yaw na mluyak Tayal（獵人的故事）｜口語語料

kyalaw caku utux ke ini caku agan kneril nya ga mayan suyan maku khani ta cʼoli ma

我要說一個故事在我我還沒有娶太太時我哥哥就告訴我要找一個人來娶

aki mwah rmaw yaba yaya ma tuli.. si mu say aguw la

希望有人來幫助父母當我起身時就答應說好

ryax tuli halan mita laru mita naka neril mu micu hay ga kahun nanak Pyahow uyi

有一日就去提親就是我現在的太太也是從碧候部落

lela haca ga cami tayal ga ungat pila uyi a galan naha kneril

我們以前的泰雅族要娶親時沒有什麼錢

ungat pila ru lalu ka halan myan

沒有錢時我們要如何去(賺錢)

galun ta kneril kimateru(日) biʼan ta pncyukan

我們要娶妻時我們當然要有訂金(錢或豬)給將要娶過來的太太

nglun cami ungat pila lga ru cami tayal heya ga mkkura rgyax mosa naha khani a khani pila

我們想說我們錢我們泰雅族呢就會從山上那裏去找生機(賺錢)

lalu ka halan khani usa naha mosa myan mluyak wanux ga yaca ka cami tayal ga halan myan khani pila heya

要找什麼呢他們(泰雅族)就會去獵水鹿這就是我們泰雅族去找賺錢的方法

ulung su yaba kneril mu haca ga naha kotas nya Wilang Bakan ga mayan ga hata mkani wanux ma

還好我太太的爸爸跟他的岳父Wilang Bakan 說我們去找水鹿 kotas(我岳父的岳父)

nanu kyalun caku nya lga yaba tocyan(日)Ipay haca ga

所以我太太的爸爸告訴我說

hata mlu luyak kani wanux nanu mosa myan lga

我們跟著去獵水鹿所以我們就去了

aring sali mosa myan ru mosa myan kya ga niciyobi(日) mosa myan

我們從家開始出發我們是在星期日去的

masu mhngaw syukay(日)loyobi(日)ru mhngaw cyoro haca lga gibuw myan sasa ru mosa myan rgyax

在星期六聚會完畢星期日(長老教會聚會)我們就一大早去山上

hahalan myan haca ga lela ga ugnat toruy glgan

我們將要去的那裏以前沒有什麼交通工具(車子)可以坐

si myan pkani aring sali ru beta rgyax haca lga kya hay tugan tmuting tehok kya lga

我們直接從家裡走路到山上哪裡應該有三個小時會到達了

mbkis myan uy lga kwara kotas Wilang Bakan ru si say yutas mu lga

我們的老人有 Wilang Bakan和我的岳父

sbilun cami nya tatak cami lama magan khoni ma usa hmaw ʼsya ma

把我們留在工寮要我們去拿木頭及提水

lama phapuy ma naha ga wayan mhoyaw laru wan mhoyaw rapan wanux

我們先煮食他們老人去跳躍橫過跟著水鹿的腳蹤

waya lga gbyan tehok lga mhoʼing ka napuy myan uy la

他們去回來時也已經晚上了我們煮的也已熟了

nanu nyan kmayal ma aw cyu kya wanux nahan myan mhoyaw telu ci kniʼan nya abaw ma

所以到的時候就說我們去那裏有水在吃生的草(bahuw水鹿吃的草)

tuli phapuy myan kya laru masu phapuy lga masu mani lga mani myan la

我們起來在那煮食煮完了也就吃飽了

masu mani lga mabi myan laru gibuw sasan goziy(日)yoziy(日)han(日)lga phapuy myan loyi

吃完了我們就睡了一大早4半~5點又開始煮食

haca ka thya halan ta ru cyu kya cyu naha tegan wanux haca

他們看到水鹿的地方要走很遠的路

phapuy myan phapuy ru mhoʼing lga mani myan ratay kya goziy(日) laga a goziy han(日) lga masu myan mani la

