傳說故事─飢餓的山神

Ci Singkuy hananay a lutuk

Hay, sapakungku nu maku anini han tu, Ci Singkuy hananay a lutuk haw, itini i satipan ira tusa kira lutuk Ci Nawisan han tu aci Singkuy hananay, ci singkuy hananay a lutuk han tu. U sikawasay a lutuk sa ku matuasay, naayaw malalais ku Ripun atu ita mademec ku Ripun han tu i, ha mademectu ku Ripun a mahiya tu ku heni, a mavulaw ku heni, sa makatengil tu ku matu'asay suwal sa ku niyaru'ay a matu'asay, han tu ha a maan han tu a tayra kita, tira lutukan a misaumah kita, itira a mikaykung a misadateng kita, itira,satu ku matu 'asay ta！ta！ta！sa ma a ung！ung！ku heni a tayra tira lutukan haw！tayra sa ku heni a a misaumh han,tu, ama a caay kasitavu, u maan ku sakalahuk, a masulep tu namalahuk a taw mahenay, maraay sa ku heni sitavu sa ku matuasay, a tara tira lutukan a maumah, nika, cahenay katangasa i kalahukan tu i, a awaay tu sakalahuk nu heni ,mamaan sa ku matu'asay a malahuk tu kita masuleptu sa melaw han, awaay tu kira sakalahuk, cima saw kemanay tina sakalahuk ita satu ku heni? anu mahaen tu a maan han tu kita, a masulep tangasa i sansandev sa ku heni, ta, namahaen satu a mamaan saw a haenen ita, a patudung kita tu sakalahuk nira, a sulepay a Kawas sa ku matu'asay, hayi, anu mahaen han tu, a caay tu cira kemaen tu saka lahuk ita sa, ta, patudungtu ku heni tu sakalahuk nu heni nuran, nuran kawas sa patalaayaw tu nu heni? hay tangasa sa i kalahukan melaw han nu heni, hay, caay kakaen ku hiya ita ku sakalahuk ita, ini,tu ku sakalahuk ita sa.

Hay, madupuh tu ku heni a mawmah, namahaen satu mangalay hen a tayra i lutuk, midateng i lutuk sa, u maan a datengan ku nu lutuk, naayaw han tu, ira ku paheku haw, u dungec haw, u adeci, u dungec vadukuk haw, u raan adeci haw, uran ku ruma rukut, u maan han ita saw kira dateng i lutukay amin a dateng? awaay i enar sa tayra kita mangalay a midateng, sa hayi, ta! mahakulungkulung kita a tayra sa, anu vavahi ku tayraay i lutuk han tu, awaay tu a taluma' hamamaan sa, akay masiday i lutuk? akay cila taluma'tu sa ku vinawlan haw talaaw may? sa awaay tu a taluma' mamaan sa a tayra aca ku ruma anu vavainay? ku taraay i lutuk han tu , caay kasiday matini, u vavainay anu midungec han tu, sihawan matalaw kiyai ku kawas tiya hawanan nu vavainay. Sisa, cay kalepel ku vavainay haw u vavahiy aca ku kaenen, anu awaay ku puut, a vavainay awaay ku hawan, tayra i lutuk han tu makaen nira, namahaen satu, hamamaan kina hiya ita, kay haen sa ku tamdaw a malasawd sa, tuway kiya tumuk haw, ha a siruma ta mahakulukulung ma kita tala i lutuk, a miyara kita tu sapaluma, matini i enar han tu, awaay ku kuraan, u hiya u vadukuk awaay ku rukut, awaay ku hiya, u maan saw? u raan u hiya u paheku saan ku matu'asay, mamaan hakiya a makayra kita i lutuk haw? a mikali pataynien ita i enar a paluma', akay ma'urip tu matini i sasa nu lutuk ?kina umah sa ku matu'asay, hay, mahakulungkulung a tayra, anu aluman ku tamdaw, caay kasiday, namahaen satu i awaay awaay satu a taluma', kiya midatengay i lutuk, miyalaay tu sapaluma tu dateng han tu i, mamaan suwal satu ku tumuk anu mahaen tu i, a malasawad ku niyaru'ay nu mita a tamdaw saan. mamaan sa maan kina masakapahay yamin, sapalacapu han tu nu tumuk, masakapahay amin haw, suwal han tu ni tumuk "anini natayraay tu a mawmah natayraay tu i lutuk, a midateng nu niyaru'ay nu mita, a wina, a wama, haw awaay tu a taluma', mamaan hakiya masiday hakiya i lutuk? caay tu pakatepa tu lalalan a taluma' sa?

