- 45
- 0
- 字幕列表
-
aicu a uri ku si tjaucikel avan nu macai a mamazangiljan我現在要訴說的是有關於王室(大頭目)的駕崩
-
azua mamazangiljan nu macai nu lemavut ta nasi kemuang a puita王室(大頭目)仙世斷氣的霎時就要向天鳴槍一次
-
aza pacugan tua kemuang paqecev tua mayaya aya鳴槍的意思就是抵擋那來取性命的那位
-
azua e... aku macai aku kemuda a mamazangiljan心想為什麼王室(大頭目)會死會遇到這樣的事
-
aya varung e... paqecev a kemuang tua zua namalap tua zua nasi nua zua mamazangiljan pu ita他們心裡想著...鳴槍來抵擋那要來取王室(大頭目)性命的勢力只鳴槍一次
-
sa... nu maka kuang anga avan anga zazua pageric anga itjen a mareka sika tacemekeljan如果聽到鳴槍聲響了家人們才可以開始哭泣
-
maraka aljak a mareka vuvu a mareka tja kaka亡者的孩子們孫子女們還有我們各親族們
-
azua nu tjalje bung a zua kuang masalu itjen tu urika napaqecev anga itjen因為聽到槍聲我們才會相信有為亡者抵擋死亡的勢力了
-
mayatazua mamazangiljan nu macai王室(大頭目)過世有這樣的儀式
-
saka nu... e...maru ...macai nu kadjamadjaman接著...如果...是在早上往生的
-
maka... pitjulj avan nanga zazua siki puvarung一直到了第七天才會討論安放的時間
-
avan na mamazangiljan papinsegen a cuacuai a varung ljaku...只有王室(大頭目)的身分才會放置家中比較長的時間可是...
-
e... a sicuayan azua nekanan cua kakudan na... a peningsing ui...ㄜ... 因為在早期的習慣因為還沒有冰箱可以存放
-
e... nu sipakatjelulj sivaik nu sipakapusalj到了第三天或是第二天就送去埋葬
-
timadju a... a namaci a pacvunan nua ramaljemaljeng老人家都是看著亡者的狀況而定
-
tjakuya masudram anga itjen nuaya... sivaik azua sema kirimu比較不希望讓大家更傷心的畫面就盡快的處理
-
patje maka tjelulj a tjalja ladruqan最長的時間只有放置至第三天
-
sa...ka... azua uri ku si tjaucikel所以我要繼續講的是
-
avan azua a...e... pitjumatjumaq anan piumaumaq anan nu cemevelj有關於放置本家在本家室葬
-
a...saka nu manu macai azua ti namacai nu...e...nakitarev azua ti namacai如果亡者身分是入贅(嫁進來)的
-
e... sivak a semazua ita e kinasi zuan nimadju tua matjaljaljak就必須要送回去出身原生家庭父母親那裡
-
nu mamazangiljan azua inika tjaljaljaljaljak他的身分位階是王室(頭目)不是平民
-
sa nu e...cemevelj azua tiamadju pasazuain i ta umaq如果要埋葬時要送回去家屋安放
-
sa... ta kinacemekeljan sa... e... pizuain i tala送回去本家安放在本家室葬(客廳)
-
tala nuaya itjen a... tasicuayan pulaulangan aya uta namaya tazua izua i...pulaulangantalay以前也就是客廳pulaulangan就是這樣放置客廳
-
nu matja liyaliyau a levang nua kinacemekeljan izua i tala izua i pasalaulauz如果家族有很多的室葬處(洞口)有的在客廳還有的在屋內邊緣處
-
a itjanuamen izua i tala, izua i pasalauz namaya tazua在我們自己家屋內客廳有一個安放處往下的邊緣處也有一個安放的地方就是如此
-
sa... nu cemevelj tuazua i... nu sipakatjelulj numaljia pakakuya ta qadaw之後...從埋葬的日子到了第三天的早晨就是不好的日子之禁忌
-
nu pakakuya ika tjen a semavavua在不好的日子的禁忌不可以到田園工作
-
ika tjen na... karakuda tu kemuda azua e... pakakuyakuya ta qadaw我們都不能夠做任何的事務因為正處於不好的日子的禁忌
-
azua siaya ta pakakuya aza pacugan tuazua所謂的不好的日子之禁忌內容是
-
e... sekaviri tjen ta kemudamudamu...danga neka nutja sedjalanen我們不管做任何事都會很不順利
-
si sekanavanavlj saka ika tjen a vaik a ljainu i zu...a i tjen i yumaq an a miugur無法順心之下我們不能去任何地方只能一直待在家裡守喪
-
miugur nuaya avan azua na...namipuljuan a nakipaseturutj a sakamaya namatazua namaqepumiugur的意思是在那裏守喪很傷心很難過的聚在一起
-
namayatazua siaya ta pakakuya意思就是正處於不幸(喪事)的事(pakakuya)
-
saka nu sipaka pusalj tu cineveljan接著進到埋葬後的第二天
-
avan anga zazua e... kisane aljak aya那時就要紀念曾是為人子女的身分
-
kisan ne aljak tuazua kisan aljak nuaya e.. avan azua a...這時要紀念為人子女為人子女就事....
