獻殷勤

1.Nga'ay ho, Ci~Lo'ay ko ngangan nako morenos, pakafana' ho kako o maan korira pitapi' sanay a sowal no~mita o 'Amis/ Pangcah. Sa a pakafana'en ako ta matalahekal, ta mafana' to ko raremrarem, Nika rarocorocok no 'orip, nikasa sa talahekal han nako a pasifana' kita. Onini saan pitapi' pakamaanay a sa to kita a mafokil, o mato'asay no na wawa, o fafahiyan o limecedan
manengnengay to ningra kona kapah to kafangcal no wayway ningra, fangcal ko pinangan, sacifaloco' ko wina ato mama to sapakafitaw to wawa no tireng, a malakadafo kora kapah to fa'inayan. Naw han no mikadafo ko fainayan saan, awa ko caayay pikadafo, ano caay pikadafo ko fa'innayan i
ci caay pakasaparod ci pidah han no mato'asay ko fa'inayan itiya ho.


2. Sa, kailisinan saan toya a romi'ad, o wina no kaying ko cacitatodong a mipakayat to fafahiyan to limecedan, matiya sa i likowat no sakero a ilisin.
Manegneng to wina noya fafahiyan ko hiya a kapah, sowalen no wina ato mama korira a wina no kaying citodongay a mipakayat torira a kapah, saan toya romi'ad. A no malikowat to ko kapah masakero to ko kaying to imecedan, oya sa o wina no kaying misafaloco' ito, itiraen ko wawa ako sa kiyami korira a loma'. Saka mipakayat cangra caay kamora:raw ko pakayat nangra to toyanan a kapah. O roma sa a wina, a mahaen to ko faloco' ningra
ano cecay ko kaolahan nara, o roma tatolo sasepat lalima ko cifaloco'ay torira a kapah, sa ma'emin sa mapakayat i tira, cecay kakapahan tatolo sasepat kora i fati'ian mikayat, matiraay korira a hahangitan.



3.Kailisin sato, maherek to ko sakero ko likowat, toya romi'ad kerem to no romi'ad, mihepol koya a kapah to losod nira na masakero, o yasaan a fafahiyan mala'afas ira ko tapodo matatoyay ko cecay, o cecay saan ~ o telec, o cecay saan ~ o tapad, o tafolod no roma , ano tatosa sasepat
kora mialaay to losid nora cecay kapah a kapah, matiraay sa paytemek sa mitatoy koya fafahiyan. Toyanan a lalosidan, haw tayra sato i loma' ano awa ko miso saan ko wina noya wawa, toya awaayay caay pakaafas kira, matiraay sa, maraod sato ko herek no lafi' somowal toko wina noya a fafahiyan,
patikolen to ko lalosid no mialaan iso losidan noya kapah, hanira kora wawa nira, neng han kora a wawa, na awa ko faloco' nira kora a kapah, pa'araw nira ko mato'asay a miala ko lalosidan, maketer to ko wina toya wawa
katayra ! han nira kora wawa nira to fafahiyan a mipatikor to losid toya kapah.



4. Tayra sato koya fafahiyan i! caay ka deng cira cecay kira ko mialaay toya losidan, ira kono tapodoay, ira kono kayap, tafolod ko roma, telec,
o tapad paytemek samitatoy, ano sa'osi han tatolo tatolo. Sasepat sasepat tayraay toya dadaya a misalama, sa nengneng sato koya wina noya kapah ato tora kapah, hawhaw han to noya wina nora kapah, itiraen ako ko wawa ako tora loma' ano sa kora wina nora kapah i, sowalen nira kora kapah ko wawa nira to fa'inayan, ciira haw han nira, ano masamaan kora harateng nora fa'inayan i, cira ko hanako ano saan haw, sowalen nora wina nira caay pitengil nika sa, oya kaosi:an nira a fafahiyan i, i 'ayaw han nira a misera
ta~maemin malepon tona tatolo ka'ayaw ko kaolahan nira i, ora tatolo i'ayaw nira a mipanokay, ora sa fafahiyan tora kaolahan nira i, i ikoren nira misera.

