部落遷徙與文化第1則

(a.. yutas a Bunzi a qasun balay soni pqzyuʼ cikay squ zwyaw na qqalang ru a…
ppongan suʼ lkotas mha nanuʼ qu i hinkngyan nha rapal nha?
aw! aw! knan ga lalu mu ga Bunziʼ Tosyaʼ.
a yutas maku ga Kneran. son mha Kneran ga kahul ta pongan maku qu
wal mu shngan qu yutas mu Knegan sa, wi!
ga mkahul qu san mha yaqu Toyeng ga Pyasan a Gogan la.
raral ru mha nanu ima qu.. wal ku ini baqi yal, imaʼ qu mnaras hga ga...
san makuʼ pongan ga Yawi Puna mra, yaqu gleng gleng maras sa son mha ru.
sami qu mwah qu a.. maki squ Tranan na Ulay, Tranan misu qa ga,
ga, mwah maru, ima qu maras maru, mluw sasan mha qu
gong a gong hbun Bzinoq a, mluw kya ma.
mluw kya ru, mwah mwah
ru kuna mluw mluw qsinuw ru ..a
maki cikay beh qwahan bwax a cikay tmatak cikay maru,
kuna a iwan tatak na qmalup raral sa lpi.
ru mwah mwah ru mwah hbun Tranan lpi，mwah a hbun Tranan
qa la, ktan na son ma misuw Tranan sa lga, talagay qu
mbzyaq qu llyung hbun a Tranan sa lga
talagay qu yaqu qulih pyax! pyax! pyax!
kwara qu yaba na silung ru
ta qu, syaw na gong, syaw na gong. syaw na llyung ga, wa! quciʼ na qsinuw kwara ma,
sokan bey quciʼ na qsinuw ma,
talagay! Tranan qani Tranan,
nyux taʼ tehuk Tranan qani la,
mha qu mnaras hga qu kotas qu qasa mpi,
yaqu nkis ya son mha qu mrhuw taʼ qasa.
yasa qu Tranan lga, iwal nyux mha mqas bey,
swan ta muluw balay kiʼan na qsinuw, musaʼ ta ta yaqu a
skyut son mha niqun la mpi!
ru yasa qu maki yaqu a mtzyaw qu 現在的yaqu，
yani son nha Tranan ru 福山里 lpi, 福山部落qa.
(a.. pqutay misu cikay Yawi Puna kahul Gogan ru mwah tehuk Mangan, lwan na squ Tranan
kbalay qalang qani ga,maki laqiʼ nha?)
Yawi Puna sinbilan nha qu qalang Mangan qani.
lga, pnongan maku la, wal ku iniʼ pung kya la ay!
ru muha piraʼ laqiʼ na Yawi puna sa lga,
baqun maku ga, son ma Tranan ga,
cyuwal qu son nha..a cyuwal a ngasal na mrhuw nha pi !
qutux ga son mha Temu Ciwas .
ga! ubuy Krmut sa,
ubuy iwal ya knan kun myaʼ bnkis mu sa ga! Temu Ciwas.
qutux lga, 現在yaqu a.. nyux
kiʼan gakoʼ sa ga Tranan qasa ga a.....ima lalu sa ay?
(mangan son nha, Rimongan 路， 李茂岸路 son sga?)
iyat ey! a Tranan son nha. tranan son nha ga, a...
Masin Nomin (a...o..)Masin Nomin sa. Masin Nomin sa.
ru a maras qutux qu ubuy yaqu gluw na mtzyaw squ yaqu bʼnux Tranan misuw qa,福山這邊ga,
pqwasan biruʼ ru yaqu kya kiʼan hasisyo sa pi.
qutux lga, Temu..Yaway puna yat ey, a Yumin Yumin Batuʼ
lga, ru tkuraʼ beh Qoluʼ sa, (a..)
rasun na qu ubuy yaqu ubuy mtswe nya rasun yaqu a..
tkura Qoluʼ 現在的 a...(大羅蘭 son nha sa ra.) 馬家堡(aw 馬家堡)
馬家堡 yaqu蝴蝶谷 qasa pi
yasa qu pnongan maku ga cyuwal yaqu mrhuw qani qu
mcizyaw qsu Tranan qani!
yasa qu pnongan makuʼ raral ru, a Temu Ciwas ru Masin Nomin a Temu ima sa ra a
wal ku zngyan..i...ima lalu nya sa lpi? (Batu? ima...Batu sa ga.)
