o tomok hananay（剛新光語料採集頭目之權責）｜口語語料

O tomok hananay i,

何謂頭目

adi:hay ko sowal no somowalay,

有很多的說法，

o nipangangan to no Ripon itiya ho san,

說這是日本人的稱謂，

cowa⌃ca ka tatama kina sowal,

這是不正確的說法。

o tomok hananay naiti:ya ho

頭目在很早以前

nanotoʼas iraay to ko tomok hananay,

就設立頭目之名

nikawrira, o malatomokay itiya ho i,

過去當頭目的人

o kakitaan han ko saʼosi, o cihafayay han ko saʼosi,

是一個地位崇高，且是富裕的人。

yan saka o malatomokay a tamdaw i,

當頭目的人

o pimamaan no falocoʼ no finawlan ko tomok hananay itiya ho,

是可倚靠，是部落人可以倚賴的。

ano cipatay, ira ko tomok i, diheko ko falocoʼ

如果家人過世了，頭目過去安慰，喪家覺得受安慰。

ano misangaʼ to lomaʼ, ano masofoc ko cima,

如有人建造房屋，或有人生育，

ano mikikong ko cima, ira ko tomok i, matongal ko lipahak,

或有人結婚，頭目給予祝福或鼓勵，族人感到無比的喜樂

nanay matiyanan a tomok kiso

但願你像頭目一樣

ano matoʼas san to fa⌃lohay a masofoc,

頭目祝福新婦

ano ira ko tomok a papising itini, fa⌃lohay a masofoc.

並祝福腹中胎兒

Yan saka, itini i saopo no niyaroʼ

因此，在一個聚落集會裡，

o tomok hananay, cecay no piʼarawan no finawlan

當頭目的風範

itiya ho ko polong no wayway no malatomokay,

是作為部落人的指標。

yan saka ano cima ko ciʼiloay,

倘若有人犯了部落的規範禁忌，

ano cima ko masamaanay nika lahedaw to maan tiyan haw i,

若有人家遺失了家當，

o tomok ko miterongay to sasowalen

部落頭目來做中立的判定賞罰及裁示。

mahaen aca ko tomok awaay ko cai, naay, awaay ko saanay,

這就是頭目的權責，不能說是不要，不行，

hay ano saasaan sa ko tomok i, mahaenay hatiraay ko malatomokay,

來看待部落的所有。

Yan saka, itini tono holan to a tomok hananay haw i,

在現今的部落頭目呢？

Saka cecay, cin-sen-ling-siw saan, o rarikor kiraan,

第一，是以 “精神領袖”之稱，

o satataʼangay no malatomokay haw i,

頭目權責到底是甚麼呢?

wen-hua-te-hua-sen,

文化的化身，

o nipalatandawan to a likakawa i tireng nangra,

把頭目的稱謂做為一個部落文化人的形象，

o paʼaraw ko to wayway no malatomokay masapinang to ko likakawa no toʼas

顯出在他的身上有先族人文化

ya fonka han, saka cecay koni.

傳繫的承繼者，

Saka tosa no malatomokay i,

第二

o niafofoay nisolimetay to polong lkakawa no toʼas to rayray

做頭目的是攘瓜整個先族人的文化

to nika haenen ko likakawa yasanay a niketonan no toʼas i,

和整個部落文化傳統的規範，

o nihaopay a mi-維護(hadimel) sa ko no holam to raan.malatomokay

華語說維護傳統的人。

Saka tolo i, mi-執行

第三，是執行

o midoedoay a paʼawas a midemak to likakawa no toʼas itiya ho,

是依循先族人傳繫的文化傳統規範，

itini dan midoedoay to awas no likakawa sanay

並導引族人來遵行，

caay ko moraraway yana matamaay caay ko misangaʼay to saka cirawraw,

不至於犯了或違反文化的界線，

o misolimetay saan, orasaka 文化的界線,

是在做文化的推行，

caay ka kahi san 文化的推行,

不卸責推動文化

o nipalosiyangay, o nipaʼayaw, o nipakawananay koni malatomok a hananay,

傳承，帶領，指引，成為頭目的權責。

o sarikoray to kina 精神領袖 hananay

最後，就是所說的“精神領袖”

ya pimamaan no falocoʼ no finawlan saan

成為部落信心之父

o sarikoray to kiraan, hatira ko no malatomokay.

