那瑪夏的地名源自卡那卡那富族的傳說故事。

Kanakanavu tamna puraku patanganaiʉn mita Namasia kisʉʉn. sua nganai isi ia, niaranai upen mʉna miana nipatanganai Kanakanavu sua na nungnung isi. ’esi na masini tamna niarasinatʉ. sua niarupaca Nakasayana sua sinatʉ isi ia, 楠梓仙溪kisʉʉn. sua nganai isi, manasʉ niaranai kisaa mita Namasia misee. ’urupacʉʉn cu Pakisia tamna kari Namake kisʉʉn cu. takusavariʉn cu ’apaica Nakasayana 楠梓仙溪 misee. niaranai nanu sua nganai isi? mataarava masini, makai ka’anʉ pa katʉʉtʉa sua siatuturu.

soni tamna mungka kari. te kita poiisua ucani sua poiisua isi tamna ’ʉna. te pa tumatuturu ’una usʉʉpatʉ poiisua kari isi. matanganai / nungnung / cakʉran / katʉʉrʉpʉ. ’una ucani kari makasi. sua nungnung isi ia. nanakʉ kani. sua sarunai nungnung ia, ’esi na kinvaia mita, nguai sua Hia’aiua tamna to’unaa, ’esi ’inia. nguai sua ’esi Namasia tamna akini. ’urupacʉʉn Nakasiayana tamna kari ia, 老濃溪kisʉʉn. neni vanai sua nungnung iisua sarunai kisʉʉn? kari mamarang ia makasi, sua ’ʉnai iisua ia marʉngʉcai kani. imua sua canumu ia, mintasʉ muca. makai kani sasarunai tamna cʉpʉngʉ navicu’u misee. sua tapaicaa Nancʉ siensi ia, maraa taningning kani ’ʉnai isi. iimua sua canumu ia, ’apu’iarʉ ’apu’iarʉ muca. makai kani naannakʉ tamna cʉpʉngʉ taucʉng mataa maningcau misee.

’una pa kari niaranai na Kanakanavu tamna aracakanʉ. ’una kari in ’ʉna makasi. miana, miaa campe iaavatu nesi ia, cucuru ’akia kamʉcʉ cau ’esi nesi. ’esi na aracan Tepurake nungnung iisua. ’una ’inia niatumuru canumu. ’una ucani taniara. ’una Kanakanavu tamna cau maica ’inia tia kani aracakanʉ. cumacʉ’ʉra ’esi na niatumura canumu iisua. ’una tacini nanakʉ, ’esi sumasima’ʉ mataa tatia vutuukuru. vanai sii ’akia cau tarakanangʉ ’inia. ’una cau marisusuna makasi, niaranai kasu nanu, ’esi nanu tanasa musu misee. kesoni ’inia. koo pa masirupangʉ. makai ’una timanaa, makai nanaka iisua. Masia Masia misee. katʉʉrʉpʉ cu musikarʉ na canumu iisua. makatumuru cu makasia. marivivini ’una tia aracakanʉ cau mavici kʉna tia ’apakʉnʉ ’inia. nakai aranai meesua, ’akia cu cau cinimʉ’ʉra ’inia. pacʉpʉcʉpʉngʉ ’inia Kanakanavu tamna tia aracakanʉ cau. paira noo maica ’inia, mara ti’ingi kʉna pitakusu ’inia. pacʉpʉngʉ, tia kara maka’ʉna arapipiningi sua nanakʉ iisua? maamia sii, ’akia kamʉcʉ sua cʉ’ʉraa. marivivini ’una cau pacʉpʉcʉpʉngʉ sua kisaa nanakʉ iisua, Maisa Masia misee marisusuna. iimua sua cakʉran iisua, aranai meesua Namasia cu kisʉʉn mita.

sua isi ia, ucani poiisua cakʉran tamna nganai. noo maka’ʉna kita tarasangara ia, te kita poiisua urucin tamna siatuturu.
te pa kita tarasangai pui’i nusoni.

卡那卡那富族的部落地名稱為Namaasia。這個名稱是來自於數百年之前，卡那卡那富族人為此地的溪流所命名的。在現代的地圖裡這個溪流用中文標示為楠梓仙溪。很可能是來自於我們所稱的Namaasia用閩南語發音為Namakee，再轉換成中文那瑪夏。這個名稱是怎麼來的呢？到目前為止，似乎沒有一致的說法。

今天的文化小辭典，我們先談談第一種說法。首先提出四個主要詞彙：matanganai / nungnung / cakʉran / katʉʉrʉpʉ 有一種說法稱這個溪流是母的。而公的溪流在我們的兄弟族拉阿魯哇族所住的地方，也就是那瑪夏區的隔鄰中文所稱的荖濃溪。那條溪流為何被稱為雄性溪？老人家的說法是因為那裏地勢較高，所以水流也比較湍急，有點像男性急躁的性情。而楠梓仙溪流所經之處較為平坦，所以這裡的水流較緩慢，就像安靜與柔美的女性。

另外卡那卡那富族的獵人還流傳著一個傳說。據說族人遷入本地區時，全境尚無其他人煙，在靠近Tepurake地布拉蓋溪附近，原本有一深潭。有一天本族獵人行經該處，在深潭中見一年輕女子正與大魚喜戲，因族人無一認識該女子者，有人大聲問她從何方來、住哪裡等？但是話未問完話，該女子即潛入水中不見了。數次見面都如此。後來有獵人曾攜帶食物想給她吃，但是從此以後就沒有人再看到她了。本族獵人懷念她，每次經過該深潭的時候，都會拿一些食物擲入水中，心想那女子會不會出現？可惜！什麼都沒看到。後來有族人猜想該女可能是來自瑪夏之地的人，所以族人就稱此為那瑪夏溪。

這是第一種說法，下一週我們再談第二種說法。