- 92
- 0
- 字幕列表
-
E, ngaʼay ho kita o salaikaka各位親朋好友，大家好
-
Kako i, itiniay haw i Singko我呢，是居住在成功鎮
-
I Tomitacay haw ko mako a kahofocan是在重安部落出生
-
O ngangan no mako i ci Kacaw,我名叫Kacaw
-
saka, anini ona mihecaan ako tahanini i mangata to 67say時至今日我已年近67歲
-
San ko harateng miti:kol miharateng hani於今我反覆的思考回憶
-
Itini i,當時
-
misawad tini Kosiyaw mitilid i在國小畢業後
-
a:, mitoʼor to haw to widawidang哦， 就跟著朋友
-
a mifoting去捕魚
-
tayni kita i So-aw我們一起去蘇澳
-
iraay tira ko pifotingan sa cayka hatira也沒有明確說那裏有地方捕魚
-
itini i Singko caka saan也不考慮在成功就好
-
因為 o widang itiniay haw i 北方澳 a mifoting因為我的朋友是在北方澳捕魚
-
mitoor kako我就跟去
-
tayra sa itira haw o misaholoay在那裏的工作是掌廚的
-
kawrira i mikalic tora tamina itira tora no 北方澳 haw i但是，我在北方澳所搭的船呢
-
o mikotangay to kaciki是艘鏢旗魚的船
-
2點tosa ko toki
-
papacem凌晨
-
ʼayaw no kanikaran micokangay to在黎明之前就出港了
-
tiya toranan haw satapangay to a malasang從那之後即開始暈船
-
tahi:ra i picinkangan to siyao直到下午進港時
-
hatiraay haw koni ka pifo:ting no mako itini i北方澳這就是我在北方澳的捕魚生活
-
saka miningtay所以要忍耐
-
tahini to i sepat lima a folad ko pifo:ting itira i捕魚期持續了4，5個月
-
minokay sa tayni i niyaroʼ回到部落以後
-
ʼaloman ko widang有許多的朋友說
-
misiyakay ko ngaʼay sa上工廠比較好
-
mitoor haw kako tayni haw i Taypak haw misiyakay我又跟著到台北工作
-
kawrira i, tayni sa i Taypak misiyakay i可是，在台北工作
-
capakasepat a mihecaan不到4年的時間
-
harateng: sa haw i o mifotingay: to ko ngaʼay sa ko harateng仔細思考後覺得還是捕魚比較好
-
ira aca ko sowal to tayni kita i Kilong恰巧朋友邀我一起去基隆
-
iraay ho ko pifotingan sa ko widawidang說那裏有捕魚的地方
-
mitoor haw a tayni i Kilong mifoting又跟著來到基隆捕魚
-
tayni i Kilong mifoting haw i當我來到基隆後
-
caho ka pifoting i在還沒出港前
-
ʼayaw no ranan i在那之前
-
na tayniay i Kilong a misalama曾來過基隆玩
-
manengneng ko widawidang, manengneng ko mifotingay看到許多朋友，也看到許多漁工
-
watah:非常驚訝
-
maneng aca ko foting itini i lomaʼ no widawidang hiwawa又看到朋友家中有許多魚
-
a, mifotingay: ko ngaʼay sanay ko harateng阿呀，心想還是捕魚好啊
-
saman nawhani怎麼說呢
-
itini i pifotingan itini i Kilong nengnengaw haw i看到在基隆捕魚的漁工
-
hato i kaka:ay no misiyakayay itini i Taypak ko lifon其薪資遠高於在台北工作的
-
saka itiraay a maʼinal ko falocoʼ也因此而心生羨慕
-
saka tay:ni to haw i Kilong所以就來到基隆
-
ya mihatatanam mifoting就開始學習捕魚工作
-
itiya sato haw i同時
-
22say kiya haw hay就在22歲時
-
nokay kako malasofitay我當兵回來
-
tangasa tahini tona 23say kako haw i直至我23歲時
-
paka⌃timay, mikikongay han no niyam o Tomiyac a caciyaw就結婚，重安說法為mikikongay
-
pakatimay han no roma a niyaroʼ其他部落則說 paka^timay
-
tini tona 23say haw i, paka⌃tim在23歲結婚
-
tayni paka⌃tim haw i婚後
-
miliyaw aca kami ato fafahi a misiyakay tayni i Taypak我攜著妻子，再度到台北謀生
-
tosa a mihecaan itira i在那度過2年
-
away haw ko ʼtan沒賺到錢
-
maharateng仔細思考
-
mifotingay ko ngaʼay捕魚似乎比較好
-
iraay ho ko lifon sanay kiya harateng itiya還能夠有存餘
