- 35
- 0
傳述舊部落與新部落生活環境之差異
- 字幕列表
-
aicu a tiaken kemasimazaken i Sancigu，a imaza i tavatavang我本人是三地門鄉達來村人
-
azaku ngadan ti Saveled我的名字叫沙溫勒德
-
saka zamana ruku sitjaucikel, mavan aicu a nia qanaljan我要講述的就是我們的部落
-
izu..ai tjaizuazua, izuai tua nia vinaikan是我們遷離的那個地方
-
azatja qinalja izua我們那裏的部落那依舊沒變沒損壞的石板屋
-
kamayan azua mareka kinasengeseng nua mareka tja sevalitan a mareka upu祖先們建造的砌石墻依然完好沒變!
-
mareka umaq，inikana maljekuya一些房屋都沒壞掉
-
izua qinaciljai， izua tinapavan tua qaciljai有的用石頭，有的用石板蓋屋頂
-
izua tinapavan tua rinavuc有的用茅草蓋屋頂
-
na makakaizuazua za umaq izu..ai tjaizuazua tania vinaikan在我們遷離的舊部落有各式各樣的房屋樣式
-
saka patjetucu azaizua na ljinenguaq，ini kania ljinekuya一直到現在，我們仍保護著那裏，沒有破壞!
-
niya vaivaiken a semazua ljemizau a pacun我們都會隨時去勘查。
-
qakizua na maljekuya qakizua na makuda sa看看是否有損壞或怎樣?
-
niyaljenguaqi aza mareka umaq izuai tjaizuazua讓我們能隨時去修護那裏的房屋
-
aicu manaku pasemalau tua nia vinaikan na nia qpnaljan這就是我介紹我們遷離的部落
-
izu..ai qeceqecengan ayamen tazania vinaikan i tjaizuazua qinaljan在那個我們稱叫意思為"阻擋"的遷離部落
-
saka aicua nia qinaljan izua所以我們那裏的部落
-
izua niya padjeledjelein tu pakasiyljai我們有準備住宿
-
tua mareka qukiyakusang對一些遊客
-
ana maqusaw ana saljinga tu kilingaw a tjalju gadu a sikacu像是嚮往體驗山上的生活
-
saka azatja qinaljan izua masengesengeseng tua qinacilji a umaq因此.我們在那裏的舊部落有族人在建造石板屋
-
auri kakasiyuljayan nua mareka qukiyakusang要準備給遊客住宿的
-
ana saljinga ana maqusav tu siyuljai tua qinaciljai那些渴望夜宿在石板屋
-
auri kilingaw tu namakuda a qinaciljai a umaq體驗石板屋究竟如何的感受
-
saka titjenamapuljat nuna saljinga itjn tu kilingaw tuaza qinacilji a umaq大家若想要體驗一下住石板屋
-
inika makuda itje na semamazai tjavatjavang我們都可以來到達瓦達旺這裡
-
izuanan azatja umaq a nanguaq atja kaizuanan izuai tjaizuazua在那裏還有一些完好的房屋可以住的
-
ayaken a pasemalaw tua mana nia vinaikan ata qinaljan我這樣簡單的介紹我們遷離的舊部落
-
tu kamayan azua qinaciljai a umaq a inikana maljekuya那依舊沒變沒損壞的石板屋
-
nia ljenguanguaqn aza mareka umaq izua我們有在保持維護那裏我們
-
ayakena pasemalaw taicua tja qinaljan izai tjai zuazua i qeceqecengan我這樣說明我們那裏稱為"阻擋"地名的舊部落
-
qau aicua uriku sipasemalav a tjaivililj以下我要傳述的
-
mavanatja qinuman manatja kikavucengl就是我們的農耕地，我們所有的傳統農作
-
izuai tuania vinaikan ata qinaljan在我們遷離的部落
-
azaizua izua tja sitaletalem a mareka vaqu mareka vasa那裡我們有小米農作，有芋頭農作
-
izua mareka ljapanai izua mareka djulis也有一些玉米，還有一些紅藜
-
izua penuljat azua atja sitaletalem a kacalisiya a mapuljat我們原住民所有的農作食物那裏都有
-
nekanuna madjuq izua penuljat azua tja lami所有的原生農作糧食沒有一樣漏缺
-
ana makakaizuazua siniqati nuatja sevalitan各樣農作是祖先開拓留下的
-
saka azaizua qakikua na.. puvarung amen因此.我們對那裏為何有著構想呢
-
taicua nia qiziyu nuayaken，uri pasemalav aken taza mana katagilj關於我們遷村之事，我要傳述遷移的開始
-
naicua nia kinipuvarungan tua sekaumalj有關我們遷村的共識與想法
-
tu vaik izuai tua tja qinaljan izuai qeceqecengan對遷離"俄哲俄哲安"的舊部落
-
ayatua izuasa pana manana qemeceng tja nuaman a taicua nia pacacikel因為有這條溪，阻礙我們的交通
-
izua tjikeza， ljakua inika makaya makavavaw a mareka qutubai有一座吊橋，但是連摩托車都無法行過
-
amina djemavac nu makaya makazuai ta tjikeza只能用走的經過那座橋
-
pai manasika kipuvarung angamen因此.我們有了決心
-
aicua mareka kakedrian這些青少年們
-
aicua tiamen a mareka vavuluvulungan我們這這些年老者
-
nu kirimu a saqetju amen，nu.. rukipucemel amen pazangal tu pazangal aravac我們若突然生病急救，實在真的很困難!
