跳到主要內容區塊 :::
 

對家庭婚姻的順服觀

sknita maku nqu mrroq inlungan na msqun ngasal.
:::
  •  32
  •  0
  • FB圖示
  • line圖示
(1)學習成為泰雅女子必要的各項技能。 (2)堅忍不拔及努工作的信念撫養六位孩子長大成人甘苦談。 (3) 媒妁之言的婚姻，無法拒絕。 (4)我四十幾歲先生往生了，含辛茹苦地養育孩子們長大。 (5)叮嚀現代的孩子們要謹守正確倫理的婚姻觀。
TIME:

  • 字幕列表
  • lalu mu ga Sayun Hakaw, kahul saku Syanoh qani.
    我的名字叫Sayun Hakaw，出生在松羅部落。
  • aring ku cipuq tehuk ku ka hupa si ktay tehuk mwani qani.
    從小到大都一直在松羅部落。
  • ru raral hiya ga q_yatan ku nya yaba mu yaya mu mpuw msyaw kawas.
    我父母從小養育我到長大。
  • tehuk ku mpuw ciyu (tzyu) kawas lga musa qu nqasal squliq la.
    一直到了十六歲時我就嫁人。
  • ru ini ku usa ngasal squliq ga maki ku ngasal yaya mu yaba mu ga.
    我從小就待在父母親家裡。
  • cbaqan saku nya phapuy, mahuq, panga kiri, musa qmayah musa qmulah ngahi.
    她們教了我很多家務及農事工作。
  • yasa qu sqyanux myan raral, qnxan myan raral .
    這是我們以前都要學習的技能。
  • Tayal ga yasa sqyanux myan wal myan muci kya siqan raral
    這是泰雅族人過去勤苦的生活。
  • nanu mwani qani ga wal ku ngasal squliq ru
    一直到我嫁人之後。
  • maki laqi mu ciyu(tzyu)laqi maku la.
    有孩子了，我有六個小孩。
  • ciyu(tzyu)laqi maku ga qutux pucing ga wal mu sbiq suquliq.
    我總共生了六個小孩，最後一個送給別人領養。
  • magal maki gleng qani ga nyux mu qyatan nanak.
    我自己扶養5名。
  • hmswa yaqih qyanux raral.
    因為以前生活很苦，無法撫養那麼多孩子。
  • ini uluw niqun uzi, si hmut maniq nanu.
    連吃都吃不飽，三餐都隨便充飢。
  • qmataq ngahi yaqan sehuy yaqih qyanux raral.
    以前生活非常困苦，都吃生地瓜跟壞掉的芋頭當食物。
  • ini kiyan mwani qani lga nyux blaq balay qyanux kwara laqi misu qani la.
    不像現在的孩子生活很幸福。
  • nanu yasa ru qnyatan maku laqi mu uzi lga nyux hopa kwara uzi la.
    所以我養育的孩子們也都已長大成人了。
  • ru nyux hopa kawas maku uzi qani la
    如今我也已年事已高。
  • blaq balay kwara qu qlaqi mu uzi.
    我的孩子們也都很乖巧。
  • syan ku nba inlungan kwara sgalu ku na kwara laqi maku.
    對我非常的貼心照顧。
  • mwani hiya kawas maku lga pitu pgan pitu pgan magal kawas maku la.
    現在我的年齡是75歲了。
  • nanu yasa qu blaq balay blaq balay mhuway balay Utux Kayal qani.
    因此我非常感謝天上的父神。
  • nyux saku bleqan mlahang si ktay si ktay tehuk soni qani.
    一直眷顧保守我到現在。
  • kwara myan cinngasan ga blaq balay son nya biqan
    將很好的福分放在我家並賜於
  • hean kwara pinʼan kwara cinngasan mu .
    全家都平安幸福。
  • nanu musa ku muci qani.
    所以一直到現在。
  • ana saku, knu qutux hi nanak patul msyaw kawas maku lga wal ku nya pyalan bih maku la.
    雖然我的先生早逝，獨自留下我一人，來承擔所有家計。
  • ru tehuk mwani pitu pgan msyaw kawas maku qani lga
    一直到現在我70多歲了。
  • bsyaq si kmwa ciyul ciyul kawas ingat ingat qu bes maku lru.
