- 79
- 0
傳述一個部落剛遷移至新居地有關靈異事件的傳說，一處詭異神秘的深潭(鬧鬼的地方!) 鬼火出沒之地，巫師通靈之地，及細訴占卜鳥祈福的山谷。
- 字幕列表
-
aicu a tiaken se tjailjaking aken ati Kedrekedr我是賽嘉村人，名叫:閣樂格
-
maljimalji a Cemas izua saku sikitauvalitan感謝上帝我有這個機會傳述
-
tua.. sini tjaucikecikel nua vavulungan tjanuaken auri menilingan要來傳述長輩們對我說過的故事
-
a..icua tja kadjunangan i tjailjaking我們這個位於賽嘉部落的土地
-
aicua sangasangasan aicua tja qinaljan i tjailjaking首先談到我們賽嘉這個村落
-
kanekacanan kadripunganan在日據時代未建立時
-
qivu aza vavulungan qivu aza mareka mazazangiljan耆老們與部落頭目宣言
-
azua kilailaingan nua dripung還有日本人的官員
-
tjuruvuanga itjen aravac imazai tjukuvulj我們在德文部落的人口以增多
-
nanguaq a qiziyu azuma a semainu aya說其他部分的村民可以移居到別的地方
-
pai sekauljin azua ti kamai Cubu然後差遣一位叫初卜的長輩
-
pai vaik azua ti kamai Cubu a tjeqayam初卜長輩就去聽聽鳥占
-
manu inikana malaing taza Cemas aza sizaingan nua qayaqayam結果.神沒有應許鳥的悅聲
-
pai kicepeliyu timadju a sema tjukuvulj因此.他就返回德文部落
-
manuka pidanga cavilj結果.經過了幾年後
-
pai sau vaiku a mumalj a kipakim tua kadjunangan那麼.再次請人尋找看看別的居落土地
-
a mavana rutja sazuanan a qiziyu aya就是我們要遷村的地方
-
pai azua ti kamai Cubu anga,後來.那位已故初卜長輩
-
semamaza taicu atja kadjunangan imazai tjailjaking來到了我們這個賽嘉的地方
-
manu.. nguanguaq aravac azua zaing nua qayaqayam結果.聽見非常好聽的鳥叫聲!
-
pai maleva timadju sa vaik a kicepeliv a sematjukuvulj因此他非常高興地返回德文部落!
-
sa pasemalavi azua kilailaingan nua dripung然後告訴日本人的官員
-
katua mareka mazazangiljan, katua mareka vavulungan以及所有的頭目和所有的耆老
-
pai sa kazepezep tiyamadju, sa selaingnganga因此他們就一起討論，並同意達成了共識!
-
tu semamaza tuaicu atja kadjunangan imazai tjailjaking a qiziyu到這個賽嘉地方遷村
-
paisa izuanga aicu atja qinaljan imazai tjailjaking然後我們才有了這個賽嘉部落土地
-
paika tjaljumazanga i tjailjaking當遷到賽嘉這個地方之後
-
tjaraqemumaqumanga a marekatja vavulungan所有耆老們就各自開墾自己的農地了
-
paika qemumaqumanga tiamadju然後當他們開始耕作農田時
-
izua za kadjunangan a maretemaljimalji有各種不同的特殊土地
-
izua tjupalisi, izua ika tjupalisi有的是禁忌土地! 有的不是禁忌土地!
-
pau izuaza mataita a kadjunangan izuai tjakiliyan有一個地方, 地名叫:答給莉安
-
ljaqediqedi mazai tjaunipan, tjaiqayaqayaw i sagaran”刀泥坂”地名隔壁, 莎卡蘭部落對面
-
izuaza vacalj a tjaljikedrikedri有一個面積很小的深潭
-
manu izua ka makatalj vaika sema vavua azua tiamadju有一天他們去山上
-
ka maqusavanga, ka sikesakesananga當他口渴時，在準備午飯的時間
-
pai semekaulj tua maqacuvucuvung tu vaika kemacu tua tjuljung a vaika caljum就請一個年輕人帶著竹筒去提水
-
manu vaik azua timadju a qunuqunu amaqacuvucuvung sa nakemacu tua tjuljung然後.那位年輕人帶了竹筒去深潭提水了
-
manu miling aya inika mangtjngtjez結果.一去就沒有再回來了!
-
pau.. ljavuvu ljaqunu ainunu anga zanu kaka, kuika mangtjngtjez於是耆老就問提水者的弟弟們，你們的哥哥怎麼還不回來呢!