-
e... kiava a ku pinacunan a ku keljangen a ku sitjaucikel我只有在自己有親眼看到經驗到的來訴說
-
azua ta sipakapusalj ki e... kisane aljak zazua在第二天的日子事紀念為人子女的身分
-
sa...ka... matu ui kisane aljak a parut好像是.... 對的是紀念曾經是為人子女
-
sa...ka nu kisan aljak avananga zazua a...e... maqati angatjen a ljiainu a ljainu a maparumalj所以...紀念為人子女的身分了就可以行動到別的地方去了
-
azua nanguaq anga a qadaw tuazua那天的日子就轉為好的日子了
-
saka nu sipakatjelulj sema...e... palj aya patjuayaya palj patjuayaya到了第三天就要 patjuayaya整理亡者所有的物件(陪葬)
-
saka nu patjuayaya avan a zaza vaika sema caceviqan接著整理好亡者日常的物品就送去安置的地方(caceviqan)
-
a sematjez tua zua a nanemanemanga a sikudakuda niamadju a nitjen a caucau帶著各樣日常用品工作用的器具送到安放的地方
-
e.. nu uqaljay saka cinunan e... avan azua pazangal anan a vaik azua...如果是男生又是獵人那時要整理的器具就比較多
-
mirava ta dringai aya、 mirava ta vakela aya, 、izua kuanga aya, 、nu nulualaq nu cinunan如果他是獵人預備捕獸夾、弓箭、還有獵槍
-
saka nu ika cinunan avan azua a sikudakuda maka pamian a sikudakuda nu sisavavuavua aya如果不是獵人就要預備日常前往田園工作用的各樣器具
-
a sikarakudakuda nu masengseng aya auzua a.. timadju a caucau a tja kinemenemen ki ru kudakuda就是他平常工作用的器具為亡者著想他平時的使用工具有哪些
-
avan azua tja ravain a vaik a semazua i patjuayaya就是要裝載那些東西預備送去
-
sa... ka... nu sipaka simatjelj avan anga zua sema karuljuc tua e... ta tjai avan azua sama azua sisa karuljuc tuza tjaisangas到了第四天就要送到karuljuc原住民的天堂
-
avan azua maljia tjaljaljaljaljak sisa karuljuc tua zua這時連平民都可以送到karuljuc原住民的天堂
-
sa nu sema kaljuruc namaya uta raravain ata a... anemanemanema所以到karuljuc也是一樣要裝載許多各樣的器具
-
a... e... sikudakuda saka nu... sipaka simatjelj anga sipaka limalj和日常生活用具...第四天第五天了嗎
-
nu sipaka limalj avan anga zazua a... e sema karuljuc anga tua nua mamazangiljan到了第五天才是要送到王室(大頭目)的天堂
-
saka aua mamazangiljan nu si azua sipa kitju sa karuljuruljuc tua zua a mamazangiljan sema tjagaraus aya tua zua王室(大頭目)到另一個天堂就是前往tjagaraus北大武山
-
sa... ka... azua sema kaljuruc tua na mamazangiljan initj sa karuljuruljc ta sepaqadiqadilj ayatuazua有關於前往王室(大頭目)的天堂者的身分位階 不可以免強
-
azua nu... sisa karuljuc tua minamazangiljanan saka inika sedjaljep因為如果被送到王室(大頭目)的天堂往生者的身分不適合時
-
tima sun ne... ljaima sun ne... e... aya ayain aya nua e.. mareka tjaisangasangas a mamazangiljan a sema karuljuc你是誰....你是哪一個家族的...會被王室(大頭目)先逝的祖先們詢問
-
sa ka... a ika sun a sedjaljep nuayain saka tja sinisakaruljuc anga tua minamazangiljan如果先人認定你身分不適合而又被家人送去王室(大頭目)的天堂