Yumin Batu ga, (aw, Yumin Batu.) hiya maras yaqu a
beh Tranan a tkuraʼ yaqu Qoluʼ sa ma.
yasa, pongan lga, ima qu wal lru wal aring Tranan ru wal mluw yaqu son mha lyung na lyung na 南勢溪qa ga,
wal tkuraʼ Rahaw ru Agiq qa ma ru, Agiq qa ra,
ru yaqu Qonguʼ Tampya qa ru pnongan maku raral ey, Tampya qa Qongu Tampya, ru
(ima qsuʼ balay wal Tampya hiya?)
aw, tʼaring Qonguʼ maki Qongu qa ma, ru
mwah Ulay ga, iyat 現在的山地部落 sa ey !
musa yaqu Raga sa ma, musa Raga qasa ma. (ima qsuʼ be wal Raga sa ?)
baqaw ta, ini ku baqiy. ima wal mal, kahul Tranan hga. (o..)qasa i pi, kahul Tranan yaqu wal a..(mrhuw be Ulay syaʼ la. )aw wal man qutux kumi ru mtzyuwaw son mha Raga qasa ru qutux kumi la wal son ma tzyuwaw luhung a Tampya.. (Rahaw hiya ga yat ubuy Tana Temu pi?)
kuna aw hazi lga, pongan ku ga ubuy Tana Temu ga, ga ima wal maras kahul Tranan sa ga ini ku baqiy sa lʼay. ini ku pung sa la. (wa, kneril suʼ gwah, kneril su ga ima qu lkotas kahul inu lkokas ga? yaki a Rimuy.) o....
yaki maku uzi ga, kahul Toyeng uzi .(o..) kahul mstunux uzi. (o..)
cyux sa ma qutux qu qutux qu iwal naras na Yawi Puna kwara uzi.
(Bstunux ga qalang Tayal ga..Pyasan son nha ru ga ..)
aw ! Pyasan son nha.(o)
(ga, nwah su i .. magan kya su mwah yaki Rimuy lru ..musa su magal beh...)
iyat ey! maki qu kotas kaki maku lga,
ga nyux lema maki Tranan qani la. (o)
ru naki ya son mha a Tranan qu kneril Rimuy sa a..yaya laqi hiya lpi.
(raral ga nwah ku a mitaʼ squ Sincyuk ga Nahuy ga,
kahul ku Ulay,
ini nha baqi Ulay, Ulay ga inu?
msTranan son ku ga, aw~ talagay qulih nya, yasa yasa mke na.
mha nanuʼ Ulay mha ga, yasa qu
son mha ubuy yaqu Ulay, wal yaqu a luhung qani ru wal yaqu a..
son mha Agiq nanu sra, Agiq qa ga,
yasa ktan nha syaw lyung yaqu iwal 車站前面，
cyux msheloq lga, yasa son nha Ulay pi! (a...)
cuyx mkilux Ulay san nha lga, 溫泉lga,
最後我們翻譯成溫泉lga, yasa qu(咳受)Ulay lga, yasa baqun nha kwara 全省
baqun nha Ulay yaqu 有溫泉lpi.
(ga, nwah su i...kahul i beh inu spi a Hbun a....) Hbun Slaq! (aw, Hbun Slaq sa ga!) Hbun slaq ga ?
aw!( nwahan su uzi qasa?) nwahan ku ay. (ima kwara maki kya raral la?)
aw, baqun maku ga, ima sra...
nyux a現在 nyux mwah tmwang beh yaqu 哈盆 qa lra, yaqu屯鹿 qa lra, tranan屯鹿qa lra.
baqun maku puqing hiya ga, a..
Tosa, (a..) aw ru..(yaba ima pi Tosa sa?) Tasa ga yaba na 姓黃，
(a..ubuy Hetay lru, Hetay mwaʼ ru ga?) aw. ubuy Hetay Mwaʼ ru
a ima sra...
Suya, (ʼng) 姓潘的，(ʼng) Suya ru
a 姓林的姓林ru姓潘的ru Suya, Tosa, aw ru ima kwara qu cyuwal ga, cyuwal yaba puqing nha.
(kya tuqi na usa a Giran ma pongan maku?) kya !
kahul kya sobeh sobeh musa a inuʼ sa ra...a ...