-
pai sau vaiku a pacun qunu ayain azua macidilj那麼.就請一個弟弟去山上究竟
-
vaika pacun就立刻上山看看
-
manu miling ayauta結果.一去也再沒回來了!
-
masu kiljaljavanga tiamadju他們耗盡了等待的時間
-
ika kicepelipeliw aza sika madrusa那第二個去山上的人一直沒有回來
-
pai semekauljuta ta sikamatjelu, masepatj manelima因此又請了第三、第四、第五位
-
manesiva sikamanesika sikamane sivang一共派了九個人去, 到了第九位時
-
mangtjez anga timadju a.. sika masan siva na vaika pacun taza.. na caljum去探究提水的第九位總算平安地回來
-
manu aza mudingan nimadju..結果.他的臉部...
-
inika padriyadriyanga ka pacun aza mareka vavulungan耆老們看了有點不對勁!
-
qaupai qunu makudasun makudasun kusunana matucu孩子啊! 你怎麼了, 你怎麼會這樣!
-
ana puupung a maljiyananga sasu kinakemudamudan aya像是瘋子似的, 你的樣子都變了!
-
manu qivu aza timadju a qunuqunu那位少年人說
-
qai vuvu, nekac nu aza marekatiakaka a mapuljat ikakennana pacunVuvu.我的兄弟們都不在那裏, 我沒有看見他們!
-
amin anga za tjuljng ana setjavaw itaza vacalj aya他說. 只看見那個竹筒浮在水面上
-
manu qivu aza vavulungan ya! manu ika padriyadriya icua..於是耆老們驚訝著說. 感覺此事很不對勁!
-
manu inika nanguaqa zua sazuan a caljum後來才明白那個地方是不能去提水的
-
ika palaing aza Cemas izai taza vacalj ayaza vavulungan sa耆老們說.神不允許人到那個深潭
-
pai iniangaka semazuazua tiamadju a caljum tjayau後來他們從此也沒有再去那裏提水了
-
sa pai azua tiamadju a mane alu nekacang!因此.去提水和究竟的那八個人就從此消失了!
-
inianga kadjinumak niamadju tjayau他們再也找不到了!
-
manu ka cuayanga taicua pinacayan naza manealu結果.那八個人經過死後的一段時間
-
inika masalu azua dripung那些日本人都不相信此事
-
manu paitja pacunavangata azua vacalj azua kadjunangan izua然後他們要求必須要親自到現場確認事實
-
kina matainu a paqulid azua palisiyan aya想要知道那裏是不是真的如此的忌諱!
-
kemacu timadju tua mareka uqaljaqaljai a maqacuvucuvung tjayau sa vaik他們帶領所有男子青年人前往山上的深潭
-
sa.. lilalidru tua qau a tjalja ladruqan aya叫他們採鋸長條的竹子
-
aza mareka kavayan tjayau a lalalaladruqan tjaladruq anan tusa qeluz就是比較長的一些竹子，比柱子還要長!
-
sa kacuin niamadju semazuai taza vacalj imazai tjatjiliyan然後他們就把竹條帶到(達迪里洋)深潭那裏
-
pai qaivuin nazua timadju a macidilj然後對一個人說
-
pai pasatjaladju azua.. pai pasatjaladju azua qau taza vacalj aya請把竹條插入潭裡
-
manu aza timadju a mqacuvucuvung tjayau於是那位年輕人
-
pasa tjaladjin taza vacalj azua qau就把竹條插入到深潭裡面
-
matazua za kadjunangan a miseleman sa kemerebaw sa現場立刻一片漆黑! 冒出烏雲!
-
kirimu tiamadju a gemiremucan taza rekutjan tjayau a..他們就嚇得雞皮疙瘩!
-
sa nema sa za kavayan qau neka maljeput taza ka pasatjaladjen taza vacalj當竹條插入水中時，就瞬間沉沒了深潭!
-
qakuinika padriyadriya icu, ari vaikiaya, pai vaik tiamadju a mapuljat marekutj!他們說.這個不太對勁! 我們必須馬上撤離, 於是覺得害怕就全部離開了
-
manu paika secalivatanga icua kinacuan naza dripung tiamadju a maqacuvucuvung在日本人帶那些青年人過了一段時間後
-
izua za timadju angauta ngalungalu aravac a ruqaljuqaljup另有一個非常厲害的獵人!
