sin'inu mnglung na qnxan sa qalang Talah（在紅土部落的生活回憶）｜口語語料

iyat pi? inlungan qasa ga, yasa ka bes mu lga.

不是嗎?我的想法就是這樣，他已是我的配偶

ana suʼ musaʼ inuʼ lga, yasa ka piyang mlahang kun lru nanuʼ pi?

怎麼說?無論到那裡，他就是要照顧我的人。

yasa bes lga qutux yasa 互相(中)plahang lru.

既然成為夫妻就要彼此互相照顧。

osirwe ru kucireni(日) raral ga, buling nyaʼ kwaraʼ ru.

我先生他很不喜歡我打扮，會把那些化妝品丟掉。

squn myan yasa ka yasa ka Rimuy Hakaw smi ku cikay osirwe lga.

我只要跟婦女們一起化妝時。

ktan nya buling nyaʼ la. osirwe ga 口紅ke Zipun qasa aw 。

他只要看到就會丟掉。(osirwe ga是日本話)

ani kayal cikay lozi kayal lozi osirwe osirwe aw.

請在講一遍化妝品的說法。

ye~ye smi mosirwe qani ga, yasa ka magal yasa ka qalux ka ma ru ga.

他們說擦了這些化妝品後臉會變白。

yasa ka smi myan lga yasa lay.

我們只要擦上，他就很不高興。

syanoh uzi ga si ʼnkux ku nya uzi nyux suʼ musaʼ mitaʼ kyaʼ likuy uzi.

我們回去娘家時會吃醋說我去找別的男人。

muci balay raral qnxan myan raral.

我們的生活就是這樣特別。

imaʼ sʼnkux ku nya Behuy Maray sʼnkux nya balay.

他對Behuy Maray這個人特別會吃醋。

musaʼ Sanse mqwas ga yasa si nyax kyali Hacumi ru rwa la.

因我們去三星鄉讀書時，Hacumi就告訴他。

Hacumi yasa makiʼ kyaʼ Qaraʼ yasa ga yasa hankaci(日) ga.

從Kara來的Hacumi當時是製作布巾的。

yasa kbalay nya hankaci(日) ru galun nyaʼ krryax Behuy Maray.

Hacumi當時製作的布巾都是他收購。

ana ku maniq nanu (bali nyax ga payse(台) ga .

我不管吃什麼(現在說這些對我死去的老公很不好意思)

ana ku maniq nanu ga thay mu niqun nya uzi ru Behuy Maray.

我不管吃什麼，剩下的他都拿去吃。

payse(台) balay uzi, imaʼ kayal. iniʼ sqasi nyaʼ ku.

很不好意思，但又不敢說,我心裡很不喜歡這樣

mitaʼ taʼ laqiʼ. pangaʼ ku laqiʼ lga mqas ku bay.

一直到我有孩子，心裡就非常喜悅。

hupaʼ laqiʼ lga, mqas taʼ hiyaʼ ru ga.

看到孩子們漸漸長大之後，我們又很欣慰。

其實(中) mʼuy ku ungat mqas mu qu raral.

其實想想養育孩子真的很累。

qutux qutux ryax ga musaʼ ku qmayah ga pangaʼ ku

每天揹著背簍去上山工作。

muwah ku lga nyux 排隊(中)ka kwaraʼ laqiʼ mu排隊(中)syaw tuqi ga, syaw blihun ngasal ga.

回來時都看到孩子們都在家門口排隊等我。

媽(中) uzyay balay ma 肚子餓了(中) laxan mu nangaʼ mu lga yasa qsʼun mu hapyu lru.

說肚子好餓，我就趕快放下背簍去煮飯。

bali kya puniq taʼ raral bali kya 瓦斯(中)taʼ raral qhuniq ru.

以前沒有任何生火方式，都是用木材生火。

musaʼ ku qmayah ga phapuy makuʼ nanuʼ hapuy mamiʼ iniʼ ga rwa lga.

所以我每次去山上工作時，會先煮飯。

bilan makuʼ a bali kya ramat taʼ tosi ru qulih syam lga si thki kyaʼ si san taʼ kyaʼ lru ga.