-
to ko tahini to i, e~一直到... 嗯
-
26say26歲
-
tayni kako haw a mifoting我回來捕魚
-
a mitoor haw to widang跟著朋友
-
tayni sa a mifoting haw i, soʼelin to開始捕魚後，說實話
-
nengneng han tini i minato ko tamdaw i saheto: sanay haw o ʼAmis看到碼頭邊的人潮都是阿美族
-
itira to haw a那時
-
samanen haw o minalayay ho kora mako因為我尚在學習中
-
to ko所以
-
tiyanan haw 那一趟 i o tikoli那一趟海的工作是 tikoli
-
17天 ciwnaning ko romiʼad共17天
-
atek i mo⌃tep ira ko falo ko romiʼad micingkangay to或者18天就進港了
-
ira sa kora lifon tora 一趟海 haw i那一趟海的薪水呢
-
roma enem soʼot anca falo soʼot itiya ho在當時，有時是600元或800元
-
hatini pisiyakayan haw i cecay folad lima soʼot若是在工廠，月薪是500元
-
saka harateng: han i仔細衡量
-
o mifotingay ho ko idahi sa ko harateng還是跑船捕魚較為有利
-
mo⌃tep ira ko falo, iraay to ko pito a soʼot falo a soʼot ko lifon只要18天，就有700-800元的薪資
-
tini pisiyakayan Taypak haw,但在台北工廠上班
-
ce:cay a folad ngaʼ , iraay haw ko enem a soʼot ko lifon必須工作一個月才有600元
-
saka, harateng sa i, tini to i Kilong ko ngaʼay a mifoting因此，留在基隆跑船會比較好
-
sa kiya harateng, saka這樣的考慮
-
tayni to haw a mihatatanam就開始學習
-
a malacafay haw a mikalic tona tikoli跟這同伴在tikoli工作
-
soʼelin to, ma後悔yay to ko harateng mikalic tora tikoli做tikoli工作時內心也很後悔
-
saʼelin to, ma後悔yay to ko harateng mikalic tora tikoli samanen說真的做tikoli工作時內心也很後悔，怎麼辦
-
itini pisiyakayang i在工廠
-
romiʼad matayal dadaya ngaʼayay ko fotiʼ白天工作晚上睡眠充足
-
mifoting sa i捕魚呢
-
papacem, awaay to ko selaʼ no hanhan直到凌晨，都沒有休息
-
honi pacakat to salil maherek mipiliʼ to foting一下子要起網 之後還要挑選好魚
-
haw i, a mipacakat to salil mitefad to salil如此 收網下網
-
tokitok: sanay不斷的重複作業
-
malasang aca又在暈船
-
tahini sato i minato i, sapisawasawa:dan sanay haw a mifoting進港後一直想要放棄捕魚工作
-
kawrira i, nengneng han ko lifon i ma⌃edengay to ko katiʼ no lomaʼ但是，看到薪資已足夠支應家用
-
sanay ko harateng a miningtay就只能忍耐了
-
saka tahi:ni i sakasiwa a lingad no niyam haw i所以到我出海作業第九趟時
-
cay kalifanaʼan haw i出乎意料之外
-
tahini sato haw i pi..., toya romiʼad i抵達目的地時，那天
-
taʼangayay ko fali, taʼangay ko tapelik風浪非常大
-
paci⌃e:ci sanay haw ko sinciw a malingad船長執意一定要出港
-
samanen haw i maalaay to ko payci no tawki因為已經拿了老闆的錢
-
niman ca ka miocor ko tawki papipatangic a mi出港老闆當然會強迫我們出港
-
hadidi: sa kami a mi出港我們也只能硬著頭皮出港
-
ca kalifanaʼan突然
-
itini tona pifoting niyam haw i就在我們作業的地方
-
tahi:ni to i tenok no riyar到了大海中
-
taʼangayay ko tapelik paci⌃eci: sa mi下網 mitefad to salil kona iciko浪濤非常大，但第一艘船仍然拋下網具
-
sanay ka sinciw no niyam我們的船長抱怨著
-
samanen沒辦法
-
ecay a sowal i ecayay ko tayal一個命令一個動作
-
hatiraay haw ko demak , saka工作就是如此
-
natefad haw tora salil ko iciko mitaroh to一旦第一艘船拋網後就必須聯合雙拖
-
sepat a tatokian歷時4個小時
-
pacakat tora salil itiya haw i taʼangayay ko fali在起網時，風真的很大
-
kacalemce:man to非常的危險
-
