skalyal yow alang na lela - Pasang.Hayung（部落故事-韋建福）｜口語語料

mgluw ku bkis myanux beta misu ga,

隨著長輩腳蹤生活到現在，

tiyun mpitu kawas mu ,

已經邁入37年時光，

san mu kaca mita pinsba na kaba mu ga, ungat yaʼeh nya,

與長輩們學習生活智慧與技能多年，是吾一生的祝福，

ungat yaʼeh na pincbaq na ga,

所學習的皆美好也是智慧，

ru maki ku ana inu,

無論吾身居何處，

maki ku alang inu kung ga,

或腳蹤至任何部落及山野間，

mʼabi gbyan ga mgluw ku, sliq ku gluw mʼabi bkis.

我非常喜歡黏在長輩身旁睡覺，

a...uba mu ru kuying ga gluw mabi kryax,

也常常與祖父睡在一起，

piyux balay uw yow alang raran, pnʼeyuw saku nya,

常對我述說部落的故事與典故，

no maki samin yaba mu myanux yaba mu laga,

當吾與父親一起居住且學習泰雅生活技能始，

san mu kaca mita mkahun ku hetay(日) beta misu hey ga,

回想起從吾退役之後到現在生活點滴，

piyux pincbaq nya, piyux pincbaq nya,

目睹父親於泰雅生活技能與智慧領域，

no piyux baʼun mu alang uyi ga,

因父親的教導，我也認識了許多個部落的故事與事件，

alang alang maki cikeh yaw, yaw, yaw na alang ga, piyux hopa yaw.

在領各個部落間皆有許多大事件及故事。

na kyalaw maku MKwang na yaw cikah heya:

吾先敘述關於碧候部落(MKwang)的故事:

ana ta ini kyaliy lalu nya heya ga, kyalaw ta yaw na ga,

吾隱藏當事人的名字，只談談事件之始末及源由，

maki utux alang heya ga, Pyahaw heya ga,

這是關於碧候部落的故事，

Nipun ga: mxan bey tunux na mlahang alang hey ma!

日治時期的官員們說: 在南澳群泰雅族人中，碧候部落是最難管理!

san ta nanu mlahang Nipun ma a...MKwang?

日本官員說: 到底要以何方式管理碧候部落(MKwang)族人呢?

maki saʼing e...kyoray(日) kbaley pnenuq ha,

有二位兄弟正在製作弓箭，

kya mha nanu baʼa ta mhyapas ga!

也許是在嬉戲或戶別苗頭吧!

ca ktey, ktey ku pneluq mu myasa maha ma?

弟弟說: 看我製作的弓箭，很棒喔?

tuliq ma ga, suyan maha kasa mita ma ga,

哥哥也不甘示弱，亦向著弟弟炫耀自己剛完成的弓箭，

cbun nya la, salax nya pneluw laga, bun royiq nya laga, no mitux royiq nya la.

並往弟弟的方位試射剛製作完成的箭，不偏不倚射中弟弟眼睛而瞎了。

no yasa laga, musa miyuk ngasal uw wal buw royiq hasa kya mxan,

之後，被射中眼睛的弟弟忍著疼痛進入屋內，

musa magan pneluw nya uyi,

氣憤的進入屋內拿自己的弓箭，

spwah na tubung blihun hey ga,

並且自屋子的窗戶處往外方向呼喊，

cyu su maki inu? cyu su maki inu? maha wal na sbuw aw...maha,

哥哥，您在哪裡?您在哪裡啊?

nanu mxan royiq heya ga, maki iyik ru,

眼瞎的弟弟在屋內，

spwah na iyik smyaxang la,

以單隻眼睛從屋內往外瞧，

waw, laxan na pneluq nya wal bun la,

哇嗚!拉起弓箭往對方回聲處射出去，

si ksaʼing mitux,

兄弟倆都被射瞎了眼睛，

utux ga llaw, utux ga iyin, saʼing royiq nya ungat la!

一位是右邊眼睛瞎，另一位是左眼瞎了!

no babaw nya lwey, e...Kwanag uyi:

時光荏然，也是關於碧候部落事件:

maki ta i...hnuluy nya ita bkis ha ru la ga,

先輩們帶著族人遷徙至目前的村落，

maki ta rgyax, maki ta rgyax,

在舊部落時，在舊部落時，

ktan nya utux krima ma ga,

看見一叢竹子，

wagaw kmyasa utux rima hani ma!

這一叢竹子長的好茂盛啊!

kba kyan bling mahiy na bohuw(日),

竹叢裡一處凹洞，原來是颱風造成的。

naki nak Taywan heya,

在台灣呢!

tuliq hakun na gamil rima halan na kmuhi la,

會挖竹子的根拿去移植別處，

halan nya kmuhi laga,

種植了之後，

miya aki khboyaw ma! aki kmbhoyaw ma,

這樣才會更繁延!才會蔓延茁壯。

swalux pi? myasa bey ktan rima hey uyi ru tokubecu(日) rkyasan nya,

為什麼? 因為，這叢竹子很好看且樣貌也很特別，

ney ta aki kbhoyaw ma!

可以讓這叢竹子長的更繁延茁壯!

baʼun su haru, ita Tayal sgayan heya ga:

妳也非常瞭解，關於泰雅族遷徙事件:

ita Tayal ni ga, musa khholuy alang ga, maki 中央山脈 ga,

泰雅族遷徙區域及傳統領域皆在中央山脈，

ana kgi ga nuluw na nanak ey,

苧麻植株及用途也是族人自己發現的，

pagey sening ga nuluw na nanak uyi ey! pagey sening.

旱稻 (pagey sening) 也是族人發現其用途的。

Taywang ita Taywang Tayal ga:

關於台灣的原住民族:

pagey sening ga kahun Nipun, bney Nipun,

旱稻 (pagey sening)是來自日本，是日本贈與給原住民，

pagey nlwan heya ga, lalu san ma pagey nlwan?

至於，pagey nlwan 這種品種旱稻特色如何呢?

nuluw na pagey haca uyi, nuluw na.

也是泰雅族人在深山裡發現的品種。

nanu ʼlun na rima hey ma ga?

關於，看到這叢特別的竹子呢?

