跳到主要內容區塊 :::
 

小米文化

:::
  •  31
  •  0
  • FB圖示
  • line圖示
TIME:

  • 字幕列表
  • mosa maku wah i pqyu ga,
    我要來講述的是
  • gaga nqu trakis ka ita Tayal.
    我們泰雅族的小米文化
  • bali hmswa sa raral ru tehuk soni qani ga,
    因為從以前一直到現在
  • ini bahi malax trakis ga.
    是不能沒有小米的
  • bali hmswa gi, qani qu pyang balay puqing qu sqyanux ka gaga na ita Tayal.
    因為它是我們泰雅族文化生活最重要的一個根本
  • ru trakis qani hya ga,
    所以小米它是
  • kahul squ ʼnbux nqu bnkis ru kahul squ kwara ka pincywagan ga,
    是從過去長者的開墾及所有工作而來的
  • ru maki qu son maha knniqun uzi.
    所以也才會有食物
  • ru nyux cikay qu gaga ka pinkgan qu zyaw na ka muya trakis qani hya.
    種植小米的工作有很多要遵循的文化
  • te qutux hya ga, ana balay pyux ga,
    第一個是，即使很多
  • min sazing naha muya qu qutux rhyal.
    一塊土地只能種植兩次
  • ini naha pbasi sa cyugal, payat muya.
    他們不會多種植三次、四次
  • bali hmswa gi, mita squ ziqas nqu rhyal ga
    因為觀察到新的土地
  • yasa qu blaq qu bwax na trakis son maha ka ita ka Tayal.
    我們族人說：種植出來的小米才會好
  • nanu yasa qu ka trakis qani hya ga.
    所以小米
  • te qutux hya ga kahul squ mnayang ga.
    第一個是從砍草開始
  • son naha pnyangun qu ryax ru masoq qu pinryangan lga,
    他們安排砍草的日子，然後砍草完成之後
  • sʼutu qu kwara qu kkʼman ru qhoniq ka pinryangun qu Tayal ru lmun*(lomun) la.
    族人把全部砍下的草及樹木堆成一堆之後就燒掉
  • suqun lmong lga suqun lmong lga, yasa aring kya qu tmabux la ga,
    燒完了之後，就要開始開墾了
  • tmubun lga aring kya tmubun squ uraw.
    開墾了，開始開墾土壤了
  • ru kwara ka pkqiway musa i mqyanux qu gaming ka tthay inloman ga,
    燒墾後，所有根還活著會遮蔭的植物
  • lequn naha mwah i hmbyat kwara.
    他們會仔細全部拔除
  • ru ini naha prasi squ kʼman qu wah naha prpus squ trakis.
    在要灑小米種子之前，他們不會讓土地夾帶雜草
  • nanu yasa qu ka aring squ ʼringan nqu hoqan abaw ru,
    所以從秋天開始
  • tehok squ son maha ka tngwan abaw.
    一直到春天
  • payat qu qnyes nqu son maha ka ryax ka pinyugan ga.
    有四季轉換的時間
  • pyang balay i sʼbux nqu ita Tayal lga, nanu yaqu ka bagan qani!
    我們族人最為辛苦的就是夏季
  • aring squ tngwan abaw qani ru tehok squ son maka psmasoq ka bagan ga.
    從春天一直到夏季結束
  • qani qu spyangan balay mtzyaw qu ita Tayal hya.
    是我們族人最重要的工作時間
  • wal mu skal soni maha, kahul squ inloman ru,
    剛剛我所說的，從燒完了之後
  • wal naha i tbulun rqu rhyal lga,
    他們完成翻耕土地之後呢
  • ru lequn naha mwah i sbalay ru,
    他們會仔細把土地整理好了之後
  • khoyan naha cikay balay nqu payih ga, ini kpyux ay ini kzzi uzi.
    他們會稍微用鋤頭挖過，不會挖多哦！也不深
  • baha hmswa trakis qani ga ini usa pkhmuzi hya.
    因為小米它不是深根的
  • ana maki sa babaw uraw ru wal su trangan cikay lga mwah kwara la.
    即使是在地面上，用土稍微覆蓋一些之後，全部就會長出來了
  • ru kwara qu son maha ka trakis ka pinmuhi qani ga.
    所有種植的小米
  • zik na pkloh ga, maki qu gaga nya. zik i mwah smatu maki gaga nya uzi.
    在收割之前，有它的規範在，在入倉前也有要遵循的規範
  • nanu zik nqu mwah su i psʼatu son maha ka rhyal qani ga.
