qalang maku Mesuzing（我的部落麥樹仁）｜口語語料

剪

kelan cikay lalu su ha

請自我介紹一下

lalu mu ga Umay Tali

我的名字叫 Umay Tali

Tali Naway

達利拿外

ga kun hya ga pitu ru pitu kawas mu la

我的年紀已經有77歲了

pitu tyau la

76歲了

nanu yasa qu a~

所以呢!

mhway su maki qu zyuwaw qutux son nha ita tayal ga

謝謝你尤其在關於族語這一塊

mutux su mwah i mnpumg squ maha u

你會來傾聽

maha nanu binkesan myan raral

過去祖先的生活情形

nanu yasa qu pnbaq maku pincbaq na

所以我也透過我所聽的跟我

bnkis raral ka kmal mhow

長輩過去跟我說的

raral ga kinhangan ta Gipun ma

過去我們是被日本人統治的

nanu yasa qu kinhangan ta Gipun raral ga

所以我們以前被日本人統治時

krangi ta nya a~ iyat tayal ru Gipun qa

日本人真的不把族人當人看待

raral balay ga pnongan ke bnkis ay

過去時常聽長輩說

ana sening ru ka

甚至年輕人也

ana laqi ku kya ga

雖然當時的我還小

pzyux qu yan qsuyal mu ru kwara ka rawin ga

但有很多比我年長的和與我同年的

ay~ mita myan Gipun a mhkangi sa ska na tuqiy ga

欸~我們看到日本人在路上走路時

musa sami kyahu tuqi lma kongun naha balay Gipun qa!

我們就馬上往路邊下方躲避他們真的很怕日本人

nanu yasa qu raral ka sami ka Mksuzing qani hya ga

所以以前我們這裡和麥樹仁的族人

qutux burak myan rwa

我們是一個部落

nanu yasa qu mutu mwah qu Gipun lga

所以日本人過來的時候

nanu yasa qu sami ka qutux a qalang ka Mksuzing

我們這個麥樹仁的部落

kya baqun kwara squ son mahow

大約大部分的人都知道

ita ka si say maha ana kahul i Yokuhow ru

我們這些從玉峰村遷徙過來的人

kahul i Syuran ru kya naha baqun

秀巒村的人也應該會知道

sun maha u~ ita ka sami ka Mklapay qani

對於我們住在麥樹仁部落的族人

baha mswa i sami ka Mklapay lalu nya hya ga

因為我們部落是被稱為Mklapay

saygo na Mklapay qu lalu raral balay ga

過去到最後還是被稱作Mklapay

sami hya ga Suzing

我們是麥樹仁

Mklapay Mksuzing qu lalu myan

我們的名稱叫加拉排跟麥樹仁

na sun mahaw Mklapay Mksuzing qani ga

所以這個加拉排跟麥樹仁

myuhul kwara qu bbnkis naha gi baha hmswa gi

這裡的祖先都很勇猛

cinbaqan ni Gipun kwara lgi mstnaq Gipun mahow

是受日本人的影嚮因為對日本人的作為不滿

mwah ru mutux mwah tmyaqih squ qnxan ta tayal rwa

日本人來的時候會打亂我們原有的生活規則

ru ana kyaqu pcywagun ka musa mtzyuwaw qqmayah

既時是有工作要到山上去做

maki qu mwah qu Gipun lga

但若是碰到日本人就會

mutux mwah i tmbuzyaq sun maha u tayal nanu yasa qu

都會來刁難原住民所以

kwara ka sami ka qutux bnkis ka

我們這家族的人及

qutux rgyax qani lga

住在這一座山的族人

mutux i baq mpkal maha u

就會私下討論說'