以前也沒什麼菜，豆腐乳和嫌魚和肉。

mulu mamiʼ niqun lga syun taʼ kyaʼ lga iniʼ nangiʼ qlyan lga wal suqun laqiʼ la.

這樣配菜吃飯，沒等到中午都被孩子吃完了

笑聲~(iniʼ suʼ bihi laqi raral uzi )owe~ ana balay muci nana

問:你以前會不會打小孩，答:不管怎麼樣。

yabaʼ nya iniʼ bihi laqiʼ kneril. likuy ga bhyan nya kwaraʼ.

我的先生從不打女孩，都是打男孩子。

kun ga 不管什麼(中) ana laqiʼ kneril ana laqiʼ mlikuy ga tnaq kun.

我是不管男孩女孩我都是一視同仁。

yaqeh la yaqeh la mihi ku iniʼ pung lga mihiy ku.

不聽話時我都會嚴格管教。

ktan lga, rwa la mluw a~ yasa ka siczi ha siczi ha ga aw~

我的先生在教會最初的工作是執事。

ingat nyux thuyay balay ru.

當時沒有人能勝任這個工作。

hiyaʼ ga qnzyat mluw likuy Homi a~

他當時是跟著Homi的先生信教。

lokah balay snhyan nyaʼ ru likuy Homi kahun Sekimon qasa不是嗎?(中)

Homi的先生是個非常愛主謙卑的牧者。

bnkis bay hupaʼ kawas nyaʼ lru likuy Homi sa.

他已是個年事已高的長者。

bokusi aring raral ru sa mwah qa ga Temu Hayung ru.

他從以前就是牧師，後來是Temu牧師來。

ta siczi la, ru sktan lga kayke(日)la kayke na spung pila會計(中).

執事的工作之後，又擔任會計乙職。

(galan cyoro ga piraʼ kawas), aring cyoro lga rema ku rwa la qmayat ku laqiʼ lga yasa aring cyoro la.

他擔任長老幾年?當我開始養孩子時，他就做長老了。

cyoro lga ana muci nanuʼ iniʼ baq malax hiyaʼ.

無論如何，他很看重長老的職分。

yasa si cyoro saygo(日)iniʼ alax, yasa ga 差不多(中)sanzyu nansay(日)ga差不多(中).

從30幾歲做長老一直到蒙主恩召。

aring kyaʼ lga cyoro krryax la.

永遠是教會的長老。

aring Temu Hayung syan bay inlungan bokusi ru iyat ga.

他是Temu牧師最好的屬靈同工。

babaw nya lga, ana mwah bokusi kwaraʼ ga.

以前所有來此的牧師。

ngasal mu wahan nya phapuy ru.

都是在我們家來招待牧者們用餐。

iniʼ suʼ ktay ga, musaʼ myan na南投(中)sa ga, si ku nya kyali qutux bokusi sa.

你沒有看到嗎，之前我們去南投尋根之旅。

wa! isuʼ we? iyat isuʼ a~mluw suʼ Temu Hayung.

哇!是你?你不是跟者Temu牧師的那一位。

phapuy krryax kuzing a sami mwah myan bokusi ga, isuʼ son myan nagsal su.

為我們所到來的牧師，都在你家受你招待。

makiʼ kyaʼ bih rgyax ga muci. aw ru son makuʼ.

在靠山的那一戶，是的那就是我家。

wa nyux suʼ mqyanux na muci.

哇!你還活著。

talagay blaq lungan suʼ. mitaʼ ku isuʼ ga mqas ku balay ma.

你的心非常的好，能看到妳我心裡非常高興。

son kya lga, yasa masuq myan rehay la.

一直到聚會結束。

hataʼ ʼabiʼ ngasal mu simu ki muci rasun sami mʼabiʼ ngasal nyaʼ lru.

他就邀請我們到他家裡睡。

ana muci snhi yabaʼ yayaʼ ga, rima bsyaq hazi ~yabaʼ hiyaʼ lru ga.

雖然你的父母的信仰很虔誠。

mwah kekong, tatwe nisan nyan(日) ini pzyux cyoro na ru yaba ga.

媽媽嫁來兩三年時，爸爸都還沒擔任長老。

qu mwah makiʼ ka yasa ka a~mara nyux ka hga rwa la.