malasangay yaca maotaʼay yaca kako itiya當時的我正在暈船又在嘔吐中
-
samanen 第一趟 saka cecay a lingad因為是我第一次出海
-
itiya sakafalo直到第八~~嗯~~
-
saka siwa a malingad koranan到第九趟的出港的事了
-
to ʼayaw no mira hato: sanay ho taʼangayay to ka ngaʼayay之前的風浪雖然也很大但還可以
-
tahini tona saka siwa hay toni ka pikalic i直到第九趟出海
-
oyanan: to ko lasang ako我暈船的狀況依舊
-
cay ka saan hani adidi: hananay但是又何奈 只能強忍了
-
ca kalifanaʼan taʼangay ko tapelik突然 起大風浪
-
itiya to haw a pacakat ko iciko toni o salil第一艘船開始起網
-
ca kalifanaʼan haw i, ira ko matefaday a sasoʼot不巧有一個繩索掉下來
-
macawpay haw kora iciko第一艘船遭繩索絞到
-
itiya to haw i maraayay ho kami當時我們的距離很遠
-
kaʼaya:way kora iciko kaiko:ray kami第一艘與我們船隻有段距離
-
kalikien tayni: mafelihay to kami sa ko singciw no iciko第一艘的船長說:快來呀，我們的船翻了
-
comikay to kami a miraod我們加速前進過去
-
tahira: sa kami haw i so⌃elinay to我們抵達後，果真是
-
nengneng han kora tamina i看到那艘船
-
padawdaw han a patingto i用電燈照射它
-
hato tako:laʼ ko tamdaw i paraʼ no tiʼpay kafekang no tamina人就好像青蛙般在船底上面
-
ingid han to niyam hiwawa i alamiterote:roc sanay kora singing no iciko當我們靠近時船員們一個個跳上來
-
iraay ko ʼAmis iraay ko payrang有阿美族也有漢人
-
toya tam no iciko itiya那時的第一艘船
-
maherek to haw i之後
-
tahini i ipay haw maingid haw i在一次靠近時
-
mahecad to kami to mirawisay to sasoʼot我們如同在拉繩索一樣
-
cefit cefit han no kaʼayaʼayaw haw a singing前面的船員用拉扯的方式
-
mitengteng kora tamdaw no iciko將前艘船的人拉上
-
ira sa ko sowal no singciw no niyam我們的船長就說
-
kiso, kaikor kiso sataʼangayay你，最魁梧 由你來墊後
-
ira ko mahapelaway niyam i kiso ko mamicepet如果我們有的沒有拉住的，就由你來抓住
-
sanay haw ko sowal na singciw niyam船長這樣的交代
-
tiya kako toranan haw i sa ko sowal haw i sa在當下 既然都這麼說了
-
tayni to kako i kaikor我就到後面去
-
soʼelin naiti:ya haw i, lahe:daw sanay ko lasang ako從那一刻起我暈船的症狀就完全消失了
-
haykeno hani不知為何
-
kafahekaan konian ini真是說來奇怪
-
toyanan to haw i就從那時起
-
kako tora miconpiay to kako to sasoʼot to mahapelaway我開始準備繩索 看有無遺落的
-
mahapelaw nengneng han ako iraay ka cay a singing我看到有一個船員掉落
-
cay ka pidangoy a miraod他沒有游過來
-
nengneng han itini i taliyok no mira i在他身體周圍看到
-
masoʼotay to no mira koni o policiw都綁著玻璃球
-
ngaʼ morawis no kaikor a mingawit mitengteng這樣後面的才可以勾住拉他
-
wa sanay kora singciw no iciko是第一艘船船長的想法
-
toyanan to haw i這時
-
fereten ako ko sasoʼot cepeteng haw kora sasoʼot han ako我拋下繩索叫他拉住
-
talimaamaan sanay , samanen他沒反應，因為
-
awaay ko cay a mata ira他少一隻眼睛
-
misaholoay no iciko kora他是第一艘的伙夫
-
militengay to kora kowaping那老兵年紀也有了
-
hatira to i hiwawa i就在那時
-
ana: matatepex wa sanay kora singciw no niyam船長心想，哎呀~會撞到阿~~
-
koxi: han a miliyas hiwawa i samanen ho就只能立即轉向
-
nengneng han nanay to ako kora malitengay我只好眼睜睜的看著他
-
lahedaw sanay to samanen消失在眼前
-
oya to koranan, o toʼemanay to就這樣，天也黑了
-
taʼangayay aca ko tapelik浪濤也非常大
-