    所以你在土地耕作前
  • skbalay naha gaga, gaga qani hya ga giwal nqu tnatuk nqu hwuy ta bnkis.
    他們要做儀式，這個儀式象徵向祖先表達尊敬感謝之意
  • skura squ son maka bnkis ta Tayal ka snbin squ ghap ru,
    意向是祖先們所留傳下來的種子
  • snbin squ rhyal qani ka, nyux mosa thuyay rmanga squ ita ka qutux qalang.
    留傳在這土地上，將能夠餵養我們整個部落
  • iyat ka qutux ngasal, iyat ka qutux niqan, yasa qu kkal nqu Tayal hya rwa.
    或是一個家庭…或是一個親族，這就是我們族人所說的
  • ru suqun naha kbalay qu gaga qani ga,
    他們結束了這個儀式之後
  • mutu naha skut qu qutux ngta.
    他們會殺一隻雞
  • ru ngta qani ga giwal nqu wah i smqyes qu son maka iyat i yaqih qu pinbahuw ga.
    這隻雞象徵前來指示農作物將不會損壞
  • ru plawa naha kwara qu gglu mwah i mrraw.
    於是號召所有的親戚來幫忙
  • mwah i muya mwah rmpus trakis qani.
    來種植、來播種小米
  • ru qlyan lga nanu yasa qu sramat naha ru maki cikay qwo Tayal ru,
    到了中午的時候，就成了他們的菜餚，也會有一些酒
  • giwal naha tnatuk hwuy lpyung ka mwah i rmaw.
    象徵感謝這些親戚們前來幫忙
  • tmubux squ son maka trakis.
    小米收成時
  • ru tehok squ kwara ka pkloh lga,
    所有要來收割的人都到了之後
  • ga nanaq nya uzi, plawa nha qu gluw, baha hmswa gi,
    也是這樣，會把所有的親人叫來，為什麼呢？
  • ktan qu rngu mtzyaw ga.
    會看能力而工作
  • ktwa kinhbci qu rhyal ka nyux su pmzyon.
    你種植的土地有多大
  • skita naha kya ru maki qutux gaga Tayal mha.
    他們會看，泰雅族有一個規範
  • "msbayux" ga msbayux qani hya ga.
    「換工」 這個換工的意思是
  • bali yan misuw qani, qbwan ta pila lga, maki qu mwah mtzyaw rwa.
    不像現在，我們付了錢，就會有人來工作了！
  • Tayal raral hya ga, bali kya qu pila, nanu yaqu ka,
    以前的泰雅族人，沒什麼錢，所以
  • rngu qani qu wal naha i psbayux ru rmaw.
    他們用自己的力量去換工與幫忙
  • nanu yasa qu lequn naha i mbku ku son maha ka pkloh ta i trakis.
    所以，他們會仔細安排要收割的小米
  • ima kira, suxan ga ima, kaxa ga ima.
    今天要幫誰、明天換誰、後天是誰...
  • aw...nanu yasa san maha kya mssyuw ru mrraw.
    對…就是這樣的交換跟幫忙
  • ru mwah sbayux squ son maha ka kmloh squ pinmuhi qu trakis.
    接著去換工，去有種植小米的族人那裡收割
  • ru qutux lozi ga, trakis qani hya ga.
    還有一個是，說到小米
  • a... qutux bway qani ga, mtnaq squ nyux i qmayat squ qutux minsyu ga.
    一個小米穗就代表著是在養育一群民眾
  • iyat ga qutux niqan ga, ini ga qutux qalang ru qutux ngasal.
    或是一個親族，或是一個部落和一個家庭
  • nanu yasa qu ka ini naha i hriqi pbuling qu kwara ka trakis qani.
    所以族人們不會浪費丟棄所有的小米
  • ana blaq ana yaqih ga lequn naha mwah i smgaqi ru lequn naha mwah i mhung.
    不管是好的還是壞的，他們會好好的脫穗採收及捆綁
  • ru qutux qutux bengan qu pinhlang naha,
    一把一把的綁好
  • a...swa son kya mhung qu trakis ga?
    為什麼要這樣綑把小米?
  • iyat psgagay ga iyat thgah.
    這樣就不會散掉或鬆掉了
  • baha hmswa trakis qani cipoq balay qu box nya rwa.
    因為小米穗非常的小
  • a...mhwah lga, yasa son ma nkis, talagay hryaq eng nyux ...ʼmhwah kwara qu trakis ta la.