-
e... avan anga zua za... selevelev anga ta inika kemeljang tu pasainu aya那時就會讓上生者混亂不知道該往何處
-
saka ini tjen a sakaruljuruljuc ta minamazangiljan a na paqeteleng aya所以不適合的不可以隨意前往王室(大頭目)的天堂
-
saka nu sipaka nemelj avan anga zazua a... e casaw anga casau nuaya avan azua vaik a kisasipu到了第六天就可以外出了所謂的外出就是kisasipu到指定的處所悼念
-
sa nu maka kisasipu e... kisasipu tua zua e... vaik a sema caceveljan到各處悼念完畢就要前往安葬之處悼念
-
sa... nu vaik a sema caceveljan tuazua azua pinapineseg tu itjumaq接著親人們都去安葬之處時有被放在家中守喪的
-
tu avan nu nakipuletjeletj tua paulan就是承受亡者的 一切狀態(kipuletjeletj同受苦難(承受者)
-
nu... maru... e... uqaljai a namacai saka vavayan a izuanan avan azua cekelj a kipuletjeletj如果往生者是男的(先生) 女的(老婆)還健在就是老婆要成為kipuletjeletj承受者
-
sa.. ka nu... e... vanu e uqaljai a ai nu vavayan a macai saka uqaljai a izuanan如果往生者是女的(老婆) 男的(先生)還健在
-
e... avan a aljak a vavayan niamadju mayatazua就是要女兒成為kipuletjeletj承受者
-
azua e... ika kakudan a uqaljai a kipuletjeletj ta paulan nuaya azua ti nakipupaulan a pina letjeletj ta paulan ika karakudakuda因為沒有男生當承受者的傳統習俗話說承受者是不能做任何事
-
ika.. izu.. .a nu pasaqayaqayavan anga tua keman aya zua只有在那裏守喪連吃的都要拿到她面前
-
nu maparumalj timadju aya tuazua a pinapi a pinapiletjeletjan aya ui e migakua zazua ti namacai aya如果承受者走動時亡者的遺體會活動
-
saka inika makeljang tu tu kemuda aya aya ramaljemaljeng sa所以不知道應該要怎麼做這是老人家說的
-
saka... avan azua pinatalevan ta mayatazua sa ka... Pinapuletjeletjan所以那是比喻的事件
-
saka nu... e... sipaka pitjulj avan nanga ininu maka kisasipu nu seleman anga e zemala接著到了第七天不對如果當天悼念完畢就進行zemala(靈魂附身)儀式
-
zemala nu maka kisasipu悼念完畢就進行zemala(靈魂附身)儀式
-
nu sipaka nemelj sa sa nacasaw tuazua nu masu ken nu seleman anga zemalanan到了第六天走出戶外到了晚上就進行zemala(靈魂附身)儀式
-
saka nu zemala e izua pakatjanu drava接著進行zemala(靈魂附身)儀式有的是有關往者的朋友
-
izua a... paka tjanu... paka tjanu ravar nuaya dravadrava aya driva a avan azua zaqu a luquin na pulingau有關往者的朋友靈媒就用zaqu圓球(無患子)來滑動進行儀式
-
saka paqiladj angata a zemala nuaya avan nazua lekelek a a sizuiziu niamadju如果真要請坐著他們就用lekelek苧麻線進行儀式
-
a azua mayayatucu ta lekelek avan azua zemala sa tjerekai zazua tiamadju a uri tjerekai mayatazua saka就是這樣晃動苧麻線那樣叫做zemala然後就會開始問話那些預備要問話的
-
saka azua pulingau e... inika kemeljang auta tiamadju kivadaqanan tjanuitjen a sika tacemekeljan那些靈媒也不會完全知道還需要先詢問家人
-