-
kinemenem timadju, namatainuamaya tjupalisiyan naza kadjunangan izua他想想那個地方到底有多麼忌
-
qakukena miru vaik a pacun ayatimadju nakemacukacu tuazua kuang他攜帶著槍枝說. 很想要去看看
-
manu kemacu timadju tazu kuang sa vaik a semazua taza vacalj於是他就帶著槍枝前往那裡的深潭
-
manu.. ka pacun timadju taza, ka tjaljezua timadju taza vacalj tjayau當他到了那地方看看那個深潭
-
manu malap timadju taza kuang nimadju sa他就握拿了他的槍枝
-
teqengen a pasatalad taza vacalj azua, kuangin nimadju aza vacalj tjayau a..把槍管對準深潭水中，然後往下射擊!
-
kemuda tjepalisi aya manu,說.怎麼會有忌諱!
-
tjebeng! kaya za kuang nimadju, manu qucengel aza mudingan nimadju sa.當槍聲一響的霎那! 結果他的臉部都黑掉了
-
vaik timadju a vaik a semaumaq tjayau他就立刻回家
-
manu ka semaumaq anga然後回到家之後
-
manu ikakena kemeljang ki pidacavilj tua kinaikacauanan然後.. 我不知道他在世時的年齡有多少歲?
-
aza qivu a kai na vavulungan, patje vaik timadju i kacauanan聽耆老們說. 直到他離世往生
-
aza kina qucengel na mudingan ta kinuangan那個被自己開槍碳黑的臉部
-
inianga kana maumalj tjaqucengel amavan都沒有變，反而更加的黑!
-
macai pai kemasizua azua vavulungan他死亡後，耆老們從那個時候
-
mayanga semazuazua ljaqunu,青少年們千萬不要再去那裡了!
-
tuazua kadjunangan i tjatjiliyan tua tjepalisi izai zua aya那個 “達迪里洋” 忌諱的地方
-
azua manaku linangdan taza milimilingan imazai tjatjiliyan那個就是我所聽說過有關 “達迪里洋”的傳說故事
-
aicua sika masanmusalj aku linadenga tua kadjunangan我所聽過這第二個有關土地的故事
-
mavan aica imazai tjaisasulja就是這個位於 “戴沙殊拉” 的地方
-
aicua itjai sasulja kaqivu a vavulungan耆老們對 “沙殊拉” 這個地方的口傳
-
izuaza timadju a maqacuvucuvung有一個年輕人
-
a inika kemeljang azua cemekemekelj kinamakuda sa macai i vavua他的家人不知道他在山上是怎麼死的!
-
manu tua kina pacayanangan nazua timadju ati sulja後來那位叫“殊拉”死後!
-
nu vaik a semavavua a makakipalingulj taza pinayan若有人經過那死亡的土地周圍
-
kirimua.. gemalalj aya一定會鬧出鬼!
-
atimaimanga nu semazua taza kadjunangan kirimua gemalalj無論任何人到那個土地上，一定會當場鬧出鬼!
-
manasika kakivadaq aken taza vavulungan因此當我詢問耆老時
-
qakumanu tjaljiqaca sa kadjunangan i sasulja ayaken a kivadaq我好奇地問，為什麼沙殊拉的土地面積那麼寬闊!
-
ayatua nu tjalju， aza tjinaljuzuanan a gemalalj nuaza ti suljanga是因為. 凡是故沙殊拉發生鬧鬼過的地方
-
papungadanine tjai sasulja aya就命名為“沙殊拉”
-
manasika tjaljiqaca azua kadjunangan imazai tjai sasulja所以“沙殊拉”地名這個土地才會這麼大!
-
namayangauta a sicuayan azua ka..同樣在古時候，當時..
-
qivu a vavulungan maya sa semazua timuna kakedriyan耆老們對小孩子們說. 不可以去那個地方
-
nakuya samazuazua aya勸導不要去那裡!
-
manasika nu vavulungan sa tjuruvuruvu vaika semazua qemuma tjayau所以只有比較年長的，多數人去農田耕作的才會去
-
aicua tjai.. amasanita lja.. kadjunangan aku similingan我要傳述的另一個有關土地的傳說故事
-
mavanaicu imazai lakuculjan就是這個名叫「拉咕粗嵐」的地名
-
izua ka makatalj, izuaza timadju a kamakama,有一天，有一位父親去了山上
-
manuka tjalju umaq anga timadju,當他回到家的時候
-
ainu azaku sikau aya! yamanu.. malim kaumaya!他說.我的背袋在哪裡呢? 原來是忘記帶了!
-
qaivuin azaaljak nimadju, paiqunu vaiku a malap dri azaku sikau就叫他的孩子來，孩子啊. 你去山上拿我的背袋回來
-
kusinipakelai tua kasiw aya父親說. 我掛在樹上
-
manu kivadaq azua aljak孩子就問父親
-
qau kama qauza kadjunangan a pasa tjaljiqaca kemeljang aken tu pasainuan爸爸. 那裡的土地面積這麼大，我會知道在哪個地方嗎?