一直到中生代的信徒進來教會服事。

qani ru magan kneril hgan lga makiʼ kya smiʼ balay inlungan kyokya lru hgaʼ. iyat ga simu.

一些年輕人結婚後對教會也很重視，就好比你們。

ana hmut Yuming Pepay ga lokah balay

還有一個執事叫 Yuming為人很嚴謹。

Yuming Pepay ga lokah balay sgsuw.

他在信仰上非常會勉勵信徒。

makiʼ myan ngasal na rwa ha ru Rimuy Yuhaw qasa rehay myan kya ru.

我們當時在Rimuy Yuhaw家聚會。

yasa kiʼan myan qasa ga, ingat pilaʼ myan ru.

因當時教會的經費拮據。

htuw taʼ pilaʼ muci ga yasa hiyaʼ bay thuyay balay.

只有他捨得甘心樂意的奉獻。

Kiso kayal kwaraʼ scuziq qani. Iniʼ taʼ uci ka iyat thuyay kyokay lma ru.

他跟長老說請幹部們多奉獻，不然教會事工無法推動。

Yuming Pepay thuyay bay.

只有Yuming Pepay願意無私的奉獻擺上。

balay bay Yumiang Pepay ru Taro Tuyaw wal thuyay bay.

真正協助教會事工的除了他，還有Taro Tuyaw。

Yumiang Pepay、Taro Tuyaw, 、Kiso Watan.

林得勝、賴新發、王清正。

(Taro Tuyaw ga) yasa ru rwa cikay hgaʼ ru hmswaʼ galan na soncyo(日)ga.

當時賴新發是村長，也很支持教會工作。

rwa cikay hiyaʼ musa musaʼ mnbu qwaw hiyaʼ.

但他有一點不好會常喝酒。

kwaraʼ laqiʼ ru Payas ga baqun mamu aring kya lga muci kya lru.

還有賴新枝中生代的信徒都陸續參與教會。

kun ru yabaʼ suʼ ru yataʼ ku nyaʼ yabaʼ suʼ ru.

我跟你爸爸的關係，他要叫我阿姨。

ya~Hayung yabaʼ nyaʼ qasa ga( yabaʼ na yabaʼ mu )aw.

你父親的爸爸的爸爸。

yabaʼ na yabaʼ suʼ qasa ga, tsweʼ yasa ka.

你阿公跟我爸爸是兄弟。

iyat nay 下一輩(中) qasa tswe(kbabaw nya lga) aw.

在下一輩也是兄弟。

tsweʼ yasa ka a~ubuy myan yasa ka ya qasa imaʼ la.

我們就是從那裏的淵源，成為親戚。

kneril kwaraʼ ru yasa mwah qeko ka Yagu lga mwah kwaraʼ ru

你母親嫁來這裡時，因他們家沒有男孩子都是女生，故也帶了你外公外婆一起。

yasa hiyal qasa ga , a~ 應該是(中) kyoray(日)

他們住的那個地方，應該都是親戚的土地。

snhyan qani ga musaʼ 幫忙(中)kya hiyal qasa nazi na yaki suʼ.

妳外婆就透過教會幫忙買下那土地。

yakiʼ suʼ makiʼ sqa ha krayaʼ yasa. qmayah na rwa ka taʼ mtsweʼ na rwa ka yayaʼ na (許世英)ga.

你的外婆是住在上面，是許世英的媽媽兄弟的地。

qani ga aring taʼ bih mwah taʼ nguhuw ka hkani ay .

我們要來紅土這個部落，是要從 nguhuw走路過來的。

bih ngasa na rwa qasa ga ~ngasal na rwa qasa(ngasal na Tangaʼ)a~

就是靠近那個誰家，那個誰家。

rwa qasa ga Taru taci tuqi sa ga tuqi osa taʼ Nina la.

就是黃光榮的家，那個要往天送埤的路那個。

pwah kya ha labang ha tuqi nyux nhaʼ son qani.

當時那道路很寬，被他們整理後就變這樣。

theluw kwaraʼ makiʼ ha krayaʼ tuqi cyux kiʼan na a(黃水火) .

