人與鯨魚之奇緣｜口語語料｜原住民族語言資料庫

U nipaturduyan nu tuas a kungku : U nika lalitemuh nu tamdaw atu vuting nu liyal.

傳說故事:人與鯨魚之奇緣

U sasasuwalen nu maku anini,

我現在所要講述的

U nipaturduyan nu tuas a kungku

傳說故事

Vangcalay a kaying

漂亮的姑娘

Savuhcal sananay ku nipangangan.

取名潔白無瑕，

ci Madadingu.

玲瓏剔透

Naira kira niyaruʼ,

有一個部落

u saadidiay tu a niyaruʼ,

極微小的部落

sawni sawni lalesiyan tu

時時起伏海嘯

Yu lalisiyan tu

掀起海嘯

manevnev tu ku niyaruʼ.

部落就會淹水

Ira ku limecedan, ci Madadingu ku ngangan.

有一位姑娘名叫

Nawu mahaenay ku lingtu nu demak,

事情的起因

mamaanay hakiya saan amin ku heni.

他們都覺得很奇妙

Araw han

原來

u lalingwan nu demak kina limecedan,

是一位女孩的緣故

Mavleng ku heni u limecedan a min

她們一群少女全部到

talaliyal kita a mihulul saan

我們到海邊遊玩

i vunavunakan kita a mihulul,

我們在沙灘上遊玩

tanu ulah saan kira limecedan a mihulul.

那一群少女她們興致勃勃

Tayira tu ku heni i liyal,

她們就去了

itila ku heni a makakuku.

在那裏追逐

Ci Madadingu ku ngangan nu cacayay a limecedan,

有一位姑娘名叫潔白無瑕，玲瓏剔透

misiteked ku vanges nira,

她的膚質奇特

satumeli saan ku nikavuhcal

白皙透明

mahaen u sadadingu ku tingalaw

猶如明鏡

Yu mapacidal iri,

太陽一曬

salahngang saan a mavunar ku pising.

面瑕紅潤

Vangcalay kina limecedan

這女孩很漂亮

mavunar ku pising.

紅紅嫩嫩的

Itiya satu, araw suwal sa maulah kaku saan

此時原來說是我很喜歡

kira tataakay a babuy nu liyal.

有隻大鯨魚

Mimelaw tu itiya cira

牠正注視著

ci Madadinguwan utemeliay ku vuhcal a limecedan.

牠的眼目正注視著潔白無瑕，玲瓏剔透的姑娘

U ruma ku ulah nira tina limecedan,

牠渴想慕戀這少女姑娘

a sababahiyan nu maku kina limecedan,

非娶這位女孩

mahaen ku nisimsim nina babuy nu liyal.

鯨魚如此想著

Itiya satu

這時候

talumaʼ tu amin ku heni,

她們都回去了

tu cila lalesiyan tu ku liyal.

明天海裡起了海嘯

Mamaan saw kiya hina

為什麼常常

lalesiyan kina liyal?

海裡起了海嘯?

Sani sani manevnev

常常淹水

tu ku niyaruʼ nu mita,

我們的部落

kiya ira saw ku mahaenay

為什麼會有

a nikasadak?

如此的景象

Simahaenay a demak

會有此事

u tumuk nu niyaruʼ

部落的頭目

misimsim tu cira,

他想著

tayiraay may i liyal a mimeraw

去海邊看看

kiya mahaen ku nika tataak nu liyal,

為什麼如此的洶猛

sani sani lalesiyan

海水常常

ku liyal.

起海嘯

simsim saan cira,

他覺得

caay kanca watatayira i liyal,

勢必要親自去海邊

sasasimsim saan cira i liyal,

他在海邊左思右想的

simsisimsim saan

想著想著

kiya mahaen kiya mahaen?

為什麼為什麼

Misimsim tu cira itya,

他正在思想著

vahal saan a masadak ku tataakay a vavuy nu liyal.

突然間那大鯨魚出現

Cekuk saan ku Tumuk.

頭目驚嚇的

Huvaw! U maan ku matiniyay?

