- 26
- 0
- 字幕列表
-
lolah simu kwaraʼ Tayan大家好!!
-
kong uzi ga Tayan sakuʼ uzi kahul sakuʼ Sincyuk Sincyuk Goho我是泰雅族人,來自新竹五峰
-
ru kisaʼ hani uzi ga lkayan sakuʼ i zyaw makuʼ kinsraran今天在這裡,所要講的是我從前的事情,
-
yaʼih cikay uzi ku umiʼ makuʼ ru我的命不太好,
-
nyan sakuʼ iwan naku nyan sakuʼ nyan cnbaʼ cikay utux itaʼ kneril ga我要來...就像是...要教導我們女人啊
-
maha a asi ga kong hani wayan ku bes makuʼ hasa ga就像是我這樣,我的另一半離開了,
-
wakay kya naʼ aru wayal ku bes makuʼ hasa lga很年輕,我的另一半離開的時候,
-
nanak kong ku mlahang payat laʼiʼ hani只有我一個人照顧四個小孩
-
mlahang sakuʼ payat laʼiʼ hani lga mlikuy makuʼ wal hasa ga kahun Goho uzi我照顧四個小孩,我過世的先生(也是五峰人)
-
ingat nanuʼ biʼan sakuʼ nyaʼ nanak balay payat laʼiʼ snakuʼ si nyaʼ沒有留下任何東西,只有留下四個小孩給我
-
ru ungat raysang ungat ku utux pilaʼ也沒有留下任何一點錢
-
ru aring cikuy ga kong kwaraʼ mlahang ku llaʼiʼ hani從孩子小的時候都是我一個人在照顧,
-
ulong blayʼ uzi ku yabaʼ kamisamaʼ還好有上帝父神
-
ulong hiyaʼ ku mlahang uzi kong ku rʼagan si nyaʼ mlahang llaʼiʼ hani還好有他的照護著我,幫助我照顧著孩子們
-
magalu si ki tamalong sa slaliʼ hasa ga以前我跟我的先生在一起的時候
-
ini aring salaliʼ mapu tzyuʼ magalu sami沒有...是從以前開始...我們在一起十六年了
-
pcuʼun sami magalu ru iniʼ sakuʼ usaʼ rihay我們在一起的時候我還沒有去做禮拜
-
aw ga aring sakuʼ cikuy magalu sakuʼ yayaʼ yabaʼ yayaʼ Kowabataʼ hiyaʼ ga我從小的時候和爸爸媽媽是有去的
-
aring cikuy ga wal sakuʼ rihay從有就去禮拜信教
-
pcʼunun sami kikon mlikuy mu lga iniʼ sakuʼ usaʼ rihay rwa和我先生結婚了...就再也沒有去禮拜了
-
ru aring sa wayan hiyaʼ uzi lga wayan mʼabiʼ lga自從他過世了,倒下來了之後
-
kong nanak malahang payat laʼiʼ hani ru我一個人照顧這四個小孩
-
icibang rahuʼ kya laʼiʼ mu tmalong hani ga國小五年級最大的孩子是男的那時候....五年級
-
ru nibang hiyaʼ ga國小四年級第二個孩子是...國小四年級
-
sanbang hiyaʼ ga payat payat balay kawas nyaʼ第三個孩子是四...只有四歲
-
ru atu ya ku cikuy laʼiʼ mu hani hiyaʼ ga utux balay kawas nyaʼ還有最小的孩子那時候只有一歲而已
-
nanuʼ maha kasa ru aring salaliʼ ga iniʼ si pciyaw nanuʼ uzi就從那個時候,那時候我也沒有工作
-
mapu mapu pituʼ lga kikong si mlikuy mu la十...十七年我和我先生結婚
-
taxan su i我回想著...
-
swaʼ wayal muri tamalong mu我先生為什麼會離去...