swaʼun ta u yal Gipun ka nyux mwah i tmyaqih

要如何決解日本人這樣百般的刁難

sun maha qnxan ta ka

於生活中

ita tayal qani nanu yasa u

在我們泰雅族這裡

mbbaq pkal nanak qu maki qu zyuwaw naha ga

族人常會聚再一起討論計畫

utu mwah i mita qu sun maha sami ka qutux bnkis

並會來找我們麥樹仁的長輩

baha hmwas gi kongun sami naha

因為他們很怕我們

maha qu bnkis raral nanu sa qu raral ga

以前的長輩就是這樣

mswa yal na sami ka

像我們這裡

Klapay qani ga Mksuzing qani ga

的部落麥樹仁後

mutux i Gipun hya ga

日本人會

mutux nya i son maha u ay! ktay ay ma

他們會說要注意喔

te i mkahun i Yokohow i

住在山上玉峰村的族人會這麼說：

lga mutux mwah tmyaqih

日本人會來破壞打擾

mwah kmut simu ka mkhogan l maha ma

會來殺你們住在山下的族人

baha hmswa spyangun nya ptciriq na tayal ki tayal ga

因為日本人會教唆引起族人與族人的爭戰

ru masuq lmga ruma lga

結束後有時

mkahun i Yokohow lga

從玉峰村來的

mutux i kmal maha a! halay ta i

會說:我們來去

kmut qu sun maha khogan maha mga

殺住在山下的族人

cingay sami qu Mksuzing qani

可是我們麥樹仁的人非常多

nanu yasa qu taqu saygo lga sami hya ga

所以到最後我們呢

sami ka Mksuzing qa mga pnongan mu ga

我聽說我們這個麥樹仁

ungat myan qu mnwah i tmqlih qu sun maha i

沒有任何族人去挑釁

mkyatux Yokuhow qani

住在後山玉峰村的族人

kmal qu bnkis baha hmswa raral balay Gipun qani hya ga

因為過去的長輩都會跟我們說過去日本人

hya balay mwah thmyapas raral

真的是會來破壞我們

sun maha tayal qani

的族人

ana bbnkis ka mmyaki ga

就是老婦女

mwah balay thmyapas qu sun maha i kkneril na tayal ma

也不放過！會調戲族人的女性

aw baha hmswa

是！因為

raral balay hya ga kruma ka kneril ka bbnkis ka

在以前的時候有一部分的女性

baqun maku ka pnung maku si say ma mopuw

我所知道的一集我所聽到的在十

magal qani mopuw tzyu kawas baqun muga

十五六歲的時候我就知道及

maki nqu bbnkis pngan maku ga

也有的是透過女性的長者說

tlagay ma raral balay Gipun ka

唉！過去日本人真的是~

hetay ru ana a rwa mga mwah balay i

有的日本軍或是~

wiy i nanu i byat

會侵犯

kneril na sami ka neril na tayal ma

泰雅族的女性嘛!

nanu yasa qu balay ga

所以應該吼！

raral lga pnongan makau theluw ka

過去我也聽過外省人說過

wal hya ga

過去後

wal naha i kyalun qu Gipun hya ga ini i

他們也提醒是過日本人

uwah i tmatuk tunux ita sun naha ana tayal pmukan

叫牠來跟原住民跟漢人道歉

kahat wal nya sun kya kwara ita Taywan qu Gipun qa ga

日本人也是一樣這麼對待閩南人及我們台灣人

nanu yasa qu

所以呢!

Hankok maga wal nya i "

他好像有向韓國道歉

biqan i pongan mu ke

我是有聽過

ana tmatuk tunux a Hankok ma pnongan muw

他有向韓國道歉我有聽過喔!

