跳到主要內容區塊 :::
 

獻工

mitapi'
:::
  •  94
  •  0
  • FB圖示
  • line圖示
TIME:

  • 字幕列表
  • Ora mako saʼayaw kiya haw,
    我第一次的時候，
  • hatira ʼaloman kami malikaka.
    我們很多兄弟姊妹是這樣子。
  • yan to ʼaloman kami malikaka,
    因為我們兄弟姊妹很多，
  • Icowa sa to koni a hacowa sicafay kona wawa ?
    孩子要住哪裡?什麼時候才有對象呢?
  • a:kawang sanay ko malitengay niyam，
    父母親說我個子這麼高，
  • Yan to i, ngaʼay malowalowan koni
    想一想如果可以減少這些孩子的話，
  • kaemangay, kasilomaʼ to ira sa kora wina ako.
    就讓他們成家吧!我的母親這樣說。
  • icowa kako ama misalama han ako,
    我說爸爸我要去哪裡拜訪人家呢，
  • hai ano cima ko kaolahan iso sa.
    就找妳喜歡的那一位呀。
  • hay iraay kora kaolahan ako ,
    我是有喜歡的，
  • maraayay han ako,
    距離很遠我這樣回答，
  • maraay i, tayra i Pongodan han ako,
    我說很遠喔，在大橋部落那邊，
  • maraay kira karomakat i.
    因為走路去很遠。
  • Yan to, hatira misalama sa to
    之後就去男方家拜訪。
  • mitapiʼ i. tahira sa i lomaʼ nora faʼinayai.
    去獻工呢，是到那位男方家裡。
  • Ira to koni misalamaay,
    又有人來獻工了，
  • o mamimaan ko hatiniay a fafahiyan?
    這樣的女海子來做什麼的呢?
  • ʼaloman ko fafahiyan itini sa i Pongodan.
    我們大橋部落的女孩子多的是。
  • Yan to i, hay ʼaloman,
    雖然這裡的女孩子多，
  • ano caka o kaolahan nora wawa namo i,
    你們家的兒子未必喜歡，
  • o kaolahan ira kako sa kako,
    他喜歡的是我，我這樣覺得，
  • mahemek kako tora pinangan nora malitengay.
    我心裡暗自歡喜那老人家的說法。
  • Miladom to kami, tahira i ora kali inini kali ini,
    我們就一起去挑水，到那邊的溪邊挑水，
  • maraay kira, i tira tenok kora niyaroʼ kira.
    那邊很遠喔，部落在中間位置。
  • Cinganganay haw kona kali itiya ho?
    當時這條溪流有名字嗎?
  • hai irairay aca kona kali,
    原本就有這條溪流了，
  • Cowa! O manan ko ngangan ira?
    不是啦!問溪流是叫什麼名稱?
  • Awaay ko ngangan ira.
    這條溪流沒有名稱。
  • pakakemoday no niyaroʼ kira kora iya kali kira,
    溪流是經過部落內部呀，
  • tahiraan to a miladom haw.
    都是到那邊挑水的。
  • Yaan to i, sakakokako sa, cowa to kapoʼien kiso sa,
    妳這樣搶著去挑水就不罵妳了嗎?
  • maketer!
    就發脾氣!
  • As! Ano misalama
    奇怪!我是來玩(獻工)，
  • kako i, makapoʼi a miladom sa.
    我挑的動，挑水還被罵。
  • Hatira, tapiyasen ira ko miladoman,
    就這樣把我挑的水倒掉，
  • ma:raay ko piladoman!
    挑水的地方很遠呢!
  • Aya! koya malitengay.
    真是的!這長輩。
  • tapiyas to miolongan ako, kalimelaan to!
    竟然把我挑的水倒掉了，真是可惜!
  • lo:lay sa kako a romakat,
    我辛苦走路去挑水，
  • matalaw kako to kacowacoan no miladoman ako i,
    我小心翼翼的怕水溢出來，
  • tapiyasen ho namo sa kako.
    妳們還把水倒掉。
  • Samisi a papcoli han kora malitengay kira,
    但又不敢對長輩回嘴，
  • ano pacolien, o mangalef ko poʼi ira sa, telep han.
