生命信仰生活｜口語語料｜原住民族語言資料庫

alapelaelaa sa tawkela ku hukungi kayki cekeleta Auba

請您述說,當福音傳到我們Auba部落時,

ku tathingalanesu ikayki takisusuanesu .

您信仰所知道或所經歷的

ku tathingalaneli kudra wadingdu kela kay Aubala, lrikayaku kaw tara banate ka caili,

據我所知,當傳福音的人來到Auba部落, 我差不多九歲.,

sakela la makakay ki tiatinaka ka Sirigu, dane ki tayTaetare,

來的時候是到Sirigu ina ,就是潘源市的家

wathingalaku kwni, ai kainaku wathingale luka mingkuku ka caili,

我知道, 但我不清楚是民國幾年,

lrikaiyaku ku tara bangate ka caili,

我差不多九歲

sa tawkela makakay ki tiatina ka Siriku ku tathiingalaneli,

在我的記憶剛來的時候是到Sirigu ina那裏

satakelanga kay Auba, sakelakwini wadingdu Auba lakisusu kay lama, abilrili nay

福音傳到Auba,傳福音的人來時,我父親他們就信主,我們是後來的

kaynaku kyathathethethengete si lakay naku ngulringawnga ku drumane wathingalaku lrikayaku kau bangate ka caili

沒有太去注意很多的事情,所以不太記得前面的事,我只記得我差不多九歲.

sakela kwini wadingdu kela Auba, sidingdingdu kay tiatina ka Sirigu,

那些傳福音的人來到Auba, Siriku ina 也在傳福音

sa ikaynganay ki dane ki tay Piagare

遷移到林岡榮ama 家聚會

laasicezi ku ama, alatupapalranga kay laina, ala kisusunganay ka wacekecekele ,

我父親就當了執事,我媽媽也跟著信主, 我們全家也都相信了主

sa ikaykayyana kwini(amaniki tay Piagare)

還在那裏時,(指Piagare家)

pakeakelaku kwini kainaku pwalringlrungaw demedeme kwini ki cucubungu,

我只記得這些,前面的事就不太清楚

kwidrasa arukadrawnga nay, tadradrawnganay si kipelrelrenga ki Kiwkay,

我們稍微大一點, 我們長大了也參加了教會服事

ikaynga kay Kiwkayta(amani kay Kiwkay kai asasaane)

我們的教會遷到這裡的時候(指現在的教會)

saikayyana kwini lavavalakeana nay, kainay wamwamua kwini twatumane,

在原來聚會的地方,因我們還小沒有去那裏幫忙做事

sa ikaynga kay ku Kiwkay si kelanga ku sasiakawlu ki Twaumase,

教會遷移到這裡, 然後上帝的僕人也來了

kunay ki kaka ka ababai, law amanisa dethemadu ki Kiwkay,

我和我姊姊,可能是因為我們離教會近,

kwini tathingalaneli ku tatuatumananenay kayKiwkay,

依我所知,我們為教會做的事

ailu aswala ku palrapalra nayane swape , ailu aswa kupalrapalra mwalru,

怕別人會先到教會掃地或別人先到教會去提水

ailu aswala ku palrapalra malra ku asinavane,

別人會先到教會拿要洗的衣服

amia kwidra kidramedremeli kwini,

這是我個人的想法

laka swalalalanganay mwa swape, alakelanga ku drumane kwidra lawasuape,

所以我們都領先至教會掃地, 要掃地的人後來就到

paiaianay kwini ku nadruma ,

以前我們都是這麼做的

lukadrihay , lakamaninay ku tara pubengellrangelraynay, wadadavacemadu ki cekele silape ku bengelray,

禮拜天時, 也是我們負責插花, 我們走到部落找花

ipubengelraysu ki Kiwkay kainay masudralrualrualru kwini,

要插在教堂裡 , 我們不會互相依賴

ngiakakamani nay ka wakawngu ka lamayiali

我們女孩子都主動服事教會

mwalrumadu lukalyalyare puKiwkay

清晨去提水送到教會

walripethelemadu ki bukusi ki dingdusi, inilringa lu kadrua taelrelrelini

要清理牧師(傳道師)館,尤其是沒有師母的傳道人

wa aganay, wa sinaw madu, laikay madu drangalrungalru pukisikisiane madu ,

要煮飯, 要洗衣服, 要在那裏等傳道人吃飯,要幫他們盛飯,

lumakakaane lasinawmadu pakademele alautavanane, paiyanay kwini,

等他們吃飽,然後整理乾淨,才可以回家, 我們都是那麼做.

