跳到主要內容區塊 :::
 

泰雅戰事

pciri yaw na alang Tayal
:::
  •  29
  •  0
  • FB圖示
  • line圖示
以前；往桃園和碧候部落是很友好的關係，不會打架也不會有仇恨，就好像是兄弟姊妹一樣了! 就有一天；碧候部落的人要去桃園做客的時候，被桃園的人殺了，被殺的人有2位族人，在那裏被殺了!早期是有gaga的，就是說同一個家族就是一個gag，碧候部落原本要去報仇，但是他們的頭目Wilang Taya 說沒關係先不要去，先放掉這事，就這樣聽從頭目的話，所以；就沒有去報仇及殺他們了。 過一很久；經過多少年了，都沒有互相來往，這事不知多少年? 開始互相來往了，從桃園來碧候部落做客時，就殺了桃園的2位族人，從那時開始全部桃園的人要來報仇了，說我們要開始打站了~以至於良個地方的戰爭開始了! 現在的孩子不知道這事，現在連我們的孩子都互相嫁娶了~因為這是以前的事。
TIME:

  • 字幕列表
  • (Introduction)
    姓名:許忠木 年齡:80歲 故事:泰雅戰事
  • micyu ga.kayal caku yaw lela ga.
    現在；我要說以前的故事。
  • kakusa laʼiy kbahan ini naha baʼi yaw lela.
    不要說小孩子不知道這個事情(一定要知道)。
  • nanu mwah mita ma....
    所以才來訪問看我。
  • ma kenu ka yaw lela nyu mwah tkba kmayal.
    以前的事情是怎麼樣，才來知道就跟我說。
  • kinang heya ga..kahun caku keʼ yaba maku ga..
    我也是..從我爸爸所說的話。
  • pnitan caku nya yaw hani.
    他(爸爸)也說給我聽的。
  • lela ga.
    以前呢..
  • kura Toyeng haca ga.ru Pyahaw lela ga.
    從挑園那裡和以前的碧候。
  • calay ci ga.
    其實..真的.
  • ini pcayu ini sparis uyi.
    不會去打架也不會有仇恨。
  • mslpyung calay ga.
    是非常要好的朋友
  • ru... mbkan ta uyi ru..mbkan san nya ga 互相.mccisan ga.
    和...也會互相來往.mbkan是說互相...聊聊天。
  • nanu naha mwah cisan kya alang Pyahaw ru.
    所以；他們(桃園)也來碧候部落做客。
  • ita uyi ga mosa ta Toyeng uyi.
    我們也會去桃園。
  • si te... babaw nya lga kya wa ma nanu yaw uyi ga.
    就沒有想到...後來；不知道為了什麼事情。
  • nanu yaw nya ga.
    所以；這事情呢.
  • bsya ka..
    久而久之..
  • pntisan naha yani hay.
    互相來往的這事，
  • uwah naha.. Pyahaw ru ita mosa ta alang naha Toyeng uyi.
    他們來碧候和我們也會去他們桃園部落哪裡。
  • kaku sa kaca nyu ta bkan ru.
    為了什麼就這樣，我們原本是互相來往的。
  • giwan nya ma..
    就好像...
  • yani hay ka nyu ta sswe ta la ga.
    我們就好像是兄弟姊妹了!
  • si te utux ryax haca lga.
    就沒想到...就有一天，
  • kya ma kenu yaw naha ru.
    他們的事情是怎麼樣?
  • wan ita ka alang Pyahaw wa mkura wa bkan Toyeng lga.
    我們碧候部落去桃園做客的時候。
  • si te... nyan ka cʼoli lga.
    就沒想到....要回家的人(從桃園回來)。
  • ungat saʼing heʼ la.
    就減少兩個人了。
  • ru baʼun naha ma.
    他們知道了!
  • wa kutan kura beh ha..Toyeng lma.
    被桃園那裏的殺了!
  • kahun ita Pyahaw ga.
    我們從碧候的人，
  • wa naha kutan ma ru.nanu...
    被他們殺了，所以.....