    我獨身守護家庭約40幾年了。
  • nyux saku muci sqani thway mqyanux. nyux ku mlahang laqi maku.
    我現在是好好的活著來照顧孩子們。
  • nanu blaq kwara laqi nyux ku nya bleqan mlahang kwara uzi.
    我的孩子們也都很孝順。
  • mhuway balay Utux Kayal qani uzi.
    這也要非常感謝上帝。
  • nanu yasa ita squliq nyux ta maki babaw na hzyal qani ga.
    所以我們人活在世上。
  • laxi ta hmut mqyanux, laxi ta hmut lungan.
    生活要正常，心思要正直。
  • si ta plgan Yaba ta Utux Kayal ku inlungan ta
    我們必須順服在上帝的心意下。
  • anay ta sbiq Yaba ta Utux Kayal kwara cikara ta qpzing ta qani.
    全部逆境的事都交託給天父上帝。
  • nanu yasa qu aki blaq kwara son muci laqi ta kwara Tayal qani uzi
    因此所有泰雅的孩子們都能蒙福。
  • blaq kwara Tayal mwani la, ... hmswa nyux mluw ziray mwani.
    隨著時代的變遷，我們的孩子也都過的好。
  • raral hiya ga ini uci qani ingat kwara renkiʼ, ingat kwara nanu uzi
    比起以前的生活甚麼都沒有，連電都沒有。
  • maniq uzi ga si phmut maniq qapuʼ ngahi niqun, yaqih ta ru imaw niqun.
    連吃的東西都很缺乏。
  • ungat hanray si hmut maniq si hmut maniq hiyal uzi.
    桌子都沒有，席地而坐的吃。
  • ingat renkiʼ ingat pilaw myan mnkum balay kwara .
    晚上也是暗暗的沒有電燈。
  • wal myan myaqih balay mqyanux myan raral.
    我們那時的生活，真的很困苦。
  • ima baq muci qani ziray misu qani lga nyux muci sqani.
    怎麼也無法想像過去跟現在的生活差異。
  • yugun kwara qani lga nyux yugun kwara ziray ka lga.
    時代進步變遷的很快。
  • si say muci qu nyux blaq hazi la.
    大家的生活也慢慢在改善中。
  • nanu ana ga ana muci blaq uzi ga nanu si ga kahul qpzing ta lozi.
    所以我們必須努力工作，生活才能更好。
  • ingat ku pila taʼ uzi lga iyat baq qyanunx uzi.
    沒有好的收入，生活也就無法改善。
  • mwani qnxan Tayal ga, si ga lokah taʼ qnzyat ta mcizyuwaw ga,
    現在的泰雅人的生活，必須辛勤的工作。
  • yasa qu muluw taʼ niqun ru
    我們才有東西吃。
  • maki kwara qu son muci kwara nanu nanu niqun uzi ru.
    也才會豐衣足食。
  • maki pila musa ta lokah taʼ musa than ga maki pila taʼ
    只有努力辛勤的工作，我們才有收入。
  • baq ta thuyay rmangaʼ laqi uzi.
    才會有能力來餵養孩子。
  • nanu laqi ta misu qani ga, iyat kantang (日) uzi.
    現在要養育孩子是非常不簡單的事。
  • iyat yan raral ini pqwas kwara laqi.
    不像以前，孩子們都不讀書。
  • mwani hiya lga nyux mqwas kwara.
    現在都要負擔教育生活費。
  • ingat 國中 raral ingat 大學 ingat 高中.
    以前沒有高級學校可以求學。
  • raral ga kokumigako socizyo yasa nanak nyux baq inlungan.
    以前只有小學基本教育。
  • mwani hiya lga nyux qinah lokah lungan nha kwara son muci Tayal qani la.
    現在泰雅人也很重視孩子的教育。
  • laqi qani uzi ga nyux lokah balay lungan nha.
    孩子們也很努力的求學受教。
  • blaq balay tunux nha uzi la nyux baq balay benkyo(日) uzi la.