    如果回嘴，可能罵得更兇，只有閉嘴沉默著。
  • Ano malolaloly ho i, maedang a samanen,
    雖然很辛苦，那也沒辦法，
  • hatira sa, emet han kiya lolay i.
    就是這樣，只好忍耐著辛苦。
  • Ya tapiyasen ira, miliyaw ho a miladom, tayra ho i kali.
    水被踏倒掉了，我又再去溪邊挑水。
  • Hay awaay kora iya kira ora nanom kira,
    因為沒有水呀!
  • hay tapiyasen ho, hacowa matomes ako kona ciwkeng sa kako.
    把水倒掉了我什麼時候才會裝滿水缸。
  • Yan to, ira to kora o salikaka to ira,
    之後，他們的兄弟姐妹來這裡，
  • hay o namo i, maraayay ko piladoman i,
    就說你們呀，明明知道挑水的地方那麼遠，
  • malolalolayay ko miladomay i,
    挑水的人很辛苦的，
  • tapiyasen nimaan sa kora salikaka to ira?
    親戚說你們為什麼還把挑的水倒掉呢?
  • Yan to yan to pakomira sa to.
    後來就沒有把我挑的水倒掉了。
  • matomes to ako, aciya
    我終於把水缸裝滿了，
  • ko lolay ako han i!
    哎喲!我真是辛苦啊!
  • Ano cowa ka tapiyasen ira, o matomes to ko nima sa,
    如果他沒有把挑的水倒掉，早就滿了，
  • sakadefidefitaw sa kako a miladom.
    在挑著水時我想發脾氣。
  • Ano madefit i,
    如果發脾氣呢，
  • mapoʼi ko wina ako sa kako kira,
    我又怕我媽媽罵，
  • yan to, paci⌃ci han miolong kora nanom satikortikor i.
    勉強強自己扛著水一趟又一趟的。
  • Ano malolalolay ho sa kako,
    我想這樣雖然很辛苦，
  • o misalamaay hananay i,
    去男方家不就是就是這樣嗎，
  • hay ko misalamaay.
    獻工就是這樣。
  • No liteng koni a demak mitongodan ita,
    這就是我們遵循的傳統習俗，
  • sa kora ina ako, hatiraay aca.
    母親這樣告訴我，就是這樣子的。
  • Yan to kiya haw,
    話說在那之後，
  • hatira tomes han to kora iya ira haw,
    就這樣把水缸裝滿了，
  • sangaʼay sa ko harateng, hemek sa kako.
    心理感到非常舒暢，我很高興。
  • Hatiay, ira ho kiya fofo,
    當時那位祖母還在的時候，
  • fofo ho ira, ina no ina nora faʼinayan.
    是他的祖母，男方的媽媽的媽媽。
  • Yan to, ox! pateras a koni a wawa
    喂!這女孩這麼隨便，
  • sasalamalama, hato salaw akawang sa.
    一直來我們家玩，好像砂勞(妖魔)一樣又這麼高。
  • Ha...samanay ko akawang ako hani?
    哈...我的高度是怎樣呢?
  • Matatodongay ko akawang ako i,
    我的高度還算是一般呀，
  • malikaf ho kona
    怎麼挑剔，
  • koni a malitengay i. makapahay koya malitengay mamangay,
    這位老人家，阿嬤長得還不錯嬌小身材，
  • kapahay, maedengay kiya akawang ira.
    她很漂亮，身材適中。
  • Hay icowa miala to hatiniay a tireng namo hani,
    要到哪裡找像你們這樣的好身材呀，
  • sa kora falocoʼ ako.
    我心裡這樣想著。
  • matawa kako tora patinako ,
    我笑她這樣比喻我
  • mana caka fanaʼ kita to salaw kira.
    因為我不知道是砂勞(妖魔)的意思。
  • O manan kora salaw hanay, matawa kako,
    我還傻笑著不知是砂勞(妖魔)的意思。，
  • matawa kako tora salaw hanay ira kira.
    以為她在說什麼砂勞(妖魔)所以覺得好笑。
  • samanay kora sowal hakini?
    這話怎麼說呢?
  • hano pateras sa koni a malitengay pasowal takowanan hani.
