年裡，呃…

ira ko matengilay ako ira ko mafanaʼay itini i niyaroʼ

我聽說在部落裡

no Cingaloan a mafanaʼay misangaʼ to

Cingaloan有一位非常會製作各種

masamaanay a foday no Pangcah hananay

阿美族傳統服飾及手工藝的人

aka, taynian kako a milicay tisowanan.

所以我來找你做一些訪視記錄的工作

Hay, kako ci Fahan Oh…, ci Fahan.

好的。我叫Fahan 喔…，是哈！

Pina mihecaan iso kiya? Oh…, wakay ho?

你現在的年紀是…？看起來很年輕的樣子

He…he…, matoʼas to kako.

耶！我是年老的人了

Fahan…, Oh…, 70 suy kiso, yo....

是Fahan，喔！有70歲吧！

70 tusuy to kako. matini. Hay?

呦！我有70多歲了。

看不出來. 70多歲. 好啦 71歲 haw, sanay haw.

Caay kasapinang, mata’elif to ko 70 miheca. Nga’ayto, 71 han to, 這樣也好。

sanay haw Itini niyaroʼ no mita,

在我們的部落裡

itini Cingaloan

在Cingaloan部落

i nacila matengil ako haw,

前些日子我打聽到

mafanaʼay kora cecay a kaka misangaʼay to fodoy saan.

有一個擅長於製作傳統服飾的人。

Yi, omaan ko nian sa?

咿！這是甚麼？

O hetaw no matoʼasay aya:way,

這是hetaw，過去老人家的hetaw

Oh…, hetaw,

是的，是hetaw。喔！叫hetaw

Sangaʼan patatihefa hananay nian,

製作成雙疊式的

tosaay ko hetaw. no matoʼasay

兩件的hetaw。

mahaenay ko hetaw no naiʼayaʼayaw ma

過去族人穿著的hetaw

No mafanaʼ kiso a…

你怎麼會呢！

Mihining kako to masamaanay i

當我觀看任何的製作品時

maʼedengay kako matayal haw sa kako

一面想著我應該也會製作

sa a miawit kako tinian.

所以我學做這些飾品。

Fanaʼ saan kiso haw. Hay.

你自然地學會製作囉！是的

Fanaʼ saan kiso. cifalocoʼ

你這麼會製作。有興趣

awaay pakafanaʼay kakowan.

沒有人指導我。

Awaay pakafanaʼay? Hay.

沒有人指導你？是的

Nano kaemangay kiso, 還是, 幾歲 mafanaʼ kiso?

這是你從小就會的，ano, pinaan ko mihecaan 你學會這些？

Makahimamang kako pakaʼaraw to miawitay awaay i falocoʼ.

那是我在青少年時期看過只是還沒興趣。

Awaay i falocoʼ.

沒興趣

Hining sa kako to malikodaay i

偶然在豐年節中觀看正在跳舞的人

fangcal nian haw, san,

覺得那些服飾很吸引我

talomaʼ mikingkiw kako.

回到家後，我揣摩它。

Oh…, mi… itiya ho ri, 幾歲 haw?

喔！在那時的你是pinaay mihecaan?

大概18歲, coyhasay. 18歲 hay.

18 mihecaan kiya. 18歲。是的，18歲。是的。

Oli… oli pihiya i san ina ako,

在那時母親催逼我去，去，學習看看吧。

mi… pilinsiw i, pisangaʼ to fodoy

我開始學習製作服飾了。

hay. Saan, misangaʼ kako to fodoy

於是展開我的新生活

O maan sarakatay ako

首件作品是

tolo folad kako ni nisangaʼay fodoy i patiyamay

有三個月的時間在服飾店學習做裁縫

ta…, ma…, i…, mahaenay aca misangaʼ to fodoy haw

然後，覺得原來裁縫技巧是這樣

saan kako mihirateng,

讓我大開眼界

o maan sarakatay ako nisangaʼan pancu.

我的第一件作品，是內褲的作品。

Haaaa, pancu nima?Nimama ako.ah…,

哈哈哈！是誰的內褲呢？是我爸爸的內褲啊！

Ato fodoy nira

和他的內衣

麵粉袋 han no holan. Hay, hay…,

用麵粉袋（華語話）做成的。是的，是的。

Raan ko masangaʼay ako nilinsiw.

那是我在學習時的第一個作品

Icowa kiso a minanam? Itira patiyamay. Patiyamay?

那你是在哪裡學習的呢？在服飾店（鳳林市區）

Hay. Ira o pacakayay kanpoyako tatihi.ah….

是的，在中藥行的隔壁的服飾店

Tira kako misangaʼ milinsiw.