(Rompya ga? Syora ga?) Lonpya ra. twahiq mwah Tranan sobeh musa ta
karaw rgyax lga, yasa qu yasa qu..pltan nha kacing la.
benux la ra bzyaq la ru
(o~rgyax rgyax son muci b'nux na b'nux nanu pi? Mequy. Simu' son nha sa?)
iyat ay! iyat Mequy Simu' ay.
( Quri Logan?) Quri Logan son nha ga aw hazi ay, (Quri Logan ga.)b'nux sa ra bzyaq lga, (hlahuy nanu
(ke na Theluw la qasa? Quri Logan sa musa Giran sa?)
iniʼ ku baqi i Thelu uzi ley?..nanuʼ qu laluʼ na sa ra? (aw.抗保..教保...抗保生還是什麼?) 現在的
.... cyux galun a 植物園 uzi la，qasa!
(a...)cyux劃為為 植物園 uzi la qasa,福山植物園 uzi la.
(kahal a Hbun Slaq ga kya tuqi na usa a Gogan uzi? usa Toyeng ga?)
a kuna kya uzi ru. (ungat squliq kangi kya ra.) aw. ungat la.
(a nanak usa Syora ru Lompya nanak la.) syora ru a ..(a...)
Syora ru uwah Hbun a Hbun slaq sa 老哈盆sa ru. mwah Tranan qa pi. ru qutux tuqi lga ,
kahul Tranan qa ru musaʼ 小烏來 ga
hminas yaqu Hbun Lupiʼ.(o)
Hbun Lupiʼ san lsa. (Hbun lupi ga musa i..)
a musaʼ 小烏來。 (小烏來。) 桃園的 小烏來。(o) ru qutux ga.... (kahul Mangan uzi ? tuqiy sa ga kahul Magan uzi?)
raral ga powah na tuqi kya,
kya qutux tuqi lga, yani na 福巴越嶺 sga, musaʼ Balung sa la. (o)
musa Balung ga sazing tuqi nya.
(pongan makuʼ ga pongan ku Quri Takay muci qu lahuy qu quri Takay
beh inuʼ pi QuriTakay sa? osa na
kahul Mangan tehuk kya uzi kahul Tranan?)
Quri Takay. iniʼ ku pung sa ley!
(pongan maku ga 塔開山son nha ma!國語sa。) 塔開..阿.. (musa inu qasa?)
塔開山~(yat musa a 三峽qa ga?)Takay san .a...(kya tuqiy na' pi
aring a Mangan tehuk beh Kkaryaw qani? wal ku iniʼ gluw pung sa ley ! ta kya,
(bbuʼ Batul son nha ra 拔刀爾山 qa .) aw. (bbuʼ Batul qa,
kya tuqi na usa Tranan ?)
ay ya ! musa kya ga, iniʼ nha pkngi la,(ini nha pkngi.a) kuna qmalup beh拔爾刀山ru
lngux sa qu son nha qmalup kryax pi. (a~lngux sa ga.) kahul sami Tranan qmalup raral ya qani...
(lngux sa ga beh e ktan yasa qu beh a skuy yatux sa ga
.) aw,(qutux lahuy sa ga.)
aw! ungat laluʼ na (suruw na lga bbuʼ Batun la ga ?)aw.
binah na ʼlaw lga拔刀爾山lga, kyahu na lga
mbzyaq a ya Sankyo lpi.(aw)
yasa tuqi na raral.(a)
qmalup ga muha kya qmalup kwara raral pi hga.
(o) piyay piray kya 拔刀爾山ru musa Sankyo la.
(pongan maku i gong Yuquʼ sga, musa simu Ulay ga,
siga kahul simu kya hminas kya musa tehuk a Rahaw ma ru kahul Hbun ru.)
a.. hnasun gong Yuqu' gaw ! (kahul Mangan ru Hbun ru tehuk Ulay ga.)
aw! yasa qu qes na Tranan ru (gong Yuqu' ga!)Rahaw ga!
yasa qu qes a (a) Rahaw ru Tranan pi. (o) gong Yuquʼ sa, yasa qes nha. (gong Yuqu' sga.)
(那，Rahaw ki Ulay kya qes nha uzi?) lga, Ulay Rahaw qes nha lga, (lyung ga? lyung ru gong !)
lga ..usa yaqu a 黑橋 qasa la ,
usa 哇哇谷ru 黑橋 qasa la.(qalux hongu sa?)