哇！這是什麼?

Kiya hatini tu ku tataak nu vavuy nu liyal,

這麼大的鯨魚

kiya makaliyal saw a masadak,

為什麼會從海上出現?

a semuwal tu i liyalay a vavuy nu liyal.

述說著海裡的鯨魚

Semuwal tu kira vavuy nu liyal,

那鯨魚就說了

mapacekuk kira Tumuk,

那頭目驚心動魄

Ha! Kiya mavanaʼ saw

為什麼有會

a semuwal ku vavuy nu liyal saan?

說話的鯨魚呢?

u Tumuk haw kisu?

就說你是頭目嗎?

Hay, han nu Tumukan a pacauv.

頭目回應說是！

U maan saw ku sasasuwalen isu itakuwan saan ku Tumuk,

那位頭目就說:你有什麼指示?

pasevanaʼi kaku.

要告知我

Suwal sa ci Vavuy liyal, ira ku kakaulahan aku

鯨魚就說:在你們

a limecedan i niyaruʼ namu.

部落裡的女孩

Ira ku kakaulahan nu maku a limecedan

我有喜歡的女孩

yu!

喔！

Cima saw han ni Tumuk?

頭目就說是誰?

Ci Madadingu a limecedan saan ci Vavuyliyal

鯨魚就回應說是:潔白無瑕，玲瓏剔透的女孩

u mabunaray ku pising nira,

她的面瑕紅紅嫩嫩的

mapacidal iri mavunartu.

太陽一曬就白裡透紅

Sisa, misiteked ku ulah aku iciraanan

所以！我特別喜歡寵愛她

a savavahien nu maku cira,

她將成為我的妻子

saan ku nisimsim nira,

牠心想著

haenen ni Vavuyliyal a semuwal ci Tumuk tina demakan.

鯨魚將此門親事告訴頭目

Wata!

哇賽！

Macekuk ci Tumuk itiya.

頭目大吃一驚

Cacay ku wawa ni Panay tu vavahiyn,

巴奈就只有一位女孩

U tekdan a wawa tu vavahiyan,

獨身女兒

a hayi: satu a patatihi

怎能許配

i ci VavuyLiyalan?

這鯨魚呢?

A mahayi: satu haw ci Panay?

巴奈會答應嗎?

Misimsim ci Tumuk,

頭目想著

tayiraay tu may,

還是去一趟

a misapinang a suwal.

講清楚說明白

Tangsa i lumaʼ cira, meduk satu a tayira i lumaʼ ni Panayyan.

他回到家時趕緊到巴奈家裡

Panayaw！ Panayaw！

巴奈！巴奈！

saan a miangang i ci Panayan cira,

他喊叫巴奈！

Tayni kisu Tumuk,

頭目你來這裡

sidemak haw isu?

你有什麼事嗎?

Ira ku sasasuwalen nu maku,

我有事要說

itisuwan saan ci Tumuk.

頭目要向妳告知

u maan saw a demakanTumuk, kasumuwal may,

什麼事啊！頭目請說

mavanaʼ haw kisu? Sani sani lalesien tu

你知道嗎?時常有海嘯

ku niyaruʼ nu mita,

在我們部落呢！

anu maturin ku nikahaen

再持續發生

a manevnev ku niyaruʼ nu mita,

我們的部落會淹沒

wa malekup kita.

我們會滅絕

Mamaan saw mahaen saan a palita ci Panay ci Tumukan,

巴奈就問頭目說究竟

u maan saw a dmakan.

是什麼事啊！

Mahaen isaw ku demak natayira tu kaku i liyal,

事情是這樣來的我有到海邊

vahal saan a masadak ku

突然海裡出現

tataakay a vuting nu liyal,

大海魚

suwal sa kira tataakay a vuting nu liyal itakuwan,

那大海魚告訴我

maulah kaku ci madadinguan a limecedan,

我很喜歡潔白無瑕，玲瓏剔透姑娘

a savavahiyen nu maku cira

我必取她

ci madadingu limecedan,

潔白無瑕，玲瓏剔透姑娘

anu caay kamu pisulul iri

如果你們不答應這門親事

a mahae:ntu sansani a

就會常常

lalesien tu

有海嘯

simsim sa kaku

我想著！想著！

amaanen a caay

怎能不把

patangasa tisuwan tinademakan

此事告知妳呢！

sisa tayni kaku

所以我來

u papalitay kaku itisuwan.

