獵人的文化資產

o funka a kinaira no mi'adopay

獵人擅於獵捕的技能

口語類型：訪談

內容類別：技術與工藝

語言別：秀姑巒阿美語

關鍵字：讓後人可以述說這些山豬獠牙的故事，後人了解所排列的經歷，原來阿美族人是擅長於狩獵的民族，可供後人觀賞

查看更多採訪地點：花蓮縣鳳林鎮鳳信里

受訪者縣市：花蓮縣

記錄日期：2022-10-26

影片網址：https://youtu.be/m59sjxyI-vs

受訪者(發音者)：Rengos

採訪者：剛惠美

字幕列表

Paʼayaw:Wata: kina macaʼitay a patoloan a raʼit,

旁白：
hakowaay ko romiʼadan ta ira ko hatiniay a adihay hakiya?

狩獵人需要多久時間才有這些的山豬牙呢？
Awaay ko pakahiratengay, kafanaʼ no miʼadopay a miteker,

真難以想像，獵人擅於獵捕的技能，
mapakafecol marenec ko salawinaan.

帶給親族人多受益！
O funka a kinaira no miʼadopay.

亦是獵人的文化資產。
Wa…, o maan nianan sa?

哇！這些是甚麼？
Pimaan tini sa?

這屋子是做什麼用途呢？
O patelian niyam to

這是存放
nikaherekan nisasaw to tangal kinian to macaʼitay maemin.

清洗過的山豬獠牙吊掛的地方。
O todong o soko hay?

是倉庫嗎？
Todongay to no cecay a ʼariri

類似儲藏室
ko patelian to niyan

放置可以使後人
malo nanengnengan tangasa i wawa no wawa

子孫們觀賞
hatiniay ko tayal no akong niyam haw sokong sako sonasona:

曾經是我們的先人獵獲的獵物的，
nisa osawen a micaʼit ko hatiniay,

所以留下了這些
kakahemekan no wawa a mitengil

讓後人可以述說
to hatiniay a maaraway,

這些山豬獠牙的故事
o mahaenay aca asaan

後人了解所排列的經歷
ko rikorikor a matoʼas ko wawa no mita o masaPangcahay,

原來阿美族人是擅長於狩獵的民族，
o hatiniay masilsil mateliay

眼目所看見
o tatirian awaay to ko ʼorip nina matoʼasay

記憶中對長者的感念
a ʼayaʼayaway a mialaay to hatiniay sako o nanengnengay

，在我離開人世之後。
macaʼitay ko hatiniay ko cait a cala no fafoy.cala

懸掛在此的是山豬的獠牙，獠牙，可供後人觀賞
Wa… nilicay kako haw,

我要請問
o piʼadop no miso tiya haw i

起初是什麼動機
o maan ko malitemohay no miso?

使你對狩獵感興趣呢？
nansay kiso a mikihatiya?

你當時是幾歲呢？
O tayal niyam i ʼayaw ri

在我們過去的工作
o maomahay kira

以農業為主
sa maherek maomah ri

農忙後
mimaan kita nasa?

要做些什麼好?
kaherekan a miʼotʼot sarakatay a niʼotʼot ri,

結束田裡除草外
awaay to ko tayal itiya nisa,

農閒時沒什麼事可以做
o arawʼaw no falocoʼ no niyam,

閒著無聊，
nica kasaan a malalok to

得找一些事可做的
hatiniay a talalotok a tayal saka,

就有了往山上走走的想法，
malecad falocoʼ niyama ato na Ising a mama,

於是我和Ising二人有同樣的心志
itiya saka mafolod kami a tatosa.

皆同上山
Nansay itiya?

那時是幾歲？
Itiya ri, o harateng niyam a misafalocoʼ a sapitekeraw i,

那時，我們放陷阱的動機
lokociw loko say itiya.

當時我已有66歲的年紀。
Oh… lokociw loko say.