我們煮食煮熟了我們用餐大概5點半就吃完了

bingun myan kwara yʼaya laru panga cami ru goziy sobeh tiyu tmuting lga cmyax la ru nanu mosa myan la

我們拿著所有的東西揹著5點快到6點就亮了所以我們就去了

tugan ka hoyin naras myan cami laʼi heya ga bingan cami nya hoyin

我們帶著三隻狗我們孩子是遷著狗

bkis heya ga wa waya lama kani rapan la ru

他們老人先去找腳印了

tehok ka..kya hay cmka tmuting lga klan myan ka cyu naha lung ka rapan wanux haca la

到了..有半個他們找到的水鹿腳印找到的水鹿腳印

nanu mosa mosa myan laru tuli hoyin ga lokah ci mikay la hoyin kba ka nyu smok wanux ka hoyin

所以我們就去了小狗起來就很用力的動動搖擺著原來是聞到了水鹿

mosa..cyu mayan ka bkis myan lga gahiy hoyin lma

去了..老人就說了狗可以打開了

nanu kwara nuli hoyin wan myan gahon ru wayaw la wayaw mngayu hoyin wan myaw wanux la

所以所有綁小狗的繩子我們就打開小狗就吠吼追逐著水鹿

wayan wayan laru kya hay saʼing tmuting ga tugan tmuting ini wah hoyin hay

去了去了差不多2~3小時小狗還沒有來

mosa...halan myan lga naha bkis ga wa lama puting hoyin cami laʼi lga mlu myan rapan a wanux cami heya lar

去...我們去了他們老人先跟著小狗的後面我們孩子呢跟著水鹿的腳印走

nanu ini kbsya lga cyu smuy ka bkis lga a wan na laxan la nyu cahay hoyin lma

所以過了不久老人們就喊叫把之前追著的水鹿放棄後就說小狗在這裡了

nanu ana ini glgiy si uwah cami la cami nya

所以不要跟著了直接跟著我們就好了

nanu mosa myan kya laru tuli aring kya ga ini krangi luyak biyak ka helaw hay kaca hiya

所以我們就去那裏了不像獵山豬一樣那麼快

wanux hiya ga wasu tliʼun lga bsya ci lgan la

像水鹿弄醒叫醒之後就會追很久了

nanu lgan myan rapan la ru si myan glgiy kryax

所以我們跟著腳印一直追著

gbyan lga ungat ʼsya uy si cami hmut mabi mita myan bʼnux lga si cami hmut mabi kya la yaca ga utux ryax heya ha

到了晚上也沒有水我們看到平坦的地方就隨便在那裏睡這是第一天

kncyuxan nya lga si myan a buyiy mlu loyi ru si mosa ru mita myan gong ʼsya lga nʼos myan phapuy ha

隔天了我們就一直繼續跟著看到溪水我們就臨時在那裏煮食

bkis heya ga wa lama mlu rapan wanux loyi

他們老人就先跟著水鹿的腳印

nʼos myan phapuy moyin myan napuy myan lga sgun myan kya bkis haca lga mwah mani

臨時的在那裏煮食煮熟了就喊叫老人們來用餐

masu myan mani lga mosa myan loyi kwe ga saʼing ryax

用餐完了之後我們又去了這是第二日

halan myan glgan myan ru kya zyuici(日) mpu utux tmuting lga

我們去了也跟著了時間是11點了

nyu mani loyi wanux haca nyu mani loyi ru ngayu kwara hoyin loyi

水鹿又正在吃正在吃小狗也開始吠吼

cyu kmayan bkis ga a laxi kwara hoyin loyi ma laxan loyi tugan hoying haca

老人們就說把全部的小狗打開就把三隻小狗放開了

laxan la wa naha byagun loyi wa naha byagun ru ini kbsya beh halan myan kura raka suruw sali myan hay ga