ʼlun naha rima halan na kmuhi la,

找到這叢特別的竹子是要拿去移植的，

tuliq la, mayah ma,

群找適合移植的旱地後，

utux mayah heya ru utux mayah heya ha,

在一塊又一塊的旱地試種，

atarasi(日) mayah kwara,

全部都是新燒耕的土地，

kya na khmeyan rima la,

將竹叢種植在新墾地之後，

tuliq laga, ini pung kyalun gamil rima la,

過些日子，竹根到處蔓延無法控制，

ru maras gamil ru musa, musa tonari(日) binah laga,

竹根到處蔓延，且往隔壁族人的旱地延伸盤據，

mhtuw ali la ma, mhtuw ali la ru knuhi rima heya laga,

春筍長出之後，種植竹叢的主人眼看竹筍蔓延到鄰居旱地，

e...ini, ini nanak ktey ma ali nya wan kura wan mʼapa es naha laga,

自己也沒辦法控制竹根的蔓延盤據他處，

wan na phgun ali ru wan na thkun wan na niʼun la,

鄰居族人將竹筍割下來也煮來吃了，

kmayal wan kmuhi rima hasa ma:

原種植竹叢主人反問鄰地族人說:

ma su wan galun ali mu maha ma?

您怎麼吃了我種植的竹筍啊?

baʼa mu ini galiy ali su la, ini...wan mu phgun?

我怎麼可能不割您種植的竹筍呢?

iyat kkuhi rima kung maha ma,

雖然不是我種植的竹子，

ana su ini kuhi rima ga, wa su phgun ali mu, aki tak biʼan maha ma!

雖然，不是您種植的竹子，割下之後也應該拿給我啊!

san misu nanu mey uyi la ru wan mu laxan la maha kmayal ma,

我要怎麼給您，何況我也已經丟棄了(避重就輕)，

yasa nak ali sinringan naha, ali sinringan.

因為，割竹筍是件成為彼此嫌隙主因及始末。

mkayal ngasal inu? ngasal sʼuliq ha, iyat na ngasal uyi,

到誰的家談判呢? 不在彼此的家裡，到第三者家處理，

ngasal suliq ma, nani su bey ki maha ma,

到他人家協調，您吃了我的竹筍這件事情，

si nya si lungan ksliq la, msaʼang la,

非常生氣也一直記在心裡，

tuliq la ma, nanu uw kmuhi rima hasa hey ma ga, wan tanux qbaq wan magan lalaw,

種植竹叢種植主人氣憤地出去，原來是要回家去拿泰雅刀，

mnwah magan lalaw la ma ru no naga tanux ru tleʼeng tanux ma,

拿著泰雅刀並躲在外面等候吃了竹筍的族人，

no hala qu la ki! maha nuw wa kuci kengka(日) saʼing naha ga,

那我先回去了喔! 在吵架有嫌隙的另一位族人，

hala ku san na uw tngasan san ma,

這位族人與第三者家戶主人道別之後，

musa tanux la ma, sparing na suruw ma,

這位族人在路邊小便，拿著泰雅刀躲在樹林裡的那位從背後砍他，

nyu thmuq ma, aring suruw si kuci,

在路邊小便時，從背後被另一位族人殺了，

si kuci ru ramu uraw ru hoyin syu mani kwara ramu nya.

血流滿地且群狗嗜血地上的血液。

lalu yasa? skura naha utux ali,

為了一根竹筍發生鬥毆喪命，

ali, knuhi ali ru wa ini pung kyalun wa mhtuw mʼapa alang na binah la ga,

竹筍，種植的竹筍隨地蔓延生長越過鄰居土地，

hey laga koremo(日) maha Nipun ma xaʼing tunux bey kwohe maha Nipun ma?

日本官員感嘆: 為了一根竹筍這件小事發生命案?

nanu si biq, biq mihiy, wan naha lhuyun Pyahaw heya la.

警察將另一位體罰之後，碧候族人隨即將他帶回部落裡了。

Pyahaw hey lwey ga:

也是碧候部落事件:

piyux bey yaw na Pyahaw ey, saʼang bey Pyahaw ey, tngarux ey!

碧候部落事件罄竹難書，該部落族人也相當慓悍善戰，

mkahun he, he, ...MGogan, ...yunang tringan na hasa, yunang,

因為獵場之爭，與桃園復興鄉(MGogan)族人，曾發生槍殺事件，

yunang Pyahaw hasa heya ga, baley bey yunang nya nanak,

所爭之地，該處確實是屬於碧候部落族人的獵場，

pkyalan na raran, Gaga ga ini ta hlapa,

傳統泰雅規範是嚴格規範不可越界他族人的領域，

wa su hmiriy Gaga heya laga, kmut tunux la,

若越界的話，必發生馘首事件，

malux ma ru Gogan wah malux kyan lmapa , lmapa hminas yunang nya Pyahaw.

為何會發生此嚴重的傷亡事件? 起因於復興鄉族人越界至碧候部落的獵場所致。

mayal Pyahaw ma: ungat wa maluq ita alang ey maha!

族人們反應並呼籲: 不曾有其他部落族人來碧候的獵場狩獵喔!

ima laʼi syu mlawa?

是誰家孩子這麼膽大包天、不守規範?

raran ga, qmalup ga, han smta,

早期，泰雅族狩獵要有突擊手，

突擊手，smta ga,

突擊手(smta ga)，

ye magan wahan wanux ha, hbyagun ta wanux la,

瞭解獵物走過的路徑後，獵人們帶著獵槍、獵狗追捕水鹿，

saygo(日) laga, ʼmwah miyuq ʼsya ha, ʼmwah nbuw ʼsya,

之後，水鹿也會到水塘喝水，

nanu mnaga kya uw ming lmung heya,

突擊手就在哪裡等候準備，

uw it ini tnaq lmung heya laga,

若突擊手視野不佳的話，

syan na laʼi mkaraw khoni la,

就會指派一位孩子爬到樹頂端處四處張望目視，

waw! waw! mlawa kya su baʼun ga, raran mrhuw na,

哇嗚! 哇嗚!在樹高處向遠處張望視野較佳，領袖這麼教導的，

ney kana uwah uw bheyaw naha,

才不會容易被敵人追趕，守護部落，

aki musa ey pneluq hasa cyu mlahang kya,

原本要到放置弓箭處，有族人在此守望，

pongan na laʼi ma, waw...waw maha, wan mtuliq laga Pyahaw.