喔！66歲。
66 soy (66 soy) itiya kami

那時66歲（66歲）
a miteka kami to matiniay saka.

開始了狩獵
O nian a paror ko

這個爐子
pitangtangan no niyam a mialananʼ to fanoh,

燒開水做刮毛宰殺處理，
ano caay ko hatiniay a paror i,

若不是用這個大爐子，
caay ka ʼedeng ko nanom to

可能不夠燒水除毛的事
sapifadisaw a niala to sapikonoc itini

從那裡引水過來
itiniay a patada iraw pihiyaan, asapad

放置桌子上方
itini kami a matayal sa misangaʼ

自此處做事
samahaenay a pinasanga matiniay a katayalan

我們就在這原地處理且方便
ano caay haenen i

若不這樣
Cecay lipay talomaʼ ko rakat niyam ri

我們約有一個禮拜的時間在山上
talomaʼ a misaenar

後才會下山回來
cecay lipay kami i lotok i enar ri, talomaʼ kami.

一個禮拜在山上之後再回來
Radiw: Mifoting ko kadafo

歌謠：女婿去打漁
mifoting sa i riyar

去海邊打漁
malitmoh no fafahi

妻子遇見他
tosaay sako tafo,

帶了二個便當去
nengneng han o mafotiʼay

結果發現女婿在睡覺偷懶
awaay si ko foting.

沒抓到半條魚。唉呦
Itiya, miʼadop kiso, nansay kiso itiya?

當時，你去打獵，大概幾歲時候？
Itiya no maomah niyam nano mamang

當時，我從小到大
tangasa kami i limapoloʼ ira ko lima (55)

我過55歲
maedeng to kita pahanhan a matayal

我和我的同伴該放下農事的工作，
saan ko falocoʼ niyama ato tihi no mako ci mama ni Mayaw,

Mayaw的父親討論著
teka niyam miteker i tiya,

於是展開我們的新工作
itini kami ti:rana no lotok,

從這個山頭到那個山頭
tini itira iraw laeno nora cahid

就在山的那頭是我們的獵場
kami a niteka niala to fafoy ato siri.

獵取山豬和山羊。
Ira ko fafoy…Ira ko fafoy ato siri.

有山豬！有山豬和山羊。
Itiya o toʼas iso ira ko 66 soy (enem poloʼ ira ko enem).

那時，你的年紀已有66歲了
O satapang niyam a talalotok a mitilo.

開始到山上狩獵放陷阱。
Mitilo haw.Yasa maherek kami itini

在狩獵，結束這裡的獵場
awaay to ko maalaay,

當在這山頭，沒有了獵物
ka:mi aca ho ko mitekeray saka,

只有我們在狩獵
tayraan kami i Cirakayan,

我們就到Cirakayan（山興）的山頭上為獵區
mahaen to ‘aloman malalitemotomoh kami ko pitilo yan sa,

我們會遇到其他的獵人
malalitemotemoh yasa, miliyas kami i Kalotongan.

我們會遇到其他的獵人，於是我們離開又到Kalotongan（加里洞）山上打獵
Marakat to niyam ci mama ni Mayaw

這些路徑我與mayaw的父親
ci Ising han ko ngangan ni mama ni Mayaw

mayaw的父親叫ising
saka, tatosa tatolo kami to matira.

我和Mayaw和他的父親Ising三人一同去打獵過。
Awaay to i tini saka kako to cecay,

有時，只有我一個人狩獵
mangaʼay to mitilo,

也是可行
rarikor i, matiniay aca sa o wawa to ca Mayaw i,

後來，Mayaw認為是這樣子
mahaen midoʼedo to lalan sa kako.

也會步入我們的後塵，
Mihirateng to hatiniay a ka cipinangan to mitiloay

仿效我們的狩獵技能
i ʼayaw no rayray no mita o misaPangcahay

這是阿美族打獵人的常態
I hani, ira ko sowal no miso

剛剛你提到
itini lotok namohaw? hay.