放掉之後開始追逐過了不久我們就往現在(raka溫泉的上方)碧候(卡西豆)家的後面這裡

halan myan ga ini bsya ungat hoyin loyi ratay kahay payat muting magan tmuting ungat loyi hoyin

我們去了過了不久小狗又不大概4~5小時看不到小狗

tuli wayan ka bkis loyi ga cyu smuy loyi a nyu naha laxan loyi a nyu maku lgan ma nanu iya glu taʼing wanux ru si wah cyu cimu sgyug haca ma

老人們又起身去了又喊叫著說在這裡我們會跟著你們不要跟著水鹿的腳印就跟著聲音的方向走

nanu si ma usa kya laru aring kya glgan myan loyi ru si beta ra loyi ini myan ini papuy uy la ʼlyan

所以就直接去了從那裏開始一直跟著一直到下午也就沒有煮食了

mosa ru biya myan gong lga tegan toke lga kya hay payat tmuting la

去了和下到溪流了看時間已經4點了

gbyan la nanu kmayan ka kotas myan haca ga si ta abi cahay lma

晚上了所以我們的老人(岳父)就說我們就直接在這裡睡

nanu tmatak myan kapa kya laru mabi myan kya la naha ga wayan mlu loyi

所以我們就臨時在那裏搭帳篷就可以在這裏睡他們(老人)又跟著了

tuli...papuy myan laru masu papuy ga gbyan la ʼnyan la nyan ka bkis haca lga mani myan laru mabi myan kya la

起來...開始煮食煮完後已經晚上了他們回來我們就用餐後就在那裏睡了

masu myan mani lga mabi myan la saʼing ryax kaca

我們吃完了就睡了這是第二天

kncuxan nya la mosa myan gibuw sasan masu mani lga tugan ryax nya kaca lga wayan glgan myan loyi

隔天了用完餐後我們一大早要去這是第三天我們又跟著去

lgan lgan lgan loyi ru ini kbsya lga nyan mani loyi wanux haca

跟著又跟著過了不久水鹿又在吃草

nyu mani texan lga mosa kura usa Suwo haca la halan myan tuli kya la

牠正在吃時就看到了去往蘇澳那裏了我們在哪裡找

halan myan btuli kya laru mwah myan binah ru tmnga beh alang Pyahaw hay loyi

我們去那裡找來到另外的路及又望著碧候部落那裏

ini kbsya lga si smuy la bkis myan wayan toruy lma

過了不久我們的老人喊叫了已經跌倒了

texan hoyin ini mwah texan kya naha texan wanux wayan toruy luyin ga cyu smuy la

看小狗還沒有來他們看到水鹿跌入懸捱就喊叫了

iya lgiy taʼing hiya la nahay uwah wa toruy ka wanux hay lma mosa myan lga texan myan calay ci wa toruy luyin la

不要跟著了趕快來水鹿跌倒了我們就去了我們真的看到水鹿跌入懸捱了

kya...bawiy ka toruy kya hay go~roku zyu meta(日)kyaca bawiy

大概有50-60公尺的高度

tuli halan mita lga calay cyu kya wanux texan lga kyan ra nya tnguʼuy nya ga

起來去看哪裡真的有水鹿看了牠有鹿角

kyan tmuʼuy nya haca ga hala mhway yaba kiya lma mkayan myan magan myan he

牠有鹿角這真的是感謝神我們有5個人就討論說

mosa ru syaʼiy myan binah ru halan myan mita wanux kutan naha kya laru galun myan tnguʼuy myan halan baʼi Rato

去了我們又走比較好的路走我們去看到了水鹿他們就在那裏殺了我們拿了鹿角就去羅東買賣

masu myan kmut lga ulus ssobeh sobeh aring suruw gamin hay

我們殺完了還好離很近從蘇澳這裡

wan naha tmoruy kya ru ulu sobeh masu myan kmut lga papuy cikah ru si myan uwah la

