跳到主要內容區塊 :::
 

部落遷移史

qiniziyuan nua qinaljan a drikisi
:::
  •  45
  •  0
  • FB圖示
  • line圖示
傳述上帝如何帶領深山部落的遷村經歷，一座人口多數之村落，因山崖地裂的居域而紛紛四處遷移，最後在少許的餘民向政府協商之下才獲得遷村，因此在神的恩典中，賜下美麗舒適交通便利的新家園。
TIME:

  • 字幕列表
  • tiaqen pinutjimuran aqen a seValjulu
    我是來自三地門鄉馬兒村村民
  • ti Giljegiljaw aqu ngadan a ljaliyavan
    我叫給勒給勞，家名:拉里雅瓦呢
  • uri pasemalav aqen tua qina qiniziyuan a se Valjulu
    我要傳述我們馬兒村的部落遷移史
  • aicua se Valjulu
    這個馬兒村
  • katjuruvuan aravac a caucau
    人口非常的多
  • ayatua matjalima a mamazangiljan ana kiveqac
    因為有五個頭目家族起源的
  • azua mamazangiljan
    那幾戶頭目
  • ti Ruljadjeng ti Madjiljing ti Pacekelj
    由: 魯拉登、馬迪霖、巴茲格嘞
  • ti Pakedavai ti Djaljuliepan
    巴格達舀 、 達魯嘞坂
  • ana kiveqac tua seValjulu
    是馬兒部落發源家族
  • sa atja qinaljan i Valjulu atja qiniveqacan, izuai kavaljuluan
    那.我們馬兒村的發源地是在舊馬兒的前一個部落
  • kaValjuluan aya
    原始馬兒部落
  • i tjaivavaw tua pana
    在溪流的上方
  • saqa azaizua cuacuaianga qinaljan
    而那個地方已是歷史悠久
  • manu izua tu ita cavilj, secevung tua siselapai, maljekuya cavilj
    在謀一年遇到災難! 年度轉厄!
  • paiqa maljekuya cavilj, mavadavadai a sevaljulu
    因為遇到壞年頭! 因此村民各自分散
  • tjara qacuqacuin nazua matja lima a mamazangiljan a.siqataqaljan niyamadju
    那五家頭目就各自帶他們的親友
  • a qemim tua qaizuanan a seljenguaqan
    去尋找舒適的居落
  • a mavilad tua siselapai
    逃離困境與災難
  • nacuacuai tiamadju izua
    他們在那裏住了很久
  • manu izua tu pinaqataljan
    那麼.有一天
  • ari vai..ki a qemaljup, ayatiamadju a mareqa mamazangiljan
    那些頭目家族商討要去打獵
  • va..ik tiamadju a semagadu a qemaljup
    他們就去了山上打獵
  • manu qemaljuqaljup tiamadju qaselemananga
    然後他們打獵到傍晚的時候
  • ari ljaqa vaikianga semaumaq aya tiamadju
    就說:我們該回家了
  • qa.vaivaik tiamadju a pasaumaq
    當他們正在回家時
  • tjaljuzuai tiamadju taza mataita qadjunangan
    他們走到了一個地方
  • semekez tiamadju a tjaljezua
    就在那裏休息
  • cu..ai tiamadju ana semekez
    他們在長時間休息時
  • manu aza vatu ni djaljulepan, semapesap taza kadjunangan
    結果.達魯勒坂家的狗，突然不停挖爪土地!
  • sa alap taza cemel sa sika sa tjaljezua qemazav
    然後堆集了草屑臥在那裏
  • izuz timadju ana qemazav
    牠就一直臥在那裏
  • ari vaikiang aya tiamadju
    他們就說我們走了吧
  • ari vaiki! ayain aza vatu ni djaljulepan
    也跟那隻達魯勒坂家的狗說.走啊˙我們回家去了
  • iniang ka peqaui a vaik
    狗不肯回去了!