-
uri kemudaken a vaik amalap tazasu sikau ayaza aljak他的孩子說.我會知道怎麼去拿你的背袋嗎?
-
aicua djalan a pasazuai tjukuvulj這條往德文的路
-
tja kisusu.. aza kadjunangan就順著那個地方那個通往
-
nukana pacun sun taza kudrakudral a kasiw ana kivatj tuaza kadjunangan當你看見一顆巨大的樹橫向在路邊
-
kana lemakuculj sun kisuna palamuang kisuna pazuker tazaku sikau aya當你越過那棵大樹，很快你就會到達我的背袋了
-
pai kemasizua azua kadjunangan izua,因此從那個時候，那裏的地段
-
papungadanin angan tua lakuculjan從此就命名為「拉咕粗嵐」
-
mavan azua linakuculjan, lalakuculjan azua kasiv a kudrakudral nu sema vavua那個就是人們去山上時，必須要跨越那棵大樹
-
mana djalan azua a sema vavua zua linakuculjan tjayau「格尼拉咕粗嵐」就是通往山上的一條路
-
mana kasicuayan katjaumangtjengtjez itjin過去我們剛遷村時
-
namayangauta mavanatja djalan a sema tjukuvulj也是我們通往德文村的山路
-
kamaljika tuazua aicua djalan a sematjukuvulj尤其當時這條往德文村的路
-
tjuruvuananan nu kialap kemasi tjukuvulj還是很多人去德文娶親時
-
makamazamazanan taicua djalan a sicuayan a djalan仍然還是走這條舊古道
-
azuai makamazai lakuculjan tjayau那個通往「拉咕粗嵐」
-
aicua tjaivililj aruku sitjaucikel我要傳述的下一個故事
-
mavan aicu imazai tjaizaya i kungkuan i kakiqayaman是這個派出所的上方，地名為(鳥占之地)
-
kasicuayan azua vavulungan nuri vaik a qemaljup nuri vaik a kisudju在過去耆老們若要去狩獵或提親時
-
tjara vaikanan a medja..ma a tjeqayam必須會在清晨時間去聽聽鳥占
-
qau nu nguanguaq aza qayaqayam ki vaika qemaljup若聽見鳥叫聲是喜好的，就可上山打獵
-
ljakua nu kuyakuya azua linangeda a qayaqayam niamadju inika uri但是若聽見鳥叫聲是不好的，就不會去!
-
ayatua aza tjaucikel nua vavulungan因為耆老們的傳說叮嚀
-
nu kuyakuya za zaing nua qayaqayam, ini katjen na paqadiqadilj a vaik若聽見不好的鳥叫聲，絕對不能硬著去
-
izua nu matjanitjin, izua nu mapasaqetju itjin我們會跌倒，有時也會遇難!
-
izua nu secevung itjin tua nu izua qatjuvi kacinitjin有時我們會遇到毒蛇，甚至被咬傷!
-
sini pasemalaw nua Cemas a pakatua qayaqayam是神透過鳥類告訴我們明白安危
-
sa pakipapawlingaw tjanuitjin因此要我們知道謹慎
-
sakanu kuyakuya za qayaqayam ikatjena qemadiqadilj a vaik所以.若鳥叫聲是不吉利的，我們不可免強硬著去的
-
anamayangauta aicu vaika kisudju去提親也是一樣
-
kasicuayan pai, ljaikatjena kisudjusudjua kasicuayan在過去因為我們的保守，不會主動向對方提親
-
vavulungan azamana mareqaivuivu vaikanan a tjeqayam,一向是老人家在商量，然後必須經過鳥占祈福
-
nu malaing a varung nua Cemas nguanguaq aza qayaqayam若是受神的應許，鳥兒就發出好聽吉利的聲音
-
pai mana makaya tiamadju a vaik a kisudju因此他們就可以放心去提親了
-
nuikana malaing a Cemas, saka nuika varung na Cemas但若沒有受神的允許，而且不是神的旨意
-
azua qayaqayam nu zemaing ikana malaing tuatja varung那個鳥叫聲所發出的聲音也不會符合我們的心
-
pai inika vaikanga tiamadju因此他們就不會去了
-
pai manasika azua kadjunangan izau tjaljikedrikedri angauta nama所以那個地方也是面積很小
-
mana sasazuan nua vavulungan a kiqayam u kadjamadjaman就是耆老們在清晨的時間去鳥占的地方
-
nuru vaik tiamadju a qemaljup tjayau他們若要去狩獵的時候
-
aicua ru tjaivililj aku sitjaucikel a kadjunangan我要傳述的下一個土地傳說故事
-
mavanaicua i tjailjaljagar是這個位於(拉拉卡嘞)地名
-
aicuai tjai ljaljagar tjaljiqacaqaca這個(拉拉卡嘞)地名，面積很寬
-
mavan aicua veljululjuluan a kemasizua i tjai zayazaya paljela..uz a tjaljezuai..就是這個溪谷從上頭往下去
-
tjalje ladruq tjayau aicua kadjunangan kuljakuljai ljakua tjai ljaljagar ayaza vavulungan這個地形很長，雖然細長但耆老們稱它為(拉拉卡嘞)
-
mana djalan nua mareka lizengay, nuaza rugalagalalj tjayau是鬼火的路線，也就是鬼的出沒之地!