他成為是族人們生活的倚賴和榜樣。

Yan saka, itini i aroʼ no selal itiya ho i,

因此，在聚落的年齡階層裡，

o pimamaan no selal ko tomok hananay.

頭目就以父親的角色，

o taocoran no kalas ko tomok, hananay

即成為族人的橋樑

Yan saka, caay ko mamipacoli, caay ko mamipakawanan to kalas ko malatomokay,

所以，他不可反抗，也不可指使部落的耆老，

nawhani itini i aroʼ no kalas tiyan haw i

因為在部落耆老當中

papina to koya malatomokay itira,

就有幾位是曾當過部落頭目的人，

yan saka, o piradoman no malatomokay to taneng, to fanaʼ ko kalas hananay,

且耆老是頭目吸取智慧和經驗的人，

yan saka, midoedoay to likakawa no toʼas kora malatomokay hananay,

按照耆老維繫傳統文化經驗

yan saka itini i kalas cingra a miradom to likakawa to fanaʼ to sapisaniyaroʼ itiya,

維護部落與傳承。

Nawhani, i laeno no malatomokay i safaw enem ko kasaselal,

因此，在頭目底下的年齡階層有16階級，

ya safaw enem kasaselal tiyan haw i,

在16個年齡層中

ira ko tolo a miheca ira ko cecay a selal,

每一個年階級有3個年份

ira ko lima a mihecaan i, masadak ko cecay a selal,

也有5個年份，

nawhani o tamdaw ko hiningen no itiyaayho patireng to kasaselal,

這要看人數的多寡來組成一個年齡層

caay kini saan i, ano tangasa to i samatoʼasay tora a macakat malakalas tiyan i,

在年長的年齡層中

ano caay to kapapina i, itiya a palowad to fa⌃lohay a selal itiya ho,

人數會逐年減少時，視情況來推算，可成立新的年齡層

mahaen itiya ho, o kalas ko pafeliay to likakawa to pisaniyaroʼ itini i malatomokay,

部落的耆老賦予給頭目的建言與認可，族人依此宣認，

yan mi omidemakay a mipaheci to demak i, o tomok no niyaroʼ,

頭目始可決定宣布，

itini a masadak konika cin-sen-lin-siw han, wa epong han kina sowal,

這就是所謂精神領袖-頭目

o pimamaan no falocoʼ saan,

學習的對象

nikawrira itini ika ʼayaw nira 在他的本身itini i tireng ningra,

就是以身作則

ano caay kaʼaraw ko wayway no likakawa no toʼas,

，倘若在他身上顯不出先族人的樣式

cowa ka tatodong ko tomok,

是不適任的頭目

如果他沒有文化的化身 i tireng ningra cowa ko matatodongay a malatomok,

如果沒有文化的化身是不適任，

yan saka itini i tiring no malatomokay

因此，可見作為頭目的是要展現出

maʼaraw to ko wayway no likakawa no toʼas itiya ho.

族人傳繫文化的重要。

Oromasato, o malatomokay han i,

其次，做頭目的，

mafanaʼ a mirayray to sapi nidemakan no toʼas itiya ho,

就是擅長於傳繫傳統文化，

icowa caira a miʼaradom hakini miaraw cingra to niʼayaway to nikalatomok,

隨時就教於先前一任的頭目，

mitengil cingra to pikawanan no kalas

聽聽部落耆老們的建言

itini i aroʼ no kalas ira ko sapalengaw itira

闕取飲水思源耆老們的智慧語言，

itini i aroʼ no kalas ira ko aisidan itira

取之不盡的能力

itini i aroʼ no kalas tiyan haw i, ira ko afedoʼay itira,

耆老們中有許多有能的

yan sa itira a miradom ko malatomokay

因此，作為頭目領袖需委身

to fanaʼ nira to taneng nira to todong to sapisaniyaroʼ, hatira.