聽到遠處孩子的呼喊聲後，碧候族人隨即登高一呼並備戰。

ey..., kmayal yaba mu ga: kya mpuw saʼing kawas ru mpuw kawas ma!

我父親說:有位年齡大約10或12歲復興鄉的孩子被殺!

wan na kutan no babaw nya laga, ey...Gogan hey laga, si nya si lungan,

孩子被殺的事件，復興鄉族人難以磨滅此恨且放在心裡，

si nya si lungan la ru kya na si skmayal Kwang hey,

此仇難放下，復興鄉族人們在部落鄰里間廣傳此殺孩子事件，

kya na san ma piyux bey kawas hey laga,

碧候族人也認為事過境遷了，此事件的記憶已煙消雲散，

piyux bey kawas hey laga, kya na wa yingyen ma lungan naha ga!

認為此事件已過多年，可能都已經忘記了!

ini nya yingyey.

復興鄉族人卻永難抹去此心頭之恨。

tuliq laga, Nipun uyi ga, ba bey Nipun hey uyi,

日本政府官員很狡詐，也瞭解事件的來龍去脈，

syugey simu yaʼaya patus,

與復興鄉泰雅族人說:槍枝借給您們使用，

ney mow nak aki alang...simu nak Tayal, simu nak Tayal ga kkut,

目的是希望泰雅族人相互殘殺滅吾族，

mʼelang mlahang simu maha,

日本政府懶的干預二部落族人們的仇恨，

nanu Nipun laga, ksyugan na patus la,

所以，允准借槍枝給復興鄉族人們使用。

ksyugan na patus laga,

允准借了槍枝之後，

aring, aring Gogan yasa si agan rgyax kya la ey!

從復興鄉群山越嶺跨越到南澳流域腹地尋仇!

maki utux san ma Kumay.Naru san na ga, yasa utux mrhuw naha,

有位古邁.納魯的領袖，

e...heya ga mwah nhuluy,

是他帶領族人跨越群山來到南澳群腹地，

iyat na alang kyaca,

非當地部落的族人的領袖，

ana ga ʼmwah tmwang,

是其他部落族人加入尋仇隊伍的，

ʼmwah bey ciriq, maha ke Nipun raran: baq bey ciriq kung pgleng cimu maha,

加入尋仇的隊伍，日本官員說: 您們非常地饒勇善戰，

trgun na knerin nya maha,

哄騙泰雅戰士的妻子們。

knerin: suxan ga, gibuq ta hayi musa mayah,

婦女們: 明天呢!早一點出門去旱地，

malux gibuw usa mayah pi maha?

為什麼要我們這麼早就去旱地呢?

iyat! musa mita snruw mu, maha kmayal ma ga, no musa ma, rasun na knerin nya ma,

沒事啦! 我要去巡視我之前放的陷阱，就帶著妻子準備啟程，

maha tekun tatak la ma,

快到旱地工寮前時，

usa lama thapuy isu san ma:

先生跟妻子說: 您先去工寮煮飯，

musa su inu heya maha ma?

妻子回: 那您要去哪裡呢?

musa ku KITa snruw mu!

我要去看之前放過的陷阱啊!

kbbah hayi knerin na,

他的妻子有些懷疑，

nʼaring gmyah tatak knerin nya, nʼaring mnahuw,

妻子剛開啟工寮的門，也開始起火之際，

mtalang mlikuy hasa la,

丈夫以飛快的速度離開，

mwah ima, ʼmwah mheyaw su wa lama myubang Pyahaw ha MKawang,

趕著去接應已經在往碧候處等候的復興鄉勇士們會合，

maki ru ʼwah Skikun la,

來到四季部落這裡了，

kyalun Skikun ma: musa mow inu maha? musa myan kmut alang Pyahaw maha ma.

四季部落族人問他說: 您要去哪裡啊? 我要到碧候去殺他們。

kyalun utux kahul Kinyang krakis maha, e...nerin maha:

有位金洋部落嫁到此的婦女說:

lalu ma mow han kmut alang ma mow?

您們為什麼要來此地殺碧候部落族人呢?

yasa yasa maha ma, wa kmut laʼi naha ma,

他把來龍去脈敘述著碧候族人殺孩子的事件，

kax, laxiy yasa la, si swaliy maha la ma:

婦女回答說: 原諒他們，將此事隨風而去吧!

musa ma bey, mhmut kmayal laga, kutan misu san na kmayal uyi ma.

我一定要去，妳再說我就殺了妳，

tuliq la, nanu renwa knsat la ma ga,

婦女擔心害怕，打電話到駐在所告知警察此事，

kba bey knsat ma, renwa na knsat ma,

婦人知道警察可以處理，所以打了電話給警察，

wayan la...wayan uw KGogan musa kmut alang Pyahaw ma,

他們過去了! 復興鄉族人到碧候部落馘首了，

tuliq galun nya ni Pyahaw uw 消息,

碧候族人也得知消息，

maki renwa sbaliq nya raran,

以前，部落駐在所有電話可以在各部落間及對外聯落，

ʼmwah Pyahaw mkhani MGogan ʼmwah kmut simu ma,

復興鄉族人要來滅殺碧候族人事宜，

ana laʼi, ana bkis, ana ngasal lomun kwara maha ma,

包括孩子、長輩們及所有的房子都要燒了，

no san nanu ma Pyahaw? Mkowang.

族人們非常擔憂害怕，怎麼辦啊? 碧候族人們。

ungat kwara seneng(日) wayan ryoko ruma,

年輕人都不在，有些去遠遊嬉戲，

waya posa rusa ruma, ini kaki ngasal,

有些入山去放置陷阱，不在家裡，

具， musa mhkani patus ini ʼluy uyi,

去找獵槍也尋不著，

pnelux ma ru, patus ma ru cikah, ini khmey,

無論是弓箭、獵槍找到的也沒多少件，

pika ruma mitux royiq ruma ma mosa,

有些瘸腿的、有單眼瞎的都派上用場去抗敵，

mosa, baq bey mnglung Pyahaw ey Mkwang ey uyi,

若要派殘缺的族人去勢必敗仗，碧候族人也善於思考用兵，

iye ta si aki alang ,

我們不要留在部落坐以待斃，

wahan ta nya blmong kutan ta nya kwara,

等著束手就擒非上上之策，

hata mstna ma! musa mstna inu?