-
djemavac amen a kemasi zu...ai tjaizuazua， zemuker imazai tjimur我們只能從對面的山走路到三地村!
-
qau siyanga nu selapai nia tjukudren尤其生病的嚴重! 我們就用揹的走路送醫
-
nia qaluqaluin azua tja sikataqaljan a selapalapai tua saqetjuan另外把身體病重的部落族人也都是用扛的走路送醫急救!
-
manasika qakumanu nanguaq a qiziyu itjen因為這樣.就覺得我們是不是遷村會比較好?
-
ayangamen a maljavaljavar imazai qinaljan於是部落村民開始討論商量
-
pai sa kipusengesenganianga nua sihu然後由政府進行施工計畫
-
atua nia sekaumalj tua semamazai tua nia kinaizuanan tucu就是我們遷村現在住的這個地方
-
ljkua tucu imazangamen i tjaimazamaza na sekaumalj angamen ljakua但是雖然現在已搬到這裡了，可是!
-
azania qaqaljupan azua nia qaqumain azania piljt那些我們的獵區、我們的農作、我們的舊農田、
-
vaivaik ananamen a mazua kipusengesengan我們還是再去那裏工作
-
inikamanunia vaikan tu nia tjinawlanangan我們並不是離開就不管了!
-
kamayan amen a vaivaik a semazua kivalisaked tua marekania talem我們仍然再去關心我們的那些農作植物
-
tua mareka tja sika valjualjut，inika nia qinulip a nia sini taletalem izua還有我們的農作生機和種植農物都沒有消滅!
-
kamayan izua vasa 、izua vurasi、izua vaqu 、 izua djulis tucu ania sini talem izua還是有芋頭、地瓜、小米，現在也有種植紅藜在那裡
-
pai manasika inikania tjinaulan因此我們沒有放棄!
-
azai zuai tjaizuazua na kamayan ania kasengesengesengen那個對面的舊部落我們還是有在繼續耕作
-
ayaken a pasemalav paljaluai tua跟大家這樣說明
-
nia vinaikan imazai tjaizuazua ta qinaljan i Djljadjaljai我們遷離的對面達來舊部落
-
qau aicua nia sian tjai mazam，sarenguaq aravac a paqulid至於我們遷移的這個地方，真的非常舒適
-
nekanga nu qeceng，nekanga nunia kipaula我們不再有阻礙，沒有什麼困難了
-
ayatua nu saqetju amen， nuru zua nia velin nuri zua nia kudain因為我們若生病、或要去購物、或是要做什麼
-
makayaitjen a maka qutubai ，makayanga itjen a makadidusiya我們可以騎摩托車，也可以開車了
-
qau aicua mana kakedriyan atja sinan paravac而我們重視的這些青少年們
-
tuamana kakituluin nia madju有關他們的求學上課
-
izuanga didusita a malalap a semamazai qinaljan a pasa gaku已經有了專車開到部落接送上學
-
qai manasika tania sina mazan i tjaimazamaza因此.自從我們搬遷到這裡
-
izua kinaumaljan ania kina sinika manguaq a paqulid確實有了改變和造就
-
tusa nia sinamazan a tua vaquan atja qinaljan i tjavatjavang遷移到這個新的部落"達瓦達旺"
-
inika mamau ka izuanan i tjaizuazua， kipaulamen aravac tua nia kemudang沒有像我們在對面舊部落時，做什麼都很困難!