hatiya to lahedaw sanay to就這樣消失了
-
matalaw to ka tatepexan kohi hananay to ko tamina a palaliw milaliw為避免船隻碰撞 就馬上將船轉向
-
hatiraay haw kora demak事情就是這樣
-
malaliw hiwawa i away ho ko towafo sanay離開之後又說大副還沒上來
-
soʼelinay nengneng han ako i真的 我仔細看(海面)
-
pakaikor kako i iraay ini: hananay ako我在後面看到大喊: 他在這裡
-
ko ʼalomanay to setop han nora singciw kora a tamina船長立刻將船停住
-
hay itira to haw a matalaw ka tatepexan no tamina之後 還是很怕船隻會相撞
-
ta kohi hananay haw nora singciw因此船長就一直轉離
-
maherek koranan i這之後呢
-
nengneng han ako i manamateleng kona sasoʼot sa kako我看到繩索有被拉扯而感到奇怪
-
paselaʼen han paselaʼ sa to kora a tamina我跟大家說船停一下，船就停止
-
nengneng han ako i ya 大副 no iciko我仔細看原來是第一艘的大副
-
tengtengen ako我就拉他
-
maherek mitengteng o mamacakat i就快要拉起來時
-
ana: matekong sa matekong aca kora iciko sanay kiya singciw船長說啊~這兩艘船恐將要蹦撞了
-
kohien ho ira mipalinah haw ko tamina paliyas他再一次將船轉彎離開
-
kaorira i但是
-
maliyaway ho kiya towafo maleneng那個大副又再次沈下去
-
ka ngaʼayay hani不過 還好
-
cay ka sawa:deng nira haw kora sasoʼot他都沒有放開繩索
-
mete:met han nora ecay a kamay ira一隻手都緊握著
-
ora ecay a kamay ra i另一隻手呢
-
mifedfedan nira kiya lofoc綑綁著一個袋子
-
o parikoʼan nira是他的行李
-
ano tedalen i: cay ka ngaʼay atek tedalen nira想要鬆脫嗎 可能沒辦法鬆開
-
ciyeko結果
-
adi:di han nira mimetmet haw kora sasoʼot他很忍耐的抓著繩索
-
yanan to haw i就在那時
-
paselaʼ kora tamina ngaʼ tengtengan to ako當船停住後，我開始拉他
-
maneneng to no ʼalomanay ngaʼ大家看到後
-
alapacafacafay sanay haw a mipacakat haw tora tafo紛紛跑來協助將大副救起
-
macakat ko tamdaw haw i人救上來後
-
iraay ho ko sasoʼot itini i kamay ra matatingay手上吊著一根繩子
-
ira sa ko sowal nira他說道
-
aka falahen: iraay ko sasing no fafahi ako不要丟啊，那裏面有我太太的相片啊
-
sanay ko sowal na tafo大副這樣對我們說
-
sa tengtengen niyam kiya lofoc因此 我們拉起綁在繩子的袋子
-
soʼelinay to真的
-
matomesay ya:ca to nanom kora lofoc kare:tengay tengtengen袋子因注滿了水 所以拉起來非常沉重
-
na yanan to haw i在那時候
-
adihayay to ko minanoman nora tafo大副已經喝了很多水
-
a ota: sanay to就一直在嘔吐
-
awaay ko rikoʼ ira tiko sataʼa:ngayay kiso i他沒有衣服，你的身材最魁梧
-
no miso a rikoʼ parikoʼen kora tafo給大副穿你的衣服
-
sanay haw ko singciw no niyam船長這樣說
-
saka pafelien to haw to rikoʼ所以 就拿衣服給他穿
-
to tosa tolo ngaʼ diheko cimira sa讓他穿上2-3件後才暖和
-
teli hananay to iya i kaʼe:no i kikampa就放到最底部的機房
-
patarang to kikay ngaʼ kaliki ma恢復用機器的溫度讓他盡快恢復
-
a mangaʼay malatamdaw kora kaotaʼ ira sanay ko singciw他嘔吐的狀況才會好轉，船長照樣說
-
hatiraay to就這樣
-
ta comi:kay to niyam o nokay o no:kay to niyam kora我們就這樣直接回航
-
comikay ko tamina niyam awaay to ko tanenengan haw no pinokayan船在航行時已沒有航行圖可看
-
cay to ka tayni i Kilong ko nokay tay:raay to i Sinciko我們沒回到基隆反而到達新竹
-
nengneng han i caayay o Sinciko koni sa仔細看後不是(基隆)而是新竹
-
pati:kol ho ko tamina micoʼaʼang haw to tapelik船隻又回頭破浪而行
-
saka tahini i minato hiwawa i所以 當船抵達碼頭時