  • qemazav sa qamaya tjaljezua, pai vaikan niamadju
    狗一直趴臥在那裏不走，他們就只好回家去了
  • manu djemaljun i yumaq tiamadju
    然後他們回到家之後
  • vaik a semazuai taza vavulingan
    就到耆老那裏
  • sa pasemalavan azua, kinaitantuqadav
    就把那天的事情說出來
  • sa pasemalavan azua, e.. kinudan nazua vatu ni djaljulepan
    講述那達魯勒坂的狗發生的情況
  • azua vatu ni djaljulepan
    達魯勒坂的那隻狗
  • semapai ana semekezanan sa alap ta cemel a qazav
    一直挖土堆著枯草然後趴臥
  • vaiki qanayain, iniqanga pekaui timadju a vaik niya vaikan
    我們叫牠起身回去，就不肯跟著走，我們只好回家了
  • qaqi sinianemaya zua vuvu, ayayamen a qinemenem
    就跟耆老說，這究竟是有什麼原因?
  • mananiya sipangtjngtjez a.. pasemalav tjanu sun
    才過來這裡告訴你的
  • qai azua sinianemaya ayame
    所以.想知道那是什麼意義?
  • pai azua timadju a vuluvulung,
    然後.那個耆老
  • kinemenem timadju a cuai
    思索了很久
  • manuqacuayang papuvarungn nua Cemas
    然後在神的通靈之下
  • qivu timadju
    他就說:
  • aiculja marqaquvuvu a mamazangiljan
    我這些頭目的子孫們啊.
  • kipalemek ana matucu a varung na Cemas
    也許上帝的旨意是這樣的
  • azua qinazavan nazua vatu ni djaljulepan
    那隻達魯勒坂的狗趴臥的地方
  • nasama..vananga rutja qateveteveljan a seValjulu a seman qinaljan
    好像是我們馬兒部落族人要建立聚集居落的地方
  • aya timadju a pasemalav tazua mareqa mamazangiljan
    他這樣告訴那些頭目的族人
  • pai manasiqa aicua ljaDjaljulepan
    所以.這個達魯勒坂家族
  • mana pucekecek tua qinaljan i Valjulu
    是開拓建立馬兒部落的家族
  • mavana pucekecek tua qinaljan i Valjulu aicua ljaDjaljulepan
    開拓馬兒部落的，就是達魯勒坂家族
  • pai kacuaianga qiziyuanga tiamadju a ljezaya
    然後經過一段時間，他們就移居了上來
  • sa matevetevelj tiamadju a mapuljat a seValjulu
    所有移居分散的族人，重新聚集回到一個馬兒部落
  • yaqamanu qacuacuayang
    但是經過了好長的時間
  • aicua i Valjulu nuayaya ladruqaravac!
    談到馬兒這個部落呢.是非常遙遠的!
  • cadjaravac tua pairang
    離平地都市也非常遙遠
  • nu djemavac itjen a qemasizua nu djaljavitjen a djemavac
    若從馬兒走路，需要加快腳步時
  • ki izua sangzikanghang
    大約有三個小時半的時間
  • sanatja djaljudjaljun i suimung
    我們才能到達水門
  • pai atja siqavaljutaya, atja qipucemel nutja saqetjuan nuaya
    有關我們的生活經濟、我們的就醫方面
  • cadjaravac
    路程非常遠!
  • qau. anematja cadjaravac nuayaitjen
    那.無倫我們怎麼說遙遠
  • nekanu..palidring, nekanunema tja tjevavavan
    沒有牛車，也沒有什麼交通工具可以出門
  • tjemukudritjen tuatja.. siqivalit a qasiv
    我們只好揹著木材去換取物品
  • tjemukudritje tuatja vineli a padai a vurasi
    揹著買來的白米和地瓜
  • tjemukudritjen tua saqetjuqetju a pacacikei a papucemel
    也揹著病人看診，來來回回
  • na matuca kinacadja, namatucu a kinapazangalan nua i valjuli
    路程是如此的那麼遙遠，是如此的困苦!