-
alagay sami uzi ga magalu sami uzi ga blayʼ cikay kkyanux myan kya nanak uzi torak myan真的是...我們那時候,在一起生活的時候日子過得很好,也有車子
-
baziy sami torak hani uzi ga ulong blayʼ mciyaw sa basʼ slaliʼ tmalong mu ru我們買車子,還好是我先生很會工作
-
kyen cikay ku pilaʼ niyaʼ lga snakuʼ myan nanak也有一些錢,我們自己存的
-
ru baziy sami turak la kyalun si nyaʼ maha我們買了車子,他就告訴我
-
cila rgyax la baziy taʼ turak lma rwa我們買了車子我們回山上了
-
ru pcwagan nyaʼ hasa magal sa parung ru rumaʼ他做的工作就是要載松木還有竹子
-
nanuʼ slaliʼ sa hiyaʼ ga parung hiyaʼ ga asi ga Tayan ay那時候,載松木一定是要原住民喔,
-
sazing Tayan sazing Tayan maha kasa ku bganan nahaʼ turak兩個人...兩個人要跟著車子
-
ayat misu hani ku 用kikay la iyat不像現在用機器...不是
-
sararan hiyaʼ ga abuk balay以前是完全靠體力的
-
si ga abux balay ga ru kyen ku naniʼun uzi只有靠體力才有飯好吃
-
nanuʼ uzi ku musa matuʼ turak nyaʼ hasa lru tamasuʼ mwah saliʼ lrwa當他把那趟車送完了...結束了回到家
-
ru iniʼ nabuw uwaw uzi沒有喝一點酒
-
mosaʼ mcisan ki asi nku kinsat ka rrangiʼ nyaʼ要去找他警察的朋友聊天
-
habayaw ku rangiʼ asi naku kinsat趕著去找那個警察朋友
-
ru mcʼun mcisan nanuʼ mcisan hasa lga然後~一起聊天...也是聊天的那時候
-
mcisan ru iniʼ nabuw sʼayung balay tmalong mu聊著~我先生真的一點(酒)都沒有喝
-
ana mnabuw balay ga utux balay kupuʼ nbun nyaʼ aring nyaʼ salaliʼ即使有喝.他只會喝一杯,從以前就這樣
-
ru kyalun myan yuku rangiʼ nyaʼ kwaraʼ kinsat sa maha我們就跟他所有的警察朋友說
-
nanuʼ tamasuʼ taʼ maniʼ musaʼ sami saliʼ ru musaʼ saliʼ uzi laha la我們吃完飯了就要回家了他們也要回家了
-
aw ma ru musaʼ sami saliʼ lga說好了之後~就回家了
-
kyen i torak myan takusiʼ myan我們那時有車子
-
ru kman uzi ku bes mu hasa uzi ga kman maha nanuʼ hakuʼ thmuq han ma我先生就跟我說:我先去尿尿一下
-
utux ryax hasa uzi ga lʼtuʼ uzi ru m_walax那一天很冷也下著雨
-
rahuʼ balay walax nyaʼ ru m_yulung雨下的很大雲霧也很大
-
sami Takunan hiyaʼ ga rahuʼ balay ku yulung myan在我們竹林這個地方它的雲霧是非常的大
-
krumaʼ ana suʼ maluw ana suʼ miray takusiʼ ga有時候你開著車子
-
ini baʼi balay mitaʼ tuʼi nyaʼ真的看不到路
-
nanuʼ maha kasa laga nanuʼ tamasuʼ sami kana musaʼ sami saliʼ lga就這樣,在我們結束了要回家的時候
-
halay si tahamuʼ maha ku tamalong mu我先生就說要去尿尿,
-
kyalung sami nyaʼ ki nagasiʼ myan uzi salaliʼ ga kyen maha hakuʼ tahamuq han ma他就跟我還有以前的助手(那時候有)跟我們說:我先去尿尿一下
-
nanuʼ musaʼ thamuʼ kasa laga在尿尿的時候
-
iniʼ baʼi maha wa o rimaʼ wan mtakuy hogan hayutiʼ hayutiʼ rahayan hasa cinngay m_walax rwa也沒注意到他喊了一聲喔...他已經掉下去了...很滑...很滑...因為下過雨地很滑
-
ru talagay uzi ay很特別也是
-
a nanuʼ utux ryax hasa uzi ga iniʼ mu baʼi那一天我也不知道怎麼了
-
ryax mu ryax mu myanux hani iniʼ mu baʼi balay maha nanuʼ ku wan mhoʼin hiyaʼ tayal在我...在我活得這段時間...完全不懂得什麼叫做死亡...人!!
-
a kyen cingay kwaraʼ uzi ku bnkis mu naʼ我也有很多長輩
-
kwaraʼ ku bbaʼun mu kwaraʼ ku saliʼ tayal mu ga在我知道的所有家族裡面
-
ungat tayal maha wayan mʼabiʼ na tingay giwan nku mhoʼin沒有任何一個是倒下或是死亡的
-
nanuʼ tamalong mu hani lga matakuy lga matakuy rwa所以我的先生,跌倒了跌倒了...
