跳到主要內容區塊 :::
 

提親

:::
  •  26
  •  0
  • FB圖示
  • line圖示
TIME:

  • 字幕列表
  • alagay!
    哇!
  • Yuma Akyan
    悠瑪阿給安
  • alagay siqan su la.
    你辛苦了
  • nanu qu ʼnwah su.
    你來到這裡
  • aki su wah i mcinsan mama Besu.
    你來這裡找我聊天
  • kahul kya i Cinsbu.
    從鎮西堡來
  • mwah su shkangi mama Besu qani ga.
    你來這裡找叔叔斐素
  • nanu qu mosa maku pqzyu squ isu.
    我要跟你說什麼
  • nanu nway ru aki su nyux baq squ sun maha:
    那沒有關係你應該也知道一些
  • iwal na
    就像
  • smze nqu ita ka tayal.
    我們泰雅族的求婚
  • ru i musa
    及要去
  • smze smzye ru pposa sʼlaqi qani ga?
    去求婚即將嫁女兒這件事呢?
  • kinbaq maku mluw saku squ bnkis maku sraral, kʼaba mu ru qalang maku ga,
    在我以前跟祖父及父親及在部落的認知
  • wayan cikay maki qu inlungan wal maku baqun cikay.
    我還有一些認知
  • nanu raral bnkis ta tayal.
    所以在以前的祖先
  • mwah sebliuhung son nqu sun maha bnkis ta tayal,
    我們的祖先說關於求婚
  • smze hiya ga , suruw keʼ lasa hiya la.
    提親前的準備後面再說
  • mwah seblihung qu sun mha lpyung mwah
    男方來求婚時
  • maha: i mwah squ qalang ga,
    如果說來部落
  • ini si phhmut
    不會很隨便
  • ru ini si qkala mwah myup ngasal qu wahan naha seblihung.
    他們來提親時心裡不會沒有所準備
  • nanu mwah ga son qasa ga.
    來了之後像那樣
  • memaw balay mqqsazyux
    甚至很穩重
  • ru memaw balay maras squ sazyux inlungan maha ay!
    即甚至帶著穩重的心情
  • yani qu nyux ta wahan seblihung qu lpyung qani.
    就像我們來女方這裡求婚
  • nanu yasa ru
    所以就這樣
  • mwah qu lpyung ini ga sazing hi, ini ga zmagal hi mwah ga.
    男方會有2-5人來
  • lequn myan memung qu keʼ ru baqun myan mha:
    我們打聽並且知道說
  • nyux qutux qu mosa ta wahan mita qu lpyung.
    有一位女孩我們可以來求婚
  • maki qu sun maha laqi nya.
    有一個女孩子
  • nanu yasa qu
    所以就這樣
  • nwah myan soni qani ga, so su maha: nanu qu mwah myan.
    不要覺得說我們來這裡要做什麼
  • yani balay qu inlungan myan mha:nyux sami mwah mita squ isu ru
    我們來這裡看你們目的就是如此
  • qa baqaw ta ka hmswa qu inlungan mamu lpyung.
    不知道女方你們的心意如何
  • taqu ʼnwah myan qani ga.
    既然我們來了這裡
  • iwal su na nyux sami si aras qu sazyux maha: mwah seblihung squ ngasal mamu.
    我們就帶著害羞的心來你們家求婚
  • ana nqu nyux sami ini en aras nnanu ga,
    就算我們沒有帶任何東西
  • inlungan myan ga, balay nqu inlungan mha:
    我們的心意就是如此
  • ʼsay ta balay seblihung qu ngasal qani.
    我們就事一定要來女方家求婚
  • tay bali baqun qu
    如果有這個緣分
  • ginnalu na lyutux ka mhway qu utux kayal ka,
    是祖靈的照顧
  • mosa maki qutux qu pinbsleqan nqu pinsbleqan snwalan utux kayal ru
    會有神的眷顧及祝福
  • galan ta su pniqan pinhapyu ita ka sun maha sazing ngasal qani mha kaml.
    讓我們兩個家庭結為親家
  • ini sisyu uzi qu cinngasal ay!