    如果鬆開了，老人家就會說這些小米非常的可惜，都鬆開了
  • nanu yasa qu lequn naha pskut mhung ru pgyan naha ga sqrpa naha mugi ga.
    所以他們就會好好的緊緊的綑綁，在曬的時候會倒著攤開
  • nanu yaqu trakis qu ...nanu srwa?...wah naha i blaq mugi ru qapoh ru mkzye lga,
    所以小米…是怎麼說？他們會仔細曬到去除水份並完全乾燥
  • yasa qu skun squ ska na khu la.
    之後才會放到穀倉裡去
  • a...masoq smi squ khu lga .
    在入倉結束之後了呢
  • te suruw nya lga, nanu i mrkyas iyat ga mtglaw ru mgloq nqu mlikuy lga,
    之後，年輕的及中壯年的男人們
  • aring musa qmalup ru ...mqmalup qani ga sazing nqu sinngusan nya.
    就開始去打獵了…打獵是有兩種涵義的
  • te qutux hya ga, musa smatu squ hngyang ka pinkyalan nqu qutux qalang qani maha,
    第一個是：要去告訴同一個部落
  • knwan ga pira wagi wayal lga,
    再經過了多少天之後
  • mosa ta mwah i psyuraq iyat ga muling lki.
    我們就要準備開始祭祖了
  • uni ga mwah ta nyux pslkotas.
    或是我們要進行祖靈祭了
  • ru biqan naha keʼ kwara qu mrkyas ku wal qmalup qasa ru,
    所以，他們傳達這些話給要去打獵的青年們
  • ru lokah qu mrkyas sa hya rwa lokah qu kakay naha.
    年輕人的腳力比較好
  • ana twahyaq qu ʼsan oyome nqu son maha qu mtswe naha uni ga yata ru ana ima ga,
    不管他的姐妹或他的姑姑、阿姨或其他族人嫁到再遠的地方
  • biqan naha qu keʼ kwara ru,
    他們都會把話傳達到
  • ryax nasa ga mwah msli squ ryax naka pslkotas qasa.
    到了祖靈祭那一天，族人都前來聚集
  • ru pslkotas qani uzi ga yan nqu son maka,
    祖靈祭這一天就像是我們所說的
  • a...sinqasan nqu qutux kawas ka ita ka Tayal ga.
    在一年當中我們泰雅族最值得慶祝的一個時間
  • sʼagan keʼ thelu ga mtnaq nqu aki yan nqu "過年" nqu kmukal ga.
    就像是華語所說的，平地人所謂的「過年」
  • baha hmswa ziray misuw qani ga, wal kgiwal nqu gaga mukal kwara nqu gaga ta Tayal la.
    因為現今的時代裡，我們泰雅族人都跟著漢人的文化生活了
  • nanu yasa zikang soni qani ga,
    所以今天這個時間
  • nyux ku mwah kmal cikay zyaw na trakis qani ga,
    我來講述一些有關小米的文化
  • nway mamu aki baqun qu kwara ka laqi ru kinbahan misuw qani maha.
    最主要是我要讓現代的孩子及子孫們知道
  • swa ta i lxun pcbaq lelaqi ta misuw qani ka.
    為什麼要教導現在的孩子們
  • mwah i mnayang, mwah lmong ru mwah i tmabun ru mwah i smqsu ru mwah i.
    要砍草、要燒火、要翻土耕作
  • nanu swa rwa ...mpus son maka kwara trakis.
    要怎麼說呢…就是要把所有小米都播種完成
  • ru pucing nya lga, trakis qani ga, swa puqing nqu gaga Tayal ga?
    最主要的是，為什麼說小米是泰雅族人文化的根源
  • zya qani qu nyux ta sqyanux.
    它是我們賴以生存的
  • trakis ru ngahi, sehuy qani qu puqing qu sqyanux ita Tayal.
    小米和地瓜、芋頭，這些都是我們族人賴以生存的最主要飲食
  • gaga ta ga, nanu minkahul squ trakis qani ru thozyey ta mha Tayal ga ka ryax soni qani.
    而文化規範就是從小米開始，泰雅族人才能存活直到現在
  • ga ana wal ini kintehuk kkyalan ga, baha hmswa zikang na monray ru,
    如果講得不好，也是因為時間上的問題
  • nway mucing qani qu pinqzyuwan maku squ
    我所要講述的就講到這裡
  • zyaw na trakis qani, mhwuy simu!