當時那地方居住地都是外省人，黃水火是住在他們上方。

qasa ga theluw kwaraʼ makiʼ sa。

那都是外省人所住的地方。

kyahuʼ qani ga yasa ka ngasal na qutux balay ngasal na rwa ka taʼ imaʼ la Rimuy Silan

在下方只住了黃含笑一家。

kyahuʼ na qasa (林阿梅)ga iyat nyaʼ ngasal uzi. tragan kwaraʼ qasa.

在那邊林阿梅住戶是後來才蓋的。

tragan kwaraʼ yasa cyux na kiʼan na imaʼ la. ngasal na Yuming qasa ga .

以前那裏都是土推，最後大家陸續在那居住。

tragan kwaraʼ ngasal ya~ yutas mu Yukan ga

全部都是土推，我的親家也遷到那。

yasa ka kyahuʼ tuqi wah taʼ tuqi qasa ga .

他是從我們所走的路下方居住。

cyux kiʼan na rwa qasa ga yasa ngasal na yakiʼ mu rwa ta.

現在有人在居住的路旁，之前是我的親家母所居住的。

yakiʼ ya imaʼ la Rimuy Yuhaw taci ga .

是許林阿秀親家母。

yamaʼ mu Hayung taci qasa ga makiʼ kyaʼ mgzing balay ngasal raral yasa kiʼan nha.

我的女婿小時候也住在那，他們的房子都很狹窄。

thasa kwaraʼ ga tragan kwaraʼ uraw qasa.

那邊都是泥土推起來的地方。

cyux kiʼan qasa ga ngasal Tayal kwaraʼ.

部落的那一邊所居住的都是泰雅族人。

ngasal Yungi taci rwa nyux kiʼan qani ga.

Yungi的家就是住在這裡。

ru makiʼ slaq myan kwaraʼ qasa ga ngasal Birang raral a~

和我們現在的田地，那個都是以前Birang 所居住的地方。

wal nha laxan ru musaʼ kya bih ha rwa ru.

他們搬遷後我們才到那地方耕種。

musaʼ kyaʼ bih cyux kiʼan na rwa qasa ngasal na .

他們搬遷到楊三川那地方居住。

a~Temuʼ Hayung taci ru ubuy qasa kiʼan Qaraʼ ru.

因哪裡是屬於一個家族系統的聚集地。

babaw lga, ungat ngasal wal nha hlahun kwara, la(rimaʼ ungat la )aw.

之後那邊的房子全部拆除(早就沒有了)是的。

yasa ga syaw gong gong kwaraʼ qasa kiʼan nhaʼ cipuq cipuq ngasal nhaʼ.

所以他們在溪邊的房子都是小小間。

(yasa suruw gako gong gong qasa ga)aw.

請問是學校後面的溪嗎?是的。

(旁邊)ga Zima ma ru yasa ka rwa qasa ubuy inaʼ mu taci sa ru Zima ru qasa.

溪的旁邊有住著Zima 和我媳婦的老家等等。

bih tuqi qani ga Kuni Nabu taci ru rwa qasa ru.

路的旁邊住著Kuni Nabu和其他人。

krayaʼ balay ga yasa ka mamaʼ su Watan ru baqun su(baqun mu)yasa ru kwaraʼ sa.

最上面居住的人是你長輩Watan，你知道的，以及其他人。

thani qasa ga Cisan Koba ru.

這邊是 Cisan Koba住的。

gong wal ingat la yasa wahan tuqi ru.

因溪邊乾枯了，就變成道路。

a cipuq bay a bay iyat tehuk nyaʼ ka ngasal.

房子都是很小間。

Yasyo hiya la thani lga kyahuʼ nyaʼ hazi ga rwa la imaʼ la Masing Tuyaw taci ru.

Yasyo在這裡，他的下方住著Masing Tuyaw。

Pasang Piling krayaʼ na rwa qasa krayaʼ ngasal na rwa ka na (淑惠)

淑惠家的下面是住著Pasang Piling。

yasa (一列) uzi ha yasa ru qasa lga Buntong thasa hiyaʼ.