我就在那裡學習裁縫的

Sa:an ri, ta,

後來

micudad ho ʼayaw, adihay ko piyang ri picudad.

我又去讀書，在讀書有糖果吃

Hay ri, samaanen ako: sa kako

那時我在想

Mamangho ri ta, wawa ho kita ⌃can ho kafanaʼ.

我要放棄呢！那時還不懂事。

Ira ira kiya 里長 niyam itiraw.

當時，有一位里長

Yi. mafanaʼ:ay kiso mafekac i,

說：嗨！你是一個擅長於

miefengay to maamaan i, saan kakoan,

田徑的運動員

mi… hiya kiso haw, 保送ngen ako kiso tayra i 新竹 saan kakoan,

我推薦保送你到新竹去，好嗎？

sowal han ako kiya ina ako ri

回家時跟我母親說這件事

aka, awaay pakaenay kolong.

不行，沒有人放牛。

Kolong? Hay, kolong.

放牛？是，放牛

Pina kolong namo lomaʼay a?

你家有幾頭牛呢？

O… ri… 10個, tatosa tamdaw pakaenay kolong.

嗯！有10頭牛，要二個人來牧養牠們。

Oh… fay, kaemang ho kiso.

喔！那麼多喔。那時你還是少年

Mamang ho kako.Pakatengteng kiso?

青少年時，你拉的動牠們嗎？

Padakaw han ni no kaka ako i kolongay kira,

我姐姐把我放在牛背上

madakaw kako, matira… paepode nira,

然後，把我放下

fahfahen kolong, nifahfah kako, mahaenay ko demak no mako,

叫我去趕牛，我趕著牛，當時那是我的所做，

saan i, ta maomah to kira.

然後，又忙於農事工作。

Mihining kako to malikodaay

當豐年節跳舞時

fangcal na fodoy nira haw saan kako,

欣賞所穿的傳統服飾

ta nisangaʼ.

我開始嘗試製作

Macowa to ri tamisangaʼ kako to

傳統服飾階段

maedengay to ci tihi sako ina haw,

母親說到了適婚階段

ta citihi kako.

我有心儀的對象

Ta, tayraan to kako i pasaetip,

後來我到西部工作

cifainay to kako kira.

然後，我結婚了

Tikiroay i patalomaen matayal saan ko tawki,

若可以的話就回家鄉

patalomaʼ ri, halafin ca to piawit mahaenay.

但我有一段時間沒有在製作服飾工作了。

Sarakatay misangaʼ to sifilo, no fainaay emin, halo tapad,

我學會製作男西裝衣

milinsiw kako, tira kako mafanaʼ niawit to masamaanay.

會製作各樣的服飾，是邊學邊製作。

O sowal no miso hani,

在你剛剛說的

tayra kiso ti:raw minanam 18 歲 kiso minanam, . 18歲 ho,

當時去學習裁縫時是18歲時。那時是18歲

halafinay kiso tira minanam.

你學習的時間很長囉！

Tolo folad. Afay, tolo folad.

只有三個月。哇喔！只有三個月

Wa…, saʼayaway, matengilay hani o pancu nisangaʼan.

哇…！聽你說製作阿爸的內褲

O 麵粉…. Hay….

是麵粉袋的

Masamaan, malipahak mama iso yo

當時爸爸一定很高興。

Maolah mama ako to pancu

爸爸非常得意的很呢。

a:yaw caay pakacakay kira,

過去是買不起的，

holofodoy faleday nisangaʼan ako, maolah na ina ako,

連上衣我也製作給他，我的母親也喜歡

sa ⌃ca pakatayalen talacowaco:wa kako

所以他們不給我到外地去工作

pakaen kolong, mimaomah, haen: sa ko tayal ako,

只有偶而餵養牛及做農的工作

pakaʼaraw to nisangaʼan fangcal haw sa kako.

看了自己所製作的服飾也愈覺得滿意了。

Itiya kiso matayal haw

那時工作的妳

o pancu saʼayawa nisangaʼan iso

第一件作品是父親的內褲

saka, imati nisafodoyan iso haw, nisangaʼan so haw? Hay.

現在你所穿的這件傳統服也是你的作品？是的。

Kiso nisangaʼay. Kako nisangaʼay.

是你製作的？是我做的

Ira ko nisangaʼan, o maan ko nisangaʼan iso saʼayaway,

你還有其他完成的作品？

o maan ko nisangaʼan iso?

你製作的有那些呢？

Rawan. Rawan hay?

就那些。哪些？

Tatata, rawan. Sarakatay, Ah…. Nengnengen ho ta haw.

就那些走去看看，有哪些。啊！看看這些了。

Sarakatay nikamayan maemin ranay

這都是手工製作的作品

Wa…, pinaay to mihecaan nisangaʼan so nianay?