他們就在那裏找到還好很近在那裏殺完了就在那煮一些後就直接回來了

tehok sali lga kya hay magan tmuting lga nanu kmayan wan na halan baʼi ka rala tnguʼuy wanux haca

到達家裡了有5點了說好了後就把鹿角拿去賣

wan na han baʼi ru mwah lga piyux pila hay ka tnguʼuy wanux lela haru

就拿去賣了回來後鹿角賣了不少錢

utux he myan ga raytay kya hay utux mang msyaw

我們一個人大概分一萬多元

nanu lungan maku ga pila haca obeh mu biʼan yutas mu ga ini agan

所以我自己的想法所拿到的錢原本要給我的岳父但是我的岳父不要拿

baʼun ta nya ungat pila maha ru iriy kya ma

我們知道沒什錢所以就說沒有關係

kncuxan laga mwah myan syukay(日) la royobi(日) haca masu rehay(日) lga kncuxan na niciuobi(日) hata loyi san caku nya

隔天我們回來聚會了是星期六聚完會了隔天是星期日又告訴我說我們在去

mosa ini uy bali kyan halan tnpila san mu ru mosa myan loyi

沒有要去哪裡我說也沒有地方可以賺錢我們又要去

thiya haca hiya la halan myan mosa myan kura tmnga Ryoheng haca

我們要去的地方比較遠可以看到老金岳部落那裏

mosa myan loyi ga ini myan ini usa moyaw lga texan myan a texan myan bkis mita rapan wanux la kba bn_yaw cʼoli ru wan na laxan

我們還沒有去找的時候老人們看到人家追過的水路腳印就不跟了

wan naha laxan kwaca ru tuli cyu smuy ka kotas Wilang Bakan haca lga

那個已經不要跟了Wilang Bakan(岳父)又在喊叫了

lgay maku ma si ta gligiy wanux hay ma gahon hoyin lga wan naha byagun la

說我來帶我們直接跟著水鹿把狗放掉了牠們就追了

kba ka kotas Wilang Bakan hiya ga baʼun nya wa si usa lama gliyi glyiy taʼing myan cimu ma rapan nya

Wilang Bakan他知道就先去但要我們跟著他的腳印

heya wayan laru si myan lgiy lgiy lgiy cami obeh cami tehok thya la obeh myan tehok llyung lga cyu smuy loyi wah la nyu ciri luyan hay lma

他已經去了我們就一直跟著快到遠處時快到溪流了又在喊叫說來了陷阱有獵到了

mosa myan laru si glu tuʼiy lma nanu mosa myan mita kya la calay ci nyu ciri luyan nya

我們過去了說直接跟著腳印所以我們看到了真的他的陷阱有獵到

iyat.. iyat ra kyaca heya la iyat likuy kneril wanux haca

那個不是公的是一隻母水鹿(工的cingan母的la'uy)

tuli maki myan kya lga kutan naha ru piyux ci ʼcyux tayal uy pnek ruma laru phapuy myan kya la

我們在那裡了他們殺了和很多的苦花魚有些在釣魚就在那裏煮食了

masu papuy lga ulus su sobeh hay uy hata loyi ma hata sali lma ra kyaca la kinyobi(日) la kaca

煮完了還好也是很近就說我們回家了那日是星期五了

rehay kcuxan na laru nanu kinyobi mwah myan biya laru mosa myan mwah myan sali la

明天是聚會時間所以我們星期五就下山回到家裏了

niciyobi royobi ga syukay myan laru mhngaw cyoro niciyobi haca lga kmayan ma hata loyi ma angu san mu

星期六是我們要上聚會星期日是長老教會聚會這天又說我們再去我就說好

nanu mosa myan loyi mosa myan kaca la thya ci kyaca heya la aring sali kani ru beta halan myan haca ga kuʼung ci tehok myan

