吳月愛女士生命史分享｜口語語料

kun ga kahul saku Naro Micista.

我來自那羅道下，

lalu mu ga Ciwas Batu Sayun.

我的名字叫做Ciwas Batu Sayun，

aring saku cipoq ga, nanu musa i mtzyow slaq yaya yaba maku ga,

從我小時候，爸爸媽媽去田裡工作的時候，

musa myan mluw uzi musa a myan i mzywi ska slaq ku laqi hya.

我們小孩子們也會跟著到田裡去玩耍，

ru kwara mtswe myan ga, pitu tswe myan.

我們全部總共有7個兄弟姊妹，

mlikuy ga payat, kneril ga cyugal.

男孩子有4個，女孩子有3個，

nanu musa myan i mluw yaya yaba myan i slaq ga,

所以我們跟著爸爸媽媽去田裡的時候，

kruma ga kyalun sami na yaya yaba myan mha,

有時候父母親會告訴我們，

pqbaq i mtzyow.

要學習工作，

ini simu qbaq mtzyow lga, baha blaq krahu simu ru musa simu ngasal squliq ini simu qbaq mtzyow ru

如果你們不會工作，你們長大後嫁了人，怎麼辦！

qlangan simu lga, baha blaq la. maha qu yaya yaba maku cbaq sami.

爸爸媽媽教導我們說，你們如果懶惰，要怎麼辦？

ru krahu saku lga,

到了我長大之後，

aring saku i mopuw magal kawas lga,

從15歲開始，

musa saku mtzyow a tzyow tbagah ga, kmihuy bagah raral hya.

我就到煤礦區去工作，以前有挖煤礦，

ga ini saku usa squ ka qmwax a bagah ru kmihuy a bagah hya.

我沒有去洗煤礦和挖煤礦，

mkya myan squ brwan nqu thoki.

我們是在長官的辦公室。

a musa sami miq ocya kya krryax sami hya.

我們每天做的是端茶跟送茶，

sazing hi myan 表姐 maku qutux ru knan.

我們有兩個人，我和我的表姐，

ru tzyow sami kya lga, mpuw pitu kawas maku lga,

我們在那裡工作直到我17歲那年，

wahan saku naha smzye la.

就有人來說媒了。

ini saku son ga, rima smwal qu bnkis lga,

我雖然不願意，但是長輩們已經同意了，

raral hya ga, smwal mnkis lga, ana ini usa i, ana ini swal qu ʼlaqi lga, siy naha posi la.

在以前，長輩同意了，做子女的即使不願意，他們就讓孩子嫁了！

baha hmswa gi,

因為

yaba mu ga mung squ keʼ maha a ...,

我的爸爸聽到說…，

ay... tmuzyaw ay qu pyutas qasa.

欸…那個即將要結為親家的很有錢哦！

cingay ey slaq nya ma, cingay ey ruma nya ru qparung nya ma.

擁有很多的田地，很多的竹林，還有很多的杉木，

nanu siy saku qhli ni yaba maku, ru yaya mu ga ini pyang smwal yaya mu hya.

所以我的爸爸很堅持讓我嫁了，雖然我媽媽不是非常願意，

smwal yaba maku lga, ungat qbaqan yaya maku uzi rrwa.

但是我爸爸答應了，我媽媽也是沒辦法了。

ru musa saku mpuw pitu kawas maku, aring mpuw pitu kawas maku lga,

在我17歲的時候，從我17歲開始，

nanu musa ku squ ka mlikuy maku la.

就嫁給了我的先生了。

mlikuy maku ga, rima qu sazing kneril nya.

我的丈夫，他已經娶過兩個太太，

qutux kneril nya qutux laqi nha lga wayal mhoqil la.

第一個太太在他有一個小孩之後就過世了。

te sazing kneril nya ga,

第二個太太，

qsuyan ni i 徐貞貞 qu galun nya,

他娶的是徐貞貞的姊姊，

ga sazing balay byacing pinlgan naha lga,

但是，他們在一起只有兩個月，

wal mgey lozi qu kneril nya ka qsuyan na 徐貞貞.

那個徐貞貞的姊姊也跑掉了。

ru aring kya lga...(ay...ini mu an klan musa mqwas lki)(nway...)

從那時候…（欸…我忘記講唸書的事情了）（沒關係…)

aring kya lga, raral qasa ga musa sami mqwas ga,

從那時開始，在以前的時候我們去唸書...

musa sami mqwas i maykarang.