這些都是作為建構部落的真髓。

Yo waw sako cima no finawlan tiyan haw i

當部落人吶喊歡呼時

ano pakiliyoh to cecay ko sowal no tomok,

若遇見部落火警，頭目得在此時說一些慧言

icowaay a salal ko niaʼolay,

哪一個年齡層做砍竹子，

icowaay a selal ko miowayay

哪一個年齡層採黃藤

icowaay a selal ko mikilangay, icowa a selal ko mieliʼay

哪一個年齡層筏木，哪一個年齡階級砍芒草

o tomok ko mipakilacay to demak,

都是頭目來做分配及宣告。

tiya mailoh anini ko lomaʼ no mailohay ko lomaʼ, tiyan haw i,

部落人家因火燒家損失家屋

cila tosa romiʼad

隔天，就是第二天

masangaʼ to ko lomaʼ nawhani pekpek han no finawlan a niraod a misangaʼ,

向族人為受災戶齊心齊力協助建屋，

icowa a mitengil to sowal, cecay a sasowalen no malatomokay,

頭目要動員部落各個年齡層做下達指令，

hatira ko tatodong no malatomokay itiya ho,

這是頭目的責任，

ano cima ko citerepay sa matefad ko cima sa,

若有人上山摔落山下

icowa a selal ko tatodongay a mikilim,

要哪一個年齡層去救援，

o tomok ko nipafeliay to tayal kiraan

是頭目指派

ma⌃emin ko itiyaayho maalol ko maalolay a mikilang

或其他因素造成人員失蹤

matfad ko matefad i ltok ano mioway

前往山區採黃藤，不慎跌落山谷

ano nimaan, maemin ko demak no niyaroʼ itiya ho,

整個部落人的大小事，

yan saka o tomok ko pakilacay to demak i kasaselal

唯有頭目做分派給各年齡層

hatira ko tatodong no malatomokay.

全權由頭目指派來完成

Oroma sato, ano ciʼilo ko cima,

另外，有人被譴責

ano komaen ko kolong nira to pinaloma nira to lasay nima saan i,

他家的牛侵入吃他人的農作，

o tomok ko midemakay, miterongay to tatodong no hacowa ko sapatodong asa,

部落頭目來居中協調，及定奪罰則，

caay katatodong to nikas naira mimaan ko hoing han itiya ho,

盡可能或避免訴諸法院。

awaay, pakayni i cecay a saopo, cecay alapit, o todong no sakalec no malatomokay itini i niyaroʼ,

部落的每件事都得經過頭目的居中賞善罰惡，

hatira ko tatodong no malatomokay,

這就是部落頭目的權責

mamin nima ano matakop to no adada, itini i pala ko cima waw… saan itiya haw i,

如果部落某人發現在山上農作時發生意外，

o tomok ko citodongay a miocor miala patalomaʼ

頭目及時的傳喚部落人前往去搭救，

hatira ko demak no malatomokay itiya ho.

這也是頭目隨時掌握及機動性。

tangasa ka ilisinan i o tongos no dmak no demak no ilisin itiyaayho

在每逢部落逢年節

itini i kamay no tomok a maselsel kofana ,

整個豐年節流程頭目做能掌握及號召力

naw hani enem ko safaw no radiw, yan saka, itini enem ko safaw no radiw itiya

期間的豐年節裡要具備有16首的歌舞，

malatomokay han mafokil to cecacecay i, caay katatodong,

身為頭目在這16首歌舞連一首歌都不會唱

maedeng limalima, saʼawaayay, tolo ko kafanaʼan no malatomokay to radiw,

至少要有5首歌。首先頭目要先唱3首歌，

yan sa mikieciw ko malatomokay, ano cecay, tosa, maedengto,

唱完1首、2首來引起眾人進入最高點，

⌃ca ka matomsa ko malatomokay, awaay cecay to kafanaʼan cowa katatodong san ko matoʼasay,

如果頭目連一首歌都起不了歌舞，這有點對耆老及族人不悅，

o miselselay to radiw enem safaw aca, itini i malatomokay a miherek itini i salalomaʼ no kasaselal,

更要有指導每一個年齡階級中唱些甚麼歌；

mamin nima ko mafanaʼay madiw I kasaselal,

階層中有人會領唱

ano fafahi to o kasaselal tiya haw i, masadak to ko fafahi mafanaʼay madiw,

女性的年齡層裡可請她們來吟唱，

o ina nira ko mafanaay a madiw mama nira mafanaay a madiw

這家族父母親很會唱領唱

ira paratoh i malatomokay ko todong no mamirayray to nika tangasa to i kailisinan