-
ru halan myan balay matuʼ sinsang han我們就先送去醫院
-
nanuʼ aring sami rryax ru mwah ki Ckutoʼ hani lga我們從山上一直到竹東這裡
-
nanak ku Ckutoʼ ku sobeh raw sinsang myan醫院只有竹東這裡是最近的了
-
ru kinsaʼ na sinsang la kwaraʼ ku hhayan nyaʼ inuʼ ku mtakuy nyaʼ做了所有的檢查,哪裡有跌傷的地方
-
ungat balay kwaraʼ ay is nyaʼ ungat balay完全沒有傷口,真的沒有
-
taxan balay ga asi balay iniʼ baʼiʼ maha inuʼ mahayan nyaʼ看起來像是...不像是有受傷生病的樣子
-
ru a kinsaʼ kinsaʼ nyaʼ sinsang lga basyaʼ cikay kinsaʼ nyaʼ檢查檢查一生真的檢查很久...
-
lga sabalay ku mahayan nyaʼ hasa ga 內出血他真正的病痛是內出血
-
ru kman sinsang maha itaʼ tayan maga icibang yaʼeh mtakuy suʼ iniʼ ga mhswaʼ suʼ醫生就說:我們人.最不好是跌倒了或是怎麼樣
-
rmuyux mhatuw ga blaq ma有出血是好的
-
iniʼ cibang kayngun ga ingat ramuʼ hasa ku kongun最不好的也最怕的是血流不出來
-
mutu makiʼ zik ku ramuʼ nyaʼ lga iniʼ kbaq mahatuʼ tanux lga yaʼeh ma ru mutu helaw mahoʼin ma ku sinsang血在人體裡出不來那樣是最不好也會加速死亡醫生這麼說
-
nanuʼ hasa lga talengwaʼ maku ʼasuyan nyaʼ la asuyan na tamalong mu Yuraw laluʼ nyaʼ就在那時候我就打電話給我先生的哥哥,他的名字叫Yuraw
-
ru mwah kwaraʼ ku asuyan yo ssweʼ nyaʼ mwah mitaʼ然後~他的哥哥和弟弟都來看他
-
ru nyen mrahuʼ mhayan nyaʼ cingay rwa他正是傷的很重了
-
ru wahan nahaʼ mitaʼ ru kyen iniʼ kabasyaʼ la kyen nyaʼ baʼun nanak uzi la他們來看他...沒有多久的時間他自己也知道了
-
kyen nyaʼ nanak baʼun uzi lru maha kasa tmubun ku rawziʼ nyaʼ la他自己好像也知道了...眼睛就好像睡著了一樣
-
wayan wayan blayʼ ku nʼabiʼ nyaʼ好像...好像睡的很好
-
wa iniʼ kan ana utux keʼ nanuʼ沒有留下一句話...
-
nanak ku msabuʼ rawziʼ nyaʼ只流下了眼淚
-
ru kman nanuʼ kman sinsang maha asi rasi saliʼ lma aw la son myan然後~說了...醫生就告訴我們說:那就帶回家吧;我們也就答應了.
-
nanuʼ wan ku kawas nyaʼ hasa ga mapa mapa mapatul kawas nyaʼ wayal wakay balay naʼ就在他走的那一年,四...四...四十歲的時候走的,他還很年輕!!
-
ru ana ana kong uzi lga mlahang cikuy laʼiʼ kyen ru rasun myan yatux ku tamalong mu hasa la yaku saliʼ myan rryax Takunan連我那時候,連很小很年輕...那時候我們就把我先生帶回到山上在竹林的家裡
-
saliʼ mu Takunan hasa uzi ga ungat ku bes mu uzi我竹林山上家裡也沒有鄰居也是
-
ingat ku 鄰居 ingat ku aʼalang myan ungat kyen ga wal twahiʼ沒有鄰居也沒有部落...有也是很遠
-
nanak kong ku utux ngasal hasa只有我們一個家在那邊,
-
nanuʼ mwah wahan matuʼ tamalung mu hasa ru那時要送走我先生
-
cyugan ryax balay skun saliʼ lga wal posun wayan la只有放在家裡三天,就送...離開了!