Sisa han tu mamaan sa wawa hakulungen aku kamu liliden aku kamu a tayra kita mikilim tira masidayay a tamdaw han nira kira niyaru'ay a masakapahay suwal satu kira masakapahay amin hay anu hacuwaay a remiad haw a ririden isu kami hakelungen nu misu kami a tala mikilim tira masidayay ta a hiya a tamdaw satu kiya hiya a masakapahay amin hay itiya a remiad a tira kita sa rumrum satu amin kiya masakapahay hakulung han tu ni tumuk a tara tira lutukan ci Singkuy hananay a lutuk haw rakat satu tangasa i lutuk ku heni makakilim tu ku heni aka kariwasak haw maan ku pinang a marariwasak kita han tu maan ku pinang a cima tu ku masidayay hakulung han kaku satu ci tumuk si cingkul tu ci tumuk tiya cingkul nira haw tuwa tayra tu ku heni tayra i lutuk rakarakat melaw han nu heni huvaw! ina lutukkay hatira tu saw ku adihay nu vekeluh amin masahiya tu kina vekeluh u maan uy niyansatu ci tumuk haw. Huvaw! u vekeluh mahan u vekeluh, caay kahaen u vekeluh u maan kiniyan satu ci tumuk han satu, ci tumuk misimsim mamaan saw kina lutuk? sulinay si kawas haw kina lutuk satu ci tumuk haw? u maan kiniyan? mamaanay u maan kiniyan kina vekeluh vaw! masahiya tuway masaupuupu tu kina vekeluh sa ci tumuk, aymay tanengay nu maku may? Anu u maan kiniyan satu ci tumuk patekiay nu mita may? kina cingkulan nu hiya nu tumuk satu cira, hacacay hacacay han tu nira a mihiya may pateki !pateki !pateki !kiya vekeluh i was！ was！ was ！marepi macerit kiya hiya, ha u maan kiniyan kiya, mapeci kiya malatamdaw tu aca melaw han cacay cacay satu, ku tamdaw a tahekal malatamdawtu ha, iniyatu haw kamu a masidayay yaku a tamdaw, masidayay nu niyaru' a tamdaw satu ci tumuk haw,
kati ! kati! mamaan saw kamu?namamaan saw?kiya malavekeluh kamu caay kavekeluh?caay kaw u sera, u maan sa tu ci tumuk,
hay, mahaen tayni kami i lutuk han tu i,a midateng kami sa a meru han tu nu hiya nu Kawas sa.

Caay kavana' kami u maan? kuraan a Kawas saan kiya, alumanay ha maan han tu i, ma'urip tu amin kamu? caay kalasawad sa, kiya maurip amin haw, ya u ner han tu, ya Kawas hananay nu heni haw, merumeru han nu nira, sisa, caay kakemkem nira, caay ka patay meru sa i cacelcel sa i tiyad nira, sisa, upuupu tu macacelcel tu i lalavu,ha maurip hen kita cay nira hira i kita,mimerec cay nira, kemkemi kita caypakamerec kira tiyad nira, titaanan, sisa, a dengay hen kita anini, u mihiyaay titaan, u Tumuk ita a tayni a makamelaw titaan haw, a miyala titaan haw,,aka kaviyaraw kaviyaraw ku valucu', tuku han namin satu ku heni i lalavu nu tiyad niya uner sa, tu namahaen satu i haynama haen kami, tayni midateng kami,milukut kami mipaheku kami,mivadukud kami han tu,a ira,tu temu han kami,caay ka vana' kami i lalavu tu, u luma' tu haw kini sa kami, kay tueman kina hiya u maamaanan kita sa kami caay ka vana' kami, kay alumanay sa namahaen satu a hay initu amin kamu haw, aliliden aku kamu a taluma tu kita sa ci tumuk, tuwa hay satu kiya masidayay amin,kiya tamdaw taluma' satu ku heni,pakungku satu ku matu'asay ,ari haw wawa sa,ira lutuk hantu ci singkuy hananay a lutuk, iraan haw itini i tepar ni singkuy a lutuki satipan, itepar ni singkuy a lutuk han tu i ci Nawisan saku matu'asay haw, iniyan i terungay han tu ci Singkuy haw, ci Nawisan hananay, ira anini kakavutian niyam, malasawaday nu mita,kapahay a luma' iraan han tu ci Nawisan han kura haw, ci Singkuy hananay itini a iluhan haw, tu malasawaday nu mita a tamdaw, ci Singkuy han kira lutuk haw. U maan kiya ci Singkuy han? Sihiya han kiya malaunay a uner? Ci Takuy medac saku ngangan pipangangan nu matu'asay.

