達魯瑪克傳統路跑bekase 競賽 (sanga 第一名)

konako ka kai Laravang ka siya Baro wako

si kikai akawrivaneli ka, athorokai ki bekase niya, kotaka ngwdradrekai olavinga

twalai ko nadroma kikai bekase ka

eene, konai ka lavalakenga ka, kanai wacecele kwnadroma taiyaya kwdra bekase ka tatomatomana si.

kikai takilralaneta kaiyasaka, lo bekase kwnadroma ka mwatiki kwadra kaelrea.

la~~lo kawkaw si davace thibolai ka kodra aswala ka aswalanga, kadrwi makalibate kodra ki takececeng niya

si kodra takececenge lro abi~~bilili dra aswalala locecele lo toramoramoro kwdra aswalala wakawriva ailibatako moswamiya si

lo kaikiyomaw alibate koadra aswala ka kadrwi libate sakainino kaivai amiya .

si la lo mwacaicayli mwacaicayli ka miyainiya si yakai twaramoramoro kwani aswala, kodra takacencenka totamiya dra（yainioko改yainikaoko） kadrw sababababanka si.

la mobalisi kaivai easangasanga mawbaebaebalisi kiya sangasanga.

si kikai sanga niyaka taikalra kaiki yaili yaili ka lravai ikai ki cekele

kiyatokocingalre ki cekele ki sanga

la kakalra kai mwsitwatoma lini ikai obola makalra kai abere.

lo kai amani kai sanga ka koadra wdanodanono kela obola alibolo dra masitwatoma dra cekecekeleta dra retesaneta ka

amani kai cekecekeleta kwdra aimatikoro lamanikai kai sanga nitokocingalre ki cekele niya

kai sanga niya ka taikalra ka yalini ka lravai kai sanga sasiyakawlo ki cekele amani tara alriboro ki cekele kai sanga

asiloiyata ka ko nadroma ka wathingaleta kikai e lo kaladraidraiza lo kalacangecanga kadro odawdale taraiya ka dramare.

la ikai koadra ki moriyo odale niya asi ni ikai ko moriyo odale lwytaka， loikai ikaika marodrang amwa malra dra obolo la langderesai

la atwanaw aini odale si la! la kaivai amani kwdrakili e aodale kikai ki yata ka salwi , kikai e saodroliyanta amiya kikai yata ka taleke ki manemanenga.

lokai twalai niya si la thingalenga kai cekele lo kalacangcanga lakai odawdale ka taraiya ka damare ka

la irobo kai cekele e masoso drai yowa moriyodale

si lo moriyodale ka wailinga lasngengasngenga kodrai aswala mwamalra dra langderasai si mailoko dra odale kela mwbaliyo

tara e tara kadw kadro danodanolo kaivai wa amwamwa moliyodale mayli lo takilralali ka misa anivale kainganai iloko dra odale.

lowamala dra langderesai laka kwadra ememe ka akase dra kadralremadreme si la kirokodro odale si kodra amalra dra odale lai maka kawkaw molraodro lrabwale.

kadrwa alibate kabaliva amia la~kiadali dra odale la siyoli kodra odale ko nadroma.

sa ikainga ki cekele mwlraodronga ikaikai e cekecekeleta kai laretesaneta ka nadroma yakai kabaliva sa ikai ki cekeleta ka

ikaiki ta tabekabekasa ka lo caicayli ka wa iyaiyata kalabecenga e ta'asalisiya niyaiya bakase si

kikai ka bekase niya ka awawdare'e dra amanidra ki aliboro mita ka cekele waylri dra takececeng

kwdra sidramadramata ikaiki cekele kodra amaika aliboromita ka cekele sasiyakolo ki cekele kolini amani kodra ki wasiyacengceng（kiyasikolo改kisikaokaolo）.

lokaika kodra abere lokaiki alibola cekele ikai anatama cekele ki amanemanenga.

lawa amani kaiki ki amani kaivai sanga niya ki wwa waaswalalala amowa alibolo .

asiloiya ta kai sanga ka kadroi mwakesakesa makecengli okolini makeceng kwani yaini ka bakas.

la kalalekate danono danono si alibolo mita kasaka cekele kai sanga niya .

sika kiyasanenga kaivai asangasanga la ka e lavavalakenga kaiyasa ki taiyaiyalini ka kadrwa amalanga kwnadrwma taiyaiyata talrabwabwala .

kai lavavalakenga kaiyasa ki talrabwabwala ki asangasanga e asanga amiya si katha si

la kadrwanga kwdra iya likwdranga ki atomanalini

asiloiya ta ka yakaikainga ki latwlravaza latade kikai ki tamora aisisoa kai lavavalake si.

sana molrodos ki yata ka taasalisisiya wa tavaca maovakavakai kai lavavalake mwadra yaini ka tatolravalravaya

si kaiva e sanga lo lrabwale kaiyasa ka la edreka kai talrabwabwalalini

asiloiyata ka kadrwa wacwkoaini e iya kirarokodro atwala ki kinawmasa e akakeceng ki kinomasa

kiyalraw konadrwma ka sa yaina ka alrakwa ka yakai alrakwa kai langothabara kilavalava drakisikawla kilavalava dra alibola cekele.

konadrwma kai langothabara si la kalalekete ikai kwdra ki yalini ki ka vaiyana mwa kicakwa akakeceng ki yaini laoko'oko kinaomasa. . 過去年輕人才有自己的時間鍛鍊筋骨和身體

lo lrabwale lakai kwalri lakai kidrolro la talrabwabwala kwnadroma la mwadayli mwadayli kwtalrabwabwala ko nadroma. 跑起來就不會累覺得辛苦且跑更遠更遠.

