花蓮水璉-農耕方式｜口語語料｜原住民族語言資料庫

Hay, ci Atuy ku ngangan nu maku tu nu Pangcah,

你好我的族名叫Atuy。

U niyaruʼ nu maku itini i Ciwidian hananay a niyaruʼ,

我的部落是一個叫水璉的部落，

U Ciwidian hananay a niyaruʼ, u siwidiay han nu hiya nu tamdaw.

人們叫水璉部落叫有水蛭的一個部落。

U niyaruʼ nu niyam adihay ku widi.

我們的部落有很多水蛭，

yu murakat i lalan talaumah,

如果走在田間路上，

tira ruhepit ku widi i kukuʼ

水蛭就會吸黏在腳上

a micepcep tu remes.

吸血。

Anini satu u sapasevanaʼ aku,

此刻我要告知的，

paini tu sakavanaʼ tu niyaruʼ nu niyam tu Ciwadian.

是講述我們水璉部落。

U nikamawmah itini i laku,

在田間的農耕，

u sakamawmah nu niyam tu Ciwidian itini i laku,

在水璉部落田間農耕時，

caay kalecad kiya atu nu enar.

可能與平地區域的方式不同。

Yu wawa hen kami itini i niyaruʼ

當我們還小的時候，

a mawmah tu laku.

要去田間農耕。

U nikalingatu nu nikamawmah,

在農忙時期開始，

misangaʼ tu sasapuran,

就要做好植秧苗的地塊，

misupet tu sakapahay nu sapalangaw tu umah,

並收集最好的稻種，

misiwasiw mipiliʼ tu etah.

要篩選剔除空殼的稻粒，

itiya mangaay ku nipalangaw saan ku suwal nu pasevanaʼay nu matuʼasay

懂此事的耆老說過這種方法才會長出好苗。

U lingatu nu nikamawmah,

要種稻開始前，

misenger tu sapalangaw,

先浸泡秧苗種子，

U dadahal ku umah adihay ku pisenger tu sapalangaw,

農地較廣者就要多浸泡秧苗種子，

i sauwacen ku pisenger.

會浸泡在溪水。

Misenger tu tulu a remiad,

浸泡3天，

tu tangasa i cacay a lipay ku nipisenger,

要浸泡至一星期之間，

tangasa satu ku remiad,

等時間到了，

sudaten tu a patahekal patala i lumaʼ.

就要拿出來放置家裡

a mihemhem tu tulu a remiad,

再悶個3天、

tangasa i lima a remiad,

至5天,

mimelaw tu kamuletuc tu adidi nu langaw.

就要看看苗種子破殼發芽了沒。

Itiya malingatu tu a misangaʼ tu pisapuran tu umah,

此時就要開始行播種前置作業，

Yu itiya tu pisangaʼan tu kaliumahan,

在那時就先做好耕作的動作，

miciris tu ku micirisay.

要做疏水道的人就去做疏水道。

U vavainay ku micirisay,

男生來做田埂疏水圳，

u vavahi malingatu tu a misatarin tu umah,

女生則開始做田埂。

U kalingatuan tu a mawmah saan,

要開始農忙了，

a misangaʼtu tu sapur,

就要整理苗圃，

a mangata tu mivulesak i sawmah,

接近種稻時期就要撒種子。

Itiya mivulesaktu tu sasapuran,

在這時候要撒播種苗了，

u vavainay miciris miciristu tu saumahan.

男生則要做水圳道便於耕作。

Yu mulutuc tu ku misasapuran,

當秧苗發芽了，

ira tu ku tuwid a mipucpuctu tu lutuc nu sapur.

就會有小鳥來叼啄稻田的稻穗，

itiya mivahvahtu tu tuwid.

那時就要揮趕驅離像麻雀類的鳥。

U mivahvahay tu tuwid,

驅趕鳥的人，

u hiya u wawa aca ku mivahvahay tu tuwid,

是由孩童來驅趕麻雀，

itiya a patalaw.

等鳥來時再驚嚇飛鳥。

Misangaʼtu tu sapatalaw aca ku matuʼasay,

長輩也開始製作趕鳥響板，

u wawa misangaʼ ku matuasay tu telatelaʼ,

連孩童大人也在做趕鳥響板，

anu ira aca ku tuwid a mingata palatelaʼen tu.

當有鳥靠近時就觸動趕鳥響板。

U telatelaʼ hananay,

所謂驅鳥響板，

u awul pelaʼen ku awul,

是用剖開的竹子做的，

tu cacay ku tataakay mahanay vitunay ku tataakay.