直接迎面應戰! 到哪個優勢的地方等他們?

rgyax Skikun san ma Sokan, Sokan ga nanu,

到四季部落稱Sokan的地方迎面應戰，

kba nyu lama iy tleʼeng kya uw mkahul Gogan heya la, suruw parung ma ga,

來自復興鄉族人們，已經躲在檜木林後面備戰，

ru hyupan nya parung maha: baʼun mu nyu su tleʼeng kya kwara ma!

碧候族人對著躲在檜木林後的復興鄉族人們呼喊說:我知道您們躲在那裡!

seneng (日 ) nya uyi Mkowang ma ga,

因此，碧候部落年輕族人們，

wa si saniy kssaʼang na ga,

非常生氣的奔跑過去，

wa si ptalang seneng(日) hey, ini nagan bkis uyi,

也不等候長輩們就衝向檜木林去應戰，

plga ta ma bkis ma: ini ma, usa lama ma.

長輩們說: 我們一起去啊! 年輕人腳程比較快。

tugan ku ryax wan hnasun,

大約三天路程之差距遠，

su tehuq kya seneng(日) hey laga,

年輕族人早已搶先一步到現場，

kmayal ku utux Pyahaw no bkis heya laga:

有位碧候長者看到路徑上的腳印說:

iyat ey rapan nya pi? kyan gyus na ma, 有腳印逅，

這些不是年輕人們的腳印嗎?

ima su lalu maha Pyahaw ma ga?

碧候族人就請問他們的名字?

mtuliq kwara mkhaniq Gogan maha,

一起去巡找復興鄉族人落腳處，，

kba nyu msuruw parung ma,

原來他們躲在檜木林後面，

no kung heya ga yasa, kung lalu mu ga yasa ma,

碧候族人大家說出自己的族名，我是誰! 我是誰!

kung ga Wilang.Taya ma,

有某位族人回應: 我是威浪.大雅，

kuying heya ga ey...Kimey.Naru maha ma,

另一位說我是葛昧.納魯，

nanu yasa laga, psbuw la!

知道是自己碧候族人就開始開槍，

pongan su pung, pung, pung, seneng(日) wa hminas tugan ryax,

聽到遠處有砰砰砰的槍聲，是早三天到現場的年輕人所為，

hmwah lwey mbinah la ma, si ʼmwah toruy ma,

再返回來時，復興鄉的族人也一個個倒下來了，

si uwah mtoruy, si uwah mnagan patus ma, si uwah mtoruy kwara,

都被碧候部落族人槍殺殲滅，

khmey bey baley wan mhoʼing,

全部都被碧候部落族人趕盡殺絕並槍殺殲滅，

ana ga, betaq pucing, pucing laga,

但是，激戰到最後，

wan naha bun uw nhuluy san ma Kumey.Naru laga, wan binah la,

帶領碧候族人應戰的領袖古昧.納魯也犧牲了，之後返回部落，

wan binah laga, MKuwang nyu msaʼang la.

全碧候族人耳聞此事，都非常的氣憤。

yaw ey ga!

關於這件事呢!

pilaw hey la, mpu kawas msyaw hey,

大約十年前左右，

laʼi magow(日) mu, wa kekong(日) alang nya kya,

我的孫子出嫁至復興鄉那個部落，

ʼnya utux bkis naha,

有位長者過來，

ʼnya utux bkis naha, si bey isengyeng(日) pila,

拿壹仟元給我們，

snʼasu...e...bnsya ta cikah ma.

欲言又止的說: 這是賠禮的規範。

yaw hey skayal na:

關於這件事情，他們要說的關鍵是:

iyat pyanux laʼi ma,

孩子們不會活長久(被咒詛之意)。

kyalun yaba mu: iyat alang myasa alang MKuwang wan mu san na.

我跟父親說: 對方家族說碧候部落不是友善的村莊。

ru maki utux lwey san ma, Yukan.Apat baʼun mu,

還有另一件部落故事，關於尤淦.阿拜族人軼事，

(No Record)

鄭光博(漢人)有採訪過，

wan buw pneluq ey,

尤淦.阿拜被箭射，

wan buw pneluq ru nhoʼing ha,

被箭射死，

laxan nya kya, ska bengiy mgey kwara, mgey kwara wan mkahul Gogan,

他的遺體被留在現場，半夜了其他族人皆逃跑，是來自復興鄉族人，

Gogan musa mʼabi beh Skikun kya ru nyu mlawa heh nhngan,

復興鄉族人在四季部落夜眠休息並備戰等候，

waw, waw, waw, ʼnyan lwey! ʼnyan lwey maha!

喔，喔，喔，又過來了! 他們又過來了!

tuliq kwara ini lokah ru ungat nniʼun naha,

大家驚醒起床，族人們疲倦又飢餓，

ktan ga! gluw naha nanak,

一看! 原來是自己的族人，

no pneluq hasa laga, pkatan nya lluy lalaw la ru sklan na boniq ga,

將弓箭綁在刺刀的頂端並拉起弓箭，

boniq ka slgan boniq ga.

把箭拉弓備戰。

beta ey...kya pitu kawas wan mhoʼing la,

七年之後他也往生了，

wah mwah kyokay mang,

他也來過我們的教會，

yaw hani ga, maha kasa yaw hey heya.

這件事情來龍去脈是這樣。

no alang iy, alang iy Hagaparis heya ga,

關於哈卡巴里斯部落故事，

wan mu skayal ma: wan na tukan kwara paris no wan nya kiʼan kyasa la.

我簡單敘述: 族人殺了那些砌石的敵人後族人就居住在這裡之意。

nanu MKryoheng heya ga,

流興部落故事是這樣，

maki utux yaw na yasa heya ga,

有一件膾炙人口的事件，

baʼun ta ma Sayun.Haru baʼun su ga?

您知道這件事情嗎? 關於莎韻.哈露這位女子的軼事。

Sayun.Haru heya ga, sngsiy na ru sngsiy na uyi ru knsay nya uyi,

莎韻.哈露她協助日籍教師揹負行李而失足溺水，

no socyugo(日) Sayun.Haru heya laga,

莎韻.哈露學校畢業之後，

i...utux san ma 田北 sngsiy,

有位日本警察田北正記警丁日籍教師，

musa 南洋戰爭，

被徵兵要去南洋戰爭，

海南島 musa hetay(日).