  • glu ta alang Pyahaw lga.
    我們碧候部落，
  • ka kusa kaca kya gaga ta lela heya ru.
    以前是有規矩的。(一定要知道)
  • kwara utux bkis naha gaga lga.
    他們(被殺的人)一家人。(一個家庭就是一個gaga)。
  • aki mosa cʼmyuk lga
    想要去報仇了!
  • aki mosa cʼmyuk lga
    就想要去報仇了!
  • mosa mkkut la mosa mciri la.
    去互相慘殺就會打戰了!
  • laru.... mayal ka. mrhuw ta tomok ta ga Wilang Taya.
    我們的頭目Wilang Taya就說..
  • mayal Wilang Taya ga.
    Wilang Taya說了，
  • a...iri kya iri kya.laxiy ha ma
    沒有關係..沒有關係，先不要去。(放掉這事)
  • laxiy ha ma ru.nanu
    先不要去。(放掉這事)所以...
  • bali ta cʼoli ita nanak giwan ta msswe mbkan ta ma.
    我們不是別人，我們就好像是兄弟姊妹地互相來往。
  • nanu.myasa ka alang Pyahaw uyi mbkis ta ga.
    所以；我們碧候部落的長輩也很好。
  • nanu wa si pung keʼ mrhuw uyi tomok Wilang Taya ru
    所以；就順從頭目Wilang Taya的話。
  • nanu ini usa ini usa rala
    所以；就沒有去了!就沒有去了!
  • ini usa kya Toyeng ini usa cʼmyuk ka kmut naha la
    就沒有去桃園沒有去報仇和殺他們。
  • ru si te bsya lga.
    就這樣很久了!
  • bsya laru .....babaw nya lga.
    久了....後來了呢?
  • ini ta pbkan la.
    我們就沒有互相來往了!
  • ana naha kahun Toyeng uyi lga ini wah kya alang Pyahaw la.
    連他們從桃園的也就沒有到碧候部落了!
  • ita uyi lga ini ta usa kya uyi la
    我們也是沒有去那裏了。
  • ka kusa nyu maku ngunguw ma.
    因為我們怕(怕會打起來)。
  • wa naha kutan ka ita saʼing heʼ ru
    他們已經殺了我們這裡兩個人。
  • nanu ana naha uyi lga ini wah cisan Pyahaw uyi la
    所以；連他們也沒有去碧候拜訪了。
  • ini mbkan ana ita ini ta usa kya uyi.
    沒有互相來往，連我們也沒有去那裏。
  • bsya ru kya pisa kawas lga yaw hay lga.
    這個事情過了好幾年，
  • nanu..kaku sa kaca. ini ta usa cʼmyuk haru. ini ta usa cʼmyuk naha hali ta kmut ta Toyeng.
    所以；我們沒有去那邊報仇，我們沒有去那邊報仇我們才沒有去殺他們。
  • si te bsya.....kya pisa kawas lga
    後來...經過了多少年。
  • nanu..lungan naha kwara Toyeng uyi lga.
    所以；他們心裡所想的(桃園)。
  • kya naha iyat...iyat mwah cʼmyuk ka kmut.
    他們應該不會....不會來報仇跟殺害。
  • kya ma ..cyu naha yingyan uyi la.
    認為.....他們(碧候)也忘記這事了!
  • nanu .te babaw nya lga.
    所以；到後來了呢..
  • si te ...ana ta ....kita musa
    就算...我們(去哪裡)會相見，
  • mosa ta mosa ta..lela ga mosa ta bayi mono Girang ru Skyalan ru Sbalung haca ha..
    我們去.....我們去，以前；我們要去買東西到宜蘭，宜蘭和羅東那裏。
  • ana mkita ga ini ..ungat nanu yaw naha uyi.
    就算見面的時候，也不會有什麼事情。
  • ini mmut kmayal ini yani ma ini cci ksli ga.
    不會亂說話(不說話)，也好像(這個事情)不會放在心上。
  • si te.......kya pisa wa bsya lga.