用一種較粗大的那一種刺竹。

Tataakay a vitunay tataak ku suni,

大的刺竹做的聲音比較大，

anu u ruma sa i, u kangkang suʼuten,

另外則是鐵罐子綁串起來的，

a mipasacacacacay ku kangkang,

由一個一個的鐵罐子，

a caay u hiya u cungal.

但瓶子類是不能用。

Anu ira sa ku tuwid a mingata i,

如果鳥一過來靠近田間時，

ngangihen ku kangkang, u cungal aca,

就搖動鐵罐或是瓶類，

kalingking sa milaliw ku tuwid,

很快的麻雀就飛走了，

a u ayam aca.

或是其他鳥也飛走。

Mahaen ku pisasapur yu itiya henay,

在當時苗圃就是這麼個樣子，

Lingatu satu a maumah tu,

接著就是要農耕了。

Misatarin ku vavahi,

女人就修築田埂，

u vavainay tara tu i Hutin,

男人則去一個叫呼庭的地方，

a milepel tu mipahutinan a rarapa.

去牽放養吃草的牛隻回來。

A mangatatu a kamaumahan,

要接近農忙了，

u sakamaumah nu niyam i Ciwidian,

我們水璉的農耕，

caay kalecad kiya tunu i enaray.

不和其他平地區域一樣。

Yu itiya hen maumah kami i wawa henay,

當時我們雖還是小孩但也要下田。

u rarapa ku sakamaumah nu niyam.

我們是用牛來農耕的

u saʼayaw nu paritiriting tu rarapa a pasakasak.

先前是把牛連牽讓牛在田裡踩踏。

U raang ku cacay, ta u miduduʼay tu raang,

首先是母牛接著是跟著母牛的

tatangasa i tuvur,

是小牛，

pasasuʼusuʼuten amin

全部互相綁住，

ku tangal nu rarapa itini i puhung,

綁在牛隻的頭角上，

itiya a misaliyut tu sakamawmah.

讓牛圍圈來踩踏整地。

Tiya u pisakasak tunu niyam i Ciwidian

那時候我們水璉是採用踩踏方式整田

tu sakamawmah,

來從事農耕，

kay caay kalecad atu enar.

也許與其他平地地區不同方式。

U nu niyam satu,

至於我們，

u kasalaku caay kadadahal ku laku nu niyam,

可耕作的地不夠寬，

masadankaydankay ku hiya ku laku.

水田還像階梯一樣是一層層的狀態。

Itiya u rarapa

那時利用牛隻

ku sakadademak nu niyam a mipasakasak,

用來幫我們做踩踏整地工作。

Pasakasak satu kami,

我們在踩踏整地時

i ruma ira ku remiʼaday,

有的則是在白天做，

ira ku laviiay a pasakasak.

也有的是在晚上踩踏。

Awaay ku nanum nu niyam u Ciwidian,

我們水璉沒有水源，

i ruma satu,

有時候，

kakedadan awaay ku nanum nu niyaruʼ.

乾旱期部落也沒有水源。

Miangang tu sikawasay

那時就會請巫師祈雨，

a tala i vuwak nu nanum,

到有水源頭處去求水，

a mikilim tu nanum a pakaʼurad.

祈求神靈賜予甘霖。

Itiya maʼurad tu, itiya ira ku nanum nu niyaruʼ sakamawmah,

當雨來了，部落才有水源耕作，

u nanum nu niyam u sakamawmah,

我們的水源是用來灌溉農田，

pakatukien.

依時間計時的，

cacay a tatukiyan,

一個小時

u ruma a lumaʼ.

就要另換一家，

cacay a tatukiyan u ruma a lumaʼ.

一小時後就換戶。

Yu ruma u lavii ku nu ruma,

有的時候在晚間換戶灌溉，

kakacungvang nu hiya

他們一直輪流替換

nu kakasisi tu nanum,

分享供水。

u lavii ku kasadademak i umah

利用晚間來從事農耕

pasakasak.

踏踩水田。

Yu pakasakasak satu kami,

當換我們來踏踩田土時，

u matuʼasay

長輩們

micakcak i tepar nu umah,

在田間旁邊鬆土挖地整修，

u ina misataring,

婦女則修築田埂，

u wawa, u mamipasakasak aca ku wawa.

孩童也參與踩踏田土的工作。

Midakaw itini i kulul nu rarapa,

有的會爬在牛背上，

u maradiway remadiw,

愛唱歌的就唱歌，

u ruma satu pasakasak i ruma.

