跳到主要內容區塊 :::
 

我的一生 夏敏忠榮譽長老

:::
  •  206
  •  0
  • FB圖示
  • line圖示
TIME:

  • 字幕列表
  • Plealay han o ngahan mu o Tusi,
    首先呢!我的名字叫做Tusi
  • tama mu o Peydang Kumu.
    我爸爸是Peylang Kumu
  • bubu mu o Iwal Rulung
    我媽媽是Iwal Rulung
  • mntucing ku 3 idas do wada ungat ka tama mu da.
    在我出生三個月之後我爸爸就去世了
  • 3 idas o, yaa bilaq bi kina kiga, ungat ka tama mu da tai
    三個月時，我應該還很小，沒有爸爸了，
  • bubu mu do musa sgeeru kingal snaw do
    我媽媽改嫁給另一個男人，
  • kika tuhuy yami quri saw nirih mu tama kida.kiya ni,
    於是跟著繼父﹐然後呢!
  • wada ku paru hari do, musa ku matas da,
    長大些，我就去學校讀書了!
  • musa ku matas ptasan Tkijig hiya,
    在崇德就讀
  • niqan ka ptasan saw slhayan laqi ga
    那裏有可以讓小孩子讀書的地方
  • musa ku hida yaku ga.
    我就去那裏了!
  • pida bi pntasan mu o 3 hngkawas do
    我剛好讀書滿三年的時候
  • ungat ka bubu mu uri da,
    我媽媽也過世了!
  • tuhuy ku nirih mu tama da tai!kiya do,
    我就跟著我的繼父在一起了!然後,
  • dsi nami Sipaw gaga, (西寶農場) sun ga,
    帶我們去所謂西寶農場那兒
  • Tapitu ni muda ta Bruwan
    塔比多然後我們要經過布洛灣
  • aji musa gaing duri o niqan Sipaw hi ga
    不是再遠一點就是西寶那裏嗎?
  • niqan gaku(ptasan) sayang kida
    現在那裏有學校
  • musa nami hi da ga,
    我們去到那裏之後
  • yaa bi mngari ka hngkwasan mu da,
    我大約已經九歲了!
  • mniq ku hiya da ga, ini ku usa matas da,
    住在那裏﹐就再也沒有去讀書了!
  • manu bukuy do miyah nami teumal truma do
    之後，我們就來下面那裏居住
  • musa nami Tkijig truma da, miyah mami (管制站)hida yami ga
    我們就搬來崇德下村了!管制站那邊!
  • mniq nami hida.
    我們就住在那裏了!
  • manu tmatak cih hrus ga,
    在不算大的山坡地砍草
  • mhuma cih bunga ni masu ni sari ni sqmu,
    種些地瓜小米，跟芋頭、還有玉米。
  • kika uqun nami ka seuxul da.kiya ga。
    這些就是我們以前吃的食物
  • kiya ni kido﹐tai ka msa sgeeru pxal duri ka bubu mu
    因此，我媽媽再改嫁之後
  • niqan kingal laqi dha kuyuh,
    他們有一個女兒
  • wada ungat duri, kiya ga,
    那個(妹妹)又去世了!
  • lngug saw paru hari do wada ungat duri,
    好不容易長大了些卻又離世了!
  • manu yaku bi nanak msrangi da
    所以只有剩下我自己了
  • kiya do, sun mu lmnglung do,
    所以﹐我這樣想一想，
  • bitaq ku sayang ga,
    從以前到現在，
  • paah ku laqi ni bitaq ku sayang do 77 hngkawas duri yaku ga ,
    從我小時候一直到現在已經77歲了﹐
  • kika saw yaku sayang ka lala bi hngkwasan mu ka yaku da,
    像我現在這樣﹐歲數已經很多的人了
  • kiya o, mqaras ku dmayaw knan ka Utux Baraw,
    因此呢!我非常慶幸有上帝在幫助著我
  • ddulan ku na bitaq sayang,
    祂一直帶領我到現在
  • yaa kuna dudul bitaq knuwan hug? Ini ta klai kida kiya ga, ha…
    至於，祂會帶領我到什麼時候呢?我就不知道了!