    孩子學習上都很有很大的進步。
  • baha mswa qu nyux blaq qu sinsiy nha cbaq son muci qu laqi myan Tayal qani.
    老師們也很用心的在教導他們。
  • nanu yasa blaq balay son muci qu Sexu ta qani uzi.
    政府也很努力的來推動教育在族人家庭上。
  • nyux hopa balay knita nya son muci sami Tayal qani.
    對原住民的未來發展也很重視。
  • nanu nyux blaq hazi, ini balay khzi hazi.
    所以多少大家生活漸漸好轉、改善。
  • nanu yasa ita Tayal kwara, ana inu Taywan sento qani ga,
    所以我們所有的泰雅族人。
  • sqtuxaw ta inlungan ta.
    我們的心要團結起來。
  • squ sqtuxun ta lungan ta lga, baq ta thuyaya kwara nanu zyuwaw.
    只要我們的心一致，我們就沒有難成的事。
  • ana htuw nanu nanu zyuwaw ga, laxi ta tkari.
    無論遇到何種境況，也不要迷失方向。
  • sqtuxaw ta balay lungan ta.
    我們要改變我們的思維。
  • nanu yasa qu muci lungan maku hiya.
    這就是我的想法。
  • ru mwani hiya lga
    如今
  • nyux hopa kawas maku lga nyux ini qbaq cizyaw nanu la.
    我年事已高，也無法在從事任何工作。
  • kutan kwara hi qani uzi, kutan kwara kakay tari, kutan kwara turu.
    我全身都手術過，我的腳、膝蓋、我的背。
  • ana ingat pila la, ini ku baq musa mthan.
    無法再賺錢，也就沒有收入。
  • ulung su laqi cikay miq, nanu yasa qu nyux maku niqun qani nyux maku ckaw qani.
    好在孩子們很孝順來供應我生活所需，
  • mhuway balay kwara Yaba ta Utux Kayal nyux miq knan qu qpzing mu qani uzi.
    非常感謝上帝給我這麼好的恩典。
  • te kwara insuna maku qani ga miq Yaba ta kwara.
    我的生命氣息，都是天父所賜。
  • nanu yasa qu ita son muci kwara nyux mqyanu babaw na qani ga.
    所以我們活在世上的人。
  • laxi ta mhmut inlungan.
    我們心裡不要隨便迷失。
  • nanu knan qani ana yan yaqih hi maku.
    雖然我身體上有很多的疾病。
  • nyux ku mwah cikay sinaʼ qpzing.
    我都會求天父給我力量勝過。
  • ta ka nyux qani Mariya ru Yesu ga
    在瑪利亞及耶穌面前
  • sinaʼ ku lokah sinaʼ qpzing siya saku nya ga musa qu mwah.
    天天祈禱，賜我力量，賜我平安。
  • nyux qutux lozi skal maku qani.
    我還有一件事要說＿
  • magal saku likuy maku ga
    我嫁給我先生時
  • tehek ume(日) maku, wal saku kekong(日) uzi lga.
    因為緣份的關係嫁給他。
  • ano toki ga yurosay(日) ku balay, likuy maku ga pusal ciyu kawas nya.
    我那時才16歲，我先生26歲。
  • mpuw kawas zyaw myan.
    我們相差10歲。
  • nanu yasa ru msqun myan la ru
    我們因緣份在一起。
  • ini sami nya glgi bnkis uzi.
    我們也沒有跟老人家一起住。
  • ana sami msqun ga, ini swan kwara yaya maku yaba maku.
    那時我的父母親非常的反對。
  • nuʼun su balay likuy yaqih, nbu qwaw, lokah mihiy kneril muci.
    你幹嗎找一個會喝酒及會打女人的男人。
  • balay balay ke nya balay uzi.
    他們說的都對。
  • nanu ana saku wal ngasal mlikuy maku qani ga
    所以我嫁給我先生時
  • mxal balay lungan maku uzi.
    我心裡非常的沈重。
  • baha hmswa qu yaya maku lokah balay
    因我的母親極力反對我的婚事。
  • 反對(中)muci laxi balay likuy qa.
    要我放棄這婚事。
  • ana saku nyux musa ngasal squliq suxan ga soni ga bhyan saku nya na .