要去海南島打仗。

ru maki utux uyi alang, alang haca,

有一個部落，那個部落，

Tlangan uyi ga, hetay(日) 回憶 kyaca uyi,

就是武塔部落(Tlangan )，也是關於戰爭回憶錄，

no gbyan hasa ga,

有天夜晚，

sʼesan naha kwara, raran musa hetay(日) ga, sʼesan naha ga,

族人們為要去當兵的年輕人餞行，在一起歡慶飲酒歌唱，

sʼesan pspʼowas naha ru yugiy cikah,

也高興的一起跳舞讓歡樂，

nanu halan na smatuw beh alang Nang_ngo hey ga,

隔天，族人們就送要去當兵的孩子們到南澳，

no Sayun .Haru, tugan knerin tugan mlikuy , mwah mpanga ga,

莎韻.哈露一行人，有各三位男、女生同行，

nyu tʼoswey(日) hayi biya sinsiy heya ma!

田北正記日籍教師稍晚到，

kba maki na uw Kinos su hya ga slhaw kya heya ga,

原來日籍教師在奎諾斯部落哪裡聊天道別，

ʼmwah lama knerin heya ga,

女學生們先下山，

no alang Buta sya(日) heya ga,

大約近武塔部落前，

sn_ni Mkowang Pyahaw uw saʼing hongu, hongu khoniq ga,

經過碧候及武塔部落族人，所建造簡單的二座獨木橋時，

nanu ʼsya ga hminas cikah kya.

因下雨大水漲過獨木橋且濕滑，

no knerin yasa heya laga,

女學生經過獨木橋時，

mngungu karaw babaw hongu,

女學生害怕經過濕滑的獨木橋，

toyah psi na tunux,

將披肩綁在頭上，

si boyow laga, kya ima wa mtʼapik kakey nya wa mtoruy,

然後，還是勇敢的走過獨木橋，有位女學生不幸滑倒落水，

no Sayun.Haru beta misu ini ʼluy ga.

之後，一直都找不到莎韻.哈露的大體。

nanu Nipun raran heya ga,

日治時期，

alang KRyohen ga msaʼang,

流興部落族人個性特質是非常的勇猛善戰，

samin nanak alang Tayal laga,

日治時期官員管理原鄉部落，

saw simu simu anta no tame ni(日),

泰雅族人氣憤地說: 都是因為您們日本人，

musa smatuw simu ru ma wayan mtoruy laʼi mu knerin ungat la?

為了去送行田北正記教師，女學生落水溺斃且不見蹤影?

uwas nya hasa ga,

莎韻之鐘歌曲裡的內容是這麼形容的，

lalu ma?

歌詞內容述說什麼呢?

piyit ma ru Sayun ga, wan biya Nang_ngo ma,

有一隻美麗的鳥和莎韻，往南澳的方向飛翔著，

ktan piyit maha alang na ga,

部落族人看見小鳥在樹枝頭上棲息，

su mʼowas babaw khoniq ga,

小鳥獨自在樹上悠揚聲啾啾啾吟唱著，

ini ktey Sayun heya ma owas na!

卻看不見莎韻.哈露泰雅女子的身影!

nanu alang hey laga,

因此，之後這個部落，

aki kmut Nipun pinsaʼing inlungan naha,

族人想要殺日本政府的意念，三心二意猶豫著，

tuliq Nipun kba bey,

日本官員知道族人的心意，

usa nak kbaley utux yani 紀念碑 la,

就在部落設置了莎韻.哈露的紀念碑，

syan na utux kaney(日) la, kong 有沒有，

也賜流興部落銅鐘紀念莎韻.哈露的事蹟，

ru sʼesan na ru kyoray(日) na ey,

日本政府的意圖，是為了要消弭莎韻.哈露親人們的憤怒，

nanu yasa uw wa ini kʼyaʼeh mnglung alang hey.

也試圖以此方式來撫平，流興部落族人們的恨意。

no babaw nya laga,

事過境遷之後，

baʼun ta alang musya(日) na 事件，

關於，南澳鄉事件，

maki gleng ita heya, ita, ita Nang_ngo(日) heya ga, maki ku 事件，

泰雅族是最早踏足在這裡的，在南澳流域區域有許多事件軼事發生，

sʼehun na baley Nipun raran ʼmwah mlahang ita,

泰雅族人是非常不願被日本政府管理，

Sengrang(日) hey ga, Sengrang heya ga,

在璇檀這個地段，

Sengrang heya ga, yasa bey khot baley, khot baley alang ga,

在璇檀這個地段，地貌非常的狹窄的部落，

thaley ta baley ma, Nang_ngo go(日) hani ma?

我們遷徙到南澳鄉這裡好嗎?

nanu yasa ku mkayal kwara ku mrhuw mrhuw ma ga,

舊部落的領袖們一起商討遷徙的可行性及細節，

e...krgyax ma, pah maha patus maki yatux ma ga,

登高一呼且射槍表示族人皆認同遷徙事宜，

no uwah biya ta la maha ma,

那各部落的族人們一起舉家遷徙下山吧!

Mkuwang heya ga?

至於碧候部落族人呢?

pong maha matus uw Kinyang heya laga,

等待著金洋部落族人射槍生後一起下山，

Kinyang heya laga, nanu hata la ma!

金洋族人登高一呼: 族人們，啟程吧!

makey(日) uw Kinyang uyi ru si utux san ma Ngungu san na la ga,

(無中文紀錄)

Mohen yakusyo(日) no hogan maki kya Ngungu ga,

Ngungu的地理位置，是在莫很駐在所的下方，

Kbabaw ga yaca uyi Ngungu,

Kbabow的位置，在Ngungu的右上方，

nanu maki uw alang ta raran ma.

我們的部落就在那個區域。

hata la! pkyalan na mrhuw mrhuw na ru tomok tomok na, kkyalan ta,

啟程吧! 此決定經過各部落領袖們的討論協商後的共識，

khaley ta bey Nipun bey maha ma,

勇士們決心要消滅日本人，

myasa baley utux tunux na bkis ey, ima! Abin.Yuraw.

有位令族人敬佩的長者阿彬.優勞，很有智慧且慎謀能斷，

Abin.Yuraw hey ga ima? Tlangan 的一個頭目,

智者阿彬.優勞是誰呢? 他是舊武塔(Tlangan)部落的領袖，

(No Record)

也就是高鳳嬌的那個外公。

tehuk kya kwara sʼuliq ma ga, msli la ey, msli la Tlangan kwara,

到達該地之後，各部落勇士們聚集在舊武塔(Tlangan)部落這裡，

aki na wahan kmut Nipun maki ita Singan hey ma ga.