  • qmita ta manu ka lnglungan Utux Baraw kida hiya?
    我們就要看 上帝的心意了﹐對吧!
  • Ini ta kla ita ka mha ta saw msngari
    我們無法知道我們還剩下多久活著的日子，
  • muudus knuwan hug ini ta kla ka ita
    我們無法預料我們能活到什麼時候
  • taga ta Utux Baraw lnglugan na ni
    我們等待 神的心意
  • yaa ku na dudul bitaq knuwan hug? Ini ku klai kida
    至於，祂會帶領我到什麼時候呢?我就不知道了!
  • asi stama Utux Baraw kida ga aji kiya
    這個只能依靠 上帝了!對吧!
  • yaku do, ida ku paah 36 hngkwasan mu ka paah hika prajing ku smluhay Utux Baraw da yaku ga,
    而我呢!很早就從36歲那個時期開始、就學習上帝的真理了。
  • kiya ni, muda ku kiyukay, singyasu kiyukay ga
    後來在教會，就是真耶穌教會呀~
  • musa ku ptrbug qsiya ni bitaq ku sayang,
    我浸在水裡受洗了!一直到現在
  • manu kyukay uri do ida kuna ddudul bi mquri
    而且教會也一直將我指引我
  • manu ka tmcisa quri saw singjya uri kiya ga,
    那個也可以在教會教教友。
  • mcisa ku kari suyang patas
    我教導聖經的話
  • mcisa quri cyawyu ta singja ga
    教導教友
  • ana bitaq sayang kiya,
    直到現在
  • msuwil ku musa ka Dowmung
    有的時候去銅門
  • msuwil ku musa Yama Satu,
    有的時候去到山里
  • msuwil ku musa Knibu uri,
    有時候也會去克尼布(和平)
  • saw nii ka quri saw euda mu tmisa ga
    這是我的教學經歷
  • mquri kiyukay Truku musa ku ka yaku
    屬於太魯閣族的教會我才會去
  • Sbnawan ni Teywan do ini ku usa ka ki da,
    阿美族群跟閩南人的，我就沒有去了!
  • yaasa ini ku hari kla kari cyukuku ka yaku hki,
    因為我不太懂中文!
  • muda ku saw tmgsa kari Truku ta
    我去教太魯閣族語的時
  • Knibu ni Tkijig, Bsngan, Sansang,
    從克尼布跟崇德，富世、三棧、
  • Qowgan ni Hacney, Dumung, Dungkwang ni
    加灣跟清水，銅門、銅光﹐
  • quri saw Branaw uri tai!
    還有重光那邊﹐你看!
  • musa nami ka Cyakang ni Ihunang
    我們也有去西林跟紅葉﹐
  • Yamasatu Mikasa.
    山里、三民
  • kika tuhuy Truku kika muda ku ka msa ku ka yaku da.
    有太魯閣族人的地方我才去
  • saw nii qpahun ta Utux Baraw o
    這個為神服事的工作
  • ida ku mqaras balay kida yaku ga, ida ku mdudul balay,
    我總是很開心、我一直很賣力去指導
  • prngaw ku cih yaku do quri saw kndsan mu
    我要說一些關於我自己的人生經歷
  • manu ka nniqan ta saw babaw dxgal ga,
    我們活在世界上是為了什麼呢?
  • kiya o ida paah laqi o ida ta mqrinut hari kndsan ta,
    那就是我們從小時候開始﹐生活就有點窮了
  • yaasa uqun o qmdhuq balay uri hki,
    因為食物是很勉強過得去
  • manu ka stmaan mu ka yaku da,
    我依靠的是甚麼呢?
  • ida quri bunga ka pusu mu balay ka yaku
    對我來說﹐地瓜是我的主食
  • sexual ga, kika stngi mu balay,
    以前﹐它是讓我有真正飽足感的食物
  • bsiyaq pstngi bunga ga,
    地瓜賦予的飽足感很久﹐
  • idaw masu o ini biyaw hari meuray kiya,
    小米飯比較快又讓我飢餓。
  • kuyuh mu uri do 20 hngkawas sun da ga wada ungat ga,
    然後我老婆也離開了將近20年
  • cyudu 100年5 idas (五月) wada ungat ka kuyuh mu uri da,
    剛好是一百年五月份的時候過世的
  • yaku nanak saw tuhuy ku laqi mu hini da.