(kya laluʼ na Tayal qasa?) baqaw taʼ ga iniʼ ku baqi uzi la qasa.
(pongan maku raral a Mangan kya qutux i nanu kya laluʼ Tayal ga 林旺眼山 ma.)
林旺眼山。林旺seng ga 林旺...Rinwaseng ga...
(qszyap na qszyap a qszyat na Taman塔曼山 ma, ini 塔曼山，iyat yatux ngasan su pi !)
塔曼山ga babaw kyokay sa,babaw kyokay sraral sa. (o)
(塔曼山sga.)aw, zik na 塔曼山 son na， zik 塔曼山。
(a 塔曼山sga, san simu qmalup kya uzi?)
a...獵場 na mrhu raral kwara sa ru.
(kya tuqi na usa qalang a binah pi qasa? hminas 塔曼山qa.)
raral ga 光復以後 ga，登山步道，iyat ey. a nanu sra
登山步道是kya. usa na 三角點 ga.
登山協會 raral ga, kya tuqi nya kwara，三角點kya kwara tuqiy nha.
(pongan ku cyux qutux hlahuy
很有名 ga, 模故山 son nha.模故模故。)
aw ! 模故山，模故山，模故山sa ga a zyaw na.....
(pongan ku mita ku 文獻ga, lalu Tayal
smi Tayal ma, 模故山ga，mqu ma.) haw ay, iwal a son ma.. (maki mqu na ma,所以叫模故ma.)
yaqu iwal (kya mquʼ na sa ?) kako na sa ga, kya raral! kya raral ma.(cingay mqu ma a..)
bibil ru kya raral ga. (mquʼ bibil ?) aw ! aw!
bibil ga 眼鏡蛇 san ta ga!(眼鏡蛇sa ga.) aw, bibil 眼鏡蛇，(o) kya.
kuraʼ sqa ga, Tayhok, kuraʼ sqa lga Giran la. yasa son ma
qes na ta ya tayhok ru..(a 模故山sga!) 模故山la，aw.
yasa wagiq i 模故山 sa.
(kya qutux i son nha muci Mequy Smu. a 玫瑰西姆山。Mequy Smu'.)
玫瑰西姆山ga,( yatux nya uzi?) Toyeng ru Tranan sa.(a)
usa beh 拉拉山 sa, (usa 拉拉山 sga?a..)
(巴福越嶺 musa a hminas kya ?)
aw! musa hminas kya.
( kya qutux tuqi na qara
musa kya?) ga 也有一道，ya kya qutux tuqiy nya.
福巴越嶺 ga ini pwah kya. pwah zik nya. (福巴越嶺 ga福巴越嶺。)
aw. ( pwah Mequy Smu' musa Toyen ga,)
kya qutux一條路uzi sa. (tehuk Barung kwara htagan nha, thqan...)tehuk htuw Balung kwaraʼ uzi.
( htuw Balung kwaraʼ a...)
也可以到 Giran uzi. (a..到宜蘭 uzi ga miquy simu a...) aw.
(..nanuʼ yasa qu son nha muci (a..Mequy Smu sa ga kyahu lga kya qutux rroq hazi ga Quri Rugan quri Rugan.)
Quri Rugan sa la, aw!
(Quri Rugan ga usa i b'bu lahuy
yasa qu qasuw nha musa inu lru? pongan sa.)
nanak bey rgyax qa ga, wagiq hiya ra.('ng)
baqun a qmalup raral ga, maki rgyax ga musa bzyaq inuʼ yaqu qsinuw bqanux ga baqun nha kwara pi.(a)
taqu kahul nha kya ga sobeh nha bey. ( ya su muci Meqiy Simu' qutux lahuhuy qani ga?) aw.
(suruw maki qani ga mangan la.
suruw lga nanu ru,) Giran la ru. (tlaw kya nanu baqun su?) aw, baqun ku.
ga, pongan baqun ku hiya ga, Mequy Simuʼ lga musaʼ beh a..(Toyen ra Balung la.) Balung uzi.
