skayal yow na c'oli mluyak（獵人的故事）｜口語語料

lalu su Tayal?

訪問者:請說您的族名?

lalu mu ku *(maku)Tayal ga Yumin.Yawi,

我的泰雅族名是尤命.雅裕

calay ci lalu mu cyukoku(日) *(ke thelu) ga ...，

我中文的名字是呂福民，

nhotow maku *(ʼra) urow hey *(hay) ga,

我出生在這地的日期是...，

miman pitu kawas,

57年，

mpu byacing, utux kayal, ...aw.

10月1日*(天)出生。

nhotow caku maki beh Pyahaw alang hani,

我出生在現在的碧候部落，

aring pisa kwawas ga taring su musa mluyak?

訪問者:您幾歲開始狩獵的?

aring caku cyugako-san-nese(日),

我在*(從)國中三年級的時候就開始狩獵了，

san-nese(日) ga?...aw.

訪問者:三年級嗎?...是的(受訪者)。

ini cyaku *(caku) beng-kyo *(bengkyo)(日) la!

國三就中輟了!

tiyow *(tiyaw) caku soʼon *(sʼun) caku yaba mu ʼra la, tiyow *(tiyaw) lahuy la,

跟著我的父親學習農耕及狩獵*(做山上的工作)事宜，

kmuhiy *(muhi)sitake(日) ro *(ru) musa mluyak.

種植香菇及入山狩獵。

musa su mluyak ga tbuci su nanak musa mluyak?

訪問者:您去狩獵是獨自入山嗎?

ruma ga buci nanak uy *(uyi),

有時候也是會獨自入山狩獵，

ruma ga mluw khmey *(may) hayi wakay-seneng(日) ga, musa mluyak,

有時也會組狩獵團入山狩獵，

ima wan sya *(su) na *(nya) sbaʼan am, san kenu mluyak ri *(ru) san kenu posa toya?

訪問者:是誰教導您如何狩獵及放置陷阱?

wa cu nya sbaʼan posa toya ga, glang ci ga,

教導我狩獵及放陷阱啟蒙者，

suyan maku saʼing ga,

是我的二位哥哥，教授我有關狩獵技巧等，

suyan maku saʼing, naha mholuy kinang musa mluyak,

是他們邀請*(帶)我一起去狩獵，

musa posa toya uy *(uyi), nanau taring kya laga *(lga), kba cu nak *(nanak) posa toya la, ...aw.

也會去放陷阱，啟發了我狩獵技巧越來越趨於成熟，

musa su mluyak uy *(uyi)?...aw.

訪問者:您也會去打獵嗎?...也會去(受訪者)。

mluyak ga maha kenu mluyak heya *(iya)? lalau *(lalu) rasun ta?

訪問者:您也會去打獵嗎*(打獵是怎麼打獵)? 要帶些什麼去? *(要帶什麼嗎?)

rasun...musa ta mluyak ga, maras ta hoying,

攜帶...入山狩獵時要帶獵狗，

piyux hoying rasun,

要帶一群的獵狗， *(狗要帶多些)

ikay(日) musa ga, nizyu(日) saʼing...，

一次入山狩獵就要帶至少20隻的獵狗，

mpusan,

訪問者: 20隻，

mpusan,

20隻，

mpusan ga?

訪問者:是20隻嗎?

mpu saʼing, ...aw.

是的，22*(12)隻狗。※(被防問者說錯話了, 他是要說20隻狗)

hoyin rasun mow *(mu), aw, hoying rasun mu mluyak ga). ?...hoyin yaca.

訪問者:要帶22隻*(的)狗去，是嗎? *(是的)...這些數量的狗*(藥袋去打獵的狗)(受訪者)。

maha kenu?

訪問者:帶狗打獵的方式如何 *(如何)?

taring ci musa mluyak ga,

準備要去入山狩獵之前，*(剛開始打獵時)

halan ta mita ʼra nya ha biyak hey *(hay) ga,

帶狗入山之前，要先去巡陷阱放置的獵場，是否有山豬的腳印及路徑，*(我們要先看這豬的)

mono(日) hani, cyu kya ga, atarasi(日) ga,

若山豬腳印及路經是新的，*(這東西，在還是不在? 路徑是新的)

kimate(日) cyu kya la, hata *(han ta) mita taring,

表示就有獵物經過陷阱區塊的路徑了， *(表示就有了，還要先去看看)

sika ungat ga, ini ta musa *(hay) luyak beh basyow(日) kya uy *(uyi),

若沒有山豬足跡的話，也不需要去那個獵區狩獵了，*(如果沒有的話，也不需要去那個獵區了)

musa khani binah lwey *(loyi), *(aw) sika kyan ga han ta luyak la.

就會往其他獵場去巡 *(了)，*(是的)，有走過的路徑的話 *(有的話)，再去狩獵。

halan mow uyak *(luyak) ga, san mow kenu mita ma kyan biyak?

訪問者: 要怎麼看知道有動物走過的路徑? *(你們去看時，怎麼看才知道有豬?)

halan ta mita ʼra nya, niʼan nya gaci ga, abow *(abaw) ga,

獵人們要去看牠吃過姑婆芋的咬痕顏色，*(我們去看它的、牠吃過的姑婆竽葉子)

labuw ga haca *(ga) cyu maki kya,

若是新鮮白色的咬痕，表示山豬還在附近覓食，*(呈白色的顏色，牠就在那裏)

ini ...wa talah la niʼan nya laga, *(nka)

若是咬痕跡顏色呈暗紅色的話，*(沒有…，若是呈紅色的話)

ini aki kya la, kya wa theya la, biyak haca,

表示牠已經不在這個區域或已經到遠處了，*(那頭豬不在那裡了，已經去很遠了)

nanu han myan moyow ro *(ru) kyan labuw laga,

先去入山巡獵物咬痕若是白色的，*(所以，我們去巡看是否有白色的)

ran *(nanu ʼra) magan rengwa bun myan ʼra la,

就會連絡獵狗的族人準備入山，*(所以，拿起電話打給那些…)

cyu zyunbi(日) hoyin hoyin kyaca *(haca) ga,

獵狗擁有者之族人備妥獵狗之後，*(備妥獵狗的那些)

nanu rasun na *(nya) hoyin la,

帶著獵狗們入山狩獵， *(所以，他就將獵狗帶去)

nanu han myan mluyak *(beh) basyo(日) haca la, maha kaca.

組狩獵團去那個場域去追獵物。*(我們就到那獵場狩獵了，就是這樣。)

kayal cikey ga, kako(日) nya haca?