-
wal myan halan matuʼ la kman cingay ku asuyan nyaʼ maha laxi sakuʼ basyaʼ ma我們要送走了時,他的兄長說:不要放太久,
-
imaʼ baʼ haziʼ kya gagaʼ nahaʼ iniʼ mu baʼiʼ以前的時候不知道...我也不懂,
-
nanuʼ asi iniʼ si kbaʼ kmal nanuʼ uzi aw ga ʼlungan mu ma ta kinhelaw nahaʼ halan matuʼ lpi那時我也沒多說什麼,心裡想著怎麼那麼快就要送走了,
-
ru nanuʼ wayan hasa lga wal nahaʼ halan matuʼ ku tamalung mu lga然後~那時候送走了,他們把我先生送走了之後
-
wayal kwaraʼ uzi tayal la ingat tayal smbes kong uzi人們也全部都走了,也沒有人留下來陪我,
-
ru laʼiʼ mu uzi ga musaʼ uzi gakoʼ rwa然後~我的小孩...也要去學校了,
-
talagay maha si nanuʼ wal ku san nahaʼ matuʼ tamalung mu hasa lga我嘆息著說,在他們送走了我的那個之後
-
mʼuwas biruʼ ku cibang krahuʼ laʼiʼ mu tmalung ru knerin naʼ sazing hiyaʼ ga tikuy naʼ rwa kong ku mlahang我最大的兒子還有女兒就去讀書,還有兩個小的我在照顧
-
iniʼ si kabaʼ mcizyaw nanuʼ uzi bali si mncizyaw tanux什麼工作我都不會,沒在外面工作過.
-
mapu mapu pituʼ lga kekong si tamalung mu跟我先生結婚十...十七年,
-
ana nanuʼ iniʼ si kbaʼ mcizyaw什麼工作我都不會,
-
nanuʼ ana saliʼ suru mu ga kya rumaʼ ga甚至連我家的後面有竹子,
-
ru magal si sokiʼ ungat pilaʼ瓦斯baziy瓦斯我拿著柴刀,那時候沒錢買瓦斯...
-
magal si sokiʼ tʼtun mu ru rumaʼ nanuʼ mwah gakoʼ laʼiʼ mu lga拿著柴刀要砍竹子,我的小孩也從學校回來了
-
cibang rahuʼ hasa ru nibang laʼiʼ mu hani ga最大的那個還有第二個我的小孩
-
kawas nahaʼ cibang rahuʼ hasa ga 五年級 mawpu mawpu balay kawas nyaʼ naʼ最大的那個還子五年級...十...十歲而已他的年紀,
-
knerin hyaʼ ga hoʼ mawpu mawpu hoʼ mawpu kawas nyaʼ ku cibahg rahuʼ laʼiʼ mu tamalong mu hasa女兒七...對...對...十歲我最大的兒子最大的男生那個,
-
nanuʼ aring nahaʼ gakoʼ mwah ungat uzi pilaʼ mu rwa他們從學校回到家,那時候也沒有錢
-
tamalung mu wayan mhoʼin ga iniʼ bayʼ nanuʼ ana utux keʼ iniʼ bayʼ nanuʼ uzi我死去的先生什麼都沒給我,一句話也沒有給我
-
ru nanak payat laʼiʼ hani biʼan si nyaʼ只有這四個小孩他給我的,
-
ulong blayʼ ungat i kuhay nyaʼ uzi還好他也沒有留下債務,
-
nanuʼ yuku laʼiʼ hani ku sami si sam klawkah nanak makiʼ rgyax孩子跟著我,只能堅強的...在山上過生活
-
ru tutuʼ sami rumaʼ我們砍竹子
-
slingun yuku hasa ku ppayman myan ʼsyaʼ ru phapuy sami燒火要煮洗澡水及煮飯
-
ru hasa rumaʼ ki khoniʼ utu sami nanak magan那些竹子和木頭,我們自己砍要自己拿
-
ru mosaʼ gakoʼ balay hasa nanuʼ yuku krahuʼ behuy krumaʼ mwalax ga那時候當他們去學校尤其刮著大風下著大雨
-
iniʼ si kabaʼ magaluw tobay kya naʼ那時候我還不會騎機車,
-
ana nanuʼ iniʼ si balay kbaʼ ana kmagaw naʼ ga mutu kahatuy uzi mutu si takuy nanak那個時候我什麼都不會,連打掃有時候還會被絆倒,還會跌倒,
-
ru pahswa taʼ nanuʼ musaʼ gakoʼ laʼiʼ mu hyaʼ ga goziʼ kryax mutu si mtuliʼ然後~我怎麼辦...所以小孩去學校了,我每天五點起床,
-
phapuy si laʼiʼ ru maniʼ laha lga musaʼ gakoʼ我煮飯給小孩,吃完飯了就去學校,
-
krumaʼ aring saliʼ musaʼ gakoʼ lga有的時候從家裡去學校的時候,