anaw kilalra ku sa icengeceng numi,

我怎麼聽說,妳們年輕的時候

sakadruana ku pawmu, amani ku tarasangililuku,

還沒有保母的情況下,都是妳們在帶領

ki lavavalake bulrubulru ku lasenay siki layacengecenge ,

主日學及青年團契教唱詩歌

unu, anumiya manemane ku athingalane nay,

是的;其實我們會知道什麼,

amani ku kaka ka ababai, malrigili seasenay,

是我姊姊,她很會帶唱

amaniku tara paseaseasenay pathagili, pasaruburubu ki lavavalake,

是她在開始前,會帶動唱詩歌, 也會招集小朋友

kunay ka layacengecenge taiya,

及我們青年團契

amni ku kutara sangililuku kainaku kamani, amani kwini latakatakataka naiyane,

帶動唱詩歌的不是我, 是那些比我大的姐姐他們

katara sangililuku kwini lawaseasenay wabulrubulru kayki lavavalake,

在帶動唱詩歌,也在教導主日學生.

sakarudrangenga naku, kyasikawlaku bulru ki niciwgaku,

我結婚後,才開始教主日學

ai, padalrwaku kwidra mwapairangenga nay, padalrwaku bulru ki niciwgaku

但;我教沒多久,就到平地去了,我教主日學只是短暫的

ai amaniaku ku tara katwatuase kaigi tarudrusa ki kaka ka Tuiyuku,

但;都是我在出去參加開會,和我的表姊杜昌玉

amaninay maali ku tara katwatuase kibulru,

也都是我們兩位去參加講習

amaninay ku wasikining ku sakibulruane,

是我們負責用教具

amani nay ku tara sangililuku, kaykinay asingsi nay ki niciw gaku maali.

是我們在帶領,我們當會計也當教員

sa kuciw singsinga kay Wangwangciuru wabai nay ki Takaw ciwru ku kayki , ,

王萬吉長老當主日學校長時,我們才把會計的任務交給他,

lasingsi nay ki niciwgaku ka lamaali,

那我們只當主日學教員

ku lakaka amani ku tara bulrubulru kisey, tadrusa ki tina ki (明貴)tarabulrubulru ki senay,

而我姐姐負責教唱,和明貴的媽媽.他們在教歌

sa icengecengeananai, kai nay masudralrualrualru ku atwatumanane,

我們年輕時,任何工作(服事)我們不會互相依賴

amaninay ku marasiakaikay ki sasyakawlu ki Twaumase tasikacanelini

是我們負責照料上帝僕人的生活起居,

ki la dingdusi ki la bukusi amaninay ka siarapale,

無論是傳道人,或牧師都是我們在照顧

asiluiyane kwidra wadethenay Kiwkai,

因為我們靠近教會嗎?

aneane ku lri aswala nayyane, amaninay ku syarapale liniane,

誰會領先我們,所以都是我們照顧牧者

pakelasa karudrangenga ku kaka si katwsenga

一直到我姊姊結婚,離開部落

yasadranay ku asirapalane , kwidra takalranga ku lawmaumase,

才停止照料牧者的生活, 也因為有更多人做事

saubalrithinga nayyane, wasingkiwnga kulrituatumane Kiwkay,

換我們做事 , 也開始選舉教會的幹部

kay akatwasane dingdu, kainaku lriasuru,

至於出去傳福音, 我不會留下

lu katwatuasenay tamuinu dingidu luiya, tara tupalraku

大家說要去哪裡傳福音,我一定會參加.

amaninay ku aswalala asingzya, makecengenay kainaku amia,

我們是前者信徒, 我沒有說我們是很虔誠的信徒

kiasamulanay tuatumane lakathane , kiasamulanay kainay lrimakaiyakay sasingkwan sapukwaneenay ,