我們是去梅花讀書，

a...icinengsay saku a gipun lga,

ㄟ…我在日本時代的一年級時，

a...slaqux naha qu gipun lga,

ㄟ…他們就戰勝了日本，

nanu yasa qu mwah ku ka thelu ka nyux mlahang ita qani la.

就是那時外省人來我們這裡的時候。

ru nanu tehok kya qasa lga,

然後，到了那以後，

wahan naha ku smzyay lga,

他們就來說媒了，

musa saku kya i Btang qasa.

我就去了Btang那個地方，

bih slaq ga, Btang son nya lalu nqu rhzyal ka ʼsan maku qasa.

靠近Slaq(新樂)，我去的地方就是他們所謂的Btang這個地方。

nanu musa saku ga,

我剛嫁過去的時候，

talagay iyat mintzyow na rwa ku son maha laqi.

因為年紀真的太小了，沒有工作過，

rasun saku naha mpanga qparung rasun naha mhangal ruma.

他們帶著我去扛衫木，帶著我去背竹子。

musa sami mtzyow qmayah ga yaqih cikay qbaq nqu yaki mu rwa.

我們工作的時候，我婆婆的手有點不好，

nanu knan qu rasun naha i mmahing squ pagay mma son ga, sumun qu pmyun qasa.

只能帶著我去他們說的稻田除草，種的就是糯米的稻子。

nanu rasun ku naha mahing ga,

他們帶我去除草的時候，

ini saku pyang baq i laqi saku kya na rwa.

因為我年紀小，所以不太會，

nanu ana yasa ga, siy saku qehul nyux ta mwah sqa lga,

即使是那樣，因為已經嫁到了這裡，我也只能勉強的做了。

ini ta qbaq balay tzyow lga, baha blaq maha saku.

我心想如果真的不會做，怎麼辦了！

nanu yasa, siy saku qehul balay i mqbaq tzyow rru,

所以，只能勉強地努力的學習工作，

nanu baq saku balay mtzyow lga,

所以，直到我學會了工作，

a qasa lga, aring ku baq mtzyow qasa lga,

啊…從我學會工作之後，

kiʼan saku nqu piyang qsuyan laqi maku.

我懷了我最大的孩子，

wal mhetay qu mlikuy maku la.

我的先生也正好去當兵了。

musa mhetay qu mlikuy maku lga,

我先生去當兵的時候，

mswa la nanu qu ʼsan mu mtzyow.

想說我要去做什麼工作？

musa ku mhangal ruma musa mhangal qhoniq qu qnxal maku raral qasa.

以前我的生活是去背竹子、扛木頭，

nanu lungun balay ga, talagay mʼuy balay qu qnxal raral qasa ga.

真的想起來，以前的生活特別的辛苦，

talagay kin na ...ini i thozyay gi nyux laqi rwa.

非常的…因為年輕所以沒有能力，

maha i rima nkis lga, aki i blaq hazi.

如果年長一點，應該會比較好一點，

nyux rima a nyux laqi na ru, mwah mlikuy mu lga,

我還很年輕，就嫁給了我的先生。

isay kya qu laqi mu ka piyang hopa qasa la.

那時候我最大的孩子才一歲，

ga nanu mwah qu mlikuy maku mnwah mhetay naki kya Kinmong.

那時我先生從金門當兵回來，

obih balay shngan nqu 823大戰 ga,

差點趕上823大戰，

maha nya shngan lga, kana a wah rrwa mlikuy maku.

如果趕上了，我先生就回不來了，

isay qu laqi maku lga, baq kmal la.

我的孩子一歲時，會說話了。

ima qani son saku nya ga, yaba su son mu, son mu qu laqi maku.

問說這是誰？我回答孩子說，是你的爸爸。

nanu yasa ru mwah lga, nyux sami muya pagay lga sami ki kyutas mu.

所以，回來了之後，我和我的公公，我們正在種稻子，

a muya myan pagay lga, minsbehuy ru ungat qu tuqiy wahan nya.

種稻子的時候，因為颱風損壞了道路，

pwah pwah kya i Mʼutu rru,

從Ｍutu(關西的馬武督)過來，

mwah i Slaq lga, pwah rgyax na Slaq ru,

再從Slaq(新樂的水田)的山上過來

maki qutux qu gong ga, rima naha syan nha hongu.

路過一條河，他們事前已架好一條橋，

nanu mwah lga, nyux sami shngal muhi pagay kin i ...

先生回來時，剛好趕上正在種稻的我們，

nyux sami muya pagay lga,

我們正在種稻子，

sami ki yutas nanaq sazing hi.