訪問者:請問這樣的狩獵方式如何?簡述一下*(牠的樣式如何?)。

nanu han luyak ga, rasun kwara hoyin ga,

所以，要入山狩獵是一定*(都)要帶獵狗的，

hoyin maye(日) ga,

在獵狗群裡面，

tugan, saʼing ga,

可能有2或3隻是帶頭的獵狗，

khani mono(日) biyak haca,

先鋒的獵狗會衝去獵場，聞味道追獵物，

nanu heya musa khani taring ru，

是*(所以)這些先鋒的獵狗在前鋒*(開始尋)，

wan na lun laga, ngayu la,

找到獵物後，牠們就會狂吠，

ngayu la ngong, ngong, ngayu hoyin yaca*(haca) la,

那些先鋒的獵狗，在找到獵物處繼續 *(那些先鋒的獵狗就狂吠了旺、旺)

nanu kwara hoyin laga, mluw kya la,

其他的獵狗聽到狂吠聲，迅速地來到現場，*(所以全部的獵狗就跟著那些先鋒狗)

musa*(mwa) mluyk la, wa bhyagun bhyagun*(byagun byagun) nya la, bhyagun*(byagun) nya!

群體獵狗獵物追趕著獵物，甚至於咬住獵物不放!*(去狩獵，追趕、追趕著獵物)

ana ga, biyak hani ga,

在深山裡的動物，山豬是很強悍的，*(但是，這豬呢)

heya ga, lahuy na lokah ci tenah haru,

也是善於逃跑的獵物之一，*(牠是山裡算最會跑的)

ana hoyin ga, ini nya triʼiy bheyow *(bheyaw),

有些獵狗也不盡然都可以追捕的到牠，*(就連狗也追不上牠)

iyet texan ta biyak hani, saʼang ga ini saʼangan!*(saʼang)

也要看*(這頭)山豬的習性，兇悍還是不兇悍!

saʼang ga naga hoyin, ʼran nya cayuw,

若是兇悍的山豬，牠就會在現場等著 *(與)獵狗們一決勝負，

ini saʼang ga musa theya ci, ana hoyin ini nya triʼiy bheyow *(bheyaw)!

若不是兇悍的，牠就會逃跑到遠處，連獵狗也難追捕到!

nanu ...sika myasa unmey *(ume)(日) ga,

所以，若您夠幸運的話，

stna ta saʼang na biyak ga,

面對的是*(若是遇到)較兇悍的山豬的話，

nanu hoyin nizyu(日) haca laga,

此時，那20隻狗蓄勢待發，

naga kya biyak laga, han nya cayuw la,

山豬在現場等，20隻獵狗也來此*(和牠們)一決勝負，

cayuw, cayuw la ro,

一段時間奮戰後，

nanu cyamin*(cami) cyoli laga,

獵人們也跟隨獵狗們靜觀其變，*(因此，我們人就)

magan myan mmyan*(mman) ha*(la), lalow*(lalaw) ru khoni ga, ʼran sonun kya,

準備*(我們拿著)刺刀、獵刀及圓棍*(木棍)製作茅刀*(齊聚向同一方向)，

nanu halan meta la, biyak haca.

獵人們以矛刀刺死那隻山豬*(就刺向那頭山豬了)。

piyux hoyin cyu maha kaca ga, biyak haca haru ga,

訪問者:多隻獵狗在圍捕山豬，

si aki kya na? san mow kenu?

訪問者:您們就在哪裡等候嗎?會怎麼處理?

helow iyet san kmayal ga, helow rapan hoyin heya haru,

訪問者:不是說什麼，獵狗追捕獵物腳程快，

san mow kenu mita ma, cyu maki inu hiyin*(hoyin) cu ro biyak haca?

訪問者:獵人怎麼判斷獵狗及獵物在哪個方位?

pungan myan hoyas hoyin!

我們會聽獵狗們狂吠的聲音的由強漸弱，

ngayuw kya*(beh) yatux laga, ana cyamin*(cami) cyoli ga,

若聽到獵狗在上面的吠聲後，*(我們人)

tenah myan musa myan kya,

獵人們循著聲音跑去現場，

ana ga baʼun myan syokyo(日) nya,

獵人們會知道在哪一個獵場位置，

cyu cayuw, cyu nya ʼran tlahuy*(圍) ga,

獵狗對山豬圍捕狂吠聲的分貝，*(牠們打起時，鬣狗將牠圍起)

haca baʼun*(myan) cyu si aki kya biyak haca, cyu ʼran hoyin la,

我們就會知道山豬*(就在那方向)，*(被獵狗圍攻)

sika wayan cyu si ngayuw , wan ow, ow, ow ga,

若遛*(獵)狗一直狂吠並續追跑獵物的話*(旺旺旺的叫時)，

cyu bheyow na*(bhiyaw nya) , *(nanu)baʼun na*(myan) nanak yokyo(日) nya,

表示還在繼續追捕獵物，我們會知道狀況，

nanu naga ta biyak laga,

因此，等候山豬疲乏無力，

kimete(日) hoyin haca laga,

當然，獵狗還是繼續吠叫*(牠們)，

tekun kya ga, ngayuw kya kwara la ro,

獵人們到*(達)現場之後，*(牠們全部在狂吠)

ngayuw kya biyak la,

山豬也在現場哭嚎，*(山豬就在嚎叫了)

kmat ga*(la) ngayuw biyak uy*(uyi) la,

獵狗咬住*(後)山豬也會狂嚎，

nanu baʼun myan cyu kya*(nya) katun kya biyak haca la,

這樣的狀況*(所以)我們就會知道*(山豬在那方向被咬了)方位在哪裡了，

cyoli musa myan halan meta la, ma hani...ha...ha.

獵人們迅速趕到現場，拿矛一刀刺死山豬，

hoyin hani ga, pisa kawas laga, ʼran ta kunreng(日) la?

訪問者:獵狗們幾歲開始要接受訓練狩獵模式?

san ta kenu mwayow ma, yani kenu no hoyin ga, rasun ta mluyak?

訪問者:我們要怎麼篩選，什麼樣的雛狗值得訓練成為獵狗?

halan ta kunreng(日) hoyin ga!