這些都是在舉行豐年節前就要做好支配安排的事了。

enem ko safaw ko radiw

呈現的歌需有16首

caay ka tomerek, i satapang tangasa i paherekan,

交替的輪流唱著

ano tolo ko dadaya, ano tolo ko romiʼad,

若是三天三夜

cakai ano cecay to a lipay tiyan haw i

甚至一星期之久

ira a makakotakotay ko mikieciway,

歌舞在年齡層中交替輪唱

ira a marayray ko enemay ko safaw a radiw no pangcah itiya

16首歌舞傳唱至今

tangasa i kasaselal i enem ko safaw no selal,

16個階層依然存在延續

ano tangasa i tomok enem ko safaw no opih ningra, yan saka,

頭目的華冠有16片羽毛

o tatodong no malatomokay han i,

當部落頭目領袖

⌃ca ka awaay kako tinian, i nian ko hanako ⌃ca ka o mamipiliʼ cingra to demak sakitini niyaroʼ,

他是被部落人推舉的頭目，

ano patay to , ano kalipahakan to, ano kararimaan to,

無論部落人有喪事，有喜慶的，有困難的，

malatomokay to yaan haw i, caka pitef to tayal ko malatomokay, hananay

做頭目的不因有事情忙著而不顧部落人的事，

yan saka o tomok hananay tiyan haw i, o pimamaan no falocoʼ no finawlan kinian,

他是成為部落人的“父親”，

ano caay ho katahira ko tatodong no malatomokay, ⌃ca ka tatodong cira a malamama no niyaroʼ,

倘若他沒有讓族人得到慰籍，

⌃ca ka tatodong cira a paimamaan no malafalocoʼ no finawlan, hatira ko malatomokay.

他就失去了部落頭目的角色扮演。

O romasato, itini kasatomok no niyaroʼ

其次，在各個部落的頭目裡

maemin a mimaan ko sasipalafang tangasa i palafang no kasa niyaroʼ

頭目與頭目之間的互動及意見交換

tiraan i, o tomok ato tomok a malalicay to maanen ita ko saka laliay no kasaniyaroʼ san,

怎麼樣建立部落間彼此的友好，

yan kasalaliay no niyaroʼ tiyan todong to sapiarac to ʼada itiya ho,

在彼此友好的關係上怎麼樣齊來合心合力的抵禦外族人的欺負，

ciʼadaay kita to romaay a finacadan, itiya ho, ano Taloko to, ano Iwatan to,

如是太魯閣族人、或布農族人，

masaocaocayay itiya ho, nawhani o kasasiʼada itiya ho i, cowa ko kalipalaan ho a cecay,

在過去的先族人是不斷的受侵略而起來反抗，當時並不只是為了土地的事來爭搶，

ano piadopan to, ano pisinafalan to, ano pikilangan to,

有的是獵區相互的侵佔衝突，有的是為了採集植物的，有的是為了伐木的爭奪，採集黃藤時，

ano pieliʼan to, itira ko sakacitodong a malaʼalaw to ranaay a finacadan itiyaʼayho

採集茅草時，彼此間便引發衝突。

o niyam a pala koni saan ho ko cipalaay itiya, no toʼas tiyan i,

因此，部落間就彼此的協調及劃清界線。

ano tahira kita a mitepa a mioway, caay i mieliʼ tiyan i, ano caay ka tatodong wa masasoʼada,

如越界因此發生極大的擾亂

yan saka, masasiʼalal ko kasaniyaroʼ no masa niyaroʼay itiya ho. kita kita o Pangcah

族人成為一家人，不畏懼其他攻擊

tangasa to i kailisinan toyaan haw i, patakos to patakosay, sato

阿美族人，每到豐年節慶時

yo talaʼayaw ko patakosay, ira ko tosa lipay a mitotic ko mama no patakos itiya ho,

有一個傳達訊息的儀式，在年節的前二週，部落青年幹部，

nawhani mitokong nani fataan patangasa i Tafalong,

主要是宣告部落將舉行一個重大年節，表示部落的團結，將具有傳統文化傳達馬太鞍到太巴塱部落，

wata ko raay, ano nai Tafalong a tangasa i Cingaloan i wata ko raay,

當時的距離相當的遠，從太巴塱部落到鳳信部落，

nai Cingaloan tangasa i Cirakayan wata ko raay, ano itini to Cihafayan wata ko raay,