(ru suruw lga Mangan.) a.. Mangan sa hya, Tranan qa la. (aw, baq musa rgyax Giran uzi?)
ga, musa baqun uzi. (o)
(haw wagiq lga, ana inu san na lga.) aw,
Toyeng ru Ulay qa wahan nha ru Giran 大同都可以跑。
(pongan maku i ... a ..yutas a..Tali Botu ga, i
kwara Yawi Puna qasa ga kahul i Gogan ru
musa te i ... Pinsbkan san nha sa ga? )
kahul Psbkan gaw. kahul Psbkan ra.
(puqing be qasa ga.) kahul Psbkan son ta ra,
yaqu a 發祥村 sa ga...(a) Psbkan sa mluw ya qu a...
( a...發祥村 sa ga, Mstbon son nha sa ga? Mstbon.)
Mstbon sa ga, mluw kya ru mwah a ru nanak wal Giran la.(o)
lga Giran ru tkura Karinko. (嗯)
yaqu ubuy ta ga gluw Toyen qa ru mhtuw yaqu ...(mwah sqa itan. aw)
mwah tkura mluw yaqu hbun binoq qa lga,
yasa qu (a) ubuy yaqu a itan. ( wal Sincik ru Byori hazi qutux ma.)
aw hazi ! wal wal wal lozi nha sa. (kmayun san nha sa!) aw.
(kmayun) wal wal lozi san ta 現在的賽夏族qasa lpi.(aw,aw,aw.) ru kahul 台中 sa uzi ra.
wal kya uzi lra. (nanuʼ yasa qu rapal na Tayal qani ga iniʼ kantang ga
kahul lahuy ga si tehuk qalang qalang inu ga thkan nha kwaraʼ.)
taqu kiʼan na yaqu a mtswe nha lga,
mqalang 有兩戶三戶lga, 我們是一個
qutux cinngasal lga, mtgah kya la,
(qalang nha ga tehuk inuʼ rapal nha
makiʼ,) maki kya.( magan a gong ru magan bnux lga
maki qsinuw lga tmatak kya lru mqalang kya lga.) matak kya lga,
mkhgah kya la pi !
(a....)變成 lga son ma qutux qalang lru qutux qalang la.(a)
(nanuʼ yasa qu iyat balay kantang a rapal a ita lkotas ta Tayal ga
krahu balay ga.)
ta qani qu...kya mtswe, aw.(nanu yasa blaq balay.)
taqu mtswe ta, kya Toyeng ga snbil kya lga, wal
qsuyan sswe nha ga wal Tranan taqu mtswe ta mtswe ta kwara
ubuy ta kwaraʼ cyux msthay kya ra,
(nanuʼ yasa qu blaq na zyaw babaw na lga ,
aki maku qu pqzyu squ laqiʼ kinbahan,hway suʼ balay a
yutas Bunzi ki.)hway su, ( nyux suʼ a qhtan zyuwaw soni qani. hway su balay ke.) aw, aw, aw.hway su.

啊...文智長輩..，今天很高興你來談談部落的一些事蹟。
你有聽說族人祖先遷徙的腳蹤嗎 ?
好，好!我是文智.斗煞。
我的祖先是Knegan，所謂的Knegan是我從祖先聽到的
我也趕上我祖父在世的那個時候，喔。
那是從桃園市復興區，稱那地區為大嵙崁。
以前所了解的是，我不知道誰帶來誰...
但我聽說從前從前有一位叫亞維.布納的先祖帶領的。
帶我們來這烏來德南這地方。
他們到此了解一下，跟著。早上又來到，
沿著盆比諾(箭竹)溪，一路沿著沿著溪，
一路那邊沿著走來，
可能是沿著沿著野獸的路徑走，啊..
有一段時間在瓜汗哇后(洗米之地之一)並搭工寮住。
類似蓋建祖先往昔蓋的的獵寮。
然後，來到德拉南部落，來到德拉南區域。
他們看到那時的德拉南區域時.，嚇了一跳，哇!.....
下到德拉南區域時，
驚叫，哇!閃爍著，閃爍著那麼多的魚群。
在大溪流的深水之中，
溪水旁、河流旁，河流邊，哇!竟都是野獸的糞便。
野獸排泄物味到很濃。
"哇!這真是德拉南，德拉南。
"我們終於來到德拉南流域了。
帶領他們的耆老這麼說的。
也就是他們稱那個耆老為頭目。
他們很高興的說:到德拉南了。
我們真的找到野獸群聚的好地區，
我們將不會缺乏吃的食物了。
所以，他們現在住在這裡，工作生活到現在。
所以德拉南部落，變成現在的福山里了。
(請問一下亞維布納從大嵙崁來到福山，他們找到德拉南，
設立部落以後，他們有兒女嗎?)