雛狗要被接受訓練啊!

hoyin ga ʼran ta nanak tkbhoyow*(繁殖) hoyin ga,

也要自己去繁殖獵狗，

hoyin hani ʼran ta nanak tkbhoyow*(繁殖),

獵人要親自繁殖獵狗，

texan ta nanak, aring uyuk texan ta nanak kako(日) nya,

我們自己也要細心觀察雛狗訓練過程的狀況，

rekiru(日) hey*(hay) khani biyak ga, hran myan kya,

可以狩獵的雛狗就留下來，

rekinay(日) laga, biʼan myan cyoli lhangan nya kya la,

無法擔當的雛狗送給別人當寵物飼養，

nanu wa ...mpu byacing laga,

雛狗飼養大約到10個月之後，

taring han myan kungreng(日) la, kwe hoyin!

就要開始帶牠們接受訓練模式，

san mow kenu kungreng(日) kayal cikey?

訪問者:要怎麼訓練獵狗們?*(請講述一下)

lgan nya utux sengmong(日) na mnwah khani biyak haca ha,

讓雛狗們跟著很會狩獵的狗學習(類似師徒制)，

nanu ru langan myan hoyin uyuk haca ro,

優良品種的雛狗會飼養，

yani mpu ga, kwara mpu haca ga rasun myan,

若有10隻是良種的話，就會帶回家開始飼養語訓練，

halan myan mluw sense(日) haca,

會帶牠們跟著獵狗師傅學習，

nanu han myan kungreng...kungreng(日) ru

因此，會去訓練雛狗，

sika wa mita mono(日) laga,

直到獵狗們懂得狩獵之後，

ngayuw la haru, ana kwara uyuk ca*(haca) ga,

全部的雛狗，也會狂吠，

taring uyuk ga, mita mono(日) ga,

未訓練前雛狗尚不懂分辨獵物氣味，*(雛狗還小的時候、看到東西時),

yani hayi ini nya baʼi na haru,

*(還)不知道如何分辨，

nanu ikay-nikay-sankay-yongkay(日)*(lga) kba la,

所以，雛狗經過一次、二次、三次、四次訓練就會了，

nanu haca utux mono(日) bhyagun sense(日) cu*(haca) laga,

大獵狗被訓練之後，*(獵狗師傅就緊追那一隻東西(獵物)後，)

ana uyuk cey*(cahey lga) kba haca cyu ta bhyagun ma,

被訓練的雛狗也會知道怎麼*(牠們在)追捕*(這隻)獵物的方法了，

nanu bsya bsay la haca bhyagun na biyak haca la.

經過扎實訓練後，雛狗也可以獨當一面了。*(過一段時間後、牠們就了解那隻是牠們在追捕的，就會跟著也追捕那頭豬了)

san ta kaca kungreng(日) ga,

訪問者:這樣的訓練方式，

musa pisa byating ini ga pisa kawas, san ta kaca kungreng(日) ku hoyin hani?

訪問者:需要幾個月或是幾年的訓練?

hoyin hani ga texan ta nanak, ʼra nya kako(日) nya ga,

如何分辨獵狗是否勝任，要看雛狗的樣貌，

helow tiyow*(bheyaw) hoyin ga, myasa nguhuw nya, nguhuw texan kwani, nguhuw hey,

優種雛狗要看牠們的鼻子，*(會追捕的狗鼻子會聞，要看鼻子是否嗅覺靈敏、這鼻子)

kba smok hoyin haca ga, kba ci smok la,

嗅覺靈敏的雛狗就是優良品種，

ruma ga hoyin ga oswe(日)...oswe(日),

有些雛狗嗅覺較差*(慢)，

ruma ga utux byacing, saʼing byacing kba la maha kaca.

訓練時間大約一至二個月即可。

mwayow mow thoyey musa mluyak hoyin haca ga,

訪問者:選擇可以狩獵的狗是要如何分辨，

ini ga kalux , ini ga iro(日) ga, san mow kenu mita ma thoyey?

訪問者:或者是黑色的，或是其他顏色，會怎麼去選擇?

thoyey ga, san mow kenu mita?

訪問者:哪些才是適合狩獵的雛狗?

ini myan kita iro(日) heya*(iya), mita myan nguhuw hoyin!

我們不看顏色，而是看雛狗的鼻子，

maha kenu nguhuw nya?

訪問者:牠們的鼻子樣貌如何?

nguhuw nya ga, si gluw gluw sense(日) uyuk haca ga,

若雛狗一直緊緊跟隨著領航狗的話，

haca ga baʼun myan a babow nya musa lokah ci kwani! uyuk hoyin hani, musa tna sense(日) hani.

獵人就會確認這隻雛狗，將來會和領航狗般善於狩獵。

nanu ini gluw, ana ta si sbaʼan ʼmwah ga,

有些雛狗不懂得跟隨領航狗的*(若雛狗不跟緊、怎麼叫牠來、牠還是不來的話)，

ini uwah han su mluw hoyin ga, haca ga ini kba la,

這樣的雛狗就不適用成為獵狗了*(一直沒有來的話，那那隻狗就是部會追捕了)，

ana san su kenu sba uyuk haca ga, i ni kba ga ini kba la.

無論怎麼教牠，還是沒有慧根。

musa mluyak hoyin hani haru ga, nyu mow kungreng(日), lalu kniʼan mow hoyin hani? te helow hayi musa mluyak.

訪問者:這些被訓練的雛狗，餵食什麼樣的食物或方法?才可以盡快去狩獵。

kniʼan...ini usa luyak mayey(日) ga,

餵食...，在還不勝任狩獵前*(在還未去狩獵前時)，

kniʼan myan ʼra tunux welung ha, ngta,

我們會餵食雞頭，

musa myan bayi beh kyahuw hogan ga,

我們會到市場*(下方)購買，

ikay bayi ga, a...400公斤 tunux welung,

一次購買大約400公斤的雞頭，

piyux, yasuy(日) tunux welung hani,

因為，雞頭很便宜，

utux ʼbwan ga yani hyakuyeng-yeng(日),

一包一百元*(一包大約一百元)，

nanu haca kniʼan myan hoyin,

以雞頭餵食雛狗，

haca ga lokah pzing na mani ga,

這樣餵食雛狗才會身強力壯，

ini su kniʼiy ga baʼa lokah musa lahuy uy la, iyet lokah uy ru!

若不精心餵食*(若不餵食)，雛狗怎麼會有體力狩獵!

haca nanak kniʼan mow? ini ga hra rami?

訪問者:只有餵食雞頭嗎*(或著也餵剩菜)?

ini, ini, haca nanak,

*(沒有、沒有)只有餵食雞頭，

thpuyun mow?

訪問者:會煮熟嗎?

(No Record)*(ini, ʼra sluxun cikah)

用稍微川燙一下，

(No Record)*(ini, ʼra sluxun cikah lga ana biʼan la)

燙一下就可以給狗吃了。

haca nanak kniʼan mow ga?