就是要問妳

Suwal saan ku ina ni Madadingu

身為潔白無瑕，玲瓏剔透姑娘的母親

Tumukaw, cacay

頭目啊！我只有

ku wawa tu vavahiyan,

一位女孩

cira a cacay ku vavahiyan a wawa nu maku,

她是我唯一的女兒

a maan hantu?

那怎麼辦呢?

anu sulinayay a mahaen,

如果真是這樣

mikadavu ci VavuyLiyalan,

嫁給鯨魚

a cimatu saw ku midiputay itakuwan?

誰來照顧我呢?

A maanen saw nu kaku?

我將要如何是好?

Hayi han nu maku,

我只有順服

nasemuwalay tu itisuwanʼ

表示向你同意了

a maanen naca haen han tu ku demak.

也只能如此做

U nipalimuut a demak ni VavuyLiyal,

將那魚海裡的鯨魚所吩咐

mapatangasaay tu ku suwal nu maku itisuwan.

我的話轉達給妳

u Tumukay kaku,

我是頭目

mahanen kiyami ku suwal nira,

將牠的話語就實話實說了

sisa, ira ku lunguc aku itisuwan tu sakayi tiniyan a demak.

因此，我為這事對妳有所祈求

Caay! Caay! Caay!

不! 不！不！

Caay kaku pisulul tina demakan saan ku suwal ni Panay.

巴奈說著:我是絕不答應這門親事

Caay kaku pisulul tina demakan

絕不答應這門親事

Suwal sa ci Tumukan a

頭目就說

hayi tu i saw

說的也是

sulinaytu cacay ku wawa isu tu vavahiyan,

妳就這麼一位女兒

Anu aku tu i, a caa:ytu pisulul kaku.

換成是我，也絕對不答應的

Sulinay, caay kangarah kaku,

我真的是捨不得

a paramud tu mahaenay a sakaramud,

將孩子嫁給那種對象

u vuting nu liyal,

海裡的魚

saan ku nisimsim nu Tumuk.

頭目的觀感

A maanen hakiya ku kapahay saan,

那將是如何是好

makasimsim ku Tumuk itiya,

就在這時候頭目心想

tayiraaw tu a mikilim tu vuting nu liyal a semuwal tina demakan.

將此事告知還是去找海魚

Tayira aca ci Tumuk a mikilim tu vuting nu liyal

頭目他又去找海魚了

sudat satu ci VavuyLiyal iliyal,

那條鯨魚就出現在海裡

masasaw tumuk mikeda tu haw cira?

頭目她同意了嗎?

Misulul tu haw ku ina ni Madadingu a paramud itakuwan?

她的媽媽願意將她的女兒(潔白無瑕，玲瓏剔透)嫁給我嗎?

Suwal han ni Tumuk, caay pisulul cira

頭目就說:她不同意

u ina ni Madadingu.

潔白無瑕，玲瓏剔透的母親

Cacay ku wawa aku tu vavahiyan saan

表示！我只有一位獨生女兒

mamaan saw?

為何

kiya caay pikilim tu alumanay a malkakaay

不找很多兄弟姊妹

alumanay ku vavahiyan a luma.

女孩多的家人

Kiya caay saw pikilim tu rumaan a tamdaw

為何你不找別人

taynien a mipiliʼ,

來選擇

kaay ira ku kaulahan nu misu.

也許還有你喜歡的人

Nitayiraan tu aku i lumaʼ a sumuwal,

我有親自到府上說了

haenen ni Tumuk a semuwal ci VavuyLiyal tu demak,

頭目如此向鯨魚述說情形

Naway saan ci VavuyLiyal,

鯨魚表示絕對不行

anu caay kaci Madadingu a limecedan,

如果不是潔白無瑕，玲瓏剔透的姑娘

masametek ku suwal ni VavuyLiyal,

鯨魚斬釘截鐵地說

cacay kaseduk ku demak anu mahaen.