  • pai manasiqa kacuacuai anga pagalju
    所以.在過了一段時間
  • kinemenem azua, lja Pacekelj tu qaziyu
    巴茲格勒家族就考慮想要移村
  • aicu iniqa nangaq a tjaljumazaitjen, vaikiaqiziyu aya tiamadju
    看樣子.我們不可在定居在這裡，我們必須要移村
  • vaiktiamadju a qiziyu, iqana pasemalav tu tjaljuinu tu semainu
    他們沒有告知就移村了
  • cuacuai angaravac a pagalju
    經過了一段時間
  • kinemenem uta za ljaPakedavai, aicu cadjaravac sa imaza
    巴格達舀家族，想想這裡真的非常遙遠!
  • qen. pazangal itjen tuatja qanen, pazangal itjen tuatja qipucemel aya
    對食物及醫療方面是很困難的!
  • pai. sipaveli a qadjunangan, sipaveli a umaq
    後來把田地和家屋都賣了!
  • sa qaziyu tiamadju a semamazai Maqazayazaya
    然後移居到瑪家部落
  • izua tiamadju i maqazayazaya, iniqa seljenguaq iniqa madjaljep tiamadju
    但是他們在那裏很不習慣!
  • qiziyu uta azati Rumaljiz a semamazai kazazaljan
    魯嘛里茲也移居到萬安這裡
  • saqa aicua lja..Pakedavai, imazangai imazanga i kazazaljan
    所以.巴格達舀頭目家族就定居在萬安這裡了
  • tjuruvuang tja aljak a marekatjavuvu izua
    那麼.在那裏已有很多我們的子孫後代了
  • pai. cuacuai anga pagalju,
    然後經過好長一段時間之後
  • azuaya cadjaravac sai Valjulu
    因為馬兒部落實在太遠了!
  • manasiqa iqananguaq acuaya, matjatjuvaivaikanga qiziyu
    因此這裡不適合長年居住
  • izuanasemamazai qiziyu a semamazai e... Cavak
    有的移居到青山村
  • izuanasemamazai qiziyu a semamazai e...iTjailjaking
    有的移居到賽嘉
  • izua na sema Tjimur, izua na sema Qiziyuci
    有的到三地村、有的到三和村
  • izua na sema Uakaba, izua na sema Kazangiljan
    有的到古華，有的到佳義
  • izua na sema Piyuma, padjalju ni Kuaba
    有的到平和延括到古華村
  • pai namaitucu a caucau tjamavekelj tjamavekelj
    所以.人口才越來越少!
  • vilivililjananga iniang pdjaljun ta matataidai a seValjulu
    最後馬兒部落剩下不到一百戶了!
  • siqa aicua cadjaravac, pazangal tua pazangal ta qemudanga
    因此距離遙遠之因，任何事都很困難!
  • a mareqatja matjaljaljak tazua tjemukutjukudr tu qasiv
    當時我們的父母親都揹著木材!
  • sa qivalit ta vurasi a semamazai pairang
    然後去平地換取地瓜
  • pai aza tjinukudr niamadju a sinivalit
    但那些揹來的東西
  • iniqa maqapidalj, maqapusalj mapuljat, pai nekaqnga
    不到幾天，兩三天就沒有了!
  • manasiqa a pitua sikac nuayaitjen pazangararavac
    因此論到生活經濟是相當困苦的!
  • pau atja quma, izuatja quma izuatja vasa izuatja vaqu
    我們的田地雖然有芋頭、有芋頭有小米
  • ljakua iniqa maniqau, iniqa pacengceng atja qanen atja siqa valjut
    但是不夠我們吃，不足我們生活!
  • pai manasiqa a racev kedri i Valjulu
    因此.部落山上可賣的藥用植物也很少!
  • paqulid kedri aravac a racev i valjulu
    真的.可賣的經濟來源植物實在很少!