訪問者:只餵食雞頭嗎?

haca nanak, biʼan su kwara hra nniʼun ga,

只有餵食雞頭，若餵食廚餘對獵狗不利，

yaʼeh geriy(日), musa yaʼeh nbwas naha hoyi*(hoyin),

會吃壞肚子瀉痢，

yaʼeh nbwas naha, ʼran cyusa(日) lwey*(loyi),

吃壞肚子還要打針，

baʼun su uyuk ga, mheriy ci pila hoyin hani uy,

你知道的*(你可知道嗎)，飼養雛狗是很花錢的，

aring uyuk bleʼun su 打預防針，

飼養開始*(從小狗開始)就要打預防針，

ʼran su 打預防針ru 趨蟲,

打預防針及趨蟲，

kyan kwara ʼran nya hoyin hani,

有需要注意預防知事宜*(狗都有牠們的…)，

piyux ci ʼran cirow*(ciryo)(日) nya hoyin hani.

也*(這些狗)有許多要預防措施。

utux kawas laga, thoyey musa...kungreng(日) mow utux kawas laga, thoyey musa mluyak la hoyin hani?

訪問者:雛狗訓練一年就可以入山狩獵了嗎?

*(utux kawas ga)ici-neng(日) ga? rekiru(日) la, aw lokah la,

一年嗎?可以入山狩獵了，

baʼun mow mita nanak rkyasan nya , wan mow han kungreng(日) haru, ro thoyey mow maras laga?

訪問者:獵人分辨雛狗，是否可以帶去入山狩獵了嗎?

baʼun myan...,

我們會知道，

thoyey mow maras laga?...aw.

訪問者:可以帶去狩獵了嗎?...是的(是的)。

taring mow mluyak hoyin hani ga, musa pisa kawas thoyey musa mluyak?

訪問者:雛狗開始可以狩獵時，是用狩獵年限是多久?

musa pisa kawas!

狩獵期限可以多少年!

(No Record)*(musa pisa kawas!)

訪問者:可以使用牠狩獵幾年?

bsya ey, ruma ga mpu kawas uy ey,

很久喔!有的狩獵期限可以到十年，

ruma oswe(日) ga mpu kawas,

強壯*(久)的可以到十年的狩獵期限，

bsya ci, ruma ga helow,

有的很久，也有的很期限短，

ruma ga, luyak ta hani ga,

有些獵狗*(我們)在狩獵過程中，

texan hoyin haru ga, musa luyak ga,

也要視獵狗在狩獵過程的狀況，

ruma ga katun biyak haru,

有些也會被山豬咬傷，

ruma ga utux byacing uy ga,

有些一個月就往生了，

ungat uy la hoyin hani, katun biyak haru mhoying la, aw.

因為，被山豬咬死了，視狀況而定狩獵期限*(就會死了)。

musa ta mluyak hani ga, biyak kahun nanak halan ta mluyak? maras hoyin.

訪問者:狩獵只有獵捕山豬嗎?

hoyin ga biyak kahun nanak cyu su sbaʼan,

獵狗追捕方式狩獵，只有訓練獵山豬而已，

sbaʼan su binah na mono(日) ga yaʼeh!

若教牠們獵捕其他的動物是不行的!

nanak biyak kahun ga?...aw.

訪問者:只有獵捕山豬是嗎?...是的(受訪者)。

mluyak ta hani ga, nanak musa ta mluyak?

訪問者:關於狩獵方式，關於狩獵方式只有獵捕而已嗎?

musa ta posa toya uy haru ga, kyan pisa llamu nya toya hani?

訪問者:也放置陷阱的狩獵方式，請問有幾種?

(No Record)*(kyan pisa?)

訪問者:有幾種?

glang ci ga,

最先的是，

kayal cikey ke Tayal?

訪問者:說一下族語說法?

yani hayi ...tugan,

好像有...三種，

tugan ga, kayal cikey ke na Tayal?

訪問者:三種嗎!是說一下族語怎麼講?

utux ga, lela ga, anotoki(日) maki laʼiy cikuy ga,

第一種是，那時我年紀還小，

musa myan ʼra lalu ha, piyit ga,

我們會去放捕小鳥的陷阱，

utux nanak toya piyit uy, oluw haca,

捕小鳥也是一種，捉頸子式陷阱，

aw, kakey, ...aw,

是的，抓腳式陷阱，是的，

kakey toya haca ga,

還有捉腳式陷阱，

snba ta nya bkis uy kyaca,

這些都是長輩們教我們的，

nanu wan myan kba,

我們也熟悉了這二種陷阱，

posan myan tyaba hayi nya mono(日) laga,

若要陷捕較大的獵物時，

utux nanak kyaca lwey toya,

要使用不同的陷阱獵捕，

bolit tyaba kyaca heya la,

陷阱範圍較寬且使用韌性夠的樹枝*(要使用比較大的支撐樹枝)，

khoni ro san nya kyaca mholuy, cyan ta kukho*(kukoh),

拉住樹枝呈弓字型彎度，固定在藤製ㄇ字型機關上，

ro sngyu ga, sngyu tecyu lngu ta kya, *(ru snyu ga, snyu tecyu lngun ta kya)

使用鋼繩綁住樹枝固定在藤製ㄇ字型機關上，

ana ga posa ta toya hani ga,

當獵人要放置陷阱時，

halan ta mita kako(日) lahuy ey*(hey)!

狩獵前要去巡山探勘獵場的樣貌，

ini su bleʼiy mita ga,

若不仔細觀察的話，

ana su mpux*(nyu posa) ga ini hayi cri*(ciri) uy,

就算放置陷阱也是徒勞無穫，

bleʼun ta khani ʼra nya tuʼiy nya ga, tuʼiy sinu hani,

要仔細觀察及分辨獵物的足跡，

nanu wa ta bleʼun ci khani lahuy laga, sinu laga,

若已經仔細觀察及分辨獵物的足跡後，

nanu halan ta bley posa posa toya la ma hani.

就可以依序放置陷阱了。

san mow kenu mita ma thoyey?

訪問者:你們要如何分辨可否放置陷阱之區域?

ini ga mita ta uci nya, ini ga mita ta rapan nya?

訪問者:是要看動物的糞便或是腳印嗎?

san ta kenu mita ma, kwahe ga bitak, kwohe ga mit,

訪問者:如何分辨這是山豬或山羊的腳印?

thoyey ta posa toya? kayal cikey.