Ci Takuy medac han ci Takuy medac, ci Singkuy han kira lutuk, ci Takuy medac, araw sa ya Kawasay a uner kemanay tu tamdaw a uner sa ina kungku han tu haw, sulinayay hakiya kina kungku sa kaku, palitan aku matini nasiumah kami, itira siumah cavayi aku, itira nasumuwal ci vayi yaku han saan, amu wawa haw nasikungku makatengil kita tina kungkuwan. Nika, u suelinayay hakiya? patelacay
hakiya? kina kungku sa kami, palitaan naca aku ci vayi , vayiaw sulinay haw? caay kasipinang ku nikasumuwal nu ruma, u terung sa
ku nisuwalen Sikawasay, Sikawasay a lutuk sa, u maanay hakiya kira Kawas, caay kita pakamelaw u maan Kawas Kawas, kemanay tu tamdaw a lutuk sa, u sulinayay haw ira haw? kira lutuk hana ku cavay yaku, hayi, nasumul ku wina niyam suwal sa ci ina aku han tu,
namahaen matini haw, namalalais naayaw ha mahiya kira Ripun. Sisa a mavulaw tu ku Ripun sa, naw Ripun namin ku itiraay sa, sisa, haw itiraay a sera han tu Ci Ripun han ku iteparay ni Singkuy a lutuk, Ci Ripun, ci hiya sa ku matu'say tiraan, Ci Singkuy, Ci Ripun,Ci Nawisan sa kira tuluway a mahahiyaay a lutuk,matatepatepalay a lutuk.

Hayi, sulinay ira ku mahaenay a demak,naayaw saan ci vayi yaku na ira ku mahaenay,caay ka sipinang kaku vayi tina suwalan amu sulinay haw han naku, hay, sa suwal sa ku ruma Sikawasay Sikawasay sa, u maan a Kawasan caay ka vana',araw sa uya uner Kawas sa ku heni tuya uneran, akay u Kawas haw kiya uner? Ci Takuy meru ci Takuy medac hananay, a uner mamedac kira uner kakaen sa tu tavu
nu mawmahay sa, sisa, i pangangan hantu nu heni,ci Takuy medac han ku ngangan niya uner, araw sa ya lutuk Ci Singkuy SiKawasay
a lutuk hananay,naayaw ita han tu,u hiya u paheku,u vadukuk haw, caay kaurip i enar ma haw, ira ku rukut anini satu i, namakayraay i lutuk han tu, damay tanengay may a paluma i enar kina dateng,lemangway hakiya? Sisa, i talalutuk ku heni a mipaheku haw, a mihiya a mivadukuk a mihiya,midungec ,dungec anini itini i enar lemagaw tu.Sisa ina dateng nu mita u Pangcah han tu,namakayni yamin tina lutukan, hay i lutuk namiyala a tayni a paluma.

Sisa Ci Singkuy hananay arawsa ya tata'akay a uner u Kawas, u Kawas kira uner sa, Sisa pangangan hantu nu heni Ci Takuy medac han mamedac kiyami sa nikaenen ku tavu nu mawmahay a kiayaw han a kemaen tu tavu nu heni, Sisa haw a cima ku ngangan unu lutuk sa, a ngangan ci Singkuy ci Singkuy, sikawasay a lutuk sa, araw sa ira Kawas han tu, araw sa Ci Takuy medac hananay a uner kira hiya kawas, anini u wawa caay tu ka vana' tu mahaenay a kungku nu matu 'asay,tengil sa hay sikawasay a lutuk sa a cacay,u maan a Kawas macuwaay a Kawas sa,caay kita ka vana caay pakamelaw kita, tu mahaenay a Kawas haw, adiwawa haw sa ku matuasay titaan pakungku ira haw aka katayra a mihulul i tira,maan ku pinang kira Kawas a tahekal satu ku matu'asay,u Kawas u Kawas sa, araw sa ci hiya kira Kawas nu heni, ci Takuy medac hananay haw.