-
maherekay to haw mafanaʼ ko itiniay haw i minato碼頭已經收到這個消息了
-
o fafahifahi no nora: ʼalomanay haw i許多人的老婆
-
mitalaay to haw itini i minato已在碼頭邊等候
-
samanen haw i因為
-
kali:kiay haw ko sowal hatirahatiraay sa i mafanaʼay to只要有任何消息 傳得非常快
-
nanoyanan haw i mahe:rek to mapaketing那時，船已在碼頭
-
ko tamina i minato haw i綁好了
-
sarakat haw i misiʼayaway ko tawki to 檢查哨首先 老闆先面對檢查哨
-
maherek to i ngaʼay to mahadak to sanay to結束程序後說可以上岸了
-
nengneng han ko laway no militemohay itini i lawac看到在岸邊等候的家屬臉孔
-
militemoh to faʼinay no mira haw i迎接她們的老公
-
ha:to sanay o mararomay全部都是憂愁的
-
mahemekay samanen喜樂的 因為
-
kafanaʼan nangra cecayay ko malahedaway sa就她們的消息只知道有一個人不見
-
o ci:ma ho kiya ko malahedaway sanay被沖走的會是誰呢?
-
kako to yanan haw i至於我呢
-
saiko:ray kako mahadak我是最後一個出去
-
nengneng han ako ya mako a fafahi a pising ira i我看到我老婆的表情
-
mana awa: ho kiya faʼinay ako wa sanay atek她很擔心我的先生怎麼還沒出來
-
itiraay mahapinang haw ko a:在此刻可以感受到
-
no fafahi hananay haw a hinatala老婆等待的心情
-
masadak to kako nanitini i tamina當我從船上出來時
-
watah: ko hemek no pising no fafahi老婆的表情立刻變為喜樂
-
hatiraay haw ko mifotingay這就是捕魚的人生
-
samanen o mifotingay hananay haw i因為跑船的人
-
hato: o malahedaway很多都被沖走
-
aca haw i mahecad to papah有時就像樹葉一樣
-
teli han tini i fanaw若放到湖水中
-
safilofilo: sa cimira它開始漂流
-
samino:kay ho ko tamina mahecaday to o maheraay當船隻靠港時就好像是撿到的
-
maheraay撿回來的
-
sanay haw ko harateng就是這樣的心情
-
hatira:ay haw koni ka pifoting itiya ho以前的捕魚生活就是如此
-
samanen haw i cay to kafanaʼ to lasang kako從那時候我就不再暈船
-
saka misaʼi:cel to kako之後我更加的努力
-
既然 mifotingay to ko ʼorip sa i既然我會一直從事捕魚的工作
-
saʼi:cel sanay to ko falocoʼ a mifoting就全力朝跑船工作來進行
-
samanen maliʼayaway to maneneng ko katalawan因為任何危險都經歷過了
-
o kacaremceman恐懼的事
-
hatiraay to saka因此
-
nanoyanan i malinah to kako tayni haw i kawala這事件後我轉作kawala(甲板)的工作
-
tayni kako i kawala haw i我轉換至kawala 呢
-
ikaka:ay haw no tikoli ko awa no fotiʼ比在tikoli工作時更沒有睡眠
-
no tikoli iraay ho ko fotiʼ在 tikoli 還可睡覺
-
o no kawala awaay ko futiʼ, samanen在 kawala 根本無法睡，因為
-
o ʼafar ko mialaan捕撈的是蝦子
-
roma ta:ling sa itini i 甲板 kora ʼafar haw i有時甲板上堆滿了蝦子
-
satapang to a matayal mipodpod就開始做挑揀的工作
-
tosa tolo a romiʼad haw i有時一次會耗時2-3天
-
kisangen i lima:ay tatokian ko fotiʼ算起來只能睡5個小時
-
hatiraay haw ko nika pifoting, saka捕魚的日子就是這樣，所以
-
samanen o no tikoli i因為 tikoli 的工作
-
ciwhacinic micingkangay18天就會進港
-
no kawala i tolo poloʼ anca tolo poloʼ ira ko lima ngaʼ minokayaykawala 的呢 30-35天才進港
-
tora tolo poloʼ ira ko lima kisangen haw i若將35天計算起來
-
o fotiʼ nora no kawala i cecay lipay aca haratengen睡眠時間總共才一個禮拜
-
hatiraay haw ko kawala hananaykawala 的工作就是這樣，
-
saka maʼetan所以 會賺錢
-
away ko fotiʼ away ko ʼetan沒有睡眠沒有賺錢
-
mahemek ko falocoʼ ira haw ko payso心情很好也賺到錢