    為甚麼這長輩怎麼隨便嘲笑我。
  • Malolalolayay ko tao romakat milaladom?
    不知我辛苦走路去挑水嗎?
  • sasamsam ho kiso ama to takowanan han ako,
    阿嬤您還要欺負我，
  • koya ako angi aca ako ,
    我害怕的
  • caiyaw a langiwngiw kira.
    藉著自言自語地嘀咕。
  • salangiwngiw sa kako tora ama,
    我對阿嬤的犯嘀咕，
  • aca koni ama hani sa. Papacem hai
    啊呀!阿嬤怎麼這樣說話。早上
  • dadaya ira to ko iya, malafilafi to kami kira,
    晚上我們就一起吃晚餐了，
  • yan to minokay to, paselaen to nora faʼinay ako.
    然後回家，我先生就送回家了。
  • Awaay ko otofay itiya ho tingsa:,
    以前沒有摩托車只有腳踏車，
  • hay tingsa ko kalican misela talalomaʼ.
    坐腳踏車送我回家。
  • ngaʼayay minokay kami malikelon kira
    還好我們回去是下坡
  • ko lalan tayni i Malan kira.
    的路到馬蘭。
  • yan to, malawod to, ʼosi to ko romiʼad,
    後來，快接近了，算一算日子，
  • Ayo! limaay to ko romiʼad kiso ney, caka pitayra misalama saan?
    哎唷! 5添了，怎麼還不去男方家獻工呢?嬤嬤說
  • Ma:fanaʼ kora malitengay kora wina ako miʼosi to romiʼad, ,
    媽媽非常會注意數日子，
  • kako caka harateng ako ko pisalama ako.
    我自己都沒有想到要去獻工。
  • Yan to, malingad to,
    後來媽媽說：出發了，
  • malawoday to ko pisalamaan iso sa.
    妳該去男方家獻工了。
  • Ayo hani! Maraay romakat, rakat sa pasietip sa kako kira,
    哎唷啊!用走的很遠，我一直往西邊走著，
  • maraayay, macakatay ko lalan kira tayra i Pongodan.
    到大橋部落路很遠又是上坡。
  • Yan to, ayi hani, paci⌃ci han ako i, hay ano hacowa to i,
    後來，哎呀啊!我勉強著去，不知要到什麼時候，
  • alomaʼn kami malikaka i,
    我們兄弟姐妹很多呀，
  • ano hacowa to cicafay kako?
    我不知什麼時候才能有對象？
  • hay malowan to ko wawa nona wina sa kako.
    好減少孩子可以減輕母親的負擔。
  • Hay ira to ko sowal no wina ako, kasilomaʼ to iso ko ngaʼay,
    我媽媽也說過：妳還是趕快成家好了。
  • ora pikadafo iso, malisoʼ to,
    妳要嫁的地方，我們已經拜訪過了，
  • awa aca ko maan ira saan kira kora wina ako,
    媽媽說他們沒什麼不好的，
  • Ngaʼayay to alatek, hay taʼangay sa kako o salaw han no tao kako i,
    也許是好的吧，我又高大，人家說我好像砂勞(妖魔)呀，
  • ira ho ko mamaolah takowanan han sa kako?
    還會有人喜歡我嗎?我想
  • paci⌃ci han ako kora sowal nora malitengay tora mapoʼiay.
    我忍耐著不去多想老人家嘲笑的話語。
  • Ano ngaʼay to ko mipasowalan ako i, maolah takowanan sa,
    只要我的對象對我好，喜歡我就可以了呀，這樣想著
  • mansa pasaemet sa kako miya misalama.
    所以我忍耐著繼續去男方家獻工。
  • Yan to hatiraay kora demak ako,
    我去男方家獻工就是這樣工作的，
  • misasalama tayra tora Pongodan.
    到大橋獻工。
  • Yan to i, ano caka tolasen to mipisalama,
    如果不限制獻工次數，
  • maceraay to ney ko tamdaw ano maraay ko karomakatan ,
    也會因為路途遙遠就會覺得厭煩了，
  • Hatiraay kora demak kira kora katayraan ako.
    我去那邊的情形就是這樣。
  • Yan to i, hatiraay aca ko pitapiʼ ako.