我們只是做事認真,做事認真,我怎敢說我們信仰敬虔,或說多有能力

unu, maulainganaku takisusuneli kainaw pikakua iyai,

我不能這麼說,為何我雖然信主很久了

ai; kainaku kadaliana kwidra ki lavavalakean ku singkuki palrapalra,

但;我的信心還不如剛信主小孩子,那樣的信心

ai;kiasamulanay turamurun ku igaiganeana,

但;我們以前非常認真

kiasamulanay turamuru kay awngane Kiwkai,

對教會的任何事務,非常盡責

kaakingkingane ka sanaka awngane, kiasamulanay turamuru,

無論是奉獻金錢,是任何服事 ,都是盡我所能

ikaynakuane ka tangeangea idulrwaku kyasamulaku iya,

依我個人來說,我可以大膽的說,我很用心做事

ai kaynaku sapukuanaku kainaku amia

但我不能說,我很有能力

makecengaku ki singzia kainaku amia,

信心敬虔的基督徒

kiasamulaku ki atuatumanane Kiwkay, kainaku lryasuru ki atumananenga

教會的工作,我會認真的把它做好, 也不會留下不跟著去工作

lu mulrawlrvaau, sanakatumanane ka aungane kainaku lryasuru,

出去賺錢,或做任何事,我從不留下來的

itara ikaiyaku tupalra kwini, ai kainaku amani kwidra sapukuane,

我一定在其中跟著去, 但我不是那個有能力的

sapuanaku makecenga ku ki takisusuane, kainaku lrimakaiyakwini,

不能說我是很有能力,信心堅定,不能這麼說

kainaku kadalidali ki palrapalra ,

我真的是不如別人

kudrumane ku awngane kainaku lripakamani ki palrapalra,

其他工作,我不會讓著別人

itaraka swalalaku twatumane , ani ka amwalruane,

我一定在前面, 即便是要去提水

ka asinavane ka alripethelane, kainaku lriabilrili ki palrapalralri,

是洗衣服,是清掃環境 ,絕不會落在人後

paramiya kwini ku takawnganeli, saikaiyaku balriw ,

我是如此做事,那是我還在原鄉的時候

pakela ku takatwasaneli balriw, paiyaku kwini,

一直到我離開部落, 都是如此,

lu katwatuasenayamyatakay lringuthainuta ki paysu,

在我們要出去賺錢 ,大家說要賺多少錢,

nimakapialane ku abadhaneta ku akingikingane ku paysu lritara tupapalranay,

要奉獻幾天的工錢, 我們一定會跟著去

taru drusa nay ki ina mulrawlrau

和我媽媽一起去賺錢

kudra tapakathane makapiale lribai pakathainu ku kingiking,

說定要奉獻幾天工,一定會給

lay pianay kwini Kainai lriasuru, pakaina0y ki kwini,

我們是這樣做,不會留下來,為了教會

kay katwatuase nay dingdu ani mwinininu lriitara muaku,

出去傳福音,不管去哪裡,我也一定去,

kwini mulrawlraw numi kwi paysu satuKiwkadhane,

你們出去賺錢,所奉獻到教會的錢,是要建教會嗎﹖

satukiwkadhane amiya lakamani kwi mulrawlrawnumi kalamalyali

他們說;要重建教會,你們女人要去賺錢,

kay lripatarumara nayyane ka sawvalai ka lrikawngu amiya

給我們這些要建造教會的男人(指用來買建材)，

lakatwasenay ka latarudrawdrange ka labaibai mulrawlrau,

老人家以及女人就出去賺錢，

ngualay ki atuKiwkadhane makanaelrenay mulrawlrau,

為了建教會全體出動

kiasamulalringa kay nataruarudrange ku nadruma,

以前的老人家真的很認真,

kwidra lapasapukuane maduane ka lavavalake

他們會激勵我們這些孩子們

watumane sanaiya ku kiyacapili makanaelrelreelre madu

只要教會幹部吩咐要做什麼,全都總動員

kadrua ku masalrasalrai matwase makanaelre,

沒人會偷懶, 全都會走動工作

matuasenga makasaelre, kwini lakyasamula amani ku tara kawaungu pasikay ki Kiwkai