-
taxan mu kakuʼ na laylaʼiʼ sayʼan balay我看著他們的樣子,真得很可憐,
-
aring saliʼ wan cikay hugan hasa lga mhoziʼ la從家裡走下去沒多遠,就濕了
-
ana bingun rukuʼ ga iniʼ kbaʼ mbing uzi laʼiʼ mu mutu mlakaʼ rahuʼ behuy ru即使拿著雨傘我的小孩也不會拿那時候.風很大有時候會飛走
-
kapaʼ uzi ga nanuʼ kapaʼ uzi ga helaw baʼun mitaʼ mhuziʼ uzi laʼiʼ穿雨衣,下得很大也很快就小孩子看得出來也溼掉了
-
ana maha mbrukaʼ musaʼ gakoʼ即使穿著雨鞋也是,
-
slyutux mu kryax aring saliʼ musaʼ ru musaʼ musaʼ musaʼ gi Takunan gakoʼ hasa常常很捨不得,從家裡走...走到竹林國小那裡,
-
nanuʼ wal gakoʼ taxan mu kryax son mhozi wal talagay phswaʼ taʼ lay maha si我看到他們去學校常常是溼的去,唉...我們要怎麼辦了心裡想著,
-
musaʼ kana si baziy uzi tobay uzi ga ungat pilaʼ uzi想要去買一台摩托車,也沒有錢去買,
-
ana kyen uzi ku snabin nahaʼ ku giwan nku mhoʼin tamalong hasa ga bali ktwaʼ bnay tayan rwa即使有...他們包給我先生的那些錢,人們給的也沒多少,
-
wal nahaʼ ksyugan iniʼ si nahaʼ biʼi uzi wal nahaʼ asyugan ga iniʼ si nahaʼ biʼi nway iriʼ有一部分又被人給借走了也沒還給我,被他們借走了...沒有還給我,沒關係...
-
lungan mu nanak maha si taʼ klahang laʼiʼ我在心裡想著:要好好的照顧小孩,
-
nanuʼ taxan mu laʼiʼ mu musaʼ gakoʼ ga所以...看著我的小孩子去學校,
-
slyutux mu balay ungat ku pangaʼ nahaʼ musaʼ gakoʼ真得很捨不得...沒有...載他們去學校,
-
ru mwah uzi kryax mwah saliʼ lga mutuʼ makiʼ gon te hasa ga ru ma yayaʼ nyan si la ma然後~ 常常快回到家,有時在河的那一邊跟我說:媽媽我們回來了
-
ru taxan mu ga krumaʼ payat tensong lga nyan laʼiʼ yuku sazing laʼiʼ hani cibang rahuʼ ki nibang laʼiʼ mu knerin hani有時候我看到四點鐘時,兩個小孩我最大的跟第二個的女兒
-
utu nahaʼ aring beh i syaw te hasa ma yayaʼ nyan si la ma有時候就在旁邊的時候說:我們回來了,
-
ru nyan mzinah ga mzimuʼ si ga mitaʼ nahaʼ mwah然後~用跑的,看到心裡感到很安慰,
-
ru nanuʼ laʼiʼ mu uy ku payat kawas hani ki utux kawas然後~我的四歲的跟一歲的小孩
-
iniʼ kabaʼ kam ku utux kawas hani hyaʼ pangaʼ mu rwa salaliʼ ga mutu pangaʼ一歲的這個孩子還不會說話,我背著...以前的時候會背著的,
-
mtut sami makiʼ saliʼ mnagaʼ i nyan laʼiʼ mzimu ku lungan在家裡等著他們心裡面真得很安慰,
-
ru mwah lga hasa ha mutu mu kyalun maha biruʼ kwaraʼ ku biruʼ mamu han然後~回到家了,那時候我通常會跟他們說:先把功課寫完
-
tsuʼun mamu lga ragi yayaʼ mamu musaʼ taʼ magan lozi rumaʼ ki khuniʼ寫完功課後,幫媽媽去拿一些竹子還有木頭,
-
slingun taʼ asyaʼ ppemaʼ taʼ pphapuy son mu aw ma我們要燒洗澡水還有要煮飯的:回答說好
-
ulong mung kay uy ku laʼiʼ kwaraʼ hani cikuy hani ru maha kasa lga還好很聽話我的這些小孩,然後~
-
salaliʼ hyaʼ ga bali asi ga misu hani payux ku ragan na thawkiʼ然後,以前那個時候,政府不像現在會給予很多的幫助
-
ungat balay salaliʼ hyaʼ si ga abok suʼ nanak以前的時候真的沒有,只能靠著自己的勞力,
-
cibang rahuʼ uzi ga makiʼ si rryax hasa ungat twahiʼ kwaraʼ uzi ku aʼalang mu twahiʼ在怎麼大的事情,我那時候在山上,沒有鄰居,很遠...