或是去別處踩踏。

Matukatuk materak i umah,

有時因疲勞打瞌睡跌落在田間，

macihi henay nu matuʼasay.

還會挨長輩的罵。

Yu matiya henay,

在當時，

maherek tu pasakasak,

結束踩踏田土後，

lataken tu nu matuʼasay.

再由長者用浪滾木壓平地面。

U latak hananay,

而浪板滾木農具呢，

u nisangaʼan tu tataʼakay a kilang

是用大的木材切割做成

tu masakimulmulay

圓形狀，

a misalatalatak.

做成浪板滾壓(楊桃型)農具。

Tataʼak ku latak hananay,

這浪板(楊桃型)農具很大，

kay caay tu pakamelaw ku aniniay tu a tamdaw

也許現代人已經沒看過

tu latak hananay.

這浪板滾木(楊桃型)農具，

dakawen nu tamdaw i kudukudul ku latak hananay,

要有人踏在農具上面的，

itiya mamuniʼ ku hiya sera.

這時農田泥土就會變軟。

Itiya maherek satu a milatak ku matuʼasay,

當長者完成滾壓把地表整平後

mikarud

就再耙犁，

karuden tu a misakapah,

把地再耙平弄好，

u rengus

而雜草

a pipien a patalasasa.

則要掩埋在土下面。

Maherek satu a mikarud

耙犁好了，

a palilinen,

在用圓木整平,

palilinen tu a mangata tu a mipaenip sa,

地整平後就準備插秧了,

palilinen tu a misaʼenar.

整平使插秧地更平整。

U pipaenip nu niyam u Ciwidian,

關於我們水璉的插秧，

u awaayay ku paysu a micakay tu karireng,

因為沒錢買農用機器，

telengen tu telay a mipaenip.

所以就拉線用來插秧。

pakayni i terung a malingatu

從田中央開始

a mipaenip,

插秧。

U paenipay satu niyaruʼ nu niyam,

我們水璉部落插秧，

u vavahi amin ku papaenip,

會由全村婦女來插秧，

U vavainay

而男性，

u mamikelut tu sapaenip

則用鏟子鏟秧苗。

Murungay tu sapur u vavainay tu,

肩挑秧苗的也是男性來做，

anu caay a wawa ku miurungay tu sapur.

要不然就換孩童挑秧苗。

Urung satu kami u wawa tu sapur itiya hen

小時候的我們在挑秧苗時

awaay ku kucu,

沒有穿鞋，

mahadasi amin,

全部打赤腳，

yu ruma matuluʼ i taritaringan.

有時還會在田埂上滑倒。

Yu mikelut satu ku matuʼasay tu sapaenip,

當長輩在鏟秧苗時，

ira ku mavanaʼay nu matuʼasay,

就會有做事熟練的長者，

misangaʼ tu i-su tu maamaan aca.

製作各式各樣的藝術品，

tu kakaluwaluwa han katawaan a i-su.

做些讓人好笑的陶土藝術。

Yu vavainay u vavahi

製作男樣或女樣的造型，

ku sangaʼan nu vavaʼinay a misangaʼ,

製作是男的在做，

tu matatakecay nu vavahi atu vavainay,

產品有男女擁抱的造型。

Malaluwaluwah sa ku makaaraw tu nu paenipay.

插秧者看到作品就大笑不已

yu ruma satu,

有時候，

anu icuwaan ku papavelien tu sapur,

看看要把秧苗給誰,

sasuwalen nu mikelutay a vavainay

是由鏟刮秧苗的男士，

ku miurungay tu sapur.

交待給挑秧苗的人分送，

kakairaan a vavahiyan haw ku pavelien sa,

每一位插秧婦女都有一份。

yu ruma maala tu nu mialaay tu sapur,

有時候挑苗者看到拿到的作品，

maluwaluwah sa makamelaw tu misangaʼan nu heni tu i-su.

她們看到做好的藝術品大家都笑翻了。

Mahaen ku kalaluwaluwah,

這種歡笑，

nu mawmahay yu itiya hen i paenipan.

只有在插秧時期才聽得到這種笑聲。

Maherek satu a paenip,

插秧好了後，

u piniwaniwan tu,

就要開始拔草，

miniwaniw satu,

拔草時

u vavahi ku miniwaniway ku alumanay.

大多由婦女做這件事。

Anu ira ku lawad nu vavainay,

男士們如果有空,

miniwaniw ku vavainay.