-
ira haw ko sakaʼorip no i lomaʼay fafahi家裡的妻小都能有足夠的生活費
-
sanay ko ʼi:cel no harateng心思意念是這樣的堅定
-
saka malinah haw kako tayni i tololo所以 我又轉換至tololo工作
-
tayni tololo i foting ko mialaan在 tololo抓的是魚
-
kalikiay ko no tololo, foting kira因為tololo抓的是魚，所以較快
-
haliki mipodpod i adihayay ko fotiʼ no tololo挑揀的動作快就有較多的睡眠時間
-
caka saan haw i但是
-
patikol ho kako tayni i kawala我又回到 kawala
-
na itini kawala kako haw i patikol tiya pikalican no mako haw i我從 kawala 回到原先所搭的船
-
mafanaʼay to kora singciw no niyam我們的船長明白
-
neneng han nira ko tayal alatek可能他看我的工作態度
-
inanengay atek saka非常的認真
-
ira to ko sowal no mira他就說了
-
roma miheca miseking haw to no singciw haw明年你去考船長執照喔
-
sanay ko sowal na singciw niyam船長這樣鼓勵我
-
hatira ko sowal na singciw no niyam i當船長這樣說後
-
matongalay ko harateng no mako a maolah a mifoting心想著我更喜歡捕漁的工作
-
itiya to haw mafotiʼ ko singciw當船長睡覺的時候
-
mitefing to kako ta 儀器我會操作儀器
-
icowaay to kami no hatini我們現在在哪裡?
-
icowaay hatini:ay ko pitefing na singciw sa現在又是在哪裡?船長就是這樣子的操作
-
itira kalaʼeno no singciw kako mafotiʼ因為我是在船長的下鋪睡覺
-
mitefing kora singciw i mitiliday kako當船長在操作的時候我就開始記錄
-
a oranan: oranan a oniyan ini sa這個是這樣 那個是那樣
-
miwaci sato kako i當我要操作時
-
padeng han ako satapang milikat先關掉，再重新開啟
-
todongan to ako我練習操作步驟
-
ngaʼ mifakeciw kako itini i: cokowi再在桌上測量
-
o, hatini:ay haw ko no singciw hananay sa喔，原來船長的工作是這樣子
-
alaan ako kiya no singciw no mako a mikilokan nira我拿船長所記錄的與我的做比對
-
hatiraay to roma sato mamihecaan i就這樣直到隔年
-
papiseking to ko kaysiya公司就叫我去考試
-
miseking kako haw i cecay a folad masadakay to kora 船長票我考試後一個月，船長票就下來了
-
結果, micokang minokay to kako haw i結果，就出港，當我再回來時
-
papitatoy to ko kaysiya to ecay a tamina公司就讓我掌理一艘船
-
ya mitodo:ngan ako itiya我所有的操作方式
-
mitilidan ako tiya no singciw haw i都是依原船長所寫
-
oranan to ko midoʼedoan ako haw a mi出港完全依照他的操作模式出港
-
hatira:ay haw koni o kapi kalasingciw這就是我當上船長的歷程
-
sepat a mihecaan ko kalasinging ako我做了4年的船員
-
sakalima a mihecaan haw i到第5年的時候
-
malasingciway to kako我考上船長了
-
malasingciw haw i在我當船長時
-
soʼelinay to konian說真的
-
mata no tamdaw i kahengangay sa soʼelinay to好多人都眼紅了
-
ʼalomanay to ko ciwnaninay haw a mifoting許多人已跑10幾年 的船
-
kiso i sepatay ho mihecaan mifoting malasingciw to sanay ko podoh而你只花4年就當船長而心生妒忌
-
hatiraay haw ko no tamdaw a mapodoh minengneng他們這樣子的忌妒我
-
nanoyanan hiwawa i那時起
-
halafin to mifoting持續著跑船
-
tangasa tahini kako haw i大約到當時的
-
hacining 80 mihecaan80年
-
maʼepod to kako a mikalic toni o 基隆的鐵殼船我不再搭基隆的鐵殼船
-
o no marad hananay a tamina是用鐵造的船
-
ciyeko結果
-
malasinging ko ngaʼayay mimowacay心想改換當抓鰻苗船的船員
-
adihayay ko ʼetan sa kiya harateng賺的錢較多
-
nawhani mana i:ra ko harateng ako to sapimowacayaw我為什麼會有想抓鰻苗的念頭
-
sapialaaw to tipay想要買膠筏呢?