訪問者:確定可以放置陷阱?簡述之。

baʼun ci mita rapan biyak ro mit ro para hani,

很容易分辨山豬、山羊及山羌群獸的足跡，

biyak ga tyaba rapan nya heya, ...thoy*(thuy),

山豬的腳印較大且足印較深(胖)，

mit ga, ʼra ruyux, ruyux rapan nya mit heya, moʼon urow*(a) ga,

山羊踏在地上的腳印較細長，

para ga! yani hayi cikuy ci haru, haca baʼun mita.

至於山羌呢!腳印較小，獵人們很*(所以)容易分辨。

ana ga, posa ta toya ga, ini baʼiy,

雖然依照動物體型設置不同陷阱，也不竟然如此*(所以，放置陷阱的時候，不會知道)，

posa ta tuʼiy sinu hani ga,

要看獵物走過的路徑置何種陷阱，*(放置陷阱要看獵物走過的路徑)

ini baʼiy ciri biyak uy, ini baʼiy ciri mit uy,

不竟然，獵山豬的*(陷阱有可能會獵到山豬也有可能獵到山羊)，

nanu tuʼiy haca ga, mhmut halan naha,

放置各類陷阱的場域，動物是不會對號入座的*(那腳路徑，其他動物也有走過)，

ima ʼmwah kya laga ciri la, maha kaca aw.

哪種動物先經過，就是牠被陷阱綁住了。

toya nku...san kenu ʼra kmayal toya ʼran oluw piyit,

訪問者:關於獵捕小鳥頸子及腳的陷阱，

ini ga kakey heya? kenu kmayal ke Tayal?

訪問者: 或是綁腳的陷阱?族語要怎麼說?

ini mu baʼiy uy, llungun mu cikey ha.

我也忘記了*(不知道)，讓我在想想看怎麼說。

wa mu yingyan kmayan Haaguci(日) uy la!

放問者:我也忘記問陳德清耆老了!

oluw utux ga?...aw, oluw.

訪問者:一種是抓頸的嗎?...是的，抓頸的(受訪者)。

ro kakey, ...kakey utux...aw.

抓腳式陷阱，...這是另一種的。

kmiyak kakey hani ga, thoyey musa ciri bayak uy?

訪問者:綁腳式的陷阱也可以綁住山豬嗎?

aw, lokah ey, kangtang(日) nya ciri uy,

是的，很穩固喔!抓山豬綽綽有餘，

maha kenu kako(日) nya ciri nku ʼra biyak kahun heya?

訪問者:抓捕山豬的陷阱樣式如何?

kako(日) nya ga? kako(日) nya ga,

陷阱的樣式嗎?它的樣式是這樣，

musa ta magan wani ga,

製作前先要去拉黃藤，

wani nya kukox haca ga,

彎折成ㄇ字型的樣式，

kleʼun ta nanak kukox haca,

此ㄇ字型的樣式的機關要自己製作，

cyu kya ha kukox mu, haley galun mu!

我有喔!ㄇ字型的樣式的機關。

kwaca ga wa su galun ru,

完成藤製ㄇ字型的樣式的機關後，

kley ta maye(日) ga, texan ta tuʼiy nya,

放置陷阱之前，要先到獵場域看獵物走過的路徑，

henu uwah nya, biya kryax biyak ga,

那*(哪)些是山豬常走過的路徑，

biyak ro mit ga,

*(山豬)或是山羊走過的腳蹤，

no haca tuʼiy nya laga,

確認動物走過的路徑後，

khoyan ta urow haca la,

開始挖掘放置陷阱適當的坑洞寬及深度，

no magan ta kukox taʼan ta kya,

然後，將籐製ㄇ字型機關往陷阱中間固定住，

masu ta taʼan laga,

固定住之後，

mamow picyan ta beh kya ru, *(kyan mamaw nya ga, mamaw nya, ccyan ta kya lga)

取乾樹葉蓋住陷阱中央，*(有鋪蓋的東西，鋪蓋的，放在裡面)

nanu boli laga, ʼran ta sngyu la,

再將鋼繩綁住弓字弧度的樹枝，另一邊鋼繩弄成圓圈狀(綁住獵物)至於陷阱中央處*(再將弧度的樹枝用鋼繩綁住)，

nanu lngun ta la ru,

綁妥固定之後，

nanu mamow(日) nya haca laga, sngyu,

固定圓圈鋼繩處之後*(就將裡面鋪蓋的東西和鋼繩)

mukan ta ʼra la, magan ta abow kiyey ga,

要拿乾樹葉或細樹枝蓋住，

abow ga kiyey nya mukan bawi nya,

要舖*(將乾樹葉)蓋在上面的是乾的樹葉，

nanu masu ta mukan laga, masu la.

掩蓋住之後就完成了。

nanu isyukang(日) myan la ga,

過了一星期之後，

halan ta mita, ini moʼon ga ini poʼon hey.

就要去巡獵場的陷阱，是否有捕獲的獵物踏進陷阱裡。

yani misan ga, 冬天san ta ga,

訪問者:冬天族語是misan，

ʼbagan ga 夏天 haru ga,

訪問者:夏天族語稱'bagan，

misan ro ʼbagan ga,

訪問者:冬天與夏天二個季節的時候，

musa ta posa toya ga, pisa ccyan ta laga, halan ta mita?

訪問者:夏、冬二個季節去放陷阱時，幾天就要去巡獵場?

misan ro ʼbagan?

訪問者:冬天和夏天的二個季節?

misan ga bsya hayi ana halan mita,

冬天的話可以久一些才去巡獵場，

ana isyukang(日) ana halan mita,

可以一星期才去巡獵場的陷阱，

bagan heya laga, ninici-sannici(日) halan su mita la,

至於夏天呢!二~三天就要去看陷阱了，

ini su hey mita ga, mhoing*(mhoʼing) la nanu nhriy uy!

夏天較熱，若不去看的話，獵物容易腐爛也很可惜啦!

nanu bagan hani ga,

所以，夏天呢!

ini hayi posa toya la bagan,

獵人們比較少會去放陷阱，

baʼun nya helow mhoʼing, ana ciri ga mhoing lwey,

因為天氣較熱，獵物易於腐爛，

ini niʼiy uy, nhri

腐臭的獵物也不能吃，可惜啦!

nanu bagan ga, ini hayi posa toya,

所以，夏天比較少會去放陷阱，

misan ga ana bsya hayi kawas nya posa,

冬天的話，放置陷阱的時間較長，

misan ga si baʼi hmon abow posa haru.

從秋天到冬天二個季節。

mnwah su mluyak ini ga posa toya ga, musa su kura inu?

訪問者:您去狩獵過的獵場域，會到哪個區域?

theya ci halan su musa beta inu?