族人們的共識希望在南澳(Singan)這裡起義殲滅日本人。

kmayal Abin.Yuraw la ma:

領袖阿彬.優勞勸勉族人說:

laxey ta mciriq ha ku maha ma?

我們不要起義了，大家的見解如何?

ana ta si mciriq mciriq kryax laga!

就算起義，冤冤相報何時了!

musa ta maha nanu myanux kwara laʼi ta maha ma,

我們的後代子孫要如何過蒙福的日子，戰爭讓大生活也不得安寧，

wa maha nanu kwara bkis raran?

因為戰事，想想先輩們的日子如何呢?

wa si pung ke naha uyi ru,

勇士們安靜也順服長者阿彬.優勞的勸勉與叮嚀了，

wa si pung ke naha kwara uyi ru,

族人們也都順服聽長者言而行事，

wa na laxan kwara yow, binah kwara lwey,

勇士們放棄起義事宜，且各自回所屬的部落了，

ungat heya ga, ungat heya tasukeru(日) ita Nang_ngo go ey ga?

若不是領袖阿彬.優勞，以智慧循循善誘勇士及族人們？

aki maha nanu sekacu(日) ta beta misu! ini baʼiy.

南澳群族人的生活不知道會怎樣。

mayal Abin.Yuraw, Abin.Yuraw:

族人們提到智者阿彬.優勞時，都會豎起大拇指說:

myasa baley utux khnalay knbaley klahang nya hasa,

他帶領與治理部落的方式及以德服人的態度非常優秀，

laxey ta mciriq ha ku!

我們以德報怨放棄戰事吧!

ana wan maha kaca, ana waha ma kaca ke maku ga,

雖然，這樣處理模式也很難苗弭眾怒，

galaw mu ke ku ey laxiy ta la,

我們攜手忘記背後、努力面前，

nanu si ta tcingiy hani uyi yow hey laga, laxiy ta!

把所有的怨恨消散且釘埋在這裡忘記他吧!

ana ta si ttu mkkut kryax laga,

就算繼續打殺殺、永無止境，

iyat ta kyanux kwara alang, ana kwara laʼi iya pkyanux ma,

部落也不會有安寧日，禍患無窮綿延後代子孫，

nanu wa nah pungan ke Abin.Yuraw hey ga,

因此，勇士及族人們順服於領袖阿彬.優勞勸勉放下屠刀，

wa san kaca mita ma yaba mu raran bkis ha ru,

這是我父親的見解與看法，

myasa ku utux khlangan nya uw ku ʼray mrhuw ey ga!

這位領袖實在是一位以德服人的領袖啊!

syu maki beh alang Tlangan mrhuw ey, 頭目 ey,

這位長者住在舊武塔部落也是該村莊的領袖，

no ana si pongiy ma, ini na laxiy mciriq, laxan na mciriq la.

耳聞此事件，結果是: 族人們皆取得共識放棄戰爭事宜。

no san ta kaca mita kwara ga,

綜觀所有的部落事件，

alang Iyu hey ga, ma na san ma Iyu?

至於，東澳部落族名為何稱Iyu?

piyux baley kinsyoren(日) ga, iyu san naha Iyu.

早期，東澳部落遍地長了許多的珍貴藥草金線蓮，故稱Iyu(藥)。

no Nipun hey la mwah Kiyang hey laga,

日治時期的金洋部落，

knhoyan cikeh raran ru llyung hasa!

部落附近的河流有採砂金，

maki cikah king ga, khoyan na raran,

早期，因為河流有開採砂金，

yaca san ma Kinyow san ma Kinyang san na yasa, no uw ey alang.

故日政府稱部落名為Kinyow，此是金洋部落族名之源由。

ru cipuy, cipuy alang Siyaw ru Muyaw ga, cipuy alang hasa heya.

金洋部落左下方有一些小的部落 Siyaw、Muyaw(澳花)。

ru pucing laga, kuying la, kuying laga:

最後，簡述我自己的生命故事:

pgluw maku bkis ey yaba mu,

思想起我跟隨父親腳蹤的憶往，

aring laʼi beta misu sekacu(日) ga,

從小至今與父親一起生活的點滴往事記憶猶新，

nyu ku mʼes baley,

一抹微笑在嘴邊且內心是喜悅的，

kwara iyat nanak kbalay, kmayal, .

源自父親不只學習編織及生活技能而已，還有口述歷史。

iyat uyi ga,

及習得其他泰雅文化相關的知識，

musa ana inu gakow(日) psbaq yow na rekisi(日) na ita Tayal hey ga,

並到個各學校教導關於泰雅族語文歷史等，

ulung su yaba mu snbing knang,

慶幸，先父留下這些泰雅語文及生活智慧予我，

smbing knang kwara yow ey ga,

父親先見之明遠見，留下這些泰雅語文及生活智慧予我，

ana lalu kwara nyu maku baʼun, baʼun mu mtiyaw,

豐富泰雅語文歷史的知識及男子編織等技能，

nyu ku nak pngatan bey uyi,

來自各方機構、學校及單位的邀約不斷，

musa bey cikah Sinciku(日) uyi,

足跡遍及新竹，

musa cikah Byoricu(日) uyi,

也到過苗栗，

musa inu, inu inu kwara,

到處接受各方單位的邀請授課，

nanu san mu kaca iy mnglung kwara mtiyaw ku kaba mu raran ga,

憶起先父生前在泰雅語文領域的貢獻與成就，(Hayung.Yurow韋清田耆老)

ita yani hey kawas laga, mpitu pgan kawas laga,

於吾已經邁入70歲高齡之際，

galaw ta naha baley ptiyaw Kaxat uyi la!

