年齡階級職務分工 使豐年祭順利進行

zau lipay nani, ngid iku paqesupaR timaimuan tu waway niaq. paqesupaR tu zau qenabalang zau damu na, zau qatabanan ti, pitasawan kebalan nani, qawman melaut qatabanan qaya. matiw ti ya zau sabasabasayan niaq ta kikinilan ay damu na, kudis. paqesupaR tu zau lanas na damu, qataban pa ti, zin na semanu timaimian.
nazau qadamuan na zau 'nay pateRungan qataban nani, qazuan na zau masang ay zau zana sabasabasayan zau, zana sabakes ay zau izip na, sining zau mekaway ay tu nazau ay lanas. maqezi ita nazau utani tasaw na zau zana sabasayan, qaniyau pasaya tu zau saqizuanan na meqataban ay, nazau ay kelawkawayan ay seRay salekiawan na sayza, nengi lanas ya sabasayan zaniaq zau, sikining ay zau mekaway. titan ta zau nininguan ku tu zau zana qataban na kebalan.
qataban na kebalan nani, mai sasetaR tu zuma ay Raqit. qinunungan na tu masang ay waway, ya pusia seRay metiyu mazas tu zau Raqit ta zau siangatuan na qataban, temunuR tu baqibai tu qanengian. ta ngayawan na qataban nani, paqesupaR ya zau pusia, temuluz tu zau nengi ay, sabakes ay izip na sining, mekaway ay tu lanas zau, paqesupaR tu zuma ay Raqit. ta damuan ay baRqian nani, yau ti ta siwRatanan, melana tu temanan ay zau sabasabasayan.
izan na tu zana masang ay sabasay zau, mekassa tu Rakelawkawayan na. azuan na tasaw na zau, mekassa tu Rakelawkawayan na. paqangi tu zana qataban ay, nazau ay sasangian ay zau qizuanan. pilay ya zau patutud tu sikawman ta ay, simkaway temud tu tateman ay sunis, sinanam satezay sayza, salekiaw sayza. mesalekiaw, satezay ya sunsunis, qalilizaqan taytan.
ya zau susunis ay zau sining, pasinanam tu zau satezayan, melabu ay meniz Raqit. matapun qaya satezay ta 'nay qatabanan ay deddan zau. salekiaw, satezay qaniyau, azu zana masang ay qataban na kebalan.

這個星期我要讓你們了解我們的祭典。告知附近的部落，豐年祭的時間到了，一年一度的噶瑪蘭豐年祭，請再來參與。我們的青年們去到附近的部落，立德。報訊息，我們即將要舉行豐年祭了。
整個新社部落動員舉辦的豐年祭，是依循著過去的年齡階級，由身體強壯的青年負責這個事情。大家根據青年的年齡，由他們來籌備豐年祭的會場，諸如此類的工作以及舞蹈。我們的青年很會做事，所以由青年籌辦。我們來看我紀錄的噶瑪蘭族豐年祭影片吧。
噶瑪蘭族的豐年祭，與其他族群不同。是遵循著過去的習俗，由頭目及祭司帶領族人在豐年祭開始前，向祖先進行祈福儀式。在豐年祭舉辦之前，頭目會告知、派遣身體健壯的青年，負責這件事情，報訊息給其他(部落)的族人。而在部落裡的耆老則會在聚會所中，等待青年們回來。
如同過去的年齡階級，各自進行分工。年齡相同的，分派各自的工作。籌備豐年祭的各項事宜，就這樣建置會場。教授我們族語的老師很辛苦，負責教小孩子們，學習歌謠以及舞蹈。孩子們在唱歌跳舞時，看起來非常可愛快樂。
比較年輕的青年，帶領來參加的族人學習歌曲。也讓大家在豐年祭當天一起配合歌唱。他們一起唱歌跳舞，仍然如同過去噶瑪蘭族的豐年祭。