-
aicua imaza lja.. nia kanen， mangtjez a mareka pairang a temakatakai tua ljaceng在這裡對吃的部份，會有一些賣菜車的平地人來賣蔬菜
-
izua mareka siyubaubai tuana makakaizuazua有在賣各式各樣的東西
-
iniang kamena maurauram tua nia kinaqusav tua nia kina saljing我們不會再缺乏任何想要的東西
-
paravacanga mareka kakedriyan， vaikanga na kipasavid angasakamaya尤其是青少年們，都住在外面了
-
a kisamulja tua kakituluin i gaku去學校為他們的學業努力奮鬥!
-
pai tania sinamazan a semupu ，tjuruvu anga semupu tua daigaku因此.我們遷移到這裡讀書之後，已有很多人就讀大學了
-
izuang na secugiyu tua daigaku有的大學畢業了
-
qau tucu a marekania kakedrian，izuanga na siking tua kisacu aya那麼.現在的年輕人，已有考上
-
izuanga mareka sinsi aya izuanga mareka bukesi aya有的考上老師、有的當上了牧師
-
izuanga za tjuruvu a mareka maqacuvucuvung a na kisamulja tua nia sinamazan搬遷到這裡後，有更多的青年人在認真努力向上!
-
qai manasika aicua nia sinamazua ni tuania kina qiziyuanan因此.我們遷移到這個地方來
-
izua ta levan，izua ta puzangalan不但歡喜也更有展望
-
nakuya ini ka tjena maleva tua na kipu varung我們不能不感謝一些有心的人
-
tuamanana kikaku atja sihu tuana maitucu計畫這一切的政府人員
-
ayaken a pasemalau taicua nia sinamazan i tjai mazamaza我這樣傳述我們遷移到這裡的過程
-
amina masnnitalj aicu ka (alualu a raljiz) na selapai amen aravac只有一項經歷八八水災時，我們遇到非常的困苦!
-
ikamena pulingalingau kimena ru kemuda，tuaza qudjalj tuaza raljiz我們對豪雨颱風緊張得不知所措!
-
qau nu pacun amen tua penalinguljan tua nia qinaljan當我們看看部落的周圍
-
tatu sika sivaivaikanga zua mareka qipu， azua mareka qaciljai土石都在漸漸滑落了!
-
kirimu angamen a marekutj，krimu angamen a tjarautjav angamen i qinaljan我們立刻開始懼怕! 紛紛的開始急躁大喊!
-
pai sasav angamen a mareka maqacuvucuvung a mapuljat後來我們所有年輕人就出來
-
sania kilalaingi sania kivalisakedi aicua nia qinaljan imaza然後我們一起處理，一起關心我們這裡的部落
-
uitu.. na seljenguaq anga men ljakua是的，雖然我們已居住的很好了，但是!
-
caucau itjen， izua za nia rekutjan，izua za nia gagaljan我們畢竟是人，我們會有害怕! 我們會有緊張!
-
numatu kalja qudjaljan，numatucu a kalja raljizan若遇到雨季，這樣的颱風季節
-
izua za nia rekutjan tu sivaik satja qinaljan imaza我們會有擔心我們這裡的部落被土石帶走!
-
e.. na maitucu aza nia mavarungan nia valisakedan nu kalja qudjaljan這是我們碰到雨季時所擔心害怕的事!
-
ayaken a pasemalaw taicu atja qinaljan imaza這是我對大家傳述我們這裡的部落
-
e.. aicu ljavetjek izuanana aicu a.. e..弟兄姊妹 這裡還有...
-
ikaken a makaya inika pasemalaw tua kiljivak tua kisenai nua tja Cemav我不能不說對上帝的關愛與代求
-
nuayaken mavan aicu atja kiyukai imazai tjavatjavang是因著我們達瓦達旺這裡的教會
-
kapatagilj amen a masengeseng當我們開始動工時
-
neka nu nia paisu， inika uri madjaljun tu nisingmang aza nia paisu ljakua我們沒有錢，擔心不會達到兩千萬的預算，但是!
-
tja kasengesengav qadavanga tua tjaivililj， aya mareka sinziya mapuljat所有信徒們說: 我們就做下去，不管以後怎樣?