-
samanen tini toni kalasingciw no mako haw i因為在我當船長時
-
soʼelinay to adihayay haw ko malitemohay遇到的事情真的很多
-
iray ko cay a romiʼad mitefad to salil有一天我們下網時
-
kinaecay a pacakat haw i第一次起網
-
mahacokay haw koni o rikoʼ o 皮鞋撈到了衣服 皮鞋
-
lalamlam sanay haw to ʼafar to fotifoting混在蝦子與魚堆網內
-
as怎麼
-
makapah kona rikoʼ maka:pah kona koco這衣服很漂亮皮鞋也很漂亮
-
a no singciw no siwsing alatek a singing matefaday有可能是商船的船員掉下來的
-
samanen因為
-
o no tamina hananay haw i船在航行時
-
atek i romakat tini i fatiʼian no lalan可能走在船的邊緣
-
ca kalifanaʼan haw taʼangay ko tapelik masetiʼ i突然來個大浪衝擊
-
masapelaw ko pitatoy toni o ʼadipel no tamina不小心將握著船牆的手鬆脫
-
atek mafaretikay matefad可能因而掉落
-
hatiraay ka kemed no harateng我心中思考著
-
saka itiraay aca a calemcem當下也在擔心
-
nanoyanan to haw i之後
-
sa kinatosa ako a pacakat haw i在我第二次起網時
-
manahatini koni o hanek noni o fali風的味道怎麼不對勁
-
sa kira harateng a:心理疑惑
-
iraay atek mapatayay a rarokoh mapawpaway saho kiya falocoʼ想著 或許有死烏龜飄在海面
-
saka pacakat to to salil再起網的時候
-
mi吊 kiya大副 ako i大副在吊網時
-
iray kiya ecay singing ako其中的船員
-
mitedal tiya sasoʼot haw i在解開繩索
-
powa: say hiwawa漁獲唰下來
-
nengneng han仔細看
-
taʼangangangayay kora hamo hananay捕獲的hamo每隻都非常大
-
ora lomowa hanay a foting就是所謂的錢鰻
-
a:dihayay量非常多
-
nengneng han i ha:nek sanay可是味道非常重
-
caay ka hatini ko no rarokoh a hanek烏龜的味道不是這樣啊
-
mana 很:特別ko hanek no ʼantox noni mamanay ho kiya sa這味道臭得離譜 到底怎回事?
-
hatiraay to neng han to ka singing ako i有船員就叫說
-
o tamdaw sanay是人
-
talarikoray to ko singing ma⌃emin全部的船員全都倒退
-
hay o niyah haw o singciw maʼedeng a samanen talaʼayaw kako我是船長只能硬者頭皮向前
-
ala ho to hoso sasawen ako我拿著水管沖洗
-
mahe:rek misawsaw hiwawa i我清洗完後
-
alaen to ako teli hananay to itini iya i oray我就放在棉被上
-
tafo hananay to用棉被包裹
-
kaorira i mikakoy kako i但我抬起他時
-
away ko kamay away ko ooʼ away ko fongoh他沒有手沒有腳沒有頭
-
kaorira itini i telec no mira haw i但他腰間的皮帶處
-
mahapinangay i kafer no mira matiliday褲頭上清楚寫者
-
sinli姓李
-
litenghoy teli李登輝的李
-
ora ngangan haw nora mapatayay那是死者的名子
-
ao no Taywan to ali sa kiya hareteng itiya心想他應該是台灣人
-
ciyeko結果
-
tafoen to hi maheret to mitafo ngaʼ就馬上包起來，包好後
-
mi冷凍ngan to tayni haw i: pitokican就放到冷凍庫冷凍
-
hatiraay ko demak saka minokay to做好後就馬上回家
-
tahini i minato hiwawa i misaharaterateng to到碼頭後就開始想
-
nengneng han matengil ko ngiha i fali hiwawa i因聽到風聲傳說
-
ngaʼayay ko misamowacayay抓鰻苗很好
-
ecay a mihecaan(folad) i一年(月)
-
matahepo:ay ko no ecay a mihecaan a sikac sanay i可以支應一整年的生活費
-
mimowacay ko ngaʼayay ali sa kiya harateng或許抓鰻苗較有利潤
-
結果 misatengitengil to結果 開始打聽
-
saka tahi:ni tona enem mihecaan經6年的時間
-
pito mihecaan ko kalasinging no mako我做了7年的船員
-
iraay to kora mi:ming tora misopedan已經有一點點的積蓄
-