說這山上是你們的獵區，
O maan han kina lotok kiya?

這山頭叫什麼？
Itini i o tafingadan han itiniay katimolay,

這南邊的山頭是tafingadan
itini o Cipinangan han kina takaraway,

而這比較高一點的山頭是Cipinangan
kacipinangan han itira

那是叫Cipinangan
itini irato anini

現還存在
caay ka awaay, awaay to ko waay no mako,

那裡不會沒有獵物，是我本身雙腳無力了，
pokong sato,

軟腳嘞
tayni to ko ʼaʼadopen imatini, mahaenay.

一些獵物會自動到這裡。
Itini i Cirakayan tayra kamo haw miʼadop?

你們也去Cirakayan（山興）的山頭打獵。
Maan ko lawa niyam a makat i lotok sa,

我們不曾放過每一個山頭的
tayra ho i lotok i rakat: sa kami i lotolotokan.

一旦上山以徒步越過層層山頭。
Miʼadop kamo rakat sakamo

你們去打獵用徒步的去嗎？
awaay ko otofay haw?

沒有騎機車？
ira ko lalan no paliding? O away paliding rakat sayo.

應該有車子可行車的道路！
O rakat to piʼadopan ira ko lalan no paliding.

在獵區裡沒有汽車道路。
Ano miʼadop kamo i

在你們打獵時，
o maan ko maʼalaay namo i ʼayaw? Tata:ngay?

曾獵捕到什麼獵物呢？大型獵物？
O lemed ko tapang kiraan

這都是看運氣
ano cilemed to taangay

如果在夢境中是獵到大型物的
o taangay ko maalaay

獵到是大的
ano awaay i,

倘若沒有
oyaan hatiyaay o totoy.

可能也只是小獵物
O totoy. Hay, ko maalaay,

是的，小獵物！
mahaenay ko pitilo hananay saka,

打獵情形是這樣，
hatiraay ko alaen han haw i,

硬要大型的獵物是很難的
icowa ko pafeli no Kawas to taʼangay ʼadop.

看運氣上帝的賞賜。
Hay, hay.

是的，是的。
Ano mamangay ko pafeli no Kawas i

如果上帝賞賜小型獵物
o mamangay ko maalaay,

也就是小的，
mahaenay ko nika talalotok niyam saka

這是我們上山的動機，
caay kami kacangal,

不奢求，
ano mamangay o raan ko sapafeli no Kawas

上帝賞賜什麼
haen sa kami a maolah lipahak ko falocoʼ ko mitiloay.

我們歡喜的心領受。
Anini, o nian ko nisadakan haw,

現在，這拿出來的獠牙
halafinay to nisangaan iso hay?

這很久的獵物。
Ano talalotok anini a romiʼad,

倘若今日前往上山
anini dadaya ano tahatilo cira i,

晚間設下陷阱
cecay lipay mapatay to cira,

獵物被陷阱夾到後一個禮拜就會死了，
roma cecay kapatay i awaay to ko ʼicel nira,

倘若沒死氣力也沒有了
o sapicocok niyam i

我們的刺茅
cako ʼidoc ko sapicocok

不是用茅刺的
ci sapalo kami to sikor a kilang

我們是用硬塊木頭
pamaraden niyam ko hatini ko rarayaʼ ko laeno,

底下加上鐵塊，
sapipalo niyam a mipalo

約這麼長的來搥打，
palo han ko no niyam, caay ko ʼidoc.

不是用刺茅。
Mapatay to haw?

會死嗎？
Patamaen i tangal kira

朝著牠的頭顱敲打
ʼefek han i tamgal nira,

頭顱敲打方面
Itini. Mapolin cingra

直到牠倒下
Caay kakinacecay a mipalo

不止一次搥打
felin sa tiyoren a mipalo itini i tangal

若還動則繼續搥打
mahaenay tini mipalo haw.Hay.