    女方也不會馬上回答
  • ini sisyu bali naha skrangi maha: sita syuki qu squliq rwa.
    不回直接回答他們來的目的
  • han kkruma ga,
    但有時是
  • masuq kmal qu lpyung ka mwah lga,
    男方說完來此的目的
  • ay nanu ana ga, lpyung ka si mha:
    女方就說如果是這樣
  • nanuga ka simu nʼmozyay la!
    可能你們也累了
  • minkahul simi squ binah nqu rhzyal
    你們來自別的部落
  • ru mwah simu sqani lga, simu balay nyux skyutan uzyay la mniqa ta han.
    你們來這裡可能也餓了,我們就先吃飯吧!
  • ini ga phapuy ngahi, ini ga phapuy trakis, sehuy
    不是煮地瓜就是小米 芋頭
  • kruma mita qu nyux mwah mras inlungan squ squliq qani lga,
    有時看到男方來這裡的心意
  • inlungan naha ma lhbaw qu inlungan naha la.
    他們的心就會很輕鬆
  • maha ay nyux ta naha n_gon ru nyux ta naha sphapyu cikay squ ttbihiy, ini ga nngahi.
    說他們在等我們且為我們預備晚餐
  • nanu maniq han lru
    就吃飯了
  • nanu ana maniq ga,
    就算再吃東西
  • ini kala qu mwah qu son mha lpyung ay! mksayux na.
    男方還是帶著穩重害羞的心
  • mksayux baha maras qu mqas inlungan l, i iwal nanu mwah seblihung rwa.
    就算來求婚也會帶著開心及害羞的心情
  • nanu masuq maniq lga,
    當吃完餐時
  • e nanu biqan naha thekan la.
    他們就給男方椅子
  • thekan ta raral hiya ga, yasa thekan klcing ga, kblayun nqu bnkis ta rwa.
    在以前的祖先會用木板做椅子
  • ay tama sqa ha lpyung.
    客人進來坐
  • nanu yasa qu
    所以就這樣
  • masuq maniq ru mttama malah lga,
    吃完飯就坐下來烤火
  • maki ska puniq ra bali kya qu ttman qu bnkis hiya maki squ sita say pyakan naha ngasal qasa lga,
    在女方家就圍著火旁邊坐下來
  • yasa qu pcyawkan naha la.
    他們就在下廚
  • phapyu ana phapyu trakis si naha si squ cyugal hka ru maniq yasa qu ligay nqu puniq
    在三角爐周圍吃飯
  • nanu yasa qu masuq maniq lru galun naha qu qniqan naha lga,
    吃完飯後就把餐具收起來
  • nanu biqan naha thekan qu lpyung.
    他們就給男方椅子
  • son qasa lga, nanu yan qu cinngasal qasa qu smyu la.
    就那樣之後女方就回應了
  • cinngasal qasa smyuk ga:
    那女方就回應說
  • nyux nya sbyaq squ qutux qu bnkis nqu qalang qani.
    他們給這個部落一個耆老
  • mwah iwal na smyuk squ bnkis nqu inrsan naha qasa.
    來回應男方的求婚
  • nanu yasa qu kyalun nya maha:talagay!
    所以又回答說:哇!
  • siqan kakay mamu qani la, innwah mamu qani ru
    你們勞遠來這裡求婚你們也累了
  • nanu nway ta qu nwah mu qani ga.
    沒有關係既然你們來這裡
  • nway simu ini syuqi han ki .
    我就先暫時不回答你們
  • kta ru si usa han!
    就這樣你們先回去吧!
  • ru pkutay myan qu laqi myan khan.
    我們會先詢問我們家的女兒
  • bali baqun maha nanu smwal qu bnkis ga, ini swan qu ʼlaqi lga,
    雖然長輩肯但女孩有自己的想法
  • baha ta sipqqhli iyat nasa qu gaga.
    如果強迫也不合乎規範
  • nanu yasa qu keʼ qasa lga,
    話說完了之後
  • nanu masuq keʼ qasa lga, ini si usa
    話雖說完了但也不會直接馬上回去
  • pbyun naha kya han gbyen lrwa.