他們都走了,那些很認真為教會工作的長輩們

makanaelrenga kadrwanga lu kidrmedremaku, kay nay tapianga ka yakyyana,

我想,他們全都不在了,我們沒剩幾個了,

kunay ka yakayyana amani nay kwidra taturawrawramuru ku takisusuane,

而且我們剩下的也都是信心軟弱的一些人

lakamani kwidra Kainay pikakua ngimiaiyanay kwini Kainay makaiya,

所以我們無法說;我們是信仰如何或怎樣

kwini kiasamulanay ki awngane lakakathane

只是對工作很執著,很認真

lu katwasenay mulrawlrau adravane karicing ki angatu sya ludunay,

我們出去賺錢,我們連樹枝,都要去撿,

latuzasumadu kilangai madu lapu Kiwkai madu,

將樹枝折斷, 然後一小綑的綁起來拿去賣,

yakailu alranay pukiwkai kwidra akawngane, lawamadu lrupici piyaiya kwini

有時會將那些還要整理得拿到教會,然後大加一起來整理

zasu amyanay kwidra satuapuapudhane,

zasu 就是用來生火用的樹枝

lakatwase kilangai kwi sapalridingane

那些有牛車的就載去山下賣

paiaiyanay kwini ku nadruma, kwidra takisamulane,

以前大家就是這麼樣的認真

asiluiyane kyasamula kaytarudrawdrange,

因為老人家認真

Kyasamula latupapalra madu kisamula ka lavavalake,

他們勤勞,我們這些孩子們也跟著

sakatwatuase numi papiapia kavai sungaw dingdingdu tarapyangasu ku cayli？i.

你們前往布農族部落傳福音時, 你大概幾歲

lrikaiyaku ku tara mangeale si pitu valru kacaili,

那時我大概十七、八歲

sakatwatuasenay dingdingdu ngwakaynay Sungaw,

我們在前往布農族傳福音時

wa～kwlrinay kadrua ku didiwsa kadrwa ku utubay

哇～很累,因當時沒有車子,也沒有摩托車，

ladadadavacenay takamawnganenay dadavace, palraingi sakerape ki kadadalanan,

我們走路,而且連夜走路,我們摸黑找路

kainay wathingale ku kadadalranane ku tangukaykyyane,

因不知道該走的路

kaidu wamwana kwini cekele, langudradrakerakerakerale nay, capange ngukay kai madu thingale

我們沒有去過那個部落 ,我們走河流 ,隨便亂撞,不知道路,

ai; maelanenga kiTwaumase, wailuku nayyane padaruru kwidra amwanenay,

但; 感謝上帝,祂引領我們到達我們

kwidra angukayane lakadadalranane, mathariri si langukainaiy

當走的路, 那條好的路,讓我們走

yakay lukamaungunga ki ziuicizi wadarurumadu kwidra amunenay ki cekele,

有時我們晚上11點才到達要去的部落

lapalsalaladhanay kwidra lringulalakeseta amya, lapalsalaladhanay,

我們順服,因為說要參加朝會,我們就順服

wasenaynay wayugi nay, inilinga kwini wasangililuku nayyan,

我們獻詩歌,獻舞蹈, 特別是我們的帶領者

Twaummase lringa ku wasangililuku kwudra tangivelevelanenyi,

上帝真的帶領我們的路程與所有服事

Kainai mwadreadreke, kadruaku matummatumane naiyane,

我們不會跌倒, 沒有人發生事情

lukatwatuase nay piya kwini takawaungane,

我們出去這樣服事

kainay arakaykay ku paysu ki swa kiwkay, ngiasasipaisunay, ku sarakayyanenay ngivelevele

沒有在用教會的錢,我們一切的費用,自己陶腰包.

kainay makalra ku paysu ku matiakuru ku swa Kiwkay,

我們怎麼跟教會要錢,教會窮啊！

matwatuase nay kipaisisu ,

我們事出去賺些錢

ngiacacilrinay ku zikange nyi, lriimaka pialeta luiya makapiale nay,

我們犧牲自己的時間, 出去時,說要幾天就是幾天

lukatwasenay, takawaungane madu dadavace,

出去的時候,我們都是連夜走路的

laitumane madu ku kawngu madu pasikay ki Twaumase,

那能怎樣,我們是為上帝而做的

paiyanay kwiini ku nadruma,

以前都是這麼做的

kadruanga makanaelre ludrelaku talisakathanenga kay Taruvale ku lavavalake

現在都沒有了, 我看好像剩下葉安生,當時年紀較小的,

ku twapapapalra nayyane, kwidra lavavalake ku twapapapalra nayyane

會跟著我們的, 那個會跟著我們的小孩子

talisakathanenga kay Taruvale ludrelaku, yakaiy ku Inazulu, kaitwapalrapalra kay Inazulu,

很像只有葉安生了, 增智齊有在, 但沒有跟著我們去,曾智齊沒有跟著去,

ku Deresai yakayyan ku Deresai, papapalranay kwini dadavace papia Sangminggu.

鍾美妹有,我們一起走路前往三民鄉,

ainuku didiwsa ku nadruma, lakakalisiane ku kadalranane.