只有我和我的公公兩個人，

ru nyan qu mlikuy maku ka mnwah mhetay.

然後，在當兵的我先生回來了，

ulung su ini shngay nqu 823 qasa, maha nya shngal lga, kana uwah la.

好在沒有趕上823(砲戰)，如果趕上了，就回不來了。

nanu muhi sami pagay ru mwah rmaw muhi pagay.

當我們正在種稻的時候，就來幫忙我們了，

kryax ami sami musa maniq ngasal ga,

到了中午回家吃飯的時候，

laqi ga si nkux maha, "wiy! ima qani ma?"

孩子頓時嚇到了問道：咦～這個人是誰？

yaba su son mu, mnwah mhetay son mu.

我告訴他：「是你的爸爸，他去當兵。」

nanu maniq sami rru masoq ami*(sami) maniq lga,

所以我們一起吃飯，吃完飯了之後，

musa sami mtzyow lozi musa sami muhi pagay lozi.

我們又回去工作繼續種稻子，

nanu ru tehok squ gbyan lga,

一直做到晚上，

nanu malax sami ini myan suqiy muhi qu pagay myan.

我們沒能種完稻子，就結束工作。

suxan nya lozi ga,

明天還是要繼續，

san myan i muhi lozi qu pagay ka thay myan slaq ini suqiy muhi qasa.

我們又去把在田裡剩下沒有種完的那些稻子種完，

ru babaw nya lga,

在那之後，

nanu qu ʼsan myan mtzyow lga,

我們去做什麼樣的工作，

ana qparung kmut qparung ga, musa ku mhangal uzi gi.

像是砍伐杉木，我也去背杉木，

ana ga ini saku thozyay mhangal.

即使我沒有力量背，

iyat saku mincizyow usuw pcywagun squ,

我沒有做過很粗重的工作，

maki saku ngasal yaba yaya maku.

在我爸爸媽媽家的時候，

baha hmswa ga, musa ku mtzyaw tangko ga,

為什麼呢？我以前在煤礦區工作，

nanaq musa miq ocya qu san myan tzyow sami shya*(sa hya).

那時候我們的工作只有送茶，

nanu rasun saku naha mhangal a qparung lga,

所以那時候帶我去背杉木的當下，

siy saku ngilis tuqiy maha,

在路上哭著對自己說道：

talagay mosa hyan qa qnxan ta babaw nya lga, maha saku.

真的覺得，在未來的生活就是這樣子了，自己這樣想著，

son qasa ru,

那之後，

patul ru ini tzyul msyaw kawas maku lga,

在我大約四十或三十多歲的時候，

aring kya a ini phkangi la i mlikuy maku ga, 中風了

那時候開始，我先生不能走路了，中風了，

ru nanu a knan ku ptzyow la.

所以換我工作了。

ungat qu yutas ru yaki rrwa, wal mhoqil la.

在那時候我公公婆婆不在了，過世了，

knan kwara qu mtzyow niqun laqi mu.

孩子要吃的都是我負責工作而來。

laqi mu ga, qasa ga pira lpi laqi maku?

我的孩子，那時候…我幾個孩子了？

qasa ga nanu kun nanaq qnazyat kwara qu laqi.

那時候，只有我自己養活我全部的小孩，

spat laqi maku, payat mlikuy ga, payat kneril.

我有八個小孩，四個男孩四個女孩，

ga knan kwara qu mintzyow rmanga squ laqi gi,

只有我一個人工作餵養我的小孩，

ini saku ptzyow nanu qu niqun laqi lpi?

我不工作孩子要吃什麼了？

ru nanu yasa qu siy saku kinlokah.

所以我也只能堅強，

wiy saku musa mtzyow qmayah wiy saku musa mtzyow slaq.

有時我去山裡工作，有時我去田裡工作，

wiy saku musa mhangal ruma.

有時候我去背竹子，

qnxan mu raral ga, wal maha kya mʼuy iyal qnxan maku.

我以前的生活，我的生活就是那樣的勞累，

nanu ini piyang blaq hi maku.

所以我的身體沒有很好，

aring squ nanayu nansay saku lga, nbu saku lru,

從70幾歲開始，比較會生病了，

ana mucing qani ga,

一直到現在，

nyux yaqih kwara qu kakay mu ru qbaq maku la.

我的手我的腳全部都不好了。

nanu yasa ru,

所以，

ta qu son maha a qnxan maku raral qasa ga,

如此回想我以前的生活，

mosa mamu cyux mamu pongan qu keʼ mu ga, mosa mamu nyux baqun.