5.Ta, seraen to nira kora pakaikor a fafahiyan i, i tiya to masasonanam to rira a wawa to fafahiyan o hatiraay, o hahangitan nira. Maraod sato ko mihecaan to saka moetep saka siwa a folad, kalaloodan, o pisaloma'an to no finawlan to loma', sa mipatireng ko mipatirengay, ano mifadic to fadahong ko mifadicay, matira itiya mitapi' to korira wawa to fafahiyan. O Ocoren no wina nira kora wawa nira to fafahiyan, misaloma' o loma' na ira,
ano o cima ko ngangan nora a kapah, kakatayra to han nira i, nawhan masasinanam to cangra toya kailisinan ho, tangasa kora saka siwa a folad to pisaloma'an.


6.Kalaloodan, o herek to no liomah koriranan a folad, na maherek maliomah, ta, laloodan sato misaloma' to ko niyaro' kira. Matiraay sa tayra to mitapi' kora fafahiyan tora～ a loma', ano o maan ko tayal nira, miladom,
misacacak, miasik korira a fafahiyan. Oya sa mipatikolay to lalosidan i, cifaloco' to ko wina nangra tora wawa i, ano cecay koya fainayan, tatosa , tatol ko mitapi'ay a tayra. Nawhan papaytemek ko olah tora kapah, ano caay sa mitapi' malasasowaen no loma', maolah kami sa caay katayni sanay korira sa mitapi' ko fafahiyan.


7. O limecedan a tayra tora a loma', ano o maan to ko demak, ano ira to ko kelang, o ma:an a demakan i ora saan a fafahiyan caay ka pitolas a tayra, alaen to nora fafahiyan panokay i loma' nira pa'alaw to wina ato mama
korira a fa'inayan, matiraay saan. Laheciheci sato to ko demak nora tatosa,
parakaten to no wina ato mama ko kayakay, patayra loma' tora fa'inayan. To matiya i, pakapolongen nira ko faki no loma' nora wawa, somowal toko faki i, hai sato ko demak i, ano hakowa to mipangiha tora fa'inayan, sa toko matatelek to sowal nira, a itiyaen ko romi'ad sato i, telek sato ko loma' i,
manga'ay to saan ko sowal nora paro nora loma', matatodong ito sato.
Sa matelek ngara kora caciyaw, pangiha sato koya ma...ya mato'asay
to rira a kayakay, tayra sato kora kayakay a mipanga'ay, hakelongen nira kora wawa to fafahiyan a tayra ta pa:lalan, ano caay palalanen, a caay ho ka cilaheci ko malodemak.


8. Sanay nira kora sa, alaen nira kora fafahiyan a tayra, sa matiraay ko
mitapi' hananay a demak. Ano caay ka pitapi', awa ko kafana'an no wina no fainayan kira, a onian aca ko kaolahan no wawa ako, o matiraay sa, a hai sanay to. Sa matiya sato ya kayakay i, hai hiwawa, tayniay kora wawa a mipadang a matayal mitapi' saan to ko harateng no wina ato mama nora fainayan. Sa haen sa ko paini no mako. O maan kora mitapi' a sato kita pakayraay, hatini aca ko pakayniay pitapi'ay a demak. Aray~

A~
1.好嗎!
住永福名字叫Lo'ay，我要向大家說的是獻殷勤，說明我們阿美族原住民，我要讓各界知道，讓晚輩知道一代一代的生活，所以我公開讓大家知道
這所謂的獻殷勤。大家都不知道是有關甚麼? 這老人家的孩子未婚少女，她看見了那位年青人的舉動很好，習慣很好，所以父母親有心幫自己孩子牽的緣，那個青年當女婿，為什麼男生要從妻入住呢? 沒有不從妻入住的，如果男生沒入贅
早期老人家說，無法組成家庭是個弱者。