對準頭顱來搥打。
Micoay cira ano caay Katama ko raan.

若搥打不準牠也會回擊你。
Niʼadopan nomo nian haw,

你們獵捕的獵物，
ira ko nipacakayan namo haw?

有拿去變賣嗎？
O sapacakay hananay malitosa ko kakaenen no lomaʼ

有一半的獵物是賣出去的
malemed kami a taha lomaʼ anini milido i,

另一半留下給家人吃的，
o polong no malininaay no lomaʼ a maemin a masaopo,

也邀請親族人一起共享，
o osaw no malininaay no lomaʼ

有剩餘的
ano nangalay kako a miala micakay i

看親族人有要買的可帶回去
hatira a dadoy hatira dadoyen ko no mako saan to.

也把生肉一包一包的秤好，
Osawen niyam ko sakalomaʼ a sapakilac

也留下一些不賣的
caay paemin caay ka haemin han niyam,

給家人吃的
polong a maen

一起共享
o kakaenen no lomaʼ ko nian san,

這是家人吃的
palitoloen niyam ko sapacakay,

分成三等份來賣
o kakaenen no lomaʼ

家族吃的
o mahaenay ko sapakilac a kilac,

親族人一同享受
ano o tangal to ni han i,

有一些如豬頭皮
ya natangal tinaiʼ

內臟
tangal ato ya falaʼ lamomaay i,

肉雜等等
o sakapolongan a malafi. kiraan

當晚餐吃與親族人共享。
Mahaenay saka o saopo no widang no lomaʼ

以此機會透過獵物親友
no mitiloay no ira ko widang haw i,

能來到家裡聚聚，
ira mihanghangay makawas sa haw i,

那些來的親族人
miraod to ci hiyacangra fakici to pipatian to nanom

也各自攜帶米酒
maan sa pafeli to nanom koko losang maroray kamo

作為贈禮給獵人敬酒，
maroray kamo anini a mafanaʼay a cifalocoʼ

打獵的辛勞。
a mihanghang ri, ira ko mitatoyan kofoc mahaenay.

來訪的親友團贈小禮給辛苦的獵人
Cima pakafanaʼay kisowanan miʼadop sa?

有誰傳授你狩獵的技能呢？
Ono mako a sakafanaʼ haw,

我能有狩獵的技能
nano mamang kako,

在我小時候，
saʼayaway a minanam miteker haw i,

開始學習設獵小鳥陷阱
halitekaray kako to ʼayam,

起先獵到獵物是小鳥
makafanaʼi畢業i kuosiaw,

那時還在讀小學階段，
tataen na mama ni Acon

一位叫Acon的長者
kako a i 水源地

帶我前往水源地
di miteker ta mafanaʼ kako to

因此學會放陷阱捕鳥
mahaenay aca ko mancel sa kako,

以這樣的方法放獵山豬的陷阱，
yasa malipahak ko falocoʼ

學會了越有興致，
manamnam a miteker saka,

越喜歡往山裡走動，
mafanaʼ to ri,

越發感興趣
caay ka awa ko tahatekeray kira,

也因為這樣屢放屢中抓到各種獵物，
mahaenay saka, lipahak ko falocoʼ

我滿心歡喜
ano awaay ko maalaay ri,

倘若沒有獵物
awaay ko aalaen, yan sa,

不可灰心
malalok caay ka awaʼay ko pafeli no Kawas mahaenay.

只要你勤奮上山上帝賞賜你既得的。
Matini haw, matoʼas to kiso,

現在，你年老了，
ira itini ko midoʼedoay to tayal so haw?

有年輕的人來繼承你狩獵的技能？
cima nian sa? Tanestesay a kapah.