或從鳳信部落到山興部落，

na ira mimaan ko paliding itiya ho, ra:kat to nikawria tini i fatad no lalan I no awaayto ko ada I fatad no lalan i

當時沒有交通工具，徒步行進來回，在這路程中為了傳達訊息的目的，一方面也注意外族人的侵犯突擊，

ano caay kacitodong ka sapititic a mipakawanan ko malatomokay,

這主要是一旦完成了部落頭目賦予的大使命。

kahi a patangasa ko patakosay, yan saka malatomokay

頭目等候傳達報信息的青年

tahiraen ko pakawanan nira to sakitiraan i patakosay a mititicay a tamdaw, maanen ko mititicay a patangasa, hatira kiraan.

所有事務的進行由頭目發號司令

O raomasato, adihay ko masidaay a masamaanay to ko rayray no matoʼasay,

先族人留下來的傳統文化習俗逐年的減少而流失，

itini i malatomokay a mikilim to matoʼasay a malatomokay itiya ho,

頭目可請益有智慧的耆老

caay pisawad cira toromiʼmiʼad

不虛度片刻學習

ano ira ho ko dawad nira to pinapina to tatokian tayra to a milicay,

直到領受耆老賦予的大使命

inito kako mama, tayni kako, milicay kako,

頭目告知耆老我來的目的

itira i falalat, itiraan a saʼowac maam han kiraan a milicay

他不可怠忽，倘若遺忘了一些，總是要就教於部落耆老的提示，

caay kaemin kina sowalen no malatomokay ko maamaan ko salicay no milicayay

其實，族人有許多疑難雜症要請示部落頭目，

yan saka, o sasowalen no holan yaw-syi-wen,

所謂華語稱要學問

minanam cira to salicay saan, yan saka, ano maan to ko licay no milicayay i,

意即他要學習他所請示的語言或事，

ano caay ko maminanam kiso i, o maan ko sapacaʼof iso,

有人請事你而回答不出時

saka itira ko malatomokay na no cifanaʼ saca cowa ka hatira,

你當要有智慧的語言來解答人的問題，這事做部落頭目所要具備的。

o minanaman to no malatomokay ko adihayay a nanamen,

有人請示，有一個滿意的回應解答，

mafanaʼ ciira pacaʼof to pilicay no milicayay, yan saka syi-wen han no holam.

這就是學問之華語說。

Yan saka, o malatomokay i, aka pitolas a minanam,

做頭目的，不可間斷的學習，

o malato mokay hananay i akapitolas a mikiadaw to hahiningen

當側耳傾聽先族人所走過的，

hiningen ko masamaamaanay ʼawas no finawlan,

要有敏銳的觀察力

ano maʼaraw iso ko rarimaay mapadesay i, kiso malatomokay, kiso ko mamiterong,

一旦看見軟弱無力的人時，

o sakitira samaanen ako, sakitini samaanen ako,

環顧部落所有的地方

ano caay ka saan ko malatomokay cakatatodong ko pidmak nira to pacaof to licay no milicaay

頭目就是要扶助及很公正的善處。

o romasato tini i kahicecay no parod maemin nima ko kahacecay no parod,

另外，在每一家庭裡有問題

mato sawal no holam cya-cya-yo-pen-nan-nien-te-cin sanay

華語說：家家有本難念的經。

ano mitengil haw i, tomok hatini ko pades no paro no lomaʼ niyam, hatini ko roray no paro no lomaʼ niyam,

向頭目傾訴家庭的遭遇與困境，

ya saan a milicay i, malatomokay ano caay ho ka fanaʼ a pacaʼof,

頭目得要有相當的智慧解決家庭的疑難雜症，

o cima to ko mamihedal to rarom no falocoʼ,

有誰能夠協助

o cima to ko mamihayom to roray no falocoʼ no paro no lomaʼ

解開及安慰家庭的苦境，

inian ko citodongay saka, o tomok hananay i, o piradoman no finawlan to fanaʼ

這就是強調部落頭目具備的條件，

o pilicayan no finawlan to masamaamaanay kapadesan ko tomok hananay,

族人們一旦有任何事時可當作取水或取經的倚靠者，

ta itira to nika pimamaan no falocoʼ no finawlan ko malatomokay a saan.

是部落族人的教父。