他們也會幫忙。

Yu nikapiniwaniw

在田裡跪膝拔草時,

mapapaliw itiya ku lumalumaʼ.

家家戶戶也都會互助幫忙。

U kasaniyaniyaruʼ mapapaliw,

對於部落之間也相互幫忙，

aniniay satu u nu Hulam mi-huwan-kun han ku nu aniniay.

就現代人來說就叫換工。

Yu itiya henay,

在那時候，

yu maherek miniwaniw,

如果拔草好了，

u vavainay satu,

男士們呢

u tadamaratar milicirekay.

一早就去抓蟲。

tu hiya liumah tu langaw,

當農田秧苗長大後

anu caay licirekayen,

如果不抓蟲，

mahemin nu cirekay ku papah nu tipus,

蟲子就會爬滿整個稻田的葉子，

awaay ku epec saan.

這樣就會很糟糕。

Yu itiya hen,

那時候，

yu musadak satu ku tipus tataʼak tu

當稻米稻穗都長大時

mivahuwitu tu tuwid.

就要趕鳥了。

Misangaʼtu ku matuʼasay tu sapatalaw

長輩們就要開始做趕鳥器

tu sapivahvah tu tuwid.

用來趕走鳥群。

U wawa tu ku ucuren nu matuʼasay,

這時候大人就會交託孩童們，

a tayra i umaumahan

到田間

a mivahuy tu tuwid.

去驅趕麻雀。

U dadahalay ku umah a lumalumaʼ,

對擁有大片農地的家戶來說，

misangaʼtu tu sapipatalaw tu tuwid,

就要開始做趕鳥器了。

miteleng tu telay

開始拉尼龍線

namakawali namakatimul namakaamis,

從東往南在到北

u piteleng tu telay,

這樣圍拉繩線。

Itiya mamitaeliv ku ayam,

這時後飛鳥來了，

matengil nu heni ku kangkang,

鳥聽到鐵罐聲

u pipatalaw tu tamdaw,

也是用來嚇人。

ngangiʼen nu itilaay a wawa.

就由在那裏的孩童們來牽動。

Itiya matalaw ku tuwid, u ayam aca,

這時候麻雀及其他鳥類就會驚嚇，

caay tu katara a kemaen tu lutuc nu panay.

鳥類就不會去吃稻田裡的稻穗。

Yu ruma anu caay patalawen mahemin

有時候若不這樣嚇赫，稻子恐全被吃掉，

papaen nu tuwid ku panay,

稻穗也都被鳥啄食，

awaay ku epuc nu nipalumaan tu panay.

這樣子種的稻子就沒收成。

Sisa, mivahvah tu tuwid itiya,

所以那時候就要趕鳥，

tangasaan santu ku pitipusan.

直到要收割時期。

U pitipusan tu maruhem tu ku tipus,

當稻熟了也就要收割了，

mangata tu ku pitipusan.

接近割稻期。

U kavaliyusan tu yu ruma,

有時會遇到颱風期，

u katalawan nu mawmahay ku valiyus.

此時務農者最怕颱風了。

Tayni cumud han nu valiyus,

颱風來了時，

mapeliʼ tu amin ku tatipusen，

會將把要收割的稻田全部吹倒貼地，

mulangaw tu ku mulangaway.

此時發芽的發芽。

Sisa,

所以，

u remiʼad ku melawen nu mawmahay.

務農者會要看天氣行事。

Yu mitipus satu,

當要收割時，

u vavahi hantu u mamiritrit tu tatipusen.

則由婦女們來割稻禾。

U vavainay ku mikikayay,

男士們就用腳踏脫殼機，

kilemel ku vavainay a mikikay

因為男士們有力

a miripaʼ tu kikay saan.

腳踏脫殼機。

Sisa, u vavainayan amin ku mikikayay,

所以全由男士們踩踏機器，

u vavahi miritrit.

婦女則負責割稻。

U vavainay misiwasiw aca,

有時男士們也會篩稻榖，

emurung aca tu tipus a patalumaʼ.

也會扛稻穀回到家。

Yu itiya hen awaay ku lalan sakatalumaʼ nu makaumah,

在那時候田裡是沒有道路回家的，

u karireng,

會用車子、

u kelakelaʼ,

或用牛車、

u twapay,

或用拖拉板車、

u sapiculuʼ patalumaʼ.

用來載稻穀回家的運具。

Hatini tu ku kungku nu maku,

故事我就講到這裡，

Aray!

謝謝!