    經過了幾年的時間。
  • ru mbkan ta loyi.
    又互相來往。
  • bkan ta loyi mwah cisan naha uyi lga.ini ta kuti uyi
    我們又互相來往了，他們也來拜訪我們也不會殺。
  • ana ta mosa uyi lga ini kuti uyi.
    就算我們也去，也不會被殺。
  • si te bsya luwon luwon naha ru
    就這樣..他們等很久等很久。
  • kaku sa kaca wa naha kutan ka ita ka saʼing heʼ haru.mwah naha kutan.
    正因為他們殺我們兩個人。
  • utux bkis naha kwara mssew naha ru
    他們的一個長輩及他們的兄弟姊妹(被殺的人)。
  • ita cʼoli ga wan su kutan a. glu ta ru suyan ta sswe ta lga.
    我們人被殺了，我們的親屬及兄長，還有我們的兄弟姊妹。
  • baʼa ini ci ksli la
    怎麼不會放在心上(心痛)呢，
  • ita cʼoli ga tʼna kwara heya.ana tewan ana tayal tʼna.
    我們人都是一樣的，不管是漢人還是泰雅人都一樣。
  • nanu babaw nya lga
    所以；之後了呢，
  • si te .mwah kya mwah mkan ita alang a..Pyahaw kahun Toyeng la
    來....從桃園的與我們碧候部落互相來往。
  • utux bkis nya.wan kutan saʼing haca ha.
    他們的一個長輩(兄弟姊妹)，被殺的那兩個人。
  • kutan naha Toyeng uyi la. mwah alang ta.
    桃園來我們部落時，也被殺了!
  • kutan Toyen ru ini hmut....ini hmut lmapay yaw ma.
    殺了桃園的，也不會隨便....不會隨便影響其他的。
  • saʼing wan na kutan ga ana piyux kutan ta ini kusa..
    他們殺兩個，我們也不會多殺。
  • saʼing wan naha kutan ita ga saʼing wan naha wata kutan saʼing uyi
    他們殺我們兩個，我們也會殺他們良個。
  • si te
    可見的..
  • kwara Toyeng hay lga.cmyuk la .pcri ta lma
    他們全部桃園的人要報仇了，要打戰了。
  • pcri ta lma ru.
    我們要打戰了!
  • nanu..
    所以；
  • nyu ini a......
    沒有想....
  • ini lnglun Pyahaw ma pcri ta heya.
    我們碧候的沒有想法說要打戰的意思。
  • ka kusa kaca naha siyan wna naha kmut a...saʼing heʼ kahun alang ta ru.
    他們先從我們的部落先殺那兩個人。
  • nanu..babaw nya wan naha kutan saʼing naha mwah cisan alang ta lga.
    所以；後來他們來到我們部落作客時，也殺他們的兩個人。
  • cmyuk naha heya yaʼeh ksli naha heya la.
    他們的心情壞透了，他們要報仇了!
  • nanu.
    所以..
  • mayal haca lga pciri ta lma.
    他們說:我們來打戰了!
  • mosa ta mciri.
    我們要去打戰。
  • pnagan ta beh mllwax ma.
    我們在那一個地方(位址是平平的)。
  • llwax san naha ga kura beh Tayheran haca.
    那一個地方(平平的)是從太平山那裡。
  • kura kya ru
    是從那裡，
  • llwax haca ga bnux a...llahuy haca.
    在那個山上是平原的。
  • lkuʼ kwara kyaca lkuʼ san nya ga kleʼun naha pnelu a....
    全部都是lku'，lku'是指他們用來做弓箭的竹子。(lku'是指像竹子是細細的)
  • pnelu a.lkuʼ ra nya ga.
    弓箭是用lku'的。
  • bengan na bbu pnelu ha.lkuʼ lku kwara.bnux..
    弓箭射的時候所拿的柄，全部都是lku'。
  • ru mayal Wilang Taya heya lga tomuk ta ga.
    Wilang Tay我們的頭目他這樣說。
  • bali ita siyan yaʼeh ma
    又不是我們先不好的。
  • cyu msina ma pcriʼa ta ga
    他們要求說我門來打戰。
  • nanu...si ta texiy naha ma.