-
nanuʼ ʼlungan mu nanak uzi maha asi ga baʼaw taʼ kyen kyen utux ryax ga makiʼ si tanux在我心裡面想說:只能...也不知道是怎麼了在...在那一天,我在外面,
-
llungun mu ku kwaraʼ sami ki tamalung mu ku kyanux myan hani想著那時候跟我先生一起生活的這段時間,
-
blay balay ku kyen tamalong hiyaʼ ana nanuʼ ga hiyaʼ ku mcizyaw有先生得生活真得很好,什麼都是他在工作
-
ungat hiya lga ana kamagaw raw nanuʼ kong nanak balay沒有了他,打掃什麼都是我自己一個人做,
-
nanu krumaʼ lungan mu maha malux taʼ haylaw kikong有時我在心裡會想:為什麼這麼早結婚,
-
aw ga ana asi say salaliʼ hyaʼ ga mutu maha kasa rwa ihiʼ kikong ma bnkis但是,在怎麼說過去啊,有時候會這樣,長輩會催促快點結婚,
-
iniʼ ihiʼ kikong lga bnkis lma ga ungat tayan magan ma ga沒有快一點結婚,年紀大了就沒有人會娶了,
-
krumaʼ mutu si msyaʼ nanak有時候我自己會笑,
-
talagay umiʼ nanuʼ ku haziʼ iniʼ matanaq kwara ku umiʼ maha si唉~這是什麼命,每個人的命都不一樣我這麼想得,
-
ru makiʼ si rryax balay makiʼ saliʼ lga llungun mu ga然後~我在山上家裡的時候,心裡想著...
-
asi taʼ usaʼ kyokay la maha si對自己說來去教會好了,
-
swaʼ muri makiʼ si i saliʼ mu tanux nanak pazyux lungun為什麼會這樣...我在...在家裡的外面,真的想很多...,
-
kyen balay ku utux kyalun si nyaʼ聖靈hani kamisamaʼ ga真的有神!!祂跟我說,這個聖靈上帝啊,
-
ana makiʼ kyokay ga wal mu見證uzi ku zyaw mu hani在教會得時候,我也見證這我的這個事情,
-
makiʼ si saliʼ rwa kman si nanuʼ asi ga kya utux nyux si nyaʼ syukun我在家裡,我說什麼,就好像有神靈在回覆跟我說話
-
ru kman si nanuʼ aiy naku 很自然 maha kya lru然後,我說什麼,就很像很自然的那樣了,
-
bali aw simu wan kyalun rwa ana tobay iniʼ si kbaʼ maluw tobay rwa ungat pilaʼ baziy uzi我跟你們說過,連摩托車我都不會騎,也沒有錢買,
-
ru nanuʼ yuku kay myan asi taʼ suʼiʼ bnayʼ si nyaʼ kamisamaʼ hani ga然後~就像是上帝他給了我這些之後.
-
balay ay iniʼ si kʼihuy真的,我沒有騙人
-
nanuʼ yuku mwah ku nanaʼ mu ga nanaʼ mu Iban我有一個哥哥(意指先生的哥哥),我先生的哥哥Iban
-
msinsi uzi walya退休la以前是當老師退休了,
-
nahaʼ ki kneril nyaʼ ga msinsi kwaraʼ nahaʼ laha hiyaʼ他跟他的太太,他們都是老師,
-
nanuʼ mwah kyalun sakuʼ nyaʼ rwa maha yanguʼ ma talagay ma他跟我說:弟妹,唉~
-
wal mhoʼin uzi ku 弟弟 lru isuʼ makiʼ rgyax lga我的弟弟死掉了,你住在山上嗎?