ru spkal naha nanu ita Taywan ga ita tayal ana tmukan kahat ga

他們會談論我們台灣不管是原住民閩南人

ini usa tmatuk tunux

沒有像我們道歉過

si say maha ita sun maha u kneril sun maha ita Taywan

沒有跟我們台灣人的婦女道歉

kya mon wal ktan kruma maki teribi ga

你們也許有透過電視看到

htuw i pzyux kruma qu mhtuw ka

會有很多的類似相關的事

si say maha yaki na kmukan ru kahat uzi ga

客家婦女跟閩南人的婦女

ini siy i stunux inlunga qu sun maha

日本人不記得這樣的事了！

Gipun ka mwah tmatuk tunux sun maha ita tayal ga ana Taywan

也不來因此事跟我們台灣道歉

nanu yasa qu yal sami ka Mksuzing qani hya ga

所以當時我們麥樹仁部落

ini ktwa qu sun maha u

沒有多長的時間

knaki myan squ si say maha u Mksuzing qani

住在這個麥樹仁部落

ana nqu pzyux qu sun maha u

就算是滿多族人

ʼnaki myan squ Mksuzng qani balay ga

曾住在這個麥樹仁部落

aki pitu nanahyak msyaw squliq

的族人大概有七百多人

maki Mksuzng qani wal syan punu na Gipun

住在這個部落, 日本人有放瘟疫在這裡

aw !kmal nkis ga

我們的祖先說

wal naha syan iyu mru te qutux ryax mga mhuqil mga

他們有放藥一天就死了

ana cipuq mga sanpyak msyaw hi

最少300多人

ruma nihyak msyaw wal mhoqil ga

陸續死了200多人

kruma ga kbhun msyaw mhuqin ma

有時死了100多人

baha hmswa kgi

因為

syan iyu na Gipun rwa sami ka qutux a qalang qani la

因為日本人放了藥在我們這個部落

nanu yasa qu wal i yaqih kwara qu sun maha bnkis myam sun maha u Mksuzing qani

所以當時我們麥樹仁部落的長輩死了不少人

nanu yasa qu soni qani hya lga baha hmswa

所以現在就是因為

nyux ta iyan raral lga

就像過去一樣

maki qu ini ktwa qu bnkis lga si say maha u~

長輩沒有剩幾個了

musa ta i mnglung qu nkis ay baqun mu sinhngan mu mama Silan

還記得當時候我還跟上一位長輩mama Silan.

halay ta tmatuk tunux qu bnkis

他說我們來去祭族靈

baha hmwas bnkis raral hya ga maras sun maha u ita ka lelaqi mga

因為過去我們的長輩會帶著孩子去

masuq ta i~tmubux ru masuq ta kmluh

就在我們完成播種以及收割時

ru san ta smi squ khu qu sun maha i

就要準備將所收的放入倉庫

pnnuya ta ru kwara ʼnagal ta maki squ babaw rhyanl lga

將所有種植的農作物及所得的

halan ta smi squ khu lga nanu yasa qu mutux ta i pkal sun maha qutux qalang maha u

全部都要放入倉庫然後我們部落就會討論

ktay i mpluw i musa i tmatuk tunux qu bnkis lga

講好時間準備一起去感謝我們的祖靈

nanu yasa qu kya qu nanu ka pinnuya mamu san mamu smi khu ru masuq lga

不管你是種植什麼都要一起放入倉庫完成

mqoyat ta kwara ka qutux a qalang ta ru qutux burak ta lma ga

所有住在這個部落的族人所受的祝福都要聚在一起

nanu yasa qu a hata tmatuk tunux mhow maki qutux ryax mahow bnkis

我們大家要選一天一起去祭拜祖靈

nanu yasa qu misuw qani sami ka Mksuzing hya ga

現在我們麥樹仁部落的族人

pusan sazing kawas qu mnwah mya i tmakuk tunux qu bnkis lgi baha mswa

們已經做了22年的祖靈祭儀式

binkesan raral hya ga yanan nqu ungat biru ta ini ta qbaq i miru

過去我們的祖先沒有文字不會記錄

ungat biru raral ga nanu yasa qu snbil nqu sun maha bnkis myan hya ga nyux myan ini zngi