    所以；我們就一直觀看他們。
  • mwah cimu ciri ga nanu hata ma hata ru.
    如果你們要打戰的話，那我們就去。
  • tomuk Wilang Taya myasa ci lungan nya..tomuk ta ga.
    頭目Wilang Taya的心非常地好，是我們的頭目。
  • ini mhmut ..ini mhmut
    不會隨便，不會隨便。
  • site....mapeh ma.
    叫我們來打(桃園叫碧候)。
  • mwah camin mciri lma.
    我們要來打戰了!
  • mwah camin ciri ma ru.
    我們要來打戰了!
  • kya mwah naha lga mkkuy tayal lela haru.
    他們要來了，以前的泰雅族人就心裡養養的。
  • kahun Toyeng kya beh
    從桃園那個地方，
  • beh a.....
    在那.........
  • 光華haca a...光華ru yatux nya glu Kumay Naru a naha.
    在光華那裡.....光華的上面有一休息的地方(一個點)。是Kumay Naru他們的。(Kumay Naru是部落名稱'Gogan'，也是頭目的名字)。
  • heya ka mnoryu Kumay Naru ga tomuk naha.mrhuw naha.
    就是Kumay Naru帶領他們，是他們的頭目。
  • heya ka mhoryu ru.
    就是他帶領的。
  • tuʼiy lela ga utux ci tuʼiy. ungat iyat sa kaca tuʼiy micyu.nyu kya tuʼiy basu hela.
    以前的路只有一條路，不是像現在的路，都有巴士可以開的路。
  • biya kya Skikun tuʼiy naha.
    那一條路可以下到四季。
  • biya a....
    下去...
  • a.....Skikun laga llyung.maki llyung Skikun lga.
    下到四季的河川，四季那裡有河川。
  • kya mabi kya utux ryax la
    他們在那裡睡一晚(桃園的)。
  • kya tehok ʼlyan kya.
    到那裡是中午了!
  • cyu kmayal ma stʼna ta mllwax ma.
    他們講說我們在一個平原的地方見面。
  • pstʼna ta llwax haca ma ga Toyeng ga.
    桃園地說:我們在平原的地方見面。
  • nanu ita uyi lga kya mosa la.
    所以；我們也就去了!
  • utux alang yaca kwara utux alang ta Pyahaw ga
    一個全部的部落，我們的碧候部落。
  • prkyas ru prkyas prkyas.
    走上坡一直走上坡走上坡，
  • aring sali prkyas kaca haru.
    從家裡走上坡。
  • beta mllwax lga theya theya kyaca
    到一個平原的地方(太平山)，那地方很遠很遠。
  • ru kya tayux naha rhgyan naha heya.
    他們有一個休息的地方(上坡很遠，一定有一個休息的地方)。
  • ru tehok utux tayuk lga nyu mnaga ka lokah ta seneng heya la.
    到了一個休息的地方，我們有力量的年輕人已經在那裡等了!
  • yaba mu heya ga laʼiy cu hay na ma ga lokah lokah iyat kaca seneng ci nya.
    我的爸爸說:我也不算是孩子，也不是年輕人(20歲以下)，所以不是很有力量。
  • ru nanu wan gleng ku lokah nya heya la.
    所以；有力氣的都在前面了!
  • lokah san ta ga kya nizyu nansay ru beta beta.
    我們說:有力氣的是從20歲到......
  • beta pusan kawas kya beta
    20歲的年齡到.......
  • tiyun kawas a....spatun kawas yaca ka lokah ci kaca uyi ha.
    30歲..40歲這是最有力量的年紀。
  • kya wan lama naha lga
    他們已經先出發了!
  • kyalun naha maha mosa ka kyalun Wilang Taya ka kwara llaʼiy hani.
    他們要出發前，Wilang Tayaka跟這些年輕人說。
  • mosa mciri hay ga mosa ta ga
    我們要去打戰呢，
  • naga tayux san nya tayun san nya ga cyu kya hngyan ha.