    小米的文化，謝謝你們！
  • aw, nanu ta nyux mamu ktan trakis qani ga, qani ga "lmyun".
    好，現在你們所看到的小米，這個是「lmyun」的品種
  • trakis lmyun qani hya,
    這個小米的品種lmyun
  • lmyun qani hya ga, a...pyang nqu niqun ta ita ka Tayal, sasal、kleng*(qlyan) uni ga cbelun ta musa mtzyaw ga.
    lmyun 這種小米，是我們的早上、中午及帶便當去工作的時候最主要的主食
  • nanu rhyal qani ga, nanu yan qani qu ghap ga.
    就像這個土地上的種子，
  • a ...mwah ta i tmubux ru srpus ta rhyal qu trakis qani ru,
    我們到這裡來為小米鬆土和播種
  • qani ga, son nya qani i mqqhut ga.
    為什麼要種得這麼擁擠
  • mintxal balay i mahing trakis qaga, kinxalan myan balay mahing,
    因為在小米田除草只有一次，我們除得很辛苦
  • bali hmswa gi, nway aki nway ana i mtnaq i qu kinrahu nya nway…
    也因為，為了要讓這些小米能長的一樣
  • baha hmswa ga cing aring rwa.
    因為是剛開始
  • sinngusan nya ga aki i pzyux hhazi qu ghap, kawas ʼnyan ga,
    它的意思是想讓小米的種子在明年的時候能多一點
  • ru mwah squ te sqa lga,
    到這裡來
  • a...qani hya ga lmyun shya trakis lmyun rwa.
    這個是小米lmyun喔！很好吃的小米lmyun
  • nanu nyux myan syun yen qa ga ta, nyux maku syun prasan qani hya ga.
    像我們這樣放著的，我們放這樣的記號的
  • qani hya ga ...galan myan ghap qa ga ta.
    這是…我們要拿來作種子的
  • qani ru qa ga ta ... ghap hya.
    這個跟這樣的是種子
  • ru mwah qu lelaqi mwah i smgaqi lga, baqun naha qani ga galan ghap qani hya.
    如果~孩子們要來脫穗採收的時候，他們就會知道這個是要拿來作種子的
  • galan ghap qani ga krahuʼ ay bwax nya, bali hmswa i wagan qu blaq ga.
    用來作種子的米穗是很大顆的，因為要挑選好的
  • wagan skeʼ gipung ga wagan icinense nya ga keʼ ta Tayal hya ga wagan sq qsuyan nya.
    挑選用日文來說是要挑選一年級生的，用泰雅族語來說的是要挑選年長的
  • nanu yan qa ga ...yan qani ru ...yan qa ...ghap qu lmyun qa hya!
    像這樣的…這裡的…像這樣…是lmyun的種子
  • ru nyux sq qu a...nbukil ga ...mqara.
    這裡還有！nbukil跟mqara的品種
  • a ...mqara qani hya la, qani hya ga lbaku ga, trakis na lbaku qani hya ga.
    啊…這個是mqara的品種，這個是lbaku，小米品種的lbaku
  • a...yan qa ga, nyux maku syun qu ini tnaq qu biru ga.
    像這樣，我放在不一樣的顏色
  • a...sinngusan mu ga, sazing ryax ʼnyan lga pkloh sami.
    我的意思是，再過兩天我們就要收割了
  • qani ga ghap qu lbaku ga, te qani mqalux ga nkilux son naha nkis Tayal uzi qa, nkilux son naha uzi.
    這個是lbaku的種子，像這樣mqalux黑色的我們的老人家也叫它nkilux，他們也叫它nkilux
  • ga blaq an qwo na Tayal ay qa, qani ga ta!
    這個拿來做山地酒是非常好的！
  • qani qu spyagan mwah i kbalay qwo Tayal qa.
    這個會特別把它拿來做成酒
  • siy ktay maytalah cikay qu qwo nya ga, nanu qwo nqu lbaku qani.
    它的顏色看起來會紅一些，就是lbaku做成的酒了
  • ru lbaku qani hya ga, hekil ay. lmyun hya ga iyat hekil sa.
    lbaku 這個品種是可以做年糕的喔，lmun就不是了
  • qani ga qani hya lga nqara shya.
    這個跟這個是美味的nqara
  • baha hmswa ga, swa ini ptnaq qu inrkyasan nya ga.
    為什麼呢，他們看起來長得不一樣
  • a ...smuran hya hazi ghap ka wal myan syun qa ga.