以前哪有車子 ,馬路也很危險,

laneane ku wasangililuku numiane, Bukusi Dingdusi,

是誰在帶領你們,牧師還是傳道人,

Dingdusi Kavaisange, laka Takau ku kayciw nay ka sikatai,

岳大山傳道而王萬吉是我們聖歌班的會長

kayciw nay ku Takau, lakai thiace ciwkukane ku Dingdusi nai,

我們的會長是王萬吉, 我們的傳道不會說國語

lakamani kuTakaw , maelanenga ki Twaumase,

都是王萬吉,感謝上帝

wabai ku lrigilane dridripungane ki Takaw sikiw,

賜下可以用日語傳福音的智慧給王萬吉,

malrilrilrigili dridripungane ku naiTakau, ku kaiwathingale ku Dingdisi nay ciwkukane

王萬吉很會用日語講道,因我們的傳道不會說國語

lai thingale ku tarudrawdrange lu ciwkukanane, la aradridripungane ku Takaw sikiw,

老人家哪會聽懂國語,王萬吉只好用日語講道

kwidra tamuane nay ku kiwkay tay tulru ku Kiwkay ku tamuanenayi,

我們去的教會,有三間教會

la dridripungane ku Takaw demedeme lu sikiw,

王萬吉豆用日語來講道

sa ubalribalrunganay lakivaganay asukalrigili,

我們要回家時,我們問他你怎麼會講道

wa～patengane, Twaumase ku wabai nakuane ku lrigilane laiya,

哇～真的,是上帝給他智慧

lanay tutuatumaneta katuase pelaela ku vaga ki Twaumase, kaimakulrungu kay Dingdusita amia,

那我們怎麼去傳揚上帝的福音,我們的傳道不會

kwini amani ku Kavaisange papapalra nai ku Dingdusi nay,

當時是岳大山傳道跟著我們去傳福音

sa katwatuatuase nay papia kwini dadadavace ,

我們往那裏(指三民鄉)傳福音時,

lakakulrungu ciwkukane malrilrigili kay Takau

他不會說國語,王萬吉比較會,

Dingdusi lakia ku Takau kamani , kwidra amani ku tara sikikiw , Dingdusi lakia kwini,

王萬吉都被誤認為他是傳道人因都是他在講道, 就以為他是傳道人,

lu kidremwdremaku anaparamiana kay ku takawngane nay

我現在想,若我們現在還是跟以前一樣做事的態度,

ku kisamulanenay paramiana kay asasanenga amiaku,

認真的做事情,如果現在還是那樣

ai; kuigaiganeana kadrua ku tamulrawlravane, kadrua ku kuba,

但;以前沒有可以出去工作賺錢的地方,沒有工廠,

yacekele madu kawaunguta ku kuzingane, lamani ku ikay ku zikang, ,

我們都在原鄉(部落),工作也是自己家裡的工作,

nay kamaninga kay asasanenga, nayka kadrua ,

若像現在一樣, 也沒辦法

lukidremedremaku kwinila sapathagithagili nay tuKiwkai

我回想開始建造會的時候

sapathagithagili nay , miaiya kwini ku tawngane nay ka sya swalalane,

開始建教會時,我們事這樣的辛苦與認真的做事

sakiasamwamula ki tarudrawdrange, lakamani ka piyakwini,

因為老人家的殷勤工作, 然後教導我們要如何做事

piyakwini amiamaduane, lakatwasemaducilri ku awngane madu si

他們叫我們去做我們能做的事,我們就將原來在做的工作.

bai ki tarudrawdrange kwi awnganesi, lakatwasemadu pia ki kwini ka yacengeceng,

交給人家去完成, 我們年輕人就去完成要我抹做的事

anakay ka sakiasamwamula kimarudrawdrang madu, sapawbangalre musuane pakatwatuase,

若不是我們父母親自己如此的犧牲,勤勞,怎麼可能答應妳一直出去,

nayukucingalre ku awngane madu mia, .

也會重視自己家的工作齁！

naitukucingalre kuawngna madu, aikwidra kiasamula, kwi tarudraudrange ku nadruma,

會重視自己的工作, 因為以前的老人家態認真做事

matiasamaymali kwidr latiatina ku sakiasamwamulalini.

特別是那些婦女非常的勤勞,

tapangale kwidra latiatina kwidra kyasamula turamuru napapapalranay kawngu ,

很多非常認真工作的婦女跟我們一起工作.