    因為時間晚了女方就讓男方留宿
  • pbyun naha lru nanu mpcisan ru
    他們留宿後便會一起聊天
  • ini pkal qu zyuwaw nqu nwah naha seblihung, mkal qnxan ru cyux mha nanu qu qalang su ru
    他們不會去聊求婚的事會聊男方部落的生活
  • maha nanu ima qu squliq.
    他們那邊的人情怎麼樣
  • nanu kinsuxan ga nanu wayal simblaq msgagay mha: nway ki lpyung
    到了一大早時男方就會好好的跟女方道別說
  • hala sami ha, yat saku mlawa ga mmuwah saku lozi.
    我們走了等你們的通知們我會再來
  • baha hmswa ga, nyux sqani qu inlungan myan ga.
    因為我們來的目的就是在這裡
  • nanu wayan la.
    所以就離開了
  • nanu wayan qu lpyung lga,
    當男方離開了之後
  • baqun ta bnkis raral hiya ga, ini psbsyaqi rwa.
    在以前的祖先知道了這件事之後也不會等很久
  • nwah ta qani lga, baqun naha qu inlungan ta l maha ru
    男方來這裡的目的我們都知道
  • nanu yasa qu
    所以就這樣
  • si ta say mha: nyan qutux lihay qutux lihay msyaw lga, nyan lozi.
    將到一個禮拜之後男方又來了
  • lga, lima naha wal pqutan qu laqi naha la.
    女方也早已詢問過他們的女兒了
  • nanu yasa qu
    所以就這樣
  • pqutan naha qu laqi ru mwah qu lpyung lga,
    詢問孩子及男方到來了之後
  • galun naha qu laqi naha tama sqani.
    他們就讓孩子坐這裡
  • ru rasun naha uzi qu mrkyas naha tmul naha.
    男方也會帶著他的兒子坐在他們旁邊
  • nanu yasa qu
    所以就這樣
  • kmal qu sun maha nyan qu lpyung mha:
    前來的男方就說
  • alagay! lpyung
    哇!女方
  • laxi kyaqih inlungan mamu.
    你們不要介意
  • ini sami balay alax qu nwah myan.
    我們真的沒有放棄來這裡
  • nanu ta qu laqi wakay qani mrkyas qani ga, nyux myan rasun lru
    我們把我的兒子也帶來這裡了
  • nanu ta qu si ta say mha:
    我們就這樣說
  • laqi mamu qa kneril mswa qu inlugn mamu.
    你的女兒有何想法
  • maha ni wal simu maha aw lga,
    如果你們同意的話
  • sami qa bnkis hiya lga, si myan plgan kya.
    那我們這些長輩也跟著你們的心意
  • nanu ana qutux ga, nkis raral hiya ga.
    就算有一件事在過去的祖先他們
  • maha ni wahan smzye.
    如果來求婚親
  • ugat en qu kinli nqu laqi ay! siki aw mqu yaya.
    孩子沒有權力只有母親有說好的權力
  • pyang ga, yaya aw mqu yaya ru bnkis l.
    最重要的是母親及長輩
  • lga, ana ʼlaqi aki mmru qu inlungan hiya lga, si swal la!
    之後就算女兒不情願也無條件肯了
  • nanu yasa qu pqutan naha qu laqi ga ,
    雖然他們會詢問女兒
  • ay tngan nya qu yaya nya ʼsu sayhu lga, nanu yaya qu smyu la!
    但還是以母親的意思為意見
  • smyu qu yaya lga, baha hmswa yaya ga, minlahang sa ʼlaqi pnkyuns ʼlaqi.
    母親回應是因為懷胎照顧孩子的是母親
  • yaba hiya ga,
    父親他呢
  • si gluw squ inlungan nqu yaya ru laqi , smwal lga, nanu wal naha swalan.
    也會跟著母親的意思肯了之後他們就同意了
  • nanu yasa qu mmpusal qani lga, wayan naha si swali la!