    啊~我們用的種子好像是比較舊一點的，
  • smuran ghap qa hya, nanu yasa qu cikuy ga, iyat rhyal qani qu yaqih, ghap qani qu cikuy.
    這是舊的種子，所以米穗比較小顆，不是土地不好，是因為米穗比較小顆
  • ga nyux myan siy qhli a nyux maku qhli smi yan talah ga, qani qu ghap hya.
    我們勉強的把它貼上紅色的顏色，這也是要拿來做種子的，
  • qani qu son maha ka "nqara".
    這個就是所謂的「nqara 」
  • balaq iyal hekil nya ka, sxul su uni a sinklwan su ru wal su tmami mga,
    它做成小米糕是非常好的，你拿來搗碎或是蒸煮，你拿來醃製
  • tmami ana teloq ga, blaq iyal tmmyan nya uzi qa.
    它的米即使是生的，製作的醃肉也是非常好的
  • qani ga te cyugal lalu la,
    這個是第三種品種了
  • ru kwara ka nyux su ktan qani hya lga,
    還有…這些你所看得到
  • giway hekil qa hya, lbukil qa hya.
    這裡都是 hekil、lbukil
  • lbukil qani hya lga, yaqa qu pyagan ta mwah i smxu ga ...smxu ru...
    lbukil這個品種是專門拿來搗米的，
  • kwara qu trakis qani ga,
    所有這些小米
  • nyan qu sazing ryax ga mosa myan wahan i kmloh rru.
    再過兩天我們就要全部收割了
  • ru kwara ka yan qani qa nyux i,
    還有…就像是這些也是
  • nyux maku syun sa plquy qani ga.
    這些我放在白色的這裡
  • qani ga ghap kawas, kawas ka ʼnyan ga qani qu musa mwah sinyunaw qu rhyal qani la.
    這些是明年的種子，明年的時候換它來持續種植這片土地了
  • a...gaga na Tayal ga smgaqi ga,
    在泰雅族的文化裡所謂的脫穗
  • maha qani gben rru son qani gmaliq ga,
    就像這樣抓著再撕開的意思
  • rwa gmaliq qani hya imi nya nqu Tayal misuw qani hya lga,
    還有…撕開的這個在泰雅族的意思就是
  • a...trakis qa ga, shryaq yaya nya la, yasa qu son smgaqi ga.
    小米要與母植株分開的意思，那叫做「smgaqi」
  • ru blaq balay qu bwax nya qu lbukil qani hya ta.
    然後…這個lbukil的米穗是非常好的，
  • ini balay i ...son qa mita ga baqun ghap qani ga ghap kawas ga.
    這樣看起來…這個米穗是今年的米穗
  • ru pmzyun su kawas qani lga balaq i trakis nya.
    今年來種的話小米是非常好的
  • ru ta kwara qasa lga mosa yasa nanaq uzi qu trakis lga,
    你看這些小米看起來也只有這些了
  • ru cyux cikay uzi lbukil qasa ru thasa.
    那邊也有一些lbukil 的品種
  • ru qani hya lga pinmuhi nqu lelaqi cikuy ka gako Bsulin ga.
    這邊的小米是義興國小的小朋友他們種植的
  • nanu yasa qu ka wal muruw iyal mhoqil nya la qa.
    這些已經有點過熟了
  • balay nya hlhul ka rehay qani aki blaq ru,
    應該是這一周就該採收的
  • nway ru ʼnyan ka rehay ʼnyan qa lga,
    沒關係下週就可以了
  • mosa i knhul ru maki qu zikang syun rru mwah mcisal sqani, mhwuy simu!
    即將要收割入倉的儀式，如果你們有空就過來聊聊~謝謝你們！
  • 訪問者:nanu qu klhul hya pi Ting?
    訪問者：Ting(人名)，什麼是 klhun？
  • 受訪者:klhul hya lga 就是wahan ta iwa lga ...wahan ta kmyut lga klhul ta lga,
    受訪者：就是要準備作收割的意思了…我們要來採收了的意思
  • klhul ta lga, galun ta lga, kmloh lga,
    採收了，拿取了，收割了，
  • rwa son qa ...smgaqi ga, ta qa ga tq…
    就是說…要脫穗採收的意思了，像這樣
  • son qa rwa ...aw ...
    像這樣…對…
  • qani hya laga kmloh la.
    這樣子就是收割了
  • qani hya lga smgaqi, iyet qa hya ay labi qa hya.