這邊是一排的住家，那一邊是Buntong 的住家。

thani hiyaʼ ga ngasal na bazi kyanre(日)sa la cipuq bay tatak uzi bazi.

這邊有一間小房子是賣冰的。

bih qani lga yasa ngasal cipuq cipuq ru.

靠近這裡就是小間小間的房子。

Zipun ziray ngasal kryax kwaraʼ hiyaʼ cyux muyan na pinlang qasa ga.

日本時代就有很多住戶種植檳榔。

hiyan na rwa kwaraʼ sa hgaʼ kwaraʼ sa.

那些都是他們的土地。

tatak ga bnikis su balay ga yasa syan nhaʼ balay inlungan mga.

祖先的舊公墓，依然受人重視。

cyux ru aki mu skalay nha na kyalun na (林聰賢)la.

本來有呈請林聰賢縣長來施作。

klayaw ta aki smwal yasa. wal helaw wal Tayhu lru (林聰賢)sa

原本有規畫施作，但林聰賢縣長調任台北而停頓。

aki nyaʼ klayun buqul sa .

他本來有心要規劃施作這個舊公墓。

nanak hiyaʼ ru cyux buqul ga suruw tatak mu sa.

我的工寮後面是舊公墓，好像只有看到一個墓碑。

cyux ru miruʼ nya (cyux laluʼ nyaʼ) cyux na koko(哥哥) nyaʼ .

他的墓碑上有寫上名字，好像是長輩中的哥哥。

(imaʼ laluʼ nyaʼ cyux makiʼ kyaʼ )cyux kyaʼ laluʼ nyaʼ.

誰的名字在那墓碑上，名字有在。

(nanuʼ laluʼ nyaʼ) imaʼ baq (iniʼ suʼ baqi) imaʼ baq.

(叫什麼名字)誰知道，(你不知道)真得不知道。

son suʼ mitaʼ ga baqun mamu.

你自己去看就知道了。

yan si na yasa ka yutas yakiʼ a yutas na irah mu raral.

那個人是我大嫂的爺爺。

(imaʼ laluʼ nyaʼ) Ciwas Watan(Ciwas Watan) aw.

(他的名字) Ciwas (Ciwas Watan) 是的。

wal huqil kwaraʼ laqiʼ nyaʼ la.

他已沒有後代子孫。

nakiʼ laqiʼ nyaʼ wal nyaʼ rasun kyaʼ Kilong la wal huqil uzi.

他把孩子都帶到基隆居住，也都在那往生。

(ingat kwaraʼ kyoray(日)nya la) ingat la.

所以他們的家族都沒有。

(yabaʼ nya iyat ga yutas nyaʼ) yutas nyaʼ.

(是她的爸爸還是他爺爺)是他爺爺。

musaʼ baqun yabaʼ suʼ sa.

你的爸爸應該知道他。

(nha ga wal ku) zyu nanasay(日)ga rimaʼ makiʼ buqul hiyaʼ( ru yasa oyome).

(我好像有聽說)我18歲來此這個墳墓就已經有了，( 那是妳嫁過來的時候)。

buqul lga iniʼ nha pcyawgi la.

這個日本時代就有的墳墓，就沒人在管理。

wal syun kyaʼ kwaraʼ squliq ru.

那些往生者都是我們的長者。

cingay bay phagaʼ na tunux ha raral.

以前有很多的石頭推起來.(像墓碑)

ana kun iniʼ ku soyay musaʼ kyaʼ hkani ana mwani (我不敢走).

一直到現在我還是不敢走那條路。

snyan nhaʼ kacing wal turuy turuy tunux lga yasa la.

也是放牛的地方，但是因石頭滾滾落下。

krumaʼ ga qplan wal ʼzik ru.

有的踏下去，泥土很深的。

raral ga wal klayun tuqi musaʼ bih na Amuy Noka sa ga.

以前他們有做農路到Amuy Noka 的土地上。

raral ga wal klayun tuqi makiʼ syaw qmayah mu ru.

以前他們做農路時，剛好經過我的土地的邊邊。

syaw tuqi sa ga ingat na qutux lungan mu ga hataʼ say ta.

我當時就沒有什麼意願去走到那裡。

muyaʼ nanuʼ kya muci ku ru myay taʼ nanuʼ muci ku.