亞維布納所遺留下的兒女在這馬岸部落。
我聽到此事後，我是沒聽過關於那些事。
那麼，亞維布那有幾個孩子這件事，
我知道他在這個德拉南部落裡，
有三家...他們有三個頭目家族呢!
一個是屬於德目吉瓦斯的族家。
屬於卡拉模基部落。
就像我的祖先一樣，德目吉瓦斯!
另一個是，散居在學校區域德拉南，哎!叫什麼名...?
(他們是稱馬岸嗎?福山李茂岸路?)
不是的，他們說德拉南部落，德拉南。啊.....
馬信.諾明(啊...嘔..)那是馬信.諾明，馬信.諾明。
他帶一個家族在德拉南部落的平坦土地上耕作，就是這福山，
就是現在的學校及警察派出所的地方。
一個是德目..亞維.布納...啊...不是...是尤命，尤命.巴杜啦。
然後，往苟路方向走去，(啊..)
他把他的家屬帶到那裏...啊..帶到那邊!.
帶他們到現在的馬家堡那裏了。
就是馬家寶現在的蝴蝶谷那兒。
那就是我所聽見的三個祖先耆老。
先來到德拉南這個部落工作!
以前我聽說是德目吉瓦斯和馬信.諾明，一個是德目什麼的。
我已忘記了....咦.....叫什麼的，(馬杜?谁...馬杜事嗎?)
是尤命.馬杜。(是。尤命.馬杜。)
是他帶往那邊的，
他就是沿著德拉南的河流走，往苟路路那邊去。
過，谁前往....從德拉南跟著離開，誰前往....沿南勢溪方向遷徙。沿南勢溪方向遷徙。
沿著南勢溪到信賢、阿玉部落。
還有經過五重溪，還有經過和到忠治部落。
(那麼忠治部落是誰最先進入開墾的?)
那麼是在苟木忠治就是住在狗木那裡
來到烏來，但不是現在的山地部落喔!
去拉卡，那個拉卡部落。(拉卡是誰最先進入?)
不知道，我不曉得。他們是誰從德拉南部落帶來的?(喔)。
帶一組人去拉卡。(那才是真的烏來社的頭目。) 耕地的也是從德拉難的另一組往忠治部落去耕作耕作。(信賢部落不是屬於打那德目的家族嗎?)
或許是，我聽說打那得目家族呢...到底是誰從德拉南部落帶人走，我就不知道了。也未曾聽過。(哇，你的太太，她的先祖父是從哪裡來的，岳母里慕伊啊?) 喔..
我的岳母也是從桃園來的，也是復興區的人。
也如同亞維.部帶來的一個家族。
桃園那邊的部落，也是泰雅部落叫角板山。)
是的，他們稱它為復興區角板山。(喔)
(那麼...你可能去那邊娶回現在的老婆囉。)
不是!我的岳父的岳母還在時，
很早已經先住這個德拉南部落了。(喔)
我太太里慕伊已成媽媽，已住在德拉南部落了。
我以前曾去過新竹的尖石地區
我跟他們說我從烏來來的，
他們都不知道烏來是在哪裡?
我一說德拉南的時候...說: 哇!那是有好多魚的地方! 他們都這樣說。
那麼烏來就是，
那是屬於烏來區潭水這一區，
他們所說的孝義村落，這個嘛..
就是他們在車站前面看到河邊，
水上在冒著煙，他們就叫烏來了。
他們說溫泉是很熱的，就稱溫泉了。
最後我們翻譯成溫泉之後，才被全省知道。
現在的溫泉了。
(你去過..那個..舊哈盆嗎?)舊哈盆!(是的，舊哈盆。)
是的!(你去過嗎?)我也去過喔。(以前誰住在那裏?)
是，我知道的是..是....
就是移居現在的哈盆，在屯鹿這裡。就是德拉南屯鹿。
我知道他們的家族，阿..斗煞，(阿)還有..(斗煞是誰的父親。) 是黃家的父親。(是黑帶.木瓦的家族?)是的，就這家族，還有.....
舒雅，(嗯))姓潘的，(嗯) 舒雅和姓林和姓潘林和姓潘和舒雅，還有三個家族是...三個家族。
(聽說那邊有道可以到宜蘭嗎?)有的!