    雖然我明天要嫁人了，我的媽媽還是反對並打了我。
  • wal ku mqzinut mqyanux.
    我的人生過的很坎坷。
  • ru nanu saw kya yasa ume maku uzi la.
    這就是我的命。
  • raral musa ku ngasal mlikuy mu lga
    以前我嫁到我先生家時
  • maki laqi myan la.
    我們就有了小孩。
  • maki laqi myan la ru qmayat ku laqi.
    我們就撫養孩子
  • wal mxal balay inlungan maku wal kuro (日)balay
    生活過的很困苦，心裡也沈痛。
  • yaqih balay maniq wal ini blaq qyanux raral ingat renkiʼ uzi
    在吃的方面也很不好，過去日子過得真的不好，也沒有電。
  • nanu yasa qu qlung balay patul tzuy (ciyu)kawas nya wa
    而我的先生約在47歲時
  • patul tzuy (ciyu)kawas nya lga han patul tzuy (ciyu)kawas maku knan.
    弄錯了，是我在47歲時。
  • likuy maku ga mzimal tzuy (ciyu) kawas wal ku nya pyaran la.
    我的先生57歲時就離世了。
  • tepuq haziy laqi maku, maki cikay tepuq ru hopa kuruma uzi la.
    我的孩子大的大，小的小。
  • nanu yasa qu si saku qayat laqi lokah ku cizyuwaw raral uzi.
    那時我努力撐起這個家。
  • laqi saku hazi patul msyaw kawas maku ga.
    那時我還年輕約40幾歲。
  • ima nyux mbrus ga wahan ku nha mita squliq
    不瞞你說，有很多人來向我求婚
  • Sayun ma, srangi ta ma muci, bali kya bes su bali kya bes maku muci kmal ga
    Sayun：我們可以交往嗎？妳沒老公，我沒老婆。他這樣說。
  • ini saku swayan, si mu kyali, nanu ta muci kya
    我就直接拒絕他的好意。
  • nyux kwara laqi ta laxi ta lnglung kwara nanu muci , han muci ini ini qihul uzi.
    我們都有孩子，我沒有心思在這裡。他瞭解後也沒再強求。
  • mwah lozi squliq lozi, mwah renwaʼ muci wahan misu mita ma.
    還有其他人不死心，來電話說要來求親。
  • laxi uwah nanu wahan su ungat nanu lungan maku.
    我都拒絕他們，我沒有要改嫁的意願。
  • laxi nglung nanu son mu, si mu kyali qutux ke muci.
    我直接告訴他們，我現在的想法是好好撫養我的孩子們。
  • ini tehuk qawas maku na tehuk kawas maku lga ana ta squn la son maku.
    或者我的時機未到，以後在說等等。
  • gnogun maku, a nya baqun mung ke maku qasa lga baqun nya imi lga.
    我用開完笑的方式，來讓他們了解我的想法。
  • ini uwah la baqun nya lru.
    他們了解後，就沒有人再來說媒了。
  • ru si ktay tehuk mwani qani.
    一直到現在。
  • ru hopa kwara kwas laqi maku lga.
    現在我的孩子們都長大了。
  • ki rangi nya kneril la, ru sʼagan maku inaʼ la.
    有了女朋友，就讓他們娶媳婦。
  • qutux qutux sʼagan maku inaʼ laqi maku kneril uzi ga.
    我都讓孩子們很順利的嫁及娶成立家庭。
  • cyugal laqi mu likuy, sazing laqi mu kneril wal mu biqan inaʼ kwara la cyugal.
    我有3男2女，3個男的都娶媳婦。
  • sazing laqi kneril ga wayal ngasal squliq uzi.
    2個女兒也都嫁人。
  • wal maku leqan balay posa, wal leqan balay magan kwara, son muci laqi mu qani hiya.
    他們的婚事我都處理的很好。
  • ru si ktay tehuk mwani.
    一直到現在。
  • nanu yasa kwara laqi mu ga nyux si buciʼ nanak qyanux la.
    因此我的孩子們都獨自居住生活。
  • nyux biqan kwara pinqutux ngasal nha kwara la.