但是祖先所留傳給我們的習俗文化我們是不會忘記的

aring squ wal ru te squ sun ma soni qani ga

從過去到現在

sun maha bnkis myan hya ga ungat Gaga raral lga

如果說我們的祖先從過去看似沒有文化

nanu yasa qu talagay blaq yal qu tunux bnkis maha u swa nanak

可是祖先的智慧是如此的美妙，為什麼呢？

aring squ mtzyuwaw ta squ qmayah ru masuq kmluh tmasaq ta kmluh ga

我們一開始的耕作以及到收割完成

syun ta squ khu qu sun maha pintzyuwaw ta squ qutux kawas qani lga

我們就會將我們一年的所收成的作物放進倉庫

nglung ta ay mutux ta i musa tmatuk qu sun maha bnkis lga

我們會想到要去感恩我們的祖先

tay qu tunux raral tayal raral blaq yal tunux naha

想想過去的長輩實在是太有智慧

ini naha zngi sun maha u bnkis ka wal rima i

他們不會忘記長輩的過去

mʼabi squ sun maha babaw rhyal

會記得死去的祖先

na yasa qu soni qani hya lga si say maha u nyux ta i magal Gaga lga

所以現在雖說我們有了信仰

ini ta zngi yaqu pslkotas ta ru lkaki ta kwara ka mtswe ta ga wal rima mhuqin

我們不會忘記我們的祖先長輩及兄長先離我們而去的

nanu yasa qu misuw qa ana ta mlahang Gaga ga maki ska Kyokay lgi

所以現在雖然我們信了教會

ini naha zngi qu sun maha bnkis

他們不會忘記祖先

豐收節ga bikesan raral nanu yasa qu nyux ta i statuk tunux sun maha misuw qani hya la