-
son suʼ kenuʼ kwaraʼ laʼiʼ suʼ hani ma你要怎麼照顧你的這些小孩?
-
iniʼ si kayal kyalun si nyaʼ maha kya utux laʼiʼ mu kneril ga我沒說什麼...他跟我說道:我有一個女兒啊,
-
pbaziy sa atarasi tobay ma要買一台新的摩托車,
-
yuku bnkis tubay hani biʼay misu son si nyaʼ舊的那一台摩托車就給你他這樣說,
-
ru kyalun mu maha ana suʼ biʼan kong tobay hani ga iniʼ si baʼ miray ay son mu然後~我跟他說:你即使給我這個摩托車我也不會騎
-
kamn maha nway iʼriʼ ma kabagaʼ nanak makiʼ sa rryax hani ma他說:沒關係,要自己天天去學習騎,
-
aw maha si mzimuʼ si我答應了...心裡很安慰,
-
trengwaʼ mu ku soncyoʼ myan salalʼ la Yaway ka knerin我就打電話給以前的女村長Yaway,
-
maluw sami musaʼ ru Sincyuk我們一起去新竹,
-
magan sami takusiʼ ay tobay na nanaʼ mu biʼan si nyaʼ tobay hani 100cc我們去拿車...是摩托車我先生哥哥給我的摩托車,100c.c
-
nanu aring hani kabaʼ所以就這樣開始練習...
-
maki saliʼ ga yangayan mu aring Sincyuk mwah balay ku tobay hani在家裡看著從新竹帶來回的這台摩托車,
-
yangayan mu sazing kakay nyaʼ son taʼ kenuʼ miray我看著他有兩個腳,到底要怎麼騎?
-
maha taʼ kani miray patakuy taʼ maha si我們如果這樣騎會跌倒,
-
ru balayʼ ku mtakuy hiyaʼ iniʼ kngunguʼ mtakuy mtakuy hiyaʼ心想~跌倒是沒關係,跌倒不用怕...跌倒...
-
yuku hun taʼ kenuʼ miray maha si bsyaʼ cyugal ryax iniʼ ga payan ryax心裡想著到底要怎麼騎??很久...三天還是四天...
-
nyan la utux ku kalang myan utux kneril wakay hiyaʼ naʼ cikuy haziʼ cikuy tikay hiyaʼ有一個從部落來的女孩子,他比我年輕,好像比我小...他比我小一點,
-
kyalun si nyaʼ la maha Saytaʼ ma nyux tobay suʼ ru swaʼ suʼ iniʼ kabahaʼ naʼ他就跟我說,Sayta:你有摩托車你怎麼不會騎?
-
iniʼ si kabaʼ balay son mu si mu yangazi tobay我真的不會騎這樣對他說,我一直看著這個摩托車...
-
nanuʼ cbaʼay misuʼ ma balay ga son mu aw ma那...我來教你他說,我說真的嗎?他說好...
-
ru kyalun mu kyalun yaku laʼiʼ mu hani payat yuku sanbang laʼiʼ mu hasa我就說...跟我的小孩說,第四...第三個那個孩子,
-
kyalun maha klahang ku弟弟cikuy hani hki kagabaʼ si tuʼi tobay hani helaw son mu跟他說:照顧小弟弟,我要在路上學騎摩托車速度很快,
-
aw nanuʼ mayniciʼ mwah ulung knerin hasa uzi英英 laluʼ nyaʼ knerin hasa對,每一天...來,還好有那個女孩子,那個女孩子名字叫英英,
-
ulung hiyaʼ cbaʼ cikay yaka mayniciʼ mayniciʼ cikay makasa kabagaʼ tobay lga baʼ si la還好有他教,每一天每一天那樣練習摩托車,我就會騎了,
-
taxiʼ muri imaʼ kahul sa inuʼ hani kahul sa kahul sa kamisamaʼ ay你看哩,這些是從哪裡來的?從...來自上帝喔,
-
kyalun si nyaʼ utux ryax hasa那一天祂告訴我:
-
utux utux ku maha kani wan nyaʼ balay ku skun lungan ku asi ga kong hani ku yayaʼ uy ku一點一點像這樣,祂真的...把我的放在心裡,就像我這樣的...媽媽
-
ru nanuʼ maha kani lga ulung blayʼ balay ku yabaʼ kamisamaʼ hani然後~就像這樣了,還好真的有天父上帝,
-
misu hani uzi nanuʼ yuku makiʼ myan rryax rwa到了現在,我們那時在山上,
-
suru nyaʼ lga mwah si hogan uzi mcizyaw la之後了,我也到鎮上工作了,
-
iniʼ uzi pciyaw uzi ga ungat nniʼun nku laʼiʼ hani沒有工作,孩子們沒有好吃的.