    我都幫他們分配好所居住的房子。
  • laqi mu kneril uzi ga cuyx blaq uzi.
    我的女兒在家庭生活上也的不錯。
  • ana wal ngasal squliq ga cuyx blaq balay uzi.
    雖嫁到別人家，生活上很幸福。
  • nanu yasa son maku ka lay nglung ga .
    所以我現在想想。
  • ita yaya ga hopa balay.
    我們做媽媽的都很偉大。
  • iyat ta hmut inlungan ga nanu laqi ta kwara ga blaq balay uzi.
    我們若自重，孩子也會受到影響。
  • ini hmut inlungan uzi
    也不可有非分之想。
  • nanu yasa son maku ka mita ga .
    所以我回想看自己的一生。
  • lokah balay lungan maku uzi.
    我非常的堅強。
  • wal ku muci nanu kuro(日) raral.
    我過去是如何的困苦。
  • iyat blaq likuy mu.
    我的先生很不好。
  • nbu qwaw suqun ku nya hm_yaw, sʼagal saku nya nanu tbukun ku nya.
    酒醉後會找我出氣，追我打我。
  • suqun ku nya mihiy uzi siqan ku balay qyanux raral.
    常常揍我，以前我的處境遭遇很辛苦。
  • a nyux muci nanu, aring ingat hiya lga.
    都不知如何是好，一直到我先生離世。
  • patul msyaw kawas kawas maku ga mimal msyaw kawas hiya ga
    我40幾歲，他50幾歲就離世。
  • aring kya wal si kongat hiya, wal mʼyu tnaq bay si ʼiyuw nanu inlungan maku.
    從那時我的人生完全改變，不在恐懼。
  • ru 好像 wal mʼyu kayal qani lga.
    好像我的世界也變了。
  • nanu yasa wal blaq balay la, laqi mu ga nyux hopa uzi la.
    從此我的生活越來越好轉，孩子們也漸漸長ˇ大。
  • nyux kwara ina mu i nyux kwara sunna mu i nyux kwara qu sunna sunna maku uzi.
    現在的我子孫四代滿堂。
  • nanu mwani lga aco(閩) saku la.
    現在我是曾祖母的身份。
  • nanu mwani hiya lga ingat nanu lungun maku si ktay metaq soni qani.
    一直到現在，我已沒什麼後顧之憂。
  • nyux ku si blaq pzimu laqi la ru sunna.
    我只有為他們祈禱平安。
  • nanu laqi ru kwara ru sunna, mita ama ama aya aya muci kwara.
    所以孩子們看到我都會稱呼阿媽、阿媽及媽媽、媽媽的叫。
  • blaq ku na kwara, baha hmswa bali ku nyux myaqeh hmut lungan.
    他們都很敬重我，因我做人很實在。
  • lokah balay lungan maku hiya.
    我是個非常堅強的泰雅婦女。
  • lokah ku ...tmabuk laqi raral hiya.
    我以前管教孩子很嚴格。
  • hmswa mʼuy balay qyanux uzi ru.
    因為以前的生活很辛苦。
  • mwani lga ini la nyux hopa kwara nyux baq kwara inlungan.
    現在他們都長大成人，也非常的懂事。
  • wal blaq kwara laqi mu qani wal maku leqan bay pcbaq.
    因我嚴格的教育，造成他們今天都很上進。
  • raral ga ini piyang musa mqwas raral ru.
    雖然他們以前不太喜歡去上學。
  • yaqeh laqi raral, ini yan laqi misu qani.
    以前的孩子很調皮，不像現在的孩子。
  • nanu ana nyux mʼuy ciyuwaw ga simu nanak muci sqani.
    雖然家境清苦，但你們自己選擇
  • pqwasun simu ini simu swan pqwas uzi.
    不上學，但我還是鼓勵們讀書。
  • ana simu muci ka mʼuy lga lungan mamu nanak son maku kmal.
    我告訴他們以後不要後悔，是你們自己的選擇。
  • nway qeri ma, ciyuwaw ta lokah hi la yasa la si uci.
    他們說沒讀書沒關係，只要我們有健康的身體，就可以工作。
  • blaq kwara laqi mu uzi.