Sisa aka kita aka kapawan itini i satipan a lutuk, ira ku ci hiya hananay,ci Nawisan,Ci Singkuy haw,Ci Ripun haw,Ci Alupalan sa ku matu'asay tira satipananay a lutuk amin haw,ira ku hahiyaan ita anini ci Singkuy ,Ci Kawas hananay nu sikawasay a lutuk han, ira ku tatuduhan nu mita, malasawaday haw itira i ci Nawisan, ira kiya vangcalay a luma',mipaluma' tura a kakavutian nu malasawaday yamin a tamdaw haw, Ci hiya han kura Ci Nawisan han, ira amin kira lutuk,sisa, ita u Pangcah adihay ku kungku nu matu'asay, nika, haw ita yu ruma caay ka kita pitengitengil tu matu'asay anu ira henay ku matu'asay nu luma', dengay tu kita a mipalita tu naayaway ,naayaayaway a demak nu niyaru'. U vengka sengarawan nu mita, u sulinayay haw?u patelacay haw? sananay a demak haw, sisaCi Singkuy a lutuk Ci Kawasay a lutuk hananay. U sulinayay kiniyan? sulinay SiKawas kira lutuk sa ku matu'asay, sisa,aniniya a kungku,namakatengiltu hakiya kamu haw? ira henay ku matu'asay niyam. Sisa, mavana' mipalitahen kami tuniyan,sulinayay atu patelacay sananay a demak, nu payniyaniyaru haw, Sisa anini ina lutuk Ci Singkuy hananay a lutuk hantu, namakayniyay kiyari namahiya ku Ripun namalalais haw!

大蟒蛇/餓鬼

我現在所要分享的傳說故事，名叫餓鬼的山神，在西邊有兩座山，一座是火華山，另一座是慈雲山，慈雲山這座山是神山，是根據阿美族老人，在日據時代的傳說故事，和我們日本與我們之後日本戰敗，他們就開始逃亡，長輩聽見這樣的消息，我們將要去上山砍筏開墾耕農，我們在那裏耕作菜園，老人就起身說:走！走！走！他們就彼此呼喚！彼此呼應！的去山上了！他們到山上的時候在山上耕作時，必須要帶便當作為午餐，到中午會飢餓時，因為，回家的路途遙遠，他們勢必帶便當(飯盒)，這是老人日常生活須知，去山上必備的日用飲食，然而，他們並沒有還未到中午，就不見了他們的便當(飯盒)，老人就覺得納悶到中午時刻，我們會飢餓的，每到中午時便當就不見了，是誰吃了便當?我們的便當呢 ? 就在他們疑惑時怎麼辦呢? 我們要等到傍晚會飢餓的，心想著要如何應付解決?我們這難題呢?於是他們想到的是獻祭，也許這作山神是飢餓了，老人同意，如果，獻上祭品，牠就不吃我們的便當，因此，他們就獻上午餐，專為供品獻飢餓的山神，他們必先獻祭，中午，他們看見的情景，我們的便當沒有被吃，我們的午餐我們終於有午餐了。

同時他們很勤奮地耕作還想去山上上山採野菜在山上有很多的野菜以前去山上有過貓、有藤心、有箭筍、有藤心、蕨類箭、筍類、山蘇、還有其他野菜全都是山上的野菜平原沒有野菜才想去山上採野菜我們總是結伴同行去山上如果是女性去山上就沒有回來怎麼會這樣呢?也許山上迷路失蹤了明天就回家了這是部落族人的期盼期待許久 仍然沒有消息為何一直沒有回家就決議派幾個人去如果是男性去山上男性就不會迷路失蹤所以男性採藤心必戴上番刀山神會懼怕番刀男性所以 也絕不捉男性，只捉女性被吞，因沒有番刀，如果，沒有配戴番刀的男性去山上會被吞吃，就這樣，為何我們部落的族人，就是如此的滅亡。部落的頭目，就集合部落族人去山上採集野菜種，種植在平原上，因為，平原上沒有蕨類，沒有山蘇，也沒有其他，就如老人所說的，過貓從山上採集的野菜挖至平原上栽種，或許會適應栽種在山下，長輩說:在蔗田裡，總是結伴同行去山上，如果，人多勢眾就不會迷路，失蹤，去山上採集野菜的，就是採集野菜種類的那一些人，部落頭目說:如果，是這樣會消失，我們部落族人，將要策略將召集部落的年輕勇士，部落頭目發令召集部落所有的年輕勇士，現在，頭目宣布:發落去過山上耕作的，去山上採野菜的事，都是我們部落的爸爸、媽嗎沒有回家，為何，他們在山上失蹤?為何迷路回家的路?