事情沒有如此的順利

A lalesiyan tu remiremiad,

每天會起海嘯

sani sani lalesiyan tu,

常常起海嘯

anu mahaen tu

如果常常這樣

a malekep ku niyaruʼ namu.

你們的部落會末滅

A maan han tu saan a maviyaraw ku suwal nu Tumuk,

頭目心裡著急地說:那該怎麼辦呢?

adada tu ku tanga ni Tumuk amisimsim,

頭目想的頭疼

a maanen saw nu maku a midemak?

我該如何做呢?

A maanen hakiya a mikilim aca ci Panayan a iciraan.

如何再去找巴奈跟她說呢?

Tangasa i lumaʼ a maanen a semuwal cira?

回到家如何跟他說呢?

simsisimsim san tayiraay tumay

想著！想著！還是親自

a mitaneng.

試著

Panayaw han nira a miangang.

去！巴奈！巴奈！

suwal han ni Panay, a semuwal aca kisu

巴奈就說了，你又要說

ci VavuyLiyalan,

給鯨魚的事嗎?

saan ku ina ni Madadingu,

潔白無瑕，玲瓏剔透的母親

caay haw kaherek tu a masasuwal.

不是已溝通了

Mahaen i saw,

是這樣

a maanen naca

無可奈何

anu sulinay tu a panutek KU SUWAL

如真是決議了

anu caay pisulul kisu tina demakan

妳不同意這門親事

U awaay tu kita.

我們就如此完了

a mamin tu ku niyaru ita a malasawad,

我們的部落就全村毀滅了

a maan hakiya?

那該如何是好呢?

Mahaen ku suwal ni Tumuk

頭目就如此說

i ina ni Madadingu,

潔白無瑕，玲瓏剔透的母親

caay caay anu mahaen

不！不！如果是這樣

a malekep tu amin kita,

我們全部就會滅亡了

a maleke:ptu ku niyaru ita.

我們的部落也會滅亡了

Mahaen ku suwal ni ina Madadingu

潔白無瑕，玲瓏剔透的母親如此說

caay isaw pisulul tina demakan,

就是沒答應這門親事

sulul han ita ku balucuʼ

她心想還是順從好了

Kaay mapalisuma:dtu ku valucuʼ nira

也許牠會回轉心意

i ngataay nu mita,

我們的鄰近

iran ci vavuy liyalan

那隻鯨魚

kaay kapahtu ku sauripen nu mita

也許我們的生命會轉好

a kapahtu ku niyaru nu mita.

我們的部落會更好

Anu kapah ku niyaruʼ nu mita

如果我們的部落好

a kapahtu ku sauripen nu mita,

相對的我們的生命也會好

u nisimsim a sakalemed ni Tumuk kiniyan.

這是頭目的願景予賜福

Suwal saan ku ina ni Madadingu,

潔白無瑕，玲瓏剔透的母親說

akaa! Caay kaku pisulul.

不！不！我絕不答應

Itiya,

這時候

araw mitengilay ci Madadingu

原來潔白無瑕，玲瓏剔透姑娘

mitakaw a mitengil tu nika sasuwal

在偷偷的聽頭目與母親

nu Tumuk atu ina nira,

的對話

tangasa i labyi.

直到夜晚

Inaaw, sa cira a miangang

她說:媽媽呀！

inaaw!

媽媽呀！

Ira ku sasasuwalen nu maku i tisuwan,

我有話要向妳述說

a masasuwal kita a maluwina hanira sa

我們母女要討論

suwal satu i cinaan nira

她就說了

u maan saw a demakan wawa? Saan ku ina,

媽媽說:什麼事啊女兒?

u maan saw a demakan ku sasasuwalen nu misu itakuwan?

妳有什麼事要向我說呢?