    我的孩子也都很棒。
  • nyux qutux skal maku qani loziy.
    我現在還有些話要說。
  • raral hiya ga son muci qu lgan maku qani ga
    以前我所選擇的先生。
  • wal saku kmal soni muci ini balay swan kwara bnkis maku.
    我有說過我的父母親都非常不贊成。
  • baqaw ta kya yasa balay ume(日)maku uzi la.
    只能說這是我的命。
  • lokah balay lungan maku.
    我很堅強
  • galun maku balay likuy qani ga.
    我嫁給他在一起時。
  • suqun ku nya tmabuk, ana maki laqi mu ga.
    雖然我們有了孩子，還是常常會打我。
  • tepuq kwara laqi mu suqun ku nya hmyaw suqun ku nya tmabuk uzi.
    孩子那時都還小，常常追著我打。
  • lungan maku hiya ga laxay ta muci ku ga ini balay mahing malax uzi.
    我想說乾脆離開他，但我做不出來。
  • hmswa qu gaga Tayal iyat yasa ma.
    因為泰雅的規範，使我無法如此行。
  • ana bay yeqih balay qutux likuy ta kneril ta iyat ta laxun ma.
    就算我們的先生不好，我們做女人的也不可放棄。
  • mita ta squ mita ta son muci rqyas na laqi muci.
    我們一切要為孩子著想
  • ini ta kita rqyas laqi lga, siqan laqi la muci gaga Tayal qani hiya.
    若我們不為孩子想，將來孩子會很可憐，這是泰雅祖訓。
  • nanu balay pi ! misu qani hiya lga, nyux si hmut balay la.
    看看現在的婦女對家庭的觀念很隨便。
  • yaqih cikay likuy nha yaqih cikay kneril nha tʼalax la.
    男女雙方在家庭的觀念不合，就會離婚。
  • ana nyux laqi nha ana khmay laqi nha tʼalax la tʼalax la.
    離婚就離婚都不會考慮到孩子的感受。
  • ru nyux laqi rla wakay(日) na ru musa san musa san squliq mita qutux lozi.
    因年輕的緣故，又會找人嫁娶。
  • ru muci kya lozi, suruw nya iyat siqan laqi la pi !
    最後又因感情問題，又離了，孩子不是很可憐。
  • laqi qu sgalu la, laqi qu nyux maku syan balay inlungan.
    我當時是以孩子為重。
  • gaga ta balay Tayal, laxiy ta hmut inlungan muci kya ma.
    這就是泰雅的祖訓，無論如何要守護家庭。
  • ana ta muci nanu kuro(日) leqay ta lahang laqi taʼ qani ru.
    無論生活如何困苦，也要把孩子好好照顧。
  • pleqaw ta laqi qani ru babaw nya lga aki blaq.
    好好的撫養長大成為有用的人。
  • yasa qu malu balay laqi muci qu gaga bay Tayal qani hiya.
    這就是祖先的教導，好好愛護孩子。
  • nanu ini bay khzi blaq bay muci kya.
    這是非常好的傳統規範。
  • nanu kwara misu qani wal muci kya lga.
    如今看看現在的年輕人。
  • ini galu laqi, nanu nyux muci nanu kwara laqi nha la.
    不重視孩子的教養，孩子都變的如何。
  • ana nyux ku yaba yaya nha, wal tgagay kwara, nyux ini psqun ru.
    都不會尊敬父母，親子關係很疏遠。
  • nanu nyux muci nanu nyu blaq laqi nha?
    孩子變成這樣，要怪誰?
  • ini ga nyux myaqih la, ini ga nyu mqqwaw ngasal.
    這樣的家庭不是變壞，就是喝酒。
  • ini ga ini ciyuwaw nyux mqlangan, nanu nanu.
    不然就是懶惰不去工作等等。
  • sgaluw laqi uzi, laqi ima, laqi ta nanak.
    可憐了自己的孩子。
  • yaqih muci kya, saniq gaga ta Tayal ga saniq muci gaga ta Tayal.
    這是泰雅祖先的禁忌，也是不好的示範。
  • nanu yasa qu khangan maku bay inlungan maku.