    這樣就是脫穗採收了，這個不是喔這是敗籽
  • 訪問者: nanu qu "labi" hya? 受訪者: labi hya ga 敗籽.
    訪問者：什麼是"labi"？ 受訪者：就是敗籽的意思，
  • son qani lga kmloh ga.
    這樣就是收割了
  • maki sa babaw sa kaba qba ka qani qu ket na qmusuw nya qa ga.
    把它的梗放在手掌上，米穗朝大拇指這裡放
  • ru bwax nya maki suruw, nanu magan ta lga son qa ga son qa ...smaryaʼ*(gmaliq).
    然後米穗朝後方，我們要拿取的時候就像這樣撕開
  • ru qutux blegan lga, qutux binhlan son.
    然後…一把就是一綑了，
  • iyat maku si qapi sqa gi, iyat yaqa qu ryax nya ki ...aw ...yasa la ...nanu mhwuy simu ki!
    我不是現在要拔喔，現在還不是要採收的時間了吼，好~就這樣了！謝謝你們！
  • yasa la ...ru rhyal qani ga rhyal na gako ga,
    好了啦…這個地是學校的土地
  • minpmyan naha pagay sraral qa.
    在以前的時候是種植稻米
  • ru yaqih pagay ni mqu bnkis yasa qu nyux naha shryaq.
    然後…因為老人家說種植的稻米不好，就把土地讓出來了
  • ru nyux nha sbyaq squ gako, ru rhyal qani hya lga gako nyux sekining mlahang la.
    把土地讓給學校，現在這塊土地就由學校來負責照顧了
  • nanu nwey mucing qani qu giwal syokay trakis qani lki, aw~mhwuy su!
    我介紹小米的話到這裡結束，好~謝謝你！
  • 訪問者: pinkwara ...pinhmswa simu muya qani?
    訪問者：有多少…就是你們怎麼種這些？
  • 受訪者: pinhmswa muya? 訪問者: hyal ...rhyal …muci qa ga?
    受訪者：怎麼種植？訪問者：就是這塊土地？
  • rhyal ga rhyal gako.
    土地是學校的了
  • qinbugal myan!
    由我們來開墾的
  • nyux myan syun qutux qutux rek ga,
    我們就挖成一列一列的
  • 訪問者: ini tnaq kwara 品種 nya rwa? ini tnaq lalu nya rwa! 受訪者: ini tnaq lalu nya! ini tnaq.
    訪問者：不同的品種？名稱也不一樣吼！受訪者：不一樣品種！不一樣...
  • lmyun qa hya, mkalux qa hya, nkilux rwa nqara qa hya, nbukil sqa hya ru nbaku qasa hya.
    這是lmyun，這個mkalux是叫做nkilux，這是qara，這是nbukil，再來是nbaku
  • 受訪者: magal qu lalu nya, magal qu lalu nya trakis nyux sqa ga.
    訪問者：總共有多少品種？ 受訪者：五個品種，這裡的小米總共有五個品種
  • ana su pmagun babaw nya, nanaq qutux ini pmagi ga.
    即使你以後混在一起種，就只有一個品種不能混
  • phay qa ga lmyun qani ga ini plgi qu sumun qani, baha hmswa ma ini psumun lga,
    這是phay，這個是lmyun，不能混在一起蒸煮，如果混在一起就不會有黏性了
  • sumun ana nkilux baqun mita a iro nya baqun mita kako nya.
    像nkilux的黏性，可以從顏色和成長姿態看得出來
  • ta ini ptnaq ru! ta …nbaku qani hya rwa, mkalux son naha, nkilux son naha uzi.
    你看！不一樣！這是lbaku，這是mkalux他們也叫它nkilux
  • ru qani hya ga, qani hya ga...ktan squ pinrayan na yaya ga ta.
    然後~這個要看它和母植株的距離
  • son qa mita ga baqun maha blaq bwax nya.
    這樣看就知道他的米穗是好的
  • ana rʼtung ga ... ana rʼtung ga, ru ~yan qani mkbabaw yan lga,
    即使短…即使短一點吼，像這樣長得太上面了
  • lga yaqih bwax nya la, ana ga ini laxi uzi qa galun uzi qa.
    像這樣的米穗就是不好，但是也不能不要，還是要採下來
  • aw, yasa la!
    好~就這樣啦！
  • 訪問者: mhwuy su ki Tinting! 受訪者: yasa la! baha la! aw ~lokah!
    訪問者：謝謝你喔Tinting! 受訪者：就這樣！不客氣！好~加油！