Suwal saan ci Madadingu

潔白無瑕，玲瓏剔透姑娘就說了

inaaw namatengil tu nu maku

媽媽呀！我有聽到

ku nikasasuwal

妳與

nu misu aci Tumuk,

頭目的對話

anu caay pisulul kamu tu

如果妳們不答應

ni karamud nu maku aci vavuy liyalan,

我與鯨魚結為夫妻

a malasawd ku niyaruʼ nu mita,

我們的部落會滅絕

hayi han a pacauv ku sakaramud nu maku aci vavuy liyalan.

妳就答應我許配給鯨魚

A maan hantu kaku?

我該怎麼辦?

Sacacay satu kaku awaaytu ku lalumaan,

我就獨自一人沒有親人了,

a maan hantu?

要怎麼辦?

Suwal sa ku ina nira :

她母親說:

A caay kaku pisulul.

我絕不答應

A siruma haw anu awaay kaku,

沒關係 , 如果沒有我

a luman ku tamdaw

有很多人

mamidiput tisuwan,

會照顧妳

a kapahtu ku niyaruʼ nu mita,

而我們的部落會美好

a alumantu ku tayniyay a midiput itisuwan,

就有很多人來照顧妳了

awu kapahay tu amin.

全都很好

Anu caay pihayi kisu

如果妳不答應

a paramud itakuwan

我嫁給

u niyaruʼ nu mita

我們的部落會

a malekep tu amin.

全滅絕

Mahaen ku suwal ni Madadingu tu ina nira.

潔白無瑕，玲瓏剔透姑娘如此對媽說

Simsim sa ku ina nira ci Panay,

她媽巴奈心想

u suwal nu wawa

女兒說

u sulinaya:ytu,

的也有道理

paiyawan saw

就隨意

tenngil han tu nira

順從她

ku vavahiyan a wawa.

的女兒

A maanen a caay dudui ku suwal ni Madadinu,

(無中文紀錄)Madadingu 的話怎能不順從呢?

Tuwa, hayi: hantu ku Tumuk.

就答應頭目

A maanen aca saan ci Madadingu,

i 潔白無瑕，玲瓏剔透就說這也是無可奈何

u paayaway kaku

我為了

tina niyaruʼan,

這部落

a satanekteken nu mita

我們要

ku niyar tu sakacaay kalekrp.

鞏固部落絕不毀滅

Ayniyan ku rarepetaen nu mita,

我們要有守護此信念

manay hayi hantu,

因此答應

patayraen aca ci Tumukan a milimuut

並吩咐頭目去

a semuwal i ci VavuyLiyalan.

對那隻鯨魚說

Tayiraen tu ni Tumuk i liyal,

頭目就到海邊

sedak satu ci VavuyLiyal

那隻鯨魚就出現

maan sasaw ku demak nu ina ni Madadingu

就對頭目說:事情如何

saan a palita ci Tumukan.

潔白無瑕，玲瓏剔透的母親

Suwal hantu nu Tumuk ci VavuyLiyal,

頭目就向鯨魚說了

haenen nu Tumuk a suwal ku suwal nu ina ni Madadingu,

頭目把實情說

a maanen aca saan ku heni.

她們也很無奈

Anu caay pi hayi,

如果不答應

u hemin nu tamdaw nu niyarʼ

那全部落的族人

a malekep amin kita.

我們全會滅絕

Nika, ayira ku lalungucan nu maku,

然而我有個祈求

i ci

向那隻

VavuyLiyalan

海的的鯨魚

u maan saw ku lalungucen isu saan ci Tumukkan?

就對頭目說:你有什麼請求?

anu sulinay

如果真的

paramuden nu maku cira

我把她許配

tisuwan,

給你

sakapahen, pakatanekteken tu ku niyaruʼ nu niyam

我們的部落要守護、鞏固好。

u nipaluman niyam tu maamaan

我們所種的五穀要

a sakapahen nu misu

風調雨順

akaa tu

絕不

lalesien, a minevnev ku niyaruʼ atu umah,

興起海嘯，淹水部落，田地

akaa tu pilalesi a minevnev.