到那裡種些什麼農作物，但又不得不去。

musaʼ ku qmaruq qmaruq bleqan mu qumah na.

因為是自己的土地，就去那裡耕地。

ktan la cingay bay ka nyaʼ na qniʼ kwaraʼ ga kakay lungan makuʼ ga .

可是我卻看到很大的骨頭在土裡。

son qani ga, kakay kacing ga hupaʼ uzi kakay na bzyok qu son ruzyux hazi pi muci ku.

看起來像牛的骨頭又像豬的骨頭大又長。

kwaraʼ ga kakay kwaraʼ qniʼ mumuʼ kwaraʼ(qasa sluhi ru yasa).

全部都是腳的骨頭跟關節(那是落石所造成)

bih syaw atu slaq ga因為 qasa ga minkhoyan na怪手(中)la.

因那個區塊做農路時，是用怪手挖的。

nyux nha iniʼ ktay ru.

他們就無法看到所挖出來的東西。

musaʼ ku toh toh lga, mitaʼ ku sa lga, mnkux lga, mwah sakuʼ ngasal lru.

我去那耕作,看到那些東西,我就嚇到趕緊回家。

kmal Kiso Watan mluw su balay kmal uzi la.

我的先生不相信我所說的。

wahan nha Cizay mu lga wahan nyaʼ qmihuy wal ʼblun lozi .

我的兒子知道後，就去把那些骨頭埋回去。

ha pyangun pkitaʼ lpi !

不想讓其他人看到。

aring kyaʼ lga, iniʼ ku usaʼ la.

從那時候我就再也沒去那裡。

qmayat laqiʼ ma noki balay. qmayat qu laqiʼ qani ga .

養兒育女，真的很辛苦。

bali taʼ muluw uzi(真的).

生活不是很富裕。

minas ku ktan qu nyux minas qani musa (上班)ka lga.

我看到很多人經過我這裡去上班時。

mitaʼ ku cyux tblaq uzi ga, yaqeh balay ktan bali ku wal mqwas uzi.

我看到他們時心情很好，但想到自己沒唸什麼書，心裡有點難過。

iniʼ taʼ baq mitaʼ biruʼ muci ga很難啦yasa ku iniʼ soyaʼ mitaʼ hong(日).

人若沒有讀過書，心裡會很自卑。

musaʼ muci hataʼ mqws. sayux balay.

因以前求學時，我因害羞而沒有完成。

yasa ka qutux. nanuʼ sa lokah ku balay kmal laqiʼ muci.

所以我一直叮嚀要求孩子們努力讀書。

wal thuyay nyux thyayal muci qmayat son ta nanuʼ muci lga.

所以無論生活再苦，我很重視孩子們的教育學習。

ulung suʼ lokah Kiso Watan lokah than la.

還好我的先生很努力賺錢。

kun ru hiyaʼ ga, smʼang iniʼ kitaʼ hong(日) laqiʼ mu mihiy.

我比較會打、罵孩子，尤其是不好好讀書。

wal inuʼ laqiʼ si ga, kngyun makuʼ tehuk ngasal mare(日).

若孩子不在家，我一定會把他們找回來。

musaʼ ku qmayah. ungat ngasal laqiʼ mu ga.

我若去田園工作，若我知道孩子們沒待在家。

mwah ku la pbihiy qu si ku beng qaraw ru raral.

我回到家就會拿竹條打他們。

qnxan mu ga, si ku beng qaraw mihiy qu laqiʼ.

我對孩子的教育方式都是用藤條。

son kun ku nyaʼ smʼang Kiso Watan ru.

我的先生也一直罵我。

nanuʼ suʼ hmyaw laqiʼ.

幹嗎一直追著孩子打。

kʼngun ku nha laqiʼ lokah ku hmyaw ru.

我的孩子都很怕我，因我很嚴格。

laqiʼ mu sanyu nasay(日) toki iniʼ ku hnglay lokah ku balay hmyaw laqiʼ.

雖然我的孩子都30幾歲了，我照樣管教他們。

yasa mqas ku la ru mitaʼ ku.

所以我很高興看到他們今天的成就。