kivataqanan tjanuitjen ta tima uri mangtjez tua tima a uri e... pudjadjalan ta tima uri temavelak aya還要先詢問我們是誰會來誰會隨同而來誰會來承接
-
e.. aya a kivataqanan azua a pulingau azua e...靈媒還要事先詢問
-
kimaya na selevelev tiamadju sa ika pualalang tu tima mangtjengetjez saka avan azua siki vadavadaq anan可能他們還在混亂當中所以不清楚誰來了所以才來詢問
-
saka nu... nu sipakapitjulj anga tuazua e... avan angazua kirasudj到了第七天就是kirasudj大家聯合
-
cemulju ta dridri tua zua sa qarutanga tua mareka e... tjara pualjaljak ta... tjalju ta tuljep當天開始殺豬分豬肉給亡者的雙親本家一直分到第三代
-
saka azua e... azua ti namacai paka tua kina nimadju paka tua kama nimadju a qarutan tuazua vutjulj往生者的母親這一家和父親這一家兩邊分送豬肉
-
sa e... tjaljavak anga a nitjen a... a mareka... tjaiingau anga mayatazua a kakudan關係比較遠的親氣就只有領到少許的豬肉了
-
saka nu... e... azua a... e... pakisasipu ika ken a na... qivu izua ta tjaiqayau a zua tjaiqayau izua tazua kisasipusipu ui... e...接著有關於悼念的儀式我沒有詳細說明這是滿前面的悼念儀式
-
pakiva...la a sika saliyalim a paka tua e... kama a pakatua kina父親和母親這雙方的當家要邀請喪家到府上悼念往生者
-
e azua kinasizuan nua nimadju pakiva...la saka nu pakiva tuazua…就是往生者的本家(娘家)就要邀請喪家回本家一趟
-
e... avan a qemaung a qaquliqulid sa ken vawa sa ljagai tua zua ljagayan azua natempu在本家哭號然後分酒感謝那tempu在墓窖裡接住安放往生者遺體者
-
natempu nuaya avan azua a napaljetaladj ta luvangtempu就是在墓窖裡接住安放往生者遺體者
-
saka azua e sicuayan inika puhaku kemucukuculj接著說道先前的祖先過世不會裝在靈柩用蹲葬的方式
-
saka avanazua e.. sikaizua nua ljetalataladj a temavelak a tempu a ljeteku所以才會有人在墓窖裡接手安放遺體
-
saka nu cemevelj tua zua e.. i qadaw e... tua mamazangiljan接著當天要埋葬王室(大頭目)
-
nu uri tempu e kemuang anan nu kemu nu tempu nu ljeteku paljetekuin a caucau tjaljebung akuang mayatazua如果把遺體往下放要先鳴槍如果把遺體安放槍聲就響了
-
e... sa ka... avan azua a na ljaqayau azua izua tuazua cemevecevelj gata tiaken anga cua malialim這是滿前面的儀式是在埋葬的程序裡是我自己有些遺忘了
-
alja pazangalan azua tempu kemuang puita然而這是非常重要的儀式安放就要鳴槍一次
-
saka amin a mamazangiljan a tjasiya tazua ika tjen a kemuang a paqeteleng a e... ika... tjamuqanan niamadju a mamazangiljan所以只有王世(大頭目)擁有這樣的儀式如果身上沒有王室的血脈就不可隨便鳴槍
-
saka mayatazua seman namacai saka nu... e... maka kisasipu anga nu maka ki ui avan anga zua kemapulju anga itjen所以埋葬儀式就是這樣接著如果悼念結束後才開始帶孝了
-
gata tucu anga e kemapulju anga a caucau anga ara inika kemapulju可是現代的人馬上就帶孝了其實不是馬上帶孝
-
saka nu kemapulju itjen avan azua a... e...所以 我們帶孝時... 就是...