哇！這作品有多久了？

Wa…大概 5, 60年. 5, 60年, wa…,

嗯！約有5、60年了。約有5、 60年了！哇！

O maan kinianay

這有什麼意思典故嗎？

Omaan koimi nira

甚麼意思呢?

O dadingoan.

這是鏡子

Dadingoan no Pangcah

阿美族的鏡子

Matiya o mata malikoda kita i maedil.

也像眼睛當我們在跳舞時照亮著

Hay, hay. Nian i? Maan sanay?

是啊！是啊！這又是什麼呢？

Nian i, o maan han kiya… saw, mapawan to kako.

這要怎麼說…呢？忘記了。

Onini ko taypiw no mita o Pangcah,

這表示阿美族

o cidal, o fois sanay.

太陽、星星

Hay, hay, ira aca ko imi. Tinako nira,

是，是。又有這個。它表示，

mahaen ko pacedil no cidal, o fois nianay.

太陽照亮著族人，這是星星

Folad, nian o fois, folad, o cidal to kinian. Hay, hay. Wa….

月亮、星星、太陽。是是。哇！

Mahaen sarakat nisangaʼan ako ri,

這是我最先縫製的服飾

talomaʼ sa kako,

每次回到家時

媽媽, yan nisangaʼan iso, maolah ko wawa tinian.

我的孩子都說：媽媽你做的服飾我們很喜歡。

Nian(alofo). Sarakatay nisangaʼan ako nian.

這是袋子。也是我最先做的作品

O kining to iso a nisangaʼ

這些最先的創作當作是你的紀念物了

nianay haw, nakamayan so. Kamayan to nian

因為是你親手做的

Oh…. Haen (鈎) han ni hacecay.

這也是手工做的。喔！就是這樣一針一線的鈎來完成。

Nawiro safalocoʼ sa kiso misangaʼ to fodoy no Pangcah?

是怎樣的動機使你製作阿美族的傳統服這麼有興趣呢？

Ci safalocoʼ ko cifodoy ko Pangcah mangalay ko misangaʼ tanamay san

因為阿美族人有這個需要才有的

tanamay kinian sa, nihining to nisangaʼan no tao,

也是一種嘗試，也看看別人的創作，

ya, fangcal to aca sa, 我很有興趣, na Pangcah.

然後，覺得很好，masafaloco’ ako在阿美族。

Hay, hay.nian a cangaw nisangaʼan so? Sangaʼan to.

是，是啊！這些項鍊也是你串的？也是。

Imatini haw, ira ko midoʼedoay to tayal so?

到目前為止，有人承繼你的這些技能手藝嗎？

Waay. Waay?

沒有。沒有？

Ya sona: no mako, mangalay nisangaʼ.

我的孫女她想學習

Ama: samaanen pisangaʼ mahaenay?Sa, kakowanan ri

有時問我：阿嬤！這些飾品要怎麼做呢？

hiyaen ako i 手機 pahining. Oh…

我就在手機拍給她看。喔！

O dengat no fayfahi kiyami

女性們穿戴的飾品

nisangaʼan no wawa ri, 留著 no mako,

也是我的孫女做的，我留著它

adihay ko ʼosaw no mako i, ta misangaʼ ako ta sapahining cingraan.

多的我留著，過些時日我帶著拿給她看。

Niyanan saʼayaw nisangaʼan iso haw.

這是你最先的創作

Sarakatay. Sarakatay, tangasa matini 60年 to ko… Wa…,

最早的作品，到現在已經也有60年了，哇！

Mahaenay nisangaʼan ako.

這些是我於先做的作品

Fanaʼ sa kiso, nacecay kiso ninengneng ri,

你是無師自通啊！只看了一次

kingkiwen to iso talomaʼ

經過你的研究揣摩

Nisangaʼan no tao i, mafanaʼ nikingkiw. Hay, hay

別人的作品，你又可以改變創新。是，是的

I hani, haen sa kako, mafanaʼ kiso mafekac,

剛剛說到你又是一個善於短跑的運動員

mafanaʼ masamaanay, lalicayen ako mahaenay.

及田徑項目

Nianan i, nisangaʼan so haw! o hetaw. o hetaw.

這些也是你創作！o hetaw。

Ah…, no fainayan nian haw. fainayan.

啊！這是男性穿戴的

Pina nianan hay? Cecay, limaay hay ko nofainayan. Limaay

男士的有五片

langdaway ato fohecalay, kahengangay. No Pangcah a tilid ko nian.

這件男士阿美族的片裙。

Oh… nianay cecay. Nianay cecay,

喔！只有這一件。就這一件

nilinsiwan ako i ʼayaw. Nilinsiwan nisangaʼ.