    我只好跟我的孩子在一起了!
  • 7 ka laqi mu 3 kuyuh ni 4 snaw hini sayang,
    我有七個孩子﹐三個女兒跟四個兒子在這裡
  • thiyan mu dhyaan o kingal gaga hini ni kingal mhdu mrata ga,
    跟我住在一起的﹐一個在這裡,還有一個剛當兵完
  • wada quri lnglungan na Syang-kang,
    朝著他的夢想去香港打拼
  • dha ka laqi thiyan mu snaw hini ka yaku da,
    這裡有兩個兒子陪著我
  • ida ta klaun kana,
    我們都知道﹐
  • bilaq balay 50 hngkwasan siida ka brah o ida saw qmpah ta bi kiya haya?
    我們前半生只有五十年都很賣力工作不是嗎?
  • now-min-jyu-day (農民時代) msa ka kari Nihung. o
    日本人稱為"農民時代"
  • tama mu sexual hiya, qmpah breenux truma nini
    我爸爸以前啊～他在下面平地這裡耕作
  • psakur ta, mhdu psakur do pkahaw duri
    我們犁田,犁田好了呢?還要用耙去推鬆
  • hndu pkahaw do msudu ta duri tai!
    鬆土好了呢?我們還要耙草你看!
  • sqmaun ka sudu duri mhuma trabus da.
    我們還要燒乾草然後種花生
  • mhuma bunga uri da,
    也種地瓜了
  • mhuma masu uri payay uri
    還有種小米跟稻米。
  • saw sayang do malu hari ka sayang da
    而現在呢?現在這裡好多了
  • ini qpah qmpahan do asi stama manu ka musa saw sangsyapan dga,
    不耕作就直接去上、下班要吃甚麼呢?
  • ida malu uri sun mu lmnglung yaku dga,
    這樣也好﹐我這樣想一想呢!
  • kari ta Truku o ida ta bi ka ni ta bi pstqi
    我們的語言一定要;對於傳承的事情我們不應該停止
  • quri saw manu ka mgul ksun kiya ga?
    是什麼事情可以維繫住呢?
  • manu ka empgeegul ta hug?
    又要我們維繫什麼呢?
  • Ida ta mlutut ta rudan sbiyaw ka kari ta,
    就是我們要將語言好好的跟祖先銜接起來
  • kari rudan ta seuxal bitaq sayang
    我們祖先從以前到現在的語言
  • ida ta pkudaw ta rmngaw kari Truku ka balay bi
    我們一定要扛起說族語的責任才是!
  • rmngaw ku quri kska pnrhulan ka yaku kana sinjya ga,
    我在教會裡面向所有的教友說
  • prngaw hari kari Truku sun mu ka sinjya,
    我對教友們說請多說族語
  • kika murug ka laqi, qmbahang do murug ka laqi uri da
    這樣孩子們聽了才會跟著做
  • quri saw kari ta Truku ga
    至於我們的太魯閣語言
  • iya ta bi lxani plulut rmngaw ,
    千萬別放棄延續傳講
  • saw lqlaqi ga, kika cisaan ta bi quri sayang o
    現在最重要的是一定要好好的教孩子們
  • manu drudan ta bi kana saw tama bubu ga,
    所以身為爸爸、媽媽長輩的我們，
  • kiya o klala balay rmngaw ka quri kari ta Truku hiya?
    請多多說族語不是嗎?
  • kika embahang ka laqi do ini biyaw mkla ka snlhayan na da.
    這樣的話，孩子聽了就很快學起來
  • kdka saw yaku uri
    就像我一樣
  • seuxal o tama bubu mu uri ga prngaw bi Kari Nihung ga hiya
    以前我的爸爸跟媽媽時常用日本話溝通!
  • manu kiya ita do paru ta hari dga.
    所以我們長大了一些之後
  • manu yaku sayang uri do mkla ku cih bilaq uri Kari Nihung ga, bilaq bi aji ka lala uri
    我現在也會一點點日本話了,一些些而已也不多
  • qnbhangan mu kari tama bubu kida.