-
avan cu a... avan cu a vayavayar na... navavayan avan cua tjasi kapulju mayatucu a...kemapulju這就是...就是女生帶孝時披戴的小披巾帶孝就是這樣
-
saka e... kemaljalepecan auta kemaljalepecan auta saka nu kamaljalepecan nuya avan azua kiquleng tazua huluseki接著就是戴著頭巾kemaljalepecan 就是頭上蓋著頭巾
-
e... mayatazua saka nu e... avan cu a vinecikan a namatucu a sinikapuljiu就是這樣...如果披巾是繡有這種圖騰的
-
nu e... taidai a qadaw e... nu lima nu limanga puluq nu pida nga qadaw e pavalit pavalitan ta inika vinecikan如果要帶孝到一百天...到了第五十天或五十幾天就要換沒有圖騰的
-
sa avan nanga a... nu... nu limanga puluq a qadaw namaya tucu anga inika vinecikan所以就要換...到了第五十天就要換這種沒有圖騰的
-
inika tjen a ika ika patje vinecikan a penuljat saka nu nu taidai anga qadaw e... kisuquleng anga不是一直戴著有圖騰的金到結束到了一百天就把頭巾也拿掉了
-
kisu quleng anga sualapen a nga mayatucu matucua nga就要把頭上的頭巾這樣拿掉就是這樣
-
sa sa sualapi anga cu a.. aicu mayatucu taidai taidai anga qadaw mayatazua到了第一百天也把披巾這樣拿掉了
-
sa saka e... avan anga a... e... malaing anga tu kiquleng anga ta malailaing接著頭上就隨便帶任何一種頭巾
-
a sikiquleng nu nudjemaljun ta taidai saka nu pakasalekuya sakamaya到了一百天頭上戴著的頭巾
-
saka izua sakamaya a varung nimadju a inika makatjaulaula hemuruseki anga如果他/她心裡移植還掛念著還無法釋懷就帶著四角巾了
-
sa nu... nu vavayan a... a namacai e...如果往生者是女生
-
e...avan azua a... azua uqaljay sualapen ang zazua sini e... ayatucu nua azua semupulju aya除孝時男生頭上戴著的帶孝的頭飾就這樣拿掉
-
azua sini ayatucu ui a a qecengecengel nuazua a ti tjaqali ui e... sualapem男生頭上戴著黑色的頭飾就拿掉了
-
sa pavaliti ta... e pumaya tjalupung pumaya a... anema a sipavalit nuazua a a tjumaq nuaza a... a nuazua a namacai接著往生者的娘家就拿帽子或其他的物件來代替
-
sa nu vavayan... pavalitan ta kaljalepecan如果是女生就換kaljalepecan素面頭巾
-
azua sicuayan nekanan nu anemanema ui mauram palemek a drinpu a siayatucu sipavalit tua kapulju mayatazua以前因為物品缺乏可能只拿毛巾如此帶著把喪巾換掉就是這樣
-
sa..ka avan anga zazua a e... nu rusa cemecemel azua mareka sikatacemekeljan(無中文紀錄)
-
e... sikiveljangaw ta talacetac talacetac nuaya djeljeseljesem azua maka cemecemel如果家族的親人常去深山打獵
-
saka maqati a tjasi a sikiveljangaw tua tazua a... ljangidris就可以從深山採取ljangidris (類似菊花)來做頭飾
-
ljangidris aza namaya tua zua tjahana izua i putjanesan maqa mqati a isip auta sipaveljangawljangidris就像我們的田園(捕羌山)的小菊花一樣也可以用isip製作成頭飾
-
sipa maljia vavayan maqati azua uta a tja...tazuain sa如果是女生也可以給她戴上
-
saka avan anga zua nu e... tja inaya tazuanga maya tucu zua ramaljemaljeng如果我們已經讓他們戴上那些頭飾老人家們如此說
-
ulja ini... ka sun na kipatjeqezeljanga nu izua a kisadjelidjeli tjanu sun tjakudai ayau wanga sakamaya e... aya希望如果有人對你/妳微笑示好對你心儀就不用再受牽絆因為事實已經如此
-
nu sinu puljuan anga mayatazua nanguaq anga如果已經行過除孝儀式就可以了
-
saka... azua remengereng a ku siaya e... avan a... azua kaitjumaqan angata mamazangiljan nu macai接續我要講到王室大當家駕崩連家屋前的石柱也要守喪
-
saka e...avan a... tjaljavuluvulungan lja saka... azua remengreng a ku siyaya tazua a pacugan只有王室的長子(長女)駕崩才有石柱守喪的習俗
-
e...mipuljuan a sauljauljai石柱守喪 (mipuljuan)
-
nu mipuljuan a numacai a mamazangiljan maljia sauljauljai a qaailadjan nimadju mipuljuan mayatazua王室(mamazangaljan)駕崩時連石柱和她/他的寶座都要守喪
-
sa siki... sikiqau na namaqacuvung tu tusi rengereng由本村的年輕人負責上山砍竹子用來裝飾石柱守喪
-
asasavan azua a... qau a sini pasulem tuazua sauljauljai竹子是帶有葉子的才可以蓋住石柱(呈交叉的方式)
-
saka azua sauljauljai e... a sipasulem mipuljuan tua zua sauljauljai aya遮蓋石柱是因為石柱要守喪
-
saka nu e nu malap a nu namalaq anga a... e uqaljaqaljay tuazua所以那時一直到男士們獵到獵物
-
e.. su rengerengan a... sauljauljai nu mayatazua sa... izua malap sa surengerengi石柱就可以除喪了就會把遮蓋石柱的喪物拿掉
-
e... avan anga zua izuanga sinitjauvalut na tja vuvu a siniveli aya那時他們就會說我們的祖先已經賜給我們替換的牲物買贖往生者的生命
-
a sinialap ta tjaljak ta tja vuvu ayanga a a mareka tja sikataqaljan a tja sikatacemekeljan部落的族人和家族的成員說這就是為什麼要取走我們的孩子、我們的祖父母
-
sa ininga ka... e... namasugalng a varung a ta siyatazua a... e... nu izua malap所以如果有人往生之後大家的心裡就不會太過於悲傷
-
sa...ka nu malap a... uqaljaqaljay e... azua sangasangasan sisuqipu azua ti sangasan a malap接著接著部落的男士們如裸獵到第一個獵物就是用來餵土地除喪
-
e... ui saka azua tjaivililj si...是的接下來呢...