    我的獻工故事就是這樣子的。
  • Piladom aca, awaay to ko roma a demak ?
    只有挑水，沒有別的事要做嗎?
  • Miʼasikay, adahayay ko demak ira haw.
    有掃地、他們家還有很多要做的事。
  • Miiyan to, ano soni to i, maomah kita sa kora mipasowalan ako i,
    還有，我戀愛的對象要我跟他一起去工作，
  • maomah to kami .
    我們就工作。
  • maomah kami, pacafayen ho kami maomah sa,
    我們就工作，請幫忙我們家工作好嗎?，
  • Maomah kami i lomaʼ ira.
    我們就做他家裡的工作，
  • Itiya ho kakahaday ko omah ira,
    在那時候他家的田地很寬。
  • madeng pina toki nokayay kiso?
    妳大概幾點回家?
  • Taraay i iya falo ko toki nokayay kako.
    差不多8點就回家了。
  • Cecayay kiso nokay?
    妳一個人回家嗎?
  • Selaan ira kako pakatingsa.
    他會用腳踏車送我回家。
  • Malingad kako cecay kako mlingad,
    出發是我一個人走路去，
  • yan to i, minokay selaan ira kako,
    回程他會送我回家，
  • Cima ko cafay ako i lalan.
    在路上誰陪我作伴。
  • Haratengen iso itiya ho pinaay ko mihecaan iso itaya ho?
    想當年妳是幾歲?
  • Tosa poloʼ.
    二十 。
  • tosa poloʼ ko mihecaan? Hay.
    二十 歲了。
  • Co ko mo⌃tep ira ko tosa?
    不是十二?
  • Cowa, tosa poloʼ.
    不，是二十歲。
  • hay maliteng to kiso, akawang sa kiso sanay ko malitengay kira,
    長輩嫌棄我年紀老了人又高大呀，
  • sapodoh sa takowanan.
    很是忌妒我。
  • Ona mitapiʼan iso o faʼinay iso aniani haw?
    妳獻工的對象是你現在的丈夫嗎?
  • Hayi, mihaian ako
    是，我答應的。
  • Hay, namitapiʼay to kako, hafaʼinay hanany to ako kora.
    因我已獻工過了，所以我就把他當我的對象了。
  • Yan to, maketer to kako kiya,
    後來我生氣了，
  • cowa to kaiya kiya,
    就不理會，
  • mariʼang kora wina iso ,
    妳的媽媽那麼兇，
  • mitatongangan takowanan to ʼakawang ako,
    每次嘲笑我長那麼高，
  • han ako kora faʼinayan.
    我跟男方這樣說。
  • Ca sanay kako misalama,
    所以我就沒有到男方家去獻工了，
  • lawod hananay ira kako, tayra i lomaʼ niyam.
    索性男子就跟著來我家住了。
  • O misawad to, mapiliʼ takowanan sanay ,
    因為男子認為我不再理他了、討厭他了，
  • lawod hananay ira kako.
    就主動追求我了。
  • Ora to ina ira kiya haw,
    後來他的母親，
  • maan aawa sa to minokay ko wawa niyam sa?
    怎麼我的孩子一直沒回來了?
  • Tayra i lomaʼ niyam,
    就來我們家，
  • ira ko kiya wawa ira kira,
    原來他的孩子在我們家裡，
  • Yan to i, alaan to ira kako.
    後來就把我接去男方家了。
  • Madeng pina ko halafin no romiʼad? Pina folad?
    這樣的時間有多久?幾個月?
  • Ca ka safolad, ipan ko folad,
    不到一個月，只有半個月，
  • itira i lomaʼ niyam kora faʼinayan.
    男的住在我家。
  • Cowa, pitapiʼ iso pinaay ko halafin?
    不是，是問妳獻工時間有多久?
  • ca ka halafin, tosa folad ko pitapiʼ ako tora faʼinayan.
    沒有很久，大概兩個月的時間去男子家獻工。
  • Hay maceraay to kako,
    因為我厭煩了，
  • mitatonganganay kora tao ira kira.
    他們的家人都會嘲笑我呀。
  • Hatira alaen to ira kako,
    就這樣他把我帶去他家，
  • awaay ko cafay a maomah sanay.