你絕不興起海嘯淹水

U niyaru niyam

我們的部落

wa taniktiken ku tireng ku nikaurip niyam,

我們的生命要康健起來

u nipalumaan tu maamaan

所栽種的農作物

a masevek ku nisadaka.

要豐盛起來

U nipilunguc ni Tumuk ci VavuyLiyalan kiniyan,

這是頭目向那隻鯨魚，所祈求的願景

hayi san ci VavuyLiyalan tu nipilungucan ni Tumuk.

那隻鯨魚答應頭目所祈求的願景

anu sitatihi tu kaku

如果我有配偶

u nipatatudung tu a nipavavahi itakuwan

已經是我名正言順/明媒正娶的妻子

ci Madadingu.

潔白無瑕，玲瓏剔透姑娘

Sulinay,

真是

u limecedan nu niyaruʼ namu

你們部落的女孩

ku niyaru namu,

部落會很祥和樂業

akaa pakaadihayi ku balucuʼ

叫潔白無瑕，玲瓏剔透姑娘

ni Madadingu limecedan.

不要有太多的憂慮

U vinawlan nu niyaruʼ namu atu isu Tumuk,

你們部落族人和你頭目

isu haw!

你喔！

Isu a cacay ku madengayay a mihayum

唯獨你能安撫

a midiput tu

照顧那位

ina ni Madadingu.

潔白無瑕，玲瓏剔透姑娘的母親

Itiya satu, anu hacuhacuwa icuwacuwa ku niyaruʼ namu, u masasukapahay u lipahakay ku nikauri.

此時你們部落會安和樂利在任何的處境

U caacaayay tu kalalesi,

絕不會再有海嘯

sakapahen namu a maurip, wa midiput tu kami

你們要好好過，現在我們要將

iciraan a ina

照顧那位母親

ci Panay.

巴奈

haenen ni Vavuyliyal

那海裡的大魚

ci Tumuk asemuwal,

如此的吩咐頭目

hayi saan cira a patangasa i ci Panayan.

他答應將此事告知巴奈

Panayaw, nisasuwalen tu aku cira,

巴奈啊！我已經告訴牠了

hayi saan cira.

牠答應了

Anu hayi saan

那隻鯨魚

kisu a paramud ci VavuLiyalan

如果你答應許配

i ci Madadingu u limecedan,

潔白無瑕，玲瓏剔透姑娘

a kapah tuway ku niyaruʼ nu mita,

我們的部落會祥和

u lipahakay u riharayay tu ku nikaurip,

安居樂業

u caayay tu kalalesiyan a malavades,

決不會有海嘯的災情

u nipaketunan a suwal ni VavuyLiyal kiniyan.

這是鯨魚許下的承諾

Anu u sulinayay,

如果真的是

niketen nira

牠能守約

ku nasuwalan nira,

牠所許下的承諾

nika, akaa kisu kalihalaw,

但，請妳不要擔憂

akaa kisu kasidait,

請妳不要掛慮

akaa katalaw.

也不要害怕

A diputen niyam kisu yu! Saan ku Tumuk.

頭目就說我們會照顧妳喔

Akaa haw kawu nu wawaan a nilangatan,

請不要因為妳女兒的緣故

a maanen nu maku a maurip.

我該怎麼過日子

Akaa pisimsim tiniyan u paayaway kita tu niyarʼ nu mita,

為了我們的部落不要有此想法

u wawa amin nu misu ku vinawlan nu niyaruʼ,

部落族人全都是妳的孩子

u masakiyawkiyaway amin kina

這些全都亭亭玉立

limecedan.

的女孩

A sawinaan nu heni kisu saan ku Tumuk

頭目說她們都

saan ku Tumuk,

將妳成為母親

a palcapuen ku tamdaw nu niyaruʼ,

並召集他部落的族人

i kalcapuwan nu niyaruʼ a malcapu.

在部落聚會所聚會

Suwal hantu nu Tumuk kina demak i niyaruʼ,

頭目就將此事告訴部落的族人

maseduk ku nidemakan,

事情的順利圓滿

mahaen ku nipilunguc nu maku,

我是有這樣的祈求

nina babuy nu liyal hanu(??)