-
bali nanuʼ ku kyen uzi ku pilaʼ myan rwa bali nanuʼ ku rragan na thawkiʼ uzi si abuk mu nanak balay那時候我們也沒有錢,政府也每有給我們幫助,一定真的要靠勞力,
-
nanuʼ mwah si ga misan si mwah yuku hogan mcizyaw balay ga所以我就去,我真的就到鎮上工作了,
-
nanuʼ misan baq si cikay maluw tubay la那時我也剛學會騎摩托車,
-
ana si mangunguʼ ga asi si kat anux ru musaʼ mcizyaw即使很害怕,也咬著牙去工作上班,
-
lahang si cingay payat laʼiʼ hani為了要照顧這四個小孩,
-
ru musaʼ si mcizyaw i那個Sincyuk hani 科學園區 hani ga uzi ga然後~我的工廠也是在那個新竹科園區這裡,
-
iniʼ krahuʼ pwasan mu biruʼ uzi ulung mcizyaw si kyan也沒有很高的學歷,還好我是在那裡工作,
-
nanuʼ aring sa aring sa mcizyaw sa 科學園區 hani ga自從...自從我在科學園工作,
-
bsyaʼ si balay 20年si balay mcizyaw kyen做了很久,20年我在那裡工作,
-
nanuʼ maha kani ga nanuʼ krahuʼ kwaraʼ uzi llaʼiʼ makuʼ la就是這樣子,我的小孩子們也都長大了,
-
misu hani laʼiʼ mu ga rahuʼ uzi la payat laʼiʼ mu kya inaʼ makuʼ uzi la現在我的小孩子,四個小孩子,我也有媳婦了,
-
ru wayal kikong laʼiʼ mu knerin la ana kikong uzi laʼiʼ mu knayrin ga然後~我的女兒也結婚了,我的女兒即使結婚了
-
ʼlungan myan ga mtnaq kwaraʼ laxi asi taʼ utux saliʼ kwaraʼ son mu ru smwan uzi yamaʼ mu我們的心是一樣的,全家人一起住,我的女婿也答應,
-
hani hiyaʼ ga 就是 iwan ʼnlungan iniʼ cʼalax那就是心不會分開,
-
aring cingay cikuy ga cbaʼun mu laʼiʼ mu他們小的時候,我就教他們
-
iyat taʼ pcʼalax kwaraʼ son mu aring cikuy kong simu mlahang simu son mu我們大家不要分開,是我把你們從小用心這樣照顧你們
-
ru nanuʼ misu hani iniʼ si pcizyaw uzi lrwa然後~到了現在,我也沒有工作了,
-
nanu kman laʼiʼ mu maha nanuʼ laxi pcizyaw lma klahang maguʼ mu la aw maha si uzi la小孩子告訴我說:不要工作了,好好的照顧你的孫子了,我也答應了,
-
baʼ mcizyaw kwaraʼ laʼiʼ hani uzi la我的孩子們全部都會工作賺錢了,
-
ru kantang si naha pkaniʼ utux pyatuʼ uzi然後~他們也餵得起我吃一碗飯
-
ru misu hani lga nyan si mlahang uzi mago nahaʼ la現在開始,我也照顧了我的孫子們,
-
ru nyan si bnkis cikay uzi la ru nyan si mlahang maguʼ ru然~我也漸漸年長了,我也就照顧我的孫子了,
-
nanuʼ maha kani uzi ku i maha kani ku zyaw saliʼ mu kwaraʼ ru nhwuy sinu lki所以...這就是我所講述的所有有關我的事情,然後~謝謝你們了.