    在休息的地方等，那裡有休息的地方。
  • mosa ru kya lama ka lokah heya la.
    有力量的先去了!
  • maras patus ruma.
    有的帶土槍，
  • nelu lalaw naru kukuk wan naha rasun.
    他們帶著弓箭、番刀還有茅(直行獵刀)。
  • yaba mu heya ga ini aras nanu nanak ka nelu kukuk lalaw naras nya
    我的爸爸沒有帶些什麼，只有帶弓箭、茅(直行獵刀)和番刀。
  • ini nya laxiy tokan heya kwara kari ga.
    他們部會忘記帶背帶(男用)，還有全部的袋子(用苧麻製作的)。
  • nanu mosa ru.
    所以；走啊走阿...
  • site mhtuw mhtuw tayux ga hngyan lga nyu mnaga kya kwara la.
    他們到休息的地方時，其他(很多人)先到的人都出來等。
  • yaba mu heya ga laʼiy hay heya mluw bkis maki puting naha.
    我的爸爸算是有點孩子(少年)，他跟著長輩的後面。
  • nanu ana Wilang Taya lga mnaga kya uyi.
    所以；連Wilang Taya也在那裡等了!
  • mayal Wilang Taya lga mrhuw haca ha.
    因為Wilang Taya 是我們的頭目，就說了，
  • kyalun nya kwara sʼyit kmayal
    他鼓勵全部的人說:
  • llaʼiy san nya ka kusa kaca mayal ma.
    說:孩子(少年)啊!他為什麼會這樣說，
  • heyta ka tomuk mrhuw haru
    因為他是頭目。
  • laʼiy san nya cyu ta mosa mciri a..
    孩子啊!我們要去打戰了!
  • Kgogan san ta Toyeng Kgogan san ta.
    我們說的Kgogan是桃園。
  • Kgogan san nya ga alang naha utuxn Toyeng kaca.
    Kgogan是說桃園那裡的一個部落。
  • Kgogan Kgogan san nya nanu si ta san Kgogan ha.
    他們都說Kgogan，我們就跟著說Kgogan。
  • ru mayal ka Wilang Taya ga.
    Wilang Taya說了!
  • kyalaw cimu cikah ma kaca ka Wilang Taya tomuk hay ga.
    我要跟你們說一下，頭目Wilang Taya 。
  • bali ita yaʼeh ma bali ita yaʼeh siyan yaʼeh.
    又不是我們引發的事，事他們先引起的。
  • ciri ta ga pgyara cimu ga ma.
    征戰時你們不要逃跑。
  • iyat pgay ma pgyara cimu.
    你們不要跑不要逃跑。
  • iyat pgay ma si ta..si ta snoʼing
    不要逃跑我們就拚到死。
  • si ta ana nanak snoʼing si ta noʼing ciri ma.
    不管怎樣我們就拚到死(用所有的力量)。
  • nanu ma kaca mayal Wilang Taya lga.
    所以； Wilang Taya是這樣跟他們說的。
  • nanu iyat kngunguw ma kaca kmayal...mosa loyi
    所以不要膽怯(害怕)，他這樣說，他們出發了!
  • mosa loyi ru...... kyaka lokah wayan lama naha heya la.
    他們出發.......那些有力量的先出發了!
  • wayan lama laru.
    先出發後，
  • tehok ka tehok yatux lga mnagan tayux loyi.
    他們到了一個休息的地方，又在那地方等。
  • mayan Wilang Taya naga naga beh tayux san nya
    Wilang Taya說:等...在休息的地方等。
  • nanu mosa loyi ga tehok kya kwara loyi ga.
    然後；又出發...全部也都到達那裡。
  • yaca utux keʼ nya loyi Wilang Taya
    Wilang Taya又說同樣的話，
  • lokah laʼiy ma
    孩子~要加油!!
  • kya kngugnuw mgyara cimu bali ita yaʼeh ma.