所以我們又去了這次要去得很遠從家裡走路到要去的地方我們到那裏已經是很晚了

lalu ka rgyax haca ga lpyux Puhok san myan nka lamay masa myan mʼabi lpyux ra kaca Syat yaba Yosi haca

山上的名稱我們說是lpyux Puhok(在舊金岳部落的對面還沒到舊碧候那是它的名稱那是需許忠木爸爸的(所放陷阱之處)

mosa myan mʼabi kya laru ulos helaw ka kotas haca heya naha waya lama moyaw loyi thway cimu heya ʼsuw pnanga myan cami mosa cami lama mhoyaw ma

我們在那裏睡覺還好那個長者他比較快他們又先去探路找我們是慢慢地因為我們揹著有重量就說我們就先去找

nanu phapuy myan loyi ru masu lga phapuy lga kuʼung ci nyan la naha haca nyan milaw

我們也就開始煮食煮好了他們用火把點亮些而且很晚到

cyu kmayan ma cyu kya wanux ma gibuw ta hay cuxan nya lma mosa myan la

就說那裏有水鹿我們明天就一大早去我們用餐完了

gibuw sasan lga phapuy myan masu mani loyi ru kya obeh tiyu tmuting lga mosa myan la

一大早了我們煮食也用完餐了快6點了我們就出發

rasun kwara lyanan hoying ru ini thya lga nanu su kwe ma texan ga calay ci nyu mani telu ci loyi

就把綁小狗都帶沒有到很遠就說在這裡就看到真的又正在生吃草

a..tbitaw kwara hoyin la gahiy caku loyi cyu smuy ka bkis nahay hay bgahiy hoyin haca loyi ma

阿~全部的狗都動來動去了就是說放掉老人家在喊叫說快一點把狗放掉

gahun hoyin haca lga wan naha byagun loyi bali pisa hoyin tugan ci hoyin naras ru

放掉狗之後追上了狗沒有很多只帶三隻而已

o...byagun byagun byagun myasa ci bhying nya kaca hiya utux ci ryax kaca hiya kya bne yaba uy

喔追阿追阿追阿我們那次的運氣很好只有一天也是神賞賜給我們的

mosa byagun la ru waya ka kotas Wilang Bakan haca baʼun na ka yunan haca ru camin senen(日)ga ana ka laʼiy mlu taying nya ru lgiy ma ru halan maku lama mung hoying ma

去追了Wilang Bakan長者已經先去了因為他知道那個獵場像我們年經人跟著獵物的腳印說直接跟著我(老人們)先過去聽狗的聲音

waya waya waya..ini kbsya lga kya hay utux tmuting byagan hoyin lga

已經去了過了不久大概一個小時被狗追著

cyu smuy loyi a..uwah la wa na troyung loyi ma

又喊叫著啊....回來了已經被跌入懸捱了

tuli mosa myan la ru iyat lgiy la sgyung cami nya ru si smuy la kya obeh ni kori(日) cyu smuy

我們就過去了不要跟著了對我們喊叫距離快接近2公里在喊叫

wa..wah cahay la si myan p_ngyiy kya ungat tuʼi lela uy la si myan lngyiyiy kya ru klan myan la halan myan mita calay ci wan toruy loyi wanux

哇...來這裡了我們就直接聽著聲音走以前也沒有路一直聽著聲音走就找到了我們過去看真的水鹿跌入懸捱

texan ini luy pilaw thiya yaʼeh ru san ca mita cyu hogan ci

看了有一段時間找不到很遠又路不好這樣看下去原來在最下面

ala tyaba ci kyaca hiya la tmuʼuy nya thuy ci uy ulus ini phuw uy toruy

哇..這隻的鹿角很大又很粗還好掉下來時角沒有破掉

syayi myan binah loyi ru klan myan cyu kyan wanux haca kutan beh kya hay yozi sanzi(日)tugan tmuting ga payat tmuting la