接續先父傳承泰雅語文使命，自己的語文自己救!

nanu san ma musa ta gmayang yow na Tayal,

因此，我們要永續傳承泰雅族語文及生活智慧，

iyat ga waha mnanu uw knaxan Tayal raran,

傳述泰雅族人過往遷徙、部落故事及生命史，

es usa ta usa ta kmayal,

繼續，繼續傳揚世世代代，

ru pcbaʼan ta, ana iniq tna sizyoku(日),

在不同族群間永續教導並述說泰雅語文的美與豐富內涵，

ana nak Kahat, ana nak Tayal,

無論漢人或原住民族人們，

ney aki nya baʼun yaw na Tayal, rekisi(日) kaki na babaw uraw ey,

認識並永續泰雅語文智慧，在這個地球村裡被看見與賞析，

ita ka Tayal maki Taywan ey,

教導在台灣的原住民族人們認識泰雅文化，

no kwara kinbaʼan mu misu kwara ga,

及後代子孫，

nyu maku si scbaq laʼi mu lwey.

也包括我的孩子們。

laʼi mu scbaq mu laʼi mu lwey,

我也一樣繼續在教導我的孩子及孫子們，

khmey hayi na hnluy maku kwara laga, syu magan sinsiy uyi la!

桃李滿天下且有些也已經也是原住民語文領域的教師囉!

ana nyu benkyo(日) hopa tunux na misu raygakusey(日) uyi ru ,

也教過許多就讀大學也教過許多就讀大學的學生們，

seyto(日) uyi misu ʼmwah mkhani kinang uyi,

有慕名而來登門請教吾關於泰雅語文的各方人士，

mwah mhkhani knang ru beta misu ey, no misu hey laga, ulung su kmayal yaba mu.

爸爸有遠見，直至目前依然紛至沓來請教。

南湖大山部落學校 heya ga,

關於泰雅族南湖大山部落學校源起，

mokuhyo(日) Tayal,

目標是傳承永續泰雅語文，也是台灣第一所的泰雅族部落學校，

ney aki baʼun kwara Tayal.

孕育養成有豐富語文涵養的泰雅子弟們。

yaba mu hopa kawas la,

父親年紀漸入老邁之齡，

lungan yaba mu heya ga,

心中有個懸念及目標，

baʼaw ta ungat uw ssbin ta yaw, yaw Tayal raran ma,

在有生之年，實踐並傳承永續泰雅語文的時間有限，

no maki yaba mu ga, gyagan na cikah ma,

宜蘭泰雅族部落公共事務促發展協會，邀請父親擔任推動委員，

(No Record)

推動委員的...南湖大山部落學校，

tuliq yaba mu laga, nanu msli msli kwara mbkis ga,

父親欣然答應並廣邀各部落耆老共襄盛舉，

ʼlun, ʼlun, ʼlun na kwara yow hey la,

部落學校成立並與耆老們建置泰雅族部落學校知識架構，

no piyux si sey ma tugan ka payat kawas laga,

父親生前不遺餘力地在部落學校授課約三至四年餘，

mgluw cikah pcba 南湖大山部落學校 ey,

目睹泰雅族南湖大山部落學校的茁壯建樹，

khmey sngsiy mgluw heya.

部落學校教師團隊們及志工與父親齊學習及授課。

a...kung heya ga! aring ku laʼi ga mgluw ku heya,

我從小自父親語文生活實踐下，耳濡目染薰陶養成，

nanu...piyux yani sbiru heya ga,

寫書紀錄方面我較不擅長，

baʼa ta ini hayi kba sbiru heya ga,

並非我完全不會書寫記錄，

skayal ga baʼun mu kmayal kwara yow heya,

而是，較擅長關於泰雅族文化方面口述歷史，

no alang uyi ga, ana beta misu ey ga.

在部落鄰里巷道間口傳實踐。

kmayal yaba mu ana ku musa ma ga,

父親再三叮嚀吾:

ana ku musa babaw nya laga,

以後，爸爸離世時，

yasa iya laxiy e...pncbaq misu ,

不要放棄並永續泰雅族語文瑰寶的傳承，

yasa krgangiy kako(日) mu kmayal ru ,

並且依照爸爸所口述的照本宣科傳承永續，

ana ke mu si sey kaca kmayal ma,

照著我所說的不得隨意更改，

nanak baley ke Tayal ga, ka bey laxiy ma yaba mu,

惟有泰雅族的語言精隨，絕對不能遺忘或放棄，

ke ta Tayal ga, mkahul su inu ma ga?

泰雅族語有句話說: 你來自哪裡啊?

musa ta kyalun babaw na ma, kahul su inu? musa baʼun la, 對不對?

血脈代代相傳及遷徙各處後，也會問:你來自哪裡啊?對不對?

mkahul su inu?

你來自哪裡啊?(是否同血脈根源之意!)

kayal kung ga Tayal kahul ku inu!

我會回應說:我是泰雅族人，來自哪一個流域與部落!

yasa ga icibang rayzi(日) heya,

那是非常重要的訊息及歸屬感，

ini su kba ke kmayal ke Tayal ga,

若你不會說族語的話，

iyat su kba kbaley uyi ma,

也不會彼此認識，也會產生誤會，

ana lalu, ana kbaley kiri,

包括姓名、編織器具也會不懂如何編法(編織器具皆有族語說法!),

kbaley luhung, kbaley ngasal, kbaley kobu(日), kmalup, .

甚至於製作杵臼、建造家屋、器具、狩獵等，都不可能習得男子技能。

iyat ga knerin! lalu uw ini tringiy knerin,

女人呢!必須善於女工，

knerin heya ga tminun haru,

專精於泰雅女性編織，

timinun knerin heya ru mahang ngasal ru mtayaq,

女性的要善於編織、相夫教子及耕作等職責，

mlikuy heya ga kmalup ru mlahang Gaga ru mlahang laʼi,

男性要擔負家庭主要重責、謹慎自守並管理泰雅規範及狩獵，

e...mlahang laʼi mlikuy , kwara yaw babaw uraw ga,

泰雅男子必須受家人和族人敬重並肩負家庭及部落重責，

mlikuy ga, hopa laga si sey mlikuy mlahang,

因此，男子長大成人必需擔負家庭重責，

knerin heya ga, hopa laga, musa maha nanu raran?

女子成人後，早起部落有什麼樣的典範期待呢?

nanu skita maku raran lwey ga, kyalun mu yaki mu, lkaki mu,

從我先祖母及祖母們們身上，聽聞與目睹的，

malux mʼalux reyas su san mu?