訪問者:您的獵場最遠會到哪裡?

theya ci nwahan myan*(mluyak)ga*(posa toya ga), han myan posa toya ga,

我們放置陷阱最遠的場域是，

y*(c)ani suyan mu ga, saʼing suyan *(mu)beh Hoping,

我哥哥他們的獵場，最遠到花蓮縣和平村深山，

sankaku-ping(日) cu*(a) ga!

三角坪之處!

cyu nya ʼran Tayten(日) yatux cu haca musa kya la,

我們的獵場遠到位於和平往裡台電基地那裏，

alax musa myan kya, posa kya ga,

到那裏放陷阱好辛苦，

theya ci heya tuʼiy nya!

路程太遙遠了(走路)!

xaʼing kwara kakey ey, mʼowix ci,

雙腳疼痛又疲憊不堪，

kahun mamu myan sali,

從家裏起程開始，

sika musa myan mita toya ga,

若要到獵場巡陷阱的話，

gebuw yowzi(日) lhngan laga musa la,

清晨四點就要啟程了，

mluw otobay(日)*(mosa beh) Hoping(日), Hoping(日) llyung haca ga,

騎摩托車從碧候，蜒著台九線到和平溪下游處，

nanu ccyan myan ka otobay(日),

將摩托車留置於和平溪下游處，

khani llyung llyung la ru masu llyung la,

蜒著和平溪下游往上游走，

tʼta lahuy lwey,

還要往山上爬，

a...musa beta sanzyu iki-ro(日) haca,

喔!...要爬到33公里處(開採石礦之地名)，

alax tekun myan kya la ga,

到達目的地之後，

ʼra la, sanzi~yozi(日) ʼlan la,

大約已經是下午三~四點了，

nanu si myan abi kya la,

我們就在那裏過夜了，

nanu cyuxan nya la mita toya la,

隔天，一大早就去巡獵場看陷阱了，

maha kaca, ..ha...ha...ha.

情況是這樣，哈...哈...哈。

iyeyt san kmayal ga, mhowey Yaba Utux kayan ga,

訪問者:若神的庇佑祝福，

piyux wayan ku ciri sinu laga,

放問者:若獵獲物多的話，

san mow kenu panga la, talagey theya halan mow?

訪問者:獵場那麼遠，您們要怎麼揹了?

mey Yaba kansya(日) Yaba mey gey,

若上帝恩寵收穫得許多獵物的話，

ana ga pngan myan lwey ru!

我們還是要揹下山啊!

ru utux hey myan ga, ruma ga panga zyu(日) ey,

一個人可以負重約十隻獵物，

para, mit,

山羌及山羊，

ruma ga biyak ciri laga, utux ci biyak pngan la biya,

若是獵獲物是山豬的話，只能揹一隻山豬下山了，

ana ga, musa beh llyung laga,

但是，走到了和平溪之後，

ccyan myan ʼra la, huseng(日)ga huseng(日),

我們會將獵物放置於橡皮艇綁起來，

aw, cyan myan bawi bhlan myan, lyutun myan ʼsya,

獵獲物放在橡皮艇上面綁好，隨著河流漂浮往下游，

tenah ro halan myan han myan khani bheyow la, maha kaca.

以奔跑的腳程，往下游等候*(追隨)。

ita Tayal ga, mani ta sinu ga,

訪問者:泰雅族可以食用的獵物，

lalu ka thoyey ta mani?

訪問者:有哪些是可以食用的獵物?

thoyey ta niʼun ku sinu hani?

訪問者:有哪些是可以拿來吃的獵物?

sinu ga? para, mit, biyak, yapit ro yibux,

動物嗎?山羌、山羊、山豬、飛鼠及果子貍等，

kwara kyaca rekiru(日) niʼun.

這些都可以食用的。

yani ngarux ro moʼow, ...ini ta kani.

訪問者:像台灣熊、蛇類，...不會吃(受訪者)。

moʼow ga niʼun heya ma moʼow hey,

蛇是可以吃的，

yani bibing ga, ...bibing ga rekiru(日) niʼun,

如眼鏡蛇，...眼鏡蛇是可以吃的，

burow rekiru(日) niʼun yaca uy.

南蛇也是可以吃的。

pnungan su gluwsu, suyan su,

訪問者:從您的親朋好友或是兄長這裡，

musa mluyak ga, kyan ku psani nya?

訪問者:聽聞過入山打獵有禁忌嗎?

aw, kyan ey!

是的，有喔!

kayal cikey!

訪問者:簡述一下!

psani ga!

關於禁忌呢!

pnungan su suyan, ini ga mama ga,

訪問者:無論是從您兄長、叔舅，

ini ga yutas yaki, yutas ima ga kmayal?

訪問者:祖父祖母或是哪位長輩聽聞的?

mayal a..., bkis myan lela ga,

早期，長輩們是這麼說的...，

musa ta posa toya ma,

我們去放置陷阱時，

ruma mhoʼin na sinu ga,

有的獵獲物是已經沒有氣息了*(死掉的)，

ini htuw muyux nya haru, ini niʼiy,

沒有放血的獵物是不能食用，

ini myan kani cyamin heya,

我們是不吃未放血的獵物，

haca kyalun cyamin nya heya, iye*(a) ci kani ma,

長輩們是這樣叮嚀我們，絕對不能吃未放血的獵物，

nanu haca..., nanu mhoʼing laga,

因此，已經無氣息*(死掉)的獵物，

halan myan mey cyoli la,

處理方式是*(就去)送給別人，

myanux ga, galun myan niʼun myan, maha kaca.

活的獵物，是*(就)可以帶回家食用、*(我們留下)。

lalu imi(日) nya kaca, ca mhoʼing ga iyet ta niʼun?

訪問者:為什麼無氣息的獵物不能吃，有什麼樣的意涵嗎?

mhoing*(mhoʼing) ma ga, muyux nya ga maki cka haru,

因為，已經無氣息的獵物的血還在體內，

ana he nya ga talah kwara, yani hayi muyux la haru,

獵物身體也像血液般地呈暗紅色狀，

aw, ini htuw muyux nya, aw.

因為，血液沒有流出體外，肉是呈暗紅色的。

niʼun ta laga, musa mxaʼing imi(日) nya ga?...aw, aw.

訪問者:吃了就會生病之意是嗎?...是的，是的(受訪者)。

no musa mow mluyak, ini ga musa mow posa toya ga,

訪問者:您們去狩獵或是放陷阱，

kyan ta yunang ta haru ga,

訪問者:都有屬於自己的獵場，

kyan ka es nyaga, kyan ku psani nya uy? kayal cikey.