    所以那是我當時的想法。
  • lokah balay lungan maku muci, laxi ta bay uci kya siqan laqi.
    我們絕不要因再婚來影響孩子。
  • laqi ga ktay ta muci lungan maku, nanu balay qani ru ta.
    我把心思都放在孩子身上。
  • nyux ku bnkis qani lga,
    現在我也老了，
  • laqi mu qnyatan maku wal ku kuro aring raral, ana maki kaba nha ru.
    想到我一生含辛茹苦的把孩子撫養長大。
  • wal ku nya kuro balay ru son ku nya hmwaw.
    以及先生的辱罵等等辛苦。
  • mwani hiya lga laqi mu kwara, sisay muci laqi mu kwara nyu maki syaw maku qani.
    但現在我的孩子們都在我的身邊陪伴我。
  • si say muci nyux ku nya bleqan mlahang qani hiya.
    就這樣他們也都非常的照顧我。
  • mhuway balay kwara laqi maku qani, qani ga bniq Yaba ta Utux Kayal.
    這是我非常感謝上帝，讓孩子都很孝順。
  • hamswa nyux nya si kita son muci qu knan ku yaya nha.
    因上帝了解看到我這個媽媽的心思意念。
  • ru nyux saku nya bleqan muci qani hway hway hway miq lungan ru.
    也讓我學到很多，做母親應有的角色。
  • musa squ laqi maku, musa squ su_na maku.
    讓這個祝福到孩子及孫子們。
  • nanu yasa ga gaga ta balay Tayal ga muci sqani.
    這也就是泰雅祖先所傳的規範。
  • laxi ta zngi, laxi ta hmut mqyanux.
    我們不可忘記，不可隨便的生活。
  • laxi hopa lungan ta.
    不可自大。
  • ana muci ziray misu qani ga, iyat ta laxun gaga ta Tayal uzi.
    雖然時代再變，我們不可放棄泰雅祖訓。
  • ini bay pgyay qu gaga ta Tayal qani.
    泰雅祖訓不會因時代變遷有所改變。
  • ana ta musa inu ga maki gaga.
    無論到那裡都有祖訓在。
  • ktay pi mulu nanu zyuwaw cinngasal mulu ta nanu ywaw.
    你看! 家族中無論遭遇到任何事。
  • mwah cinngasal ta lozi muwah slaqi ta lozi.
    都會發生在家人及孩子身上。
  • hamswa qu iyat yasa muci ke bnkis ta raral.
    因為這就是以前老人家的交待。
  • laxi laxi balay gaga ta balay Tayal qani.
    不可背棄祖先的規範。
  • hiya yasa bay spngan balay bnkis ta kinraral qani hiya muci.
    這就是從古到今的祖訓，我們所要遵循的。
  • yasa ku si maku si inlungan qani hiya.
    這是我放在心裡上堅定的意念。
  • nanu yasa ga ita son muci nyux qyanux babaw nya hiya qani ga.
    所以我們人活在世上。
  • son muci kneril qani, neril Tayal kwara neril Tayal ga.
    我們被稱為泰雅婦女。
  • laxi ta hmut lungan, laqi ta leqay ta mlahang
    我們不要想什麼，應該為孩子著想。
  • leqay ta lahang laqi ta ru babaw babaw nya ga aki mwah mluw inlungan ta.
    這樣孩子才會有好的生活，才會親近我們。
  • aki si uci uci qani musa bih su_na ta musa bih su_na ru aki blaq qyanux laqi ta .
    這樣傳承下去，子孫才會被祝福。
  • hmut ta iyat lungan uzi ga saniq uzi.
    不好的想法，也是犯禁忌。
  • kngun balay son muci saniq qani hiya yasa balay gaga ta Tayal.
    泰雅祖訓中犯禁忌是非常可怕的事。
  • kinnkis ta raral yasa bay skal nha.
    以前的長輩，他們常常提醒這事。
  • laxi ta hmut inlungan uzi ma.
    不可有非份之想法。
  • laxi ta apal squliq ru laxi ta apal squliq ma.
    不可與別人犯姦淫。
  • yasa ku khangan mu ke inlungan maku qani hiya.
    所以我就很自重，遵循祖先的教導。