    因為沒有幫手做農事。
  • Ngaʼay hacafay ira maomah sanay kora wina ira,
    他媽媽想說這樣可以和兒子一起工作，
  • alaen to ira kako, yan to araen to ira kako i.
    所以就把我帶回去了，把我帶回去之後呢，
  • Tayra to kako haw, kadafo to kako tayra kira,
    我就嫁到男方家裏去了，
  • mapoʼiay ho kiya malitengay,
    那個老人家還是在罵我，
  • matokaay, ca ka inaneng hananay ira kako mikapoʼi haw,
    老人家罵我懶惰不勤快。
  • Kako to, tengil han ako, ano matokaay sa kamo ngaʼay to,
    我隨便你們說我懶惰都好，
  • ano malingd kako to romiʼamiʼad maomah i,
    反正我每天都有去工作就好，
  • mimaan kamo mataratara sa to kamo a nimaan tahira i daʼoc ako,
    你們也等不到我老年的時候了，
  • hatira hananay to ako ko falocoʼ ako mitengil.
    我告訴自己心裡要這樣想。
  • O mitapiʼay co ko hamikadafo kora faʼinayan han?
    女子獻工不是要男子入贅嗎?
  • hay, o mamikadafo,
    是的，本來他是要入贅到我家的，
  • awaay ko mamaomah niyam sanay kora wina ira.
    他媽媽說因為家裡沒有人要工作，
  • hay ʼaloman kamo malikaka,
    反正妳們兄弟姊妹多，
  • o wina to namo kiya haw,
    你們的媽媽也就同意，
  • hay ʼaloman to kamo malikaka i,
    你們兄弟姊妹多，
  • ngaʼay to kadafo kiso tayra sanay to ko wina ako.
    我的母親說：妳可以嫁到那邊，
  • Pafeli hananay no wina ako kora tao.
    媽媽就把我嫁到他們家了。
  • Hay ona mitapiʼay hananay, soelinay mialaay to hakadafo ihaw?
    真正女子獻工是要男子入贅到女方家吧?
  • Soelinay mialaay to ya faʼinay.
    是招贅夫婿的。
  • Yan to, ʼaloman kami malikaka kira,
    因為我的兄弟姊妹多呀，
  • ngaʼay to kasilomaʼ
    你們可以成家了
  • sa to ira sanay kora wina ako. yan to, ngangitangit sanay,
    我母親說沒關係。他的母親就一直懇求著，
  • Ora wina ira haw, maolahay kora wina ira,
    男方的媽媽很喜歡他的媽媽，
  • Ora wina ho ira, iraay ho ko wina ira kira,
    就是他的媽媽，他的媽媽當時還在,
  • maliʼangay kora, ora wina ira.
    那個阿嬤很兇。
  • Mamaomah niyam sanay kora wina ira,
    他的媽媽想著是幫忙他們家工作的，
  • hatiraay, mansa alaen to ira kako.
    所以要我嫁過去。
  • Yan to, pina to ko romiʼad,
    過了一段時間，
  • hay ngaʼay to kacilomaʼ to kamo sa koni a tao ,
    他們就說你們可以成家了，
  • hay han ita sanay ko kasasowal no wina ako,
    我的母親就答應他們，
  • mansa kadafo kako tayni i Pongodan.
    所以我嫁到大橋這裡。
  • anto aalaen ako,
    本來我要招贅夫婿，
  • Yan to haw, edengan ako a wawa koni ,
    男方這邊說我們只有這個兒子會工作，
  • o maomahay ako koni sanay to kora wina ira kira.
    他的媽媽說這個兒子是要幫忙我們工作的。
  • Ira sa kora kaka ira, matokaay maomah,
    他的哥哥很懶惰工作，
  • ca ka fanaʼ maomah.
    不會工作。
  • Mansa salalokay ira kora mipasowalan ako ko mira hatiraay.
    這個兒子是最勤勞工作的。
  • O mamitapiʼtapiʼaca ko demak no fafahiyan itiya ho hatiraay.
    以前的女子就是要去男方家獻工是嗎?
  • O mita ʼAmis a pinangan kora.