-
si... e maru a a sikadrusa na namalap maru avan anga zazua a siniveli anga ta nasi nimadju如果獵到第二個獵物就是就像是代表買贖往生者的生命
-
sikamasan musalj a inalap第二個獵物
-
sa ka na sikamasan tjelulj avan nanga zazua a e... si sisupuljupulju anga tjanuitjen a i kacauan a vinaikan第三個獵物就是為所有的人為還在世上的家人除喪
-
tjakudai e maru... e... inainalap anga puraketj niamen anga puraketj無奈我們已經把他帶走了已經是屬於我們的了
-
saka aicu a nia siniveliveli a niasi tjauvalivalit ta nia inalapan ta nuvuvu ta nualjak ayanga a maru ayanga zazua cemas所以如同神說這些(獵物)如同就是與你們替換買贖你們的祖父母孩子
-
mayatazua a kakudan tuazua a na rengereng a...a mamazangaljan a namacai當王室(大頭目)駕崩時石柱守喪的傳統儀式就是這樣
-
saka nu... izua nu inika na... e penuzangal a sinikaqulipan有的時候往生者並不是自然(安然)的死亡
-
nu... e izua a... e maciluq a... a sikataqaljan saka nekanga nu numalap palemek a maseke...lu anga asaw na sinirengereng也就是部落的族人當中有人懷孕然後都沒有人獵到獵物而且石柱上守喪用竹子的葉子 都掉落了
-
masekelu nuaya avan azua masu a...saw anga sa mapuljat a asaw a sema tekumakelu 意思是全...部的葉子都掉落在地上
-
neka malalap ta qaliqali ta mareka tjasikataqaljan別人和所有部落的人都沒有人獵到獵物
-
avan a zazua a namavengetj a qimang nua tja kinataqaljanan nu e... mayatazua gemalju a malap這樣的義表是我們的祝福是被封閉的遲遲遲捉不到獵物
-
saka nu patjaljun tua taidai a qadaw saka nekanga malap sualapen anga所以如果到了一百天沒有人獵到獵物就把喪物完全拿掉
-
ui mayatazua kakudan nua zua a remengereng所以石柱守喪的傳統儀式就是如此
-
saka e... ulja mun a napualang azua mala malaluanga a... a remengereng tucua nga所以希望你們都能夠知道因為現在時駐守喪傳統儀式已經稀疏難見了
-
azua kisan sinzia nga sakamaya inika remengereng a.. tjalja pazangalan azua inika mapaqenetj a... a remengereng因為大家都改信耶穌了沒有再守石柱守喪所以石柱守喪儀式不要被遺忘是非常重要的
-
ui amin anga是的就說到這裡結束
-
azua saka zua ku siaya e... avane mun a mareka aljak a mareka sikatacemekeljan nuazua vinaikan我所要表達的是... 為了你們這些下一代的孩子們以及往生者離開留下來的所有家人們
-
e tjakuda...i aiyanga itjen saka vananga tja pasamulja saka vananga uri tja sikamanguaq a tja kinemenemenemen我們無奈地...都要接受事實接著就要繼續努力讓自己為了有美好的未來著想
-
mayata zu...wa kakudan nua sicuayan atjaljuvilivililjan anga pai amin anga zazua ku tjaucikel古老的文化傳統祭儀就是如此我就講到這裡結束了