請問壯碩的年輕人是誰呢。
O wawa no hanghang o tihi ako a talalotok

是我打獵的同伴的兒子
ci mama ci Ising ko ciwawaay sa…

是Ising的兒子
mamang masakapah cayraan ri,

他還很年輕時，
alaen niyama no ira ko tahatiloay miorong tayra miala,

他也常隨著我們一起上山，
caira ko miorongay

一旦有獵到的獵物時
miala to matiloay niyam a talomaʼ

都是他來替我們扛回家。
O wawa cara sa ri

由於他還年輕
malipahak pakaʼaraw mahaenay aca san,

首次看見獵物欣喜若狂
o nihaenan caira o wawa ri,

技能也會耳濡目然的承襲
malalok, ano hacowa talalotok saan,

每當我們要預備上山時，
mitala to katalalotok niyam a milido,

他也在期待我們帶他去
mahaenay ko wawa, iraay ko falocoʼ

我想他是很有興致的，
naira to matoʼas kami

我年歲已高
mahaenay kami saan ko falocoʼ na Mayaw o wawa.

這項技能足以傳習給Mayaw的。
Wakay ho kiso haw i,

在你年輕時，
ano maʼadop so ko ʼaʼadopen haw ri,

如果你獵到了獵物，
pakilacen iso ko kaolahan iso a fafahiyan haw?

你會分送給你喜歡的女人嗎？
Cima haca ko fafahiyan ko kaolahan saw.

還會有哪個女人喜歡啦？
Wakay ho kiso?Awaay, awaay, mahaenay.

在你年輕時候？沒有，沒有，沒這樣的。
Awaay haw! Awaay.

真的沒有！沒有！
O sapakatawa cecay. sapakatawa.

這是說說玩笑話！說玩笑話！
Ano mangalay mikadafo

如果願意入贅
ko fainay hananay a mikikong,

男子結婚時
ira ko pipakafanaʼ no mama nira?

他父親也會告知他？
Mimaan mafokil ko matoʼasay?

父母親怎麼不清楚呢？
O matoʼasay hananay ri,

父母親都會明白的事，
o rayray to no toʼas to o mita o masaPangcahay i,

這是阿美族人既有的傳統文化，
caay kaawa kafokil a talalotok.

這些是必要的條件
O nian i? O no mama ako nisangaʼan.

這是…？這是我父親製作的。
O mama iso nisangaʼay? Mayongay to kiraan ʼayaw.

這是你父親製作的？使用很久了的
O paepa i.O taraar.Kiso nisangaʼay haw?

是葫蘆瓢。是葫蘆，是你做成的？
Lonok sa cira malahad maʼicang ta palaʼ han ta kira.

是它成長老化乾了可以製作水瓢。
Ayaw awaay ko totoʼ

過去沒有水瓢，
o todong o totoʼ Totoʼ.

是就地取材的水瓢。水瓢。
Ira maʼaraw ko tilifiay kiya,

曾經在電視上有看過
O Cingaloan niyaroʼ

Cingaloan部落，
ʼayaw o kero kiya, misaʼoraday,

過去的舞蹈，在祈雨祭典裡，
o todong no tamohong kinian haw?

有人拿水瓢當帽子，這是當帽子用的嗎？
O malimooday kiraan,

那是圓形狀的，
caay kararayaʼ ko kaʼos,

不是像這種長的形狀，
misaʼorad kami tiya, yapisaʼorad i,

那時舉行祈雨祭典
o nian a paepa ko tamohong niyam

就拿葫蘆瓢當作帽子使用，
ta cipohen niyam to kohetingay

然後塗上黑色顏料
micaliw kami to nisafokesan a kohetingay a fayfay,

借用黑色雷絲布料當作我們的頭髮，
kaymi nihaen tora tangasa itini rarayaraya

黑色長髮超過腰間
matiya o fokes mitahepo tina paepa

我們用葫蘆瓢遮住頭髮。
kina fokes Iraan kira o rayray no matoʼasay hananay kita o Pangcah.

這就是阿美族先人傳延下來的文化資產。