-
ana marasudj a menita kinemeneman，pai saniya padagiljia maengeseng如此共識一心，就決定開始動工建堂
-
paika masengeseng amen，azua kinacavacavan tjayau nazua tja kiukai當我們正在建構教堂的基體時
-
ka maqacuvung amen kirimua secevung amen tazua (aiuaiu a raljiz!)我們才剛完成就突然遇上八八風災!
-
qau ma..varungamen valisakedamen qatu caaucau itjen因此.我們很擔心害怕! 畢竟我們是人
-
tu sika cunuq azuatja nia kina sengeseng anga擔心我們已作好的受崩塌!
-
qau ru aminanga siyagi a sengesengan因為只剩下抹水泥
-
manu mare qaivuivu amen，qakitja kudai aicu atja kiyukai後來我們就商量，應該要怎麼施工教會
-
ayamen a maljavaljavar i kiyukai a mareka sinziya a taqaljaqaljan所有信徒與村民就在教堂一起商量
-
maya sa imazai sihua.. kaqiziyu，kaqiziyu aya tja nuamen a taqaljaqaljan同時政府又勸我們要所有村民遷村!
-
ljakua paljayang nua Cemas，ini karu makuda aicu anu kiyukai但.神賜異象! 你們的教會不會有問題的
-
ku tinaranganga， saka maya marekutj神說.我早已保守了，所以不必害怕!
-
ayazua paljayang nua Cemas tua maburusi神的意象透過恩賜啟發
-
pai ka masengeseng anga tazai sasav後來開始施工教會的外圍時
-
mavanania kinasengesengan taza nia (sinekaumaljan a drilisi)就是我們設計石版圖像紀念我們的遷移史
-
mavanania pinakazuazuanan tazua nia tinagiljan tua nia dindu就是我們經歷傳福音的起頭
-
azua pinakazuazuanan nua mareka tja sevalitan那些我們祖先所走過的
-
a mareka tia ciyurusang a mareka sinziya以及我們的長老還有信徒們走過的歷史
-
pai nia patjevavaven amga zua turi na masan kakivangavangan因此我們把這些歷史呈現出來，當做遊客的景點
-
turi masan makeljakeljang aicu atja kiyukai i tjavatjavang使我們達瓦達旺的教堂成為部落的地標!
-
pai manasika e.. na penaramur a paqulid a kiljivak nua Cemas所以上帝的賜福真的是非常超越的!
-
izuaza na matazua kinuletj， a sini pagaugav有這樣安排足夠的應許
-
a.. maru sini cacanga paqulid nua Cemas azua kiljivak i maza i tuatja kiyukai彷彿真的是神的愛傾倒在我們的教會
-
pai aicu uri qemacuvung angaken tuaku pasemalav在此將結束我的傳述
-
taicua nia kini pusengesenganan tuatja kiyukai這項我們建堂的工作過程
-
malevaitje a paqulid tua kisenai tua kiljivak nuatja Cemas我們真的非常高興神對我們的祝福與關愛
-
izainu atja valain a caucau我們人哪有能勝過的事!
-
ljakua nua kipaparangez itjen但我們若有倚靠
-
nu kiqauqaung itjen tua Cemas當我們祈求上帝
-
inikatjen sisalu ikatjena pasulivayan我們不會被拒絕調眼不看!
-
tjara silaing itjen tua kiljivak tuatja kisenai satja pagaugavi一定照祂的關愛和祝福應許我們
-
pai manasika aicu a sinika maqacuvung naicu a kiyuka因此教會能夠順利的完成建堂
-
kisenai nua Cemas， rasudjan nua mareka sinziya乃是神的祝福，也是所有信徒的團結
-
manasika na maqati aicu atja kiyukai imazai tjavatjavang因此我們達瓦達旺的教會才能被建立創造的!
-
ana maitucu a nguanguaq aravac是如此非常的美麗壯觀!
-
a mana sasazuananga nua pairang a pacun a kivangavang已成為平地遊客常來觀賞的景點教堂
-
aicuatj kiyukai i tjavatjavang我們達瓦達旺的這座教堂
-
kikenaya a pasemalaw saka maljimalji djavadjavai我就這樣的傳述分享，謝謝，辛苦大家
-
amin nuku pasemalaw僅此我的傳述。