    所以就這樣第二次的求婚女方肯了
  • nanu nway lpyung ʼnwah mamu qani lga,
    女方就回男方說你們來的目的已達成
  • baha simu siwe minppusal msbbzyeh la!
    你們幹嘛要2-3次這樣來回
  • nanu ta qu wal ta pqutan qu yaya na ʼlaqi ru laqi uzi lga,
    既然已經詢問孩子的母親
  • mnglung mha: nanu nway siqan qu lpyung ʼnwah naha qani.
    想到他們來回奔波到這裡很辛苦
  • nanu aring sqani lga,
    從現在開始
  • nanu mbleqa ta msmbbyaq keʼ lru
    我們就好好的來聊天
  • lgaw ta babaw n qani lga, lugaw ta mkayal.
    後續的工作下次再談
  • ssun ta nanu mtzyaw kwara qu zywa lelaqi qani.
    要怎麼去準備孩子的婚事
  • suqun ta maki qu cinmumu nqu keʼ ta ru
    從頭到尾的求婚已結束了
  • wal ta sblequn, wal ta mlequn kmal kwara qu mtswe ta lga,
    我們也已讓親朋好友清楚的知道
  • nanu teta knwal wahan mamu magal qu si ga, ʼlaqi ka signgusun nya qani la!
    看你們訂時間來提親
  • yani qu sun maha: ʼnwah naha mslihung qu smze hiya.
    這就是他們來求婚的過程
  • nanu yasa qu
    所以就這樣
  • wal swalan qu mnwah seblihung qu squliq lga,
    當女方同意求婚時
  • mkal lga, yaqu pposa laqi qani qu pkayan qu bnkis ru mtswe la.
    女方父母親及兄弟姐妹會討論女孩的聘金
  • nanu mkayal qu mtswe maha:
    她的兄弟姊妹說
  • ay talagay! wal ta swalan lga,
    哇!我們同意了
  • si khqoli squ iyat na qqznga, mwah magal qu si ta say ina naha la.
    他們不會等很久就會來提親了
  • nanu qu mosa ta snol inlungan naha.
    我們對他們要要求什麼
  • raral hiya ga, ugat qu maha: ungat nanu qutux hiya ga qbuci.
    在以前沒有所謂的聘金
  • qbuci qasa hiya ga,
    聘金這件事
  • raral raral baqun maku ga, bali ta muluw rwa.
    我知道在以前並不富有
  • wayan naha biqan qutux seng.raral qutux seng ga cigay lay!
    如果男方給1000元就很多了
  • ini ga sazing seng.sazing qutux seng sazing seng lga,
    不然就是2000元(以前的錢很大)
  • smwal qu yaya lga,
    母親同意了之後
  • nanu nway sazing seng qu qbuci nqu laqi qani.
    那孩子的聘金就2000元
  • taqu qbuci laqi sbyaq naha yaya.
    但會把這聘金給母親
  • yaya qu minlahang laqi rwa.
    是因母親照顧孩子
  • ru bzyuwak lga,
    那豬呢
  • ktan naha uzi qu qnxan nqu lpyung.
    他們會看男方的生活條件
  • mha nanau
    因為
  • ini ga, maki qu rʼngu naha laxi ta pyangi smʼuy.
    如果他們有能力就不要給太多負擔壓力
  • siqan qu laqi ta kneril, musa mesʼyunaw squ ʼnwah naha smzye wal naha requn.
    如果我們對男方的提親要求太多，我們女兒會有負擔及壓力
  • yasa qu sun kasa lmpu ga, ana balay pzyux qu qalang hiya ga, sazing qu ka bzyuwak
    就算部落的人數這樣多，就只拿兩頭豬
  • sazing qu bzyuwak lga, nanu qnihun na hmkangi sraral sami uzi ay
    在過去的生活兩頭豬就很勉強了
  • sazing qu bzyuwak la nanu hanray lga,
    兩頭豬了那桌數呢?
  • raral smzye maniq nzye hiya ga.
    過去在提親要吃喜宴時
  • ugat qu hanray ka ttman ta thekan ru hanray ay!