你們聽到我說的話，你們才會了解。

nanu raral qasa ga,

在過去那時候，

mtzyow sami slaq ga,

我們在田裡工作時，

qmibuw saku ru kmalu saku nanaq uzi.

我是自己犁田耕耘，

baha mswa ga, mhetay kya qu mlikuy maku.

為什麼呢？因為我的先生在當兵，

kun musa qmibuw ru kun musa i kmalu.

我去犁田，我去耕田，

nanu masoq saku maha kya lga,

所以在結束自己的工作後，

muya pagay squliq lga, musa saku sinbazyux.

在別人種稻時，我去換工，

nanu muhi saku pagay lga, wahan naha saku mluw qu ryax maku la.

那麼在我種稻子的時候，他們就來還我之前去換工的天數。

nanu mahing pagay rru,

然後接著是田間除草，

suqun mahing pagay minsazing mahing pagay lga,

要把稻子的草除完，總共要除兩次，

aring kya mha mkbwey saku qu pagay qasa lga,

從那時起稻子開始結穗了，

mkbwey qu pagay lga,

稻子結穗之後，

nanu i mhoqil qu pagay qasa lga,

直到稻子熟成了之後，

san myan kmloh la.

我們就要去割稻了，

klhul lga, nanu sinbayux saku squliq lozi ru,

割稻時，我又要接著去換工，

nanu lgan, wahan saku naha mluw lozi ga,

然後跟…他們會來繼續跟(還)我的工了。

nanu yasa qu kmloh sami pagay qasa hya la.

所以我們在割稻的時候，

aw kmloh sami pagay ga, suqun myan i kmloh.

對，我們割稻時，會把稻子割完，

baha hmswa, cingay san maku sinbayux qu squliq lga,

為什麼呢？因為我去換工的地方很多，

ini ga mtyu, pitu, spat qu san sinbayux lga,

有時我換工有六、七、八個，

qutux ryax i kmloh pagay ga, ini myan suqiy uzi.

有時候一整天割稻我們也做不完，

ga nanu kinsuxan nya lga,

所以隔一天之後，

kruma ga kryaxan lga, suqun myan kmloh qu pagay maku la.

有時候到中午，我們就割完我的稻子了！

gi baha hmswa ga,

因為啊！

rasun kwara qu nwahan maku sinbayux mtzyow.

我所換的工全部都要帶去，

nanu wal nasa qu son maha qnxan maku ga,

所以這些過往都是我以前的生活，

nanu kmloh sami pagay ga, khmay rasun maku ga,

所以我們割稻的時候，我帶的工人非常多，

nanu a kruma ga ini myan suqiy

有些時候我們會做不完，

klhul qu pagay qasa lga,

把那些稻子都割完了之後，

nanu kyazyun myan ka kikay rwa helaw.

我們就會用機器脫穗比較快，

nanu ru msʼun squ kulu nya lga,

然後箱子裝滿了之後，

kopul na punki ru szyun sa qbun.

就會用畚箕把它盛出來放到籃子裡，

sʼunan kwara qu qbun qasa lga, maki qu sehu.

我們把那些籃子全部裝滿了，那時有工人，

mpanga Tayal panga san myan i smi squ pgyan myan.

請工人用背架背到我們曬榖的地方，

pgyan qasa ga, quci kacing qu san myan hmakut ru,

曬穀的那個地方，我們先去扛牛糞，

qyaqun myan ru ssom myan squ pgyan pagay qasa.

攪拌後塗在曬穀場地上，

nanu pgyan kya qu pagay ka knloh myan.

就把我們割好的稻子曬在那裡。

aw nanu i mrngu lga,

對，然後曬乾了之後，

maki qu a yawa a,

那時有簍子，

syan myan pagay knalay naha tninun na ruma qu

就拿他們用竹子編成的(籃子)來裝那些收成的稻米，

syan pagay ka knloh qasa.

用來放那些收成的稻子，

nanu ru nanu i pqaniq sami mami ga, nanu smxu sami.

所以，所以我們要吃的時候才會碾米，

smxu sami luhung qu a pagay.

我們用木臼來碾稻米，

kruma ga, siy sami sxu pzyux hazi gi,

有時候，我們會碾多一點米，因為

a tay ta ta ini siy sxu pagay maha sami.

這樣就不會一直碾米了，我們這樣想。

nanu maha kya lga, maki qu bwax myan.