這時鯨魚

Anini a patayiraen nu mita

現在我們要將

ci Madadingu limecedan

潔白無瑕，玲瓏剔透姑娘

i liyal

帶到海裡

ci Vavuliyalan.

鯨魚

Nikahaenan nu niyaru nu mita,

那裏！如此一來我們的部落

caay tu kita

我們不會有

kalalesiyan a manevnev ku niyaru.

海嘯！侵襲部落

Nika,

但是

anini awaaytu ci Madadingu i niyaruʼ

現在潔白無瑕，玲瓏剔透姑娘沒有在部落

hantui cina nu Madadingu(??)

潔白無瑕，玲瓏剔透姑娘

u ina nira

她的母親

u hemin

全都是

nu limecedan

女孩

a ina.

的母親

A midiput ku heni tu ina

她們要照顧潔白無瑕，玲瓏剔透

ni Madadinguan limecedan,

姑娘的母親

hayi saan amin ku tamdaw nu niyarʼ,

全部落的族人同意接納

mahaen ku nipaherekan nina demak.

事情的結局是這樣

Namiliyas ci Madadingu i niyaruʼ

潔白無瑕，玲瓏剔透姑娘離開部落

tangasa i nikaedem nu remiad

直到日期滿

Itiya cacay tu a mihcaan,

一年的時候

u sasarahtengan nu heni tu nikatayira

也就是他們紀念將

ni Madadingu a mihcaan,

潔白無瑕，玲瓏剔透姑娘到海裡的日子

itiya satu, u hemin nu vinawlan nu

此時全部落

niyaruʼ,

的族人

tayira i liyal,

都到海裡

a masasuaraaraw,

就如彼此相見

masasuwasuwal

彼此對話

aci Madadingu.

與潔白無瑕，玲瓏剔透姑娘

miaray ku heni ci Madadinguwan

他們感謝潔白無瑕，玲瓏剔透姑娘

anu caay kisu pihayi a talaliyal,

如果妳不同意下海的話

anu caay kisu kahayi a maramud

如果妳不同意下嫁的話

anu caay pisulul ku ina isu tu nikaramud.

如果妳母親不同意這親事的話

Ina niyruʼ nu mita

我們這部落

u manevnevayay tu a malasawad,

即將淹沒消失

a malasawad tu ku niyaruʼ nu mita

我們這部落就會消失

u malekepay tu ku tamdaw nu mita.

我們就消失滅族

Sisa, u lalangatan nu misu ku nipaayaw tu niyaruʼ.

因此！妳是為了部落的緣故

U misudatay nu

妳是我們的

niyam kisu,

救命恩人

kinavalah han nu misu ku tireng a paayaw i tamiyan,

妳為我們犧牲

hayi sa kisu a midudu tusuwal.

(無中文紀錄) 妳願意順服

Pakalipahakay pakariharayay tu niyaruʼ anini,

使我們現在有祥和樂業的部落

pakasevekay tu nikawumahan nu mawumahay.

使我們所耕作的五穀雜糧豐收

Caay tu kanevnev ku icuwacuwaay kiyami,

因為任何各地沒有淹水

sangaleven ku lumalumaʼan nu mita.

甚至我們的住處

Itini kami a miaray a patata

在此我們獻上感恩祭典

itisuwan.

與妳

Kapah kisu dalu,

(無中文紀錄)妳應該很好吧

Madadingu limecedan.

潔白無瑕，玲瓏剔透姑娘

Matiya tu u semuwalay

此時就如海裡

ci VavuyLiyal i liyal.

的鯨魚在說話了

Akaa kamu ka

你們不要

ka sidait.

掛慮

Akaa kamu kaviyaraw.

你們不要驚慌

Akaa kamu ka talaw.

你們不要害怕

Malavavahi tu nu maku

我一旦娶了

ci Madadingu limecedan,

潔白無瑕，玲瓏剔透姑娘

u malemeday tu cira a maurip,

她會過得幸福美滿

sisa, akaa kamu kasidait.