    這是我們阿美族的傳統習俗。
  • Mita ʼAmis a pinangan sanay ko wina niyam,
    我們的媽媽說這是我們阿美族的的傳統習俗，
  • Hatinitiniay aca ko litengan ho demak i,
    傳統的作法都是這樣的呀，
  • mitapiʼtapiʼay aca kamo o fafahiyan
    你們女子都要去男方家獻工，
  • sanay, hatiraay
    我們媽媽的年代就是這樣。
  • ko wina niyam, mafanaʼ kita to maan kaemang ho hatiira sanay,
    當時我們年紀小還不懂事，
  • yan to, painipaini sa ko malitengay toni, ngaʼay kora sa kira.
    長輩都會為我們打點好的對象。
  • Paliʼayaway to ko malitengay miiya hay,
    老人家會事先安排，
  • paliʼayaway to.
    事先會做安排。
  • Hay no mafanaʼ kiso tona tatapiʼen iso itiya ho?
    你怎麼會知道你要獻工的對象?
  • o no malitengay kora.
    也是老人家所中意。
  • O miso a tatodong kora sanay kira,
    這是適合你的對象，
  • itira itira tayra kiso mitapiʼ sanay?
    在那哩，在那哩你要去他們家裡獻工會這樣囑咐。
  • Hay. Co ko kiso ko ma ...cowa,
    不是你自己，
  • nengneng han ako haw,
    我自己的看法，
  • nengneng han no malitengay haw,
    還有老人家的眼光，
  • matatodong kiso tora sanay.
    就說這個對象很適合你。
  • Hay, yan to, hay sa kamo o wina i, han ako kira,
    父母看好我當然就說好，
  • hai han to ko malitengay kira.
    就這樣答應父母了。
  • Mafanaʼay kako minengneng to ngaʼayay a tamdaw han,
    我是不懂得去選擇適合自己的對象，
  • hay, nani tiray i Farangaw kadafo sanay to kiso?
    所以妳就從馬蘭部落嫁出去了?，
  • Hay, kadafo sanay to kako tayni i Pongodan.
    是的，我就嫁到了大橋部落。
  • O no Pongodan a iya kora,
    這是大橋部落的，
  • hay o
    是大橋部落的，
  • no Pongodan a iya, nano Farangaw saʼayaw, malinahay tayra.
    他們以前也是從馬蘭部落遷徙到大橋部落的。
  • Awaay ho ko tamdaw niyaroʼ tini kira,
    以前這裡還沒有人居住，
  • o Pongodan ho masaʼosiay ci Ciping ko niyaroʼ.
    大橋部落數的出來沒幾間住戶。有Ciping他們
  • mansa tayni tini Pongodan mipatileng to lomaʼ,
    所以來大橋部落蓋房子，
  • miarawan ira kora palomaʼan.
    蓋房子的地方也是事先找好的。
  • Hatiraay ko o masaopoay no malitengay,
    父母親是這樣為我們設想的，
  • ngaʼay to ano awaay ko mamaomah ira,
    如果他家沒人幫忙工作沒關係，
  • ʼalomanay ko safasafa iso sanay kora wina ako kira.
    反正我們的家孩子多。
  • O sakakaay kiso a wawa haw? Sakatosa.
    妳是排行老大嗎?是第二。
  • sakakaay niyam o faʼinayan,
    我們家最大的是男生，
  • sakatosa kako.
    我是第二個。
  • Mita ʼAmis a saʼosi, o mialaay to faʼinay i ,
    我們阿美族傳統是要招贅夫婿，
  • o sakakaay a fafahiyan anca maemin mialaay to faʼinay?
    是長女還是所有女招夫婿?
  • Hay, o simaanay.
    隨便都可以的。
  • ano cima ko kaolahan no malitengay,
    看父母親喜歡哪一個孩子，
  • kiso ko maroʼ han nira.
    父母親說就是你留下來當家。
  • Hatira ʼaloman kami malikaka kira,
    像我們兄弟姊妹那麼多，
  • hatira mamo⌃tep malikaka i kami,
    像我們就有10個兄弟姊妹，
  • safasafa i, ca ka pitilid kako,
    很多弟弟妹妹，所以我沒有讀書
  • tatodong sa to midipot to safasafa i,
    正好在家裡照顧弟弟妹妹，
  • hatiraay mansa ca ka fanaʼ to manan sa ako i,
    所以我什麼都不懂沒有讀過書，
  • hatiraay kora pinangn nora malitengay niyam.