因此，頭目召集了孩子們，我要帶領你們，你們要跟著我，我們要去山上尋找，那些迷路、失蹤的族人，他吩咐部落的族人，年輕勇士們聽從年輕勇士們就異口同聲說是，日期在什麼時候?你要帶領我們，你要我們一起去山上尋找那些迷路，失蹤的族人，全部的年輕勇士們，頭目選定日期之後，各戶全部的年輕勇士，頭目就帶領著，去那座山，慈雲山上，他們走到那座山時，他們開始搜尋，頭目吩咐絕不分散，我們絕不能各自行動，尚不知下一個是誰會失蹤呢? 所以 你們緊緊要跟著我，頭目帶著拐杖，頭目握著他的拐杖，帶領他們去山上，他們走著! 走著! 看著!哇！這座壯觀的山，為何有這麼多的岩石呢?這麼奇特的岩石呢?頭目心想到底這是什麼山岩石?哇！為何有極多的山岩石呢?似乎像石頭，也似乎不像石頭，頭目心想著:這究竟是什麼?頭目心想著這是奇異的山?果然，這座山有鬼神，頭目認為這是什麼?這究竟是什麼?這是什麼岩石?漸漸形成的堆集疊石，頭目心想 這石頭，我試著再看清楚，這究竟是什麼?頭目說:我們敲這石頭看看，頭目說用拐杖敲 敲這石頭?就一個一個石頭，用拐杖敲敲這石頭，敲敲這石頭，碎! 碎 ! 碎!撕開，被撕裂這究竟是什麼?怪石破碎以後就變成人形，眼看著一個一個，人從石頭上出來，原來，你們都在這裡，就是迷路 失蹤的人，失蹤的部落族人，頭目就叫喊他們說:來! 來 !你們為何淪陷到，為何如此的地步?你們為什麼變石頭?可是也不像真石頭，甚至更不像泥土，頭目好奇的問 是什麼?我們確實是來到這座山採集野菜，我們被這吞吃鬼山神。

當時，他們也毫無知情，這鬼山神吞吃的事，眾人說著原因，為什麼你們全都活著不會死呢?為什麼妳們全都活著?原來這條大蟒蛇，就是所謂的飢餓的山神，一個個的把他們吞吃，牠並沒有咬吃所以沒死，只有吞下牠肚子裡， 所以，在牠肚子裡，擠一擠在牠肚子裡，活著牠並沒有咬吃，所以，沒死，牠並沒有咬碎，牠並沒有咬吃我們，牠並沒有咬碎我們，現在還活著，他們想著頭目所帶領的年輕人，是我們最好的見證人，也是迎接我們的人，不要驚慌，心中不要驚慌，我們心中要保持安靜，當時他們還在大蟒蛇肚子時的情景，就在這時候，當時我們來到這座山採集野菜，我們摘山蘇、我們摘過貓，我們摘鱖類時，大蟒蛇一來把我們給吞吃了，當時，我們並不知道已在牠的肚子裡，我們以為已經回到家了。在牠的肚子裡是黑漆漆的，我們裝在裡面，我們毫不知情，似乎極多的人在裡面，這時候，們全都活著來，我要帶領你們，我們即將要回家，頭目說:那迷路人異口同聲說好，他們那些人們全都回家，部落老人就開始說著故事，孩子們！要嚴謹！謹記！老人所吩咐的話語，那座山為什麼稱為飢餓的山神，在這座山，在飢餓山神的鄰邊，在西邊，換句話說:在飢餓山神的鄰邊，部落老人稱那座山名為火華山，而位於中央，是慈雲山、是火華山，現在是我們老人安息之處所，以及我們已故的親人，很好的安息之處所以，名稱為是火華山，慈雲山是火葬場，我們已故的親人，我們所稱之飢餓的山神，為何稱之為飢餓的山神，之所以，是貪吃的蛇，名叫餓鬼，這是部落老人所取之名，餓鬼-大蟒蛇。