豐收節的時候也就是我們現在的祭拜祖先

剪

raral balay binkesan ta raral hya ga

其實我們以前的先祖啊

ini balay zyungi squ saun maha bbnkis

決不會忘記祖先

baha hmswa gi raral balay hya ga kya qu pincywagan naha lga

因為過去他們耕作時所收穫的作物

wal naha blequn i mnglung kwara sun maha i ptzyuwaw naha

他們會好好的計畫他們的工作進度

ini mu ani skal squ sun maha soni qu si say mahow

我剛剛沒有談到一些

pyang na sun mahow nyux ta i

比較重要的事情

pcywagun squ zyuwaw raral baha hmswa gi

就是以前所要做的事情因為

nyux i si i kyut cikay qu sun ma ke mu qani

我只是簡話的敘述

baha hmswa ga binkesan raral hya ga

因為過去的祖先

aring squ mtzyuwaw ta balay ka sun mahow

在我們一開始耕作的時候

qmayah ta musa ta i lmhap ru

從除草到開墾

u syan si say maha tmasuq ta squ sun ma pmuya ta

完成準備種植的農作物

gmhap ta sun maha trakis ana maha pagay

播種小米以及旱稻

wa ana qu muya ta sun maha ngahi ru sehuy qani

還有種植地瓜和芋頭芋

maki qu zikiy nya

有他的季節

tequtux ga aring ta mtzyuwaw squ sun maha i

第一個是我們開始耕作的時候

musa ta lmhap qani ga si ga

我們開墾時我們必須

suqun ta lmon nanu yasa plom ta qani uzi ga

我們燒墾結束以後,或者要準備燒墾時

mutux ta skal qutux ta qalang qani maha teta ima plom kira

我們會先問部落的族人說今天誰會先燒墾呢？

ru kwara sun maha ita qalang baha hmswa

或全部落的人因為

raral ga maki qu sun maha musa ta i smsyw squ

因為以前燒墾一定要先做防火線

lingay nqu sun maha u pqmahan ta

我們除草的周邊

suqun ta i mtzyuwaw qu lingay nya la nanu yasa qu lmom ta squ son maha u

及完成割草防火線後我們就要燒墾了

pqmahan ta qani ga mutux ta spgluw kwara

我們會將我們所整理的草木堆一起

nanu yasa qu musa i

就會去嗯~

lmon qani ga qutux naha sagal qutux ka

燒墾時他們會找一位

msʼsu na squliq baha mswa gi

比較穩重的人因為

lmom qani ga mluw squ inlungan squliq qu puniq qani ma

長輩說:火性是跟著燒墾人的心

nanu yasa mutux naha sagal qutux anan qu maha

所以他們會找一位比較年長的

kya qu bnkis cikay uzi ru qenu qu ʼlaqi qa msʼsu

或者年輕穩重的人

ini pshmut na lelaqi ga mutu nya sʼagal kya qu ptqsu

不隨便及穩重的人會就會讓他先起火

lmom squ sun maha pinyangan qani tequtux

這就是燒墾土地第一個

tesazing lga masauq lga si sya mahow

第二個結束後就是

aring ta squ son mahow musa ta i

從一開始的

kmloh uzi ga kruma raral hya ga ini krangi squ misuw qa ka

收割這是過去不是像現在喔

ungat qu nyux ta pcywagan ga qutu i kmal qu son maha bbnkis

我們若沒有什麼事要做長輩就會說

mahow ~ima qu son mahow

會問?誰有時間

qutux qutux ngasal nyux tʼaring i son maha i kmloh qani

是在問每一戶的家人因為要開始收割或者

ana nanu qu son mhow pcyawgun ta

不管是什麼事

ru qutux ta mgluw kmal maha qu ah~

我們會一起討論說

kwara a mtswe kwara lelaqi

各位兄弟姊妹及孩子們

tequ son mahow i aring ta i ptzyuwaw ka musa ta kmloh son mahow

在我們要開始收割開始工作的時候

pintzyuwaw ta qani lga

在我們要開始做前

qutux qutux ngasal wah kya i gbyan ru bleqa ta mpkal ima qu musa i

每一戶都要派人到謀一個家來開始討論工作的事

tʼaring squ kmloh ka son mahow pnuya mamu ka nyux rima i

從你們播種一直到現在要收割

mhuqil qu ana qu trakis ana nqu pagay ka

不論是小米或者是旱稻成熟時

nuya mamu a~nanu rwa

你們所種植的

hekil na pagay raral nanu yasa qu

糯米等等的

tehok qu zikang ka pinkyalan qu si say maha bbnkis ka

到了長輩所選定到的那一天

wiwan maha tomuk ta raral hya lga qutux i

也就是像過去的頭目會

mutux i mlahuy squ ngasal na tomuk

會在頭目的家裡開會

mlahuy ngasal na tomuk lga nanu yasa qu pkal mahow

聚在頭目家裡已後就會開始討論

qutux qutux ngasal ga mwah i melahuy

每一戶家庭都會來開會

ru masuq melahuy mpkal ma knwan lga musa ta tʼaring kmloh

在開會時就會選定時間何時開始收割

aring ta kmloh lga qenu qu

開始收割的時候就會

qutux ngasal qutux hi qenu qu ana qu pira hi mamu mwah

叫每一戶派人來或者全部一起來

mwah i si sinbayux qu si say maha musa ta i

來一起換工

kmloh trakis ta nanu musa kmluh son mahow

一起收割小米

pagay na hekil ka si say tmubux ta squ raral

及旱稻米就是我們過去所播種的

inu kya qu slaq ta raral ka bbnkis ta

過去長輩沒有所謂的水田

ungat slaq ta raral nanu yasa qu utux ta i

以前沒有水田所以我們會

mluw musa i sbayax qu son mahow i kmloh

一起去換工來收割

sun maha trakis ru pagay qani nanu yasa qu masuq

這個小米跟旱

qu son mahow kmloh ana pagay ru son mahow trakis qani lga

收完了小米跟旱稻米之後

nanu yasa qu mutu pkal lozi mahow

又會再次的聚在一起討論

nway masuq ta squ son ma klmloh nyux ta smi squ son mahow

在我們結束收割的時候準備放入

khu qani lga nway la kinquyat ta lozi mha ru

蒼庫我們又要再收割阿

tetay ima qu mʼmlikuy

看看那個男生

nway i mwah ru qoyat ta ru

讓它們也一起集合來

hata i lmosay cikay i rgyax la maha mkal son ma

一起去深山裡走走(守獵)