    我們的老人家習俗就是這樣。
  • Yan to mitilid kako han i,
    如果我說要去上學，
  • cima toni safasaf sa?
    誰照顧弟弟妹妹呢?
  • Ca ka maomah kami ,
    老人家如果不去工作，
  • o maan ko kakaenen no namo sanay kora wina niyam hatiraay!
    你們吃什麼呢!我們的媽媽這樣說，
  • Iya nimipitapiʼ ciwnisay kako sanay,
    有12歲就去男方家線工的，
  • iraay ko hatiraay haw? Iraay!
    有這樣的嗎?也有!
  • Hay o miharatengan no wina ira kira, papisalamaen ira kira.
    那是他媽媽所中意的呀，他母親要他去線工的呀。，
  • Iraay to ko paini no malitengay haw,
    老人家自然會安排，
  • ini ko hafaʼinay iso sa.
    這個是你的對象。
  • Ayo! Nengneng han ca katatodong kira,
    唉唷! 一看就不適合我，
  • mapiliʼ kako kira.
    我不喜歡。
  • Misimsimay kita to hatatodong kira,
    我們自己會選擇適合的對象，
  • pateras sanay kita saw!
    我們又不是隨隨便便的呀!
  • Ca ka pateras kita, ano co ko miharatengan ita haw,
    我們不會隨便找不適合的對象，
  • o pateras sa kona malitengay,
    老人家怎麼隨便找對象，
  • maliteng to kora faʼinayan sa kita kira.
    我們也會嫌那那男子已經老了。
  • Hatiraay misimsimay kita to.
    所以我們會考慮對象的。
  • Ano co ko hamiso,
    如果不適合你的對象，
  • caay kaaraw haw i, cowa kakahi.
    看不在眼哩，也不會願意。
  • Hatiraay ko pinangan no malitengay,
    老人家就是這樣，
  • aka papalafo kamo to miharatengan no mitapiʼay.
    你們不要糟蹋我們屬意獻工的對象。
  • Ora mitapiʼay hanay, komaenay kiso malahokay malafiay haw?
    獻工的時候你有吃午餐晚餐嗎?
  • O sepat ko toki malingaday to kako a mitapiʼ hatiraay,
    我清晨4點就出發去男方家做事獻工
  • malafiay itira.
    在那邊吃晚餐。
  • Cima ko mitangtangay?
    是誰煮飯菜?
  • ora iya ora tao ko mitangtangay,
    男方的家人來煮，
  • safel hananay ko dateng i, saciyanciyanay saw, awaay kira.
    以前的很簡單沒有用煎的都是煮湯。
  • hay mitangtangay kiso haw?
    妳有煮飯菜嗎?
  • Mitangtangay kako, hatiraay ko mitapiʼay.
    我有煮飯菜，獻工就是這樣。
  • Mikasoyay haw? Cowa pikasoy, piladom aca,
    妳有去砍柴嗎?沒有砍柴只是挑水，
  • hay, sasalama sanay,
    也是去玩玩的呀，
  • O roma nga, mikasoyay mitool tora faʼinayan sasalama sa,
    有的是有跟著男子去砍柴火，去玩玩的呀,
  • malawod ko toki tayra misalama.
    時間到了就去那邊玩。
  • Tosa folad ko pisalama ako nga,
    我去幫忙兩個月時間，才
  • yan to, hato mamihawad kona fafahiyan sanay kora faʼinayan,
    之後，男子以為我會放棄不要他，
  • kiʼayaway tayra i lomaʼ.
    反而來先到我家了。
  • Maolahay tisowanan kira saw!
    那他很喜歡妳喔!
  • Hai! Mataraway kaʼafasan no tao.
    是啊!他怕被別人搶走。
  • Maliʼang kora ama ira kira,
    他的阿嬤很兇，
  • man sa haytiraay kora malitengay.
    因為老人家是這樣子。