kiyasa kai talrabwabwala ki lavavaleke ka araramawnga dra talrabwabwalra kwnadroma

ya! asanga kwani amiya si katha si lawirobo dra e daane ta sanga si kaeaeraw si ango taletaleke si katha

kaivai taiyaiyata la matia taolra lo kai sawlri taiyaiya kwnadroma.

kaiva sanganiya ka koadra amala dra e sanga ka wabaai dra bakasahare si katha kaiyasa.

kwnadroma ka e lrokai sonagane dra sanga amaniso kodra ki e amaniso kwdra ki watangadra ki cekelre ka amani ko alibolo ki cekele iyaiyania ko nadroma kikai sanga nia.

lamani kai e kiasanenga kai lavavalake laka kadrwangakw ki ceceleta kodra ywwa ikai cekelre alibolibolo ki cekele

kadrwanga kodra ki kisikawkawlro ki cekele kiyasaneka kai nge lravavalrakenga

問：sa asangaso ka iyakacailiso idra, 答：sa asangako ka tara so'ate ka cayli.

mwliyoso nai dra aiya kwyai tamalakaw si aiya balrangao dra samovagaiya dra kaelrea si kainganai siyolri.

lo kelangaita si e angitrikolrota kainganai siyolri ka kata wa makacele sasoaya lo celeta.

si alaingita ki kaiki niyaketa wa yakai kodra tamwaneta e akakececeng lovaya lovaya kikai kinawmasaneta atwalaw ki dra'aleta

la kalareketeta lo lrabwaleta la kadrwa ki takwaliyaneta masasorota kainganai lamani ki dano danoneta

kwani kadro danodano ka kidremedremeini kwani e twaramoro

lo ikai alrakwa kodra loi bekase ka e lo akicakwa nomi aai ki la kinaomasa nomi ?

walaisi ko nadrma odrava kai acilay walaisi si kodra la morodraodrangeta ka waragele mita, ikai daane si la sarare si.

yakai lo e wata kiboli kwane yakai lo e kakoromita ka ya awamwa mita wdaane si la kalalekete e kwanena sa bekela sa aga.

si konadroma lo e koni agaaga lo kanetalaka kata kanekane dra tholake.

waragele aiyaga kiyasa si lay odringai ni kaneta lozanga lozanenga dra aga kadro aka'akane mita dra tholake kwnadroma

kodra kiaelrelre bekase kalalekete kiaelre wakialangenga la daroarodang haromarodang wakiaelre bekase?

kwnadrwma ka nakowacele sa dra kialangenga daroarodanga kiaele bekase

langothabara si katha kai wabekabekase kwnadrwma

saikaiyana kwdra alakwa lo bekase ka yarorobowana kwdra langothabara lakela kwadra owamarodang ceele si la kawrivana soso la langothabara

si lo kawrivarivakw langothabara kodra taroarodang ikai ki alrakwa ki langothabara masiyoliyolithi

kadrwwana le'eng kawriva kwadra marodang kwada mwasakadrosa mwasakatolo akrivavia ka sana kawkaw ka davace kai langothabara thibolai davace thibolrai labwale.

kadro iya molodoso koadra kaorivariva kawkaw kodra omarodranga lra davace thibwlrai .

nikai koadra salaisi nia manema acoga kwdra salaisi?

kodra salaisi ka iya mwabaisinga kai langothabara ki ta laisa amiya.si la awdrare'e sa salaisi angwbaisa amiya mita

kikai salaisi ka amani kaivai labaybay kai la tinaita kaivai wa daredare'e dra salaisi mwa swatede alakwa dra abay

la irobota lo amiaobosi twkoaobo ka langothabara ko dra salaisi. la lro twkoaobota ka kata mwakaw lre'ele'enge

kwdra asetedra lrwazana la awta ki'a'aodra lra sicabota dra salreisi lro wata kia'aoda sicabota dra salreis mwa kia'aoda dra zana .

kodra yakai siasilranga wa tosalraisi?eene kwdra yasiasiasilranga wa twasalraisi koadra ki talri lrabaya.

locaylinga kodra moabalithinga kodra sanga la ka matikaiso dra ai moriyodale mia kiaelrenaso mia kiaelre dra moriyodale?

yakai ko macaeme ikai obola si la trintrin kai alrakwa si tawtaw yakai kwdra maceme mia kai obola si .

kainganai kodra ki wacegecele kawriva alrakwa.

la tawtaw kai swa'alrakwa si kwnadromaka kadrwana kai kaelea kai mwadraw mwatatikiana kai kaelea kiaki aiya kwtwavayo. 會所呼叫但過去沒有路到twvayo路很小不寬 .

sa kelrakelranga mwbaliyo kiyatoma kiasatoatoma ikai obola ka amwanai madreseseng kwi twavayo.

aswalako aswalako mwa e kidreseng idra watwalai obola dra nikela iloko dra macaeme.

aswalralrangako mwa sakela kelrakelra mwlaodro kai lakai si lrawanai madreseseng kwi twavayo .

lamani kai sangania ka makocingale ikai cekelre e nikai amani kai sanga ka aswalalala ka kai cekecekele koni e siakaredere.

kwani cekecekelreai ka koali twalrai obolra ilroko kwdra cekecekelreini lro tarangangea iloko lro kai amwa kai lrangothabara amwa alibolro kainganai ilroko obaliyo

lamani lo kaivai sanga la ka e kadrwa kela baliyoka amwa sakela adali kawai madradreseng kawai iya tadailra ki e obolania ikai kiiya e kaelrea madreseng ka la alibolo kai langothabara.

kwadra sanga kwdra aswala e mwakidreseng ka amani kodra alibolo kainganai kela iloko odoo.