  • ini qacengceng atja iraceven atja sipaveli
    不夠我們採集過生活
  • qau a qasiv makudakuda atja iqasiven atja sipaveli neka!
    何況ˋ木材有多少量, 可以砍取賣出
  • pai manasqa
    所以..
  • kavililjangan qinemenenem anga tua iniqa seljenguaq a imazaitjen
    直到最後，就想想..我們不適宜一直住在這裡!
  • nuqana cadja iniqa maquda
    遠是無所謂，
  • ljaqua nekautja tjevavavan a pacacikecikel
    但是沒有交通工具讓我們方便來回
  • tua tja qipucemel tja veli tu anemanema
    去門診看病，去購買生活用品
  • iqa nanguaq a ini atjen a setaval
    若不適應這裡實在不行的
  • ayayanga tiamadju a mapuljat a ipuvarung
    大家都這麼想
  • nu iniatjena vaik a qiziyu
    我們如果不去遷村
  • uri mapujat itjen, ljauri maljitaitje a qitevelj tua maljiya nu qaljan aya
    我們將會一個一個失散遷到別的部落
  • pai.manuqa sunciyuanga zati Maicus a Madjiljing
    當馬迪霖家族(邁楚斯)選上了村長後
  • kinemenem timadju, tua siseljenguaqan
    他思考未來部落舒適方案
  • iqa nanguaq nuniya qu sivaik a seValjulu a setaval
    我若不帶走馬兒部落遷村是不行的
  • tjananguaq amen a qiziyu aya
    我們選擇遷村比較好
  • sa qinemenemenem aza papuvaruvarungan i qinaljan
    然後有構想的部落村民，開始思考
  • a mareqa vavuluvulungan
    那些所有的耆老
  • sa pai, izua tju kinataqaljan
    然後部落有一天
  • pakaigin ni Maicus angatan za sunciyu aza mareqa drinciyu
    邁楚斯村長就召開村長與鄰長的會議
  • aicu cadjaitjen aravac tua pairang
    這個呢.我們部落離平地太遠了!
  • seljekuya itjen tuatja qinaizuanan, seljekuya djalan
    我們的住落不安全、道路艱難!
  • saqa iqananguaq iniqatjena kinemenem tua qiziyu
    所以.我們不得不思考是否要遷移部落
  • ayatua nuiqatjena qiziyu uri maqulip a seValjulu aya
    因為我們若不遷村，馬兒村會消失!
  • sa qamaljavar tiamadju ui paquliqulid sun ljaqua
    在討論中，村長你說的對，但是...
  • anema uri tja pacugan atja sivaik imaza aya
    有什麼具體的原因要離開這離?
  • manu kinemenemenem tiamadju
    結果當他們正在思考當中
  • mapaqenetj aza tjaizua qinaljan a..gac
    忽然想起部落鄰近有一道土地嚴重的裂縫!
  • paquliqulid izua gac itjaizua qinaljan aya tiamadju
    是的.隔壁真的有一道殘重的土地裂縫!
  • ari tjapacunav aya, pacune niamadju a semazua
    走.我們再去仔細的觀察一下，觀察之後
  • uiangata qabunai, paisa
    是啊!確實是太危險了!
  • kipuvarung tiamadju tu venaquan a semapesap tazua gac
    他們就構想要把那周圍砍草顯出那個裂縫的狀態
  • sa marevaquan a gac
    讓那道裂縫變成剛發生過的天然災害!
  • paisa pasemalavan a pasa Gukusiyu
    然後再通報到鄉公所
  • tuazua atja Guciyu ti 江忠雄 ti Ritjag
    那時我們的鄉長是江忠雄叫Ritjag
  • pai, atja Giqing seTjimur
    那.我們的議員是三地村的
  • pai maljavar maljavar sipaqeciyan nimadju pai seqaljavar
    在縣議員的會議申請下，通過了這提案
  • nanguaq aicua qinepuan nua taqaljqaljan aya
    這個部落共同訴求是很好的
  • pai sipasemalav a pasa Gukusiyu
    然後再一次向鄉公所提報
  • mangtjez a kemasi gukusiyu apacun tuazatja qinaljan,
    來自鄉公所的業務員來會勘
  • paqulid tuna geminagaljaravac
    真的.狀況是非常的危險!