是我在學創作時完成的。是邊學邊做的作品。

Kalimelaan no miso nian haw

你對這些都很珍惜喔！

caay papi… aka piala to raan fodoy han ako ko wawa

對那些青少年說不要拿那件服飾。

Nianan i, mangalay kiso, mangalay kiso sangaʼen ako han ako. Haw…

這些呢？若你真有需要，我做一件給你，我這說。

Hiningen ita na i sapaday.

我們來看看桌子上的作品

O maan kiya… Hetaw.

那是甚麼…，Hetaw

O hetaw han no matoʼasay. Hetaw no matoʼasay.

老人家說這叫Hetaw.老人家的Hetaw.

Tikilo, cecayen aca.

可以，只有一件

Cecayen, cecayen sapitahepo no fainay.

只有一件，作為男士遮蓋用的。

. Tikilo haenen.

這樣可以

Nianay ri, 也是. O 十字繡 han no holam.

那這件呢？也是，華語說是十字繡。

Hayi. Nianay cecay hetaw haw,

是的。就這一件Hetaw.

pina romiʼad a misangaʼ kiso?

你創作時需要多久時間？

Wa… miawit kako, ano hacowa niawitan hatira sa,

哇！我刺繡，看我繡到哪裡，按它的紋路，

pasaʼsaʼ to, malalok i, awiten.

我就休息。興致來，就繡它。

Samaanen so a mitapid. Hay,

那你繡到什麼時候。是的，

tapid: han kira. Afay. Haen: han nitapit. Oh…,

一直繡它。哇喔！

maan sanay ko imi nianay,

它有特別的意義嗎，

Niaimi nira. Hay, matiya o ʼaloʼalo haw.

這很像河川的紋路。

Matiya o noʼalo, malikat kira

這像河川，很亮麗

Nianay i? Maan sanay.

這個呢？這又怎麼說。

Ira ko cidal ato foʼis. Foʼis haw.

有太陽，有星星。有星星。

Nengnengen ako, tapiden iso, o maan sa.

在我看來，你繡的，可看出什麼！

Ni o foʼis. foʼis haw

這是星星。是星星

ato o mafanaʼ ko ʼayaway a matoʼasay a pakafanaʼ.

過去的族人很會教導。

Ira aca ko imi nira haw.

真有它的真義

nianay i? matiya o ciwcika nianay haw

這個呢？它像是十字架。

nian i caay ko matiyaay o ciwcika,

它這不像是十字架，

matiya o panaʼ. Panaʼ, siw… san. Hay, hay,

像是劍。劍。咻…！是的，是的！

tayraan mikilim to ʼaʼadopen haw.

可以到獵場打獵

O foʼis, o panaʼ, o nian i,

星星，劍，這個…，是甚麼

o maan han sa. O hana han to.

是花紋。

O nian i? nitilidan so? Hay, nitilidan. Oh…

這個？是你畫的紋路？是的。畫的。喔！

wata: kira maka:pah.

哇！真是美麗啊！

Imatini, fangcal ko mata sa haw?

現在，你的眼睛好嗎？

⌃ca to kafangcal.

不怎麼好了

Yi… limela nakamayan so

咦！珍惜你的創作

nanay ira ko midoʼedoay to nakamayan no miso

希望能有人承繼你的創作

ano awaay to ko mitapiday to fodoy no Pangcah kiyami,

倘若沒有人來創作阿美族人的傳統服飾

cima ha:ca. Awaay to haw.

可能會失傳。

Imatini haw, ona falocoʼ ako haw,

現在，我認為

mafanaʼay kiso a misangaʼ tonini hetaw no Pangcah,

你是一個具有阿美族傳統文化服飾創意的創作者

masamaan ko falocoʼ no miso

在你看來

a pakanengneng ano awaay to ko mafanaʼay misangaʼ

倘若沒有將這創意傳承下去，

maan sa ko falocoʼ no miso?

你會怎麼想？

Nanay ira mafanaʼay

希望能有人願意學習

pakafanaʼen no mako to midoʼedo ko fanaʼ

我也可以指導她來繼承這技能

masamaamaanay a awiten fangcal to. Fangcal to.

任何要創作的作品都可以。

Matini mapalowad no yinminhuy kita,

現在原民會看重我們這些創作者的智慧

nanay ma… a nengneng to no wawa sona:sona: no mita,

希望能…被下一代子子孫孫們看見，

matiya nisangʼan no miso fodoy ato nianay malikat.

像你所創作的美及可照亮。

Anini malipahak ko falocoʼ ako milicay kisowanan,

現在，真是歡喜的心能夠訪問到你及欣賞你的創作。

hatini ko pilicay ako. Aray.Aray

訪問到這個階段。謝謝！謝謝！