訪問者:都有獵場的界線，這個部分也有禁忌嗎?簡述之。

kayal cikey, maha kenu?

訪問者:簡述一下，有哪一些禁忌?

sika mosa ta utux lahuy ga,

當獵人們去*(一座山時)找尋獵場時，

texan ta cyoli, ruma ga cyu posa kya basyo(日) laga,

也要看這個區域是否已有其他獵者放置陷阱了，

ana ita ga, ini ta haliy posa la,

我們也要有自知之明，*(就連我們自己都不可以在那裏放置陷阱)

ra kwe heya*(kiya) 要尊重 kwani，

也*(這)是做人處世的基本道德禮數，

wa helow heya laga, ini ta haliy musa kya la,

若已經有族人*(先)在此狩獵*(放置陷阱)的話*(我們就不可以在那裏放了)，

musa ta khani binah ita la hani,

也要識相的到其他區域，找尋屬於自己的獵場*(我們要另找場域了)，

hey ga gaga na Tayal ga,

這是泰雅族狩獵的規範要謹守，

mhmut ta kapah laga,

若任意占為己有的話，

ana Yaba kngyun sesyo(日)*(ini pʼes) haru,

聖經也在記載神也不允許我們如此行，

saʼang uy Yaba,

天父也會管教我們*(生氣)，

ana nak cyoli honing(日) haca saʼang uy ru.

將心比心，獵場*(先)擁有者也一樣會生氣的。

kmayal ku bnkis lela ga,

訪問者:有長輩如此說:

ruma bkis, kmayal maha ga,

訪問者:也些長者這麼說過，

yunang ta ga nyu maki che haru,

訪問者:我們的獵場在這個區域，

toya ku cʼoli wa su texan baʼun su ma,

訪問者:您看到別人的陷阱有獵物，也知道是誰的獵場，

toya haca ga toya ima ga,

訪問者:知道是誰放的陷阱，

cu ciri laga, halan ta panga?

訪問者:陷阱有獵獲物，您會去幫忙揹獵物嗎?

ro han ta smatuw cʼoli haca? san mow kenu?

訪問者:揹去給放置陷阱的所有權的族人?

ruma ga, sika baʼun ta toya haca ga,

除非，我們知道陷阱的擁有者，

ana ta galun, han ta mey hongning(日) naha,

我們可以幫忙把獵物揹回部落交給他，

ini ta baʼiy ima cyu cyoli haca ga,

若不知道是誰的獵場的話，

ini ta galiy, si cci kya,

不能幫忙揹，將獵物就放在現場，

halan ta kiku(日) kmayal cyoli ga,

回部落之後，去詢問族人那裏是誰的獵場，

aw, ima yunang kaca, cyu ciri toya haca,

喔!那裏是誰的獵場，陷阱有獵獲物，

cyu ciri mono(日), hey magan san ta,

陷阱有獵獲物，轉知獵場族人趕快去揹回來，

haca han ta kmayal cikey uy,

也要順勢協助轉告，

haca ga baʼun na，

這樣他才會知道有獵獲物，

mhoʼing laga ini nya niʼiy nhri uy,

若不轉知的話，獵獲物腐臭了也很可惜，

sika han ta kmayal bkis naha ga,

除非要告知部落*(別獵人)的長輩們此事，

ima cyu posa toya haca san.

是誰在那區域的獵場放置陷阱。

iyet san kmayal ga, halan nya panga laga,

訪問者:若去幫忙揹別人的獵物帶回部落，

isu nak kmayal haru,

訪問者:這是您說過的，

biʼan sya na utux nhowey?...aw, ʼmwah mey.

訪問者:對方會回饋您一份嗎?...會的，會送一份給我(受訪者)。

kwe ga gaga Tayal uy ga?...aw, gaga Tayal.

訪問者:請問這也是泰雅狩獵的禮儀嗎?...是的，也是泰雅規範之一(受訪者)。

pnungan mu bkis kmayal ga,

訪問者:我曾聽聞長輩們說過，

musa ta mluyak ma ga,

訪問者:入山狩獵之前，

likuy ga ini cring nku ʼra tong tong ma? tong tong knerin.

訪問者:獵人不能碰女人編織使用的器具?

ana knerin uy ga? ini cring...aw, aw,

訪問者:女人也一樣不能碰狩獵使用的獵具?是的，是的(受訪者)。

musa luyak ro ini tring nku ʼra yaʼaya na kwara musa mluyak na yaʼaya mlikuy ga?pnungan su uy?

訪問者:您也聽聞過長輩們說:女人也一樣不能碰狩獵使用的獵具?

bkis heya lela ga maha kaca ha, wa cu mung uy,

早期，長輩們是謹守狩獵規範，我也曾聽聞過，

hey bkis na ʼra na heya,

這是先輩們當時的生活規範，

gaga naha bkis uy ga, ima kba uy la,

此是當時的生活依據與模式，

yani camin seneng(日) micu heya ga,

我們現在年輕一代獵人的思維不同了，

yani camin micu ga, mhmut micu heya la,

現代狩獵的概念*(比較隨興了)跟以前不一樣了，

ana nerin rasun nya mluyak uy la micu,

有些獵人也會帶著妻子入山狩獵，

ʼnyu ʼra kwe la, yani hayi nyu si soʼon kwe laga,

今與昔狩獵思維也有了變化*(這好像都混淆了)，

ini tna raran na bkis,

與先輩們的概念也不同了，

raran ga kyan ʼra naha.

早期，先輩們是謹守泰雅狩獵規範的。

no puting ga,

訪問者:最後再問您，

micu laʼiy ga, iyet san kmayal laʼiy krkyas ga,

訪問者:現代泰雅子弟們，

ini hayi usa mluyak laga, maha kenu knita su?

訪問者:現代泰雅子弟已經不時興狩獵了，您的看法如何?

nyu kyan hoho(日) su musa su mlyuk ru posa toya haru,

訪問者:您有很棒的狩獵的方法與技能，

musa su sbaʼan laʼiy su likuy? ini ga laʼiy ima?

訪問者:您會教授給兒子嗎?或是傳承給別人的孩子?

talagey musa ini kba mluyak ita kwara knbahan na Tayal la? maha kenu lungan su?

訪問者:若泰雅子弟們都不會狩獵的話?您的看法如何?

micu na laʼiy ga, yaʼeh ci sbaʼan micu,

現在泰雅子弟們*(很不好教)，

micu kyalun ta laʼiy, hata rgyax san ta, ini ci usa,

跟孩子們說:我們入山去打獵好嗎?也不會去，

ana san su kenu kmayal ga!