  • e.. iqa nanguaq a tjaljumaza iqa nanguaq a zangin a qinaljan imaza aya
    是的.這裡絕對不可建立部落的，不可安妥此地!
  • pai sipasemalav a pasa kingsihu
    然後立刻通知到縣政府
  • sa mangtjez a kemasi kingsihu a pacun taicuatja qunaljan
    之後就派縣政府的人來再一次地勘查
  • tuna geminagalj aravac, iqa nanguaq avaik aya
    是不是真的有危險! 果然看了之後就說不能進去的
  • pai sipasemalav anga pasa tjai vavaw
    然後再通報到上級政府。
  • sa qaljavaljavar anga tuatja qiziyu
    村民就準備開始討論遷村事項
  • pai aza masanitalj
    另外一件事情
  • iniqa nanguaq a tjaljumaza seValjulu
    馬兒部落不能住落在這裡
  • iqa nangaq a izuaza palamuanan a qaviladan aya
    也便要求不能沒有臨時逃離困境暫時住落的地方
  • manasiqa paqaviladin itjen a pasamazai kaljaveljavan
    所以才把我們暫時逃離卡拉夫拉泛
  • atja gaku, atja kingsacu, atja qisisi, atja kiyukai
    包括我們的學校、包括我們的學校派出所、衛生室、教會
  • pasazuain a penuljat, satja tjaljezuanga a cuacuai a pagalju
    全部搬移到那裏，不長不短的時間
  • kizua drusa cavilj itjen izua
    我們大概有兩年的時間住在那裏
  • sa qipaqiqim tuatja qaizuanan auri tja qiziuan
    在那時段大家開始找找適合遷移的地方
  • sa, qa qipaqim tiamadju sedjumak taicuaimaza tucu
    在尋找當中，找到了現在住落的地方
  • ljaqua aicua imazatucu a djinumak niamadju
    但是這個他們找到的地方
  • qadjunangan nua sangdringka
    是屬於林務局的國有地
  • iniqatjena makaya a inia ziyuitjen amamaza
    我們不可自由地來這個地方
  • pai, taqudai aicuaya, maljavar maljavar qinemenem
    大家說.這個要怎麼辦!
  • ka papuvarungan nua kingsihu, papuvarungan nuatja sihu
    經過縣政府的建議後
  • nanguaq a pavavaliten a imaza kadjunangan katazuai kavaljuluan aya
    可以把這裡的土地和舊部落土地調換
  • pai marasudj mavavaliten
    結果協調成立，調換土地
  • atja qinaljan imazatucu,
    我們的部落在這裡
  • atja qaqumain semamazangaitjen tua ziyulingpang
    我們的耕作農地就移到十林班
  • pai, namayatucu azatja e.. pinenetjan tuazua tatja qaizuanan
    所以.我們的遷村是這樣安排的
  • manu remevur itjen tjatja qinaljan
    當我們拆除我們的部落時
  • izua qu tjaucikel a masanitalj a nakuyainiqatja paqenetjen
    我有一段經歷要分享，我們不得不記得
  • remevur itjen tjatja umaq a mapuljat
    當我們全村拆除房屋時
  • azaumaq tjaumaq a nua Mamazangiljan izuai madjiljing
    我們大頭目的房屋
  • taqaljaqaljan ana remevur,
    是由部落村民大家幫忙拆除的
  • taqaljaqaljan ana semakuc tua zairiyu
    是部落村民協助搬運建屋材料
  • a pasamazai tua djaljunen nua turaku
    搬運到卡車可到達的地方
  • na matucu aza tja papaqaljayan
    我們是如此的尊敬部落的頭目
  • na matucu atja rekutjan tuatja mamazangiljan