我們又要找好的路就找到水鹿的地方就殺了大概時間在3~4點鐘

rgyax lga kuʼung hay laru tuli si ta abi cahay lma kutan myan ru mabi myan kya gibuw myan sasan mwah la

在山上就比較暗就說直接在這裡睡了殺完了就睡了我們一大早回來了

thya kyaca hiya la prkyas ci uy ru thok ka kahun myan suruw thok beh Tungun haca rgyax haca lga Tungun kyaca tatak lela

那裡很遠也很陡我們從後面到達快到Tungun那裏是人家的工寮叫Tungun(去打獵的人都可以去那裏休息)

thok myan kya lga kuʼung ra la kya tugan tmuting la tugan tmu

我們快到那裏就暗了大概有3個小時有3個小時

lungan naha bkis myan hiya ga thok ta sali kisa ma ini myan tkayiy ru theya ru Tungun haca

老人們想說今天會回到家我們也不會浪費時間因為那個工寮遠的

biya myan wensen haca loyi biya myan kya lga cmyax hay nya

我們又下到溫下到那裏算是亮一點點

wan myan thok tuʼi popok lga mʼes myan la nan kuʼung lga si myan wah ru thok myan sali la

我們到達了鐵牛車走的路了我們就很開心了就算是暗了也直接回來到家了

thok sali wan na halan baʼi loyi kaca wan na halan baʼi lga piyux pila nya kyaca hiya la ota utux he ga obeh saʼing man kyaca heya

到了家後又拿去賣了這次賣出去錢比較多一個人可以分到快2萬

pila haca obeh mu biʼan yutas mu loyi ga ini agan loyi iya iya be lma

拿到的錢本來又要給我的岳父還是沒有拿說不要給我

nanu ini be ru yaca wan myan sekucyu(日)la utux sali myan

所以就沒有給就用在我們家人的生活上

nanu masu kyaca lga hngi ta cikah hama kya pitu ryax mngi myan cikah sali ru tiyaw cikah mayah ga

所以這次好了就說我們先休息一下有7天的日子在家休息在家幫忙耕種

masu..mhngaw ʼlyan iyat su mosa san caku nya hata loyi ma baʼa ini usa san mu

好了..那天休就告訴我說你不要去嗎我們再去啊我就說怎麼可能不會去

mosa nanu camin gome(日)loyi mosa kinang Kacyu yaba nya Wilang Bakan Piho ru yaba Ipay haca tocyan(日)nya gome myan mhah nanu mosa myan la

所以還是我們5個人要去人我和Kacyu他的爸爸Wilang Bakan、 Piho、我太太的爸爸我們5個人去

masu la niciyobi mosa myan loyi mkani loyi ungat a lela glgan kani aring sali gbyan ru usa myan kura Buta Sya kyaca heya la

好了我們星期日去走路過去以前沒有可以坐晚上從家裡開始走路這次要往武塔的方向走

mosa myan kyaca lga thok myan kya lga kya payat tmuting wan lama ka bkis wan lama moyaw loyi ha

我們要去那裏了我們到了那裏有4個小時老人們又先去找

payat tmuting wayan la ru thok myan kya lga ini kbsya lga moʼing napuy myan ʼnyan la cyu kya loyi ma cyu myan texan wanux loyi ma cyu mani telu ci ma

已經去了4個小時我們到達那裏了沒有我們煮好了他們就來了又說那裏也有我們有看到水路正在吃生草

nanu phapuy myan la ru masu myan phapuy mabi myan gibuw ta hay sasan mosa

所以我們煮食完吃完了之後就睡了因為早上要一大早出發

mosa loyi masu myan mani sasan lga hata lma mosa myan lga nanu yaca ka tugan hoying camin laʼiy ka ming loyi naha wayan pglan

還要去吃完了早餐就說我們走了還是我們孩子牽著三隻狗他們已經先帶領

ini kbsya nanu hani ma texan myan ga calay telu ci loyi niʼan nya balay tbiyak kwara hoying loyi