saka iraay to ko harateng to sapialaaw to tipay就起了要買膠筏的念頭
-
misatipay haw i ngaʼayay han a misamaan改作膠筏可以做任何事
-
mahecaday to samanen i o no tipay a tayal同樣的， 因為膠筏的工作
-
itiniay i lawac no niya hekal是在潮間帶邊緣
-
piciw saho ko kikay i機器若損壞
-
itiniay to i kafekang no tapelik ko tipay可能就停在海浪拍打處
-
tataʼang ko sipon又損失很大
-
ano mafa:naʼ kiso i 你有信心 haw i如果你懂 你有信心
-
roma mihecaan haw i ma:kapah ko demak隔年你就會很順利
-
ano maka:pah ko tayal ngaʼay ko lingad haw i如果做得順利 運氣好
-
ecay dadaya saemaemang sanay haw ko 收入一個晚上的收入有時會有好幾萬
-
ano awa sa i away to如果沒有 就是沒有
-
roma ecay a mihecaan i cangoʼotay: to有時一年的收入還不敷使用
-
hatiraay haw ko no tipay mimowacayay hananay kahirahi:ra no tayal這就是膠筏抓鰻苗的工作 很難預料
-
kaorira i可是呢
-
o no tipay haw a tayal膠筏的工作
-
o dadaya是在晚上
-
5:30 micokangay5:30就出港
-
tahini i dafak 6:00 micingkangay直到早上6:00才進港
-
ngaʼ saromiʼad ko fotiʼ dadaya malingaday整個白天就睡覺 晚上再出航
-
hatiraay kono o misatipayay這就是膠筏的工作狀況
-
ka samanay ko malitemohay toni o kacalemceman若要問有無遇到危險的事情
-
katalawan sanay haw i o dadaya最怕得是因為在晚上作業
-
matokatok ko miwaciay alatek i可能駕駛船的打瞌睡
-
masamaan i masasontol就有可能撞船
-
結果taʼangay ko fali i hatosa: sa tayni hekal a mafelih假設當時風浪很大 可能2艘都會翻覆在岸邊擱淺
-
hatiraay ko no tipay hananay haw a tayal這就是做膠筏的危險事情
-
samanen haw i o mifotingay因此跑船的人
-
cay ko no sotaʼ a miripaʼan haw i不是踩在陸地上
-
masamaama:an haw i不管發生任何狀況
-
mapawpa:way aca i nanom總是在水面上漂流
-
iyof han no fali i anca ka honi ko kikay haw i隨風吹或者機器沒發動
-
renok itiniay haw i hekal也是會漂到岸邊
-
hatiraay haw ko ta:yal haw no mifotingay這就是跑船的工作
-
san ko harateng 所以 tahanini就因為如此 所以
-
ʼayaw haw noni o sepat a mihecaan就在4年前
-
oni ko pika:lic to tipay kahira haw no tayal作膠筏工作經歷了這麼多的事情
-
harateng: han misatikotikol haw i反覆的思考
-
maʼedeng a samanen但是又何奈
-
kita o tamdaw anca ka pisaʼi:cel kita i我們若不努力
-
awaay haw manengneng ko nairaan將不會有所成就
-
ano mato:ka kita i我們若是懶惰
-
away haw ko kakaenen away ko tatemoan就不會有食物 點心
-
sa iray ko sowal no makimaday a faki itiya ho因此 以前耆老都會勉勵
-
o lalok ko piʼarawan o na:neng ko piʼarawan看的是勤勞 看的是努力程度
-
san a sowal no faki itiya ho maroce:kay haw konian耆老這樣的勉勵是毫無疑問的
-
na sanay haw ko mako a pihara:teng toni o no mifotingay hananay這是我在審視我捕魚的人生
-
saka anini sa to到現在
-
pahanhan to休息了
-
misatikotikol to miharateng to no iti:yaay ho a demak haw so⌃elinay to一直回想以前的事情
-
hato malemeday to haw koni kaʼorip itini i sekal我真的是很幸運
-
sa:nay ko mako haw a misadak to no mako to mifotingay我這樣的陳述我的捕魚生活
-
malitengay to sanay ko harateng我現在也老了
-
好好休息sanay haw ko falocoʼ saka心想該好好休息了
-
hatini: sato saka mangata to到現在已快要
-
loko-ciw-nanasay haw koni o ʼorip67歲了
-
hatira:ay haw ko pinangan no pifoting ako itini i Kilong這些就是我在基隆捕魚的人生