    我們是如此的敬畏我們的頭目
  • saqa imazangaitjen seman kaliguya itjen
    然後我們在這裡了，建了臨時的房屋
  • ikaliguya tja umaq, ikaliguya tja kiyukai, ikaliguya tja gaku
    我們的房屋、教會、學校建置在暫區地
  • sa sapasapai taicu a rutja umaq
    同時在規劃我們將要遷入新房屋
  • qa maqa sapaianga ta tauri tja umaq
    當新部落規劃完成後
  • uri pu bangguan, tu pakiyau itjen
    要掛上門牌，以便抽籤方式分戶
  • ljaqua maljavar a vavuluvulungan i qinaljan , atja sasusuan
    但是首先部落的耆老及幹部們召開會議
  • maitucu a qivu, aicua titjen a sevaljuli
    我們這部落村民
  • ru iniqa makaya tja sipaqiyayan a papakiyav acuatja mamazangiljan aya ti ritjag
    鄉長說:部落頭目不可參與抽籤方式分戶
  • uritja papiliqan timadju ta qinatjengelayan nimadju a qaizuanan
    我們必須要讓頭目選好他自己喜歡的位置
  • nuna peniliqanga timadju, nuna mapenetj anga zanimadju
    等頭目決定選好了他喜歡的位置之後
  • kitja pubangguin anga aicu a sinapayan
    才把門牌掛上在規畫好的房屋
  • satja pakiyavan aya marasudj
    接著再進行抽籤分戶
  • pai marasudj tazua pubangguanang satje pakiyav anga taqaljaqaljan
    在協商好之後，門牌已掛上了，部落就開始抽籤
  • sa sana qasengsengseng a sihu tazatja umaq a tja qaizuanan
    然後政府就開始動工正是建造我們將入住的房屋
  • satja qaimazai kaliguyan
    我們就暫時住在臨時的房子
  • izua masanitalj, aqu sitjaucikel, anemanuayaitjen
    有一件事情，我要和大家分享，是什麼事呢?
  • anema nuayaitjen siniqiljivak itjen aravac nua Cemas
    是哪件事情呢? 上帝是非常照顧我們的
  • pinaqisumaljimalji tjen nua Cemas
    我們是被上帝所特別愛待的一個部落!
  • nekanutja quma, mainuitjen a qivurati, mainuitjen a qivasa
    我們沒有田地，我們沒有地瓜可採收，也沒有芋頭
  • mainuitjen a qivaqu a qipadai, neka!
    我們要去哪裡採收小米，採收稻米，沒有!
  • pai sinipadje...leangaitjen nua Comas
    上帝早就為我們預備了
  • tua vasa nua seKalapaw, vasa nua seLjaiceng
    泰山村的芋頭，高樹村的芋頭
  • padai nua seKalapaw, padai nua seLjaiceng
    泰山村的稻米，高樹村的稻米
  • pu..padai maljenguaq a padai
    漢人的稻田與糧食非常充盈!
  • maljenguaq a qinuman niamadju tua qipiya a cavilj
    他們長年的農作物大大豐收
  • a veljevelj ipusiqanan, lja iniqa maqaya sipaveli a sema daikuku
    當時的香蕉是吃不完的，因為還不能外銷
  • paisiqa djinumulj a veljevelj
    所以.香蕉堆滿甚多
  • alapu alapu tanu pacengceng qanu taicu a veljevelj
    漢人叫我們哪多一點，吃多一點
  • patje mavetumun aya pairang
    吃到你們飽足為止
  • pai namaitucu a kiljivak nua Cemas
    因此.上帝是如此的愛我們、幫助我們
  • qa tuazua qai vaikitjin a qiraumalj
    當時我們也可以到平地農田去撿漏移五穀糧食,
  • namayitjin tua pusuiding, hu. amapuljat
    我們大家就如，有水田的一樣!