    沒有桌子可以坐椅子
  • skbalay naha pagaㄡ
    他們就會做長竹桌
  • skbalay naha paga ka aring squ karu mucing kintngan, ta cyugal qu paga ka tpaqan nahan rruma ga ,
    幾處從這裡到邊邊用竹子做的竹桌
  • ru ka cyugal qutux sazing cyugal stwahiq cikay i wahan nahan rwa.
    就有1-3的竹長桌距離會遠一點因為要經過
  • nanu yasa qu
    所以就這樣
  • nanu yasa qu
    所以就這樣
  • teta pira qu squliq ta mosa lga, prasan ta keʼ mha:
    看有幾個人要去就會託人帶話
  • ini ga, mpusal sami hi ini ga, mtzyul sami hi.
    不然就是我們20-30人
  • raral hiya ga, ungat si tglu qu maniq gaga nya hiya.
    我們以前沒有像現在這樣是以姓氏親戚為主
  • wayan mzimal hi lga, cigay la.
    如果去50人就很多了
  • maha ni: mzimal hi sun ta lga, nanu cyux naha slama yunbi la.
    如果跟它們說50人他們就會有所準備了
  • nanu qu yunbi naha ga,
    他們準備什麼
  • bali ta bazi squ niqun hogan.
    他們用傳統的主食來招待'
  • yaqu qsinuw ka nwah naha mosay rgyax.
    就是去山上打獵到的獵物
  • nanu wal ta swalan qu squliq lga,
    我們同意了男方了之後
  • nanu cinngasal qani lru mtswe lga,
    所以這一家的兄弟
  • sʼusa naha mlataʼ la, sʼusa naha hmkangi cikay squ lesayan srrgyax.
    也會去深山尋找獵物及打獵
  • nanu yasa qsinuw qasa qu snaga naha.
    所以就是會用獵物來為他們準備
  • ini ga trakis.
    或者小米
  • ini kya qu mulu cikay ga, phapyu cikay mami ga, kya qu bwax nanu syam cikay.
    如果生活好一點就會用一些白米煮飯及豬肉
  • nanu yasa ugat qu maha:
    如果沒有的話
  • qtan ta soni qani ga, ana cigay sʼutu squ hanray ga.
    觀看現在的喜宴桌子滿滿的都是
  • ini qyang nasa
    以前的方式並不是這樣
  • nanu ana qutux ayang, qutux qu inrasan naha.
    就算一個湯及他們所帶的
  • ana ngahi sehuy trakis lga, memaw mzimu la qu bnkis hiya.
    不管地瓜芋頭小米耆老們就很高興了
  • nanu yasa qu
    所以就這樣
  • prasan naha keʼ qu squliq maha:
    所以就託人帶話去說
  • hazi mosa sami mtzyul hi mwah ki!
    我們可能有30人會來
  • nanu yasa qu sʼyunbi naha la.
    所以他們會有所準備
  • sʼyunbi naha lga,
    他們準備了之後
  • nanu naha uzi ugat qu ʼlwan ta raral rwa.
    在過去的生活女方好像也不是富有
  • paʼaras naha squ ina naha ga,
    他們會給他們的媳婦
  • iyat sami ka ppaʼaras qu laqi ga, mosa ngasal squliq hjya lga,
    不是 是我們將要給我們的孩子要嫁去別人家時
  • ungat ʼlwan myan nanak, ini ga pira npala,
    我們沒有錢雖只有幾件布料
  • pala qu sparas i ugat qu bbazi rwa.
    只能帶布料因為以前沒有好買的
  • pala qasa lga, krahu imi nya la!
    這個麻繩布料就有很大的意義
  • iwal maha laqi aras qu pala qa san minblaq helaw.
    就是跟著孩子說帶著麻繩布料好好地蓋著
  • ru blaq kbalay squ ini ga, pala lukus mamu.
    及或者你們好好的去用這個布料做衣服
  • tay simu blaq, tay simu ini ktltu.
    你們就會好好的也不會被冷到
  • tay simu minblaq musa mkyanux squ ʼsan su ka giqas nqu lpyung qani.