為什麼您們額頭、臉夾上會文面呢?

iyat mhmut kmayal, sangun ku na,

祖母罵我說:不要隨便問，

psaniq kmakyal spata,

這是犯了泰雅的禁忌，

patas heya ga, hopa kawas salay la ma ga,

關於文面事宜，每位泰雅族人適齡時皆必須要接受的儀式，

mpuw msyaw kawas la ma ga,

大約10幾歲後，無論男女性皆必須要文面了，

baq su mtiyaw la ma ga, ptasan su naha la ma,

象徵泰雅男、女性們，已具備泰雅族相關條件方可文面，

ini su na ptasiy ga, ini su kba tiyaw nanu uyi ru,

若未文面，即表示你不具備相關條件也是辨識同族之意，

iya su Tayal uyi, kutan ta naha tunux.

你不是真正的泰雅人亦非吾部落族人，會被馘首的。

mlikuy heya laga!

至於男性呢!

wa su na ptasan ga, mlikuy su baley la,

若文面了! 族人皆稱讚為真正的優質的泰雅男子，

ana su magan knerin, ana su tkbaq utux ngasal uyi,

可以娶妻生子了，也可以成家立業囉!

maki nak sekacu(日) su la.

也有屬於自己共組家庭的目標了。

knerin uyi ga, ptasan uyi laga, knerin su baley la!

至於，女性呢!

knein su baley uyi la ru ana si kmyasa laʼi su knerin ma,

被稱讚為女性中的翹楚，就算您的女兒非常的優質，

ungat patas ana mlikuy, ana knerin, ungat ʼmwah mita isu,

若沒有文面的話，無論適婚的少男少女們，也不會被相中，

mlikuy uyi ga, knerin uyi ga, ana ungat patas uyi ga,

男生或是女生，若沒有文面的話，

ana likuy iniq ksliq isu.

也不會被適婚的少男少女們愛慕。

maki utux alang, camin Hagaparis heya, Iwan lalu nya,

卡巴里斯部落，有位 Iwan的女子，

iyat isu Iwan, Iwan ey!

不是妳哈! Iwan 老師(語推人員)!

ru sʼaring i...民前出生的, ini ptasiy,

民前出生且沒有文面的泰雅女子，

wa beta misu ini ptasiy heya?

為什麼到適婚年齡還未文面呢?

ini ptasiy ru swalux pi? ini kbaq tminun ma.

為什麼沒有文面呢? 主要是因為不會泰雅女性編織。

ana si sangiy lkaki na ru yaya na ma,

就算祖母長輩們即母親怎麼訓誡她，

ini, ini bey kbaq tminun ma!

她怎麼學就是不會傳統地機的編織技能啊!

yasa si tama syaw sakaw kryax,

無奈地，只能在編織床邊，看著大家織布，

no btiyan, tiyan kryax, ini kba tminun ma,

只能持續捲線，做捲線的工作，

tehoq kawas nya laga, mtiyun tiyu laga,

已屆46歲的Iwan已超過適婚年齡了，

mtiyun tiyu laga,

當她46歲時，

Nang_ngo ita Nang_ngo go(日) no Tayal,

屬於南澳群服飾的編織紋路，她都非常熟悉且易如反掌般，

lukus tuyu, lukus aha, lukus aha haca ga knerin ma,

舉凡男著短衣、女性服裝都難不倒 Iwan，

lukus tuyu ga mlikuy haru, heya tninun kwara la,

短衣是專屬男子穿著服裝，也都沒問題，

mtiyun, mtiyun tiyu kawas nya laga, baʼun nya tminun kwara la!

當她46歲時，泰雅女性編織已經可以駕輕就熟囉!

san kaca kesang(日) ga, wa ku nak msya uyi mnglung hey,

憶起此事，我也會暗地裡竊笑著，

(No Record)

婚姻道路啦!愛情長跑，

ungat la heya, malux pi?

婚姻的路因此而蹉跎，

mtna heya uw kawas laga, wa yomey(日) kwara la,

她也已經邁入晚年，適婚年齡男女也都嫁娶了，

waya yome(日) mlikuyi uyi laga, ungat ksli heya, wayan kekonng(日) kwara uyi la,

部落適婚少男年齡差距之因，也難以匹配成夫妻，

nanu si sey ma nyu huruy(日) la, nyu bkis uyi la, ima pagan heya uyi la,

她也老了，誰又會娶她了呢?

babaw nya la, wan mhoʼing knerin nya la,

之後，有位妻子往生的鰥夫看上了Iwan，

no magan heya la, utux bey laʼi nya, utux baley laʼi na.

這位部落的男子娶了她之後，有了一個孩子與鰥夫共度餘生。

nanu ktey, raran heya ga patsan heya ga shopa na baley mita,

從這件事情來看，早期泰雅族人是非常重視文面事宜，

patas heya ga, knerin su baley, knerin ku baley la,

已經文面的泰雅男女，象徵裁示真正的泰雅人，

likuy ga, mlikuy ku baley la ma.

文面男子稱之為真男人。

nanu maki patas laga, sʼonun la, sʼonun la,

文面之後才夠格可以結婚生子並成家立業，

nanu ana mgluw la ru utux ana kekong(日) ,

允准在一起才可以結婚，

no utux ngasal na maki.

也才會有擁有屬於自己的家庭。

no san mu kaca mita aring raran ru beta misu no alang hey knita maku kmyanux maku ga,

我的人生，從以前到現在，

nhoway bey lkaba mu, nyu ku ny sbilan,

感恩吾先父，留下好典範及謀生的技能，

no ini ku ...ini ku kyubing uyi,

我也不藏私且傾囊相授，

usa inu ma galan maku nyu bey sbaliy ma, uwah sbaq cikah, uwah sbaq cikah,

各處機關、學校或是個人，都來電爭相邀約我去授課，

ana 中興大學、慈濟科大, halan mu kwara, halan mu pcbaq kwara yow na Tayal ey,

舉凡中興大學、慈濟大學等大專院校，我都授過泰雅文化相關課程，

ney aki na baʼun ma Tayal, maki babaw uraw, maki kʼyanux na maki Taywan gey ga,

讓世人明瞭居住在台灣的原住民族的生活智慧與文化瑰寶，

kba ma kasa, ney na baʼun kwara yow alang ey,

"原"來這麼美! 認識原住民族群各部落的文化精隨，

e...maha kaca kmayal kwara yaw mu tiyaw, kʼyanux maki babaw uraw Tayal hey.

述說吾此生在語文領域的種種，難以隻字片語道盡所有泰雅文化之浩瀚精深!