沒有多久就說就是這裏我們看到真的是吃過的生草連狗都開始動來動去了

aw...gahiy hoyin lma gahon hoying lga mita lga wa...byagun byagun wan nya byagun kba iyat kyaca la biyak nyu naha byagun la

哇......放掉狗了放掉狗後看到了就追啊追啊追到了原來不是那一隻了原來是追到山豬了

wayan ka wanux hiya wan lama mgay la ru biyak nyu nya byagan lga kyapun naha ru taʼan myan la

水鹿已經先跑掉了山豬追到後我們就抓起來殺了

taʼan na bkis la ru wan myan si niʼiy kya a ru panga myan ruma masu lga halan myan mlu rapan wanux haca loyi

老人們殺了就直接在那裡吃了有些用揹著完了之後我們又跟著水鹿的腳蹤走

si glgiy lgiy lgiy kryax ru utux bengi haca ga utux ryax haca ga ini myan tliyiy nya

一直跟一直跟著那一天晚上一天我們還沒有找到(狗)

thok gbyan lga si myan mabi rgyax ungat ʼsya uy ru si myan hmut mabi bnux kya la ru nanu sasan mulu ta ʼsya lga hata papuy kya lma

到了晚上我們直接在山上睡了也沒有水我們隨便在平坦那裏睡了所以早上起來找到水(溪流)就在那裏煮食

glgan myan wanux haca la ru gibuw sasan ru mulu myan ʼsya papuy cikah wa ka bkis loyi waya wa nya lama wa nya halan lama mlu loyi

我們跟著水鹿腳印一大早找到水就在那裏煮一些老人們又先去找

nanu moʼing napuy lga sgyun mayn wah mani san mu masu mani lga si myan usa la

所以我們煮完就喊叫他們來用餐吃完後就直接去了

mosa loyi ru utux rgyax halan ini yahaki saʼing rgyax haca lga nyu mani kya la

又去了及到一個山沒有找到另外一個山(第二)就找到了水鹿正在吃草

nyu mani kya lga telu loyi hay tbitaw kwara hoyin loyi smok ru gaheh hoyin loyi ma gahon la

又正在那裏生吃草狗聞了起來就動來動去就放掉狗

gahon ru yaca ka nhyaw myan aring ray yici nici ru aring utux ryax ru nanu yaca tugan ryax nya kyaca la

放掉了那就是第一天追的水鹿到第三天才找到

tugan ryax nya kyaca lga wan byagun loyi ru kya hay tugan tmuting ga wan ka kotas Wilang Bakan heya ba rgyax haca loyi

那是第三天了又追了有3個小時Wilang Bakan他知道那裏的山

lgiy cimu ma halan maku lama hoyin ma a waya waya loyi ru ini kbsya lga kya hay obeh utux tmuting lgan myan lga

你們跟著腳印我先跟著狗去了沒有過多久我們快1個小時跟著了

cyu smuy la wo..uwah loyi ma wan toruy loyi ma wan naha troyun ma

又喊叫了..喔來這裡又找到了

texan ga cyu cipuy ci theya ci cipuy ci nka hoyas nya pungan ga kotas Wilang Bakan

看了看Wilang Bakan的聲音又遠又非常小聲

si myan lngyiyiy nanu ka cu nya kkya haca ru texan myan ga tklan myan la texan calay ci wan toruy loyi wanux wan troyun hoyin

我們一直對(聽)著聲音走去看到了就找到了被狗找到了

san ca mita lga sobeh hay kaca hiya la si baʼi mita la wanux

這樣子看那裏比較近水鹿直接看的到

texan ga ini baʼi mita tnguʼuy nya nyu kaca mabi ru kba nya cu srapa ru nyu nya tpiyiy tunux nya

看的時候牠的角不是看得很清楚原來是這樣睡躺著頭也這樣動

lgan myan lga tyaba ci loyi kaca yihuy nya aw cingan loyi ma ga kotas Wilang Bakan haca