怎麼叮嚀也堅持說:不要去!

ah, calun luyak ma,

打獵沒有前途啦*(有什麼用)!

lela ziray(日) lela kyaca heya la ma,

孩子回應說:那是舊時代的生活模式，

ana ga kyalun mu laʼiy mu heya,

我還是耐心的與孩子們溝通，

ita taring ta bkis ta lela, wan ta nya sbaʼan taring micu ga,

狩獵是長輩們，從早期至今教導我們的生活技能，

mubuy ta maha lungan mu heya,

我的想法是希望傳承並永續先祖狩獵技能，

ana laʼiy, ana kinang, ana laʼiy maku, kyalun maku,

無論是泰雅子弟們、自己及我的孩子們共同齊維繫，

ana ta musa posa toya lwey san mu,

永續泰雅狩獵的技能，

ana ga micu laʼiy ga ini ci sli tiyow lahuy haru,

但是，再怎麼勸勉，孩子們依然不願意學習，

micu laʼiy, nanu ana su san kenu kmayal laʼiy micu,

無論怎麼說*(孩子)也難以接受，

ini ci usa laga, ini ci usa la,

不願意入山也不想學習狩獵技能，

ana laʼiy maku micu hani,

我的孩子們也是如此，

ini ana lahuy ini kba musa.

包括，如何入山的相關知識也不瞭解。

maha kaca knita su ga?

訪問者:這是您的隱憂嗎?

ca su musa mluyak lwey, ca su musa posa toya?

訪問者:依您這樣的感慨之心，為何還繼續狩獵及放陷阱?

lalu inlungan su musa su mluyak ru posa toya?

訪問者:是甚麼樣的意念，讓您持續堅持狩獵?

nyu cu posa toya hey ga,

我為何還是要繼續狩獵，

aring lela ga, bkis ta ʼnyu posa toya haru ga,

泰雅先輩們的生活技能及智慧是優質的，

ini ta laxiy kwani ita Tayal ga,

泰雅族人不應該要放棄要永續，

ini ta laxiy posa toya hani,

別將先祖狩獵技能棄之如敝屣，

cwa ta ini laxiy ga!

為什麼不要放棄呢!

sinu hey ha, ney Yaba uy haru.

深山裡的動物是造物主給人類的恩典。

han ta posa ga!

要去狩獵啊!

wan ta nya biʼan Yaba ga, kansya(日) han ta mani sali,

感恩神祝福賜食物分享給家人們，

biʼan ta sali ta, utux sali ta,

給全家成員食用及分享，

baʼa ta laxan la kwani!

怎麼可以輕易放棄呢!

laxan ta laga, ana babow nya pkani ta mise(日) na syang kwara la ru,

若放棄入山狩獵的話，以後都要吃眷養的豬肉了，

ini ta kani lahuy no mono(日) la,

吃不到山珍野味，

nanu hay lungan mu heya,

這是我的看法也是我所隱憂的，

ana cu laʼiy maku ini kba posa toya ga,

雖然我的孩子們不會放置陷阱，

kinang heya laga, musa cu posa lwey,

我還是會繼續入山狩獵，

kniʼan mu laʼiy mu,

給我的家人及孩子們享用，

ana micu laʼiy mu ga,

一直到目前*(我的孩子們)，

kba ci mani lahuy na mono(日),

孩子們很喜歡吃山上的野味，

ana mhmut niʼun nya, ...aw, bley niʼun ma!

無論是何種獵獲物，...哇!孩子會說好好吃喔!

baʼa su laxan la, ...ha...ha.

我怎麼會放棄狩獵呢!...哈...哈...(滿足地微笑)。

no knita su nanak ga,

訪問者:依您的看法，

cyu su posa toya ro mluyak haru ga,

訪問者:您在狩獵及放置陷阱，

sinu rgyax ro sayng nyu ta saʼanan hani ga,

訪問者:深山的野味及眷養的豬肉，

inu myasa niʼun? knita su nanak?

訪問者:依您的看法，山肉和眷養的肉類哪個比較好吃?

kimate(日)bley ci niʼun lahuy na sinu heya!

當然，還是深山的野味好吃啊!

nanu yaca, lahuy na sinu baley cyu ʼran cyusa(日) ni,

因為，山珍野味不是人工飼養且沒有打生長激素，

ini ʼrey cyusa(日),

沒打生長激素，

mhmut losey cyu mani lahuy no mono(日),

動物群的食物鏈是在大自然裡循環運行，

ana hmut mono(日) niʼun nya ga,

吃的食物都是自然界的食物鏈，

nniʼun naha mono(日) ga, myasa nniʼun naha *(uyi)haru,

動物群吃的都是安全無污染，

ruma ayah niʼun naha,

有些動物是吃乾淨的花草植物，

bway uy niʼun naha,

也*(或)吃森林裡的果物，

myasa kwara mono(日) haca, cyu nya niʼun,

都是吃些無污染的食物，

maci(日) na sinu ga, a...biyak hey ga,

眷養的豬仔是人工飼養的，

baʼun ta, nsaʼan ta biyak ga, ʼran cyusa(日) kwara haru!

眷養的豬隻都是會打生長激素的啊!

ʼran su cyusa(日) ga, helow krkyas uy,

打了之後，讓豬仔快速成長，

ini su ʼrey cyusa(日) ga, oswe(日) hayi haru,

若未打針的豬仔，生長較慢，

kyahuw nya cyoli ga, cyusa(日) ga,

現代眷養的豬仔都是如此飼養的*(城市的人呢、會用打針)，

ca nya ʼran cyusa(日),

會*(為什麼要)打生長激素，

helow krkyas ro helow na bisun, maha kyaca,

縮短飼養期間，可以早些販賣(利潤考量)，

ana ga, niʼun ta hey na biyak kwe ga,

但是，長期食用這樣的豬隻會有後遺症，

naha yama(日) na sinu biyak hani, ini tna,

與深山裡的山珍野味*(山豬)是完全不同，

bley niʼun biyak sinu heya,

還是深山裡的野味*(山豬)比較順口*(好吃)，

kyan ci ʼra na he na ha,

野味的肉質較Q彈且油質較少，*(肉質很有...)

kyan ci a..., san kenu kmayal Tayal haca ha!

比較...，不知道族語要怎麼說呢!(意指非常爽口好吃)

ini tna he naha ru, myasa niʼun he lahuy heya sinu.

二種肉質的口感是不一樣的，還是山珍野味好吃。