bnkis raral hya nanu yasa qu masuq lga

過去的老人家就是這樣

mutux i smi qu son mahow zikang ru ryax naha lru

他們會安排一個時間

nanau yasa qu mutux musa i qmuzyak

他們會一起去放陷阱

musa qmuzyak musa i lmosay cikay rgyax musa hmkangi squ son mahow

他們會到深山去走一走尋找一些

san naha i qmuzyak son maha raral hya lga

過去他們會去放些陷阱

nanu yasa qu mutux nya son maha kneril hya ga kakiʼ ngasal

他們會交代女性要在家裡

mwah phapuy ngasal ru mwah sami ka mnwah qmzyak lga

在家裡準備煮東西到時我們去放陷阱回來的時候

blaq sami i manga squ son mahow i si say mahow

我們會揹負我們所去

nwahan myan qmuzyak

放陷阱的獵物

blaq ta mtzyuwaw ru bleqaw ta i mthay nqu son mahow

我們好好的清理並分好

na~mcisal ta lga

聚在一起的時候

anay ta sbiq squ son maha qutux qutux ngasal raral hya ga

再分享給每一戶每一戶人過去呢

ana qutux hi ana qu magal hi ana nqu mopuw hi gi

不管是一個人五個人十個人

qutux qutux ngasal naha la biqan naha kwara qu son mahow

每一戶人都要分到

nagal naha ka kahul i rgyax qani

這個他們帶回來的獵物

nanu yasa qu binkesan raral hya ga

所以過去的祖先是

balaq qu son mahow phkngyan naha baha hmswa

他們的生活榜樣非常的好

ini hmut mqyanux son maha binkesan ta raral ini hmut i sgatuʼ

過去長輩們是不會隨便的過生活甚至於不會亂說話

i musa squ son mahow musa lmosay squ son mahow rgyax qani

他們一但說好要去山上放陷阱的時候

nanu yasa qu binkesan ta raral balay hya ga nyux qu inlungan naha ru

所以我們的祖先非常的謹慎

nanu yasa qu inblaq

所以生活的很好

nanu yasa qu soni qani lga nyux maku skal ka pyang balay na tpucing qani hya lga

所以最後我所要講的比較重點的是

sraral balay ka binkesan ta balay ga

說真的過去我們的祖先長輩

bnkis balay ka baq balay mqyanux ka si say mahow

真正會生活的長者

Tomuk ta son na bnkis ta raral hya ga baqaw ta binah qalang qenu qu

以前都稱為頭目但不知道別的部落是不是也這麼稱呼

nanu qu son maha u Tomuk ka bnkis ka

所謂的頭目就是智者比較年長

thozyay masa ka pongan ke nqu son maha qutux qalang qani hya ga

有能力帶領部落的一些事務的領袖

mutux balay i muci nanak qu tunux nya muci nanak qu sinʼlungan nya

是一個非常特別聰明特別有智慧的人

baqun nya kwara son mahow qu ke ru

他會表達傳達事情

pongan ke kwara nqu son maha bnkis raral ru ana na laqiʼ

所有的長輩以及孩子們都會聽他的話

laqi u ungat ana qutux smyuk son maha binkesan ka

過去的孩子是不會隨便頂嘴

baq yal Gaga nqu san maha Tayal qani nanu yasa qu

很懂得禮貌遵守生活的規範

saygo balay ka musa i

最後真的要

kbalay squ si say mahow

做那個

a~nanu rwa?倉庫 ga

唉！什麼了？那個倉庫阿

a ~san ta i smi squ a trakis ana a pagay

就是我們要放置小米的地方小米的地方

ana pnuzya ka iyat pstmaq qaban ru nnanu

還有所種的，不容易爛掉像南瓜

mutux syun squ son mahow khu qasa lru

會放在倉庫裡面

nanu yasa qu masuq balay lga qutux i mahow

全部放進倉庫完成後

teta knwan lga hata mgluw kwara ru kwara

看什麼時候我們大家再一起去

ka mtswe qutux bnkis ta bleqa ta mgluw qu si say mahow kiʼan ta

一家人或是同一個部落我們要和氣的一起去

ʼsan naha krryax tmatuk squ maha tunux qu son maha bnkis lru

我們常去的那個地方去跟祖靈謝恩

nanu yasa qu utux gmluw kwara son mahow

所以大家都會跟著一起去

ana kknelil ana mlikuy la mutu i

不管是女生或男生都會一起去

maki nya i kbalay squ son mahow qmes qu zyuwaw naha ka ʼbuk naha squ si say mahow qutux kawas qani

在哪裡向祖靈謝恩並將一年辛苦所收獲的農作物在哪獻上感恩

nanu yasa qu soni qani ke mu ana kya kruma wal ini i

今天雖然我說的

pthkiʼ tegalu ga ke mu qani ga

不夠充足

i pzyux qu aki skal ga nanu nway qeri

原本可以說得更好但因為時間的關係

zikang babaw nya maki ga ini i

看看是不是還會有機會

na i maki qu zikang ga

以後還有機會

leqaw maku i pcbaq kwara son maha lelaqi

我再好好地整理

babaw nya qani

我要說的