從那邊比較靠近? 是在.....啊......
(是崙埤，松羅嗎?) 是崙卑。從德拉南部落比較遠，
越過那些山林較近，也是野放牛群的之處。
在平緩區域後,就往下去了。
(山上有平坦的地方，是叫玫瑰西摩嗎?)
不是喔!不是玫瑰西摩。
(是古力羅安嗎?)有可能是，他們說的古力羅安! (是古力羅安!) 從平原之地下來之後，
(該地華語是怎麼說的?那個古力羅安往宜蘭去的那地方?)
我步道華語怎麼說?....那地名叫什麼的?....(是抗保..教保...抗保生還是什麼?) 現在的那邊，
也是被植物園拿走了。
(啊....) 被劃為植物園了，就是福山植物園。
(從舊哈盆也有往桃園方向的古道嗎?)
可能也有呀!(但現在已無人走了?) 是的。沒人了。
(只有要去羅部落或崙埤部落的友人走。)松羅和...(阿)
松羅到老哈盆這裡在道德拉南。，另有一條古道，
從德拉南部落到復興小烏來部落。
是經過盧比溪。(喔)
我們稱盧比溪。(盧比溪是要去....)
要去小烏來，也有一條...(也是從馬岸部落的這一條?)
是的!以前的道路也要是從那裏。
還有一條路是現在的福巴越嶺古道，是通往巴陵的。
要去巴陵的古道，有兩條路。
(我聽說以一座山區其中叫古力塔開的。
那是在那裡的?
從馬岸部落也會到那邊的德拉南嗎?)
我沒聽過關於古力塔開的地方。
我聽說:他們稱那地是塔開山的。)塔開..阿.. (是往哪裡?)
塔開山~(那不是要往三峽的古道上嗎?) 叫塔開的 (有路
從福山到加九寮呢?)我沒跟著也沒聽過呢!那邊。
(叫作拔刀爾山頂的拔刀爾山。) 是，(這山頭也有古道道德拉南嗎?)
也有古道道德拉南嗎?)
噯呀!應該也有的，但現在沒人走了。(沒人在走。) 或許有人常在那追獵到很
尖的山頂。(很尖的山頭。)以前我們從德拉南人常去打獵那地。
(那個尖尖的山，從斯其野溪上可遠望到。)是，那是一座山。
是的，但它沒有地名。(它的後面，就是拔刀爾山頂顛處?) 是。
另一邊的右方,是拔刀爾山，它的下方。
一直下去就到三峽了
那是古時候的道路。(阿..)
以前打獵他們全部督在那裏打獵。
他們就在拔刀爾山上繞來繞打獵，就往三峽去。
(我聽說五重溪是去烏來時才會經過那哩，
你們需要經過那裏，才能到達信賢部落，從那下盆。)
阿..要經過五重溪的!(從馬岸、下盆到達烏來。)
是的，那是德拉南跟信賢部落的界線。(五重溪?)跟信賢阿。
是他們的界線，(阿..)是德拉南跟信賢部落的界線，(喔)五重溪為界線，(是五重溪。)
(那，也是信賢跟烏來部落的界線嗎?) 再，烏來與信賢他們的 是，(河流嗎?是河流還是野溪?)
是往黑橋的那邊。
就是要去娃娃谷那黑橋。(是
那座黑橋嗎?)
(他有族語名字嗎?) 我也不知道。
(以前我聽說過一座山族名叫林望眼山!)
林望眼山。林旺山是，不清楚了。
(說是塔曼山的對岸是，塔曼山，不是在你家上方嗎?)
那是教堂上方的，教堂上方的塔曼山。(喔)
(是塔曼山) 是的!塔曼山的前面。稱為塔曼山。山的前面。
(塔曼山是你們也常去打獵的地方嗎?)
啊...以前那是所有長老及頭目的獵場。
到塔曼山那邊有路可到另一個部落?經過那山時。)
以前光復以後，登山步道，不是....是...
登山步道是有的，前往三角點的地方。協會常去那個三角點。
那個三角點都有他們的路。
(我又聽到有一座山
是他們說很有名的模固山。)
是!模固山，模固山在那附近的?