跟著去了鹿角也是很大的Wilang Bakan說的又是公的

lalu tuli ra nya loyi galun nya ttung la ru papuy myan kya loyi hehon myan kya la ru si ta abi kwe lma

過去拿起來砍了我們又在那裏煮食我們在那裏剝開來也就在那裏睡了

mabi myan kya gong haca loyi ru giebuw sasan lga mwah myan loyi mwah myan lga kya mokiyobi(日) kyaca

我們又在溪流那裏睡了一大早我們又回來了大概星期四了

san nici lgan myan mokiyobi ato saʼing bengi lga syukay(日) lha

我們三天跟著星期四在過2個晚上就是聚會的時間

nanu mokiyobi thok myan lga wan naha baʼi la kya piyux hay pila na kyaca uy

所以我們星期四到家了他們又拿去賣了這次也是賣不少錢

nanu ini hngi kya lalu hata hata loyi ma talagay mʼowix ci kiya la lungan mu nanak ini mu kyali

所以他們並沒有想要休息又說我們再去哇....真的很累了這是我自己想的並沒有說出來

aw hata mosa ga mo cu uy san mu mosa myan loyi kahun myan sali loyi mosa loyi

好如果要去我就去啊我們又要去了從家裡出發

theya uy kyaca halan myan haca ga thok myan kuʼung ci la kyaca ini usa moyaw bkis la

我們要去的地方也是很遠到了那裏已經是很晚了老人們也沒有去找了

tuli baʼun kotas Wilang Bakan ma yaca kyan sinu ma yaca kyan wanux ma

Wilang Bakan知道那裡有獵物那裡有水鹿

si myan kakun myan tatak kya la ru si myan usa kya ga calay ci nyu maki kya loyi

我們直接從工寮到那裡真的又有了

nyu mani kya la wanux smut hoyin lga tbitaw kwara hoyin o gahiy loyi ma mhway yaba utux ci ryax kyaca hiya

水鹿正在吃狗聞到了就都動來動去說放掉狗感謝神只有一天的時間

gahiy loyi ma nanu gahun loyi byagun naha kahun ulus sobeh kura 南溪 hani hey te

放掉了他們就追著還好也是很進往南溪那裏去

a cyu smuy la wa wan toruy loyi ma halan mita sobeh sobeh kya ini tehok yupun cpnagan zikan(日)lga

哇...又在喊叫又找到了過去看時間還沒到10鐘就找到了

klan myan ga calay wan toruy la texan ga cingan loyi kyaca

找到了真的又找到了看到又是公的

mayal kotas Wilang Bakan mhway yaba wah nyu ta nya biʼan loyi cingan loyi texan thuy ci kyaca uy tyaba ci yihoy nya

Wilang Bakan 就說感謝神又賞賜給我公的看了也是大的胖的鹿角也很大

papuy myan kya ru ulung su sobeh masu myan papuy ru masu myan gmyax lga mani myan masu mani myan ru mwah myan la

在那裡煮食還好是很近我們煮完了吃完了就回來了

mwah myan lga tehok sali lga mokuyobi(日) iyat geciyobi kyaca

我們回來了到家了是星期一

tehok sali haca niciyobi nah myan ru geciyobi niciyobi maki sali

我們星期日回來星期一到家

geciyobi wan naha baʼi nka ra haca la piyux hay pila nya kaca uyi

它們星期一去拿去賣了也是賣了不少錢

nanu knayal maku aring ru beta micyu ga beta skwani la ki mhway cimu

所以我從開始講的到現在就到這裡了謝謝你們

kinang ga lalu maku ga Hayung Wilang Wilang Ciwas yaba mu yaya mu ga Pireh Toreh yaya mu puting cahay ke mu la

我是 Hayung Wilang 我爸爸是Wilang Ciwas我媽媽是Pireh Toreh說到這裡了了