2.所以，豐年祭的那一天，由婦女負責來幫未婚少女來牽這個緣，那時圍成圈跳舞豐年祭，這位青年早已被少女媽媽看好了。父母親就向婦女說明，向負責牽線的那位青年，如果青年圍成一圓圈時，未婚少女跳舞了，而那婦女開始想辦法了。那戶人家說把我家孩子排在那裏，所以她們牽線時都不會出錯，那些青年。
有些媽媽呢? 她的想法也是這樣，如果喜歡一個有時會有三個、四個、五個對那青年有心，所以全部都被牽到那裏，一位青年旁邊就會有三個四個牽著，這樣才
有跡象。

3. 到了豐年祭，圍圈跳舞完畢後，那天傍晚那位青年卸下服飾，而那些女生呢? 互相搶奪有一位拿到了包頭巾、而一位呢~是繫腰帶、另一位呢~是綁腿褲、有的是情人袋，如果兩個四個，拿那一位青年的服飾，這樣，所以那些女生各自拿著那些東西。到了家裡以後，那小孩的媽媽說為什麼你的沒有呢? 那沒有的因為搶奪不了，就這樣到了晚餐過後，那女生的媽媽說話了。把你拿的服飾還給那男生,， 這樣跟她孩子說，看這孩子呢! 對這男生沒心，只是做樣給長輩看而已
那孩子的媽媽生氣了，去! 他這樣跟他女兒說，歸還青年的服飾。

4. 那女生去了以後呢! 因為不是只有他一位拿服飾，有拿包頭巾的、有圍裙、
有的是情人袋、腰帶、有頭飾各自拿，算一算三個就三個。那天晚上有四個就四個過去那裏玩，所以那位青年的媽媽在那裏看，媽媽用耳語對青年說，如果青年的媽媽想讓自己的孩子歸宿在哪一家，就會事先跟自己的兒子說，就他唷! 這樣跟他說，就看那男生的想法。如果說我要選的是他這樣呢? 媽媽勸他都不聽，而他不喜歡的女生呢? 他就先他送回去，然後~如果前三個有他喜歡的呢! 那三位他會先送回家,，而那他喜歡的女生呢? 到最後才送。

5. 所以，就將那最後一位女生送回去呢! 從那時候開始去認識那女生，成了他的借口。那年10.9月即將到來，秋天，是部落全體族人要蓋房子，所以蓋房子的蓋房子，掀去屋頂的掀去屋頂。那時，那女孩獻殷勤(幫工)了。那女孩的媽嬤就派她去，蓋(ira)的蓋房子，就看那男生名字是誰? 他說還是去去也好，因為他們早在豐年祭就認識了，一直到九月蓋房子的時候。

6.秋天，那個月份就在農忙結束後，而農忙結束呢! 才，秋天到了部落開始蓋房子了。就這樣，那女生到那個家裡去幫工，他的工作是甚麼呢? 挑水、烹飪、打掃那個女孩。而那些歸還服飾的呢? 他們的母親也有心，那孩子呢! 如果一個男生呢? 就會有兩三個獻殷勤去那裏，各自喜歡那青年，如果不獻殷勤呢? 會被家人唸，說我們喜歡也沒來，就是要女生獻殷勤。

7.未婚女子過去那家，無論甚麼事，如果有宴會，任何甚麼事而那女生不斷的過去，帶著那女生到家裡給自己父母親看，那個男生，就這樣，他們的事情開始有結果了，父母親請媒婆牽線，到那男生家。從那時候起，那孩子將叔叔伯伯們請到家裡來集合，長輩講話了，雖然答應此事，就看何時去男方那打招呼。他就互相約定，就約在那時間這樣想，家人都約定了，家人都說可以，也覺得適合。
所以他們說定了以後，老人家就提了向那位媒人，媒人就過去提親，也會帶的那女孩過去牽線，如沒牽線，這件事也不會這麼快有結果。

8. 因為他這樣想，才帶那女生過去，這就是所謂的獻殷勤的事宜。如果沒獻殷勤呢? 那男生的母親也不會知道，原來這就是我孩子喜歡的對象，就這樣，好吧!
那時媒婆說，對嘛! 那孩子也有來幫忙工作獻殷勤，那男方父母親也是這樣想。所以我講解到這裡，有關所謂的獻殷勤，關於獻殷勤的事情介紹到此。謝謝~