(我聽說也看過文獻，傳統地名，
族人給他取模固山。是蛇的意思。)是的。就像...(是有蛇的意思，所以叫模故。)
它的樣子是..!(那邊真有蛇嗎?) 是他它的外觀所命名的 ，以前有蛇!以前有。
以前有眼鏡蛇。(眼鏡蛇嗎?)是的，是的。
那個眼鏡蛇，泰雅族人叫眼鏡蛇!(那是眼鏡蛇!) 是，眼鏡蛇(喔)。有。
向著那邊走去就到台北，向另一邊是到宜蘭了。
那是台北與宜蘭的界線了，(是模故山嗎?) 模故山，是的。
那就是最高的模故山。
(有一座山他們說玫瑰西姆山。玫瑰西姆山。玫瑰西姆山。
玫瑰西姆山是..(是在上面嗎?)桃園跟德拉南的交界。(阿)
那是要去拉拉山的。(去拉拉山嗎?阿..)
拉拉山是巴福越嶺必須經過的嗎?)
是!會經過那邊。
而且，還有一條叉路也會經過那裏嗎?)，也有一道，有一條路。
福巴越嶺是不經過哪裡。是往前面一條。(福巴越嶺是福巴越嶺。)
是，(從玫瑰西姆山去桃園。)
那裏也有一條路，(他們都會下到巴陵去。)全都在巴陵抵達。
(到達的出口是巴陵，阿)
也會到宜蘭。(啊..玫瑰西姆也會到宜蘭，阿)是。
(他們說玫瑰西姆下去較為低處的古力羅岸山。)
是的!他們叫古力羅岸山。
古力羅岸山頂處，
到了就分叉到哪裡了?所聽到的。)
這山林是很特別的，山是高的。(嗯)
以前打獵都知道，他們在山上知道野獸、水鹿往哪裡下去。(阿..)
那麼他們從哪裡比較近，(舊式玫瑰西姆山這一座山嗎。)是，(後面是福山在這邊，那他後面是哪裡?)
就宜蘭啊! (在那四周處你知道嗎?)是，我知道。
我聽所知道的要去玫瑰西姆山是往，(是桃園巴陵啊。也可到巴陵。
(它的後面就是通往馬岸部落。)啊..福山是，德拉南這裡了。(也可以到宜蘭的山頭嗎?)
。)那，也是可以的。(喔)
(站在高處看，就可知道往哪裡去。) 是。
桃園和烏來也可從宜蘭大同都可以跑。
(我曾聽到達利.勃度老先生說:)
亞維.布納是從大嵙崁地區，
然後，要去...他們所說是瑞岩部落嗎?)
從瑞岩啦!瑞岩部落。
(那是泰雅根源。)我們都稱斯博干(瑞岩)啦!
那是發祥村，啊.....隨著那些.....
(啊....他們說是發祥村的部落。是叫瑞岩嗎?瑞岩部落。)
從那個瑞岩部落的山上，往上沿著就走到宜蘭了。(喔)
宜蘭之後就往花蓮下去。(嗯)。
但我們所屬的泰雅的族群，就從桃。(我們是從那邊的。是的。)的。)
出來之後，向著這裡再出去到哈盆比諾。
那是(啊)我們的親族(好像有一個是往新竹及苗栗地區。)
可能是吧! 他們走，走，走就到那邊了(稱為哥合馬運群。)是的。
(哥馬運)災遷徙中也就是現在的賽夏族群。(是是是)從台中那裏來的。
他們也往那邊去啦,(我們泰雅遷徙的足跡，真不容易喔!
他們從山嶺走到部落，部落都會走得到的。)
當他們的居住了以後，
設置部洛了，開始雖是兩三戶，我們是一個
一個家族，慢慢地分散，
(他們的部落在..)在那裏。(那裡他們的腳蹤也會到那裏。)
(找到居住的溪水處，找平坦地，
又尋有野獸之處，就蓋木屋就設立部落了。) 就居住那裡，
並在那邊又分散了。
啊...(變成...形成一個一個部落了。(啊)
(這樣看來，泰雅族祖先的腳蹤可不簡單的，
非常偉大呀!)
看那...有親友，是。(是非常美好的。)
再看，我們親戚有留在桃園的，
兄弟離開來到德拉南了以後，就可知我們都成為親戚了。
同一 個族群在那裡生活!
所以這些是好事，將來
我想要敘述給下一代子孫。
Bunzi'長老，非常謝謝您。)也謝謝你。(耽誤妳許多寶貴的時間。)是是是。謝謝你。