大蟒蛇就取名稱為所謂餓鬼，那座山，飢餓的山神，也就是那條吃人的大蟒蛇，這蛇堪稱為傳說故事-飢餓的山神，這傳說是真實的嗎?我想詢問這故事的真實，本來有我們的田地阿嬤說:在那座山，曾有我們的田地，這麼說:你們這些孩子都曾聽過，我們都曾聽過這傳說故事，然而， 這故事是真實的嗎?還是誤傳?我們有質疑對於這傳，想詢問想詢問，我的阿嬤有關這故事的真實性，他們述說的故事 不是很明確，指大概的簡略述說著有神靈的山，有神靈的山，究竟是什麼樣的山神?而我們也沒親眼看見那位山神！那位山神，那位山神是吃人的神，是真的有山神嗎?我詢問阿嬤 是真的有山神嗎?阿嬤說確實有神，當時， 阿嬤的媽媽說:有這座山有神，就在那時戰爭時期，日據時代，所以，日本戰敗遷徒，都是日本人在那裏居住，因此，那地取名為七腳川(慶豐)也就是飢餓山(慈雲山)的鄰邊，名叫七腳川(火華山)，這是過去族人，老人取的名字有關，慈雲山、七腳川、火華山，這三座山是連接的山，是鄰邊鄰近的山脈。

是啊！確實有這樣的事，過去，我阿嬤說確實有這樣的事，而我也曾詢問過阿嬤來證實這事的真實性，別人有其他的說詞，這座山有神靈，究竟是什麼山神靈?原來是那條蛇，他們都認定那條大蟒蛇是有神靈，也許那條蛇確實是鬼神，會吞吃的餓鬼，貪吃的餓鬼，就是那條蛇，只因那條蛇貪吃便當，農耕作人的，所以，他們取名字叫餓鬼-飢餓的山神，原來是蛇的名字，那座山就是飢餓的山神，過去的族人對山野菜蕨類，在他們的認知不適應，在平原栽種，還有山蘇，族人現在想在平原栽種來自於山上的野菜，他們研發嘗試著種植，山上的種植於平原平原，不知能不能適應? 所以，他們到山上採集鱖鳥試著採鱖類，試著採藤心、也正是現在我們在平原上所看見族人栽種的藤心。所以，我們當今的野菜，阿美族的傳統美食菜餚全都是來自於山產，換句話說:我們當今所栽種的野菜全都是來自於山上。

因此，過去族人稱之為飢餓的山神，也就是那條大蟒蛇，飢餓的山神也就是那條大蟒蛇，所以，過去族人稱之為飢餓的山神，是貪吃的餓鬼，常偷吃農人的飯盒，趁農人耕作時，偷吃農人的飯盒，所以， 族人取名為山上的餓鬼、飢餓的山神，族人所堪稱山上有鬼神，原來是餓鬼、飢餓的山神，大蟒蛇原來是餓鬼，飢餓的山神，直至現今孩子們未知，老人說的傳說故事，他們所聽見的是只知，那座山有鬼神而已。究竟是什麼樣的鬼神?我們並不知道， 也未曾看見，如此的驚心動魄的鬼神，在老人家說的這個故事，切記!絕不輕易獨自到山上遊玩時，無法預知。老人特別的說 山上鬼神常出沒，有鬼神， 有鬼神，原來在他們印象中的鬼神，就是那貪吃的餓鬼山神。

所以， 我們切記不可以在西邊的山，在花蓮縣吉安鄉有一座火華山、慈雲山、七腳川，族人說有長滿柿子果在西邊的全座山都稱之為飢餓的山神，有鬼神，也正是我們現在的火化場位置，已故親人的安息處所(慈雲山)火華山，有一座很漂亮、雄偉壯觀的家，建築在那裏，專為已故的人們安息的居所以，它名稱為火華山，就安葬在那座山，所以，我們阿美族人(老人)在那裏有許多的的傳說故事。然而，我們這一代的族人並沒有聽從，在老人在世時說的傳說故事，甚至自己家族的老人，我們還有詢問的機會，過去族人時期，部落的傳說故事、文化祭儀、傳說故事的情節是真實的嗎?無稽之談嗎?夢幻故事?因此， 飢餓的山神，為何稱之為飢餓的山神?傳說故事的情節是真實的嗎?在那座山裡老人說確實有鬼神， 所以，現在我所分享的故事，你們曾聽過嗎?趁我們家老人還健在，因此， 我們還有機會詢問過去的傳說故事，即便是真實故事、抑或是荒誕無稽之談(怪談)之事件，終究成為花蓮縣各鄉鎮部落族人家瑜戶曉都在談論【飢餓的山神】的情節。有關飢餓的山神-傳說故事都來自於日據時代，日本戰爭時期!