-
izuaza timadju a na pacun tazua vavayavayan a laluadruadruqana quvalj有一個人曾見過一群長髮的女人
-
a cemalivalivat tazua djalan niamadju taicua tjai ljaljagar經過(拉拉卡嘞)牠們這個鬼火的路段
-
ljakua cemalivalivat tiamadju inika ljemekuyakuya tua caucau tjayau可是聽說牠們常經過那裡，但不會傷害人的
-
pacun pacun aza tiamadju a vavulungan耆老們只是一直看牠們
-
nu cemalivalivat azua tiamadju a vavayavayan a qaqacaqacan a quvalj那些一群長髮的女人在經過的時候
-
aza sikamasannitalj aicuai tjai ljaljagar pai(拉拉卡嘞)這裡的另一件事
-
kasicuayan azanu uri temagilj azatja cavilj過去在每個新的一年開始時
-
mana sasazuan nua malada, kivadaq tua tusacavilj是巫師與神通靈詢問年事的地方
-
qakitjena ri secevung tjatja siselapai我們是否會在年度遇到災害!
-
qakitjena uri sevacaq a kudral a vali, sa uri neka nutja kiniqumanin nuaya我們是否會遇到強大風災! 甚至缺乏農作糧食!
-
aicua imazai tjai ljaljagar mana sasazuan uta nazua tiamadju a malada這個(拉拉卡嘞)之地，也是巫師常去的地方
-
a kiqai vuan tua Cemas tjayau與神通靈溝通
-
pai sika padjelean nutja sikataqaljan tu kipapaulingaw tu padjele tua lami使部落族人能夠明白謹慎，預知準備農作糧食
-
rutja sikavaljut tuinikatjen zukerin nua culjan使我們活命免受飢荒!
-
aicua masau pidalj aku sini milimilingan我所傳述的這幾個傳說故事
-
palemek tu ini karuna masevec或許沒有那麼詳細
-
ljakua ki timunanga paljaljenguanguaq就請各位修飾不足的地方
-
tu sika patje pulingalingavan nuatja kakedriyan使我們的晚輩子孫更明瞭故事的含意
-
nutiau, nu sikatjelu taicua atja milimilingan imazai kadjunangan對這些土地傳說故事的未來
-
atja kadjunangan imazai tjailjaking在我們賽嘉這裡的地方土地
-
kikenaya qemacuvung taicu aku milimilingan這樣結束我的傳說故事分享
-
malji malji謝謝
-
maljimalji aravac aicua ti kinai Kedrekedr非常謝謝閣樂格阿姨qina
-
maljimalji aravac aicua sini tjaucikel nimadju非常感謝她所傳述的故事
-
a pakatua milingan taicua tjupalisiyan a kadjunangan這個關於禁忌的土地傳說故事
-
aicua sini qaivu a milingan ni kinai Kedrekdr閣樂格阿姨講述的這些故事
-
niamadju imazai tjailjaking是屬於他們賽嘉部落的
-
saka aminaitjailjaking mana kemeljang taicua milimilingan只有賽嘉部落知道這些故事
-
saka maljaluai aravac maljimalji aravac aicua sini tjaucikel ni kinai Kedrekedr因此非常謝謝! 非常感謝閣樂格阿姨分享的這些故事
-
saka ki mavananga situluan tua mana tjaivilivililj atja kakedriyan將作為我們晚輩子孫的學習教材
-
atja vuvu, atja mareka situ ruayaken a puvilivililjan我們的子孫以及學生，致最後由衷地共勉
-
a maleva taicu aku sinamazan表示高興來這裡
-
a kilangda kitulu taicua milingan tai kinai Kedrekdr聆聽學習閣樂格阿姨的傳說故事
-
maljimalji kinai Kedrekedr謝謝閣樂格qina
-
ljasunana suljivaljivatj dri願你能平平安安
-
maljimalji maljimalji謝謝! 謝謝!