    別膽怯(害怕)不要逃跑，不是我們先不好的。
  • mosa inu lutux..lutux san nya lela ga ptoring lutux ga.
    因為有祖靈，以前都是說靈，跟祖靈發誓。
  • ita ga nyu ta sinko micyu yaba ma ta
    我們現在是相信 神。
  • toring lutux mayal ma
    就是跟祖靈發誓說，
  • mosa ini ka lutux bali ita ka waya siyan yaʼeh ma
    因為有祖靈同在，又不是我們先不好。
  • klokah ki iyat kngugnuw pgyara cimu
    你們不要害怕、逃跑，要加油啊!
  • nanu masu keʼ nya kwe lga
    他(Wilang Taya)講完這句話後~
  • mosa loyi...
    又去了(第三次)
  • mosa loyi ru.......
    又去了
  • tehok mllwax lga
    到了一個地方(平原寬闊的)，
  • kya minas kwara wayan la
    全部有力量的都超過去了!
  • te ga tehok kwara bkis lga
    連全部的長輩都到了。
  • llaʼiy tehok ......laʼiy san nya ga kya....zyu...zyu nana zyu..zyu nana iyo(日)
    孩子們也到了，孩子是指十幾歲以上二十歲以下(少年)。
  • kya minas mpu pitu kawas ga yaca san nya laʼiy la beta mpusan.
    超過17歲以上到20歲以下叫少年。
  • mpusa kawas.
    20歲，
  • tehok lga bʼnux yaca lga
    到了寬闊平原的地方，
  • ungat ...ungat ka cʼoli nya
    沒有...沒有人在那裡。
  • kahun a...Toyeng Kgogan ga ungat ini wah.
    從桃園Kgogan沒有來，
  • ini wah ru...henu ma pstna ta llwax hay ga aki.
    沒有來....他們自己說的要在一個點碰面卻沒來。
  • aki maki cahay ru
    應該是會在這裡，
  • aki .aki ta baʼun ma kaca ka kahun alang ta ha.
    我們碧候部落的應該會知道啊!
  • nanu site..mwah la mwah sali loyi.
    所以；又要回家(第二次)，
  • mwah sali loyi ga.
    又回家了，
  • tehok sali lga.
    到家裡了!
  • kya na..mrhuw Nipun lela ga cyu maki Tayheran haca.
    就是.....以前在太平山的日本常官，
  • mrhuw..yani kesacyu ha
    就像警察一樣。
  • ru maki alang ta uyi
    我們部落也都有，
  • kya bbuw bbuw a..bali bali san ga renwa ha.
    就在互相打電話(bbuw bali)，就是我們說的電話。
  • bbuw bali renwa mayan laru henu san ma.
    互相打電話說:哪裡?
  • mwah ka kahun Kgogan aki mosa stʼna llwax yaca keʼ mamu.
    從Kgogan 應該要去一個地方碰面，這是你們自己說的話。
  • pstna kya san nya ga ungat san nya
    不是在那裡碰面嗎?怎麼沒有(人)呢?
  • wa.......
    哇........
  • sasan kyaca la sasan..
    那是隔天早上了!(第二天)
  • wa minas sasan lga wa kmayan ka nyan kmayan ka
    超過早上的時間了，又在講電話說，
  • a renwa ..muyux bali ka mrhuw lga wayan lma.
    掛上電話的長官這樣說了!
  • wayan lma ga kba mnaʼabi beh llyung a. Skikun haca.Kgogan ga.
    他們(桃園)早就去了!原來他們Kgogan g睡在四季的河流旁。
  • maki Skikun kya ru
    在四季那哩，
  • kaku sa lela.
    像以前......
  • Kgogan ciri Nipun uyi lela.
    Kgogan也有跟日本人打戰，
  • ungat ...ungat .. yani ungat hay
    沒有..沒有....好像沒有(紀錄片)。
  • aki baʼun..ungat a..
    才知道(如果有紀錄片)，沒有...
  • yani ma yani
    好像好像..