    你去你們夫家在這裡就會好好的生活
  • ungat qu telibi ugat qu nnanu.
    以前沒有電視及任何現代的東西
  • nanu yasa pʼaras qasa hiya ga, mlu squ musa, musa ta ru maha ta
    就只有麻繩布料給孩子帶著去跟著去
  • mwah qu lpyung lru rasun naha qu laqi lga,
    親家來了把他們的媳婦帶去了之後
  • rasun naha ʼlaqi lga,
    他們把媳婦帶走了之後
  • nanu yaqu pala nanak spanga naha.
    他們就只有麻繩布料揹著去
  • maha ni kya qu tapang ka mmulu hiya ga,
    如果家裡好一點有棉被的話
  • kruma kya qutux tapang sazing tapang ru rasun,
    有時會帶1-2件棉被
  • nanu musa lru nanu musa minblaq.
    所以我們的孩子去夫家會好好的
  • musa minblaq iwal na kekon la!
    去那裏會好好的就像結婚了
  • kekon kya squ ngasal naha lru
    在他們家辦結婚儀式
  • nanu masquq kekong lga, nanu maniq la.
    結婚儀式結束之後就吃飯了
  • maniq lga, nanu yasa qu mcisan la.
    吃寶飯後就聊天
  • mcisan raral hiya ga,
    在以前聊天時
  • memaw mqas qu bnkis, cyux mnaga ru sami ka musa lga,
    我們要去的時候甚至會等待的耆老開心
  • nanu snaga qu pynag nqu hway naha.
    所以首先燈帶他們的是感恩
  • nanu yaqu kinbalay naha qow tayal.
    所以他們就會做小米酒
  • qow tayal qasa ga, syun naha ssalaw.
    那個小米酒會放在缸裡
  • ana sazing sala, .ana cyugal ssalaw skbalay naha qow tayal ga,
    不管2-3個缸他們還是會做小米酒
  • yasa pyang innaga inlungan naha ma:ngaw ta balay qu lpyung
    這就是他們用等待的心情來迎接客人
  • nanu yasa
    所以就這樣
  • qutux taku, ini qutux staku nbun naha lga,
    使用一個勺子去喝他們所做的小米酒
  • raral hiya ga, qutux qu taku qow nbun naha lga,
    在以前喝一勺子他們做的小米酒之後
  • memaw naha strahu qu lpyung ka ʼsan naha la!
    他們甚至會稱讚他們所到的親家
  • nanu yasa
    所以就這樣
  • son qasa lga,
    過了一陣子
  • nanu wah nqu yaba yaya ru mtswe lga,
    所以父母親及兄弟姊妹來看這出嫁的孩子
  • lmol naha kmal qu laqi naha sbilan naha keʼ.
    他們就會留話告訴這孩子說
  • kyalun nya maha: Yuma
    就跟悠瑪說
  • taqu isu qani lga, ʼlaqi su naha sqa lkiy!
    你就像他們的孩子了
  • laqi su naha qlngan ana nanu qu zyuwaw ga, yaki su ru yatas su pongi keʼ.
    你是他們的孩子任何事要圓滑要聽公婆的話
  • kya qu ini su baqi ga, kal qu yaki su cbakay su nya.
    你有一些不懂的問你的婆婆他會教你的
  • nway aring sqani lga, laxi lnglung nanu.
    從這個時候開始不要想任何事
  • yaqu ngasal su bes su qani ru yaki yutas su iwal yaba su lki!
    在這個你的家先生及妳的公婆就像是你的父母親了
  • nanu musa sami la.
    所以我們要走了
  • inblaq laxi kita squ
    在這裡要好好的不要小心眼
  • laxi pqiway squ knturu ki yaki ki yutas ki.
    要跟你的公婆和好
  • bali ugat qu keʼ nqu squliq pbuling mwah squ ngasal sazyux ta laha.
    又不是沒有會把你在這裡的樣子傳話到我們部落到時我們就不好意思了
  • yasa qu sun maha:
    所以這就是
  • kekon qu tayal ru posa squ squliq, son maha yang qa tayal.
    有關於泰雅族的嫁娶