因此你們不要掛慮

U ina ni Madading ku sitekeden a caay

特別是潔白無瑕，玲瓏剔透姑娘

kawu sasidaitan.

的母親妳不要擔憂

Akaa pisimsim.

不要思念

akaa kaadihay ku balucuʼ.

心中不要有太多的憂慮如此神奇的

I sakayi ci Madadinguwan

對於潔白無瑕，玲瓏剔透姑娘

u salipahakay tu cira

她將是快樂無比

awaay kukakalivutan nira

的過每一天且她沒有

tu remiremiad.

煩惱

Awaay ku sasasimsiman

沒有掛念

tu maamaan a demakan.

在任何事上

u nipaketunan a suwal ni VavuyLiyal kiniyan.

這是鯨魚的承諾

U ina ni Madadingu

潔白無瑕，玲瓏剔透的母親

lahekel satu ku valucuʼ nira,

因此她就安心

suwal sa ku ina ni Madadingu

潔白無瑕，玲瓏剔透的母親

Hay, mavanaʼ tu kaku saan, sakapa:hen ku nikaurip nu nanu.

說我會的！而你們也要過得好

a sakapahen ku nikaurip nu wawa nu maku.

也要讓我的女兒過得好

a pasyira i ci VavuyLiyalan.

就對那海裡的鯨魚

Namakayira ii nipaturuyan nu tuas a kungku tangsa anini.

從那件傳說故事到如今

ira henay kina niyaruʼ

那部落尚有，這部落還依然存在著

Mahaen tu ku nikalipahak nikariharay anini.

現依然猶存祥和樂業

aluman tu ku tamdaw nira niyaruʼ

那部落現人數

nira niyaru haw(??)

因此部落

Ina nipatulduyan nu tuas a kungku

這傳說故事

U naayaway a nipatulduyan nu tuas nu kalas nu Pngcah kina kungku.

是過去阿美族先祖耆老所傳說的故事

Sulinay, nayira ku mahenay a demak saan

過去確實有這

Sisa, tangasa tu ku nipakungku itamiyan.

所以！故事的情節，傳說到我們

Caay tu kavanaʼ kunu aniniyay a wawa.

年輕一代的孩子，是不知道的

Sulinay haw, Ira haw ku mahaenay a demak saan ku wawa

孩子就說:確實真有如此神奇的

tu mahaenay a demak?

這樣的事嗎?

Kiya ira saw kira niyaruʼ.

不然怎麼會有那部落呢?

Iraan a niyaruʼ u i

那部落就在

lilisay nu liyal.

海的鄰邊

U maan saw a niyaruʼan kiraan?

那部落的名稱是什麼?

Iraan kiyami u Lidaw han nu aniniyay.

就是當今的東昌(里漏社)

Sulinay caay kita kava:naʼ.

我們真的不知道祖

U kalas nu tuas kina

這是我們先祖耆老的

nipatulduyan nu tuas a kungku.

傳說故事

Sipakaynien i nipatulduyan nu tuas a pasevanaʼ ititaan u wawa.

藉此傳說故事來教導我們這一代的孩子

Sakayi tini i niyaruʼ nu Lidaw,

有關這東昌(里漏社)

kiya ira saw

為什麼會有

ku mahaenay a kungku u nipatulduyan nu tuas?

這樣的傳說故事

Sakayi tini ci Fangcalan

有關如此美的(潔白無業

a limecedan,

的姑娘

ci Madadingu hananay

潔白無瑕，玲瓏剔透

ku ngangan.

因此取名

U dihmayay ku valucuʼ nira,

她性情溫和柔順，

kinavalah han ku tireng a paayaw i tamiyan,

為我們犧牲了自己

pakataniktikay tu tireng nu mita,

使我們身體康健

u sakalipahak nu niyaruʼ.

也因此部落祥和樂業

Sakal nipatulduy nu tuas a kungku,

現在成為阿美族先祖

nu Pngcah anini,

耆老的傳說故事

sapasevanaʼ ititaan u wawa.

來教導我們這一代的孩子