  • nekanu iqana penaljing tua padai tua qiniraumalj akinuletjan nua Cemas
    沒有一戶上帝不賜下撿拾農作的恩典給族人
  • pai namaitucua kiljivak nua Cemas tjanuitjen a seValjulu
    上帝是這麼樣的看顧我們馬兒部落的人
  • sa iniqa amin, titjen a seValjulu
    不是只有我們馬兒村而已
  • siniqiljivak amen nua Cemas nuayitjen
    當我們覺得上帝是真的愛我們時
  • paquliquliditjen, saqa aza qiljivak nua Cemas tanuitjen
    實在是如此，所以關於神對我們的關愛
  • iniqa amin a paseljenguaqen itjen tuatja qinaizuanan
    不只是賜下我們安全舒適的部落
  • siqiljivak itjen naicua mareqatja qe.. kaka
    我們更受那些親友的愛護
  • a.. se Djineljepan,
    安坡親友
  • siqiljivak itjen nua mareqatja kaka a se Cavak
    我們也受到青山村親友的愛護與幫助
  • siqiljivak itjen nua sesagaran,
    口社部落也照顧我們
  • siqiljivak itjen nua se Djineljepan,
    安坡部落也愛護我們
  • iniqatjena santailjen
    我們沒有被他們排擠
  • amanu qaljaqalja itjen,
    何況我們是外地人
  • qatalimai a paqulidangata ru san tailjenitjen
    照理來說，他們應該是排擠我們才對的
  • anema niyaqaljang tua seValjulu,
    我們哪知道馬兒村
  • iniqa matazua tiamadju
    反而他們沒有那樣說
  • naqilji...vak tjanuitjen, mangtjez tiamadju a qivali
    他們只有帶著關心來探望我們
  • mangtjez tiamadju a pusaladj tjanuitjen,
    他們願意來幫助我們
  • mangtjez tiamadju a qiljenguanguaqan tja nuitjen
    甚至他們渴望親近我們成為好鄰舍
  • na maitucua kiljivak nua Cemas tua sevaljulu tua nuitjen
    這是神如此的愛戴我們部落及族人
  • sa, titjen a sevaljulu a siniqiljivak nua Cemas
    而我們這些蒙受神的恩典
  • siniqiljivak nua mareqatja kaka
    是承受所有的親友關愛
  • i Cavak, i Djineljepan, i Sagaran,
    受青山村、安坡村、口社村
  • imazai Tjailjaking
    還有賽嘉村
  • kemudaitjen, nakuya nu iniqatja qacuin aza qiljivak nua Cemas
    我們要怎麼做?我們不得不帶著神的愛
  • satja qiljivakan tiamadju
    來同樣關愛他們
  • satja qilalaingan tiamadju
    然後配合他們
  • aparu tja tjanuirjen,
    就像對待我們一樣
  • azua mana paqulid tu caucau itjen a seValjulu
    那樣才能顯示出我們馬兒村民的人格
  • saqa azua namaitucu aqu sitjaucikecikel
    所以.那些我所講述的箴言
  • ulja tja sitjaucikel titjen a qina, titjen a qama
    希望我們做父母的
  • tua sevalivalit tjanuitjen a mareqatja aljak mareqatja vuvu
    也能夠講述給我們的子子孫孫
  • saqa kacuin niamadju azua
    然後使他們能帶著那些箴言
  • sa nekanu qaljaqalja taicu ai palingulj tjanuitjen
    而希望我們的周圍沒有任何是外人
  • mare kakakaka itjen
    我們都是親戚一家人
  • tatja qinaimazan a patj palalaulaut
    在我們這個部落，一直到永久
  • azua mana qu sitjaucikel tua tja qinasizuan a seValjulu
    那些就是我對馬兒部落的遷移史傳述與分享
  • maljimalji djavadjavai。
    謝謝， 辛苦了。