    是從我爸爸跟我媽媽說的話那裏聽來的
  • saw kiya ita sayang uri o
    我們現在也是一樣
  • ixun ta pgkla laqi ta kari ta Truku o
    為了要讓我們的孩子了解我們太魯閣族語言
  • ita tama bubu o klala balay pprngaw kari ta Truku,
    我們身為爸爸媽媽的一定要多說我們的族語
  • kika laqi qmbahang do, kika maah murug ni ini biyaw mkla laqi uri da
    孩子聽了之後，他們才會跟著然後很快就學會
  • yaa namu mkla sayang mkla bi tunux laqi ga,
    你們應該很明白，現在的孩子 頭腦非常的聰明
  • bnhangan dha asi usa tunux o
    他們聽了之後直接記在頭腦
  • asi usa lnglungan bnhangan dha ga,
    他們聽到的直接記在心裡
  • maa yaku uri mniq ku tmisa ku kska pnrhulan ga
    連我在教會裡面教學的時候
  • kana sa sinjya ta ga,
    就是我們全部的信徒面前
  • rmngaw ku bi saw kska pnrhulan uri
    我也經常在教會裡面說
  • yamu saw tama bubu ga, aji ta bi laxun ka kari ta Truku o
    你們身為爸爸媽媽的我們不能放棄我們太魯閣族的語言
  • ixun ta tmisa quri laqi truma ga
    為了要將語言傳給後代子孫
  • ida ita kana ka prajing psramal rmngaw Kari Truku han saw kiya!
    首先還是要由我們大人先說族語開始,要這樣做!
  • qmbahang ka laqi do ini biyaw mkla kida saw kiya ,
    孩子聽了會學得特別的快速
  • Ida ku rmngaw bi yaku uri sinjya ta kska pnrhulan ga ,
    我也經常在教會裡面對著教友們說
  • Ida ku rmngaw balay
    我總是一直在說
  • ida ta iya pstqi rmngaw ka kari Truku sun mu ka dhiya uri
    我也一直在跟他們說:我們不要停止說我們的話
  • sayang do qrasun ta qmita hiya
    我們現在很高興看見
  • ana ima ana yaku ana yamu uri
    不管是誰、不管是我、還是你們
  • qrasun ta Utux Baraw biyax na
    我們要讚美 神!祂的權柄、
  • knkla na gnealu na, dndulan na ga ida ta na sbuway na kana ta,
    祂的智慧、祂的慈愛、祂的教導祂已經都賜給我們大家!
  • saw kiga sayang da empeuyas ku kingal uyas Truku han,
    現在就是如此!所以我現在要來唱一首太魯閣歌曲
  • manu kiya ga?我們都是一家人kiya!
    那是什麼呢?我們都是一家人，沒錯!
  • kingan ta ruwan sapah ka ita mnsa ka uyas nii kiya ha!
    這首歌曲的意思就是我們是一家人,開始囉!
  • 【Mniq kska Yisu, kingal ta sapah,
    在耶穌裡我們是一家人
  • mniq kska Yisu, kingal ta sapah.
    在耶穌裡我們是一家人
  • Mniq kska Yisu kingal sapah ana bitaq knuwan,
    在耶穌裡我們是一家人，不管到什麼時候
  • mniq kska Yisu kingal ta sapah.】
    在耶穌裡我們是一家人。
  • msa kiya! kana saw kndsan mu ga
    我全部的人生就是這樣子!
  • ida mu sbuway Utux Baraw kana ka euda mu
    我將我所的事情都全部交託給 天父耶和華
  • mudus ku kska sayang han, ana ta hmuya ana ta saw mnarux uri hug? Embiyax uri hug?
    我現在還活在世上，無論我們過得如何?無論是在生病或是我還健朗的時候
  • kana nii o asi ta bqani Utux Baraw kana ka saw kida,
    這所有的一切，我們就全部交託給 神!
  • kika uyas wada mu pyasan sayang ga
    這就是我剛才唱的歌曲的意境
  • kari mu hini do ida bitaq hari ka hini do kiya da ha!
    我的話先暫時說到這裡為止，
  • mhuway su balay! mhuway su balay!
    非常謝謝你!非常謝謝你!