  • 南投lela ga maki ra naha
    南投他們是有，
  • maki pcriʼan lela kyan yaw hay
    有以前打戰的故事(紀錄片)。
  • Toyeng ga ungat
    桃園是沒有的，
  • ppitu kwara sriʼan naha Nipun uyi
    他們與日本打戰友七年的時間。
  • piyux ci patus Nipun nagan naha ru kwara tutu ga.
    日本人他們拿很多的槍和子彈。
  • patus Nipun naha heya ru
    日本人是拿槍。
  • nanu maki llyung llyung a....
    所以；他們(桃園)在河流..河流啊!
  • Skikun ma ga crhun naha patus yani ....
    四季人說:他們的槍都用立起來的，
  • yani micyu hetay san naha kaca tugan ga crhun ha.
    向現在的軍人依樣用三個腳架立起來的。
  • ru kmayan ma ga kya mosa kya.
    這樣說..去那裡，
  • Skikun a..cʼoli mosa kya mosa mita kya uyi.
    四季的人也去那裏看，
  • ru ana obing obing a....
    連obing(茅草開花中間的那一根)，
  • a....miʼuy obing miʼuy ka mhana llyu na ha biya laru.
    草mi'uy obing開花的尾巴。
  • obing haca khey ci.
    obing(茅草開花中間的那一根)，真的很細。
  • bun naha baʼun naha muʼ si naha cmusi bun naha.
    射的時候會打得到，他們射出去目標就打到了。
  • baʼ ci cmuʼ
    真的很會射，
  • kraniy myan a...cyakung ga mcyakung san nya ga taʼuy ha.
    我們看似好像....烏鴉，cyakung就是我們所說的ta'uy(烏鴉)。
  • keʼ naha ga cyakung taʼuy ma ita heya.
    他們的話叫cyakung，我們叫ta'uy。
  • ka kusa ma kaca ciri Nipun lela ga yani hay taʼuy khmay ci ciri
    他們(桃園)跟日本人打戰時，看起來像整群的烏鴉一樣眾多。
  • yani hay nyu ciri yani hetay ga yani kaca kako nya ma Nipun lela
    就像是軍人打戰一樣，日本就是那樣子。
  • nanu piyux ci wa na bun ma nanu pitu kawas criʼan naha.
    他們射死很多，所以；打戰時間有七年。
  • pitu kawas criʼan naha ga yani kenu cʼoli nya mgoʼing la.
    有七年的時間打戰，死掉的人真的非常的多。
  • nanu.
    所以；
  • mayan haca ma skrangi myan ka Pyahaw ma kaca ma.
    他們就說:我們就是要這樣對付碧候的。
  • klesan san naha Pyahaw ha.
    他們稱我們碧候是klesan(南澳群流域)。
  • krangi myan klesan ga krangi myan cyakung kaca ma.
    我們要這樣對付klesan(南澳群流域)，就像整群的烏鴉一樣。
  • nanu.
    所以；
  • calay ci wa mwah a...kncyuxan haca la.
    真的來了!隔一天了!
  • mstna beh llwax kya la.
    就在一個平原的地方相見。
  • rima siyan naha heya la.
    他們早就先到那裡了!
  • ka kusa ca mgibuw naha heya sasan ha.
    他們一大清早，
  • ru ita heya lga kahun ta sali loyi.
    我們也是從家裡出發，
  • mayan mrhuw Nipun wa........wayan lma.
    日本人說:哇........已經走了!
  • nanu mwah ita uyi la.mwah.....si tʼenah lokah bkis haru.
    所以；我們也來了!有力量的年輕人直接用跑的。
  • a....seneng lokah ka bkis seneng ini lokah hay bkis maki puting.
    年輕人有力量，年長的沒什麼力量，所以都在後面。
  • ini naga uyi la ini naga tayux si usa la.
    沒有等了，沒有在休息的地方等，就直接去了!
  • ru.... site
    就看著......
  • baʼ ci kgogan hay.
    kgogan真的很會。
  • lokah seneng haca ha wa na pnasun.
    有力量的年輕人直接超過(桃園所埋伏的地方)。
  • nyu lama buyang naha heya la.