就是那樣，我們有了稻米，

phapuy sami lga, helaw magal qu son maha puzyun ta bwax la.

要煮飯的時候，很快地就可以取得我們所需要煮的米了。

nanu i musa sami mtzyow lga,

所以，我們要去工作的時候，

qlyan ga, muha sami i muha ku lama phapuy lga,

到了中午，我會先去煮飯，

nanu nyan pucing qu ka kwara ka seyhu

然後工人們就會陸續回來，

nyan mpanga a pagay ka knikay myan kikay qu pagay.

他們背回用機器脫穗完的稻米。

nanu yasa wal maha kya son maha qnxan maku knan.

我以前的生活就是像那樣子，

nanu a raral qasa ga, masoq sami kmloh pagay lga,

以前，我們收割完稻子之後，

pgyan myan ru in ga payat, magal bengi ga,

我們要曬大約四到五天，

mrngu balay qu pagay.

稻榖曬得很乾，

baha hmswa ini su pgiy bsyaq cikay ga,

如果沒有曬久一點的話，

mutu i tqmu ga bwax nya.

稻榖就會發霉了，

nanu yasa qu i galun myan qu pagay pngyan myan qasa lga,

所以我們會把曬好的稻榖拿起來，

san myan i smku squ khu.

收進穀倉裡去，

maki nanaq qu khu ka

我們自己有穀倉，

ssyan myan pagay tminun squ yawa krahu balay ru syun kya qu pagay.

會用編織好的大籃子放入我們的稻榖，

nanu i psxu sami pagay lga,

所以當我們要碾米時，

psswan myan uzi i

我們也會把他鎖好，

ini ga kya musa mzywi.

怕有人會跑進去玩耍，

musa mayquriq, yasa kongun myan.

會來偷竊，那是我們最害怕的了！

nanu smxu sami pagay ga,

所以我們碾米的時候，

niqun myan nanaq qu pagay qasa.

那些都是我們自己要吃的稻米，

ini myan biri giy yasa qu qnxan nkis raral rwa.

我們不會賣掉，因為以前我們老人家就是那樣。

nanu smxu sami ga,

所以我們碾米時，

syun squ maki nanaq qu syan myan bwax qu snxu myan.

會放在我們專門放置碾好的米的地方，

nanu i rwa lga, nanu mincyugal sa smxu lga,

所以，那些碾過三次的米，

ungat qu nqyu nya la.

就沒有稻殼了！

ungat qu pagay nya balay lga, nanu tbsan rru,

沒有稻殼了之後，然後過篩，

suqun tmabus lga,

過篩完成之後，

nanu a tkron myan squ syan bwax qu a bwax myan la.

就會把米裝在專門放置米的收納物裡，

yen nasa qu qnxan raral qani ga,

以前的生活就是那樣子的，

mʼuy balay qnxan myan raral qasa.

過去那樣子的生活真的非常辛苦，

ini kyen qani ay, siy ta usa baziy bwax.

不像現在，米直接就買得到，

siy i phapuy, ini i kyen nasa ay.

可以馬上煮，以前沒有這樣喔！

nanu i rwa uzi lga, musa sami mpanga qhoniq pnahu myan.

以前也是要，我們要去背木柴來燒，

bali kya qu 瓦斯 raral, pnahu myan qhoniq ru puzyun myan na qhoniq.

以前又沒有瓦斯，我們要燒木柴來煮食，

kruma ga wiy ngahi qu niqun myan, wiy sehuy qu niqun myan.

有時候我們吃番薯，有時候吃芋頭，

iyat giway mami qu niqun myan, gi yasa qu qnxan raral qasa rwa.

我們不是一直吃米飯，因為以前的生活就是如此。

raral qasa ga, mʼuy balay qu qnxan ta.

在以前的時候，生活很辛苦，

ana nanu ga wal pczyawgun, ana usuw pczyawgun ga wal pczyawgun.

什麼樣的工作都做過，即使粗重的工作都做過，

nanu mʼuy balay qu qnxan ta raral qasa.

我們以前的生活非常的辛苦勞累，

misuw qani lga, talagay kinblaq balay.

到了現在，生活變得那麼的便利，

ungat bwax lga, siy usa mbaziy siy phapuy.

沒有米的時候，直接去買就可以煮了，

ungat ramat lga siy usa baziy rru, siy ta i tahok ramat.

沒有菜，也是直接去買回來煮就好了，

blaq balay qu qnxan ta misuw qani la. aw yasa la. yasa la.

現在的生活品質也提升了！好了，結束了。