    他們(桃園)早就在那裏埋伏了!
  • khoni lpot ga
    檜木...
  • wayan mtoruy lela ga nyu buyan kya
    以前就是把檜木用倒在那裏埋伏。
  • yani hay..nyu lama buyan naha heya la syaw tuʼiy ga.
    就像.......他們已經先在路旁埋伏了!
  • nyu na say kaca kwara patus tbalun naha patus naha.
    他們的槍都擺一整排，
  • yaca tuʼiy ru tuʼi kwaca lga naga cikah cahay la syaw nya.
    只有那一條路，他們全部就在路的旁邊等一下。
  • nanu nyan cʼoli aki si na buy kwara la.
    所以；人來到那裏就會全部被射殺的。
  • nanu..wa hmians kya seneng ka lokah heya lma.wa yatux lma.
    所以；年輕人就直接超過(埋伏的地方)到上面去了!
  • henu la.. henu la ka cyu smuy ma.
    哪裡了?哪裡?在那裡喊叫，
  • ru.obeh myan tehok hay a lma yaba mu.
    我的爸爸說:我們差一點也快到了，
  • kwara bkis ga..sit ma poʼ kaca ma poʼ san na utux tutu ha.
    全部年長的..就聽到"波"一聲，這個是一個子彈的聲音。
  • poʼ ma kaca ma ga
    "波"就這樣，
  • o...nyu lwah kaca ma kya mung ka bkis lha.
    喔~來了....年長的聽到了這樣說，
  • ru kya mung ka wan lama seneng wan cyu yatux wan menas naha heha la.
    連先跑到上面的年輕人也聽到了，
  • minah...
    超過........
  • bsya hay ma kya.....kya kya ra...
    有一點久..可能..........
  • kya ma ..kya mkayan ka Gogan ma
    原來Gogan 已經講好了。
  • nyan lga.patus utux ga nyu kya ma nyu baʼun glu naha.
    來了!他們(桃園)跟隨的人都知道。有一把槍在那裡等待。
  • bsya hay ma ru
    時間有點久.....
  • kmayan kwara bkis ma.
    全部的老人家說(碧候)，
  • iyat iyat kya cyu cmuʼ piyit kaca ma.
    不是不是可能在射小鳥。
  • ita wayan lama gleng ha.
    我們先跑去前面也說，
  • kya cyu cmuʼ piyit kaca ma.
    那個可能在射小鳥。
  • mosa cami lma yaba mu.
    我爸爸說:我們要去了!
  • mnglun bkis naha bali nyu khani nyu tenah tenah ga.
    老人家想說:我們不是在走路，我們是在跑步。
  • yaca ka klokah naha la.
    他們的力量就到那裡了!
  • si te bsya hay lma ga.
    過了一段時間，
  • poʼ ma kaca cmu saʼing cmu lma.
    "波"又射了，第二次射了!
  • baʼ ma bkis.
    長輩知道了，
  • baʼ bkis ma ru
    長輩知道了!
  • cciri la.
    打戰了!
  • ciri laru ma kaca ka yaw naha.
    打戰了!這就是他們的故事，
  • ini baʼi babaw nya lga kya wa mgay byagun naha la.
    之後；跑掉及追他們了!
  • byagun naha lga kya masu ciri uyi la.
    追他們了，也差不多打戰好了!
  • ciri ru
    打戰，
  • kya beta micyu hay lga
    到現在了呢ㄝ
  • laʼiy micyu iyat ta psyaʼeh ungat nanu ini ta ci sli.
    現在孩子我們不能不和睦，不管任何事不能放上心上。
  • ana laʼiy ta wa kekong Toyeng uyi ha
    連我們孩子都到嫁到桃園，
  • ana laʼiy naha mwah kekong cahay yaw lela kaca heya，
    連他們的孩子也嫁到我們這哩，那是以前的事。
  • wa minas la.
    已超過了!
  • nanu micyu hay lga myasa uyi la
    所以；現在都很好了!
  • beta cahay keʼ mu la.
    我就說到這裡。